ადგილობრივი მოსაკრებლების შესახებ

  • Word
ადგილობრივი მოსაკრებლების შესახებ
დოკუმენტის ნომერი 1401
დოკუმენტის მიმღები საქართველოს პარლამენტი
მიღების თარიღი 29/05/1998
დოკუმენტის ტიპი საქართველოს კანონი
გამოქვეყნების წყარო, თარიღი პარლამენტის უწყებანი, 21-22, 14/06/1998
სარეგისტრაციო კოდი 210.020.010.05.001.000.360
კონსოლიდირებული პუბლიკაციები
  • Word
1401
29/05/1998
პარლამენტის უწყებანი, 21-22, 14/06/1998
210.020.010.05.001.000.360
ადგილობრივი მოსაკრებლების შესახებ
საქართველოს პარლამენტი
ყურადღება! ვერსია, რომელსაც ამჟამად ეცნობით, არ წარმოადგენს დოკუმენტის ბოლო რედაქციას. დოკუმენტის ბოლო რედაქციის გასაცნობად აირჩიეთ შესაბამისი კონსოლიდირებული ვერსია.

კონსოლიდირებული ვერსია (24/07/2006 - 29/12/2006)

კანონი

ადგილობრივი მოსაკრებლების შესახებ

ეს კანონი, საქართველოს კონსტიტუციისა და „მოსაკრებლების სისტემის საფუძვლების შესახებ“ საქართველოს კანონის თანახმად, განსაზღვრავს ადგილობრივი მოსაკრებლების სახეს, ოდენობას, შემოღების წესსა და მოსაკრებლების გადამხდელთა უფლება-მოვალეობებს.

თავი I

ზოგადი დებულებანი

    მუხლი 1. ადგილობრივი მოსაკრებლის ცნება

ადგილობრივი მოსაკრებელი არის აუცილებელი გადასახდელი ადგილობრივ ბიუჯეტში, რომელსაც ფიზიკური და იურიდიული პირები იხდიან ადგილობრივი თვითმმართველობის (მმართველობის) ორგანოს მიერ განსაზღვრული ვადით ან უამისოდ, კანონით გათვალისწინებული საქმიანობის განხორციელების ან/და სარგებლობის უფლების მინიჭებისათვის, აგრეთვე ადგილობრივი თვითმმართველობის (მმართველობის) ორგანოს მიერ გარკვეული მომსახურების გაწევისათვის.

საქართველოს 2006 წლის 24 ივლისის კანონი № 3503 -სსმ I, № 35 , 03 . 08 . 2006 წ; მუხ. 259

    მუხლი 2. კანონმდებლობა ადგილობრივი მოსაკრებლების შესახებ

საქართველოს კანონმდებლობა ადგილობრივი მოსაკრებლების შესახებ შედგება „მოსაკრებლების სისტემის საფუძვლების შესახებ” საქართველოს კანონისაგან, ამ კანონისა და სხვა ნორმატიული აქტებისაგან.

    მუხლი 3.    ადგილობრივი მოსაკრებლების შემოღებისა და  ბიუჯეტში ჩარიცხვის წესი

   1. ამ კანონით დადგენილი წესით ადგილობრივი მოსაკრებლების შემოღების, გაუქმებისა და მათზე შეღავათების დაწესების უფლება აქვს ადგილობრივი თვითმმართველობის (მმართველობის) წარმომადგენლობით ორგანოს – საკრებულოს.

2. ადგილობრივი მოსაკრებლების შემოღების, გაუქმებისა და მათზე შეღავათების დაწესების შესახებ საკრებულოს გადაწყვეტილება მოქმედებს მხოლოდ მისდამი დაქვემდებარებულ ტერიტორიაზე და ვრცელდება ყველა იქ მცხოვრებ ფიზიკურ და განლაგებულ იურიდიულ პირზე, გარდა კანონით გათვალისწინებული შემთხვევებისა.

3. ადგილობრივი მოსაკრებლები გადაიხდევინება წინასწარ, ადგილობრივი თვითმმართველობის (მმართველობის) ორგანოს მიერ გადამხდელისათვის კანონით განსაზღვრული საქმიანობის განხორციელების და/ან სარგებლობის უფლების მინიჭებამდე. პასუხისმგებლობა გადახდევინებაზე ეკისრება ადგილობრივი თვითმმართველობის (მმართველობის) ორგანოს შესაბამის სამსახურს.

