“გადამხდელთა პირადი აღრიცხვის ბარათების წარმოების წესის შესახებ" ინსტრუქციის დამტკიცების თაობაზე" საქართველოს ფინანსთა მინისტრის 2005 წლის 7 აპრილის №228 ბრძანებაში ცვლილებების და დამატებების შეტანის თაობაზე"

სახელმწიფო სარეგისტრაციო კოდი 200.250.000.22.033.009.380

საქართველოს ფინანსთა მინისტრის

ბრძანება N 1192

2006 წლის 28 სექტემბერი

ქ. თბილისი

„გადამხდელთა პირადი აღრიცხვის ბარათების წარმოების  წესის შესახებ” ინსტრუქციის დამტკიცების თაობაზე”  საქართველოს ფინანსთა მინისტრის 2005 წლის 7 აპრილის  N228 ბრძანებაში ცვლილებებისა და დამატებების შეტანის  თაობაზე

 “ნორმატიული აქტების შესახებ” საქართველოს კანონის 36-ე მუხლის, საქართველოს საგადასახადო კოდექსის მე-3 მუხლის პირველი ნაწილის, 68-ე მუხლის და 73-ე მუხლის მე-2 ნაწილის საფუძველზე, ვბრძანებ:

მუხლი 1.

„გადამხდელთა პირადი აღრიცხვის ბარათების წარმოების წესის შესახებ” ინსტრუქციის დამტკიცების თაობაზე”, საქართველოს ფინანსთა მინისტრის 2005 წლის 7 აპრილის N228 ბრძანებაში (სსმ 2005 წელი, ნაწილი III, N42, მუხ.450) შეტანილ იქნას შემდეგი ცვლილებები და დამატებები:

 1.ინსტრუქციის პირველი მუხლის მე-2 პუნქტი ჩამოყალიბდეს შემდეგი რედაქციით:

 “2. გადამხდელთა პირადი აღრიცხვის  ბარათი (შემდგომში გპაბ) არის საგადასახადო ინსპექციის პირველადი აღრიცხვის საბუთი, რომელშიც აისახება გადამხდელების/საგადასახადო აგენტების ან სხვა ვალდებული პირების მიერ დეკლარირებული და გადახდილი თანხები, აგრეთვე საგადასახადო და სხვა უფლებამოსილი ორგანოების მიერ საქართველოს კანონმდებლობით გათვალისწინებული გადასახდელად დარიცხული ან შემცირებული თანხები, ზედმეტად გადახდილი, უკან დაბრუნებული ან სხვა გადასახადების გადახდის ანგარიშებში გადატანილი თანხები, ვადაგადაცილებული დავალიანებები, სანქციები, ჯარიმები და საურავები, ასევე ნულოვანი განაკვეთით დასაბეგრი ოპერაციები.

2. ინსტრუქციის პირველი მუხლის მე-8 პუნქტი ჩამოყალიბდეს შემდეგი რედაქციით:

8. გპაბ-ის კომპიუტერიზებული დამუშავების დროს პროგრამულად უზრუნველყოფილია მონაცემთა ბაზასთან დაშვების უფლების მქონე მომხმარებელთა  განსაზღვრა, მათი შემოწმება და იდენტიფიცირება სისტემაში ყოველი შესვლის დროს, რასაც არეგულირებს “საგადასახადო საიდუმლოების შემცველი ინფორმაციის შენახვის რეჟიმის და დაშვების წესის შესახებ ინსტრუქციის დამტკიცების თაობაზე” საქართველოს ფინანსთა მინისტრის  2005 წლის 4 მაისის N301 ბრძანება. საგადასახადო დეპარტამენტის თავმჯდომარის ან მისი მოადგილის სათანადო ნებართვის გარეშე გასული თარიღით მონაცემთა ბაზაში ყოველგვარი ცვლილებისა და ჩანაწერის გაკეთება დაუშვებელია”. 

3. ინსტრუქციის პირველი მუხლის მე-10 პუნქტი ჩამოყალიბდეს შემდეგი რედაქციით:

 “10. კანონით დადგენილი წესის შესაბამისად, გპაბ-ის ამონაბეჭდები  მოსამართლის ბრძანების საფუძველზე შეიძლება მიწოდებულ იქნას სამართალდამცავი ორგანოებისათვის იმ პირთა შესახებ, რომელთა მიმართაც მიმდინარეობს დევნა საგადასახადო სამართალდარღვევათა ჩადენისათვის. აგრეთვე სასამართლოებისათვის - გადასახადის გადამხდელის საგადასახადო ვალდებულებების ან პასუხისმგებლობის განსაზღვრის მიზნით სასამართლოს წარმოებაში არსებულ საქმესთან დაკავშირებით, სხვა სახელმწიფოების საგადასახადო ორგანოებს - საერთაშორისო ხელშეკრულებათა შესაბამისად, სასამართლო აღმასრულებლებს - საგადასახადო დავასთან დაკავშირებით მიღებული გადაწყვეტილების აღსრულების პროცესში. გპაბ-ის ამონაბეჭდების  მიწოდება ნებადართულია ზემდგომი საგადასახადო ორგანოების თანამშრომლებზე,  საგადასახადო ინსპექციის საქმიანობის შემოწმების პერიოდში,  ასევე იმ საგადასახადო ინსპექტორებზე, რომლებიც ახორციელებენ გასვლით და კამერალურ საგადასახადო შემოწმებებს. ამონაბეჭდი ხელმოწერილ უნდა იქნას საგადასახადო ინსპექციის გადამხდელთა მომსახურების სამმართველოს უფროსისა და ამ საქმით დაკავებული ინსპექტორის მიერ”.

4. ინსტრუქციის პირველ მუხლს დაემატოს შემდეგი შინაარსის მე-121 და მე-122  პუნქტები:

 “121. გადასახადის გადამხდელის შესახებ საიდუმლოების შემცველი ინფორმაცია შეიძლება გადაეცეს სხვა პირს, თუ ამის შესახებ არსებობს გადასახადის გადამხდელის დამოწმებული წერილობითი ნებართვა.

122. გადასახადების აღრიცხვის დოკუმენტაცია, საქმის ნომენკლატურიდან გამომდინარე, ჯგუფდება შემდეგი სახეების მიხედვით:

ა) გადასახადის გადამხდელის ბიუჯეტთან ანგარიშსწორების შედარების აქტი და ამონაწერები გპაბ-იდან;

ბ) საგადამხდელო დოკუმენტები, მიღებული სახელმწიფო ხაზინიდან, ბანკებიდან და საბანკო ოპერაციების განმახორციელებელი ცალკეული ორგანიზაციებიდან;

გ) ბიუჯეტში ზედმეტად გადახდილი საგადასახადო შემოსავლის თანხის დამადასტურებელი დოკუმენტები;

დ) ბიუჯეტში ზედმეტად გადახდილი საგადასახადო შემოსავლის თანხის გადამხდელისათვის უკან დაბრუნების დამადასტურებელი დოკუმენტები;

ე) გადასახადის გადამხდელის საგადასახადო აღრიცხვის (რეგისტრაციის) ადგილის შეცვლის შემთხვევაში გპაბ-ის გადაცემის ან მისი მიღების დამადასტურებელი დოკუმენტები;

ვ) საგადასახადო ვალდებულებების შესრულების ვადის შეცვლის დამადასტურებელი დოკუმენტები;

ზ) საგადასახადო ვალდებულებების შესრულების უზრუნველყოფის ღონისძიებების დამადასტურებელი დოკუმენტები;

თ) გაკოტრების ან რეაბილიტაციის რეჟიმში მყოფი გადასახადის გადამხდელის ვადაგადაცილებული დავალიანებების ამსახველი დოკუმენტები;

ი) ფიზიკური პირების მიერ საგადასახადო ვალდებულებების შესრულების შეწყვეტის დამადასტურებელი დოკუმენტები;

კ) იურიდიული პირების მიერ საგადასახადო ვალდებულებების შესრულების შეწყვეტის დამადასტურებელი დოკუმენტები;

ლ) ლიკვიდირებული იურიდიული პირების მიერ საგადასახადო ვალდებულებების შესრულების შესახებ დამადასტურებელი დოკუმენტები;

მ) რეორგანიზებული იურიდიული პირების მიერ საგადასახადო ვალდებულებების შესრულების შესახებ დამადასტურებელი დოკუმენტები;

ნ) სხვა დოკუმენტები”.

5. ამოღებულ იქნას ინსტრუქციის მე-2 მუხლის პირველი პუნქტი

6. ინსტრუქციის მე-2 მუხლის  მე-3-ე – მე-7-ე პუნქტები ჩამოყალიბდეს შემდეგი რედაქციით: 

“3. გპაბ-ის გახსნის საფუძველს წარმოადგენს გადასახადის გადამხდელის/საგადასახადო აგენტის საგადასახადო აღრიცხვის (რეგისტრაციის) მონაცემები. გპაბ იხსნება საიდენტიფიკაციო კოდის მინიჭებისთანავე.

4. ახლადშექმნილ, რეორგანიზებულ საწარმოს შემადგენლობიდან ერთი ან რამდენიმე საწარმოს გამოყოფის დროს, ახლადაღრიცხულ (რეგისტრირებულ) გადამხდელთათვის გპაბ-ების გახსნა ხორციელდება მხოლოდ  საგადასახადო ინსპექციაში მათი აღრიცხვაზე (რეგისტრაციაზე) აყვანისა და მათთვის საიდენტიფიკაციო ნომრის მინიჭების შემდეგ.

5. გპაბ იხსნება გადასახადის გადამხდელ ყველა პირისათვის მათი აღრიცხვაზე (რეგისტრაციაზე) აყვანისთანავე.  გპაბ ასევე იხსნება რეზიდენტ და არარეზიდენტ პირებზე, რომლებიც საქართველოში საქმიანობენ მუდმივი დაწესებულებების მეშვეობით და საქართველოს საგადასახადო კოდექსის შესაბამისად ითვლებიან  გადასახადის გადამხდელებად. კერძოდ:

ა) იურიდიული პირის ადგილსამყოფელის ან საქმიანობის განხორციელების ადგილის მიხედვით;

ბ) რეზიდენტი ბანკის ადგილსამყოფელის მიხედვით;

გ) რეზიდენტი ფიზიკური პირისათვის, მათ შორის ინდივიდუალური საწარმოსათვის, საცხოვრებელი ან საქმიანობის განხორციელების ადგილის მიხედვით;

დ) არარეზიდენტი ფიზიკური პირისათვის კი - ჩამოსვლის ადგილის მიხედვით.

6. ყველა გადამხდელთათვის გპაბ იხსნება ყოველი საგადასახადო წლის დასაწყისში.

7. გპაბ იხსნება არსებული გადასახადების მიხედვით. გადასახადის მიზნებისათვის აქციზის გადასახადში იხსნება ორი ბარათი. აქციზური მარკების შესაძენად გადახდილი თანხები აისახება “აქციზური მარკები”-ს ბარათზე და ყოველთვიური დეკლარაციით გაცხადებული გადასახადის თანხების აღრიცხვისათვის გამოიყენება “აქციზი”-ს ბარათი. საგადასახადო ჯარიმებისათვის, გარდა ჯარიმისა, რომელიც გამოანგარიშებულია კონკრეტული გადასახადის თანხის მიმართ (საგადასახადო კოდექსის 131 მუხლი), იხსნება საგადასახადო ჯარიმების ბარათი. გპაბ-ი იხსნება უკუდაბეგვრის წესით დღგ-ის აღრიცხვისათვის, ხოლო გრანტით შეძენილ საქონელზე გადახდილი დღგ-ის აღრიცხვა ხდება დღგ-ის გპაბ-ზე შესაბამისი ოპერაციების გამოყენებით”.

7. ინსტრუქციის მე-2 მუხლს დაემატოს შემდეგი შინაარსის მე-11-ე – მე-16-ე  პუნქტები:

 “11. გპაბ-ში მიეთითება გადასახადის გადამხდელის დასახელება (სახელი გვარი), საიდენტიფიკაციო ნომერი, გადასახადის დასახელება და პერიოდი.

12. გპაბ-ი საგადასახადო ინსპექციებში იხსნება შემდეგი პირებისათვის:

ა) ფიზიკური პირებისათვის - არარეზიდენტებისათვის, რომლებიც ახორციელებენ ინდივიდუალურ სამეწარმეო საქმიანობას საქართველოში მუდმივი დაწესებულების მეშვეობით - მათი ჩამოსვლის ადგილის მიხედვით საგადასახადო ინსპექციაში;

ბ) ფიზიკური პირებისათვის - არარეზიდენტებისათვის, რომლებიც შემოსავლებს იღებენ საქართველოში არსებული წყაროდან, არ იბეგრებიან საშემოსავლო გადასახადით გადახდის წყაროსთან და ამავე დროს ექვემდებარებიან გადასახადის დამოუკიდებლად გამოანგარიშებას და გადახდას - მათი საქმიანობის ადგილის მიხედვით საგადასახადო ინსპექციაში;

გ) იურიდიული პირებისათვის - არარეზიდენტებისათვის, რომლებიც სამეწარმეო საქმიანობას ახორციელებენ საქართველოში არსებული მუდმივი დაწესებულების მეშვეობით - მუდმივი დაწესებულების ადგილმდებარეობის მიხედვით საგადასახადო ინსპექციაში;

დ) იურიდიული და ფიზიკური პირებისათვის - არარეზიდენტებისათვის, რომლებსაც საქართველოში გააჩნიათ დაბეგვრის ობიექტები, საკუთრების ან საქართველოს საგადასახადო კოდექსით გათვალისწინებული სხვა უფლებით - დაბეგვრის ობიექტების ადგილმდებარეობის და/ან მათი საგადასახადო აღრიცხვის (რეგისტრაციის) მიხედვით საგადასახადო ინსპექციაში;

ე) არარეზიდენტებისათვის, რომლებიც საქართველოში ეწევიან საქმიანობას აგენტების მეშვეობით (რეზიდენტები ან სხვა არარეზიდენტები, რომლებსაც მინიჭებული აქვთ უფლება გააფორმონ კონტრაქტი არარეზიდენტის სახელით, ვის საქმიანობასაც ახორციელებს არარეზიდენტის მუდმივი დაწესებულება).

13. არარეზიდენტი იურიდიული და ან ფიზიკური პირების მიერ, საქართველოში მუდმივი დაწესებულების გარეშე საქმიანობის განხორციელების შემთხვევაში, საგადასახადო აგენტებზე გპაბ გაიხსნება მათი ადგილსამყოფელის ან საცხოვრებელი ადგილის მიხედვით საგადასახადო ინსპექციებში.

14. იმ შემთხვევაში, როდესაც ცალკეული სახის გადასახადების გამოანგარიშების ვალდებულება ეკისრება უფლებამოსილ ორგანოს - პირადი აღრიცხვის ბარათები იხსნება უფლებამოსილი ორგანოს მიერ შესაბამისი დოკუმენტაციის მიღებიდან არა უგვიანეს მეორე დღისა;

15. გადასახადის გადამხდელის/საგადასახადო აგენტის ან სხვა ვალდებული პირის მიმართ საგადასახადო სამართალდარღვევათა გამო დარიცხული ადმინისტრაციული ჯარიმების აღრიცხვა პირადი აღრიცხვის ბარათზე, რომლებზედაც საგადასახადო კოდექსის შესაბამისად დგება საგადასახადო სამართალდარღვევის ოქმი, წარმოებს შემდეგი წესით:

ა) ადმინისტრაციული ჯარიმები, რომლებიც გამოიყენება იურიდიული პირის ან ინდივიდუალური მეწარმის მიმართ და გამოიანგარიშება გადაუხდელი (შემცირებული) გადასახადის თანხის მიმართ პროცენტულად, აღირიცხება - შესაბამისი გადასახადების პირადი აღრიცხვის ბარათებზე, ბიუჯეტის შემოსულობების სათანადო სახაზინო კოდების გათვალისწინებით, რომელშიაც დაშვებულია საგადასახადო სამართალდარღვევა;

ბ) ფიზიკური და თანამდებობის პირების მიმართ, აგრეთვე იურიდიული პირების და ინდივიდუალური მეწარმეების, გარდა ამ პუნქტის “ა” ქვეპუნქტით გათვალისწინებული შემთხვევებისა, - დარიცხული ჯარიმის თანხები ჩაირიცხება ბიუჯეტის შემოსულობების სახის განმსაზღვრელ სახაზინო კოდებზე და აღრიცხვა განხორციელდება ამ მიზნისათვის გახსნილ საგადასახადო ჯარიმების ბარათზე.

16. ჯარიმის თანხების დარიცხვის შესახებ ჩანაწერები გპაბ-ზე განხორციელდება “ანგარიშსწორება ფინანსური სანქციის სახით ჯარიმის თანხაზე” განაყოფის “დარიცხულია” ან “შემცირებულია” გრაფების მიხედვით”.

8. ინსტრუქციის მე-3 მუხლის პირველი, მე-2, მე-3 და მე-4 პუნქტები ჩამოყალიბდეს შემდეგი რედაქციით:

 “1. ამ ინსტრუქციის თანახმად გადასახადის თანხების დარიცხვა გპაბ-ზე გულისხმობს საგადასახადო ორგანოს მიერ კონკრეტულ საგადასახადო პერიოდისათვის გადასახადის გადამხდელის/საგადასახადო აგენტის, სხვა ვალდებული პირის კუთვნილი საგადასახადო ვალდებულებების აღრიცხვას. დარიცხვა მოიცავს შესწორებით დარიცხვას და სავარაუდო დარიცხვას. ამსათან, შესწორებითი დარიცხვის შემთხვევაში უქმდება სავარაუდო დარიცხვა.

2. საშემოსავლო და სოციალური გადასახადების მიხედვით ბიუჯეტში ჩარიცხული თანხები გპაბ-ზე აისახება, მაგრამ იგი არ ჩაითვლება წინსწრებით (ზედმეტად) გადახდილად და კეთდება სავარაუდო დარიცხვა, საქართველოს საგადასახადო  კოდექსის 217-ე მუხლის მე-7 და 269-ე მუხლის პირველი ნაწილების თანახმად შესაბამისი დეკლარაციების (გაანგარიშებების) წარმოდგენამდე. იმ შემთხვევაში, როდესაც გადამხდელის მიერ გადახდილი გადასახადის (საშემოსავლო და სოციალური) თანხა ტოლია ან ნაკლებია შესაბამის გადასახდში არსებული ნარჩენი დავალიანებების თანხაზე, სავარაუდო დარიცხვა არ განხორციელდება და გადახდილი თანხით დაიფარება ნარჩენი დავალიანება, ხოლო დადგენილ ვადებში დეკლარაციით წარდგენილი თანხის ბარათზე დარიცხვის შემდგომ, თანხის გადახდის ვალდებულების მომენტიდან მის დაფარვამდე საურავის დარიცხვა განხორციელდეს პროგრამულად. იმ შემთხვევაში, თუ გადამხდელის მიერ გადახდილი გადასახადის (საშემოსავლო და სოციალური) თანხა აღემატება შესაბამის გადასახადში არსებული ნარჩენი დავალიანების თანხას, სავარაუდო დარიცხვა უნდა გავრცელდეს მხოლოდ გადახდილ და ძირითად დავალიანებას შორის დადებითი სხვაობის თანხაზე, ხოლო შემდგომ დეკლარაციის წარდგენისას მოხდება ბარათზე რიცხული ნაშთის ხელახალი გადაანგარიშება უკვე არსებული წესით, ანუ დეკლარაციის გატარებისას მოხდება სავარაუდო დარიცხვის მოხსნა და დეკლარირებული თანხის დარიცხვა.

3. გპაბ-ში ჩანაწერები ხორციელდება საგადასახადო ინსპექციის გადამხდელთა მომსახურების სამმართველოს მუშაკის მიერ, გადამხდელის მიერ წარმოდგენილი  საგადასახადო დეკლარაციების (გაანგარიშებების), დაზუსტებული დეკლარაციების,  საგადასახადო ინსპექციის მუშაკის კამერალური შემოწმების მასალების, საგადასახადო ინსპექციისა და სხვა უფლებამოსილი მაკონტროლებელი ორგანოების შემოწმების მასალების და სხვა სათანადო ინფორმაციის, არსებული წესის შესაბამისად გაფორმებული დასკვნების, გადახდილი თანხების შესახებ ინფორმაციის, კანონიერ ძალაში შესული სასამართლოს გადაწყვეტილებების, გადასახადის გადახდის ვადების გაგრძელების შესახებ დასკვნების, სახელმწიფო ხაზინიდან და საბანკო დაწესებულებებიდან მიღებული ამონაწერებისა და სხვა დოკუმენტების საფუძველზე.

4. გპაბ-ში ყველა ჩანაწერი წარმოებს თავისდროულად და ქრონოლოგიური წესით, ჩანაწერის გაკეთების თარიღისა და დამადასტურებელი დოკუმენტაციის სისწორის დადგენით. პირადი აღრიცხვის ბარათებში ჩანაწერები კეთდება შესაბამისად “დარიცხულია”, “შემცირებულია”, “გადახდილია” და “ბიუჯეტიდან უკან დაბრუნებულია ან გადატანილია” გრაფების მიხედვით. მასში ყოველი ჩანაწერის შემდეგ გამოიყვანება სალდო გადასახადის, ჯარიმისა და საურავის თანხების მიხედვით”.

9. ინსტრუქციის მე-3 მუხლის მე-11_16-ე პუნქტები ჩამოყალიბდეს შემდეგი რედაქციით:

 “11. გადასახადის გადამხდელის მიერ გადასახადის დასარიცხავად საჭირო ინფორმაციის წარუდგენლობის შემთხვევაში ან მისი წარდგენისას საქართველოს საგადასახადო კოდექსის 104-ე მუხლის მე-6 ნაწილის შესაბამისად, საგადასახადო ორგანო უფლებამოსილია, ხელთ არსებული ინფორმაციის საფუძველზე გააკეთოს დარიცხვა.

12. საგადასახადო ინსპექცია დამოუკიდებლად ახორციელებს გადასახადის თანხების დარიცხვას და ამის თაობაზე გადასახადის გადამხდელს უგზავნის “საგადასახადო მოთხოვნა”-ს, თუ:

ა) გადასახადის გადამხდელი ვალდებული არ არის წარადგინოს საგადასახადო დეკლარაცია (მაგ. მიწაზე ქონების გადასახადის შემთხვევაში);

ბ) როდესაც საგადასახადო ინსპექცია დაასკვნის, რომ ადრინდელი დარიცხვა არასწორია.

13. საგადასახადო ინსპექციაში გადამხდელების მიერ წარდგენილი საგადასახადო დეკლარაციები რეგისტრირდება გადამხდელთა საგადასახადო დეკლარაციების (გაანგარიშებების) რეგისტრაციის ჟურნალში (დანართი 2), შესაბამის პროგრამაში, საგადასახადო ინსპექციის გადამხდელთა მომსახურების სამმართველოს მუშაკის მიერ.

14. საგადასახადო შემოწმებებითა და სასამართლოს გადაწყვეტილებებით დარიცხული თანხების შესახებ ინფორმაციის რეგისტრაცია ხორციელდება    ჟურნალში (დანართი 3) და შესაბამის პროგრამაში.

