გადამხდელთა პირადი აღრიცხვის ბარათების წარმოების წესის შესახებ ინსტრუქციის დამტკიცების თაობაზე

სახელმწიფო სარეგისტრაციო კოდი 200.250.000.22.033.007.233

საქართველოს ფინანსთა მინისტრის ბრძანება №228

2005 წლის 7 აპრილი ქ. თბილისი

,,გადამხდელთა პირადი აღრიცხვის ბარათების წარმოების წესის შესახებ” ინსტრუქციის დამტკიცების თაობაზე

საქართველოს საგადასახადო კოდექსის მე-3 მუხლისა და 73-ე მუხლის მე-2 ნაწილის შესაბამისად, ვბრძანებ:

1. დამტკიცდეს ,,გადამხდელთა პირადი აღრი­ცხვის ბა­რა­თე­ბის წარმოების წესის შესახებ” ინსტრუქ­ცია” თანდართულ დანართებთან ერთად.

2.  ეს ბრძანება ამოქმედდეს გამოქვეყნებისთანავე.

ვ. ჩეჩელაშვილი

ინსტრუქცია

,,გადამხდელთა პირადი აღრიცხვის ბარათების წარმოების წესის შესახებ”

    მუხლი 1. ზოგადი დებულებანი

1. წარმოდგენილი ინსტრუქცია შემუშავებულია საქარ­თველოს საგადასახადო კოდექსის მე-3 მუხლის პირველი ნაწილის და 73-ე მუხლის მე-2 ნაწილის შესაბამისად და განსაზღვრავს გადასახადის გადამხდელის/საგადასახადო აგენ­ტის ან სხვა ვალდებული პირის პირადი აღრიცხვის ბარათებში ბიუჯეტთან ანგარიშსწორების აღრიცხვისა და ასახვის წესებს.

2. გადამხდელთა პირადი აღრიცხვის ბარათი (გპაბ) წარ­მოადგენს მკაცრი აღრიცხვის დოკუმენტს, რომელშიც აისახება გადამხდელების/საგადასახადო აგენტების ან სხვა ვალდებული პირების მიერ დეკლარირებული და გადახ­დილი თანხები, აგრეთვე საგადასახადო და სხვა უფლე­ბამოსილი ორგანოების მიერ საქართველოს კანონ­მდებლობით გათვალისწინებული გადასახდელად დარიც­ხული ან შემცირებული თანხები, ვადაგადაცილებული დავალიანებები, ზედმეტად გადახდილი თანხები, სანქციები, ჯარიმები და საურავები.

3. ბიუჯეტის შემოსულობების აღრიცხვა წარმოებს საქართველოს ფინანსთა მინისტრის მიერ დამტკიცებული ბიუჯეტის შემოსულობების კლასიფიკაციის თანახმად.

4. საგადასახადო ორგანოს შესაბამისი უფლებამოსილი პირი საგადასახადო ორგანოს ხელმძღვანელის მიერ მისთვის მინიჭებული კომპეტენციის ფარგლებში პასუხს აგებენ აღრიცხვის წარმოებისა და ანგარიშგების შედგენის სისწორეზე, აგრეთვე ზედმეტად გადახდილი ან შეცდომით ჩარიცხული თანხების ბიუჯეტიდან დაბრუნების ან გადასახადის ერთი სახიდან მეორეში გადატანის სისწორეზე და აღრიცხვის დოკუმენტების დაცულობაზე.

5. გადამხდელთა პირადი აღრიცხვის ბარათის წარ­მოებასთან დაკავშირებით საგადასახადო ინსპექციის უფრო­სის/მისი მოადგილის ინდივიდუალურ-სამართლებრივი აქტით ხდება ფუნქციების განაწილება გადამხდელთა მომ­სახურების სამმართველოს მუშაკებზე.

6. საგადასახადო ინსპექციის უფროსი/მისი მოადგილე პასუხისმგებელია საგადასახადო შემოსავლების აღრიცხვის მდგომარეობასა და ამ მხრივ მუშაობის სწორად წარმარ­თვაზე.

7. საგადასახადო ორგანოებში ყოველი წლის 1 იან­ვრის მდგომარეობით ხდება მთელი საინფორმაციო ბაზის დაარქივება მაგნიტურ მატარებელზე. დგება აქტი ,,მიმდი­ნარე წლის 1 იანვრისათვის მონაცემთა ბაზის დაარქივების შესახებ”, რომელსაც ხელს აწერენ საგადასახადო ინსპექ­ციის ხელმძღვანელი ან მისი მოადგი­ლე და გადამხდელთა მომსახურების სამმართველოს უფროსი. დაარქივებული მონაცემები ინახება 6 წლის განმავლობაში. ასევე, მიმდი­ნარე წლის განმავლობაში ყოველი თვის პირველ რიცხვში ხდება მთელი საინფორ­მაციო ბაზის დაარქივება და შე­ნახ­ვა. დაარქივებული ბაზა მაგნიტურ მატარებელზე ინახება როგორც საგადა­სახადო დეპარტამენტის, ისე სა­გადასახადო ინსპექციების მიერ ბანკის სეიფში.

8. გპაბ-ის კომპიუტერიზებული დამუშავების დროს პროგრამულად უზრუნველყოფილია მონაცემთა ბაზასთან დაშვების უფლების მქონე მომხმარებელთა განსაზღვრა, მათი შემოწმება და იდენტიფიცირება სისტემაში ყოველი შესვლის დროს, პაროლების განსაზღვრა და მათი ცვლილება. საგადასახადო დეპარტამენტის თავმჯდომარის ან მისი მოადგილის სათანადო ნებართვის გარეშე გასული თარიღით მონაცემთა ბაზაში ყოველგვარი ცვლილებისა და ჩანაწერის გაკეთება დაუშვებელია.

9. გპაბ-ი შეიცავს გადასახადის გადამხდელთა/საგადასა­ხა­დო აგენტთა, სხვა ვალდებულ პირთა შესახებ საიდუმლო მონაცემებს. საგადასახადო ორგანოები, მათი თანამდებობის პირები, მოწვეული სპეციალისტები ან/და ექსპერტები ვალდებული არიან დაიცვან სამსახურებ­რივი მოვალეობის შესრულების დროს გადამხდელის შესახებ მიღებული ინ­ფორმაციის საიდუმლოება და იმოქმედონ კანონით გან­საზღვრული წესით.

10. კანონით დადგენილი წესის შესაბამისად, გპაბ-ის ამონაბეჭდები მოსამართლის ბრძანების საფუძველზე შეიძლება მიწოდებულ იქნეს სამართალდამცავი ორგა­ნოე­ბისათვის იმ პირთა შესახებ, რომლებიც კანონით იდ­ევ­­ნებიან საგადასახადო სამართალდარღვევათა ჩადენი­სათ­ვის. აგრეთვე სასამართლოებისა და არბიტრაჟები­სათვის – გადასახადის გადამხდელის საგადასახადო ვალ­დე­ბულებების ან პასუხისმგებლობის განსაზღვრის მიზ­ნით სასამართლოს/არბიტრაჟის წარმოებაში არსე­ბულ საქმესთან დაკავშირებით, სხვა სახელმწიფოების საგადასახადო ორგანოებს – საერთაშორისო ხელშეკრუ­ლებათა შესაბამისად, სასამართლოს აღმასრულებ­ლებს – სასამართლოს/არბიტრაჟის გადაწყვეტილების აღსრუ­ლების პროცესში. გპაბ-ის ამონაბეჭდების მიწო­დება ნებადართულია ზემდგომი საგადასახადო ორგანოე­ბის თანამშრომლებზე, საგადასახადო ინსპექ­ციის საქმია­ნობის შემოწმების პერიოდში, ასევე იმ საგადასახადო ინსპექტორებზე, რომლებიც ახორციელებენ გასვლით საგადასახადო შემოწმებებს. ამონაბეჭდი ხელმოწერილ უნდა იქნეს საგადასახადო ინსპექციის გადამხდელთა მომ­სა­ხურების სამმართველოს უფროსისა და ამ საქმით დაკავებული ინსპექტორის მიერ.

11. პირს, რომელმაც მიიღო ამ ინსტრუქციის პირველი მუხლის მე-10 პუნქტით განსაზღვრული ინფორმაცია, უფლება არა აქვს გაახმაუროს ამ ინფორმაციის საიდუმ­ლოება და ვალდებულია მისი ამსახველი დოკუმენტები დაუბრუნოს საგადასახადო ორგანოს, იმ შემთხვევების გარდა, როდესაც ინფორმაცია მიღებულია საგადასახადო კოდექ­სის 122-ე მუხლის მე-2 ნაწილის თანახმად.

12. საგადასახადო საიდუმლოების მქონე ინფორმაციის შემ­ცველი დოკუმენტების დაკარგვა ან ასეთი ინფორმაციის გახმაურება იწვევს პასუხისმგებლობას საქართველოს კანონმდებლობის შესაბამისად.

13. ცნობები გადასახადის გადამხდელის შესახებ მისი საგა­დასახადო აღრიცხვაზე აყვანის მომენტიდან ითვლება საგადასახადო საიდუმლოებად, თუ საგადასახადო კოდექსის და ამ ინსტრუქციით სხვა რამ არ არის გათვალისწინებუ­ლი.

14. საგადასახადო ორგანოები ვალდებული არიან აწარ­მოონ შემოსავლების, ზედმეტად ან შეცდომით ჩარიც­ხული თანხების, გადასახადის ერთი სახიდან მეორეში გადატანისა და დაბრუნების რეესტრები, დამხმარე წიგნები და ჟურნალები, რომლებშიც ხდება საგადასახადო ორ­განოებში წარდგენილი დოკუმენტების სრული აღწერა და დასტურდება გპაბ-ის წარმოების წესის უტყუარობა.

15. მკაცრი აღრიცხვის დოკუმენტების აღრიცხვის წიგ­ნები უნდა იყოს დანომრილი, ზონარგაყრილი, ხელ­მოწერილი საგადასახადო ორგანოს ხელმძღვანელი პირის მიერ და დამოწმებული ბეჭდით.

    მუხლი 2. გადამხდელთა პირადი აღრიცხვის ბარათების გახსნის წესი

1. გპაბ არის საგადასახადო ინსპექციების პირველადი აღ­რიცხვის საბუთი, რომელშიც აღირიცხება გადამხდე­ლის მიერ ბიუჯეტში ჩარიცხული საგადასახადო შემო­სავლები და აისახება საგადასახადო ვალდებულებების დარიცხული და გადახდილი გადასახადის თანხები.

2. გადასახადის გადამხდელის/საგადასახადო აგენტის ან სხვა ვალდებული პირის მიერ საგადასახადო ვალდებუ­ლების შესრულების აღრიცხვის წარმოების მიზნით საგადასახადო ორგანოებში იხსნება გპაბ (დანართი 1).

3. გპაბ-ის გახსნის საფუძველს წარმოადგენს გადასა­ხადის გადამხდელის/საგადასახადო აგენტის სარეგის­ტრაციო მონაცემები.

4. ახლად შექმნილ, რეორგანიზებულ საწარმოს შემად­­გენ­ლო­ბი­დან ერთი ან რამდენიმე საწარმოს გამოყოფის დროს, ახლად რეგისტრირებულ გადამხდელთათვის გპაბ-ების გახსნა ხორციელდება მხოლოდ საგადასახადო ინს­პექციაში მათი აღრიცხვაზე აყვანისა და მათთვის სა­ი­დენ­ტიფიკაციო ნომრის მინიჭების შემდეგ.

5. გპაბ იხსნება გადასახადის გადამხდელ ყველა პი­რი­სათვის მათი აღრიცხვაზე აყვანისთანავე. გპაბ ასევე იხსნება რეზიდენტ და არარეზიდენტ პირებზე, რომლებიც საქართველოში საქმიანობენ მუდმივი დაწესებულებების მეშვეობით და საქართველოს საგადასახადო კოდექსის შესაბამისად ითვლებიან გადასახადის გადამხდელებად. კერძოდ:

ა) იურიდიული პირის და მისი ქვედანაყოფის ადგილ­სამყოფლის ან საქმიანობის განხორციელების ადგილის მიხედვით;

ბ) რეზიდენტი ბანკის ადგილსამყოფლის მიხედვით;

გ) რეზიდენტი ფიზიკური პირის საცხოვრებელი ან საქმიანობის განხორციელების ადგილის მიხედვით;

დ) არაზეზიდენტი ფიზიკური პირისათვის კი – ჩამოს­ვლის ადგილის მიხედვით;

6. მოქმედ გადამხდელთათვის გპაბ იხსნება ყოველი წლის დასაწყისში;

7. აქციზური მარკების შესაძენად გადახდილი თანხები აისახება ,,აქციზური მარკების” ბარათზე, ხოლო მიწოდე­ბულ საქონელზე ყოველთვიური დეკლარაციით გაცხა­დე­­ბუ­ლი გადასახადის თანხების აღრიცხვისათვის გამოიყენება ,,აქციზის” ბარათი.

    მუხლი 3. წესი და დოკუმენტები, რომელთა საფუძველზე ხორციელდება გადამხდელთა პირადი აღრიცხვის ბარათებში ჩანაწერების შეტანა

1. ამ ინსტრუქციის თანახმად გადასახადის თანხების დარიცხვა გულისხმობს საგადასახადო ორგანოში კონკრე­ტულ საგადასახადო პერიოდისათვის გადასახადის გადამ­ხდელის/საგადასახადო აგენტის, სხვა ვალდებული პირის კუთვნილი გადასახადის თანხის აღრიცხვას. დარიცხვა მოიცავს შესწორებით დარიცხვას და სავარაუდო და­რიცხვას. ამსათან, შესწორებითი დარიცხვის შემთხვევაში უქმდება სავარაუდო დარიცხვა.