31. ადგილობრივი თვითმმართველობის (მმართველობის) ორგანოს მიერ გარკვეული მომსახურების გაწევისათვის ადგილობრივი მოსაკრებელი გადაიხდევინება მომსახურების მთლიანად ან მისი ნაწილის მიღების შემდეგ, ადგილობრივი თვითმმართველობის (მმართველობის) წარმომადგენლობითი ორგანოს მიერ დადგენილი წესით.

4. (ამოღებულია).

5. სახეების მიხედვით ადგილობრივი მოსაკრებლების დიფერენცირებული ოდენობა, გადახდის პერიოდულობა და ვადა დგინდება ადგილობრივი თვითმმართველობის (მმართველობის) წარმომადგენლობითი ორგანოს გადაწყვეტილებით.

6. ადგილობრივი მოსაკრებლები გადაიხდება ადგილობრივი თვითმმართველობის (მმართველობის) წარმომადგენლობითი ორგანოს მიერ დამტკიცებული ინსტრუქციების შესაბამისად.

7. ადგილობრივი თვითმმართველობის (მმართველობის) წარმომადგენლობითი ორგანოს მიერ შემოღებული მოსაკრებლები მთლიანად ჩაირიცხება შესაბამის ადგილობრივ ბიუჯეტში.

8. ადგილობრივი თვითმმართველობის (მმართველობის) ორგანოს საამისოდ უფლებამოსილ სამსახურს შეუძლია ადგილობრივი მოსაკრებლების ამოსაღებად შესაბამის იურიდიულ პირებთან გააფორმოს ხელშეკრულება.

საქართველოს 199 8 წლის 13 ოქტომბრის კანონი № 1623 -სსმ I, №2, 26 . 1 0.199 8 წ; მუხ. 2 2

საქართველოს 1999 წლის 23 ივლისის კანონი № 2333 -სსმ I, № 40(47) , 11 . 08 .199 9 წ; მუხ. 204

საქართველოს 2002 წლის 15 თებერვლის კანონი № 1300 -სსმ I, № 4 , 05 . 03 . 2002 წ; მუხ. 26

საქართველოს 2006 წლის 24 ივლისის კანონი № 3503 -სსმ I, № 35 , 03 . 08 . 2006 წ; მუხ. 259

    მუხლი 4.    შეღავათები ადგილობრივი მოსაკრებლების გადახდაზე

1. შეღავათები ადგილობრივი მოსაკრებლების გადახდაზე დგინდება ამ კანონით.

2. ადგილობრივი მოსაკრებლების გადახდაზე საკრებულოს მიერ შეღავათების დადგენა (გადახდისაგან სრული ან ნაწილობრივი განთავისუფლება) დაიშვება გადამხდელთა კატეგორიების მიხედვით.

3. დაუშვებელია ადგილობრივი მოსაკრებლების გადახდაზე ინდივიდუალური სახის შეღავათების დადგენა.

    მუხლი 5. ადგილობრივი მოსაკრებლები

1. ადგილობრივი სალიცენზიო მოსაკრებლებია:

ა) მოსაკრებელი მშენებლობის დაწყების ნებართვისათვის;

ბ) მოსაკრებელი გარე ვაჭრობის ნებართვისათვის;

გ) მოსაკრებელი გარე რეკლამის გავრცელების ნებართვისათვის;

დ) მოსაკრებელი საზოგადოებრივი ადგილებით სარგებლობის შეზღუდვის ნებართვისათვის;

ე) მოსაკრებელი ადგილობრივი სამგზავრო-სატრანსპორტო გადაზიდვის ნებართვისათვის;

ვ) მოსაკრებელი არქიტექტურული ობიექტის სტრუქტურულ-ფუნქციური წყობისა და იერსახის შეცვლის ნებართვისათვის;

ზ) მოსაკრებელი ავტოტრანსპორტის პარკირების ნებართვისათვის.

2. სატენდერო მოსაკრებელი.

3. მოსაკრებელი დასახლებული ტერიტორიის დასუფთავებისათვის.