15. საგადასახადო შემოწმების მასალების განხილვის შედეგებზე, ან საგადასახადო სამართალდარღვევის ოქმებზე გადასახადების ან/და საგადასახადო სანქციების თანხების დარიცხვის შესახებ საგადასახადო ორგანოს უფროსის/მოადგილის მიერ გადაწყვეტილების გამოტანის შემთხვევაში, გადასახადის გადამხდელს/საგადასახადო აგენტს, სხვა ვალდებულ პირს, ამ ინსტრუქციის მე-12 მუხლის შესაბამისად წარედგინება “საგადასახადო მოთხოვნა” დამატებით დარიცხული თანხების ოდენობის და გადახდის ვადების მითითებით. გადახდის ვადად ითვლება საგადასახადო შემოწმების აქტის გაფორმების თარიღი. პირი ვალდებულია გადაიხადოს საურავი დადგენილი ვადის ამოწურვის მომდევნო დღიდან. ამასთან, საგადასახადო მოთხოვნის მიღებიდან 45 სამუშაო დღის ვადაში მისი გადაუხდელობის შემთხვევაში განხორციელდება საქართველოს საგადასახადო კოდექსის 121-ე მუხლის მე-5 ნაწილით განსაზღვრული ღონისძიებები.

მაგალითი:

 შპს “ელიტა”-ს საგადასახადო შემოწმების შედეგებიდან გამომდინარე საგადასახადო ორგანოს ხელმძღვანელის გადაწყვეტილებით დამატებით გადასახდელად დაერიცხა 15000 ლარი, გადამხდელის საგადასახადო შემოწმების აქტი გაფორმებულია 2006 წლის 16 იანვარს. საგადასახადო ინსპექციის უფროსის/მოადგილის მიერ გადაწყვეტილება თანხის დარიცხვის თაობაზე მიღებულია 2006 წლის 20 იანვარს. შპს “ელიტა”-ს მიერ დარიცხული გადასახადი ბიუჯეტში გადახდილი იქნა 2006 წლის 7 მარტისათვის. ამ შემთხვევაში შპს “ელიტა”-ს დაერიცხება საურავი ყოველ ვადაგადაცილებულ დღეზე 2006 წლის 17 იანვრიდან 8 მარტამდე პერიოდისათვის 0.07 პროცენტის ოდენობით, თანხით 535.50 ლარის ოდენობით (15000 X 0.07 X 51) : 100.

ასეთ შემთხვევაში შპს “ელიტა”-ს მიმართ არ იქნება გამოყენებული საქართველოს საგადასახადო კოდექსის 121-ე მუხლის მე-5 პუნქტით განსაზღვრული ღონისძიებები.

16. თუ გადასახადის თანხა არ არის გადახდილი საგადასახადო კანონმდებლობით დადგენილ ვადაში, ამ შემთხვევაში გადასახადის გადამხდელი/საგადასახდო აგენტი, სხვა ვალდებული პირი ვალდებულია გადაიხადოს შესაბამისი საურავი. საურავი ერიცხება  საგადასახადო დავალიანების წარმოქმნის მომდევნო დღიდან თითოეული ვადაგადაცილებული დღისათვის და მისი გადახდა ხორციელდება საგადასახადო დავალიანების თანხაზე დანამატის სახით. ამასთან, ერთ რომელიმე გადასახადის თანხაზე საურავის დარიცხვის დროს გაითვალისწინება გადამხდელის სხვა გადასახადებში ზედმეტად გადახდილი თანხები. იმ შემთხვევაში, თუ ზედმეტად გადახდილი თანხების ჯამი აღემატება ვადაგადაცილებულ დავალიანებებს, ავტომატურად (პროგრამულად) შეწყდება საურავების დარიცხვა იმ გადასახადების მიხედვით, რომლებზედაც ირიცხება ვადაგადაცილებული დავალიანებები. თუ ვადაგადაცილებული დავალიანების საერთო თანხა აღემატება ზედმეტად გადახდილ გადასახადების საერთო თანხას, მაშინ საურავის ცალკეულ გადასახადში დარიცხვა შეწყდება ზედმეტად გადახდილი თანხის ფარგლებში, სხვა გადასახადებში არსებული ნარჩენების პროპორციულად. ამასთან, საშემოსავლო და სოციალური გადასახადების გპაბ-ზე არსებული ჩანაწერები გასალდოების პროცედურაში მონაწილეობენ 2005 წლის 1 თებერვლიდან. ყველა ის საურავი, რომლის შემცირება ვრცელდება გპაბ-ის ელექტრონული ვერსიის არსებობამდე პერიოდზე (მაგალითად: საურავის ნაშთის წლის დასაწყისისათვის შემცირების დროს), უნდა გატარდეს ოპერაცია “შემცირებულია დასკვნით” ან სხვა საურავის შემცირების ოპერაციით, გარდა “შემცირებულია ზედმეტობის საფუძველზე”. ყველა ის საურავი, რომლის შემცირება ვრცელდება გპაბ-ის ელექტრონული ვერსიის არსებობის პერიოდზე, უმცირდება ავტომატურად, პროგრამის მიერ და თუ შედეგი საჭიროებს კორექტირებას უნდა გატარდეს ოპერაცია “შემცირებულია ზედმეტობის საფუძველზე”. ასევე თუ ხდება შეცდომით (აქტით, დასკვნით ან სხვა)  დარიცხული საურავის შემცირება უნდა   გატარდეს ოპერაცია “შემცირებულია დასკვნით” ან სხვა საურავის შემცირების  ოპერაციით გარდა “შემცირებულია ზედმეტობის საფუძველზე”. სოციალური და საშემოსავლო გადასახადების გასალდოების დროს ყველა ის საურავი რომლის შემცირება ვრცელდება ამ თარიღის წინა პერიოდზე უნდა გატარდეს ოპერაცია “შემცირებულია დასკვნით” ან სხვა საურავის შემცირების ოპერაციით გარდა “შემცირებულია ზედმეტობის საფუძველზე”, ხოლო 2005 წლის 1 თებერვლის შემდგომ პერიოდზე პროცედურა თვითონ ახდენს შესამცირებელი საურავის დათვლას და თუ შედეგი საჭიროებს კორექტირებას უნდა გატარდეს ოპერაცია “შემცირებულია ზედმეტობის საფუძველზე”. ასევე თუ ხდება შეცდომით (აქტით, დასკვნით ან სხვა) დარიცხული საურავის  შემცირება  უდა გატარდეს ოპერაცია “შემცირებულია დასკვნით” ან სხვა საურავის შემცირების ოპერაციით გარდა “შემცირებულია ზედმეტობის საფუძველზე”.

10. ინსტრუქციის მე-3 მუხლს დაემატოს 161 _ 168 პუნქტები შემდეგი რედაქციით:

“161. იმ შემთხვევაში, თუ გადასახადის გადამხდელმა/საგადასახადო აგენტმა ან სხვა ვალდებულმა პირმა საგადასახადო შემოწმების შედეგები გაასაჩივრა კანონმდებლობით დადგენილი ვადების დაცვით (15 კალენდარული დღე “საგადასახადო მოთხოვნის” ჩაბარებიდან), და ამ ვადაში “საგადასახადო მოთხოვნის” შესრულების უზრუნველყოფის მიზნით, საგადასახადო ორგანოს არ წარუდგენს საბანკო გარანტიას ან/და ბანკში სადეპოზიტო ანგარიშზე სათანადო თანხის შეტანის ცნობას, ან/და ფინანსური რისკების დაზღვევის პოლისს ან/და თავის ქონებას საგადასახადო გირავნობით/იპოთეკით დასატვირთად, საგადასახადო ორგანოს უფლება აქვს სასამართლოს გადაწყვეტილების გარეშე გამოიყენოს საგადასახადო კოდექსის 150-ე მუხლის მე-2 ნაწილით გათვალისწინებული “საგადასახადო მოთხოვნის” შესრულების უზრუნველყოფის ღონისძიებები.

162. გადასახადის გადამხდელის/საგადასახადო აგენტის ან სხვა ვალდებული პირის მიერ საგადასახადო შემოწმების შედეგად დამატებით დარიცხული თანხის შესახებ მიღებული “საგადასახადო მოთხოვნით” გადასახადელად დარიცხული თანხის არა მთლიანად, არამედ მისი სადაო ნაწილის გასაჩივრების შემთხვევაში, პირადი აღრიცხვის ბარათზე ხდება მთლიანი თანხის განაწილება. ამ შემთხვევაში სადაო ნაწილზე გატარდება საგადასახადო ვალდებულებების შესრულების უზრუნველყოფის ღონისძიებები საგადასახადო კოდექსის 150-ე მუხლის დაცვით. 

163. საგადასახადო შემოწმების შედეგად დამატებით დარიცხული თანხის, რომელზედაც გადამხდელს არ გააჩნია პრეტენზია, ბიუჯეტში შეტანა უნდა განხორციელდეს გასაჩივრების კანონმდებლობით დადგენილი ვადის ამოწურვის შემდეგ. აღნიშნული თანხა ექვემდებარება ბიუჯეტში ამოღებას და შესაბამისად საურავის დარიცხვას. გადახდის ვადად ითვლება საგადასახადო შემოწმების აქტის გაფორმების თარიღი.

164. იმ შემთხვევაში, როდესაც საჩივრის განხილვის შედეგებით გამოტანილია გადაწყვეტილება საჩივრის მთლიანად ან ნაწილობრივ დაკმაყოფილების თაობაზე, მაშინ მოხდება საგადასახადო შემოწმების აქტით დარიცხული თანხების შესწორება პირადი აღრიცხვის ბარათებზე საბოლოოდ დარიცხული თანხების მიხედვით და გატარდება ამ მუხლის მე-163 პუნქტში ჩამოყალიბებული ოპერაციების ანალოგიურად, საბოლოო შედეგის მისაღებად. 

165. საგადასახადო შემოწმების მასალებზე საჩივრის განხილვის შედეგებიდან გამომდინარე ფორმირდება ახალი შეტყობინება (საგადასახადო ორგანოში გასაჩივრების შემთხვევაში) და პირადი აღრიცხვის ბარათზე დარიცხვის შესახებ ჩანაწერი შეიტანება საჩივრის განხილვის საბოლოო შედეგებიდან გამომდინარე მიღებული გადაწყვეტილების გათვალისწინებით. ამასთან, საგადასახადო შემოწმების შედეგად დარიცხულ გადასახადების და სანქციების თანხებზე არ გამოიყენება საგადასახადო ვალდებულებების შესრულების უზრუნველყოფის ღონისზიებები 15 კალენდარული დღის განმავლობაში.

166. იმ შემთხვევაში, თუ საგადასახადო ან სასამართლო ორგანოების განხილვის შედეგად არ იქნა დაკმაყოფილებული გადამხდელის საჩივარი, მოცემული თანხები ექვემდებარება ამოღებას საგადასახადო კოდექსის მე-11 თავით გათვალისწინებული საგადასახადო ვალდებულებების შესრულების უზრუნველყოფის ღონისძიებების გამოყენებით. ამასთან, პირადი აღრიცხვის ბარათზე დაერიცხება საურავი საგადასახადო ვალდებულებების შეუსრულებლობის თითოეული დღისათვის, დაწყებული “საგადასახადო მოთხოვნის” წარდგენის დღიდან.

მაგალითი :

შპს “ელიტა”-ს 2006 წლის 15 მარტის მდგომარეობით, ერიცხება ძირითადი გადასახადის ვადაგადაცილებული დავალიანება 15000 ლარის ოდენობით, რაზედაც მას წარედგინა “საგადასახადო მოთხოვნა,” მაგრამ საზოგადოების ხელმძღვანელობა არ დაეთანხმა მას და გაასაჩივრა იგი სასამართლოში, რომელმაც 2006 წლის 5 ივნისის განჩინებით არ დააკმაყოფილა გადამხდელის საჩივარი და შპს “ელიტა”-ს დააკისრა საგადასახადო ორგანოს მიერ 2006 წლის 15 მარტს წარდგენილი “საგადასახადო მოთხოვნის” შესრულება.

ამ შემთხვევაში შპს “ელიტა”-ს უნდა დაერიცხოს საურავი ვადაგადაცილებულ საგადასახადო დავალიანების თანხაზე დაწყებული 2006 წლის 16 მარტიდან, ყოველი ვადაგადაცილებული დღისათვის.

15000 X (ვადაგადაცილებულ დღეთა რაოდენობა X 0.07%) : 100].

167. იმ შემთხვევაში, როდესაც საგადასახადო ორგანოს ან სასამართლოს მიერ მიღებული იქნა გადაწყვეტილება საგადასახადო შემოწმების შედეგად გადასახადების დარიცხვის თაობაზე საჩივრის განხილვის შედეგების გაუქმების შესახებ, ამ შემთხვევაში, გადამხდელის პირადი აღრიცხვის ბარათზე დარიცხული თანხები ექვემდებარება საბოლოო მონაცემებიდან გამორიცხვას. შესაბამისად საგადასახადო ორგანოს გადამხდელთა მომსახურების სამმართველოს პასუხისმგებელი პირის მიერ მოხდება საგადასახადო შემოწმების შედეგად დარიცხული თანხების “შემცირება” დარიცხული თანხების სავადო თარიღების გათვალისწინებით.

168. საგადასახადო დავის დაწყების შემთხვევაში, დავის დაწყების დღიდან მის დასრულებამდე შეჩერებულად ითვლება სადაო თანხის, მასზე დარიცხული საურავისა და შესაბამისი ჯარიმის გადახდის ვალდებულება, თუმცა გრძელდება სადაო თანხაზე საურავის დარიცხვა”.

11. ინსტრუქციის მე-3 მუხლის მე-17 პუნქტი ჩამოყალიბდეს შემდეგი რედაქციით:

“17. გადასახადის გადამხდელთა  პირადი აღრიცხვის ბარათებზე გადასახადების მიხედვით აღიარებული საგადასახადო ვალდებულებების არსებობის შემთხვევაში ბიუჯეტის დავალიანებათა დაფარვა უნდა განხორციელდეს შემდეგი თანმიმდევრობით:

ა) გადასახადის ძირითადი თანხის გადახდა;

ბ) ფინანსური სანქციის სახით დარიცხული ჯარიმის თანხის გადახდა;

გ) დარიცხული საურავის თანხის გადახდა”.

12. ინსტრუქციის მე-3 მუხლს დაემატოს 171 _ 178 პუნქტები შემდეგი რედაქციით:

171. გპაბ-ზე დარიცხული და გადახდილი გადასახადის თანხების შესახებ ჩანაწერები წარმოებს დამრგვალებული წესით ერთ ლარამდე. დამრგვალების დროს 50 თეთრამდე თანხები ანგარიშში არ მიიღება, ხოლო 50 თეთრი და მეტი მიიღება, როგორც ერთი ლარი. ასეთივე წესი გამოიყენება აგრეთვე გადასახადების შემცირებისას;”

172. გადასახადის გადამხდელის ადგილსამყოფელის შეცვლის, იურიდიული პირის რეორგანიზაციის, გადამხდელის გაკოტრებულად ცნობის, სასამართლოს მიერ ფიზიკური პირის უგზო-უკვლოდ დაკარგულად გამოცხადების ან გარდაცვლილად ცნობის შემთხვევაში საგადასახადო ორგანოები ხელმძღვანელობენ იმ უფლებამოსილი ორგანოების მიერ წარმოდგენილი დოკუმენტებით, რომლებიც ახორციელებენ:

ა) იურიდიული პირების რეგისტრაციას, ხელახალ რეგისტრაციას და ლიკვიდაციას;

ბ) სტატისტიკურ საქმიანობას;

გ) დაბეგვრის ობიექტების აღრიცხვას და/ან რეგისტრაციას;

დ) ლიცენზიების, მოწმობების ან სხვა სანებართვო ან სარეგისტრაციო ხასიათის დოკუმენტების გაცემას;

ე) საქართველოში ფიზიკური პირების საცხოვრებელი ადგილის მიხედვით რეგისტრაციას;

ვ) სამოქალაქო აქტების რეგისტრაციას;

ზ) სანოტარო მოქმედებებს;

თ) მეურვეობის და მზრუნველობის შესახებ დოკუმენტების გაცემას;

ი) სასამართლო ორგანოების საქმიანობას.

173. მიღებული დოკუმენტების შინაარსიდან გამომდინარე საგადასახადო ორგანოს გადამხდელთა მომსახურების სამმართველო, საქართველოს საგადასახადო კოდექსის შესაბამისად იღებს სათანადო გადაწყვეტილებას გპაბ-ზე შესაბამისი ოპერაციის გასატარებლად.

174. სათამაშო ბიზნესის ორგანიზატორი პირების მიერ საგადასახადო ინსპექციაში წარდგენილი განაცხადი (მოთხოვნა), სათამაშო ბიზნესის გადასახადის გადახდის ნიშნების გამოყოფის შესახებ, საგადასახადო ინსპექციის მიერ განიხილება, როგორც სათანადო ინფორმაცია და აღნიშნული თანხების დარიცხვას, შესაბამისი პროცედურების დაცვით მოახდენს საანგარიშო თვის პირველი რიცხვის წინა დღის 24 საათიდან, სათამაშო ბიზნესის ორგანიზატორი გადამხდელის გადასახადების პირადი აღრიცხვის ბარათზე.    

175. თუ გადასახადის გადამხდელს ევალება საგადასახადო დეკლარაციის შევსება და მან წარადგინა იგი, ითვლება რომ:

ა) საგადასახადო ორგანომ განახორციელა “გადასახადის თანხების დარიცხვა”; და

ბ) საგადასახადო ორგანომ მას გაუგზავნა “საგადასახადო მოთხოვნა” დადგენილ ვადაში გადასახადის გადახდის შესახებ.

176. გადასახადი გადახდილ უნდა იქნას:

ა) თუ საგადასახადო კოდექსით გადასახადის გადამხდელისათვის დაწესებულია ვადა - ამ ვადაში;

ბ) თუ ეს ვადა არ არის დაწესებული, მაგრამ დაწესებულია დეკლარაციის წარდგენის ვადა - დეკლარაციის წარდგენის ვადაში;

გ) თუ არც გადასახადის გადამხდელისათვის არის დაწესებული ვადა და არც დეკლარაციის წარდგენის ვალდებულებაც არა აქვს - “საგადასახადო მოთხოვნის” მიღებიდან 15 დღეში.

177. გადასახადის გადამხდელის/საგადასახადო აგენტის წერილობითი განცხადების შედეგად, საგადასახადო ორგანოს მიერ სოციალური, საშემოსავლო, ქონების ან მოგების საგადასახადო დეკლარაციის წარდგენის ვადის 3 თვით გაგრძელების შემთხვევაში, გპაბ-ზე გადასახადის გადახდის ვადა არ იცვლება და იგი არ აჩერებს გადაუხდელ გადასახადზე საურავის დარიცხვის პროცედურას.

178. გადასახადის გადამხდელს, მიმდინარე წლის მოსალოდნელი დასაბეგრი შემოსავლის (მოგების), გასული წლის შემოსავალთან შედარებით, არანაკლებ 50%-ით შემცირების შემთხვევაში, თუ აღნიშნულის შესახებ მის მიერ მიმდინარე გადასახადელის გადახდის ვადამდე 15 დღით ადრე  ეცნობება შესაბამის საგადასახადო ორგანოს, უფლება აქვს საგადასახადო ორგანოს წარუდგინოს შესაბამისი “გადასახადის გადამხდელის მოთხოვნა” ან შესაგებელი და მოითხოვოს დარიცხული მიმდინარე გადასახდელების კორექტირება, რომლის შესრულება საგადასახადო ორგანოსათვის სავალდებულოა საქრთველოს საგადასახადო კოდექსით განსაზღვრულ შემთხვევებში და დადგენილი წესით. ამასთან, თუ წლიური შედეგით არ დასტურდება შემოსავლის შემცირების ფაქტი, უნდა განხორციელდეს საურავის დარიცხვა გადაუხდელი მიმდინარე გადასახდელების ფარგლებში”.

13. ინსტრუქციის მე-4 მუხლის პირველი პუნქტი ჩამოყალიბდეს შემდეგი რედაქციით:

“1. ნარჩენ დავალიანებად ითვლება ნებისმიერი გადასახადის თანხა, რომელიც დარჩა გადაუხდელი გადასახადის გადამხდელს/საგადასახადო აგენტს, სხვა ვალდებული პირს  კანონმდებლობით გათვალისწინებული ვადის გასვლის შემდეგ და განისაზღვრება როგორც სხვაობა ჯამურ საგადასახადო ვალდებულებასა და მის მიერ ცალკეული გადასახადების მიხედვით ბიუჯეტში ზედმეტად გადახდილი  თანხების ჯამს შორის”.

14. ინსტრუქციის მე-4 მუხლს დაემატოს 11 _ 14 პუნქტები შემდეგი რედაქციით: 

“11.საგადასახადო ვალდებულების შესრულებად ითვლება საგადასახადო კოდექსით დადგენილ ვადაში გადასახადის გადახდა. გადასახადი გადახდილ უნდა იქნას ლარებში, მხოლოდ საბანკო დაწესებულებების მეშვეობით, გარდა იმ შემთხვევებისა, როდესაც შესაბამის ტერიტორიაზე არ არსებობს საბანკო დაწესებულება. ასეთ შემთხვევაში გადასახადის თანხა შეიტანება საგადასახადო ორგანოს სალაროში და გადასახადის გადამხდელს სავალდებულო წესით ეძლევა მკაცრი აღრიცხვის ქვითარი.

12. გადასახადი გადახდილად ითვლება თუ გადასახადის გადამხდელმა:

ა) სათანადო საგადახდო დავალება საბანკო დაწესებულებას ჩააბარა შესაბამისი გადასახადის გადახდის ვადის ბოლო დღის 24 საათამდე.

ბ) უშუალოდ საგადასახადო ორგანოში შეიტანა გადასახადის თანხა, მისი გადახდის ვადის ბოლო დღის ბოლომდე.

მაგალითი:

შპს ‘’ელიტა”-მ დღგ-ის დეკლარაცია საგადასახადო ორგანოში წარადგინა 2006 წლის 15 მარტის დღის ბოლოსათვის და იქვე გადაიხადა კუთვნილი გადასახადი 15000 ლარის ოდენობით. ასეთ შემთხვევაში საგადასახადო ორგანო ვალდებულია ერთი სამუშაო დღის ვადაში ჩარიცხოს აღნიშნული თანხა შესაბამისი ბიუჯეტის ანგარიშზე.

ამდენად, თუ საგადასახადო ორგანოს მიერ ერთი დღის ვადაში (არა უგვიანეს 2006 წლის 16 მარტისა) არ იქნება შეტანილი ბიუჯეტის ანგარიშზე, გადასახადის გადამხდელს ანუ შპს ‘’ელიტა”-ს საურავი არ დაერიცხება.

13. საურავი წარმოადგენს ძირითად საგადასახადო სანქციას, რომელიც ეკისრება ნებისმიერ პირს, თუ მან საგადასახადო კანონმდებლობით დადგენილ ვადაში არ გადაიხადა ან არასრულად გადაიხადა ძირითადი გადასახადის თანხა. საურავის დარიცხვა წარმოებს იმ შემთხვევაშიც, როდესაც გადასახადის გადამხდელი დამოუკიდებლად აღმოაჩენს დაშვებულ შეცდომას და ბიუჯეტში გადარიცხავს გადასახადის შემცირებულ თანხებს. საურავი არ გამოიყენება, თუ გადასახადის გადახდა დაგვიანდა საგადასახადო ორგანოს მიერ მიცემული არასწორი წერილობითი მითითების შედეგად.