2. საშემოსავლო და სოციალური გადასახადების მი­ხედ­ვით ბიუჯეტში ჩარიცხული თანხები გპაბ-ზე აისა­ხება, მაგრამ იგი არ ჩაითვლება წინსწრებით (ზედმეტად) გადახდილად, საქართველოს საგადასახადო კოდექსის 217-ე მუხლის მე-7 და 269-ე მუხლის პირველი ნაწილე­ბის თანახმად შესაბამისი დეკლარაციების (გაანგა­რიშებების) წარმოდგენამდე.

3. გპაბ-ში ჩანაწერები ხორციელდება საგადასახადო ინსპექციის გადამხდელთა მომსახურების სამმართველოს მუშაკის მიერ, გადამხდელის მიერ წარმოდგენილი საგა­დასახადო დეკლარაციების (გაანგარიშებების), დაზუსტე­ბული დეკლარაციების, საგადასახადო ინსპექციის მუშაკის კამერალური შემოწმების მასალების, საგადასახადო ინსპექციისა და სხვა უფლებამოსილი მაკონტროლებელი ორგანოების შემოწმების მასალების და სხვა სათანადო ინფორმაციის, არსებული წესის შესაბამისად გაფორმე­ბული დასკვნების, გადახდილი თანხების შესახებ ინფორ­მაციის, კანონიერ ძალაში შესული სასამართლოს/არბიტ­რაჟის გადაწყვეტილებების, გადასახადის გადახდის ვადების გაგრძელების შესახებ დასკვნების, სახელმწიფო ხაზინიდან და საბანკო დაწესებულებებიდან მიღებული ამონაწერებისა და სხვა დოკუმენტების საფუძველზე.

4. გპაბ -ში ყველა ჩანაწერი წარმოებს თავისდროულად და ქრონოლოგიური წესით, ჩანაწერის გაკეთების თარიღისა და დამადასტურებელი დოკუმენტაციის სისწორის დადგენით. პირადი აღრიცხვის ბარათებში ჩანაწერები კეთდება შესაბამისად ,,დარიცხულია”, ,,შემცირებულია”, ,,გადახდილია” და ,,ბიუჯეტიდან უკან დაბრუნებულია ან გადატანილია” გრაფების მიხედვით.

5. სახელმწიფო ხაზინიდან საგადასახადო ინსპექციაში მიღებული ყოველდღიური ამონაწერები საგადასახადო შემო­სავლების შესახებ (მათ შორის გადამხდელთა სა­გა­დახ­დო დავალებები) შეიძლება წარმოდგენილი იქნას და­მოწმებული ფორმით როგორც ქაღალდზე, ისე ელექტრონული ფორმით.

6. საგადასახადო შემოსავლების ამონაწერების ელექ­ტრონული ფორმით მიღების შემთხვევაში, გადამხდელთა მომსახურების სამმართველოს პასუხისმგებელი მუშაკის მიერ მოწმდება გადამხდელის რეკვიზიტები და სახაზინო კოდთან საგადახდო დავალების ველის – ,,გადახდის დანიშნულების” შესაბამისობა.

7. საგადასახადო დეკლარაციის წარმოდგენის ვალ­დებულება შეიძლება შესრულდეს არა უგვიანეს დად­გენილი ვადის ბოლო სამუშაო დღის დამთავრებამდე. ამასთან, საგადასახადო დეკლარაციის დაზღვეული საფოს­ტო გზავნილით გაგზავნის შემთხვევაში დეკლარაციის გადაცემის თარიღად ითვლება საგადასახადო ორგანოს მიერ საფოსტო გზავნილის მიღების თარიღი, ხოლო თუ დოკუმენტის გადაცემისათვის დადგენილია ვადა, ამ შემთხვევაში ვალდებულების შესრულების თარიღად ითვლება დაზღვეული საფოსტო გზავნილის გაგზავნის თარიღი. ამასთან, გადამხდელი, რომელიც საგადასახადო დეკლარაციების წარმოდგენის სავადო დღის სამუშაო დროის დამთავრებამდე მივა საგადასახადო ინსპექციაში, მას მიეცემა საშუალება საგადასახადო დეკლარაციის ჩაბა­რებისა.

8. თუ ვადის ბოლო დღე ემთხვევა არასამუშაო დღეს, ამ შემთხვევაში ვადა გრძელდება შემდეგი სამუშაო დღის ბოლომდე.

9. ,,საგადასახადო მოთხოვნის” (გადასახადის ან/და სან­ქციის დარიცხვის შესახებ) და ,,გადასახადის გადამ­ხდელის მოთხოვნის’’(ზედმეტად გადახდილი თანხის დაბრუნების ან/და ჩათვლის თაობაზე) წარდგენის ხან­დაზმულობის ვადაა 6 წელი. ეს ვადა აითვლება შესაბამისი ვალდებულების წარმოშობის კალენდარული წლის დას­რულებიდან.

10. დადგენილ ვადამდე წარმოდგენილი საგადასახადო დეკლარაციების მონაცემები გპაბ-ზე შეიტანება მათი მიღების დღიდან 5 სამუშაო დღის განმავლობაში. დად­გენილი ვა­დის გასვლის შემდეგ წარმოდგენილი დეკლა­რაციები, ასევე დაზუსტებული დეკლარაციების მონა­ცემები, აისახება გპაბ-ზე, საგადასახადო ინსპექციაში მათი წარმოდგენიდან არა უგვიანეს მეორე სამუშაო დღისა.

11. გადასახადის დასარიცხად საჭირო ინფორმაციის წარმოუდგენლობის შემთხვევაში, საგადასახადო ორგანო უფლებამოსილია დაარიცხოს გადასახადის გადამხდელს/საგადასახადო აგენტს ან სხვა ვალდებულ პირს გადასახადი მის ხელთ არსებული ინფორმაციის საფუძველზე და წარუდგინოს ,,საგადასახადო მოთხოვნა.’’

12. თუ დეკლარაციის წარდგენასთან ერთად კანონ­მდებლობით არ არის გათვალისწინებული გადასახადის გადახდა, აგრეთვე საგადასახადო ინსპექციის დასკვნის შესაბამისად დადგინდა, რომ ადრინდელი დარიცხვა განხორციელებული იყო შეცდომით, ამ შემთხვევაში საგადასახადო ორგანო გადასახადის გადამხდელს არიცხავს გადასახადს და ამის შესახებ გადამხდელს უგზავნის ,,საგადასახადო მოთხოვნას”.

13. საგადასახადო ინსპექციაში გადამხდელების მიერ წარდგენილი საგადასახადო დეკლარაციები რეგისტრირ­დება გადამხდელთა საგადასახადო დეკლარაციების (გაან­გარიშებების) რეგისტრაციის ჟურნალში (დანართი 2) საგადასახადო ინსპექციის გადამხდელთა მომსახურების სამმართველოს მუშაკის მიერ.

14. საგადასახადო შემოწმებებითა და სასამართლოს/არ­ბიტრაჟის გადაწყვეტილებებით დარიცხული თანხების შესახებ ინფორმაციის რეგისტრაცია ხორციელდება შესაბამის ჟურნალში (დანართი 3).

15. გასვლითი საგადასახადო შემოწმებებით დამატებით დარიცხული თანხები გპაბ-ზე შეიტანება შემოწმების მასალებზე საგადასახადო ორგანოს ხელმძღვანელის ან მისი მოადგილის გადაწყვეტილების მიღების შემდეგ. ამასთან, მასზე საურავის დარიცხვა მოხდება საგადასახადო ვალდებულების წარმოშობის დღიდან.

16. თუ გადასახადის თანხა არ არის გადახდილი საგადასახადო კანონმდებლობით დადგენილ ვადაში, ამ შემთხვევაში გადასახადის გადამხდელი/საგადასახდო აგენტი, სხვა ვალდებული პირი ვალდებულია გადაიხადოს შესაბამისი საურავი. საურავი ერიცხება საგადასახადო დავალიანების წარმოქმნის მომდევნო დღიდან თითოეული ვადაგადაცილებული დღისათვის და მისი გადახდა ხორციელდება საგადასახადო დავალიანების თანხაზე დანამატის სახით. ამასთან, ერთ რომელიმე გადასახადის თანხაზე საურავის დარიცხვის დროს გაითვალისწინება გადამ­ხდელის სხვა გადასახადებში ზედმეტად გადახდილი თანხები. იმ შემთხვევაში, თუ ზედმეტად გადახდილი თანხების ჯამი აღემატება ვადაგადაცილებულ დავალია­ნებებს, ავტომატურად (პროგრამულად) შეწყდება საურავების დარიცხვა იმ გადასახადების მიხედვით, რომ­ლებ­ზედაც ირიცხება ვადაგადაცილებული დავალიანე­ბები. თუ ვადაგადაცილებული დავალიანების საერთო თანხა აღემატება ზედმეტად გადახდილი გადასახადების საერთო თანხას, მაშინ საურავის ცალკეულ გადასახადში დარიცხვა შეწყდება ზედმეტად გადახდილი თანხის ფარგლებში, სხვა გადასახადებში არსებული ნარჩენების პროპორციულად.

17. გადასახადის გადამხდელთა პირადი აღრიცხვის ბარათებზე გადასახადების მიხედვით დავალიანებების არსებობის შემთხვევაში ბიუჯეტის დავალიანებათა დაფარ­ვა უნდა განხორციელდეს შემდეგი თანმიმდევრობით:

ა) გადასახადის ძირითადი თანხის გადახდა;

ბ) ფინანსური სანქციის სახით დარიცხული ჯარიმის თანხის გადახდა;

გ) დარიცხული საურავის თანხის გადახდა;

18. აკრძალულია გპაბ-ზე იმ თანხების ასახვა, რომლე­ბიც ბიუჯეტში ზედმეტად არის გადახდილი სხვა გადამ­ხდელის მიერ, გარდა საგადასახადო კანონმდებლობით გათ­ვალისწინებული შემთხვევებისა.

    მუხლი 4. გადამხდელთა პირადი აღრიცხვის ბარათზე ნარჩენებისა და საურავების ასახვის წესები

1. ნარჩენ დავალიანებად ითვლება ნებისმიერი გადასა­ხადის თანხა, რომელიც დარჩა გადაუხდელი გადასახადის გადამხდელის/საგადასახადო აგენტის, სხვა ვალდებული პირის მიერ კანონმდებლობით გათვალისწინებული ვადის გასვლის შემდეგ და განისაზღვრება როგორც სხვაობა გადასახდელად დარიცხულ გადასახადის თანხასა და ბიუჯეტსა და სახელმწიფო სპეციალურ ფონდებში ჩარიცხულ თანხას შორის.

2. თითოეული ვადაგადაცილებული დღისათვის საუ­რავის დარიცხვა ხორციელდება საგადასახადო დავა­ლიანების წარმოქმნის მომდევნო დღიდან თითოეულ ვადაგადაცილებულ დღისათვის ,,საგადასახადო მოთხოვ­ნის” წარდგენის ან წარუდგენლობის მიუხედავად. თუ გადასახადის გადამხდელი საურავის დარიცხვის ვალდებუ­ლების ვადის დადგომის შემდეგ გადაიხდის გადასახადის ძირითადი თანხის ნაწილს, გადახდის მომდევნო დღიდან საურავის დარიცხვა გაგრძელდება საგადასახადო დავა­ლიანების ფაქტობრივად დარჩენილ ნაწილზე.

3. გადასახადის გადახდის ვადის გადაცილების შემ­თხვევაში გადასახადის გადახდის დღე ითვლება ვადაგადაცი­ლებულ დღედ.

4. საგადასახადო სამართალდარღვევის გამო გადა­სახადის გადამხდელის/საგადასახადო აგენტის მიმართ საგადასახადო სანქციის გამოყენება არ ათავისუფლებს მას კუთვნილი გადასახადებისა და საურავის გადახდის ვალდებულებისაგან.

5. საგადასახადო სანქციას საურავი არ ერიცხება.

6. გადახდის დღედ ითვლება დავალიანების დასა­ფარავად, საქართველოს ეროვნულ ბანკში გახსნილ ბიუჯეტის შემოსულობების სატრანზიტო ანგარიშებზე, გადამხდელის (დებიტორი ორგანიზაციის) ანგარიშიდან მომსახურე ბანკის მიერ თანხის განთავსების დღე.

7. ბანკის ან ცალკეულ სახეობათა საბანკო ოპერაციების შემსრულებელი სხვა ორგანიზაციების მიერ გადასახადის გადამხდელის/საგადასახადო აგენტის, სხვა ვალდებული პირის ანგარიშზე ფულადი სახსრების არსებობის დროს მათი ანგარიშებიდან თანხების ჩამოწერის და ბიუჯეტში მისი გადარიცხვის შესახებ საგადახდო დავალების დროულად შეუსრულებლობის შემთხვევაში, ბანკს ან ცალკეული სახეობის საბანკო ოპერაციების შემსრულე­ბელს დაერიცხება საურავი საგადასახადო კოდექსით დადგენილი წესით. ასეთ შემთხვევაში გადასახადის გადამხდელს/სა­გა­და­სახადო აგენტს ან სხვა ვალდებულ პირს სანქცია არ დაეკისრება.