საქართველოს 199 8 წლის 9 დეკემბრის კანონი № 1727 -სსმ I, № 7 , 31 . 12 .199 8 წ; მუხ. 55

საქართველოს 2002 წლის 10 ოქტომბრის კანონი № 1696 -სსმ I, № 28 , 28 . 10 . 2002 წ; მუხ. 130

საქართველოს 2006 წლის 24 ივლისის კანონი № 3503 -სსმ I, № 35 , 03 . 08 . 2006 წ; მუხ. 259

    მუხლი 6. მოსაკრებელი მშენებლობის დაწყების ნებართვისათვის

1. მშენებლობის დაწყების ნებართვისათვის მოსაკრებლის გადამხდელია მშენებარე ობიექტის მესაკუთრე ფიზიკური და/ან იურიდიული პირი.

2. მოსაკრებელის შემოღების უფლება აქვს რაიონის და/ან იმ ქალაქის საკრებულოს, რომელიც არ შედის რაიონის შემადგენლობაში.

3. საკრებულოს მიერ დაწესებული მოსაკრებლის ოდენობა ახლად ასაშენებელი ობიექტის პროექტით გათვალისწინებული განაშენიანების ფართის თითოეული კვადრატული მეტრისათვის არ უნდა აღემატებოდეს ერთ ლარს, ხოლო საკურორტო ზონაში სამრეწველო ობიექტის მშენებლობისათვის – ხუთ ლარს.

4. საკრებულოს გადაწყვეტილებით მოსაკრებლის გადახდისაგან შეიძლება განთავისუფლდეს ან დაუწესდეს შეღავათი სტიქიური უბედურების შედეგად დაზიანებული ობიექტის მშენებლობას.

    მუხლი 7. მოსაკრებელი გარე ვაჭრობის ნებართვისათვის

1. გარე ვაჭრობის ნებართვისათვის მოსაკრებლის გადამხდელია ფიზიკური ან/და იურიდიული პირი, რომელიც შესაბამის ტერიტორიაზე ეწევა გარე ვაჭრობას.

2. გარე ვაჭრობის ნებართვისათვის მოსაკრებლის შემოღების უფლება აქვს სოფლის, თემის, დაბის, ქალაქის და იმ ქალაქის საკრებულოს, რომელიც არ შედის რაიონის შემადგენლობაში.

3. საკრებულოს მიერ დაწესებული მოსაკრებლის ოდენობა ერთ სავაჭრო ადგილზე არ უნდა აღემატებოდეს დღეში 2 ლარს.

საქართველოს 1999 წლის 23 ივლისის კანონი № 2333 -სსმ I, № 40(47) , 11 . 08 .199 9 წ; მუხ. 204

საქართველოს 2002 წლის 15 თებერვლის კანონი № 1300 -სსმ I, № 4 , 05 . 03 . 2002 წ; მუხ. 26

საქართველოს 2002 წლის 10 ოქტომბრის კანონი № 1696 -სსმ I, № 28 , 28 . 10 . 2002 წ; მუხ. 130

 

    მუხლი 8.    მოსაკრებელი გარე რეკლამის განთავსების ნებართვისათვის

1. გარე რეკლამის განთავსების ნებართვისათვის მოსაკრებლის გადამხდელია რეკლამის გამავრცელებელი ფიზიკური და/ან იურიდიული პირი, რომელიც განათავსებს რეკლამას ადგილობრივი თვითმმართველობისადმი (მმართველობისადმი) დაქვემდებარებული ტერიტორიის შენობა-ნაგებობებზე, აგრეთვე საზოგადოებრივ ტრანსპორტზე, რომელიც განეკუთვნება ამავე ტერიტორიაზე მცხოვრებ ფიზიკურ და/ან იქ განლაგებულ იურიდიულ პირს.

2. მოსაკრებლის შემოღების უფლება აქვს სოფლის, თემის, დაბის, ქალაქის და იმ ქალაქის საკრებულოს, რომელიც არ შედის რაიონის შემადგენლობაში.

3. მოსაკრებლის ოდენობას ადგენს საკრებულო სარეკლამო საშუალებების განთავსების ადგილის მიხედვით.

4. საკრებულოს მიერ დაწესებული მოსაკრებლის ოდენობა სტაბილური გარე რეკლამის განთავსებისათვის არ უნდა აღემატებოდეს რეკლამის ერთ კვადრატულ მეტრზე წლიურად 300 ლარს, ხოლო საზოგადოებრივ ტრანსპორტზე რეკლამის განთავსებისათვის – წლიურად 100 ლარს.