მაგალითი N1:

შპს “ელიტა”-მ თვითონ აღმოაჩინა, რომ 2006 წლის 15 მარტისათვის საგადასახადო ორგანოში წარდგენილ დღგ-ის დეკლარაციაში გამოანგარიშებული გადასახადი 15000 ლარის ნაცვლად უნდა ყოფილიყო 18000 ლარი, ანუ გადასახადი შემცირებული იქნა 3000 ლარით, რომელიც გადარიცხულია ბიუჯეტში 10 დღის დაგვიანებით. საგადასახადო ორგანოს მიერ შემცირებულ თანხაზე დაერიცხება საურავი ყოველი ვადაგადაცილებული დღისათვის 21 ლარის ოდენობით.

[3000 X (10 X 0.07%)] = 21 ლარი

მაგალითი N2:

შპს “ელიტა”-მ საგადასახადო ორგანოს მიერ არასწორი წერილობითი მითითების შედეგად დღგ-ის გამოანგარიშებული გადასახადი დაგვიანებით, 15 მარტის ნაცვლად, გადაიხადა 2006 წლის 20 მარტისათვის.

ამ შემთხვევაში, დაგვიანებული 5 დღისათვის შპს “ელიტა”-ს საურავი არ დაერიცხება.

14. გადასახადის გადამხდელის/საგადასახადო აგენტის ან სხვა ვალდებული პირის განცხადების საფუძველზე სოციალური, საშემოსავლო, ქონების ან მოგების გადასახადის დეკლარაციის წარდგენის ვადის გასვლამდე, მისი წარდგენის ვადის გაგრძელების შემთხვევაში, პირადი აღრიცხვის ბარათზე გადასახადის გადახდის დრო არ იცვლება. ამიტომ პირადი აღრიცხვის ბარათზე გადაუხდელი გადასახადის თანხის მიხედვით მოხდება საურავის დარიცხვა.

მაგალითი:

შპს “ელიტა”-მ 2005 წლის 30 მარტს საგადასახადო ორგანოს მიმართა განცხადებით 2004 წლის მოგების გადასახადის დეკლარაციის ვადის გაგრძელებაზე და თან გადაიხადა ამ დროისათვის მოსალოდნელი გადასახადი თანხით 25000 ლარის ოდენობით. ამ შემთხვევაში დეკლარაციის წარდგენის ვადა ავტომატურად გრძელდება 3 თვით.

შპს “ელიტა”-მ 2004 წლის მოგების გადასახადის დეკლარაცია საგადასახადო ორგანოს წარუდგინა 2005 წლის 1 ივლისს, რომლის მიხედვითაც მოგების გადასახადში ერიცხება 35000 ლარი, ანუ 10000 ლარით მეტი. ამ შემთხვევაში შპს “ელიტა”-ს 10000 ლარ გადაუხდელ თანხაზე დაერიცხება საურავი თითოეულ დღეზე 0.07 პროცენტის ოდენობით”.

[10000 X (91 X 0.07)] = 637 ლარი

15. ინსტრუქციის მე-4 მუხლის მე-2 პუნქტი ჩამოყალიბდეს შემდეგი რედაქციით:   

“2. თითოეული ვადაგადაცილებული დღისათვის საურავის დარიცხვა ხორციელდება საგადასახადო დავალიანების წარმოშობის მომდევნო დღიდან თითოეულ ვადაგადაცილებულ დღისათვის “საგადასახადო მოთხოვნის” წარდგენის ან წარუდგენლობის მიუხედავად. თუ გადასახადის გადამხდელი საურავის დარიცხვის ვალდებულების ვადის დადგომის შემდეგ გადაიხდის გადასახადის ძირითადი თანხის ნაწილს, გადახდის მომდევნო დღიდან საურავის დარიცხვა გაგრძელდება საგადასახადო დავალიანების ფაქტობრივად დარჩენილ ნაწილზე, ხოლო თუ მოვალე მთლიანად დაფარავს საგადასახადო დავალიანებას, ამ შემთხვევაში დავალიანების დაფარვის მომდევნო დღიდან შეწყდება საურავის დარიცხვა. დარიცხული საურავის თანხები ჩაირიცხება ბიუჯეტში “ბიუჯეტის შემოსულობების სახაზინო კოდების დამტკიცების შესახებ” საქართველოს ფინანსთა მინისტრის 2005 წლის 15 მარტის N136 ბრძანებით  დამტკიცებული N3 დანართის მიხედვით. საურავის გაანგარიშება წარმოებს შემდეგი ფორმულის გამოყენებით:

ს = (n X d X 0.07) : 100, სადაც:

ს – დარიცხული საურავის ოდენობა;

ნ - ნარჩენის (ვადაგადაცილებული დავალიანების) თანხა;

დ - ვადაგადაცილებული დღეების რაოდენობა;

მაგალითი: შპს “ელიტა”-ს პირადი აღრიცხვის ბარათზე გაკეთებულია ჩანაწერი ქონების გადასახადის მიმდინარე გადასახდელის დარიცხვის შესახებ, თანხით 15000.00 ლარის ოდენობით, რომელიც გადახდილი უნდა ყოფილიყო 2005 წლის 15 აპრილს. შპს “ელიტა”-მ აღნიშნული ქონების მიმდინარე გადასახდელი გადაიხადა 2005 წლის 27 ივლისს 9500.00 და 2005 წლის 17 ოქტომბერს დარჩენილი ნაწილი 5500.00 ლარი.

     ამ შემთხვევაში შპს “ელიტა”-ს საურავი ქონების გადაუხდელ გადასახდელის თანხაზე დაერიცხება ორ ნაწილად. პირველი -  2005 წლის 16 აპრილიდან 27 ივლისის ჩათვლით 15000.00 ლარზე და მეორე - 2005 წლის 16 აპრილიდან 17 ოქტომბრის ჩათვლით 5500.00 ლარზე. მაგრამ იმის გათვალისწინებით, რომ გადასახდელის გადახდის ვადა (2005 წლის 16 აპრილი) ემთხვევა არასამუშაო დღეს, ამდენად გადახდის ვადა გადაიტანება მომდევნო სამუშაო  დღისათვის (2005 წლის 18 აპრილი), ხოლო საურავის დარიცხვა დაიწყება 2005 წლის 19 აპრილიდან შემდეგი ოდენობით:

               ს = (15000.00 X 100 X 0.07) : 100 = 1050.00 ლარი;

               ს = (5500.00 X 182 X 0.07) : 100 = 700.70 ლარი”.

16. ინსტრუქციის მე-4 მუხლის მე-4 პუნქტი ჩამოყალიბდეს შემდეგი რედაქციით:

“4. საგადასახადო სამართალდარღვევის გამო გადასახადის გადამხდელის/საგადასახადო აგენტის მიმართ საგადასახადო სანქციის გამოყენება არ ათავისუფლებს მას კუთვნილი გადასახადებისა და საურავის თანხების გადახდის ვალდებულებისაგან”.

17. ინსტრუქციის მე-4 მუხლის მე-6 პუნქტი ჩამოყალიბდეს შემდეგი რედაქციით:

“6. გადახდის დღედ ითვლება დავალიანების დასაფარავად, საქართველოს ეროვნულ ბანკში გახსნილ ბიუჯეტის შემოსულობათა ერთიან ანგარიშზე, გადამხდელის (დებიტორი ორგანიზაციის) ანგარიშიდან მომსახურე ბანკის მიერ თანხის განთავსების დღე”.

18. ინსტრუქციის მე-4 მუხლის მე-9 და მე-10 პუნქტები ამოღებულ იქნას.

19. ინსტრუქციის მე-4 მუხლს დაემატოს 101 პუნქტი და ჩამოყალიბდეს შემდეგი რედაქციით:

 “101. გადასახადის გადახდას არ აქვს საერთო წესი და იგი დგინდება თითოეული გადასახადისთვის ცალ-ცალკე. გადასახადი გადაიხდება ლარებში საბანკო დაწესებულების მეშვეობით, გარდა იმ შემთხვევისა, როდესაც შესაბამის ტერიტორიაზე არ არსებობს საბანკო დაწესებულება. ასეთ შემთხვევაში თანხა შეიტანება საგადასახადო ორგანოს სალაროში და გადამხდელს ეძლევა მკაცრი აღრიცხვის ქვითარი. გადამხდელის მიერ უცხო ქვეყნის ვალუტით განხორციელებული ოპერაცია, რომელიც ექვემდებარება დაბეგვრას გადაიანგარიშება ლარებში ოპერაციის დღისათვის საქართველოს ეროვნული ბანკის ოფიციალური კურსით”.

20. ინსტრუქციის მე-5 მუხლის მე-3 პუნქტი ჩამოყალიბდეს შემდეგი რედაქციით:

“3. მე-2 სვეტში იწერება ოპერაციის შინაარსი, ინფორმაცია გადასახადის დარიცხვის, გადახდის,  შემცირების, დაბრუნების,  სხვა გადასახადებში გადატანის, გადასახადის გადახდის ვადის გაგრძელების, უიმედო ვალების ჩამოწერის და სხვათა შესახებ,  შესაბამისი პერიოდის მითითებით. ამავე სვეტში მიეთითება დოკუმენტები, რომელთა საფუძველზეც განხორციელდა ეს ოპერაციები: საგადახდო დავალება, საგადასახადო დეკლარაცია, დაზუსტებული (დამატებითი) საგადასახადო დეკლარაცია, დასკვნა ზედმეტად გადახდილი თანხის დაბრუნების ან გადატანის თაობაზე, გადაწყვეტილებები სავარაუდო დარიცხვის, საგადასახადო შემოწმების აქტით დარიცხული ან შემცირებული თანხების, დავალიანების გადახდის ვადის გაგრძელების შესახებ, კანონიერ ძალაში შესული სასამართლოს დადგენილება ან განჩინება. ამ სვეტში შესატანი ჩანაწერების ტიპური ჩამონათვალი მოცემულია ამ ინსტრუქციის მე-4 დანართში”.

21. ინსტრუქციის მე-5 მუხლის მე-6 პუნქტი ჩამოყალიბდეს შემდეგი რედაქციით:

“6. მე-5 სვეტი განკუთვნილია, როგორც მიმდინარე თვის, ისე გასულ პერიოდზე ადრე დარიცხული თანხების შემცირებისათვის. აგრეთვე, რესტრუქტურიზაციის რეჟიმში მყოფი საწარმოს, რესტრუქტურიზებული დავალიანების თახის ძირითადი ნაწილისათვის, მისი გაყინვის პერიოდში”

22. ინსტრუქციის მე-5 მუხლის მე-10 პუნქტი ჩამოყალიბდეს შემდეგი რედაქციით:

“10. მე-9 სვეტში გამოიყოფა დავალიანების თანხა, რომელზედაც არ ხდება საურავის დარიცხვა. კერძოდ:

ა) გაკოტრების საქმის წარმოების გახსნის, რეაბილიტაციის ან საგაკოტრებო მორიგების დამტკიცების შესახებ განჩინების კანონიერ ძალაში შესვლიდან შესაბამისი რეჟიმის დასრულებამდე, გაკოტრების ან რეაბილიტაციის რეჟიმში მყოფი საწარმოს, ამ რეჟიმების დაწყებამდე არსებული ვადაგადაცილებული საგადასახადო დავალიანებები;

ბ) გაკოტრების რეჟიმში შესვლის დროს გატარდება შემდეგი ოპერაციებით:

ბ.ა) „შეუმცირდა გაკოტრების საფუძველზე“ და თანხა მოიხსნება ნარჩენის ნაშთიდან, რომელზეც ერიცხებოდა საურავი. (დანართი 1  სვ.8.)

ბ.ბ) “დაერიცხა გაკოტრების საფუძველზე” და თანხა აისახება გრაფაში “ნარჩენი თანხა, რომელსაც საურავი არ ერიცხება.“ დანართი 1  სვ.9 და სვ.8

გ) გაკოტრების რეჟიმიდან გამოსვლის დროს გატარდება შემდეგი ოპერაციებით:

გ.ა) „შეუმცირდა გაკოტრების დასრულების საფუძველზე“ და თანხა მოიხსნება “ნარჩენი თანხა, რომელსაც საურავი არ ერიცხება”  ნაშთიდან. დანართი 1  სვ.9 და  სვ.8.

გ.ბ) “დაერიცხა გაკოტრების დასრულების საფუძველზე” და თანხა აისახება გრაფაში “ნარჩენი”, დანართი 1  სვ.8  და დაერიცხება საურავი”.

23. ინსტრუქციის მე-5 მუხლის მე-13, მე-14, მე-15 და მე-16 პუნქტები ჩამოყალიბდეს შემდეგი რედაქციით:

“13. მე-17-21 სვეტები განკუთვნილია ვადაგადაცილებული დავალიანების გამო წარმოშობილი საურავების აღრიცხვისათვის.

14. მე-17 სვეტში მიეთითება დროის პერიოდი, რომლის განმავლობაშიც ხდება საურავების დარიცხვა. მე-18-ე სვეტში ჩაიწერება დარიცხული საურავის თანხის ოდენობა, მე-19 სვეტში ჩაიწერება საურავი, რომელიც არ დაერიცხა სალდირების შედეგად, ამ ინსტრუქციის მე-3  მუხლის მე 16-პუნქტის თანახმად,  მე-20 სვეტში იწერება გადახდილი ან დაბრუნებული საურავი, 21-ე სვეტში აღირიცხება გადაუხდელი საურავის ნაშთი.

15. ადრე დარიცხული საურავის შემცირების თანხები (სვეტი 18) ან შემოსული (ჩარიცხული) საურავები (სვეტი20) ძირითადი გადასახდელების დასაფარავად ჩაიწერება შესაბამისად ამავე სვეტებში (მე-20 სვეტში). ამავდროულად მე-20  სვეტში ჩაწერილი თანხა იწერება მე-6 სვეტში, როგორც ძირითადი გადასახდელების შემოსავლები და მე-2 სვეტში აღინიშნება ასე: ,,გადატანილია ძირითადი გადასახდელი თანხის დაფარვის ანგარიშზე საურავის ანგარიშიდან.

16. 22-ე - 25-ე სვეტები განკუთვნილია გადამხდელის ჯამური ანგარიშსწორების სალდოსათვის, ძირითადი გადასახადის, ფინანსური სანქციის სახით ჯარიმისა და საურავების ჩათვლით”.

24. ინსტრუქციის მე-5 მუხლის მე-18 პუნქტი ჩამოყალიბდეს შემდეგი რედაქციით:

“18. 26-ე სვეტში აისახება გადახდილი თანხები ნაზარდი ჯამით, წლის დასაწყისიდან”.

25. ინსტრუქციის მე-6 მუხლის პირველი, მე-2 და მე-3 პუნქტები  ჩამოყალიბდეს შემდეგი რედაქციით:

“1. ყოველი მითითებული პერიოდისთვის გპაბ-ზე ხდება შედეგების გამოყვანა დარიცხული, შემცირებული, ბიუჯეტში გადახდილი და ბიუჯეტიდან უკან დაბრუნებული გადასახადის თანხების, ჯარიმებისა და საურავების მიხედვით, გარდა იმ სვეტებისა, რომლებშიც ასახულია საბოლოო ნაშთები და საბოლოო ნაშთების გამოყვანა ხდება ნაზარდი ჯამით წლის დასაწყისიდან. მიღებული შედეგები ჩაიწერება “შედეგი პერიოდისათვის” ჩანაწერის გასწვრივ. 

2. ოპერაციის ჩანაწერის ყოველი თარიღისათვის განისაზღვრება “ანგარიშსწორების სალდო” ნარჩენი, ზედმეტად გადახდილი, ძირითადი გადასახადების, ჯარიმებისა და საურავის თანხებზე.

3. “შედეგი პერიოდისათვის“ აღინიშნება გპაბ-ზე გავლებული ხაზით, მითითებული პერიოდისთვის ბოლო ჩანაწერის შემდეგ”.

26. ინსტრუქციის მე-6-ე _ მე-10-ე პუნქტები ჩამოყალიბდეს შემდეგი რედაქციით:

“7. გადასახადების დარიცხვის, შემცირების, გადახდის და დაბრუნების შესახებ ყველა ჩანაწერი გპაბ-ზე წარმოებს განაყოფში “ანგარიშსწორება ძირითადი გადასახადების მიხედვით”, რომელიც იყოფა გრაფებად: “დარიცხულია”, “შემცირებულია”, “გადახდილია ბიუჯეტში”, “ბიუჯეტიდან უკან დაბრუნებულია ან გადატანილია”, და “ანგარიშსწორების სალდო”. განაყოფში  - “ანგარიშსწორება ძირითადი გადასახადის მიხედვით” ანგარიშსწორების სალდო “ნარჩენი და ზედმეტად გადახდილია”, გამოიანგარიშება შემდეგი არითმეტიკული მოქმედებების გამოყენებით: საშედეგო თანხებს მე-4 სვეტში, გამოკლებული მე-5 - მე-7 სვეტების ჯამი, დამატებული  ანგარიშსწორების სალდო საანგარიშო პერიოდის დასაწყისისათვის (უარყოფითი სალდოს შემთხვევაში - სვეტი 8, ხოლო დადებითი სალდოს შემთხვევაში - სვეტი 10), უნდა  უდრიდეს   შესაბამისად მე-8 ან მე-10  სვეტების საშედეგო თანხას საანგარიშო პერიოდის დასასრულისათვის.

8. გპაბ-ზე მიმდინარე გადასახადის  დარიცხვისა და გადახდის შესახებ ჩანაწერების  ერთიდაიმავე  თარიღით გატარების დროს,  უპირატესობა მიენიჭება დარიცხვის ჩანაწერს.

9. ყველა ჩანაწერი ჯარიმის დარიცხვის, შემცირების, გადახდის და დაბრუნების შესახებ წარმოებს ველში “ანგარიშსწორება ფინანსური სანქციის სახით ჯარიმის თანხაზე”, რომელიც იყოფა შემდეგ გრაფებად: “დარიცხულია”, “შემცირებულია”, “გადახდილია ბიუჯეტში”, “უკან დაბრუნებულია” და “სანქციის ანგარიშსწორების სალდო”. ანგარიშსწორების სალდო “ნარჩენი ან ზედმეტად გადახდილი” გამოიანგარიშება შემდეგი არითმეტიკული მოქმედების გამოყენებით:  - “ანგარიშსწორება ფინანსური სანქციის სახით ჯარიმის თანხაზე”,  საშედეგო თანხის მე-11 სვეტს გამოკლებული მე-12 - მე-14 სვეტების ჯამი,  დამატებული  ანგარიშსწორების სალდო საანგარიშო პერიოდის დასაწყისისათვის,   სვეტი 15 (ნარჩენი სალდოს შემთხვევაში),  ან  სვეტი 16 (დადებითი სალდოს შემთხვევაში), უნდა  უდრიდეს   შესაბამისად  მე-15  სვეტის  ან მე-16 სვეტის საშედეგო თანხას.

10. ყველა ჩანაწერი საურავის დარიცხვის, გადახდის, დაბრუნების შესახებ წარმოებს განაყოფში “ანგარიშსწორება საურავის დარიცხვაზე და გადახდაზე”, რომელიც იყოფა გრაფებად “დროის პერიოდი”, “დარიცხულია საურავი”, “საურავი, რომელიც არ დაერიცხა სალდირების შედეგად”, “გადახდილია ან დაბრუნებულია” და “გადაუხდელი საურავის ნაშთი”. ველი საურავის დარიცხვაზე “ნარჩენი”, ან “ზედმეტად გადახდილია”, გამოიანგარიშება შემდეგი არითმეტიკული მოქმედების გამოყენებით: განაყოფში - “ანგარიშსწორება საურავის დარიცხვაზე და გადახდაზე”,  გადაუხდელი საურავის სალდო საანგარიშო პერიოდის დასაწყისისათვის, დამატებული 18-ე სვეტის საშედეგო თანხა, უნდა უდრიდეს  20-ე და 21-ე სვეტების ჯამს”.

27. ინსტრუქციის მე-7 მუხლის პირველი პუნქტი ჩამოყალიბდეს შემდეგი რედაქციით:

“1. გადასახადების აღრიცხვის სწორად წარმოების კონტროლის მიზნით, საგადასახადო ინსპექციის გადამხდელთა მომსახურების სამმართველოს მიერ არანაკლებ კვარტალში ერთხელ, ხდება გპაბ-ზე წარმოებული ჩანაწერების სისწორის ვიზუალური შემოწმება”.

28. ინსტრუქციის მე-7 მუხლის მე-3 და მე-4 პუნქტები ჩამოყალიბდეს შემდეგი რედაქციით:

“3. გპაბ-ის შემოწმების დროს უნდა დადგინდეს:

ა) გპაბ-ზე დარიცხული და შემცირებული გადასახადის თანხების შესახებ წარმოებული ჩანაწერების თავისდროულობა, სისწორე და სისრულე;

ბ) პირველადი და სახელმწიფო ხაზინის დოკუმენტაციის საფუძველზე, ბიუჯეტში ჩარიცხული და ბიუჯეტიდან უკან დაბრუნებული გადასახადის თანხების შესახებ გპაბ-ზე წარმოებული ჩანაწერების თავისდროულობა, სისწორე და სისრულე;

გ) გადამხდელის/საგადასახადო აგენტის ან სხვა ვალდებული პირის ბიუჯეტთან ანგარისსწორების სალდოს გამოყვანის სისწორე, საგადასახადო დავალიანების ან ზედმეტად გადახდილი თანხების კუთხით;

დ) გადამხდელის/საგადასახადო აგენტის ან სხვა ვალდებული პირის მიერ საგადასახადო ანგარიშგებაში შეტანილი ცვლილებების შედეგად, ადრე წარდგენილ საგადასახადო დეკლარაციაში არსებული განსხვავების გპაბ-ზე ასახვის სისწორე;

ე) გპაბ-ის ყველა სვეტების მიხედვით გამოყვანილი შედეგების სისწორე;

ვ) საურავების დარიცხვის სისწორე;

ზ) გადასახადების გადახდის ვადების მითითების სისწორე;

თ) საბანკო ანგარიშებიდან გადასახადის თანხების ჩამოწერის და მისი ბიუჯეტში ჩარიცხვის თარიღების მითითების სისწორე.

4. წლის დამთავრების შემდეგ ყველა გპაბ-ზე ავტომატურად  გამოიყვანება შედეგები წლის ბოლოსათვის, რომლებიც გადადის მომდევნო წლის დასაწყისდისათვის”.

29. ინსტრუქციის მე-7 მუხლის მე-10 პუნქტი ჩამოყალიბდეს შემდეგი რედაქციით:

“10. ყოველი საგადასახადო წლის პირველი იანვრის მდგომარეობით, საგადასახადო ინსპექციები ატარებენ ყველა გადამხდელის ბიუჯეტთან ანგარიშსწორების მდგომარეობის შემოწმებას. თუ ბიუჯეტთან ანგარიშსწორების სალდო პირველი იანვრისათვის არ ედრება საგადასახადო ინსპექციის მონაცემებს, ანგარიშების შემოწმება უნდა მოხდეს გადასახადის გადამხდელის, ან მისი წარმომადგენლის  თანდასწრებით და გაფორმდეს შედარების აქტი”.