8. ანალოგიური წესით დაერიცხება საურავი საბანკო და ცალკეულ სახეობათა საბანკო ოპერაციების შემსრულე­ბელ სხვა ორგანიზაციებს გადასახადის გადამხდელის/სა­გა­დასახადო აგენტის, სხვა ვალდებული პირის ანგა­რიშიდან გადასახადის ამოღებისათვის საგადასახადო ინსპექციების მიერ წარდგენილი საინკასო დავალებების შეუს­რულებლობის ან დაგვიანებით შესრულებისათვის.

9. გადასახადის გადამხდელი ფიზიკური პირის მიერ მკაცრი აღრიცხვის საგადასახადო ქვითრის სავალდებულო გამოწერით, გადასახადის თანხის საგადასახადო ორგანოს სალაროს მეშვეობით გადახდის შემთხვევაში, საგადასახადო ორგანო ვალდებულია ერთი სამუშაო დღის განმავლობაში ჩარიცხოს აღნიშნული თანხა შესაბამისი ბიუჯეტის ან­გა­რიშზე. საგადასახადო ორგანოს მიერ აღნიშნულ ვადაში ვალდებულების შეუსრულებლობის შემთხვევაში გადასახადის გადამხდელს საურავი არ ერიცხება.

10. გადამხდელის მიერ უცხო ქვეყნის ვალუტით განხორციელებული ოპერაცია, რომელიც ექვემდებარება დაბეგვრას, გადაიანგარიშება ლარებში ოპერაციის დღი­სათვის საქართველოს ეროვნული ბანკის ოფიცია­ლური კურსით.

11. იმ შემთხვევაში, როდესაც გადასახადის გადახდის ვადა ემთხვევა დასვენების დღეს, ვადაგადაცილებულ დავალიანების თანხაზე საურავის დარიცხვა იწყება დასვენების დღის შემდეგ მეორე სამუშაო დღიდან.

    მუხლი 5. გადამხდელთა პირადი აღრიცხვის ბარათებზე ოპერაციების ჩაწერის წესები

1. გპაბ (დანართი 1) შედგება 26 სვეტისაგან;

2. პირველ სვეტში აღინიშნება ოპერაციის ჩაწერის თარიღი – დღე, თვე, წელი. ჩანაწერები ამ სვეტში კეთდება ქრონოლოგიურად;

3. მე-2 სვეტში იწერება ოპერაციის შინაარსი, ინფორ­მაცია გადასახადის დარიცხვის, გადახდის, შემცირების, დაბრუნების, სხვა გადასახადებში გადატანის, გადასახადის გადახდის ვადის გაგრძელების, უიმედო ვალების ჩამოწერის და სხვათა შესახებ, შესაბამისი პერიოდის მითითებით. ამავე სვეტში მიეთითება დოკუმენტები, რომელთა საფუძველზეც განხორციელდა ეს ოპერაციები: საგადახდო დავალება, საგადასახადო დეკლარაცია, დაზუსტებული (დამატებითი) საგადასახადო დეკლარაცია, დასკვნა ზედმე­ტად გადახდილი თანხის დაბრუნების ან გადატანის თაობაზე, გადაწყვეტილებები სავარაუდო დარიცხვის, საგადასახადო შემოწმების აქტით დარიცხული ან შემცი­რებული თანხების, დავალიანების გადახდის ვადის გაგრძე­ლების შესახებ, კანონიერ ძალაში შესული სასამართლოს/არბიტრაჟის დადგენილება ან განჩინება. ამ სვეტში შესა­ტანი ჩანაწერების ტიპური ჩამონათვალი მოცემულია ამ ინსტრუქციის მე-4 დანართში.

4. მე-3 სვეტში ,,გადახდის ვადა და ჩარიცხვის თარიღი” იწერება დარიცხული გადასახადის გადახდის ვადა, ხოლო ბიუჯეტის ანგარიშზე გადასახადის გადარიცხვის შემ­თხვევაში – ფაქტობრივად გადახდის თარიღი.

5. მე-4 სვეტში იწერება როგორც მიმდინარე თვეში გადასახდელად გამოანგარიშებული, ისე გასული პერიოდის მიხედვით დამატებით დარიცხული თანხები.

6. მე-5 სვეტი განკუთვნილია როგორც მიმდინარე თვის, ისე გასულ პერიოდზე ადრე დარიცხული თანხების შემცირებისათვის.

7. მე-6 სვეტში იწერება საბანკო დაწესებულების მიერ ბიუჯეტში ჩარიცხული გადასახადის თანხები. ჩანაწერები ამ სვეტში წარმოებს მხოლოდ სახელმწიფო ხაზინიდან მიღებული დოკუმენტების საფუძველზე.

8. მე-7 სვეტში – ,,ბიუჯეტიდან უკან დაბრუნებულია ან გადატანილია” – იწერება ამ გადამხდელის მიერ ბიუ­ჯე­ტის შემოსულობების ერთიანი ანგარიშის საგადა­სახადო შემოსავლის ზედმეტად გადახდილი თანხის დაბ­რუნების ქვეანგარიშიდან უკან დაბრუნებული ან ბიუჯეტის მიმდინარე შემოსავლებიდან გადატანილი თანხის ოდენობა.

9. მე-8 სვეტში იწერება გადასახადის ნარჩენი დავალია­ნების თანხა, რომელიც დარჩა გადაუხდელი კანონმდებ­ლობით გათვალისწინებული გადახდის ვადის გასვლის შემ­დეგ.

10. მე-9 სვეტში გამოიყოფა დავალიანების თანხა, რომელზედაც საურავების დარიცხვა არ ხდება სხვა გადასახად(ებ)ში არსებული სალდირებული ზედმეტად რიცხული თანხის ფარგლებში, აგრეთვე გაკოტრების ან რეაბილიტაციის რეჟიმში მყოფ გადამხდელთა ვადაგადა­ცილებული საგადასახადო დავალიანებების თანხა, რომ­ლებსაც საგადასახადო კანონმდებლობის შესაბამისად საურავი არ ერიცხება.

11. მე-10 სვეტი გამოყოფილია გადამხდელის მიერ ამ გადასახადზე ზედმეტად გადახდილი ან წარმოქმნილი ზედმეტობის თანხის ოდენობის აღსარიცხავად.

12. სვეტები მე-11-16 განკუთვნილია ფინანსუ­რი სან­ქციებით დარიცხული ჯარიმების აღრიცხვისათვის: მე-11 – ,,დარიცხულია”, მე-12 – “შემცირებულია”, მე-13 – ,,გადახდილია ბიუჯეტში”, მე-14 – ,,უკან დაბრუნებულია”, მე-15 – ,,ნარჩენი”, მე-16 – ,,ზედმეტად გადახდილი”.

13. მე-17–20 სვეტები განკუთვნილია ვადაგადა­ცილებული დავალიანების გამო წარმოშობილი საურა­ვების აღრიცხვისათვის.

14. მე-17 სვეტში მიეთითება დროის პერიოდი, რომლის განმავლობაშიც ხდება საურავების დარიცხვა. მე-18-ე სვეტში ჩაიწერება დარიცხული საურავის თანხის ოდენობა, მე-19 სვეტში იწერება გადახდილი ან დაბრუ­ნებული (ნიშნით ,,-”) საურავი, მე-20 სვეტში აღირიცხება გადაუხდელი საურავის ნაშთი;

15. ადრე დარიცხული საურავის შემცირების თანხები (სვეტი 18) ან შემოსული (ჩარიცხული) საურავები (სვეტი 19) ძირითადი გადასახდელების დასაფარავად ჩაიწერება შესაბამისად ამავე სვეტებში (მე-19 სვეტში ნიშნით ,,-”). ამავდროულად მე-19 სვეტში ,,-” ნიშნით ჩაწერილი თანხა იწერება მე-6 სვეტში როგორც ძირითადი გადასახდელების შემოსავლები და მე-2 სვეტში აღინიშნება ასე: ,,გადატანილია ძირითადი გადასახდელი თანხის და­ფარ­ვის ანგარიშზე საურავის ანგარიშიდან”.

16. 21-ე – 24-ე სვეტები განკუთვნილია გადამხდელის ჯამური ანგარიშსწორების სალდოსათვის ძირითადი გადასახადის, ფინანსური სანქციის სახით ჯარიმისა და საურავების ჩათვლით.

17. საურავის დარიცხვა საგადასახადო ინსპექციებში წარმოებს ყოველი ოპერაციის დროს, როცა იცვლება ნარჩენის ოდენობა, აგრეთვე ყოველი თვის ბოლოს გადასახადის გადახდის ვადის დადგენილი თარიღიდან, ან საურავის უკანასკნელი დარიცხვის დღიდან თვის ბოლო რიცხვების ჩათვლით

18. 25-ე სვეტში აისახება გადახდილი თანხები ნაზარდი ჯამით წლის დასაწყისიდან.

19. 26-ე სვეტში – ,,სატრანზიტო თანხა” იწერება ზედმეტად გადახდილი გადასახადის თანხების დაბრუნების მიზნით, საგადასახადო ინსპექციის მიერ მომზადებული და საგადასახადო დეპარტამენტში წარდგენილი დოკუმენტე­ბის, დასკვნებისა და საგადახდო დავალებების საფუძველზე განსაზღვრული დასაბრუნებელი თანხების ოდენობა. გადამ­ხდელებზე უკან დასაბრუნებელი თანხების გადამხდელთა მომავალი პერიოდების (მიმდინარე) გადასახადების ანგარიშში ჩათვლას (გადატანას) საგადასახადო ინსპექციები განახორციელებენ მხოლოდ შესაბამის ,,სატრანზიტო თანხაზე” განაცხადის უკან გამოთხოვის (დაბრუნების), ან საგადასახადო დეპარტამენტიდან სათანადო წერილობი­თი დასტურის მიღების შემდგომ. ამ პირობებში 26-ე სვეტში ასახული ,,სატრანზიტო თანხის” ოდენო­ბის შე­სა­­ხებ ჩანაწერი ამოიღება.

    მუხლი 6. გადამხდელის პირადი აღრიცხვის ბარათზე შედეგების გამოყვანის წესები

1. გპაბ-ზე შედეგების გამოყვანა ხდება ყოველი სვეტის მიხედვით, გარდა იმ სვეტებისა, რომლებშიც ასახულია ნაშთები.

2. ნაშთების გამოყვანა ხდება ყოველთვიურად და ნაზარდი ჯამით წლის დასაწყისიდან.

3. მიღებული შედეგები ჩაიწერება თვის ბოლო ჩანაწერის შემდეგ გავლებული ხაზის ქვეშ.

4. შედეგების შეჯამების დროს ცალკეულ სვეტებში ,,-” ნიშნით ჩაწერილი თანხები ჯამს გამოაკლდება.

5. საშედეგო სტრიქონის იმ სვეტებში, რომლებშიც ასახულია ნაშთები, განმეორდება იგივე თანხები, რომლე­ბიც გამოყვანილი იყო უკანასკნელი ოპერაციის ჩაწერის დროს.

6. გპაბ-ში შედეგების გამოყვანის შემდეგ ხდება მისი სისწორის შემოწმება.

7. განაყოფში – ,,ანგარიშსწორება ძირითადი გადასა­ხადის მიხედვით” საშედეგო თანხებს მე-4 სვეტში, გამოკლებული მე-5 – მე-7 სვეტების ჯამი, დამატებული ანგარიშსწორების სალდო საანგარიშო პერიოდის და­საწ­ყი­სი­სათ­ვის (უარყოფითი სალდოს შემთხვევა­­ში – სვეტი 8, ხოლო დადებითი სალდოს შემთხვევაში – სვე­­ტი 10), უნდა უდრიდეს შესაბამისად მე-8 ან მე-10 სვეტების საშედეგო თანხას საანგარიშო პერიოდის და­სასრუ­ლისათვის.

8. გპაბ-ზე მიმდინარე გადასახადის დარიცხვისა და გადახდის შესახებ ჩანაწერების ერთი და იმავე თა­რიღით გატარების ან წინსწრებით გადახდის დროს უპი­რა­ტესობა მიენიჭება დარიცხვის ჩანაწერს.

9. განაყოფში – ,,ანგარიშსწორება ფინანსური სანქციის სახით ჯარიმის თანხაზე”, საშედეგო თანხის მე-11 სვეტს გამოკლებული მე-12 – მე-14 სვეტების ჯამი, დამატებული ანგარიშსწორების სალდო საანგარიშო პერიოდის დასაწყი­სისათვის, სვეტი 15 (ნარჩენი სალდოს შემთხვევაში) ან სვეტი 16 (დადებითი სალდოს შემთხვევაში), უნდა უდრი­დეს შესაბამისად მე-15 სვეტის ან მე-16 სვეტის საშედეგო თანხას.

10. განაყოფში – ,,ანგარიშსწორება საურავის დარიც­ხვაზე და გადახდაზე”, გადაუხდელი საურავის სალდო საანგარიშო პერიოდის დასაწყისისათვის, დამატებული მე-18 სვეტის საშედეგო თანხა, უნდა უდრიდეს მე-19 და მე-20 სვეტების ჯამს.

    მუხლი 7. გადამხდელის პირადი აღრიცხვის ბარათის შემოწმების წესი

1. საგადასახადო ინსპექციაში გადამხდელთა მომსახურების სამმართველოს მიერ კვარტალში ერთხელ მაინც ხდება გპაბ-ზე წარმოებული ჩანაწერების სისწორის ვიზუალური შემოწმება.

2. შემოწმებას ექვემდებარება ყველა გპაბ.