5. გარე რეკლამის განთავსების მოსაკრებლის გადახდისაგან თავისუფლდება:

ა) სოციალური რეკლამა;

ბ) საქველმოქმედო ღონისძიების რეკლამა;

გ) სახელმწიფო ხელისუფლებისა და ადგილობრივი თვითმმართველობის (მმართველობის) ორგანოთა მიერ გაკეთებული განცხადებები, მიმართვები და შეტყობინებები;

ე) გამაფრთხილებელი აბრები და განცხადებები, რომლებიც შეიცავენ ინფორმაციას ცალკეულ ტერიტორიაზე საქმიანობის ან მოძრაობის შეზღუდვის შესახებ;

ვ) საარჩევნო კამპანიასთან დაკავშირებით მოქალაქეთა პოლიტიკური გაერთიანებების, საარჩევნო ბლოკებისა და დეპუტატობის კანდიდატთა პლაკატები.

საქართველოს 1999 წლის 23 ივლისის კანონი № 2333 -სსმ I, № 40(47) , 11 . 08 .199 9 წ; მუხ. 204

    მუხლი 9.    მოსაკრებელი საზოგადოებრივი ადგილებით  სარგებლობის შეზღუდვის ნებართვისათვის

1. საზოგადოებრივი ადგილებით სარგებლობის შეზღუდვის ნებართვისათვის მოსაკრებლის გადამხდელია სამშენებლო და/ან სარემონტო სამუშაოების დამკვეთი პირი, თუ მათი ჩატარება ზღუდავს ქუჩით, მოედნით, პარკით, სკვერით ან დასასვენებელი ზონით სარგებლობას.

2. მოსაკრებლის შემოღების უფლება აქვს სოფლის, თემის, დაბის, ქალაქის და იმ ქალაქის საკრებულოს, რომელიც არ შედის რაიონის შემადგენლობაში.

3. საკრებულოს მიერ დაწესებული მოსაკრებლის ოდენობა სამშენებლო და სარემონტო სამუშაოების ჩატარებისათვის თითოეულ დღეზე არ უნდა აღემატებოდეს 10 ლარს.

4. მოსაკრებლის გადახდისაგან თავისუფლდება ავარიებისა და კატასტროფების სალიკვიდაციო ღონისძიებები, ასევე სახელმწიფო ორგანიზაციების მიერ ჩატარებული კომუნალური მეურნეობისა და გზის საფარის აღდგენა-შეკეთების სამუშაოები.

საქართველოს 1999 წლის 23 ივლისის კანონი № 2333 -სსმ I, № 40(47) , 11 . 08 .199 9 წ; მუხ. 204

    მუხლი 10. მოსაკრებელი ადგილობრივი სამგზავრო-სატრანსპორტო გადაზიდვის ნებართვისათვის

     1. ადგილობრივი სამგზავრო-სატრანსპორტო გადაზიდვის ნებართვისათვის მოსაკრებლის გადამხდელია ადგილობრივი სამგზავრო-სატრანსპორტო გადაზიდვის განმახორციელებელი ფიზიკური და/ან იურიდიული პირი.

     2. მოსაკრებლის შემოღების უფლება აქვს რაიონის და/ან იმ ქალაქის საკრებულოს, რომელიც არ შედის რაიონის შემადგენლობაში.

     3. მოსაკრებლის დიფერენცირებულ ოდენობას სამგზავრო-სატრანსპორტო საშუალებათა კატეგორიებისა და მარშრუტების მიხედვით ადგენს საკრებულო.

    4. საკრებულოს მიერ დადგენილი მოსაკრებლის ოდენობა თითოეულ სატრანსპორტო საშუალებაზე თვეზე გაანგარიშებით არ უნდა აღემატებოდეს 200 ლარს.

საქართველოს 2004 წლის 13 აგვისტოს კანონი № 382 -სსმ I, № 23 , 23 . 06 . 2004 წ; მუხ. 116

    მუხლი 11.   მოსაკრებელი არქიტექტურული ობიექტის  სტრუქტურულ-ფუნქციური წყობისა და იერსახის  შეცვლის ნებართვისათვის

     1. არქიტექტურული ობიექტის სტრუქტურულ-ფუნქციური წყობისა და იერსახის შეცვლის ნებართვისათვის მოსაკრებლის გადამხდელია არქიტექტურული ობიექტის მესაკუთრე (მფლობელი), რომელსაც განზრახული აქვს ობიექტის სტრუქტურულ-ფუნქციური წყობისა და იერსახის შეცვლა.