30. ინსტრუქციის მე-8 მუხლის პირველი, მე-2 და მე-3 პუნქტი ჩამოყალიბდეს შემდეგი რედაქციით:

“1. საგადასახადო წლის დამთავრების შემდეგ გპაბ-ში დეკემბრის თვის ბოლო რიცხვში ყველა ოპერაციის მიხედვით გაკეთებული ჩანაწერის შემდეგ დაიხურება ყველა გპაბ და გამოიყვანება წლის შედეგები როგორც დარიცხული, შემცირებული, გადახდილი და დაბრუნებული გადასახდის თანხების, ისე ჯარიმებისა და საურავების მიხედვით.

2. პირადი აღრიცხვის ბარათების დახურვა გადამხდელების მიხედვით ხდება ავტომატურად შემდეგი წესით:

ა) გადამხდელთა პირადი აღრიცხვის ის ბარათები, რომლებზედაც არ ირიცხება ნარჩენი (დავალიანება ან ზედმეტობა) საგადასახადო წლის დამთავრების შემდეგ დაიხურება, გაევლება ხაზი და გაკეთდება ჩანაწერი „შედეგი წლის ბოლოსათვის“, გაიხსნება ახალი ბარათი და გაკეთდება ჩანაწერი „მიმდინარე წლის ათვლის სათავე”;

ბ) ნარჩენი ან ზედმეტად გადახდილი თანხების ნაშთები - ძირითადი გადასახადების, ასევე ჯარიმებისა და საურავების მიხედვით, გპაბ-ში გაევლება ხაზი და გაკეთდება ჩანაწერი „შედეგი წლის ბოლოსათვის“ ჩაიწერება ნაშთები და გადაიტანება მომავალი წლისათვის გახსნილ გადამხდელთა პირადი აღრიცხვის ახალ ბარათებში და გაკეთდება ჩანაწერი „მიმდინარე წლის ათვლის სათავე“. საგადასახადო წლის დამთავრებასთან დაკავშირებით პირადი აღრიცხვის ბარათის დახურვის შემდეგ, მასში ყოველგვარი ჩანაწერის გაკეთება დაუშვებელია.

3. გადასახადის გადამხდელის/საგადასახადო აგენტის ან სხვა ვალდებული პირის ადგილსამყოფელის ან საქმიანობის განხორციელების ადგილის შეცვლასთან დაკავშირებით, ერთი საგადასახადო ინსპექციიდან საგადასახადო აღრიცხვიდან (რეგისტრაციიდან) მოხსნისა და მისი მეორე საგადასახადო ინსპექციაში საგადასახადო აღრიცხვაზე (რეგისტრაციაზე) დადგომის შემთხვევაში, წარმოდგენილი განცხადება უნდა შეიცავდეს შემდეგ მონაცემებს:

ა) გადასახადის გადამხდელის/საგადასახადო აგენტის ან სხვა ვალდებული პირის სრული დასახელება;

ბ) საიდენტიფიკაციო ნომერი;

გ) საგადასახადო აღრიცხვიდან (რეგისტრაციიდან) მოხსნის თარიღი;

დ) საგადასახადო ორგანოს დასახელება, სადაც გადადის გადამხდელი/საგადასახადო აგენტი ან სხვა ვალდებული პირი”.

31. ინსტრუქციის მე-8 მუხლს დაემატოს შემდეგი შინაარსის 31 პუნქტი:

“31. გადამხდელის/საგადასახადო აგენტის ან სხვა ვალდებული პირის მიერ საგადასახადო აღრიცხვიდან (რეგისტრაციიდან) მოხსნის თაობაზე წარმოდგენილი განცხადების საფუძველზე, საგადასახადო ორგანო აუცილებელი წესით აფორმებს გადასახადების მიხედვით ბიუჯეტთან ანგარიშსწორების შედარების აქტს, მიმდინარე წლის დასაწყისიდან, საგადასახადო აღრიცხვიდან მოხსნის თარიღამდე პერიოდისათვის, რისთვისაც უნდა გატარდეს შემდეგი პროცედურები:

ა) შედარების აქტი ამოიბეჭდება სამ ეგზემპლარად:  ერთი ეგზემპლარი ინახება  გადამხდელთან, მეორე - საგადასახადო ინსპექციაში, სადაც მოხდა ბიუჯეტთან  ანგარიშსწორების შედარება, ხოლო მესამე ეგზემპლარი ეგზავნება ახალ, საგადასახადო აღრიცხვის ადგილმდებარეობის მიხედვით საგადასახადო  ინსპექციას;

ბ) შედარების აქტს ხელს აწერს გადამხდელი და  საგადასახადო ინსპექციის  წარმომადგენელი და ამის შემდეგ იგზავნება სათანადო მასალები საგადასახადო დეპარტამენტში გადამხდელის გადასვლასთან დაკავშირებით. გპაბ–ის ელექტრონული ვერსია ავტომატურად გადავა, როგორც კი მიეთითება  მისი გადასვლის შესახებ გადამხდელთა;

გ) საგადასახადო ინსპექცია, საიდანაც გადადის გადამხდელი, მისი ახალი  ადგილმდება¬რეობის მიხედვით საგადასახადო ინსპექციას უგზავნის  წერილს გპაბ-ის  ასლთან  და შედარების აქტთან ერთად. წერილს ხელს აწერს საგადასახადო ინსპექციის უფროსი, ხოლო გპაბ-ის ასლებს_გადამხდელთა მომსახურების სამმართველოს უფროსი. ხელმოწერები უნდა დამოწმდეს საგადასახადო ინსპექციის ბეჭდით; 

დ) გადამხდელის ახალი ადგილმდებარეობის მიხედვით საგადასახადო ინსპექცია  მიღებულ გპაბ-ებში აგრძელებს ჩანაწერებს, უზრუნველყოფს არსებული დავალიანებების  ბიუჯეტში ამოღებას და სხვა მიმდინარე ოპერაციებს დადგენილი წესების შესაბამისად;

ე) გადამხდელის ერთი საგადასახადო ინსპექციიდან მეორეში გადასვლის შემდეგ, ამ გადამხდელის მიერ წინა საგადასახადო აღრიცხვაზე მყოფი საგადასახადო ინსპექციის ბიუჯეტის შემოსულობების სახაზინო კოდზე გადასახადების ჩარიცხვის შემთხვევაში, აღნიშნული თანხები გადაიტანება სახელმწიფო ხაზინის მეშვეობით, ახალი საგადასახადო აღრიცხვის მიხედვით საგადასახადო ინსპექციის ბიუჯეტის შემოსულობების სახაზინო კოდზე;

ვ) გადამხდელის/საგადასახადო აგენტის ან სხვა ვალდებული პირის მიერ ადგილსამყოფელის ან საქმიანობის განხორციელების ადგილის შეცვლის შესახებ განცხადების წარდგენიდან და გადასახადების მიხედვით ბიუჯეტთან ანგარიშსწორების შედარების აქტის გაფორმებიდან 10 დღის განმავლობაში ყველა დოკუმენტი უნდა იქნას გადაცემული ამ პირის ახალი ადგილსამყოფელის ან საქმიანობის განხორციელების მიხედვით მდებარე საგადასახადო ინსპექციისათვის, რომელიც თავის მხრივ ვალდებულია დაუდასტუროს დოკუმენტაციის გამგზავნ საგადასახადო ორგანოს აღნიშნული დოკუმენტების მიღების შესახებ”.

32. ინსტრუქციის მე-8 მუხლის მე-4-ე _ მე-6-ე პუნქტები ჩამოყალიბდეს შემდეგი რედაქციით:

“4. საწარმოს (ორგანიზაციის) რეორგანიზაციის შემთხვევაში,  რეორგანიზებული გადამხდელის ბიუჯეტში  გადასახდელების ანგარიშგების სალდო გადაიტანება ახლადშექმნილი უფლებამონაცვლე ორგანიზაციის პირადი აღრიცხვის ბარათზე. ამასთან, უფლებამონაცვლე ორგანიზაცია ვალდებულია შეასრულოს რეორგანიზებული გადამხდელის საგადასახადო ვალდებულებები და გადაიხადოს ყველა გადასახადი და სანქცია ან/და საურავი, რომლებიც წარმოშობილი იყო  რეორგანიზაციამდე. რეორგანიზებული პირის რამოდენიმე უფლებამონაცვლის არსებობის შემთხვევაში “სალდო”, ნარჩენი ან ზედმეტობა განაწილდება ამ უფლებამონაცვლეებს შორის მათი წილის შესაბამისად.

5. რეორგანიზაციის დამთავრების შემდეგ გამოიყვანება ბიუჯეტთან ანგარიშსწორების სალდო, დაიხურება გპაბ უკუოპერაციებით (განულდება) და გაკეთდება ჩანაწერი (დანართ1 სვეტი 2) ნარჩენი (ზედმეტობა) გადატანილია უფლებამონაცვლე ორგანიზაციის პირადი აღრიცხვის ბარათზე, მიეთითება მისი საიდენტიფიკაციო ნომერი, ბოლოს ამობეჭდილ ბარათზე კეთდება ხელმოწერა”.

6. უფლებამონაცვლე გადამხდელის გპაბ-ზე გადაიტანება რეორგანიზებული ორგანიზაციის სალდო, ნარჩენი (ზედმეტობა) და კეთდება ჩანაწერი: “გადმოტანილია რეორგანიზებული ორგანიზაციის გპაბ-დან” და მიეთითება რეორგანიზებული ორგანიზაციის საიდენტიფიკაციო ნომერი, ამოიბეჭდება ბარათი და კეთდება ხელმოწერა”.

33. ინსტრუქციის მე-8 მუხლის მე-8, მე-9, მე-10 და მე-11 პუნქტები ჩამოყალიბდეს შემდეგი რედაქციით:

“8. გადასახადის გადამხდელი ფიზიკური პირის საცხოვრებელი ადგილის შეცვლის დროს იგზავნება შეტყობინებები და გპაბ ერთი საგადასახადო ინსპექციიდან მეორეში, ხოლო გპაბ–ის ელექტრონული ვერსია ავტომატურად გადავა, როგორც კი მიეთითება მისი გადასვლის შესახებ გამახდელთა აღრიცხვის (რეგისტრაციის) პროგრამაში.

9. შეტყობინებაში მიეთითება სახელი, გვარი, დაბადების წელი, საქმიანობის სახე, ახალი საცხოვრებელი ადგილის მისამართი, გადასახდელი თანხის ოდენობა.

10. საგადასახადო ინსპექცია, რომელმაც მიიღო შეტყობინება, ადგენს გადამხდელის ზუსტ მისამართს და ატყობინებს შესაბამის საგადასახადო ინსპექციას, რომ მის მიერ გაგზავნილი შეტყობინება გადასახადის ამოღების შესახებ მიღებულია შესასრულებლად და უთითებს გადამხდელის ზუსტ მისამართს. გადაცემული გპაბ-ს უდარებს გპაბ-ის ელექტრონულ ვერსიას.

11. საგადასახადო ინსპექცია გადამხდელის ძველი ადგილმდებარეობის მიხედვით, მეორე საგადასახადო ინსპექციის მიერ გადასახადის ამოსაღებად შეტყობინების მიღების შესახებ ინფორმაციის საფუძველზე ამობეჭდილ გპაბ-ზე აკეთებს ჩანაწერს: “200 - წლის -- --” მიღებული ინფორმაციის საფუძველზე გადასახადის ამოღება გადაეცა --------------- რაიონის (ქალაქის) საგადასახადო ინსპექციას”.

34. ინსტრუქციის მე-8 მუხლს დაემატოს შემდეგი შინაარსის 111 _ 1114 პუნქტები:

“111. საგადასახადო ინსპექციის გადამხდელთა მომსახურების სამმართველოს მიერ გადასახადის გადამხდელის ლიკვიდაციის თაობაზე სათანადო დოკუმენტაციის მიღების შემდეგ, დოკუმენტაციაში მითითებული ლიკვიდაციის თარიღისათვის დგება შედარების აქტი გადასახადების მიხედვით ბიუჯეტთან ანგარიშსწორების შესახებ თანახმად მოქმედი წესისა.

112. იურიდიული პირის შესახებ მონაცემებში შეიტანება ჩანაწერი “ლიკვიდირებული იურიდიული პირი”.

113. საწარმოს/ორგანიზაციის ლიკვიდაციის მომენტისათვის არსებული საგადასახადო ვალდებულება (რომელიც მოიცავს ჯარიმებსა და საურავებს) სრულდება სალიკვიდაციო კომისიის მიერ ამ საწარმოს/ორგანიზაციის ფულადი და ქონების რეალიზაციის გზით მიღებული სახსრებით.

114. საწარმოს/ორგანიზაციის ფილიალის ან სხვა სტრუქტურული ქვედანაყოფის ლიკვიდაციის დროს საგადასახადო ვალდებულებას ასრულებს თვითონ ის საწარმო ან ორგანიზაცია, რომელმაც დააფუძნა ფილიალი, ვინაიდან ფილიალს არ გააჩნია საკუთრების უფლება დამფუძნებლის მიერ მისთვის გადაცემულ ან მოგვიანებით თავისი სახსრებით შეძენილ ქონებაზე და მასთან არსებული მთელი ქონება დამფუძნებელი ორგანიზაციის საკუთრებაა.

115. საწარმოს/ორგანიზაციის ლიკვიდაციამდე მისი ხელმძღვანელობა ვალდებულია მიმართოს საგადასახადო აღრიცხვის (რეგისტრაციის) მიხედვით საგადასახადო ინსპექციას, საგადასახადო შემოწმების ჩატარებისათვის, რათა დადგინდეს მისი საბოლოო საგადასახადო ვალდებულება, რის შემდგომ უნდა დაიწყოს საწარმოს/ორგანიზაციის ლიკვიდაციის პროცედურები.

116. საწარმოს/ორგანიზაციის ლიკვიდაციის დროს საგადასახადო ვალდებულებები უნდა შესრულდეს არა უგვიანეს ერთი თვის ვადისა, რომელიც შეიძლება გაგრძელდეს არა უმეტეს ორი თვის ვადით. აღნიშნული ვადა აითვლება ლიკვიდაციის დაწყებიდან. ამასთან, საგადასახადო ვალდებულებების შესრულების ვადის ორ თვემდე გაგრძელება არ აჩერებს საურავების დარიცხვას.

117. სალიკვიდაციო გადაწყვეტილების მიღების შემდეგ ხდება გპაბ-ის განულება უკუოპერაციებით.”

118. სასამართლოს მიერ ფიზიკური პირის უგზო - უკვლოდ დაკარგულად აღიარების შემთხვევაში, მის საგადასახადო ვალდებულებებს ასრულებს საქართველოს კანონმდებლობის თანახმად უფლებამოსილი პირი. გადამხდელთა მომსახურების სამმართველოს მიეწოდება მასალები სასამართლოს გადაწყვეტილების შესახებ, სადაც მიეთითება:

ა) გვარი სახელი მამის სახელი;

ბ) საიდენტიფიკაციო ნომერი;

გ) სასამართლოს გადაწყვეტილების ნომერი და თარიღი;

დ) გადასახადების სახეები, რომლებშიც ირიცხება საგადასახადო დავალიანებები.

119.  საგადასახადო ორგანო ვალდებულია, უგზო - უკვლოდ დაკარგული პირის ქონების მმართველს გაუგზავნოს შეტყობინება ამ პირის საგადასახადო დავალიანებისა და ვალდებულების შესახებ. უგზო - უკვლოდ დაკარგული პირის საგადასახადო ვალდებულებების დადგენილი წესით შესრულების უზრუნველყოფის მიზნით.

1110. გარდაცვლილი პირის საგადასახადო ვალდებულებას მემკვიდრეობით მიღებული ქონების ღირებულების ფარგლებში ასრულებს მისი მემკვიდრე (ან მემკვიდრეები). თუ მემკვიდრე ერთზე მეტია, თითოეული მათგანი გარდაცვლილის საგადასახადო ვალდებულებას ასრულებს სამკვიდრო ქონებაში მისი წილის პროპორციულად. საგადასახადო ვალდებულების შესრულება იწყება მემკვიდრეობის მიღების დღიდან.

1111. ფიზიკური პირის გარდაცვალების შემთხვევაში, საგადასახადო ორგანო მის მემკვიდრეებს (მათი არსებობის შემთხვევაში) უგზავნის შეტყობინებას, რომელშიც უნდა მიეთითოს, რომ ამ პირს ჰქონდა საგადასახადო დავალიანება და მემკვიდრეობის მიღების შემთხვევაში, მემკვიდრეობის მიღების დღიდან მემკვიდრეებს ეკისრებათ გარდაცვლილი პირის საგადასახადო ვალდებულების შესრულება.

1112. თუ არ არსებობს გარდაცვლილის მემკვიდრე, ან თუ ყველა მემკვიდრემ უარი განაცხადა მემკვიდრეობის მიღებაზე, დავალიანება ითვლება უიმედო საგადასახადო დავალიანებად და ჩამოიწერება საქართველოს საგადასახადო კოდექსით დადგენილი წესით.

1113. იმ შემთხვევაში, თუ საგადასახადო ვალდებულების მოცულობა აღემატება მემკვიდრეობით მიღებული ქონების ღირებულებას, ამ ქონების ღირებულება უნდა მოხმარდეს საგადასახადო ვალდებულებების დაფარვას, ხოლო დარჩენილი ნაწილი ჩაითვლება უიმედო საგადასახადო დავალიანებად და ჩამოიწერება საგადასახადო კოდექსით დადგენილი წესით.

1114. სასამართლოს მიერ ქმედუუნაროდ აღიარებული ფიზიკური პირის საგადასახადო ვალდებულებას, მისივე ქონების (ფულადი სახსრების) ხარჯზე, ასრულებს მისი მეურვე. მეურვე ვალდებულია გადაიხადოს ქმედუუნარო პირის საგადასახადო დავალიანება და პირის ქმედუუნაროდ აღიარების დღემდე მისთვის დაკისრებული სანქციების თანხა.

35. ინსტრუქციის მე-9 მუხლის მე-2-ე _ მე-6-ე პუნქტები ჩამოყალიბდეს შემდეგი რედაქციით:

“2. ,,აქციზური მარკების” ბარათი გაიხსნება აქციზური მარკების შესაძენად გადახდილი თანხების აღრიცხვისათვის.

3. “აქციზის” ბარათი გამოიყენება დეკლარაციით გაცხადებული აქციზის გადასახადის აღრიცხვისათვის;”

4. “აქციზური მარკები”-ს ბარათზე მე-6 სვეტში (დანართი 1) “გადახდილია ბიუჯეტში” აღირიცხება აქციზური მარკების შეძენის დროს გადახდილი გადასახადის ტოლი თანხა, ხოლო მე-4 სვეტში “დარიცხულია გადასახადელად” შეიტანება “აქციზის დეკლარაციის ფორმისა და მისი შევსების წესის შესახებ ინსტრუქციის დამტკიცების თაობაზე” საქართველოს ფინანსთა მინისტრის 2005 წლის 11 თებერვლის N77 ბრძანების III განაყოფის (შემდგომში, დეკლარაციის III განაყოფი) შესაბამისად აქციზის ყოველთვიური დეკლარაციით განსაზღვრული მარკებით ნიშანდებულ საქონელზე აქციზის თანხა. აგრეთვე, აქციზური მარკების დანაკლისის შესაბამისი თანხა, რომლებიც ასახულია აქციზის ყოველთვიური დეკლარაციის III განაყოფის სტრიქონ “16”-ში. ერთდროულად, “აქციზური მარკების” ბარათის მე-4 სვეტში აღნიშნული თანხა, აისახება “აქციზის ბარათი”-ს მე-5 სვეტში “შემცირებულია”. “აქციზის მარკები”-ს ბარათზე, მე-5 სვეტში “შემცირებულია” შეიტანება აქციზის ყოველთვიური დეკლარაციის III განაყოფის სტრიქონ “15”-ში ასახული თანხა. ერთდროულად, “აქციზური მარკები”-ს ბარათის მე-5 სვეტში აღნიშნული თანხა, აისახება “აქციზის ბარათი”-ს მე-4 სვეტში “დარიცხულია”. “აქციზური მარკები”-ს ბარათის მე-7 სვეტში “ბიუჯეტიდან უკან დაბრუნებულია ან გადატანილია”, აღირიცხება აქციზის თანხა საგადასახადო ინსპექციაში დაბრუნებული მარკების მიხედვით. დაუშვებელია “აქციზური მარკები”-ს ბარათზე არსებული ზედმეტობის რაიმე ფორმით და წესით შემცირება, გარდა იმ შემთხვევებისა, როცა აქციზური მარკები უბრუნდება საგადასახადო ინსპექციას, კანონმდებლობით გათვალისწინებული წესით. 

მაგალითი N1: 2005 წლის მარტში პირმა მიაწოდა აქციზური მარკებით ნიშანდებას დაქვემდებარებული საქონელი, რომელზედაც ეკუთვნის აქციზის გადასახადი 900 ლარი. დასაბეგრ ოპერაციაზე ჩასათვლელი აქციზის თანხაა 300 ლარი. დაბრუნებული აქციზური მარკებით ნიშანდებას დაქვემდებარებული საქონლის კუთვნილი აქციზის თანხაა 400 ლარი. ეს თანხა პირს დარიცხული ჰქონდა 2005 წლის თებერვლის თვის დეკლარაციის საფუძველზე, როდესაც განახორციელა მიწოდება. 2005 წლის მარტის აქციზის ყოველთვიური დეკლარაციის შევსების სედეგად მე-13 სვეტში ჩაიწერება 200 ლარი {900 – (300 + 400)}, რომელიც ექვემდებარება დარიცხვას “აქციზის ბარათზე” მე-4 სვეტში. ვინაიდან  აქციზის ყოველთვიური დეკლარაციის III განაყოფის (სტ.4+სტ.5) მეტია სტ.8-ზე, ანუ 900 მეტია 400-ზე, აქციზის ყოველთვიური დეკლარაციის III განაყოფის მე-15 სტრიქონში იქნება ნული, ხოლო მე-16 სტრიქონში ჩაიწერება (900 – 400) = 500 და 500 ლარი დაერიცხება “აქციზური მარკები”-ს ბარათზე მე-4 სვეტში. ერთდროულად “აქციზური მარკები”-ს ბარათის მე-4 სვეტში აღნიშნული თანხა 500 ლარი აისახება “აქციზის ბარათი”-ს მე-5 სვეტში “შემცირებულია”. “აქციზი”-ს ბარათზე შედეგი იქნება 300 ლარის შემცირება, ხოლო “აქციზური მარკები”-ს ბარათზე შედეგი იქნება 500 ლარის დარიცხვა, რაც შეესაბამება რეალურ შედეგს.

მაგალითი N2: 2005 წლის მარტში პირმა მიაწოდა აქციზური მარკებით ნიშანდებას დაქვემდებარებული საქონელი, რომელზედაც ეკუთვნის აქციზის გადასახადი 200 ლარი. 2005 წლის მარტის აქციზის ყოველთვიური დეკლარაციის შევსების შედეგად მე-14 სვეტში ჩაიწერება 500 ლარი {(300 + 400) – 200}, რომელიც ექვემდებარება შემცირებას და აისახება “აქციზის ბარათზე” მე-5 სვეტში. ვინაიდან აქციზის ყოველთვიური დეკლარაციის III განაყოფის სტრიქონი 8 მეტია (სტ.4 + სტ.5)-ზე, ანუ 400 მეტია 200 - ზე, აქციზის ყოველთვიური დეკლარაციის III განაყოფის მე-16 სტრიქონში იქნება ნული, ხოლო მე-15 სტრიქონში ჩაიწერება (400 – 200) = 200 და ამ 200 ლარის შემცირება აისახება “აქციზური მარკები”-ს ბარათზე მე-5 სვეტში. ერთდროულად “აქციზური მარკები”-ს ბარათის მე-5 სვეტში აღნიშნული თანხა 200 ლარი აისახება “აქციზი”-ს ბარათის მე-4 სვეტში “დარიცხულია”. “აქციზი”-ს ბარათზე შედეგი იქნება 300 ლარის შემცირება, ხოლო “აქციზური მარკები”-ს ბარათზე-ს სედეგი იქნება 200 ლარის შემცირება, რაც შეესაბამება რეალუს შედეგს.