3. გპაბ-ის შემოწმების დროს უნდა დადგინდეს: გადასახადის გადახდის ყველა ვადის მიხედვით გან­ხორ­ციელე­ბული დარიცხვის ოპერაციები; გაანგარიშებისა და სათანადო ორგანოების მიერ ჩატარებული შემოწ­მებების შედეგად დამატებით დარიცხული (შემცირებული) გადასახადების ჩანაწერების სიზუსტე; ხაზინიდან შემოსული გადასახადების გადახდის ამსახველი დოკუმენტების სის­რულე და თავისდროულობა, ბიუჯეტთან ანგარიშ­სწორების ნაშთების სიზუსტე და სხვა.

4. წლის დამთავრების შემდეგ შედეგების გამოყვანისა და გპაბ-ების შემოწმებისთანავე მომდევნო თავისუფალ სტრიქონზე კეთდება ჩანაწერი ,,შემოწმებულია”, თარიღი, ხელმოწერა.

5. გადამხდელთა მომსახურების სამმართველოს უფროსის მიერ ყოველკვარტალურად ხდება აღრიცხვაზე მყოფი, მოცემული საგადასახადო ინსპექციის მასშტაბებით, არანაკლებ 20 მსხვილი გადამხდელის პირველადი საბუ­თებისა და გპაბ-ში ჩანაწერების თავისდროულობის და უტყუარობის შემოწმება. დანარჩენი გადამხდელე­ბისათვის შემოწმება უნდა განხორციელდეს წელიწადში ერთხელ მაინც.

6. შემოწმების შედეგად პირველადი საბუთების მო­ნაცემების შეჯამებით მიღებული თანხები თუკი არ შეედ­რება გპაბ-ის მონაცემებს, საგადასახადო ინსპექციის აღრიცხვის დარგის მუშაკი ვალდებულია დოკუმენტურად შეამოწმოს ყველა ჩანაწერი და დაადგინოს განსხვავების მიზეზები.

7. იმ შემთხვევაში, როდესაც გადასახადის გადამხდე­ლის მიერ წარმოდგენილი ანგარიშებისა და პირადი ბარათების ნაშთები შესაბამისობაშია, ანგარიშები ითვლება შედარებულად, გადამხდელის გამოძახებისა და შედარების აქტების გაფორმების გარეშე.

8. თუ გადასახადის გადამხდელის მიერ წარმოდგენილი ანგარიშების ნაშთები არ ედრება გპაბ-ის ნაშთებს, მხოლოდ დარიცხული საურავების ან ანგარიშების შედარების დროს დამატებით დარიცხული გადასახადის თანხით, მაშინ ამ განსხვავების შესახებ უნდა ეცნობოს გადასახადის გადამხდელს. ამ შემთხვევაში გადასახადის გადამხდელის, ან მისი წარმომადგენლის გამოძახება საგადასახადო ინსპექციაში აუცილებელი არ არის.

9. თუ გადამხდელის მიერ წარმოდგენილი ანგარიშების ნაშთები საანგარიშო პერიოდის ბოლოსათვის არ ედრება საგადასახადო ინსპექციის მონაცემებს, ამ შემთხვევაში საგადასახადო ინსპექციის მიერ უნდა მოხდეს ანგარიშების შემოწმება გადამხდელის ან მისი წარმომადგენლის გამო­ძახებით და შედარების აქტის გაფორმებით.

10. ყოველი წლის პირველი იანვრის მდგომარეობით, საგადასახადო ინსპექციები ატარებენ ყველა გადამხდელის ბიუჯეტთან ანგარიშსწორების მდგომარეობის შემოწმებას. თუ ბიუჯეტთან ანგარიშსწორების სალდო პირველი იანვრისათვის არ ედრება საგადასახადო ინსპექციის მონაცემებს, ანგარიშების შემოწმება უნდა მოხდეს გადასახადის გადამხდელის ან მისი წარმომადგენლის თანდასწრებით და გაფორმდეს შედარების აქტი.

11. გადასახადის გადამხდელის მოთხოვნით, საგადასა­ხადო ინსპექციები ახდენენ ბიუჯეტთან ანგარიშგების მდგომარეობის შედარებას ნებისმიერი საანგარიშო პერიოდისათვის, შედარების აქტის გაფორმებით.

    მუხლი 8. გადამხდელის პირადი აღრიცხვის ბარათის დახურვის წესი

1. საფინანსო წლის დამთავრების შემდეგ გპაბ-ში დე­კემ­ბრის თვის ბოლო რიცხვში ყველა ოპერაციის მიხედვით გაკეთებული ჩანაწერის შემდეგ დაიხურება ყველა გპაბ და გამოიყვანება წლის შედეგები როგორც დარიცხული, შემცირებული, გადახდილი და დაბრუნებუ­ლი გადასახდის თანხების, ისე ჯარიმებისა და საურავების მიხედვით.

2. პირადი აღრიცხვის ბარათების დახურვა გადამ­ხდელების მიხედვით ხდება შემდეგი წესით:

ა) გადამხდელთა პირადი აღრიცხვის ის ბარათები, რომლებზედაც არ ირიცხება ნარჩენი (დავალიანება ან ზედმეტობა) საფინანსო წლის დამთავრების შემდეგ დაიხურება, ამოიბეჭდება და მათზე გაკეთდება წარწერა ,,პირადი აღრიცხვის ბარათი დახურულია’’ ხელისმოწე­რისა და თარიღის ჩვენებით;

ბ) წლიური შედეგების გამოყვანის დროს გადამხდელის პირადი აღრიცხვის ბარათებში ,,ანგარიშსწორების სალ­დო” (სვეტები 8 – 10, 15 – 16 და 21 – 24) არ ჯამდება. მხოლოდ საშედეგო სტრიქონებზე იწერება უკა­ნას­კნელი ოპერაციის მონაცემები – ნარჩენი დავალია­ნების ან ზედმეტად გადახდილი თანხის ოდენობა;

გ) ნარჩენი ან ზედმეტად გადახდილი თანხების ნაშთე­ბი – ძირითადი გადასახადების, ასევე ჯარიმებისა და საურავების მიხედვით გადაიტანება მომავალი წლისათვის გახსნილ გადამხდელთა პირადი აღრიცხვის ახალ ბარათებში. მიმდინარე წლისათვის ახალი გპაბ-ის გახსნის შემდეგ, გასული წლის გპაბ-ი ამოიბეჭდება და მათზე კეთდება ჩანაწერი: ,,ბარათი დახურულია, ანგარიშსწორე­ბის სალდო გადატანილია 200 ... წლის №   გადამხდე­ლის პირადი აღრიცხვის ბარათში, ხელმოწერა”.

3. გადასახადის გადამხდელის ერთ საგადასახადო ინ­სპექციაში აღრიცხვიდან მოხსნისა და მეორე საგადასა­ხადო ინსპექციაში აღრიცხვაზე დადგომის შემთხვევაში უნდა გატარდეს შემდეგი პროცედურები:

ა) წინასწარ, აუცილებელი წესით ხდება გადამხდელის ბიუჯეტთან ანგარიშსწორების შედარება და დგება შედარების აქტი;

ბ) შედარების აქტი ამოიბეჭდება სამ ეგზემპლარად: ერთი ეგზემპლარი ინახება გადამხდელთან, მეორე – საგადასახადო ინსპექციაში, სადაც მოხდა ბიუჯეტთან ანგარიშსწორების შედარება, ხოლო მესამე ეგზემპლარი ეგზავნება ახალ, საგადასახადო აღრიცხვის ადგილმდე­ბა­რეო­­ბის მიხედვით საგადასახადო ინსპექციას;

გ) შედარების აქტს ხელს აწერს გადამხდელი და საგადასახადო ინსპექციის წარმომადგენელი;

დ) საგადასახადო ინსპექცია, საიდანაც გადადის გადამხდელი, მისი ახალი ადგილმდებარეობის მიხედვით საგადასახადო ინსპექციას უგზავნის წერილს გპაბ-ის ასლთან და შედარების აქტთან ერთად. წერილს ხელს აწერს საგადასახადო ინსპექციის უფროსი, ხოლო გპაბ-ის ასლებს – გადამხდელთა მომსახურების სამმართველოს უფროსი. ხელმოწერები უნდა დამოწმდეს საგადასახადო ინსპექციის ბეჭდით;

ე) გადამხდელის ახალი ადგილმდებარეობის მიხედვით საგადასახადო ინსპექცია მიღებულ გპაბ-ებში აგრძელებს ჩანაწერებს, უზრუნველყოფს არსებული დავალიანებების ბიუჯეტში ამოღებას და სხვა მიმდინარე ოპერაციებს დადგენილი წესების შესაბამისად;

ვ) გადამხდელის ერთი საგადასახადო ინსპექციიდან მეორეში გადასვლის შემდეგ, ამ გადამხდელის მიერ წინა საგადასახადო აღრიცხვაზე მყოფი საგადასახადო ინსპექ­ციის ანგარიშზე გადასახადების ჩარიცხვის შემ­თხვევაში, აღნიშნული თანხები გადაიტანება სახელმწიფო ხაზინის მეშვეობით, ახალი საგადასახადო აღრიცხვის მიხედვით საგადასახადო ინსპექციაში;

4. საწარმოს (ორგანიზაციის) რეორგანიზაციის შემთხვევაში, რეორგანიზებული გადამხდელის ბიუჯეტსა და სპეციალურ სახელმწიფო ფონდებში გადასახდელების ანგარიშგების სალდო გადაიტანება ახლადშექმნილი უფლებამოსილი (მემკვიდრე) ორგანიზაციის პირადი აღრიცხვის ბარათზე. ამასთან, უფლებამოსილი (მემკვიდრე) ორგანიზაცია ვალდებულია შეასრულოს რეორგანიზებული გადამხდელის საგადასახადო ვალდებულებები და გადაიხა­დოს ყველა გადასახადი და სანქცია-საურავი, რომლებიც წარმოშობილი იყო რეორგანიზაციამდე.

5. რეორგანიზაციის დამთავრების შემდეგ გამოიყვანება ბიუჯეტთან ანგარიშსწორების სალდო, დაიხურება გპაბ და მასზე გაკეთდება ჩანაწერი: ,,ბარათი დახურულია რეორგანიზაციასთან დაკავშირებით. სალდო, ნარჩენი (ზედ­მე­ტობა) გადატანილია უფლებამოსილი (მემკვიდრე) ორგანიზაციის პირადი აღრიცხვის ბარათზე”, მიეთითება მისი საიდენტიფიკაციო ნომერი, ბოლოს ამობეჭდილ ბარათზე კეთდება ხელმოწერა.

6. უფლებამოსილი (მემკვიდრე) გადამხდელის გპაბ-ზე გადაიტანება რეორგანიზებული ორგანიზაციის სალდო, ნარჩენი (ზედმეტობა) და კეთდება ჩანაწერი: ,,გადმოტა­ნილია რეორგანიზებული ორგანიზაციის გპაბ-დან” და მიეთითება რეორგანიზებული ორგანიზაციის საიდენტიფი­კაციო ნომერი, კეთდება ხელმოწერა.

7. იმ შემთხვევაში, როდესაც უფლებამოსილი ორგა­ნიზაცია საგადასახადო აღრიცხვაზე იმყოფება სხვა რაიონის (ქალაქის) საგადასახადო ინსპექციაში, რეორგანი­ზებული გადამხდელის გპაბ-ის დახურვა, ანგარიშგების სალდოს, ნარჩენის (ზედმეტობის) გამოყვანა და მისი გაგზავნა წარმოებს გადამხდელის ერთი საგადასახადო ინსპექციიდან მოხსნისა და მეორე საგადასახადო ინსპექციაში აღრიცხვაზე გადასვლის წესის შესაბამისად.

8. ანალოგიური წესით ხდება გადასახადის გადამხდელი ფიზიკური პირის საცხოვრებელი ადგილის შეცვლის დროს შეტყობინებების და პირადი აღრიცხვის ბარათების გაგზავნა ერთი საგადასახადო ინსპექციიდან მეორეში.

9. შეტყობინებაში მიეთითება სახელი, გვარი, დაბადების წელი, საქმიანობის სახე, ახალი საცხოვრებელი ადგილის მისამართი, პირადი აღრიცხვის ბარათის №, გადასახდელი თანხის ოდენობა.

10. საგადასახადო ინსპექცია, რომელმაც მიიღო შეტყობინება, ადგენს გადამხდელის ზუსტ მისამართს და ატყობინებს შესაბამის საგადასახადო ინსპექციას, რომ მის მიერ გაგზავნილი შეტყობინება გადასახადის ამოღების შესახებ მიღებულია შესასრულებლად და უთითებს გადამხდელის ზუსტ მისამართს. გადაცემული გადამხდელის პირადი აღრიცხვის ბარათების საფუძველზე იხსნება ახალი გპაბ, სადაც იწერება დარიცხული და შემოსული გადასახადების მოძრაობა და კეთდება აღნიშვნა: ,,მიღებულია ამოსაღებად – რაიონის (ქალაქის) საგა­დასახადო ინსპექციიდან”.

11. საგადასახადო ინსპექცია გადამხდელის ძველი ადგილმდებარეობის მიხედვით, მეორე საგადასახადო ინსპექციის მიერ გადასახადის ამოსაღებად შეტყობინების მიღების შესახებ ინფორმაციის საფუძველზე, ახდენს გპაბ-ის დახურვას. ასეთ შემთხვევაში პირადი აღრიცხვის ბარათზე აკეთებს ჩანაწერს: ,,200 – წლის –– ––” მიღებული ინფორმაციის საფუძველზე გადასახადის ამო­ღება გადაეცა ––––––––––––––– რაიონის (ქალაქის) საგადასახადო ინსპექციას”.