2. მოსაკრებლის შემოღების უფლება აქვს რაიონის და/ან იმ ქალაქის საკრებულოს, რომელიც არ შედის რაიონის შემადგენლობაში.

     3. საკრებულოს მიერ დაწესებული მოსაკრებლის ოდენობა არ უნდა აღემატებოდეს ერთ ლარს ობიექტის ფასადის 1კვ მეტრზე.

    მუხლი 12. მოსაკრებელი ავტოტრანსპორტის პარკირების ნებართვისათვის

1. ავტოტრანსპორტის პარკირების ნებართვისათვის მოსაკრებლის გადამხდელები არიან ფიზიკური და/ან იურიდიული პირები, რომლებიც ახდენენ საკუთარი სარგებლობის ტრანსპორტის პარკირებას ქუჩებში ან საზოგადოებრივ ადგილებში ადგილობრივი თვითმმართველობისადმი (მმართველობისადმი) დაქვემდებარებულ ტერიტორიაზე.

2. მოსაკრებლის შემოღების უფლება აქვს სოფლის, თემის, დაბის, ქალაქის და იმ ქალაქის საკრებულოს, რომელიც არ შედის რაიონის შემადგენლობაში.

3. მოსაკრებლის ზღვრული ოდენობა განისაზღვრება პარკირების ადგილმდებარეობისა და დროის მიხედვით, მაგრამ არაუმეტეს საათში 20 თეთრისა.

4. პარკირების მოსაკრებელი არ გადაიხდევინება სამეწარმეო საქმიანობისას ტრანსპორტის პარკირებისათვის სპეციალურად გამოყოფილი ადგილების ფუნქციონირებისათვის.

საქართველოს 1999 წლის 23 ივლისის კანონი № 2333 -სსმ I, № 40(47) , 11 . 08 .199 9 წ; მუხ. 204

    მუხლი 121. მოსაკრებელი დასახლებული ტერიტორიის დასუფთავებისათვის

1. დასახლებული ტერიტორიის დასუფთავება გულისხმობს ტერიტორიის დაგვა-დასუფთავებას და ტერიტორიაზე წარმოქმნილი ნარჩენების შეგროვებას, ტრანსპორტირებას, გაუვნებლებას და ნარჩენების განთავსების საბოლოო ადგილების მოვლა-პატრონობას.

2. მოსაკრებლის გადამხდელები არიან ფიზიკური ან/და იურიდიული პირი, ორგანიზაცია, დაწესებულება, რომლებიც თვითმმართველი ერთეულის ტერიტორიაზე წარმოქმნიან ნარჩენებს.

3. მოსაკრებლის შემოღების უფლება აქვს თვითმმართველი ერთეულის წარმომადგენლობით ორგანოს.

4. მოსაკრებლის ოდენობა არ უნდა აღემატებოდეს ერთ სულ მოსახლეზე 1,5 ლარს თვეში, ხოლო იურიდიული პირების, ორგანიზაციებისა და დაწესებულებებისათვის – 25 ლარს ერთ კუბურ მეტრ ნარჩენებზე.

5. მოსაკრებლის ოდენობა შეიძლება დიფერენცირებული იყოს ნარჩენების წარმომქმნელის მიერ, დაგროვებული ნარჩენების წონის, მოცულობის ან/და ნარჩენების დაგროვების ნორმის, ნარჩენების სახეობის მიხედვით, აგრეთვე ნარჩენების წარმომქმნელის შემოსავლის, ქონების, დაკავებული ფართობის, დასაქმებული პერსონალის რაოდენობის, საქონლის (მომსახურების) მომხმარებელთა რაოდენობის, მიღებული სხვა საბინაო-კომუნალური მომსახურების მოცულობის (ღირებულების) და ა.შ. მიხედვით. მოსაკრებლის ოდენობის დადგენისას შესაძლებელია გამოყენებულ იქნეს ამ სიდიდეების კომბინაციებიც.

6. მოსაკრებლის ოდენობა არ უნდა აღემატებოდეს ამ მომსახურების ორგანიზებისა და ადმინისტრირებისათვის საჭირო ხარჯებს.

საქართველოს 2006 წლის 24 ივლისის კანონი № 3503 -სსმ I, № 35 , 03 . 08 . 2006 წ; მუხ. 259

თავი III

პასუხისმგებლობა ამ კანონის დარღვევისათვის

მუხლი 13. სატენდერო მოსაკრებელი

     1. სატენდერო მოსაკრებელს იხდის ის პრეტენდენტი, რომელიც ადგილობრივი ბიუჯეტის სახსრებით სახელმწიფო შესყიდვის განხორციელებისას იღებს სატენდერო დოკუმენტაციას.