5. “აქციზი”-ს ბარათი იწარმოება აქციზის ყოველთვიური დეკლარაციის მიხედვით.  დეკლარაციაში აისახება მთლიანი აქციზი ყველა საქონელზე, როგორც მარკების გარეშე, ასევე მარკებით ნიშანდებულ საქონელზე. სტრიქონში “დარიცხულია გადასახდელად” აისახება აქციზის ყოველთვიური დეკლარაციის III განაყოფის მე-13 სტრიქონში აღნიშნული თანხა. სტრიქონში “შემცირებულია” აისახება აქციზის ყოველთვიური დეკლარაციის III განაყოფის მე-14 სტრიქონში აღნიშნული თანხა. სტრიქონში “გადახდილია ბიუჯეტში” აისახება აქციზის გადასახადის თანხა (აქციზური მარკების ანგარიშზე გადახდილი თანხის გარდა), ანუ ის თანხა, რომელიც გადახდილია აქციზის და არა აქციზური მარკის სახაზინო კოდით. სტრიქონში “უკან დაბრუნებულია”, “ჩათვლილია სხვა გადასახადში” აისახება თანხა, რომელიც “აქციზი”-ს ბარათზე წარმოშობილი ზედმეტობის ანგარიშიდან, რომელშიც არ გაითვალისწინება “აქციზური მარკების” ბარათზე წარმოშობილი ზედმეტობის თანხები, დაბრუნებულია ან გადატანილია სხვა გადასახადში არსებული წესის შესაბამისად. ამასთან, ყველა შემთხვევაში, აქციზის გადასახადში (იგულისხმება “აქციზის ბარათი” და “აქციზური მარკები”-ს ბარათი) პირველად აისახება დარიცხვის ოპერაცია “აქციზის ბარათზე” სტრიქონში “დარიცხულია გადასახდელად” სადაც აისახება აქციზის ყოველთვიური დეკლარაციის III განაყოფის მე-13 სტრიქონში აღნიშნული თანხა.

6. “აქციზი”-ს ბარათზე წარმოშობილი ზედმეტობის ანგარიშში შესაძლებელია აქციზური მარკების გაცემა მხოლოდ იმ შემთხვევაში,  თუ მარკების შესაბამისი გადასახადის თანხა, საგადასახადო ინსპექციის მიერ წარდგენილი დასკვნების საფუძველზე, დადგენილი წესის თანახმად გადატანილი იქნება სახაზინო სამსახურის მიერ აქციზური მარკების ანგარიშზე და აისახება “აქციზური მარკები”-ს ბარათზე. ამასთან, “აქციზური მარკების” ბარათზე წარმოქმნილი ზედმეტობა მონაწილეობას არ მიიღებს გადასახადის გადამხდელის/საგადასახადო აგენტის ან სხვა ვალდებული პირის სხვა გადასახადებში არსებული საგადასახადო დავალიანების დაფარვის პროცესში”.

36. ინსტრუქციის მე-10 მუხლის პირველი და მე-2 პუნქტი ჩამოყალიბდეს შემდეგი რედაქციით:

“1. თუ გადასახადების და სანქციების გადახდილი თანხების ჯამი აღემატება დარიცხული გადასახადების და სანქციების თანხების ჯამს ითვლება, რომ გადასახადის გადამხდელს/საგადასახადო აგენტს, ან სხვა ვალდებულ პირს გააჩნია ზედმეტად გადახდილი თანხები.

2. ცალკეული გადასახადების მიხედვით ზედმეტად გადახდილია გადასახადის თანხა, რომელიც გამოვლენილია, ან გადასახადის გადამხდელის მოთხოვნის საფუძველზე დადასტურებულია საგადასახადო ორგანოს მიერ, ან დადასტურებულია საქართველოს ფინანსთა სამინისტროსთან არსებული დავების განხილვის საბჭოს გადაწყვეტილებით, ან წარმოშობილია სასამართლოს კანონიერ ძალაში შესული გადაწყვეტილების საფუძველზე”.

37. ინსტრუქციის მე-10 მუხლის მე-4 პუნქტი ჩამოყალიბდეს შემდეგი რედაქციით:

„4. გადამხდელის მიერ ზედმეტად გადახდილი გადასახადის თანხის დაბრუნება ან სახელმწიფო ხაზინის ბიუჯეტის შემოსულობების ერთიან ანგარიშზე გადამხდელის სხვა გადასახადების გადახდის ანგარიშებში გადატანა, კალენდარული წლის განმავლობაში გადასახადის სახეებში მობილიზებული სახსრების ფარგლებში ხორციელდება „ბიუჯეტების შემოსულობების აღრიცხვა-ანგარიშგებისა და ანგარიშსწორების განხორციელებისა და ბიუჯეტში ზედმეტად ან შეცდომით გადახდილი შემოსულობის თანხის დაბრუნების, აღრიცხვისა და ანგარიშგების შესახებ” საქართველოს მთავრობის 2005 წლის 14 მარტის N45 დადგენილების და საქართველოს საგადასახადო კოდექსის 71-ე მუხლის დებულებების თანახმად”.

38. ინსტრუქციის მე-10 მუხლის მე-12-ე _ მე-14-ე პუნქტები ჩამოყალიბდეს შემდეგი რედაქციით:

“12. აღნიშნულ საკითხზე ურთიერთობა საგადასახადო ორგანოებსა და სახელმწიფო ხაზინას შორის რეგულირდება საქართველოს მთავრობის 2005 წლის 14 მარტის N45 დადგენილებით დამტკიცებული „ბიუჯეტების შემოსულობათა აღრიცხვა-ანგარიშგებისა და ანგარიშსწორების განხორციელებისა და ბიუჯეტში ზედმეტად ან შეცდომით გადახდილი შემოსულობის თანხის დაბრუნების, აღრიცხვისა და ანგარიშგების შესახებ ინსტრუქციით”.

13. საგადასახადო ინსპექციების საბიუჯეტო შემოსავლის სახაზინო კოდების არასწორი მითითების გამო   შეცდომით ჩარიცხული თანხების  აღსარიცხავად, საგადასახადო ინსპექციები  აწარმოებენ  შესაბამის  რეესტრს  (დანართი 7).

14. ზედმეტად გადახდილი თანხების სხვა გადასახადებზე გადატანისა და უკან დაბრუნების აღრიცხვის მიზნით, საგადასახადო დეპარტამენტი და საგადასახადო ინსპექციები აწარმოებენ  გადატანებისა და დაბრუნებების რეესტრებს (შესაბამისად დანართებით 8 და 9)”.

39. ინსტრუქციის მე-10 მუხლს დაემატოს შემდეგი შინაარსის მე-15-ე _ 21-ე პუნქტები:

„15. გადასახადის გადამხდელის მიერ ზედმეტად გადახდილი გადასახადის თანხის სხვა გადასახადების ვალდებულებათა ანგარიშში გადატანის შემთხვევაში, გადამხდელს ეგზავნება შეტყობინება თანდართული ფორმის შესაბამისად (დანართი 18), რომელშიც მიეთითება, თუ რომელი გადასახადის ანგარიშზე (ანგარიშებზე) განხორციელდა ზედმეტად გადახდილი გადასახადის თანხის გადატანა.

16. შეცდომით ითვლება შენატანები, რომელთა გპაბ-ზე განთავსება მიღებული საგადამხდელო დოკუმენტებით შეუძლებელია. კერძოდ:

ა) უზუსტობაა დაშვებული გადამხდელის/საგადასახადო აგენტის ან სხვა ვალდებული პირის საიდენტიფიკაციო ნომრის მითითებაში;

ბ) ბანკის ან ცალკეული სახის საბანკო ოპერაციების განმახორციელებელი ორგანიზაციების მიერ, შეცდომით, ორჯერ არის ჩარიცხული გადასახადის თანხები;

გ) გადახდის ტექსტური დანიშნულება არ შეესაბამება “გადახდის დანიშნულებას” - გადახდილი თანხის დანიშნულება უნდა შეესაბამებოდეს შემოსულობის კოდის სრულ დასახელებას;

17. შეცდომით ჩარიცხული თანხების დოკუმენტაციის კუთვნილების გარკვევის შემდეგ, წარმოებს მისი პირადი აღრიცხვის ბარათზე განაწილება ან ხდება შეცდომით ჩარიცხული გადასახადის თანხის დაბრუნება იმ საგადასახადო ორგანოსათვის, სადაც რეგისტრირებულია გადამხდელი. რის შესახებაც კეთდება სათანადო ჩანაწერი შეცდომით ჩარიცხული თანხის აღრიცხვის რეესტრში.

18. საგადასახადო ორგანოს მუშაკის მიერ დოკუმენტებში მითითებული თანხის პირადი აღრიცხვის ბარათზე ორჯერ გატარების გამო დაშვებული შეცდომის გასწორება წარმოებს შემდეგი წესით:

ა) აუცილებელი წესით წარმოებს საგადამხდელო დოკუმენტების რეკვიზიტების შედარება დარიცხვის დოკუმენტებთან;

ბ) ბიუჯეტის შემოსულობების შესახებ შეცდომით განხორციელებული ჩანაწერის დადასტურების შემთხვევაში, რომელიც საჭიროებს შესაბამისად პირადი აღრიცხვის ბარათის ჩანაწერის ცვლილებას, წარმოებს პირადი აღრიცხვის ბარათის შესაბამის გრაფაში ადრე გაკეთებული ჩანაწერის “უკუოპერაციით გასწორება” საბოლოო მონაცემებიდან გამორიცხვის გზით. გრაფაში “ოპერაციის შინაარსი” კეთდება შესაბამისი ჩანაწერი შეცდომის გასწორების თარიღის და გადამხდელთა მომსახურების სამმართველოს პასუხისმგებელი პირის სახელისა და გვარის მითითებით.

19. გადამხდელთა მომსახურების სამმართველოს პასუხისმგებელი მუშაკის მიერ 30 საბანკო დღის განმავლობაში უნდა განხორციელდეს გაურკვევლად ჩათვლილი ბიუჯეტში განხორციელებული გადახდების კუთვნილების გარკვევა, შემდგომში სათანადო პროცედურების ჩასატარებლად.

20. გადასახადის გადამხდელი/საგადასახადო აგენტი ან სხვა ვალდებული პირი უფლებამოსილია მოითხოვოს ზედმეტად გადახდილი გადასახადის თანხის დაბრუნება ან სხვა გადასახადების გადახდის ანგარიშში ჩათვლა, შესაბამისი ვალდებულების წარმოშობის კალენდარული წლის დასრულებიდან 6 წლის განმავლობაში. თუ საგადასახადო კოდექსით რომელიმე კონკრეტული შემთხვევისათვის (საქართველოს საგადასახადო კოდექსი 252-ე მუხლი) სხვა ვადა არ არის დადგენილი.

21. საგადახდო დოკუმენტების განაწილება - განთავსებისას, რომლის საფუძველზეც განხორციელდა გადამხდელისათვის ზედმეტად გადახდილი თანხის დაბრუნება ან სხვა გადასახადების გადახდის ანგარიშში ჩათვლა, გადამხდელის პირადი აღრიცხვის სათანადო ბარათებზე გატარდება შემდეგი ოპერაციები:

ა) შესაბამის პირადი აღრიცხვის ბარათზე, რომლიდანაც განხორციელდა ჩათვლა, დაბრუნება ან ბიუჯეტის შემოსულობათა სხვა გადასახადის გადახდის ვალდებულებათა ანგარიშში გადატანა, ჩათვლილი ან დაბრუნებული გადასახადის თანხის ოდენობა აისახება გრაფაში “დაბრუნებულია ან გადატანილია”;

ბ) პირადი აღრიცხვის ბარათზე, რომელზედაც განხორციელდა ჩათვლა - ოპერაცია აისახება გრაფაში “გადახდილია ბიუჯეტში”.

40. ინსტრუქციის მე-11 მუხლის მე-2 პუნქტი ჩამოყალიბდეს შემდეგი რედაქციით:

“2. საგადასახადო დავალიანების რესტრუქტურიზაციასთან დაკავშირებით გადამხდელის პირადი აღრიცხვის ბარათში მე-5 სვეტში ,,შემცირებულია”  და მე-18 სვეტში ,,დარიცხული საურავი” რესტრუქტურიზებული თანხის გასწვრივ მე-2 გრაფაში ,,ოპერაციის შინაარსი” გაკეთდება ჩანაწერი ,,რესტრუქტურიზებულია საქართველოს მთავრობის 200 წლის “ “ “ “N განკარგულებით”, მე-5 სვეტში “შემცირებულია” აისახება რესტრუქტურიზებული დავალიანების ძირითადი ნაწილი და გატარდება ოპერაციით (დანართი 4) „შემცირებულია, რესტრუქტურიზებულია ძირითადი ნარჩენი“ , მე-12 სვეტში  „შემცირებულია რესტრუქტურიზებულია ფინანსური სანქცია“  ხოლო მე-18 სვეტში ,,დარიცხული საურავი“ კი - რესტრუქტურიზებული საურავის ნაწილი და გატარდება ოპერაციით (დანართი 4) „შემცირებულია რესტრუქტურიზებულია საურავი”.

41. ინსტრუქციის მე-11 მუხლის მე-5 მე-6 პუნქტი ჩამოყალიბდეს შემდეგი რედაქციით:

“5. ვადაგადაცილებული საგადასახადო დავალიანებების რესტრუქტურიზაცია ხორციელდება შემდეგი პროცედურების დაცვით:

ა) საქართველოს ფინანსთა სამინისტროსა და რესტრუქტურიზაციის რეჟიმში მომუშავე საწარმოს შორის ფორმდება ხელშეკრულება ვადაგადაცილებულ საგადასახადო დავალიანებათა რესტრუქტურიზაციის შესახებ;

ბ) ხელშეკრულების მონაწილე ორივე მხარე აცხადებს თანხმობას, რომ რესტრუქტურიზებული საგადასახადო დავალიანების მართვა მოხდეს სახელმწიფო სესხის მართვის პრინციპით;

გ) ხელშეკრულებას თან ერთვის რესტრუქტურიზაციის რეჟიმში მომუშავე საწარმოს მიერ რესტრუქტურიზებული საგადასახადო დავალიანების დაფარვის გრაფიკი, რომელშიც გათვალისწინებულია რესტრუქტურიზებული თანხების დაფარვის ვადები და მასზე დასარიცხი სარგებლის პროცენტი თანხობრივად. გადამხდელთა პირადი აღრიცხვის ბარათზე რესტრუქტურიზებული თანხების აღდგენასთან ერთად (როგორც ძირითადი, ისე საურავის) მოხდება სარგებლის პროცენტის (თანხობრივად) დარიცხვა.

მაგალითი: საქართველოს ფინანსთა სამინისტროსთან შპს “სიმის” მიერ გაფორმებული ხელშეკრულებისა და რესტრუქტურიზებული თანხების დაფარვის გრაფიკის მიხედვით რესტრუქტურიზებული 71786 ლარიდან 2007 წლის პირველ კვარტალში უნდა დაფაროს 8973 ლარი, სარგებელი კი 1077 ლარი, ანუ გრაფიკით გათვალისწინებული 8973 ლარის 12%, რომელიც ყოველკვარტალურად მცირდება და სარგებლის პროცენტი განსაზღვრულია 6.75 პროცენტის ოდენობით. პირადი აღრიცხვის ბარათზე გატარდება სვეტში “დარიცხულია”, ჩანაწერით “დარიცხულია რესტრუქტურიზებული დავალიანების დაფარვის გრაფიკით გათვალისწინებული ძირითადი 8170 ლარი, საურავი 1803 ლარი და სარგებელი 1077 ლარი”. პირადი აღრიცხვის ბარათზე რესტრუქტურიზებული თანხა და სარგებლის პროცენტი გატარდება რესტრუქტურიზებული საგადასახადო დავალიანების დაფარვის გრაფიკის მიხედვით. სარგებლის პროცენტის თანხა გამოანგარიშებულია რესტრუქტურიზებული თანხების დაფარვის გრაფიკით, რომელიც გატარებული უნდა იქნას პირადი აღრიცხვის ბარათზე.

დ) გადამხდელთა პირადი აღრიცხვის ბარათზე ცალკე აღირიცხება რესტრუქტურიზებული დავალიანების ძირითადი ნაწილი, ცალკე მოხდება აგრეთვე რესტრუქტურიზებული საურავის და ჯარიმის თანხების დავალიანების აღდგენაც. გატარდება ოპერაციებით „დაერიცხა რესტრუქტურიზებული ნარჩენი“, „დაერიცხა რესტრუქტურიზებული ფინანსური სანქცია“, „დაერიცხა რესტრუქტურიზებული საურავი“, „დაერიცხა სარგებელი“ (დანართი 4).

6. რესტრუქტურიზებულ დავალიანებას გაყინვის პერიოდში საურავი არ ერიცხება. ხოლო გადავადების პერიოდში გადაუხდელ თანხას დაერიცხება საურავი. გადახდილი რესტრუქტურიზებული თანხით პირველ რიგში ჩამოიწერება ძირითადი დავალიანების, ხოლო შემდეგ ჯარიმის და საურავისა თანხა”.

42. ინსტრუქციის მე-11 მუხლის მე-8-ე _ მე-10-ე პუნქტები ჩამოყალიბდეს შემდეგი რედაქციით:

“8. იმ შემთხვევაში, თუ მოხდა პირობების დარღვევის გამო რესტრუქტურიზაციის ვადამდე შეწყვეტა, მაშინ პირადი აღრიცხვის ბარათზე მთლიანად აღდგება რესტრუქტურიზებული დავალიანება როგორც ძირითად, ისე სანქცია-საურავის ნაწილში.

მაგალითი: იმ შემთხვევაში, როცა შპს “ელიტას” რესტრუქტურიზებული დავალიანება 8400.0 ათ. ლარია (ძირითადი 6350.0 ათ. ლარი, საურავისა და ჯარიმის თანხა კი - 2050.0 ათ. ლარი) და მას პირობების დარღვევის, რესტრუქტურიზებული თანხის გადაუხდელობის გამო მთავრობის განკარგულებით ვადამდე შეუწყდა ამ რეჟიმში მუშაობის ვადა, რეჟიმიდან გამოყვანის პერიოდისათვის პირად ბარათზე აღდგენილი (დარიცხული) იყო ძირითადი დავალიანება 3050.0 ათ. ლარი და სანქციის თანხა კი 1025.0 ათ. ლარის ოდენობით, ამავე პერიოდისათვის დაერიცხება დარჩენილი ძირითადი გადასახადის დავალიანება 3000.0 ათ. ლარის და სანქციის თანხა 1025.0 ათ. ლარის ოდენობით. გარდა ამისა, რესტრუქტურიზებული ძირითადი დავალიანების გადაუხდელ თანხას რესტრუქტურიზაციის დაწყების პერიოდიდან დაერიცხება საურავი. საზოგადოება რესტრუქტურიზაციის რეჟიმში იყო 2005 წლის 1 იანვრიდან და ამ პერიოდიდან დაერიცხება საურავი 6350.0 ათ. ლარზე თითოეულ ვადაგადაცილებულ დღეზე 0.07 პროცენტის ოდენობით, რეჟიმიდან გამოყვანის და შემდგომ პერიოდშიც.’’

9. რესტრუქტურიზებული დავალიანება მთლიანად აღდგება ასევე გადამხდელის მიერ ვადის გასვლამდე გადახდის დროსაც.

მაგალითი: სააქციო საზოგადოება “ელიტამ” რესტრუქტურიზებული დავალიანება 8400.0 ათ. ლარი (მ.შ. ძირითადი 6350.0 ათ. ლარი და სანქცია 2050.0 ათ. ლარი) გადაიხადა გრაფიკით გათვალისწინებული 2009 წლის 25 სექტემბრის ნაცვლად ვადაზე ადრე, 2007 წლის 25 დეკემბრისათვის. ამავე პერიოდისათვის პირადი აღრიცხვის ბარათზე აღდგენილი (დარიცხული) იყო 2545.0 ათ. ლარი. ე.ი. დარჩენილი 3805.0 ათ. ლარიც ექვემდებარება აღდგენას (დარიცხვას).

10. რესტრუქტურიზებული ვადაგადაცილებული დავალიანების გრაფიკით გადაუხდელ თანხას გადასახადის ძირითად ნაწილში (როგორც რესტრუქტურიზაციის ვადის ამოწურვის დროს, ისე რეჟიმის ვადამდე შეწყვეტის შემთხვევაში და ამ რეჟიმში მუშაობის პერიოდში) რეჟიმის დაწყების თარიღიდან კვარტალების მიხედვით დაერიცხება საურავი, რაც შეეხება გადაუხდელ სანქცია-საურავის თანხას, მასზე საურავის დარიცხვა არ განხორციელდება.

მაგალითი: რესტრუქტურიზაციის რეჟიმში მუშაობის დაწყების პერიოდიდან მოხდება სს “ელიტას” რესტრუქტურიზებული 8400.0 ათ. ლარის გაყინვა (ვადაგადაცილებული დავალიანებების შემცირება ძირითადში 6350.0 ათ. ლარით, სანქციაში 2050.0 ათ. ლარით) საქართველოს ფინანსთა სამინისტროსთან გაფორმებული ხელშეკრულებით გათვალისწინებული ვადით, ხოლო გაყინვის ვადის გასვლის შემდგომი პერიოდიდან პირადი აღრიცხვის ბარათზე მოხდება გაყინული საგადასახადო დავალიანების დარიცხვა, დავალიანებათა დაფარვის გრაფიკით გათვალისწინებული თანხით, წლების მიხედვით ცალკე ძირითადი გადასახადის და ცალკე სანქციისა. სს “ელიტა”-ს ვადაგადაცილებული დავალიანება 8400.0 ათ. ლარი რესტრუქტურიზებული აქვს 5 წლით, 2006 წლის 1 იანვრიდან. გაყინვის პერიოდი 2 წელია, 2006 წლის 1 იანვრიდან 2008 წლის 1 იანვრამდე. გაყინვის პერიოდში რესტრუქტურიზებული დავალიანების ძირითად გადასახადს საურავი არ ერიცხება, ხოლო 2008 წლის 1 იანვრიდან, ხელშეკრულების მიხედვით, დავალიანების გრაფიკიდან გამომდინარე, კვარტლის ბოლო თვის 25 რიცხვისათვის უნდა გადაიხადოს 675000 ლარის ოდენობით, რომელიც დაერიცხება პირადი აღრიცხვის ბარათზე ჩანაწერით : “დაერიცხა რესტრუქტურიზებული დავალიანების ძირითადი ნაწილი 135.0 ათ. ლარი”, საურავის ნაწილში კი რესტრუქტურიზებული საურავის თანხა 540.0 ათ. ლარის ოდენობით. ასე გაგრძელდება ყოველკვარტალურად 3 წლის განმავლობაში, რესტრუქტურიზაციის ვადის ამოწურვამდე. ხოლო ძირითადი ნაწილის გადაუხდელობის შემთხვევაში დაერიცხება საურავი რეჟიმის დაწყებიდან”.