12. იმ შემთხვევაში, თუ გადამხდელთა მომსახურების სამმართველოს მუშაკი წყვეტს თავისი მოვალეობის შესრულებას (გათავისუფლება, სხვა სამუშაოზე გადას­ვლა და სხვა), ის ვალდებულია მოახდინოს ნაშ­თე­ბის და­ზუსტება ყველა სახის გადასახადის მიხე­დვით და ნაშთების მიღება-ჩაბარების აქტის საფუძველზე გადასცეს იმ მუშაკს, რომელსაც დაევალა ამ ფუნქციების შესრულება.

    მუხლი 9. აქციზური მარკების ნიშანდებას დაქვემდებარებული საქონლის რეალიზაციით მიღებული ,,აქციზის’’ გადამხდელთა პირადი აღრიცხვის ბარათზე ასახვის წესი

1. აქციზის იმ გადამხდელთა მიმართ, რომლებიც აწარ­­მოებენ აქციზური მარკებით ნიშანდებას დაქვემდება­რებულ საქონელს, საგადასახადო ინსპექცია გადასახადის ამ სახეში აწარმოებს გადამხდელის პირადი აღრიცხვის ,,აქციზური მარკების” და ,,აქციზის” ბარათებს.

2. ,,აქციზური მარკების” ბარათი გაიხსნება აქციზუ­რი მარკების შესაძენად გადახდილი თანხების აღრიც­ხვისათვის, ცალკე თამბაქოს ნაწარმზე და ცალკე ალ­კო­ჰო­ლურ სასმელებზე, მათ შორის ლუდზე.

3. ,,აქციზის” ბარათი გამოიყენება მიწოდებულ სა­ქო­ნელ­ზე დეკლარაციით გაცხადებული აქციზის გადა­სახადის აღრიცხვისათვის.

4. ,,აქციზური მარკების” ბარათზე მე-6 სვეტში (დანართი 1) ,,გადახდილია ბიუჯეტში” აღირიცხება აქციზური მარკების შეძენის დროს გადახდილი გადასა­ხა­დის ტოლი თანხა, ხოლო მე-7 სვეტში ,,ბიუჯეტიდან უკან დაბრუნებულია ან გადატანილია” შეიტანება აქ­ცი­ზის ყოველთვიური დეკლარაციით განსაზღვრული, მარ­კებით ნიშანდებულ საქონელზე აქციზის თანხა, აგ­­რეთ­­ვე აქციზური მარკების დანაკლისის შესაბამისი თან­ხა. ერთდროულად ,,აქციზური მარკების” ბარათის მე-7 სვეტში აღნიშნული თანხა აისახება ,,აქციზის” ბარათის მე-6 სვეტში – ,,გადახდილია ბიუჯეტში”. ,,აქციზური მარკების” ბარათის მე-7 სვეტში აღირიც­ხება აგრეთვე აქციზის თანხა საგადასახადო ინსპექციაში დაბრუნებული მარკების მიხედვით. დაუშვებელია “აქციზური მარკების” ბარათზე არსებული ზედმეტობის რაიმე ფორმითა და წესით შემცირება, გარდა იმ შემთხვევებისა, როცა აქციზური მარკები უბრუნდება საგადასახადო ინსპექციას.

5. ,,აქციზის” ბარათი იწარმოება აქციზის ყოველ­თვიური დეკლარაციის მიხედვით. დეკლარაციაში აის­ახება მთლიანი აქციზი ყველა საქონელზე, როგორც მარ­კების გარეშე, ასევე მარკებით ნიშანდებულ საქო­ნელზე.

6. ,,აქციზის” ბარათზე წარმოშობილი ზედმეტობის ანგარიშში შესაძლებელია აქციზური მარკების გაცემა მხოლოდ იმ შემთხვევაში, თუ მარკების შესაბამისი გა­და­­ს­ახადის თანხა, საგადასახადო ინსპექციის მიერ წარ­დგე­ნილი დასკვნების საფუძველზე, დადგენილი წესის თანახმად, გადატანილი იქნება სახაზინო სამსახურის მიერ აქციზური მარკების ანგარიშზე და აისახება ,,აქ­ციზური მარკების” ბარათზე.

    მუხლი 10. გადამხდელების მიერ ზედმეტად ან შეცდომით გადახდილი თანხების გადამხდელთა პირადი აღრიცხვის ბარათებზე გადატანისა და დაბრუნების ასახვის წესი

1. თუ გადასახადების გადახდილი თანხების ჯამი აღემატება დარიცხული თანხების ჯამს, ითვლება, რომ გა­დასახა­დის გადამხდელს/საგადასახადო აგენტს ან სხვა ვალდებულ პირს გააჩნია ზედმეტად გადახდილი თანხები.

2. ცალკეული გადასახადების მიხედვით ზედმეტად გადახ­დილია თანხა, რომელიც გამოვლენილია ან გადასახა­დის გადამხდელის მოთხოვნის საფუძველზე, დადასტუ­რებულია საგადასახადო ორგანოს მიერ, ან დადას­ტურებულია საქართველოს ფინანსთა სამინის­ტროსთან არსებული დავების განხილვის საბჭოს გადაწყვეტილებით, ან წარმოშობილია არბიტრაჟის/ სასა­მართლოს კანონიერ ძალაში შესული გადაწყვეტილების საფუძ­ველზე.

3. ზედმეტობად არ ჩაითვლება:

ა. მიმდინარე გადასახდელების ის თანხა, რომელთა გადახდის ვადა ჯერ არ დამდგარა;

ბ. განვლილ საანგარიშო პერიოდზე საგადასახადო დეკლარაციის წარმოდგენამდე თანხის წინასწარი გადახდა.

4. ზედმეტად გადახდილი თანხის დაბრუნება, ან სხვა გადასახადის ანგარიშში გადატანა ხორციელდება ,,სახელმწიფო ხაზინის მიერ სახელმწიფო, აფხაზეთისა და აჭარის ავტონომიური რესპუბლიკების და საქართვე­ლოს სხვა ტერიტორიული ერთეულების ბიუჯეტების შემოსულობების აღრიცხვა-ანგარიშგებისა და ანგარიშ­სწორებათა განხორციელებისა და ზედმეტად ან შეცდომით გადახდილი შემოსულობის თანხის დაბრუნების, აღრიც­ხვისა და ანგარიშგების შესახებ” საქართველოს მთავრო­ბის 2004 წლის 13 მარტის №3 დადგენილების და საქართველოს საგადასახადო კოდექსის 71-ე მუხლის დებუ­ლებების შესაბამისად.

5. ზედმეტად გადახდილი თანხის დაბრუნების ან სხვა გადასახადის ანგარიშში გადატანისთვის საგადასახადო ინსპექციის მიერ ყველა სახის გადასახადის პირადი აღრიცხვის ბარათის მიხედვით ხდება გპაბ-თან დაკავშირე­ბული პირველადი დოკუმენტების შემოწმება, მათი მონაცემების ბარათის მონაცემებთან შედარება, შესაბამისი შედარების აქტების შედგენა და ფორმდება დასკვნა ზედმეტობის არსებობის შესახებ.

6. გპაბ-ზე ზედმეტობის არსებობისა და სხვა ბარათზე ან ბარათებზე ნარჩენის არსებობის შემთხვევაში ჯერ ხდება თანხების გადატანა ძირითადი დავალიანების, საურავებისა და ჯარიმების დასაფარავად. მხოლოდ ამის შემდეგ არის შესაძლებელი დარჩენილი ზედმეტობის დაბრუნება გადამხდელთა ანგარიშზე.

7. საწარმოს/ორგანიზაციის ლიკვიდაციის შემთხვევაში ზედმეტად გადახდილ გადასახადის თანხას საგადასახადო ორგანოები პირველ რიგში ჩათვლიან სხვა გადასახადების (მათ შორის სანქციების) გადახდის ანგარიშში დავალიანე­ბის საერთო თანხის პროპორციულად ან უბრუნებენ საწარმოს/ორგანიზაციის სალიკვიდაციო კომისიას საგადა­სახადო კოდექსით დადგენილი წესით.

8. საწარმოს/ორგანიზაციის რეორგანიზაციამდე მის მიერ ზედმეტად გადახდილი გადასახადის თანხას საგადასახადო ორგანო ჩათვლის ამ საწარმოს/ორგანიზა­ციის უფლებამონაცვლის მიერ რეორგანიზებული საწარმოს/ორგანიზაციის გადასახდელი სხვა გადასახადების (მათ შორის სანქციების) ვალდებულებათა ანგარიშში საერთო თანხის პროპორციულად ან უბრუნდება უფლებამონაც­ვლეს საგადასახადო კოდექსით დადგენილი წესით.

9. სასამართლოს მიერ ქმედუუნაროდ აღიარებული ფიზი­კური პირის საგადასახადო ვალდებულებების შესრუ­ლება ეკისრება მეურვეს ქმედუუნარო პირის ქონების (ფულადი სახსრების) ხარჯზე და იგი ვალდებულია გა­დაიხადოს გადასახადის გადამხდელის მიერ გადაუხდელი გადასახადის მთელი თანხა და პირის ქმედუუნაროდ აღიარების დღისათვის რიცხული სანქციების თანხა, ხოლო პირის უგზო-უკვლოდ დაკარგულად ან ქმედუუნა­როდ აღიარების გაუქმების შესახებ გადაწყვეტილების მიღების დღიდან განახლდება ადრე ჩამოწერილი საგადასახადო ვალდებულებების მოქმედება, საურავის დარიცხვა (მათ შორის ადრე დარიცხული) და ჯარი­მების დაკისრება.

10. ზედმეტად გადახდილი თანხების დაბრუნების დროს საგადასახადო ინსპექციის ბეჭდით დამოწმებული დასკვნის (დანართი №6) პირველი ეგზემპლარი საგადახ­დო დავალებასთან ერთად იგზავნება საგადასახადო დეპარტამენტში. ზედმეტად გადახდილი თანხების სხვა გადასახადში გადატანის დროს, საგადასახადო დეპარტა­მენტში დასკვნა (დანართი №5) არ იგზავნება, მის საფუძველზე საგადასახადო ინსპექცია ამზადებს და სხვა დოკუმენტებთან ერთად სახელმწიფო ხაზინაში აგზავნის ბეჭედდასმულ წერილს თანხების გადატანის მოთხოვნით.

11. დასკვნას ხელს აწერენ საგადასახადო ინსპექ­ციებში გადამხდელთა მომსახურების, გადამხდელთა საგადასახადო აუდიტის (შემოწმებების), გადასახადების ადმინისტრირების, იურიდიულ საკითხთა და საჩივრების განხილვის სამმართველოების უფროსები და უშუალოდ შემსრულებელი, დასკვნას ამტკიცებს საგადასახადო ინსპექციის უფროსი ან მისი მოადგილე.

12. აღნიშნულ საკითხებზე ურთიერთობა საგადასა­ხადო ორგანოებსა და ხაზინას შორის რეგულირდება საქართველოს მთავრობის 2004 წლის 13 მარტის №3 დადგენილებით დამტკიცებულ ,,სახელმწიფო ხაზინის მიერ სახელმწიფო, აფხაზეთისა და აჭარის ავტონომიური რესპუბლიკების და საქართველოს სხვა ტერიტორიული ერთეულების ბიუჯეტების შემოსულობების აღრიცხვა-ანგარიშგებისა და ანგარიშსწორებათა შესახებ და ბიუჯეტის შემოსულობის ზედმეტად ან შეცდომით გადახ­დილი თანხის დაბრუნების, აღრიცხვისა და ანგარიშგების შესახებ” ინსტრუქციით.

13. საგადასახადო ინსპექციების სატრანზიტო ანგარი­შის არასწორი მითითების გამო შეცდომით ჩარიცხული თანხების აღსარიცხავად, საგადასახადო ინსპექციები აწარმოებენ შესაბამის რეესტრს (დანართი 7).

14. ზედმეტად გადახდილი თანხების სხვა გადასა­ხადებზე გადატანისა და უკან დაბრუნების აღრიცხვის მიზნით, საგადასახადო ინსპექციები აწარმოებენ გადატანებისა და დაბრუნებების რეესტრებს (შესაბამი­სად დანართებით 8 და 9).

    მუხლი 11. გადამხდელთა პირადი აღრიცხვის ბარათების წარმოების წესი საგადასახადო ვალდებულების შესრულების შეცვლის პერიოდში

1. საგადასახადო დავალიანებების რესტრუქტურიზაცია ხორ­ციელდება საქართველოს მთავრობის გადაწყვეტი­ლებით, ,,საგადასახადო დავალიანებებისა და სახელმწიფო სესხების რესტრუქტურიზაციის შესახებ” საქართველოს კანონით განსაზღვრული წესით (ს.კ.მ. 79).

2. საგადასახადო დავალიანების რესტრუქტური­ზაციასთან დაკავშირებით გადამხდელის პირადი აღრიცხვის ბარათში მე-5 სვეტში ,,შემცირებულია” და მე-18 სვეტში ,,დარიცხული საურავი” რესტრუქტურიზებული თანხის გას­წვრივ მე-2 გრაფაში ,,ოპერაციის შინაარსი’’ გაკეთდება ჩანაწერი ,,რესტრუქტურიზებულია საქართველოს მთავ­რობის 200 წლის ,, “ “ ,,№ განკარგულებით”, მე-5 სვეტ­ში ,,შემცირებულია” აისახება რესტრუქტურიზებული დავალიანების ძირითადი ნაწილი, ხოლო მე-18 სვეტში ,,დარიცხული საურავი’’ კი – რესტრუქტურიზებული საურა­ვის ნაწილი.

