„ადგილობრივი მოსაკრებლების შესახებ" საქართველოს კანონში ცვლილებისა და დამატებების შეტანის თაობაზე

საქართველოს კანონი

„ადგილობრივი მოსაკრებლების შესახებ“ საქართველოს კანონში ცვლილებისა და დამატებების შეტანის თაობაზე

       საქართველოს პარლამენტი ადგენს:

       I. „ადგილობრივი მოსაკრებლების შესახებ“ საქართველოს კანონში (პარლამენტის უწყებანი, №21-22, 14.06.1998) შეტანილ იქნეს შემდეგი ცვლილება და დამატებები:

       1. მე-5 მუხლს დაემატოს შემდეგი შინაარსის მე-2 პუნქტი:

       „2. სატენდერო მოსაკრებელი.“.

       2. კანონს დაემატოს შემდეგი შინაარსის მე-13 მუხლი:

      „მუხლი 13. სატენდერო მოსაკრებელი

       1. სატენდერო მოსაკრებელს იხდის ის პრეტენდენტი, რომელიც ადგილობრივი ბიუჯეტის სახსრებით სახელმწიფო შესყიდვის განხორციელებისას იღებს სატენდერო დოკუმენტაციას.

       2. სატენდერო მოსაკრებლის შემოღების უფლება აქვს რაიონის და/ან იმ ქალაქის საკრებულოს, რომელიც არ შედის რაიონის შემადგენლობაში.

       3. საკრებულოს მიერ დაწესებული სატენდერო მოსაკრებელი არ უნდა აღემატებოდეს:

       ა) ღია ტენდერის ჩატარების შემთხვევაში – 500 ლარს;

       ბ) დახურული ტენდერის ჩატარების შემთხვევაში – 150 ლარს.“.

       3. მე-13 მუხლი ჩაითვალოს მე-14 მუხლად და შესაბამისად შეიცვალოს მომდევნო მუხლების ნუმერაცია.

       II. ეს კანონი ამოქმედდეს 1999 წლის 1 ივლისიდან.

      საქართველოს პრეზიდენტი ედუარდ შევარდნაძე.

      თბილისი,

      1998 წლის 9 დეკემბერი.

      №1727–Iს