43. ინსტრუქციის მე-11 მუხლის მე-15 პუნქტი ჩამოყალიბდეს შემდეგი რედაქციით:

“15. იმ შემთხვევაში, როდესაც საწარმო სასამართლოს შესაბამისი განჩინების საფუძველზე მუშაობს რეაბილიტაციის რეჟიმში, ამ რეჟიმში მუშაობის დაწყების პერიო¬დისათვის არსებული ვადაგადაცილებული დავალიანების მოცულობა არ მცირდება, მათი გადახდევინება მოხდება რეაბილიტაციის რეჟიმში მუშაობის მთელ პერიოდში განჩინებით დამტკიცებული გრაფიკიდან გამომდინარე. ამ რეჟიმში მუშაობის დაწყებამდე არსებულ ძირითად ვადაგადაცილებულ დავალიანებას რეაბილიტაციის რეჟიმის პერიოდში საურავი არ დაეიცხება და გატარდება შემდეგი ოპერაციებით:

ა) გადავადების რეჟიმიში შესვლის დროს:

ა.ა) „შეუმცირდა გადავადების საფუძველზე“ და თანხა მოიხსნება ნარჩენის ნაშთიდან, რომელზეც ერიცხება საურავი; (დანართი 1  სვ.8.)

ა.ბ) “დაერიცხა გადავადების საფუძველზე“ და თანხა აისახება გრაფაში “ნარჩენი თანხა, რომელსაც საურავი არ ერიცხება“; (დანართი 1  სვ.9 და სვ.8)

ბ) გადავადების რეჟიმიდან გამოსვლის დროს:

ბ.ა) „შეუმცირდა გადავადების დასრულების საფუძველზე“ და თანხა მოიხსნება “ნარჩენი თანხა, რომელსაც საურავი არ ერიცხება” ნაშთიდან. დანართი 1  სვ.9 და  სვ.8 .

ბ.ბ) “დაერიცხა გადავადების დასრულების საფუძველზე“ და თანხა აისახება გრაფაში “ნარჩენი”. (დანართი 1  სვ.8)

მაგალითი: სს “ელიტა” სასამართლოს შესაბამისი განჩინების საფუძველზე 2006 წლის 1 იანვრიდან მუშაობს რეაბილიტაციის რეჟიმში. აღნიშნულ რეჟიმში მუშაობის ვადა განსაზღვრულია 15 წლით. საზოგადოებას ამ რეჟიმში მუშაობის დაწყების პერიოდისათვის ვადაგადაცილებულ დავალიანებად ერიცხება 8400.0 ათ ლარი (ძირითადი 6350.0 ათ. ლარი, სანქცია 2050.0 ათ. ლარი), რომლითაც მისი მოცულობა არ მცირდება. ვადაგადაცილებული დავალიანების გადახდევინება მოხდება რეაბილიტაციის რეჟიმში მუშაობის მთელ პერიოდში განჩინებით დამტკიცებული გრაფიკიდან გამომდინარე. სს “ელიტას” ძირითადი გადასახადის დავალიანებას 6350.0 ათ. ლარის რეაბილიტაციის რეჟიმში მუშაობის პერიოდში საურავი არ დაერიცხება.

კერძოდ, სს “ელიტა”-ს რეაბილიტაციის რეჟიმში მუშაობა დაეწყო 2005 წლის 1 მაისიდან. ამ რეჟიმში მუშაობის დაწყებიდან ძირითადი გადასახადის დავალიანებაზე, რომელიც 6350.0 ათ. ლარია, საურავი არ დაერიცხება ამ რეჟიმში მუშაობის მთელი პერიოდისათვის. იმ შემთხვევაში, თუ რეაბილიტაციის რეჟიმი ვადაზე ადრე შეწყდა, საურავის დარიცხვა გაგრძელდება.

44. ინსტრუქციის მე-11 მუხლს დაემატოს მე-16, მე-17 და მე-18 პუნქტები და ჩამოყალიბდეს სემდეგი რედაქციით:

“16. ვადაგადაცილებული საგადასახადო დავალიანებები (ან მისი ნაწილი) ჩამოიწერება საქართველოს ფინანსთა სამინისტროსთან არსებული ვადაგადაცილებული საგადასახადო და სასესხო დავალიანებების რესტრუქტურიზაციის მიზანშეწონილობის საკითხის შემსწავლელი კომისიის დასკვნის საფუძველზე, საქართველოს ფინანსთა მინისტრის მიერ გამოცემული ინდივიდუალური ადმინისტრაციულ-სამართლებრივი აქტით. თუ:

ა) იგი აღიარებული უიმედო საგადასახადო დავალიანებად;

ბ) საგადასახადო ვალდებულება შეწყვეტილია საქართველოს საგადასახადო კოდექსის 62-ე მუხლის შესაბამისად;

გ) საგადასახადო ვალდებულება შეწყვეტილია საგადასახადო კანონმდებლობის სხვა აქტის საფუძველზე.

17. საქართველოს ფინანსთა მინისტრის მიერ გამოცემული ინდივიდუალური ადმინისტრაციულ-სამართლებრივი აქტით უიმედო ვადაგადაცილებული საგადასახადო დავალიანების ჩამოწერის შემთხვევაში, გადამხდელთა პირადი აღრიცხვის ბარათზე, გადასახადის სახეების მიხედვით გაკეთდება შემდეგი ჩანაწერი: “ჩამოწერილია, როგორც უიმედო ვადაგადაცილებული საგადასახადო დავალიანება, საქართველოს ფინანსთა მინისტრის “… “ წლის ……N ბრძანებით”, რომლის საფუძველზე ჩამოიწერება როგორც ძირითადი საგადასახადო ვალდებულება, ასევე დარიცხული სანქცია.

18. თუ პირს ჩამოეწერა საგადასახადო დავალიანება, მაგრამ შემდეგ აღმოჩნდა, რომ საქართველოს ფინანსთა მინისტრის მიერ დავალიანების ჩამოწერის შესახებ გამოცემული ინდივიდუალური ადმინისტრაციულ-სამართლებრივი აქტით აღნიშნული თარიღიდან ხანდაზმულობის ვადის გასვლამდე განაახლებს ან აგრძელებს ეკონომიკურ საქმიანობას, ან/და დადგინდა, რომ მას აქვს ქონება, მაშინ ამ პირის მიმართ განახლდება ადრე ჩამოწერილი საგადასახადო ვალდებულებების მოქმედება, საურავის დარიცხვა და ჯარიმის დაკისრება. ასეთ შემთხვევაში, გადამხდელთა პირადი აღრიცხვის ბარათზე გაკეთდება ჩანაწერი “აღდგენილია საქართველოს ფინანსთა მინისტრის “…. “ წლის N ბრძანებით ჩამოწერილი უიმედო ვადაგადაცილებული საგადასახადო დავალიანება”, რომლის საფუძველი იქნება უიმედო ვადაგადაცილებული დავალიანების ჩამოწერის შესახებ საქართველოს ფინანსთა მინისტრის შესაბამისი ინდივიდუალური ადმინისტრაციულ-სამართლებრივი აქტი მისი ბათილად ცნობის შესახებ”. 

45. ინსტრუქციის მე-12 მუხლი ჩამოყალიბდეს შემდეგი რედაქციით:

 “მუხლი 12. საგადასახადო მოთხოვნა

1. საგადასახადო კოდექსის მე-80 მუხლით გათვალისწინებულ შემთხვევაში საგადასახადო ორგანო ვალდებულია თვითონ გამოიანგარიშოს გადასახადის თანხა, დაარიცხოს იგი გადამხდელს და აცნობოს მას ამის შესახებ. თუ საგადასახადო ორგანომ გამოავლინა საგადასახადო კანონმდებლობის ისეთი დარღვევა, რომელიც იწვევს გადასახადის დარიცხვას ან/და საურავის ან/და ჯარიმის დაკისრებას, ასეთ შემთხვევაში მან უნდა გამოიანგარიშოს გადასახადისა და სანქციის ოდენობა, დაარიცხოს იგი გპაბ-ზე და აცნობოს მას ამის შესახებ. ზემოთაღნიშნული ხორციელდება საგადასახადო ორგანოს მიერ “საგადასახადო მოთხოვნის” წარდგენით.

2. “საგადასახადო მოთხოვნა” (დანართი N10, N10ა, N10ბ, N10გ, N10დ და N10ე) წარმოადგენს საგადასახადო ორგანოს ინდივიდუალურ ადმინისტრაციულ-სამართლებრივ აქტს, რომელიც წარედგინება გადასახადის გადამხდელს/საგადასახადო აგენტს ან სხვა ვალდებულ პირს და მისი შესრულება სავალდებულოა.

3. თუ არსებობს “საგადასახადო მოთხოვნის” წარდგენის საფუძველი, საგადასახადო ორგანო ვალდებულია გადასახადის გადამხდელს/საგადასახადო აგენტს ან სხვა ვალდებულ პირს წარუდგინოს იგი. ამასთან, წარდგენის კონკრეტულ საფუძველზე შესაბამის პირებს წარედგინება მხოლოდ ერთი “საგადასახადო მოთხოვნა”.

4. გადასახადის გადამხდელს/საგადასახადო აგენტს ან სხვა ვალდებულ პირს, საგადასახადო ორგანო “საგადასახადო მოთხოვნას” უგზავნის გამოვლენილ საგადასახადო სამართალდარღვევებზე ან საგადასახადო შემოწმების მასალებზე თანხების დარიცხვის შესახებ საგადასახადო ორგანოს უფროსის/მოადგილის მიერ მიღებული გადაწყვეტილება მიღების დღიდან 5 სამუშაო დღის განმავლობაში.

5. “საგადასახადო მოთხოვნის” წარდგენის საფუძვლებია:

ა) იმ გადასახადის დარიცხვის ვალდებულება, რომელთა გაანგარიშებაც აკისრია საგადასახადო ორგანოს;

ბ) გამოვლენილ საგადასახადო სამართალდარღვევაზე ან საგადასახადო შემოწმების მასალებზე თანხების (საგადასახადო სანქციების ან/და დამატებით დარიცხული გადასახადების) დარიცხვის შესახებ საგადასახადო ორგანოს უფროსის/მოადგილის მიერ მიღებული გადაწყვეტილება.

6. “საგადასახადო მოთხოვნა” უნდა შეიცავდეს შემდეგ მონაცემებს:

ა) “საგადასახადო მოთხოვნის” გამგზავნი საგადასახადო ორგანოს დასახელება და მისამართი;

ბ) “საგადასახადო მოთხოვნის” გაგზავნის (გადაცემის) თარიღი;

გ) გადასახადის გადამხდელის/საგადასახადო აგენტის ან სხვა ვალდებული პირის რეკვიზიტები (სახელი და გვარი) დასახელება, მისამართი;

დ) გადასახადის გადამხდელის/საგადასახადო აგენტის ან სხვა ვალდებული პირის საიდენტიფიკაციო ნომერი (ასეთის არსებობის შემთხვევაში);

ე) “საგადასახადო მოთხოვნის” წარდგენის საფუძველი;

ვ) “საგადასახადო მოთხოვნის” შინაარსი (დაბეგვრის ობიექტი, დარიცხული გადასახადის, საურავისა და ჯარიმის ოდენობა, ამ მოთხოვნის შესრულების ვადა, გადახდის წესი);

ზ) გადასახადის გადამხდელის/საგადასახადო აგენტის ან სხვა ვალდებული პირის უფლებები და ვალდებულებები (მათ შორის “საგადასახადო მოთხოვნის” გასაჩივრების წესი);

თ) “საგადასახადო მოთხოვნის” შესრულების უზრუნველყოფის ღონისძიებები, რომლებიც გამოიყენება გადასახადის გადამხდელის/საგადასახადო აგენტის ან სხვა ვალდებული პირის მიმართ ამ მოთხოვნის შეუსრულებლობის შემთხვევაში.

7. გადამხდელისათვის/საგადასახადო აგენტისათვის ან სხვა ვალდებული პირისათვის “საგადასახადო მოთხოვნის” წარდგენასთან დაკავშირებული პროცედურებია:

ა) “საგადასახადო მოთხოვნა” საგადასახადო ორგანოს გადამხდელთა მომსახურების სამმართველოს მიერ ამოიბეჭდება ორ ეგზემპლარად;

ბ) საგადასახადო ორგანოს პასუხისმგებელი პირის მიერ “საგადასახადო მოთხოვნის” პირველი და მეორე ეგზემპლარი მოწმდება ხელმოწერითა და ბეჭდით, ისმება ნომერი და ფიქსირდება თარიღი;

გ) საგადასახადო ორგანოს უფლება აქვს “საგადასახადო მოთხოვნა” გადამხდელს ან მის უფლებამოსილ წარმომადგენელს წარუდგინოს პირადად ხელზე ან გაუგზავნოს დაზღვეული საფოსტო გზავნილის სახით, შიგთავსის აღწერით;

დ) გადასახადის გადამხდელის/საგადასახადო აგენტის ან სხვა ვალდებული პირის იდენტიფიკაციის შემდეგ რეკომენდებულია “საგადასახადო მოთხოვნა” მსხვილი დავალიანების მქონე გადამხდელებს წარუდგინოს საგადასახადო ორგანოს გადასახადების ადმინისტრირების სამმართველოს, როგორც მინიმუმ ორმა თანამშრომელმა, ხოლო დანარჩენ გადამხდელებს კი, ამავე სამმართველოს თითო თანამშრომელმა;

ე) “საგადასახადო მოთხოვნის” გადასახადის გადამხდელზე/საგადასახადო აგენტზე ან სხვა ვალდებულ პირზე ან მათ უფლებამოსილ წარმომადგენელზე ხელზე ჩაბარების შემთხვევაში მის მეორე ეგზემპლარზე გადასახადის გადამხდელის/საგადასახადო აგენტის ან სხვა ვალდებული პირის ან მათი უფლებამოსილი წარმომადგენლის მიერ კეთდება ჩანაწერი “საგადასახადო მოთხოვნის” ჩაბარების თაობაზე და ესმება თარიღი;

ვ) გადასახადის გადამხდელის/საგადასახადო აგენტის ან სხვა ვალდებული პირის ან მათი უფლებამოსილი წარმომადგენლის მიერ “საგადასახადო მოთხოვნის” ჩაბარებაზე უარის თქმის ან სხვა გარემოებათა გამო მისი გადაცემის შეუძლებლობის შემთხვევაში, საგადასახადო ორგანოს თანამშრომლების მიერ განემარტება მათი უფლებამოსილება ზეპირად. ამის შემდეგ “საგადასახადო მოთხოვნის” მეორე ეგზემპლარზე კეთდება სათანადო ჩანაწერი ჩაუბარებლობის მიზეზების მითითებით, კეთდება შესაბამისი ხელმოწერა და ესმება თარიღი;

ზ) საგადასახადო ორგანოს მიერ გადასახადის გადამხდელისათვის/საგადასახადო აგენტისათვის ან სხვა ვალდებული პირისათვის ან მათი უფლებამოსილი წარმომადგენლისათვის “საგადასახადო მოთხოვნის” ჩაუბარებლობის შემთხვევაში მისი გაგზავნა ხდება დაზღვეული საფოსტო გზავნილის სახით, შიგთავსის აღწერით. ასეთ შემთხვევაში “საგადასახადო მოთხოვნის” წარდგენის თარიღად ითვლება გაგზავნის თარიღი;

თ) გადასახადის გადამხდელის/საგადასახადო აგენტის ან სხვა ვალდებული პირის ან მათი უფლებამოსილი წარმომადგენლისათვის “საგადასახადო მოთხოვნის” დაზღვეული საფოსტო გზავნილის სახით გაგზავნის შემთხვევაში, “საგადასახადო მოთხოვნის” საფოსტო გზავნილის წესით ჩაბარების პროცედურის დასრულებამდე, მისამართად რეკომენდირებულია გამოყენებული იქნას საგადასახადო ორგანოსათვის ცნობილი შემდეგი მისამართები შემდეგი თანამიმდევრობით:

თ.ა) იურიდიული მისამართი;

თ.ბ) ფაქტობრივი მისამართი;

თ.გ) საწარმოს (ორგანიზაციის) ხელმძღვანელის ან მისი უფლებამოსილი წარმომადგენლის მისამართი;

თ.დ) საწარმოს დამფუძნებლების მისამართი.   

8. ,,საგადასახადო მოთხოვნა” შეიძლება გასაჩივრდეს საგადასახადო კოდექსით დადგენილი წესით.

9. გადასახადის გადამხდელის/საგადასახადო აგენტის ან სხვა ვალდებული პირის მიერ საგადასახადო ორგანოსათვის გასაგზავნი ნებისმიერი დოკუმენტი შედგენილი უნდა იყოს წერილობითი ფორმით, ხელმოწერილი უნდა იყოს მისი კანონიერი ან უფლებამოსილი წარმომადგენლის მიერ და დამოწმებული უნდა იყოს ბეჭდით. ადრესატს უნდა გადაეცეს დოკუმენტის დედანი ან დამოწმებული ასლი.

10. დაზღვეული საფოსტო გზავნილით გაგზავნის შემთხვევაში დოკუმენტის/წერილის გადაცემის თარიღად ითვლება საგადასახადო ორგანოს მიერ საფოსტო გზავნილის მიღების თარიღი, ხოლო თუ დოკუმენტის/წერილის გადაცემისთვის დადგენილია ვადა – დაზღვეული საფოსტო გზავნილის გაგზავნის თარიღი.

11. საგადასახადო ორგანო აწარმოებს გადასახადის გადამხდელის/საგადასახადო აგენტის ან სხვა ვალდებული პირზე წარდგენილი “საგადასახადო მოთხოვნის” სარეგისტრაციო ჟურნალს თანახმად (დანართი N11)”.

46. ინსტრუქციის მე-13 მუხლის მე-3 პუნქტის “ვ” ქვეპუნქტი ჩამოყალიბდეს შემდეგი რედაქციით:

“ვ) დავის განხილვის ფორმა (საქართველოს ფინანსთა სამინისტროს სისტემაში, ან სასამართლოში)”.

47. ინსტრუქციის მე-13 მუხლს დაემატოს შემდეგი შინაარსის მე-11-ე _ მე-13-ე პუნქტები:

“11. თუ საგადასახადო ორგანო საგადასახადო კოდექსით დადგენილ ვადაში აღიარებს გადასახადის გადამხდელის/საგადასახადო აგენტის ან სხვა ვალდებული პირის მოთხოვნას, ამ შემთხვევაში საგადასახადო ორგანო ვალდებულია შეასრულოს ეს მოთხოვნა საგადასახადო კოდექსით დადგენილი წესით, ხოლო “გადასახადის გადამხდელის მოთხოვნის” შესრულებაზე უარის შემთხვევაში, საგადასახადო ორგანომ მოთხოვნის მიღებიდან 15 კალენდარული დღის ვადაში მოთხოვნის წარმდგენს უნდა გაუგზავნოს წერილობითი შესაგებელი.

12. საქართველოს საგადასახადო კოდექსის 282-ე მუხლის მე-2 ნაწილის მიხედვით ამ კოდექსის პროცედურული დებულებები ვრცელდება იმ საგადასახადო პერიოდებზეც, რომლებიც მთავრდება 2005 წლის 1 იანვრამდე.

13. 2005 წლის 1 იანვრამდე მოქმედი საგადასახადო კოდექსის მიხედვით (მუხლი 236) გადასახადის დარიცხული თანხების შესახებ პროცედურულად გადამხდელს ეგზავნებოდა შეტყობინება. ამდენად, ახალი საგადასახადო კოდექსის მიხედვით “საგადასახადო მოთხოვნა” გაეგზავნება იმ გადამხდელებსაც, რომელთაც ვადაგადაცილებული დავალიანება წარმოეშვათ და ერიცხებათ 1997 წლიდან”.

48. ინსტრუქციის მე-14 მუხლის პირველი, მე-2 და მე-3 პუნქტები ჩამოყალიბდეს შემდეგი რედაქციით:

“1.  საგადასახადო ორგანოს მიერ გადასახადის გადამხდელზე/საგადასახადო აგენტზე ან სხვა ვალდებულ პირზე გაგზავნილი “საგადასახადო მოთხოვნის” შესრულება უზრუნველყოფილი უნდა იქნას 15 კალენდარული დღის განმავლობაში, თუ საქართველოს საგადასახადო კოდექსით სხვა ვადა არ არის დადგენილი და შესაბამისად საგადასახადო ორგანოს მიერ  გადასახდელად დარიცხულია გადასახადის თანხა, საურავი ან/და ჯარიმა.

2. ამ მუხლის პირველ პუნქტში აღნიშნულ ვადაში გადასახადის გადამხდელის/საგადასახადო აგენტის ან სხვა ვალდებული პირის მიერ დარიცხული  თანხის გადაუხდელობისა და საგადასახადო კოდექსის 147-ე მუხლის მე-2 ნაწილით გათვალისწინებული შესაგებლის წარდგენის ან სასამართლოში “საგადასახადო მოთხოვნის” გასაჩივრების შემთხვევაში, მის მიმართ გამოიყენება საგადასახადო ვალდებულების შესრულების უზრუნველყოფის ღონისძიებები საგადასახადო კოდექსის 150-ე მუხლის შესაბამისად.

3. გადასახადის გადამხდელის/საგადასახადო აგენტის ან სხვა ვალდებული პირის მიერ  დარიცხული თანხის გადაუხდელობა და ამ მუხლის მე-2 პუნქტში აღნიშნული შესაგებელის ან სარჩელის წარმოუდგენლობა განიხილება, როგორც საგადასახადო ვალდებულების აღიარება და მის მიმართ შეიძლება გამოყენებული იქნას საგადასახადო კოდექსის მე-11 თავით გათვალისწინებული საგადასახადო ვალდებულებების შესრულების უზრუნველყოფის ღონისძიებები”.

49. ინსტრუქციის მე-14 მუხლის მე-4 პუნქტი ამოღებულ იქნეს.

50. ინსტრუქციის მე-14 მუხლის მე-6 პუნქტი ჩამოყალიბდეს შემდეგი რედაქციით:

“6. “საგადასახადო მოთხოვნა” და “გადასახადის გადამხდელის მოთხოვნა” წყდება მისი შესრულებით ან გაუქმების შემთხვევაში”.

51. ინსტრუქციის მე-14 მუხლის მე-8 პუნქტი ჩამოყალიბდეს შემდეგი რედაქციით:

“8. “საგადასახადო მოთხოვნა” და “გადასახადის გადამხდელის მოთხოვნა” გაუქმებულად ჩაითვლება, თუ წარმდგენმა მასზე უარი განაცხადა, ან თუ კანონმდებლობის შესაბამისად მოთხოვნა ცნობილ იქნა უკანონოდ ან დაუსაბუთებლად”.

52. ინსტრუქციის მე-15 მუხლს დაემატოს 41 პუნქტი და ჩამოყალიბდეს შემდეგი რედაქციით:

“41. საინკასო დავალებაში უნდა ჩაიწეროს გადასახადის გადამხდელის/საგადასახადო აგენტის ან სხვა ვალდებული პირის ის საბანკო ანგარიშები, საიდანაც უნდა განხორციელდეს გადასახადის, საურავისა და ჯარიმის თანხების ჩამოწერა და გადასარიცხი თანხის ოდენობა”.