     2. სატენდერო მოსაკრებლის შემოღების უფლება აქვს რაიონის და/ან იმ ქალაქის საკრებულოს, რომელიც არ შედის რაიონის შემადგენლობაში.

     3. საკრებულოს მიერ დაწესებული სატენდერო მოსაკრებლის განაკვეთი არ უნდა აღემატებოდეს 200 ლარს.

საქართველოს 199 8 წლის 9 დეკემბრის კანონი № 1727 -სსმ I, № 7 , 31 . 12 .199 8 წ; მუხ. 55

საქართველოს 1999 წლის 9 დეკემბრის კანონი № 61 -სსმ I, № 47(54) , 26 . 11 .199 9 წ; მუხ. 240

საქართველოს 2005 წლის 20 აპრილის კანონი № 1389 -სსმ I, № 22 , 18 . 05 . 2005 წ; მუხ. 152

    მუხლი 14. პასუხისმგებლობა ამ კანონის დარღვევისათვის

  პასუხისმგებლობა ამ კანონის დარღვევისათვის განისაზღვრება საქართველოს კანონმდებლობით დადგენილი წესით.

    მუხლი 15. ადგილობრივ მოსაკრებლებთან დაკავშირებულ სადავო საკითხთა გადაწყვეტის წესი

1. ადგილობრივ მოსაკრებლებთან დაკავშირებულ დავას წყვეტს სასამართლო საქართველოს კანონმდებლობით დადგენილი წესით.

2. სასამართლოში სარჩელის შეტანა არ ათავისუფლებს გადამხდელს ადგილობრივი მოსაკრებლების გადახდისაგან.

3. უკანონოდ ან კანონის დარღვევით შემოღებული ადგილობრივი მოსაკრებლების სახით გადახდილი თანხა საქართველოს კანონმდებლობით დადგენილი წესით გადამხდელს უბრუნდება ადგილობრივი თვითმმართველობის (მმართველობის) შესაბამისი ბიუჯეტიდან ერთი თვის განმავლობაში.

თავი IV

გარდამავალი დებულებანი

    მუხლი 16.   ამ კანონთან დაკავშირებით მისაღები ნორმატიული აქტები

ამ კანონთან დაკავშირებით მიღებულ უნდა იქნეს:        

ა) საქართველოს კანონი საქართველოს საგადასახადო კოდექსში ცვლილებებისა და დამატებების შეტანის შესახებ;

ბ) საქართველოს კანონი საბიუჯეტო სისტემისა და საბიუჯეტო უფლებამოსილებათა შესახებ” საქართველოს კანონში ცვლილებებისა და დამატებების შეტანის შესახებ;

გ) საქართველოს კანონი სისხლის სამართლის კოდექსში ცვლილებებისა და დამატებების შეტანის შესახებ";

დ) საქართველოს კანონი ადმინისტრაციულ სამართალდარღვევათა კოდექსში ცვლილებებისა და დამატებების შეტანის შესახებ.

    მუხლი 17. სახელმწიფო მმართველობის ადგილობრივი  ორგანოების უფლებამოსილება ადგილობრივი მოსაკრებლების სფეროში

იმ ტერიტორიულ ერთეულებში, სადაც არჩეულნი არ არიან ადგილობრივი თვითმმართველობის (მმართველობის) წარმომადგენლობითი ორგანოები, ამ კანონით დაწესებული ადგილობრივი მოსაკრებლების შემოღების უფლება მათ არჩევამდე გადაეცეთ “საბიუჯეტო სისტემისა და საბიუჯეტო უფლებამოსილებათა შესახებ” საქართველოს კანონის თაობაზე” საქართველოს პარლამენტის 1996 წლის 29 მაისის დადგენილების მე-5 პუნქტით განსაზღვრულ ორგანოებს.

    მუხლი 171. მოსაკრებელი ვაჭრობის ნებართვისათვის

1. 2002 წლის 1 ნოემბრიდან 2003 წლის 1 იანვრამდე ამ კანონის მე-7 მუხლით განსაზღვრული გარე ვაჭრობის ნებართვისათვის მოსაკრებლის ნაცვლად დაწესდეს მოსაკრებელი ვაჭრობის ნებართვისათვის.