3. რესტრუქტურიზებული დავალიანება გაყინვის პერიოდში ნარჩენში არ აისახება.

4. გადამხდელთა პირადი აღრიცხვის ბარათში მოხდება რესტრუქტურიზებული დავალიანების აღრიცხვა, კერძოდ, რესტრუქტურიზებული დავალიანების აღდგენა საქარ­თველოს ფინანსთა სამინისტროსთან დადებული ხელ­შეკრულებით გათვალისწინებული გრაფიკიდან გამომდი­ნარე და მასთან ერთად აღირიცხება რესტრუქტურიზებუ­ლი დავალიანების დაფარვის მდგომარეობა.

5. გადამხდელთა პირადი აღრიცხვის ბარათში ცალკე აღირიცხება რესტრუქტურიზებული დავალიანების ძირითადი ნაწილი, რესტრუქტურიზებული სანქცია-საურავი და დავალიანების აღდგენაც ასევე ცალ-ცალკე მოხდება.

6. რესტრუქტურიზებული დავალიანების თანხების გაყინვის ან ვადის გაგრძელების პერიოდში საურავი არ ერიცხება. გადახდილი რესტრუქტურიზებული თანხით პირველ რიგში ჩამოიწერება ძირითადი დავალიანების, ხოლო შემდეგ სანქცია-საურავის თანხა.

7. რესტრუქტურიზაციის რეჟიმის მოქმედება წყდება ვადის გასვლის, გადამხდელის მიერ ვადის გასვლამდე გადახდის ან რესტრუქტურიზაციის ვადამდე შეწყვეტის შემთხვევაში.

8. იმ შემთხვევაში, თუ მოხდა პირობების დარღვევის გამო რესტრუქტურიზაციის ვადამდე შეწყვეტა, მაშინ პირადი აღრიცხვის ბარათზე მთლიანად აღსდგება რეს­ტრუქ­ტურიზებული დავალიანება როგორც ძირითად, ისე სანქცია-საურავის ნაწილში.

9. რესტრუქტურიზებული დავალიანება მთლიანად აღსდგება ასევე გადამხდელის მიერ ვადის გასვლამდე გადახდის დროსაც.

10. რესტრუქტურიზებული ვადაგადაცილებული დავალიანების გრაფიკით გადაუხდელ თანხას გადასახადის ძირითად ნაწილში (როგორც რესტრუქტურიზაციის ვადის ამოწურვის დროს, ისე რეჟიმის ვადამდე შეწყვეტის შემთხვევაში) რეჟიმის დაწყების თარიღიდან კვარტალების მიხედვით დაერიცხება საურავი, რაც შეეხება გადაუხდელ სანქცია-საურავის თანხას, მასზე საურავის დარიცხვა არ განხორციელდება.

11. რესტრუქტურიზაციის რეჟიმში მუშაობის დაწყე­ბის პერიოდიდან ხდება დავალიანების გაყინვა ანუ საგადა­სახადო დავალიანების გადახდის შეჩერება, საქართველოს ფინანსთა სამინისტროსა და რესტრუქტურიზაციის რე­ჟიმში მომუშავე საწარმოს შორის დადებულ ხელშეკრუ­ლებაში განსაზღვრული ვადით. ვადაგადაცილებული დავალიანების გადახდის ვალდებულების განვადების ანუ გადავადების პერიოდში გადამხდელის პირადი აღრიცხვის ბარათზე მოხდება გაყინული საგადასახადო დავალიანების დარიცხვა დავალიანებათა დაფარვის გრა­­ფიკით გათვალისწინებული თანხით წლების მიხედ­ვით.

12. გადამხდელთა პირადი აღრიცხვის ბარათში რესტრუქტურიზებული დავალიანების ძირითადი თანხა, სანქცია-საურავი და დავალიანების აღდგენა აღირიცხება ცალ-ცალკე.

13. გაკოტრების საქმის წარმოების გახსნის, რეაბი­ლიტაციის ან საგაკოტრებო მორიგების დამტკიცების შესახებ განჩინების ძალაში შესვლის დღიდან, შესაბამისი რეჟიმის დასრულებამდე გაკოტრების ან რეაბილიტაციის რეჟიმში მყოფ საწარმოს, ამ რეჟიმების დაწყებამდე არსებულ ვადაგადაცილებულ დავალიანებაზე საურავი არ დაერიცხება.

14. გადასახადის გადამხდელის დასაბუთებული წერი­ლობითი განცხადების მიღების შემდეგ, საგადასახადო ვალდებულების დაფარვის ვადა შეიძლება იქნეს გაგრძე­ლებული 3 ან 6 თვით. გადასახადის გადახდის ვადის გაგრძელების მიუხედავად, გადასახადის გადამხდელს ბიუჯეტში გადასახადის არადროულად ჩარიცხვის გამო, პირადი აღრიცხვის ბარათში საურავის დარიცხვა კვლავ გრძელდება.

15. იმ შემთხვევაში, როდესაც საწარმო სასამართლოს შესაბამისი განჩინების საფუძველზე მუშაობს რეაბილი­ტაციის რეჟიმში, ამ რეჟიმში მუშაობის დაწყების პერიო­დისათვის არსებული ვადაგადაცილებული დავალიანების მოცულობა არ მცირდება, მათი გადახდევინება მოხდება რეაბილიტაციის რეჟიმში მუშაობის მთელ პერიოდში განჩინებით დამტკიცებული გრაფიკიდან გამომდინარე. ამ რეჟიმში მუშაობის დაწყებამდე არსებულ ძირითად ვადაგადაცილებულ დავალიანებას რეაბილიტაციის რეჟიმის პერიოდში საურავი არ დაეიცხება.

    მუხლი 12. ,,საგადასახადო მოთხოვნა”

1. ,,საგადასახადო მოთხოვნა” (დანართი №10) წარ­­მოა­დგენს საგადასახადო ორგანოს ადმინისტრაციულ აქტს, რომელიც წარედგინება გადასახადის გადამ­ხდელს/სა­გადასახადო აგენტს ან სხვა ვალდებულ პირს და მისი შესრულება სავალდებულოა.

2. ,,საგადასახადო მოთხოვნის ,,წარდგენის საფუძვლის არსებობის შემთხვევაში, საგადასახადო ორგანო ვალდებუ­ლია გადასახადის გადამხდელს/საგადასახადო აგენტს ან სხვა ვალდებულ პირს წარუდგინოს ,,საგადასახადო მოთხოვნა”.

 3. გადასახადის გადამხდელის/საგადასახადო აგენტის ან სხვა ვალდებული პირის მიერ საგადასახადო ორგა­ნოსათვის დეკლარირებული გადასახადის გადაუხდე­ლობის, დაგვიანებით გადახდის ან/და არასრულად გადახდის შემთხვევაში საგადასახადო ორგანო ვალდებუ­ლია წარუდგინოს მას ,,საგადასახადო მოთხოვნა’’ არა უგვიანეს 5 სამუშაო დღისა.

4. საგადასახადო ორგანოს მიერ ,,საგადასახადო მოთხოვნის” წარდგენის საფუძველს წარმოადგენს:

ა) იმ გადასახადების დარიცხვის ვალდებულება, რო­­მელ­­თა გაანგარიშებაც აკისრია საგადასახადო ორგა­ნოს;

ბ) გადასახადის გადამხდელის/საგადასახადო აგენტის ან სხვა ვალდებული პირის მიერ საგადასახადო დეკლარაციის წარუდგენლობა ან წარდგენის ვადის დარღვევა ან დეკლარაციაში არასწორი მონაცემების შეტანა;

გ) საგადასახადო კონტროლის ჩატარების დროს გამოვლენილი საგადასახადო სამართალდარღვევა;

დ) დეკლარირებული გადასახადის გადაუხდელობა, დაგვიანებით გადახდა ან/და არასრულად გადახდა;

5. ,,საგადასახადო მოთხოვნა” უნდა შეიცავდეს შემდეგ მონაცემებს:

ა) ,,საგადასახადო მოთხოვნის” გამგზავნი საგადასახა­დო ორგანოს დასახელება და მისამართი;

ბ) ,,საგადასახადო მოთხოვნის’’ გაგზავნის (გადაცემის) თარიღი;

გ) გადასახადის გადამხდელის/საგადასახადო აგენტის ან სხვა ვალდებული პირის რეკვიზიტები (სახელი და გვარი) დასახელება, მისამართი;

დ) გადასახადის გადამხდელის/საგადასახადო აგენტის ან სხვა ვალდებული პირის საიდენტიფიკაციო ნომერი (ასეთის არსებობის შემთხვევაში);

ე) ,,საგადასახადო მოთხოვნის” წარდგენის საფუძ­ველი;

ვ) ,,საგადასახადო მოთხოვნის” შინაარსი (დაბეგვრის ობიექტი, დარიცხული გადასახადის, საურავისა და ჯარიმის ოდენობა, ამ მოთხოვნის შესრულების ვადა, გადახდის წესი);

ზ) გადასახადის გადამხდელის/საგადასახადო აგენტის ან სხვა ვალდებული პირის უფლებები და ვალდებულე­ბები (მათ შორის ,,საგადასახადო მოთხოვნის” გასაჩივ­რების წესი);

თ) ,,საგადასახადო მოთხოვნის” შესრულების უზრუნ­ველყოფის ღონისძიებები, რომლებიც გამოიყენება გადასახადის გადამხდელის/საგადასახადო აგენტის ან სხვა ვალდებული პირის მიმართ ამ მოთხოვნის შეუსრულებლობის შემთხვევაში.

6. ,,საგადასახადო მოთხოვნა” შეიძლება გასაჩივრდეს საგადასახადო კოდექსით დადგენილი წესით.

7. გადასახადის გადამხდელის/საგადასახადო აგენტის ან სხვა ვალდებული პირის მიერ საგადასახადო ორგანო­სათვის გასაგზავნი ნებისმიერი დოკუმენტი შედგენილი უნდა იყოს წერილობითი ფორმით, ხელმოწერილი უნდა იყოს მისი კანონიერი ან უფლებამოსილი წარმო­მადგენლის მიერ და დამოწმებული უნდა იყოს ბეჭდით. ადრესატს უნდა გადაეცეს დოკუმენტის დედანი ან დამოწმებული ასლი.

8. დაზღვეული საფოსტო გზავნილით გაგზავნის შემთხვევაში დოკუმენტის/წერილის გადაცემის თარიღად ითვლება საგადასახადო ორგანოს მიერ საფოსტო გზავ­ნილის მიღების თარიღი, ხოლო თუ დოკუმენტის/წე­რი­­ლის გადაცემისთვის დადგენილია ვადა – დაზღვეუ­ლი საფოსტო გზავნილის გაგზავნის თარიღი.

9. საგადასახადო ორგანო აწარმოებს გადასახადის გადამხდელის/საგადასახადო აგენტის ან სხვა ვალდებული პირზე წარდგენილი ,,საგადასახადო მოთხოვნის” სარეგისტრაციო ჟურნალს თანახმად №11 დანართისა.

    მუხლი 13. ,,გადასახადის გადამხდელის მოთხოვნა”

1. გადასახადის გადამხდელი/საგადასახადო აგენტი ან სხვა ვალდებული პირი საგადასახადო ორგანოს წარუდგენს,,გადასახადის გადამხდელის მოთხოვნას’’, (დანართი №12) მისი წარდგენის საფუძვლის დადგენის პირობებში და საგადასახადო კოდექსით განსაზღვრულ შემთხვევებში მისი შესრულება სავალდებულოა.

2. საგადასახადო ინსპექციას ,,გადასახადის გადამხდე­ლის მოთხოვნა’’ წარედგინება გადამხდელის პირადი აღრიცხვის ბარათზე გადასახადის ან/და საურავის ზედმე­ტად გადახდილი თანხის არსებობის შემთხვევაში.

3. ,,გადასახადის გადამხდელის მოთხოვნა’’ უნდა შეიცავდეს შემდეგ მონაცემებს:

ა) საგადასახადო ორგანოს დასახელება და მისამართი;

ბ) მისი გაგზავნის (გადაცემის) თარიღი;

გ) გადასახადის გადამხდელის/საგადასახადო აგენტის ან სხვა ვალდებული პირის რეკვიზიტები (სახელი და გვარი) დასახელება, საიდენტიფიკაციო ნომერი (ასეთის არსებობის შემთხვევაში), მისამართი;

დ). მისი წარდგენის საფუძვლები;

ე) მისი შინაარსი (დასაბეგრი ობიექტი, დარიცხული გადასახადისა და საურავის ოდენობა. ამ მოთხოვნის შესრულების ვადა, გადახდის წესი);

ვ) დავის განხილვის ფორმა (საქართველოს ფინანსთა სამინისტროს სისტემაში, ან არბიტრაჟში (არბიტრაჟის მითითებით) ან სასამართლოში).

4. ,,გადასახადის გადამხდელის მოთხოვნას’’ უნდა დაერთოს საბუთები, რომელთა საფუძველზედაც მოხდა მისი წარდგენა.

5. ,,გადასახადის გადამხდელის მოთხოვნა’’ უნდა ჩაბარდეს უშუალოდ საგადასახადო ორგანოს ან უნდა გაიგზავნოს დაზღვეული საფოსტო გზავნილით.