53. ინსტრუქციის მე-16 მუხლის მე-2 და მე-3 პუნქტები ჩამოყალიბდეს შემდეგი რედაქციით:

“2. საგადასახადო ინსპექციის გადამხდელთა მომსახურების სამმართველოს თანამშრომელი, რომელსაც ევალება საგადასახადო დეკლარაციების და კანონმდებლობით დადგენილი ანგარიშგების სხვა ფორმების მიღება, ვალდებულია შეამოწმოს ისინი ვიზუალურად. მოაწეროს ხელი, დაამოწმოს ბეჭდით, დაახარისხოს დეკლარაციები გადასახადის სახეების მიხედვით,   მიღებისთანავე მიანიჭოს პაკეტის საკონტროლო ნომერი და რიგითი ნომერი. ერთი პაკეტის დეკლარაციების ოდენობა შეიძლება იყოს  რიგითობის შესაბამისად 1-დან 99-მდე ჩათვლით. ყოველი დღის ბოლოს პაკეტი უნდა დაიხუროს, გამოიბეჭდოს პაკეტის საკონტროლო ფურცელი  დანართი 24 (მარშრუტი) და პაკეტში არსებული გადამხდელების დეკლარაციების ჩამონათვალი,  თუ დეკლარაცია მიღებულია ფოსტით უნდა მიეთითოს - ფოსტით, თუ საგადასახადო ინსპექციებს აქვთ რაიონებიდან ჩამოტანილი დეკლარაციები უნდა მიეთითოს - რაიონი, თუ დეკლარაცია გადავადებულია - გადავადება. დახურული პაკეტები გადაეცემა სისტემის ადმინისტრატორს, რომელიც გადასცემს მონაცემების შეტანაზე პასუხისმგებელ მუშაკს კომპიუტერში შესატანად.

3. მონაცემები ფორმირებულ პაკეტებზე შეიტანება შესაბამისი პაკეტების აღრიცხვის ჟურნალში, რომელიც ავტომატურად წარმოებს ელექტრონული ვერსიით (დანართი 15), რომელშიც ავტომატურად ფიქსირდება პაკეტის საკონტროლო ნომერი, პაკეტის გახსნის, მასში მონაცემების შეტანისა და გადაგზავნის თარიღები, პასუხისმგებელი პირი, პაკეტებში დოკუმენტებისა და მათში აღმოჩენილი შეცდომების რაოდენობა”.

54. ინსტრუქციის მე-19 მუხლი ჩამოყალიბდეს შემდეგი რედაქციით:

“მუხლი 19. გადამხდელის გადასახადების მიხედვით ბიუჯეტთან ანგარიშსწორების შედარების აქტის გაფორმების წესი  

1. გადასახადის გადამხდელის/საგადასახადო აგენტის ან სხვა ვალდებული პირის (გადამხდელის) გადასახადების მიხედვით ბიუჯეტთან ანგარიშსწორების შედარების ჩატარება (შემდგომში ბიუჯეტთან ანგარიშსწორების შედარება) წარმოებს საგადასახადო ორგანოს მიერ აუცილებელი წესით შემდეგ შემთხვევებში:

ა) მსხვილ და აქციზის გადამხდელთა საგადასახადო ინსპექციებში ექვს თვეში ერთხელ;

ბ) დანარჩენ საგადასახადო ინსპექციებში - ექვს თვეში ერთხელ. კერძოდ: ქ. თბილისის საგადასახადო ინსპექციაში, ყველა მსხვილი გადამხდელისათვის  შემოწმებას ექვემდებარება არა ნაკლებ 1000 გადამხდელისა, მათ შორის 800, რომლებსაც ჯამურად ყველა გადასახადის მიხედვით გადახდილი აქვს ყველაზე მეტი თანხები და 200 გადამხდელი, რომელთაც აქტივების არსებობის პირობებში ერიცხებათ ყველაზე მეტი საგადასახადო დავალიანება. დანარჩენი საგადასახადო ინსპექციებისათვის, შემოწმებას ექვემდებარება არა ნაკლებ 200 გადამხდელისა, მათ შორის 160,  რომლებსაც ჯამურად ყველა გადასახადის მიხედვით გადახდილი აქვს ყველაზე მეტი თანხები და 40 გადამხდელი, რომელთაც აქტივების არსებობის პირობებში ერიცხებათ ყველაზე მეტი საგადასახადო დავალიანება). ეს მაჩვენებელი იანგარიშება წინა საგადასახადო წლის მონაცემების მიხედვით;

გ) გადამხდელის ერთი საგადასახადო ინსპექციიდან საგადასახადო აღრიცხვიდან (რეგისტრაციიდან) მოხსნისა და მეორე საგადასახადო ინსპექციაში საგადასახადო აღრიცხვაზე (რეგისტრაციაზე) აყვანის შემთხვევაში;

დ) საწარმოს (ორგანიზაციის) ლიკვიდაციის (რეორგანიზაციის) შემთხვევაში გადამხდელის საგადასახადო აღრიცხვიდან (რეგისტრაციიდან) მოხსნის დროს;

ე) გადამხდელის მოთხოვნის შემთხვევაში;

ვ) საგადასახადო კანონმდებლობით დადგენილ სხვა შემთხვევებში.

2. საგადასახადო ინსპექციის მომსახურების სამმართველოს პასუხისმგებელი მუშაკი აფორმებს გადამხდელის ბიუჯეტთან ანგარიშსწორების შედარების აქტს ამ ინსტრუქციის დანართი N17 შესაბამისად.

3. გადამხდელის ბიუჯეტთან ანგარიშსწორების შედარების აქტის გაფორმების ვადა საგადასახადო ორგანოსა და გადამხდელის მონაცემებს შორის განსხვავების არ არსებობის პირობებში არ უნდა აღემატებოდეს 5 სამუშაო დღეს, ხოლო განსხვავების არსებობის პირობებში კი - აღნიშნული ვადა არ უნდა აღემატებოდეს 20 სამუშაო დღეს.     დადგენილ ვადებში არ შედის შედარების აქტის გადამხდელამდე დაყვანა საფოსტო გზავნილის გზით.

4. მსხვილ გადამხდელებთან, მსხვილ გადამხდელთა და აქციზის გადამხდელთა საგადასახადო ინსპექციებში, ბიუჯეტთან ანგარიშსწორების შედარების აქტის გაფორმების ხანგრძლიობის ვადა შესაძლებელია გაზრდილი იქნას შესაბამისად 10 და 30 დღემდე.

5. დანართი N17-ში საგადასახადო ორგანოს მონაცემებსა და გადამხდელის მონაცემებს შორის განსხვავების არ არსებობის შემთხვევებში დოკუმენტზე გადამხდელის ან მისი დოკუმენტალურად დადასტურებული უფლებამოსილი წარმომადგენლის და საგადასახადო ინსპექციის გადამხდელთა მომსახურების სამმართველოს პასუხისმგებელი მუშაკის მიერ კეთდება ხელისმოწერები. შედარების აქტის პირველი ეგზემპლარი 5 სამუშაო დღის განმავლობაში ბარდება გადამხდელს ან გადაეცემა საგადასახადო ინსპექციის კანცელარიას დაზღვეული საფოსტო გზავნილის წესით გაგზავნის მიზნით. იმ შემთხვევაში თუ შედარების აქტი გადამხდელს გადაეცემა პირადად, მაშინ აქტის მეორე ეგზემპლარზე კეთდება გადამხდელის ან მისი უფლებამოსილი წარმომადგენლის ხელისმოწერა და დაისმება მიღების თარიღი.

6. გადამხდელისა და საგადასახადო ორგანოს მონაცემებს შორის განსხვავების გამოვლენის შემთხვევაში საგადასახადო ორგანოს გადამხდელთა მომსახურების სამმართველოს პასუხისმგებელი მუშაკი ახორციელებს საგადასახადო ორგანოს საინფორმაციო მონაცემების და გადამხდელის პირველადი დოკუმენტების ურთიერთშედარებას, დაფიქსირებული განსხვავების მიზეზების აღმოსაფხვრელად. განსხვავების მიზეზების დადგენისა და მისი აღმოფხვრის შემდეგ გადამხდელთა მომსახურების სამმართველოს პასუხისმგებელი მუშაკის მიერ განმეორებით ამოიბეჭდება სრულყოფილი შედარების აქტი.

7. საგადასახადო ინსპექციის გადამხდელთა მომსახურების სამმართველოს მიერ დაშვებული შეცდომის გამოვლენის შემთხვევაში, ამავე სამმართველოს პასუხისმგებელი მუშაკი ამზადებს სამსახურეობრივ ბარათს (დანართი 19) სამმართველოს უფროსის სახელზე, ხოლო სხვა სამმართველოს მიზეზით გამოწვეულ შემთხვევაში კი - საგადასახადო ინსპექციის უფროსის ან მისი მოადგილის სახელზე. დაშვებული შეცდომის გასწორება უნდა მოხდეს არა უმეტეს 10 სამუშაო დღის განმავლობაში, რის შემდეგ გატარებული ღონისძიებების შესახებ გადამხდელთა მომსახურების სამმართველოში იგზავნება სამსახურეობრივი ბარათის ყუა (მოსახევი ნაწილი დანართი 19).

8. მონაცემთა ბაზაში შეცდომის გასწორების შესახებ სამსახურეობრივი ბარათის მიღების შემდეგ 5 სამუშაო დღის განმავლობაში ფორმდება ბიუჯეტთან ანგარიშსწორების შედარების აქტი (დანართი N17), მოცემული თარიღისათვის შეტანილი ცვლილებების გათვალისწინებით, ორ ეგზემპლარად.

9. გადამხდელის ბიუჯეტთან ანგარიშსწორების შედარების აქტის გაფორმება სავალდებულოა გადამხდელის მიერ ზედმეტად ან შეცდომით გადახდილი საგადასახადო შემოსავლების თანხის დაბრუნების პროცედურების დაწყების წინ. ამასთან, საგადასახადო ინსპექცია ამოწმებს გადამხდელის პირადი აღრიცხვის ბარათის ჩანაწერებთან დაკავშირებულ ყველა პირველად დოკუმენტს და ახდენს მის ბარათის მონაცემებთან შედარებას.

10. ბიუჯეტთან ანგარიშსწორების შედარების აქტის პირველი ეგზემპლარი გადამხდელის და გადამხდელთა მომსახურების სამმართველოს პასუხისმგებელი მუშაკის ხელისმოწერებით გადაეცემა გადამხდელს (უფლებამოსილ წარმომადგენელს). თუ ბიუჯეტთან ანგარიშსწორების შედარების აქტი გადამხდელს (უფლებამოსილ წარმომადგენელს) გადაეცემა პირადად, მაშინ მის მეორე ეგზემპლარზე კეთდება გადამხდელის ხელისმოწერა და დაისმება მიღების თარიღი.

11. ბიუჯეტთან ანგარიშსწორების შედარების აქტის საფოსტო გზავნილით გაგზავნის შემთხვევაში, აქტის ორივე ეგზემპლარი (პირველი ეგზემპლარი გადამხდელის დამოწმების შემდეგ 5 სამუშაო დღის განმავლობაში გადამხდელის მიერ ბრუნდება საგადასახადო ინსპექციაში) და შეტყობინება (დანართი 20) გადაეცემა საგადასახადო ინსპექციის კანცელარიას საფოსტო გზავნილის წესით გაგზავნის მიზნით.

12. მსხვილ გადამხდელებთან ბიუჯეტთან ანგარიშსწორების შედარების ჩატარების თავისებურებანი მდგომარეობს შემდეგში:

ა) ყველა მსხილ გადამხდელთან (მათ შორის მსხვილ და აქციზის გადამხდელთა საგადასახადო ინსპექციებში) ბიუჯეტთან ანგარიშსწორების შედარება აუცილებელი წესით საგადასახადო ორგანოს მიერ წარმოებს ყოველ ექვს თვეში ერთხელ.

ბ) ამისათვის საანგარიშო პერიოდის დაწყების წინა თვის 15 რიცხვისათვის დგება გრაფიკი, რომელიც მტკიცდება საგადასახადო ინსპექციის ხელმძღვანელის/მისი მოადგილის მიერ. რის შემდეგ გადასახადის გადამხდელებს ეგზავნებათ წერილობითი შეტყობინება ბიუჯეტთან ანგარიშსწორების შედარების ჩატარების თარიღის შესახებ (დანართი 21).

გ) მსხილ გადამხდელებთან ბიუჯეტთან ანგარიშსწორების შედარების გრაფიკის შედგენა დასაშვებია კალენდარული წლის დასაწყისში, თითოეული 6 თვის მიხედვით წერილობით შეტყობინებაში მითითებული თარიღის გათვალისწინებით (დანართი 21).

დ) დამტკიცებული გრაფიკის შესაბამისად ფორმდება ბიუჯეტთან ანგარიშსწორების შედარების აქტი ყველა გადამხდელის მიხედვით. გადამხდელთა მომსახურების სამმართველოს პასუხისმგებელი პირი მოქმედებს ამ ინსტრუქციის მე - 19 მუხლის მე-3 _ მე–11 პუნქტების მოთხოვნათა დაცვით.

ე) ბიუჯეტთან ანგარიშსწორების შედარების შედეგების გაფორმების მიზნით გადამხდელის წერილობით შეტყობინებაში მითითებულ ვადაში (დანართი 21) გამოუცხადებლობის შემთხვევაში, ბიუჯეტთან ანგარიშსწორების შედარების აქტი ეგზავნება გადამხდელს ორ ეგზემპლარად, საფოსტო გზავნილით, საგადასახადო ინსპექციის კანცელარიის მიერ (დანართი 21). შეტყობინებაში მიეთითება გადამხდელის მიერ ბიუჯეტთან ანგარიშსწორების შედარების აქტის ხელმოწერილი ეგზემპლარის საგადასახადო ინსპექციაში დაბრუნების აუცილებლობის შესახებ ამ ინსტრუქციის მე - 19 მუხლის 11 პუნქტის შესაბამისად;

ვ) თუ გადამხდელთან უკვე გაფორმებულია ბიუჯეტთან ანგარიშსწორების შედარების აქტი საკუთარი მოთხოვნით, ამ შემთხვევაში, გადამხდელთან გრაფიკით გათვალისწინებული უახლოესი ბიუჯეტთან ანგარიშსწორების შედარების აქტის გაფორმების პროცედურები აღარ ტარდება და შემდეგი ბიუჯეტთან ანგარიშსწორების შედარების აქტის გაფორმების აუცილებლობა გადადის გრაფიკით გათვალისწინებული მომავალი ვალდებულების თარიღისათვის.

13. ბიუჯეტთან ანგარიშსწორების შედარების ჩატარების თავისებურებანი გადამხდელის ერთი საგადასახადო ინსპექციიდან საგადასახადო აღრიცხვიდან (რეგისტრაციიდან) მოხსნისა და მისი მეორე საგადასახადო ინსპექციაში საგადასახადო აღრიცხვაზე (რეგისტრაციაზე) აყვანის ან საწარმოს (ორგანიზაციის) ლიკვიდაციის შემთხვევაში მდგომარეოდს შემდეგში:

ა) საგადასახადო ორგანოში გადამხდელის საქმიანობის ადგილის შეცვლის ან საწარმოს (ორგანიზაციის) ლიკვიდაციის (რეორგანიზაციის) პროცედურების დაწყების შესახებ წერილობითი შეტყობინების მიღების შემდეგ გადამხდელთა მომსახურების სამმართველოს პასუხისმგებელი მუშაკი აწარმოებს ამ გადამხდელის ბიუჯეტთან ანგარიშსწორების შედარებას.

ბ) ბიუჯეტთან ანგარიშსწორების შედარების განსახორციელებლად გადამხდელი მოწვეული უნდა იქნას საგადასახადო ინსპექციაში წერილობითი შეტყობინებით მასთან ბიუჯეტთან ანგარიშსწორების შედარების ჩატარების თარიღის მითითებით (დანართი 21). შეტყობინება დგება ორ ეგზემპლარად და საგადასახადო ინსპექციის კანცელარიის მიერ ეგზავნება საფოსტო გზავნილით.

გ) საგადასახადო ინსპექციაში შეტყობინების უკან დაბრუნების შემთხვევაში, აღნიშვნით “ადრესატი მოცემულ მისამართზე არ იმყოფება”, გადამხდელის ბიუჯეტთან ანგარიშსწორების შედარების აქტს ხელს აწერს საგადასახადო ინსპექციის გადამხდელთა მომსახურების სამმართველოს პასუხისმგებელი მუშაკი ცალმხრივი წესით.

დ) გადამხდელთა მომსახურების სამმართველოს პასუხისმგებელი მუშაკი აფორმებს ბიუჯეტთან ანგარიშსწორების შედარების აქტს დანართი N17-ის შესაბამისად.

ე) ბიუჯეტთან ანგარიშსწორების შედარების ჩატარების მიზნით, გადამხდელის შეტყობინებაში (დანართი 21) მითითებულ ვადაში საგადასახადო ინსპექციაში გამოცხადების შემთხვევაში და საგადასახადო ინსპექციის მონაცემებსა და გადამხდელის მონაცემებს შორის განსხვავების არ არსებობის პირობებში დოკუმენტზე კეთდება გადამხდელის ან მისი უფლებამოსილი წარმომადგენლის და გადამხდელთა მომსახურების სამმართველოს პასუხისმგებელი მუშაკის მიერ ხელისმოწერები. დოკუმენტი დგება სამ ეგზემპლარად საწარმოს (ორგანიზაციის) ლიკვიდაციის შემთხვევაში ორ ეგზემპლარად) და  ხდება მისი ვიზირება გადამხდელთა მომსახურების სამმართველოს უფროსის მიერ. პირველი ეგზემპლარი ბარდება გადამხდელს. ხოლო მეორე და მესამე ეგზემპლარებზე გადამხდელის მიერ მიეთითება ბიუჯეტთან ანგარიშსწორების შედარების აქტის მიღების თარიღი და კეთდება გადამხდელის ხელისმოწერა. დოკუმენტის მეორე ეგზემპლარი გადაეცემა საგადასახადო ინსპექციის კანცელარიას გადამხდელის ახალი საგადასახადო აღრიცხვის (რეგისტრაციის) მიხედვით მდებარე საგადასახადო ინსპექციაში მისი შემდგომი გადაგზავნის მიზნით, ხოლო მესამე ეგზემპლარი რჩება საგადასახადო ინსპექციაში.

ვ) ლიკვიდირებული ორგანიზაციის ბიუჯეტთან ანგარიშსწორების შედარების აქტის გაფორმების დროს სალიკვიდაციო კომისიის აქტის მონაცემებისა და საგადასახადო ინსპექციის გადამხდელთა საგადასახადო აუდიტის (შემოწმების) სამმართველოს რევიზიის მონაცემების ურთიერთშედარების შემდეგ უნდა მოხდეს შემოწმების აქტის საბოლოო მონაცემების გადამხდელთა პირადი აღრიცხვის ბარათზე გატარება, რის შემდეგ ბიუჯეტთან ანგარიშსწორების შედარების აქტის მეორე ეგზემპლარი გადაეცემა საგადასახადო ორგანოს საარქივო განყოფილებას შესანახად.

ზ) საგადასახადო ინსპექციის მონაცემებსა და გადამხდელის მონაცემებს შორის განსხვავების არ არსებობის შემთხვევაში, საგადასახადო ორგანოს გადამხდელთა მომსახურების სამმართველოს პასუხისმგებელი მუშაკი იყენებს ამ ინსტრუქციის მე-19 მუხლის მე-3 და მე-4 პუნქტებს.

თ) მონაცემთა ბაზაში შეცდომების გასწორების შესახებ სათანადო შეტყობინების მიღების შემდეგ 3 დღის ვადაში ფორმდება ბიუჯეტთან ანგარიშსწორების შედარების აქტი დანართი N17-ის შესაბამისად, შეტანილი ცვლილებების გათვალისწინებით, სამ ეგზემპლარად.

ი) ბიუჯეტთან ანგარიშსწორების შედარების ჩასატარებლად გადამხდელის შეტყობინებაში (დანართი 21) მითითებულ ვადაში გამოუცხადებლობის (აცილების) შემთხვევაში, ცალმხრივად ფორმდება ბიუჯეტთან ანგარიშსწორების შედარების აქტი, დანართი N17-ის მიხედვით, გადამხდელთა მომსახურების სამმართველოს პასუხისმგებელი მუშაკის ხელისმოწერით, რომელიც საგადასახადო ინსპექციის კანცელარიის მიერ 2 დღის ვადაში გადაეგზავნება გადამხდელს საფოსტო გზავნილით.

კ) საგადასახადო ორგანოს მიერ ცალმხრივი წესით გაფორმებული გადამხდელის ბიუჯეტთან ანგარიშსწორების შედარების აქტი დანართი N17, შეტყობინება გადამხდელის გამოძახების შესახებ შედარების გასაფორმებლად (დანართი 21), შეტყობინება ბიუჯეტთან ანგარიშსწორების შედარების აქტის საფოსტო გზავნილით გაგზავნის შესახებ (დანართი 20), დოკუმენტების ჩამონათვალთან ერთად გადაეცემა საგადასახადო ინსპექციის კანცელარიას მისი შემდგომი გადამხდელის ახალი ადგილსამყოფელის მიხედვით მდებარე საგადასახადო ინსპექციაში გადასაგზავნად.

14. გადამხდელის ბიუჯეტთან ანგარიშსწორების შედარების აქტის გაფორმების თავისებურებანი გადამხდელის განცხადების შემთხვევაში მდგომარეობს შემდეგში:

ა) გადამხდელის ბიუჯეტთან ანგარიშსწორების შედარების ჩატარების შესახებ გადამხდელებიდან (მათი წარმომადგენლებიდან) განცხადებების მიღება (დანართი 22) დასაშვებია პირადად ან საფოსტო გზავნილის მეშვეობით.

ბ) განცხადების პირადად წარმოდგენის შემთხვევაში საგადასახადო ინსპექციის მომსახურების სამმართველოს პასუხისმგებელი მუშაკის მიერ, განცხადების მეორე ეგზემპლარზე კეთდება ჩანაწერი განცხადების მიღებისა და თარიღის მითითებით.

გ) გადამხდელების მიერ ბიუჯეტთან ანგარიშსწორების შედარების შესახებ საგადასახადო ინსპექციაში მიღებული განაცხადები ლაგდება მათი მიღების ვადების შესაბამისად.

დ) საგადასახადო ინსპექციის გადამხდელთა მომსახურების სამმართველოს თანამდებობის პირი აფორმებს ანგარიშსწორების შედარების აქტს დანართი ფორმა N17-ის შესაბამისად, საგადასახადო ორგანოს მიერ განცხადების მიღებიდან ამ ინსტრუქციის  მე - 19 მუხლის მე - 3 პუნქტით გათვალისწინებულ ვადებში.

ე) ამის შემდეგ საგადასახადო ინსპექციის გადამხდელთა მომსახურების სამმართველოს პასუხისმგებელი მუშაკი მოქმედებს ამ ინსტრუქციის მე - 19 მუხლის მე-3 _ მე-10 პუნქტების მოთხოვნათა შესაბამისად.