2. ვაჭრობის ნებართვისათვის მოსაკრებლის გადამხდელია ფიზიკური ან/და იურიდიული პირი, რომელიც ეწევა სავაჭრო საქმიანობას შესაბამის ტერიტორიაზე.

3. მოსაკრებლის შემოღების უფლება აქვს სოფლის, თემის, დაბის, ქალაქის და იმ ქალაქის საკრებულოს, რომელიც არ შედის რაიონის შემადგენლობაში.

4. მოსაკრებლის ოდენობას ადგენს საკრებულო გასაყიდი საქონლის სახეობის, სავაჭრო ობიექტის ფართობისა და ადგილმდებარეობის (ზონის) მიხედვით.

5. საკრებულოს მიერ დაწესებული მოსაკრებლის ოდენობა არ უნდა აღემატებოდეს:

ა) ვაჭრობის წლიური ნებართვისათვის – ერთ სავაჭრო ობიექტზე 500 ლარს;

ბ) გარე ვაჭრობისათვის (ვაჭრობა დროებითი სადგომიდან, ავტომანქანიდან, შენობის გარეთ განლაგებული დახლიდან) – ერთ სავაჭრო ადგილზე ყოველ დღეზე 2 ლარს;

გ) ალკოჰოლიანი სასმელებით (გარდა საკუთარი წარმოებისა), თამბაქოს ნაწარმით ვაჭრობისათვის – ამ პუნქტის „ა“ და „ბ“ ქვეპუნქტებით გათვალისწინებული მოსაკრებლის გაორმაგებულ ოდენობას.

საქართველოს 2002 წლის 19 ნოემბრის კანონი № 1736 -სსმ I, № 31 , 10 . 12 . 2002 წ; მუხ. 135

თავი V

დასკვნითი დებულება

    მუხლი 18. კანონის ამოქმედება

1. ეს კანონი ამოქმედდეს გამოქვეყნებისთანავე.

2. მოსაკრებლების გადამხდელებს უფლება მიეცეთ ამ კანონით დაწესებული და კანონის მე-16 მუხლით განსაზღვრული ორგანოების მიერ შემოღებული 1998 წლის მოსაკრებლები გადაიხადონ 1999 წლის 1 იანვრამდე.

საქართველოს პრეზიდენტი ედუარდ შევარდნაძე.

თბილისი,

1998 წლის 29 მაისი.

1401–IIს

 

შეტანილი ცვლილებები:

1 . საქართველოს 1998 წლის 13 ოქტომბრის კანონი №1623 -სსმ I, №2, 26 .1 0.1998 წ; მუხ.2 2

2. საქართველოს 1998 წლის 9 დეკემბრის კანონი №1727 -სსმ I, №7 , 31 .12 .1998 წ; მუხ.55

3. საქართველოს 1999 წლის 23 ივლისის კანონი №2333 -სსმ I, №40(47) , 11 .08 .1999 წ; მუხ.204

4. საქართველოს 1999 წლის 9 დეკემბრის კანონი №61 -სსმ I, №47(54) , 26 .11 .1999 წ; მუხ.240

5. საქართველოს 2002 წლის 15 თებერვლის კანონი №1300 -სსმ I, №4 , 05 .03 .2002 წ; მუხ.26

6. საქართველოს 2002 წლის 10 მაისის კანონი №1399 -სსმ I, №10 , 13 .05 .2002 წ; მუხ.44

7. საქართველოს 2002 წლის 10 ოქტომბრის კანონი №1696 -სსმ I, №28 , 28 .10 .2002 წ; მუხ.130

8. საქართველოს 2002 წლის 19 ნოემბრის კანონი №1736 -სსმ I, №31 , 10 .12 .2002 წ; მუხ.135

9. საქართველოს 2004 წლის 13 აგვისტოს კანონი №382 -სსმ I, №23 , 23 .06 .2004 წ; მუხ.116

10. საქართველოს 2005 წლის 20 აპრილის კანონი №1389 -სსმ I, №22 , 18 .05 .2005 წ; მუხ.152

11. საქართველოს 2006 წლის 24 ივლისის კანონი №3503 -სსმ I, №35 , 03 .08 .2006 წ; მუხ.259