6. გადასახადის გადამხდელის/საგადასახადო აგენტის ან სხვა ვალდებული პირის საგადასახადო ორგანოსათვის გასაგზავნი ,,გადასახადის გადამხდელის მოთხოვნა” გადაცემულად ითვლება, თუ იგი გაიგზავნა დაზღვეული საფოსტო გზავნილით ან ჩაბარდა უშუალოდ საგადასახადო ორგანოს.

7. საგადასახადო ორგანო აწარმოებს გადასახადის გადამხდელის/საგადასახადო აგენტის ან სხვა ვალდებული პირის მიერ საგადასახადო ორგანოსათვის წარდგენილი ,,გადასახადის გადამხდელის მოთხოვნის’’ სარეგისტრაციო ჟურნალს თანახმად №13 დანართისა.

    მუხლი 14. ,,საგადასახადო მოთხოვნისა’’ და ,,გადასახადის გადამხდელის მოთხოვნის’’ შესრულების წესი

1. საგადასახადო ორგანოს მიერ გადასახადის გადამ­ხდელზე/საგადასახადო აგენტზე ან სხვა ვალდებულ პირზე გაგზავნილი ,,საგადასახადო მოთხოვნის” შესრუ­ლება უნ­­და იქნეს უზრუნველყოფილი 15 კალენდარუ­ლი დღის განმავლობაში, თუ მისი წარდგენა მოხდა ამ ინსტრუქციის მე-12 მუხლის მე-4 პუნქტის ,,გ” ქვეპუნქტის საფუძველზე და შესაბამისად საგადასახადო ორგანოს მიერ გადასახ­დელად დარიცხულია გადასახადის თანხა, საურავი ან/და ჯარიმა.

2. ამ მუხლის პირველ პუნქტში აღნიშნულ ვადაში გადასახადის გადამხდელის/საგადასახადო აგენტის ან სხვა ვალდებული პირის მიერ დარიცხული თანხის გადაუხ­­დე­­ლო­ბისა და საგადასახადო კოდექსის 147-ე მუხლის მე-2 ნაწილით გათვალისწინებული შესაგებლის წარდგენის ან სასამართლოში/არბიტრაჟში ,,საგადასახადო მოთხოვ­ნის” გასაჩივრების შემთხვევაში, მის მიმართ გამოიყენება საგადასახადო ვალდებულების შესრულების უზრუნველყო­ფის ღონისძიებები საგადასახადო კოდექსის 150-ე მუხლის შესაბამისად.

3. გადასახადის გადამხდელის/საგადასახადო აგენტის ან სხვა ვალდებული პირის მიერ დარიცხული თანხის გადაუხდელობა და ამ მუხლის მე-2 პუნქტში აღნიშნული შესაგებლის ან სარჩელის/საარბიტრაჟო პრეტენზიის წარმოუდგენლობა განიხილება, როგორც საგადასახადო ვალდებულების აღიარება და მის მიმართ შეიძლება გამოყენებულ იქნეს საგადასახადო კოდექსის მე-11 თავით გათვალისწინებული საგადასახადო ვალდებულებების შესრულების უზრუნველყოფის ღონისძიებები.

 4. ,,საგადასახადო მოთხოვნა’’ გადამხდელის მიერ უნ­და შესრულდეს მისი მიღებიდან 5 დღის ვადაში, თუ მი­სი წარდგენის საფუძველია ამ ინსტრუქციის მე-12 მუხლის მე-4 პუნქტის ,,დ” ქვეპუნქტით გათვალისწინებუ­ლი საგადასახადო ვალდებულებების დარღვევა. თუ აღნიშნულ ვადაში ,,საგადასახადო მოთხოვნა” არ იქნა შესრულებული, ამ შემთხვევაში მის მიმართ შეიძლება გამოყენებულ იქნეს საგადასახადო ვალდებულების შესრულების უზრუნველყოფის ღონისძიებები.

5. საქართველოს ფინანსთა სამინისტროს მიერ ,,გადასახადის გადამხდელის მოთხოვნა’’ უნდა შესრულდეს მისი მიღებიდან 6 თვის ვადაში.

6. ,,საგადასახადო მოთხოვნა’’ და ,,გადასახადის გადამხდელის მოთხოვნა’’ წყდება მისი შესრულებით ან გაუქმებით.

7. გადამხდელის მიერ ,,საგადასახადო მოთხოვნაში’’ აღნიშნული თანხის სრული მოცულობით გადახდის მომენტიდან ,,საგადასახადო მოთხოვნა’’ ითვლება შესრულებულად, ხოლო ,,გადასახადის გადამხდელის მოთხოვნა’’ შესრულებულად ითვლება საქართველოს ფინანსთა სამინისტროს მიერ მასში აღნიშნული თანხის სრული მოცულობით გადახდის მომენტიდან.

8. ,,საგადასახადო მოთხოვნა’’ და ,,გადასახადის გადამ­ხდელის მოთხოვნა’’გაუქმებულად ჩაითვლება, თუ წარ­მდგენმა მასზე უარი განაცხადა, ან თუ კანონმდებ­ლობის შესაბამისად მოთხოვნა ცნობილ იქნა უკანონოდ ან დაუსაბუთებლად.

    მუხლი 15. გადასახადის გადამხდელის/საგადასახადო აგენტის, სხვა ვალდებული პირის საბანკო ანგარიშიდან საგადასახადო დავალიანების ჩამოწერის წესის შესახებ

1. გადასახადის გადამხდელს/საგადასახადო აგენტს, სხვა ვალდებულ პირს ევალება საგადასახადო კანონ­მდებლო­ბით დადგენილი ვადის გასვლიდან 10 დღეში შეასრულოს მასზე დაკისრებული საგადასახადო ვალდებუ­ლება.

2. გადასახადის გადამხდელის/საგადასახადო აგენტის, სხვა ვალდებული პირის მიერ ამ ინსტრუქციის მე-15 მუხ­ლის პირველი პუნქტით დაკისრებული ვალდებულების შეუსრულებლობის შემთხვევაში, საგადასახადო ორგანოს უფლება აქვს აღიარებული საგადასახადო დავალიანების ფარგლებში, გადამხდელის საბანკო ანგარიშიდან (ანგარიშებიდან) მოახდინოს გადასახადის, საურავისა და ჯარიმის თანხების ჩამოწერა და მისი ჩარიცხვა შესაბამის ბიუჯეტში საინკასო დავალების მეშვეობით.

3. გადასახადის გადამხდელის/საგადასახადო აგენტის, სხვა ვალდებული პირის საბანკო ანგარიშიდან (ანგარიშე­ბიდან) ბიუჯეტის კუთვნილი გადასახადის, საურავისა და ჯარიმის თანხების ჩამოწერის შესახებ გადაწყვეტილებას ღებულობს საგადასახადო ორგანოს უფროსი ან მისი მოად­გილე სათანადო ბრძანებით და გადასცემს მას მოვა­ლეს და იმ საბანკო დაწესებულებას, რომელშიც მოვალეს გახსნილი აქვს საბანკო ანგარიში.

4. საბანკო დაწესებულება ვალდებულია საგადასახადო ორგანოს საინკასო დავალება გადასახადის, საურავისა და ჯარიმის თანხების შესაბამის ბიუჯეტში ჩარიცხვის შესახებ შეასრულოს უპირობოდ.

5. საგადასახადო ორგანო აწარმოებს გადასახადის გადამხდელის/საგადასახადო აგენტის, სხვა ვალდებული პირის საბანკო ანგარიშიდან (ანგარიშებიდან) საგადასახადო დავალიანების ჩამოწერის შესახებ გადაცემული საინკასო დავალებების რეგისტრაციის ჟურნალს თანახმად №14 დანართისა.

    მუხლი 16. საგადასახადო დეკლარაციებისა და კანონმდებლობით დადგენილი სხვა ანგარიშგების ფორმების პაკეტური სისტემის წარმოების წესი

1. გადამხდელების მიერ საგადასახადო ინსპექციაში წარმოდგენილი საგადასახადო დეკლარაციებისა და კანონმდებლობით დადგენილი ანგარიშგების სხვა ფორ­მების ორგანიზებულად აღრიცხვა და ოპერატიული დამუ­შავება ხორციელდება გადასახადის სახეების მიხედ­ვით პაკეტური რეჟიმის საფუძველზე.

2. საგადასახადო ინსპექციის გადამხდელთა მომსა­ხურების სამმართველოს თანამშრომელი, რომელსაც ევალება საგადასახადო დეკლარაციების და კანონმდებ­ლობით დადგენილი ანგარიშგების სხვა ფორმების მიღება, ვალდებულია შეამოწმოს ისინი ვიზუალურად. მოაწეროს ხელი, დაამოწმოს ბეჭდით, დაახარისხოს დეკლარაციები გადასახადის სახეების მიხედვით, დანომ­როს ისინი რიგითობის შესაბამისად 1-დან 99-მდე ჩათვლით და გადასცეს სისტემის ადმინისტრატორს, რომელიც ქმნის პაკეტის საკონტროლო ნომერს, ავსებს პაკეტის საკონტროლო ფურცელს და გადასცემს ოპერა­ტორს კომპიუტერში შესაყვანად.

3. მონაცემები ფორმირებულ პაკეტებზე შეიტანება შე­სა­ბამისი პაკეტების აღრიცხვის ჟურნალში (დანარ­თი 15), რომელშიც ფიქსირდება პაკეტის საკონტროლო ნომერი, პაკეტის გახსნის, მასში მონაცემების შეტანისა და გაგზავნის თარიღები, პასუხისმგებელი პირი, პაკეტებ­ში დოკუმენტებისა და მათში აღმოჩენილი შეცდომების რაოდენობა.

4. პაკეტში შეცდომების დაფიქსირების შემთხვევაში, დეკლარაციებსა და ანგარიშგების სხვა ფორმებში მათი გასწორების მიზნით, საგადასახადო ინსპექციის გადამ­ხდელთა მომსახურების სამმართველოს თანამშრომე­ლი უკავშირდება გადამხდელს, რომელიც ახდენს შეც­დო­მის შესწორებას. ამის შემდეგ დასრულებული პაკეტი შესანახად გადაეცემა არქივს.

    მუხლი 17. ურჩი გადამხდელების მიერ გადასახადების გადახდის მდგომარეობის აღრიცხვის წესი

1. გადასახადების შეგროვებისა და დეკლარაციების წარ­დგენის მდგომარეობის შეფასების მიზნით, ყოველთვიუ­რად იბეჭდება ინფორმაცია გადასახადების შეგროვების მდგომარეობის შესახებ (დანართი 16).

2. აღნიშნული ინფორმაცია გადაეცემა საგადასახადო ინსპექციის უფროსს ან მის მოადგილეს მიმდინარე მდგო­მარეობის, აგრეთვე თავისი თანამშრომლების მუშაობის შეფასებისა და გაუმჯობესების მიზნით.

3. ანგარიშის პირველ სვეტში მიეთითება საგადასახადო ინსპექტორთა სახელი, გვარი, რომლებზეც უბნების მიხედ­ვით განაწილებულია ურჩი და მენარჩენე გადამხდელები.

4. მე-2 სვეტში აღინიშნება გადასახადის სახე.

5. მე-3 – მე-5 სვეტებში შეიტანება ურჩ გადამხდელთა რაოდენობა.

6. ველი ,,განლაგების კოდი” გვიჩვენებს იმ შემთხვევე­ბის რაოდენობას, როცა ადგილი ჰქონდა ურჩი გადამხდე­ლის მიერ დეკლარაციის წარმოდგენას (01), ან შემ­თხვევას, როცა ადგილი ჰქონდა გადამხდელის გადასვლას ერთი საგადასახადო ინსპექციიდან მეორეში (02), ან როდესაც გადამხდელი აღარ იხდის გადასახადს (03).

7. მე-6 და მე-7 სვეტები გვიჩვენებენ შედეგებს, რომ­ლებიც მიღებული იქნება 7 დღეზე ნაკლებ, ან 7 დღეზე მეტ ვადაში. დადებითი შედეგის შემთხევაში იწერება ,,1” უარყოფითის შემთხვევაში ,,0”.

8. ნარჩენების მქონე გადამხდელების ველში ,,განლა­გების კოდში” აღინიშნება იმ შემთხვევების რაოდენო­ბა, როცა შეუძლებელია გადამხდელის პოვნა (01), როცა საინკასო დავალება წარდგენილია მთლიან თანხაზე (02), როცა საინკასო დავალება წარდგენილია ნარჩენის ნაწილ­ზე (03), როცა გადამხდელს არ შეუძლია გადასახადის გადახ­და (04), ან როდესაც ინსპექტორმა ვერ შეძლო გადამხდელთან მისვლა (05).

9. მე-13 და მე-14 სვეტები გვიჩვენებენ შედეგებს, რომლებიც მიიღება 7 დღეზე ნაკლებ, ან 7 დღეზე მეტ ვადაში. დადებითი შედეგის შემთხევაში იწერება ,,1”, ხოლო უარყოფითი შედეგის შემთხვევაში ,,0”.

10. მე-15 სვეტში ,,თანხა” – მოცემულია ყველა გადა­სახადის თანხის ჯამი ლარებში.

    მუხლი 18. გადასახადის გადახდის ვადაგადატანილი დავალიანებების აღრიცხვის წესი

1. მოქმედი კანონმდებლობის შესაბამისად გადახდის ვადაგადატანილი, მათ შორის რესტრუქტურიზებული დავალიანებები ფიქსირდება გპაბ-ზე, კერძოდ მიეთითება შეღავათიანი რეჟიმის ვადის დასაწყისი და დასასრული, აგრეთვე იმ ნორმატიული აქტის ნომერი, რომლის სა­ფუძ­­ველ­ზეც განხორციელდა გადახდის ვადის გადატანა.

2. გადახდის ვადის გადატანის რეჟიმის მოქმედება წყდება ვადის გასვლის, გადამხდელის მიერ ვადის გას­ვლამდე დავალიანების გადახდის ან რესტრუქ­ტურიზაციის ვადამდე შეწყვეტის შემთხვევაში.

3.  გადამხდელის მიერ გადახდის ვადის გადატანის პირო­ბების დარღვევის აღმოჩენის შემთხვევაში, საგადასა­ხადო ორგანო ვალდებულია 3 დღის ვადაში შეატყობინოს შესაბამის უფლებამოსილ ორგანოს ამ რეჟიმის გაუქმების შესახებ.

    მუხლი 19. გადამხდელის ბიუჯეტთან ანგარიშსწორების შედარების აქტის გაფორმების წესი

1. გადამხდელის ბიუჯეტთან ანგარიშსწორების შედარების აქტისა და ცალკეულ გადასახადზე გპაბ-ის ამოსაბეჭდად, გადამხდელი ვალდებულია წერილობით მიმართოს საგადასახადო ინსპექციის უფროსს ან მის მოადგილეს.

2. შედარების აქტი გადამხდელმა შეიძლება მოითხოვოს წლის ნებისმიერ დროს და საგადასახადო ინსპექციის გადამხდელთა მომსახურების სამმართველოს პასუხისმგებე­ლი მუშაკი ვალდებულია ამობეჭდოს იგი გადამხდელის მიმართვიდან 2 დღის განმავლობაში. იგი აუცილებლად უნდა ამოიბეჭდოს აგრეთვე წლიური შედეგების შეჯამების დროს.

3. შედარების აქტი იბეჭდება გადამხდელის რეგის­ტრაციიდან მოხსნისა და სხვა ინსპექციაში გადასვლის შემთხვევაში, ასევე საწარმოს/ორგანიზაციის რეორგანიზა­ციისა და ლიკვიდაციის დროს.

4. შედარების აქტი (დანართი 17) ამოიბეჭდება გარ­კვეული პერიოდისათვის – საანგარიშო პერიოდის დასაწყი­სისათვის და ბოლოსათვის (მ.შ. ყოველკვარტალუ­რად).

5. შედარების აქტში, საანგარიშო პერიოდის დასა­წყისისათვის და ბოლოსათვის, მიეთითება ნარჩენის, საურავისა და ზედმეტობის თანხები გადასახადის სახეების მიხედვით, ხოლო მთელი პერიოდის განმავლობაში – გაიანგარიშება დარიცხული, დამატებით დარიცხული და გადახდილი გადასახადების ოდენობა.

 6. თუ გადამხდელი არ ეთანხმება შედარების აქტის მონაცემებს, მაშინ იგი ,,შენიშვნაში” მიუთითებს შესაბამის მიზეზს, ხოლო გადამხდელთა მომსახურების სამმართვე­ლოს პასუხისმგებელი მუშაკი ვალდებულია 5 სამუშაო დღის განმავლობაში აღმოფხვრას განსხვავება გადამხდელსა და საგადასახადო ინსპექციაში არსებულ დოკუმენტებს შორის.

 7. შედარების აქტს ხელს აწერენ საგადასახადო ინ­სპექციის გადამხდელთა მომსახურების სამმართველოს უფროსი და გადამხდელი (ან მისი ბუღალტერი).

 8. შედარების აქტი ამოიბეჭდება 2 ეგზემპლარად: ერ­თი გადაეცემა გადამხდელს, მეორე კი – რჩება საგა­დასახადო ინსპექციაში და ინახება გადამხდელის პირად საქმეში.

დანართი 1

გადამხდელის პირადი აღრიცხვის ბარათი

დანართი 1-ის გაგრძელება

დანართი 2

საგადასახადო ინსპექციის დასახელება

გადამხდელთა საგადასახადო დეკლარაციების (გაანგარიშების) რეგისტრაციის ჟურნალი

გადასახადის დასახელება

გადამხდელთა მომსახურების

სამსახურის უფროსი                                                                                                                                         ______________(ხელმოწერა, თარიღი)

დანართი 3

საგადასახადო ინსპექციის დასახელება

საგადასახადო შემოწმებებითა და სასამართლოს გადაწყვეტილებებით დარიცხული თანხების შესახებ ინფორმაციის რეგისტრაციის ჟურნალი

გადასახადის დასახელება

დანართი 4

გადამხდელის პირადი აღრიცხვის ბარათზე ოპერაციის შინაარსის ჩანაწერების ტიპური ჩამონათვალი

საიდენტიფიკაციო ნომერი

დანართი 5

საიდენტიფიკაციო ნომერი

"ვამტკიცებ"

____________________________________

საგადასახადო ინსპექციის უფროსი

"----"----------------------  200  წ.

დ ა ს კ ვ ნ ა   N

(გადამხდელის დასახელება) განცხადებაზე  ბიუჯეტში ზედმეტად გადახდილი გადასახადის თანხების სხვა გადასახადზე გადატანის შესახებ

საგადასახადო ინსპექცია (დასახელება) ადასტურებს, რომ  გადამხდელს (დასახელება)  პირად ბარათზე გადასახადზე (დასახელება და სახაზინო კოდი) დასკვნის შედგენის დღეს ერიცხება ზედმეტობა . . . . . . . . . . . . .  ლარის  ოდენობით.

პირველადი დოკუმენტების შემოწმებით დადგენილია არსებული ზედმეტობა, რომელიც გამოწვეულია . . . . . . . . . . . . . . . . . . . მიზეზით.

გადამხდელი ითხოვს ზედმეტად არსებული თანხიდან . . . . . . . . . . ლარის გადატანას გადასახადიდან (დასახელება)  გადასახადზე (დასახელება).

გადამხდელთა მომსახურების

სამმართველოს უფროსი                           ____________________ (ხელმოწერა, თარიღი)

გადამხდელთა საგადასახადო აუდიტის

(შემოწმების) სამმართველოს უფროსი     ____________________ (ხელმოწერა, თარიღი)

გადასახადების ადმინისტრირების

სამმართველოს უფროსი                           ____________________ (ხელმოწერა, თარიღი)

იურიდიულ საკითხთა და საჩივრების

განხილვის სამმართველოს უფროსი        ____________________ (ხელმოწერა, თარიღი)

შემსრულებელი                                         ____________________ (ხელმოწერა, თარიღი)

დანართი 6

საიდენტიფიკაციო ნომერი

"ვამტკიცებ"

____________________________________

საგადასახადო ინსპექციის უფროსი

 "----"----------------------  200  წ.

დ ა ს კ ვ ნ ა   N

(გადამხდელის დასახელება) განცხადებაზე  ბიუჯეტში ზედმეტად

გადახდილი გადასახადის თანხების დაბრუნების შესახებ

საგადასახადო ინსპექცია (დასახელება) ადასტურებს, რომ  გადამხდელს (დასახელება)  პირად ბარათზე გადასახადზე (დასახელება და სახაზინო კოდი) დასკვნის შედგენის დღეს ერიცხება ზედმეტობა . . . . . . . . . . . . .  ლარის  ოდენობით.

პირველადი დოკუმენტების შემოწმებით დადგენილია არსებული ზედმეტობა, რომელიც გამოწვეულია . . . . . . . . . . . . . . . . . . . მიზეზით.

გადამხდელი ითხოვს ზედმეტად არსებული თანხიდან . . . . . . . . . .   ლარის დაბრუნებას ანგარიშსწორების ანგარიშზე N …………. ბანკი …………...

გადამხდელთა მომსახურების

სამმართველოს უფროსი                           ____________________ (ხელმოწერა, თარიღი)

გადამხდელთა საგადასახადო აუდიტის

(შემოწმების) სამმართველოს უფროსი    ____________________ (ხელმოწერა, თარიღი)

გადასახადების ადმინისტრირების

სამმართველოს უფროსი                           ____________________ (ხელმოწერა, თარიღი)

იურიდიულ საკითხთა და საჩივრების

განხილვის სამმართველოს უფროსი     ____________________ (ხელმოწერა, თარიღი)

შემსრულებელი                                         ____________________ (ხელმოწერა, თარიღი)

დანართი 7

საგადასახადო ინსპექციის დასახელება

სატრანზიტო ანგარიშის არასწორად მითითების გამო შეცდომით ჩარიცხული თანხების რეესტრი

საიდენტიფიკაციო ნომერი                                  200…. .  წელი

გადამხდელთა მომსახურების

სამმართველოს უფროსი                             ____________________ (ხელმოწერა, თარიღი)

შემსრულებელი                                         ____________________ (ხელმოწერა, თარიღი)

დანართი 8

საგადასახადო ინსპექციის დასახელება

ზედმეტად გადახდილი თანხების სხვა გადასახადებზე გადატანის რეესტრი

საიდენტიფიკაციო ნომერი                                                            200..   წელი

გადამხდელთა მომსახურების

სამმართველოს უფროსი                             ____________________ (ხელმოწერა, თარიღი)

შემსრულებელი                                         ____________________ (ხელმოწერა, თარიღი)

დანართი 9

საგადასახადო ინსპექციის დასახელება

ზედმეტად გადახდილი თანხების ბიუჯეტიდან  უკან დაბრუნების  რეესტრი

საიდენტიფიკაციო ნომერი                                      200..   წელი

     გადამხდელთა მომსახურების

     სამმართველოს უფროსი                                   ____________________ (ხელმოწერა, თარიღი)

     შემსრულებელი                                           ____________________ (ხელმოწერა, თარიღი)

                                                                     ბ.ა.

დანართი N11

გადასახადის გადამხდელზე/საგადასახადო აგენტზე ან სხვა ვალდებულ პირზე “საგადასახადო მოთხოვნის” წარდგენის სარეგისტრაციო ჟურნალი

დანართი №12

გადასახადის გადამხდელის მოთხოვნა

საგადასახადო ინსპექციის დასახელება და მისამართი -------------------------------------------------

-------------------------------------------------------------------------------------------

გადამხდელის/საგადასახადო აგენტის ან სხვა

ვალდებული პირის რეკვიზიტები ------------------------------------------------------------

(სახელი, გვარი/დასახელება)

საიდენტიფიკაციო ნომერი -----------------------------

მისამართი ----------------------------------------------------------------------------------------

    გაცნობებთ, რომ  პირადი აღრიცხვის ბარათზე  მერიცხება ზედმეტად გადახდილი თანხა, სულ ----------- ლარის ოდენობით. მათ შორის ------------------- გადასახადზე ------ ლარი და ა.შ.

    გთხოვთ საგადასახადო კოდექსის 71-ე მუხლის შესაბამისად, ------------გადასახადზე არსებული ზედმეტად გადახდილი თანხიდან ----------- ლარი გადამიტანოთ -------------------- გადასახადზე (დამიბრუნოთ ჩემს ანგარიშსწორების ანგარიშზე: ბანკი----------------------------, ბანკის კოდი--------, ა/ა -----------------). 

    დავის განხილვის ფორმა ------------------------------------------------------------------

(საქართველოს ფინანსთა სამინისტროს სისტემაში, არბიტრაჟში (არბიტრაჟის მითითებით) ან სასამართლოში)

     მოთხოვნას თან ერთვის შედარების აქტი და სხვა საბუთები, რომლებიც ადასტურებენ ზედმეტობის არსებობას.

ხელმოწერა --------------------------------

ბ.ა. “----“----------------------“ 200 წ. 

დანართი N13

გადასახადის გადამხდელის/საგადასახადო აგენტის ან სხვა ვალდებული პირის მიერ საგადასახადო ორგანოსათვის წარდგენილი “გადასახადის გადამხდელის მოთხოვნის” სარეგისტრაციო ჟურნალი

საიდენტიფიკაციო ნომერი

დანართი N14

გადასახადის გადამხდელის/საგადასახადო აგენტის ან სხვა ვალდებული პირის საბანკო ანგარიშებიდან  საგადასახადო  დავალიანების ჩამოწერის მიზნით გადაცემული საინკასო დავალებების რეგისტრაციის ჟურნალი

              საიდენტიფიკაციო ნომერი

დანართი N15

საგადასახადო ინსპექციის დასახელება

ფორმირებული პაკეტის აღრიცხვის რეესტრი

საიდენტიფიკაციო ნომერი                                                                                                        დეკლარაცია

სულ პაკეტების რაოდენობა:

გადამხდელთა მომსახურების

სამმართველოს უფროსი                        _______________  (ხელმოწერა, თარიღი)

დანართი N16

საგადასახადო ინსპექციის დასახელება

ინფორმაცია გადასახადების შეგროვების მდგომარეობის შესახებ

საიდენტიფიკაციო ნომერი                                                 

გადასახადების ადმინისტრირების

სამმართველოს უფროსი                           ____________________ (ხელმოწერა, თარიღი)

გადამხდელთა მომსახურების

სამმართველოს უფროსი                             ____________________ (ხელმოწერა, თარიღი)

დანართი N17

საგადასახადო ინსპექციის დასახელება

შედარების აქტი

გადამხდელის საიდენტიფიკაციო ნომერი                                                 

საიდენტიფიკაციო ნომერი         

გადამხდელის დასახელება

შენიშვნა        _____________________________________________________

                      _____________________________________________________

შედარების თრიღი                

      გადამხდელთა მომსახურების

            სამმართველოს უფროსი     ______________ (ხელმოწერა, თარიღი)

            შემსრულებელი                 _______________ (ხელმოწერა, თარიღი)