37. 15/12/2023 - საქართველოს კანონი - 4028-XIIIმს-Xმპ - ვებგვერდი, 25/12/2023 - ცვლილება შეიცავს გარდამავალ დებულებას 36. 02/11/2022 - საქართველოს კანონი - 1980-IXმს-Xმპ - ვებგვერდი, 14/11/2022 35. 07/06/2022 - საქართველოს კანონი - 1617-VIIIმს-Xმპ - ვებგვერდი, 20/06/2022 34. 22/12/2021 - საქართველოს კანონი - 1197-VIIრს-Xმპ - ვებგვერდი, 28/12/2021 33. 15/07/2020 - საქართველოს კანონი - 6971-რს - ვებგვერდი, 28/07/2020 32. 10/06/2020 - საქართველოს კანონი - 6076-IIს - ვებგვერდი, 19/06/2020 - ცვლილება შეიცავს გარდამავალ დებულებას 31. 20/07/2018 - საქართველოს კანონი - 3214-რს - ვებგვერდი, 13/08/2018 - ცვლილება შეიცავს გარდამავალ დებულებას 30. 13/06/2018 - საქართველოს კანონი - 2517-IIს - ვებგვერდი, 27/06/2018 29. 28/06/2017 - საქართველოს კანონი - 1112-IIს - ვებგვერდი, 10/07/2017 28. 27/06/2015 - საქართველოს კანონი - 3818-რს - ვებგვერდი, 03/07/2015 27. 26/12/2014 - საქართველოს კანონი - 2999-რს - ვებგვერდი, 12/01/2015 26. 28/06/2013 - საქართველოს კანონი - 799-IIს - ვებგვერდი, 15/07/2013 25. 22/03/2013 - საქართველოს კანონი - 380-IIს - ვებგვერდი, 04/04/2013 24. 19/06/2012 - საქართველოს კანონი - 6506-Iს - ვებგვერდი, 28/06/2012 23. 22/06/2012 - საქართველოს კანონი - 6543-Iს - ვებგვერდი, 26/06/2012 22. 24/11/2011 - საქართველოს კანონი - 5296-IIს - ვებგვერდი, 111205021, 05/12/2011 21. 11/10/2011 - საქართველოს კანონი - 5096-IIს - ვებგვერდი, 111103008, 03/11/2011 20. 17/12/2010 - საქართველოს კანონი - 4128-რს - სსმ, 71, 21/12/2010 19. 15/10/2010 - საქართველოს კანონი - 3736-IIს - სსმ, 56, 20/10/2010 18. 21/07/2010 - საქართველოს კანონი - 3547 - სსმ, 46, 04/08/2010 17. 21/07/2010 - საქართველოს კანონი - 3545 - სსმ, 46, 04/08/2010 16. 01/12/2009 - საქართველოს კანონი - 2209 - სსმ, 42, 10/12/2009 15. 08/06/2007 - საქართველოს კანონი - 4929 - სსმ, 4929, 21/06/2007 14. 13/04/2007 - საქართველოს კანონი - 4621 - სსმ, 14, 18/04/2007 13. 29/12/2006 - საქართველოს კანონი - 4253 - სსმ, 50, 30/12/2006 12. 29/12/2006 - საქართველოს კანონი - 4241 - სსმ, 50, 30/12/2006 11. 24/07/2006 - საქართველოს კანონი - 3503 - სსმ, 35, 03/08/2006 10. 20/04/2005 - საქართველოს კანონი - 1389 - სსმ, 22, 18/05/2005 9. 13/08/2004 - საქართველოს კანონი - 382 - სსმ, 23, 23/06/2000 8. 19/11/2002 - საქართველოს კანონი - 1736 - სსმ, 31, 10/12/2002 7. 10/10/2002 - საქართველოს კანონი - 1696 - სსმ, 28, 28/10/2002 6. 10/05/2002 - საქართველოს კანონი - 1399 - სსმ, 10, 13/05/2002 5. 15/02/2002 - საქართველოს კანონი - 1300 - სსმ, 4, 05/03/2002 4. 09/12/1999 - საქართველოს კანონი - 61 - სსმ, 47(54), 09/12/1999 - ცვლილება შეიცავს გარდამავალ დებულებას 3. 23/07/1999 - საქართველოს კანონი - 2333 - სსმ, 40(47), 11/08/1999 2. 09/12/1998 - საქართველოს კანონი - 1727 - სსმ, 7, 31/12/1998 1. 13/10/1998 - საქართველოს კანონი - 1623 - სსმ, 2, 26/10/1998