ვ) დოკუმენტის პირველი ეგზემპლარი გადამხდელისა და საგადასახადო ინსპექციის მომსახურების სამმართველოს პასუხისმგებელი მუშაკის ხელისმოწერით გადაეცემა გადამხდელს (ან მის წარმომადგენელს), ან ეგზავნება საფოსტო გზავნილით, ხოლო მეორე ეგზემპლარი გადამხდელის (ან მისი წარმომადგენლის) დასტურით დოკუმენტის მიღების (ან საფოსტო გზავნილით გაგზავნის) შესახებ, რჩება ბიუჯეტთან ანგარიშსწორების ჩატარების ადგილმდებარეობის მიხედვით საგადასახადო ორგანოში.

ზ) გადამხდელის მიერ დაშვებული შეცდომის გამოვლენის შემთხვევაში, საგადასახადო ინსპექციაში მზადდება შეტყობინება (დანართი 23). შეტყობინებას ხელს აწერს საგადასახადო ინსპექციის ხელმძღვანელი (მისი მოადგილე) და საგადასახადო ინსპექციის კანცელარიის მიერ ეგზავნება გადამხდელს საფოსტო გზავნილით.

15. გადასახადების მიხედვით ბიუჯეტთან ანგარიშსწორების მდგომარეობის შესახებ გადამხდელების ინფორმირების წესი მდგომარეობს შემდეგში:

ა) გადასახადების მიხედვით ანგარიშსწორების მდგომარეობის შესახებ ცნობების გასაცემად განცხადებები გადამხდელის მიერ შეიძლება საგადასახადო ორგანოებს წარედგინოს პირადად (ან მის წარმომადგენლის მეშვეობით) ან საფოსტო გზავნილით. განცხადებების მიღების დროს რეკომენდებულია მიეთითოს ცნობების მიღების ფორმა (პირადად ან საფოსტო გზავნილით).

ბ) განცხადება ხელმოწერილი უნდა იყოს გადამხდელის (ან მისი წარმომადგენლის) მიერ. პირადად განცხადების მიღებისას განცხადების მეორე ეგზემპლარზე საგადასახადო ინსპექციის გადამხდელთა მომსახურების სამმართველოს პასუხისმგებელი მუშაკი, გადამხდელის თხოვნის საფუძველზე აკეთებს აღნიშვნას განცხადების მიღებისა და თარიღის შესახებ.

გ) გადასახადების მიხედვით ანგარიშსწორების მდგომარეობის შესახებ ინფორმაციის მიწოდების მიზნით მიღებული განცხადებები ნაწილდება ინფორმაციის წარმოდგენის ვადების მიხედვით.

დ) გადამხდელის გადასახადების მიხედვით ბიუჯეტთან ანგარიშსწორების მდგომარეობის შესახებ დოკუმენტაციის ფორმირებისა და ხელისმოწერის ვადა არ უნდა აღემატებოდეს განცხადების მიღებიდან 10 სამუშაო დღეს მისი საფოსტო გზავნილით მიღების შემთხვევაში. აღნიშნული ვადა არ მოიცავს საფოსტო გზავნილით დოკუმენტის გაგზავნის ვადებს.

ე) მომზადებული ცნობა ხელმოსაწერად გადაეცემა საგადასახადო ინსპექციის ხელმძღვანელს (მის მოადგილეს).

ვ) საგადასახადო ინსპექციის ხელმძღვანელობის მიერ ხელმოწერილი და ბეჭედდასმული ცნობა გადაეცემა გადამხდელს (მის წარმომადგენელს) ან საფოსტო გზავნილის ფორმით გაგზავნის მიზნით გადაეცემა საგადასახადო ინსპექციის კანცელარიას. თუ ცნობა ბარდება გადამხდელს (მის წარმომადგენელს) პირადად, ამ შემთხვევაში გადამხდელის (მისი წარმომადგენლის) მიერ ცნობის მეორე ეგზემპლარზე კეთდება ხელისმოწერა და ისმება მიღების თარიღი.

ზ) გადამხდელისათვის ცნობის საფოსტო გზავნილით გაგზავნის შემთხვევაში, ცნობის პირველი ეგზემპლარი გადაეცემა საგადასახადო ინსპექციის კანცელარიას სარეგისტრაციოდ, ხოლო ცნობის მეორე რეგისტრირებული ეგზემპლარი ინახება საქმეში.

16. გადამხდელის ბიუჯეტთან ანგარიშსწორების შედარების აქტის გაფორმების დროს, როდესაც გადამხდელს გადავადებული აქვს სოციალური, საშემოსაცლო, ქონების ან მოგების გადასახადის წლიური დეკლარაციის წარდგენის ვადა, არ მოხდება არსებული ზედმეტობის გათვალისწინება და საურავების შემცირება, კანონმდებლობით გათვალისწინებული ბოლო დეკლარაციის წარმოდგენამდე”.

55. ინსტრუქციის დანართი 1, დანართი 2, დანართი 3, დანართი 4, დანართი 6, დანართი 9 და დანართი 15 ჩამოყალიბდეს თანდართული რედაქციით.

56. ინსტრუქციას დაემატოს დანართი 18, დანართი 19, დანართი 20, დანართი 21, დანართი 22, დანართი 23 და დანართი 24 თანდართული რედაქციით.

მუხლი 2.

ეს ბრძანება ამოქმედდეს გამოქვეყნებიდან მე-15 დღეს.

 

ა. ალექსიშვილი

                                                

 

 

დანართი N 1 

გადამხდელის პირადი აღრიცხვის ბარათი

საგადასახადო ინსპექციის დასახელება

საიდენტიფიკაციო კოდი                                                                            დროის პერიოდი

                                                           გადამხდელის დასახელება            გადასახადის დასახელება

 

ოპ ერ აც იი ს ჩა წე რი ს თა რი ღი	ოპერა ციის შინაა რსი	გადახდის ვადა და ჩარიცხვის თარიღი	ანგარიშსწორება ძირითადი გადასახადის მიხედვით							ანგარიშსწორება ფინანსური სანქციის სახით ჯარიმის თანხაზე
			და რი ცხ უ ლ ია	შ ე მ ც ი რ ე ბ უ ლ ი ა	გა და ხდ ი ლ ია ბი უ ჯე ტშ ი	უკან დაბ რუნ ებუ ლია ან გადა ტანი ლია	ანგარიშსწორების სალდო			და რი ცხ უ ლი ა	შე მც ირ ებ უ ლი ა	გა და ხდ ილ ია ბი უჯ ეტ ში	უკ ან და ბრ უნ ებ უ ლი ა	ანგარიშსწორების სალდო
							ნა რჩ ენ ი	მ.შ. ნარჩენ ი თანხა, რომელ საც საურავ ი არ ერიცხ ება	ზედ მეტა დ გადა ხდილ ი					ნარჩე ნი	ზედმეტად გადახდილი
1	2	3	4	5	6	7	8	9	10	11	12	13	14	15	16
	შედეგი პერიოდისათვის

 

 

ანგარიშსწორება საურავის დარიცხვაზე და გადახდაზე					სულ ანგარიშსწორების სალდო				წლის დასაწყისიდან ჩარი ცხულია სულ უკან დაბრ უნების გამო კლებით
დარიცხულია ან შემცირებულია		საურავი,რო მელიც არ დაერიცხა სალდირების შედეგად	გადახდი ლია ან დაბრუნე ბულია ("-") საურავი	გადაუხ დელი საურა ვის ნაშთი	დავალიანება			ზედმეტობა   სვტ.10+სვტ. 16
დროის პერიოდი	დარიცხულია საურავი				სულ მ.შ.	ნარჩენი  სვტ.8+სვტ. 15	საურავი  სვტ .21
17	18	19	20	21	22	23	24	25	26

 

გადამხდელთა მომსახურების სამმართველოს უფროსი                       (ხელმოწერა,თარიღი)

                                                                  _____________________________________

 

შემსრულებელი     ___________________________        (ხელმოწერა,თარიღი)

 

 

 

 

 

 

                                                                                                                                                         დანართიN 2

 

საგადასახადო ინსპექციის დასახელება

 

გადამხდელთა საგადასახადო დეკლარაციების (გაანგარიშებების) რეგისტრაციის ჟურნალი

 

გადასახადის დასახელება

 

პერიოდი

 

ნიმერი	პაკე ტის საკო ნტრო ლო და რიგი თი ნომე რი	გადამხ დელის დასახე ლება	სა იდ ენ ტი ფი კა ცი ო ნო მე რი	მიიღო		შეიტანა		ბარათზე გადააგზავნა		დეკლარაცია
				თა რი ღი	შემ სრუ ლებ ელი	თა რი ღი	შემსრუ ლებე ლი	თა რი ღი	შემსრუ ლებე ლი	პე რი ოდ ი	დარი ცხული ა	შემც ირებ ულია
1	2	3	4	5	6	7	8	9	10	11	12	13

 

 

                                                                                                                   დანართი N 3

საგადასახადო ინსპექციის დასახელება

 

 

საგადასახადო შემოწმებებითა და სასამართლოს გადაწყვეტილებებით დარიცხული

თანხების შესახებ ინფორმაციის ჟურნალი

 

რიგ ითი ნომ ერი	გადამ ხდე ლის დასა ხელე ბა	საიდენ ტიფიკა ციო ნომერი	გადაწყვეტილ ება		აღრიხცულია გპაბ-ზე		დაერიცხა ან შეუმცირდა
			თარ იღი	ნომე რი	თარი ღი	შემს რულ ებელ ი	გადასახა დის სახე	თან ხა სუ ლ	მათ შორის
									ძირი თადი	ჯარ იმა / სანქ ცია	საუ რავი
1	3	4	5	6	7	8	9	10	11	12	13

 

                                                                                                           დანართი N 4

გადამხდელის პირადი აღრიცხვის ბარათზე ოპერაცისს შინაარსის ჩანაწერების

ტიპიური ჩამონათვალი

 

დაერიცხა	შეუმცირდა		არ ერიცხება
აქტით	აქტით		აქტით
დეკლარაციით	დეკლარაციით		დეკლარაციით
დეკლარაციით იანვარი	დეკლარაციით იანვარი		დეკლარაციით იანვარი
დეკლარაციით თებერვალი	დეკლარაციით თებერვალი		დეკლარაციით თებერვალი
დეკლარაციით მარტი	დეკლარაციით მარტი		დეკლარაციით მარტი
დეკლარაციით აპრილი	დეკლარაციით აპრილი		დეკლარაციით აპრილი
დეკლარაციით მაისი	დეკლარაციით მაისი		დეკლარაციით მაისი
დეკლარაციით ივნისი	დეკლარაციით ივნისი		დეკლარაციით ივნისი
დეკლარაციით ივლისი	დეკლარაციით ივლისი		დეკლარაციით ივლისი
დეკლარაციით აგვისტო	დეკლარაციით აგვისტო		დეკლარაციით აგვისტო
დეკლარაციით სექტემბერი	დეკლარაციით სექტემბერი		დეკლარაციით სექტემბერი
დეკლარაციით ოქტომბერი	დეკლარაციით ოქტომბერი		დეკლარაციით ოქტომბერი
დეკლარაციით ნოემბერი	დეკლარაციით ნოემბერი		დეკლარაციით ნოემბერი
დეკლარაციით დეკემბერი	დეკლარაციით დეკემბერი		დეკლარაციით დეკემბერი
დეკლარაციით I კვარტ	დეკლარაციით I კვარტ		დეკლარაციით I კვარტ
დეკლარაციით II კვარტ	დეკლარაციით II კვარტ		დეკლარაციით II კვარტ
დეკლარაციით III კვარტ	დეკლარაციით III კვარტ		დეკლარაციით III კვარტ
დეკლარაციით IV კვარტ	დეკლარაციით IV კვარტ		დეკლარაციით IV კვარტ
დეკლარაციით წლიური	დეკლარაციით წლიური		დეკლარაციით წლიური
კამერალური შემოწმებით	კამერალური შემოწმებით		დასკვნით
ძირითადი ნარჩენის გადმოტანა სხვა ბარათიდ	ძირით. ნარჩენის გადატ. სხვ. ბრთ-ზე.		წლიური დეკლარაციით I საავანსო
დასკვნით	დასკვნით		წლიური დეკლარაციით II საავანსო
წერილით	წერილით		წლიური დეკლარაციით III საავანსო
სასამართლოს გადაწყვეტილებით	სასამართლოს გადაწყვეტილებით		წლიური დეკლარაციით IV საავანსო
წლიური დეკლარაციით საავანსო	წლიური დეკლარაციით საავანსო
წლიური დეკლარაციით I საავანსო	წლიური დეკლარაციით I საავანსო
წლიური დეკლარაციით II საავანსო	წლიური დეკლარაციით II საავანსო
წლიური დეკლარაციით III საავანსო	წლიური დეკლარაციით III საავანსო
წლიური დეკლარაციით IV საავანსო	წლიური დეკლარაციით IV საავანსო
რესტრუქტურიზებული ნარჩენის აღდგენა	რესტრუქტურიზებულია ძირითადი ნარჩენი
გაკოტრების საქმის საფუძველზე	გაკოტრების საქმის საფუძველზე
გაკოტრების საქმის დასრულების საფუძველზე	გაკოტრების საქმის დასრულების საფუძველზე
- ა/ფ შეჩერება	- ა/ფ აღდგენა
ზედმეტობის გადატანა სხვა ბარათზე	ძირით. ზედმეტ. გადმოტანა სხვა ბარ-დან
სავარაუდო	სავარაუდო
გრანტი	გრანტი
გადახდილია	დაბრუნებულია
საგადასახადო დავალებით	სხვა გადასახადში
დასკვნით	სხვა ინსპექციაში
საინკასო დავალებით	ზედმეტობის გადატანა სხვა ბარათზე
ნაწილობრ	დასკვნით
დავალების გარეშე
გადმოტანილია სხვა გადასახადიდან
ძირით. ზედმეტ. გადმოტანა სხვა ბარ-დან
დაერიცხა ფინანსური სანქცია	შეუმცირდა ფინანსური სანქცია
აქტით	აქტით
დასკვნით	დასკვნით
დაგვიანებისთვის	გადაწყვეტილებით
ფინ-სანქც. ნარჩ. გადმოტ. სხვა ბარ-დან	რესტრუქტურიზებულია ფინ. სანქცია
(ჯარიმა)
რესტრუქტურიზებული სანქციის აღდგენა
სარგებელი
დაერიცხა საურავი	შეუმცირდა საურავი
აქტით	წერილით
დასკვნით	აქტით
საურავის გადმოტანა სხვა ბარათიდან	დასკვნით
რესტრუქტურიზებული საურავის აღდგენა	საურავის გადატანა სხვა ბარათზე
	რესტრუქტურიზებულია საურავი
	შემცირებულია საურავი ზედმ. ხარჯზე
გადახდილია ფინანსური სანქცია
ფინ-სანქც.ზედმეტ. გადმოტ სხვა ბარ-დან
გადავადებული თანხის დარიცხვა
№627 ბრძანებით
ჩაეთვალა
ფინ/სამინისტ.
წერილით
ძირითადი ნარჩენი წლის დასაწყისისათვის
ფინანსური სანქციის ნარჩენი წლის დასაწყისისათვის
საურავი წლის დასაწყისისათვის
ძირითადი მეტობა წლის დასაწყისისათვის
ფინანსური სანქციის მეტობა წლის დასაწყისისათვის
გადავადებულია
გადავადებულია საურავი
გადახდილია საურავი
უკან დაბრუნებულია ფინანსური სანქცია

 

                                                                                                               დანართი 6

                                                                                                                         "ვამტკიცებ"

საგადასახადო ინსპექციის უფროსი                                                        საიდენტიფიკაციო ნომერი     

                                                                                                                "----"----------------------  200  წ.    

 

დ ა ს კ ვ ნ ა

(გადამხდელის დასახელება) განცხადებაზე  ბიუჯეტში ზედმეტად (შეცდომით)  გადახდილი გადასახადის თანხების დაბრუნების შესახებ

 

------------------ საგადასახადო ინსპექცია ადასტურებს, რომ გადამხდელს (დასახელება)  პირადი აღრიცხვის ბარათზე გადასახადზე (დასახელება და სახაზინო კოდი) დასკვნის შედგენის დღეს     

 

ერიცხება ზედმეტობა ------------------------ (თანხა სიტყვიერად) ლარის  ოდენობით.

 

    ინსპექციაში არსებული შესაბამისი დოკუმენტაციის შემოწმებით და გადასახადების გადახდის დამადასტურებელი ელექტრონული მონაცემების გადამხდელის პირადი აღრიცხვის ბარათებთან შედარებით, დადასტურებულია არსებული ზედმეტობის რეალობა,        

 

რომელიც გამოწვეულია -------------------------------------------------------------------- მიზეზით.

 

გადამხდელი ითხოვს აღიარებული ზედმეტად გადახდილი თანხიდან ---------------(თანხა სიტყვიერად) ლარის დაბრუნებას                                                          

 

ანგარიშსწორების ანგარიშზე -------------, ბანკის დასახელება -------------, ბანკის კოდი ----------------

 

გადამხდელთა მომსახურების

სამმართველოს უფროსი                           __________________   (ხელმოწერა, თარიღი)

 

გადამხდელთა საგადასახადო აუდიტის

(შემოწმებების) სამმართველოს უფროსი   __________________   (ხელმოწერა, თარიღი)

 

გადასახადების ადმინისტრირების

სამმართველოს უფროსი                        __________________     (ხელმოწერა, თარიღი)

 

იურიდიულ საკითხთა და საჩივრების

განხილვის სამმართველოს უფროსი     __________________    (ხელმოწერა, თარიღი)

 

შემსრულებელი                                    ___________________    (ხელმოწერა, თარიღი)

 

* ცალკეულ შემთხვევაში წარმოდგენილი უნდა იქნეს დასკვნის უფრო განვრცობილი ვარიანტი, ზედმეტობის წარმოშობის პერიოდის და მიზეზების, გადამხდელის შესახებ სხვა დეტალური ინფორმაციის მითითებით

 

                                                                            დანართი 9

 საგადასახადო დეპარტამენტი

 

ზედმეტად გადახდილი თანხების ბიუჯეტიდან  უკან დაბრუნების  რეესტრი

 

საიდენტიფიკაციო ნომერი                                      200..   წელი

 

N	გადამხ დელის დასა ხელება	გადამხ დელის საიდენტ. ნომერი	გადას ახადის სახე	დას კვნი ს N	დასკვ ნის თარი ღი	საგადა ხდო დავა ლების N	თან ხა (ლარი)	თანხის დაბრუ ნების თარი ღი	შენი შვნა
1	2	3	4	5	6	7	8	9	10

 

გადამხდელთა მომსახურების

სამმართველოს უფროსი                                     ____________________ (ხელმოწერა, თარიღი)

 

                                                                                                                      დანართი 15

საგადასახადო ინსპექციის უფროსი                                                    

 

ფორმირებული პაკეტების აღრიცხვის რეესტრი

 

პაკეტის საკონტ როლო ნომერი	პასუხუს მგებელი პირი	დოკუმ ენტების რაოდენობა	მონაც ემების შეტანაზე პასუხის მგებელი პირი	შეცდ ომების რაოდენობა	რეა ლური რაოდ ემობა	გახს ნის თა რიღი	შეტანის თარიღი	გადაგ ზავნის თარ იღი
1	2	3	4	5	6	7	8	9

 

                                                                                                                დანართი N 18

შეტყობინება N

 

გადასახადის გადამხდელის მიერ ბიუჯეტში ზედმეტად გადახდილი თანხის სხვა გადასახადების გადასახადის ვალდებულებათა ანგარიშში გატანის შესახებ

 

გადამხდელის/საგადასახადო აგენტის ან სხვა ვალდებული პირის რეკვიზიტები:

_______________________________________________________________

(სახელი,გვარი/სახელწოდება)

 

საიდენტიფიკაციო N

 

მისამართი:

 

გადასახადის გადამხდელის მიერ ბიუჯეტში ზედმეტად გადახდილი თანხის სხვა გადასახადების

 

გადასახადის ვალდებულებათა ანგარიშში გატანის საფუძველი

_____________________________________________________________________

(გადამხდელის წერილობითი მიმართვის თარიღი, N )

 

 

ზემოაღნიშნული მომართვის შესაბამისად,                   ____________________________

                                                                                              (პ/ა ბარათის დასახელება

 

პირადი აღრიცხვის ბარათზე   200  წლის "------"--------------" მდგომარეობით რიცხული -------------

 

ზედმეტობიდან გადატანილი იქნა ----------------------------------------   პირადი აღრივცხვის ბარათზე

                                                        (პ/ა ბარათის დასახელაბა)

 

საგადასახადო ინსპექციის უფროსი   _______________________

                                                                        (ხელმოწერა)

 

* შენიშვნა: თუ “დღგ-ის პირადი ბარათიდან” თანხები გადაიტანება “უკუდაბეგვრის სპეცბარათზე”, ასეთ შემთხვევაში შეტყობინებაში უნდა აღინიშნოს, რომ “ეს შეტყობინება ითვლება (სპეცბარათზე გადატანილი თანხების ფარგლებში) უკუდაბეგვრის წესით დარიცხული დღგ-ის ბიუჯეტში გა

                                                                                                                           დანართი N 19

საგადასახადო ინსპექციის ტიტულიანი ბლანკი

 

 

სამსახურებრივი ბარათი N

“---------” “---------------” 200 წ.

 

საგადასახადო ინსპექციის გადამხდელთა მომსახურების სამმართველო

გატყობინებთ, რომ --------------------------------------------------------------

                                  ორგანიზაციის , ფ/პირის დასახელება ს/ნ

გადასახადების მიხედვით ბიუჯეტთან ანგარიშსწორების  შედარების პროცესში გამოვლენილია შეცდომები.
 გთავაზობთ აღნიშნული უზუსტობები აღმოფხვრილი იქნას 5 დღის განმავლობაში, რის შესახებაც აცნობოთ გადამხდელთა მომსახურების სამმართველოს.

 

გადამხდელთა მომსახურების სამმართველოს უფროსი:

 

_________________________     _____________________    ___________________________

       (გვარი,სახელი)                           (ხელმოწერა)                                      (თარიღი)

 

მოხევის ზოლი

……………………………………………………………………………………………………………….

გადამხდელთა მომსახურების სამმართველოს

 

____________________________________   სამმართველო თქვენი 200 წ.

 

“-------” “-------------------” N      სამსახურებრივ ბარათზე გაცნობებთ, რომ -------------------------------

                                                                                                                      (გადასახადის დასახელება)

სამმართველოს უფროსი ------------------------------------------------------------

 

გვარი, სახელი -------------------------------- ხელმოწერა ----------------------------- თარიღი --------------

 

                                                                                                                           დანართი N 20

 

საგადასახადო ინსპექციის ტიტულიანი ბლანკი

 

                                                                                          __________________________________

                                                                                                          __________________________________

                                                                                                          __________________________________

 

(ორგანიზაციის სრული დასახელება, ს/ნ; ი/მგვარი

სახელი, ს/ნ; ფიზიკური პირის გვარი სახელი, ს/ნ

(არსებობის შემთხვევაში); ორგანიზაციის

ადგილსამყოფელის მისამართი, ფიზიკური

პირის საცხოვრებელი ადგილის მისამართი)

 

შეტყობინება

 

საქართველოს ფინანსთა სამინისტროს საგადასახადო დეპარტამენტის _________________________

__________________________________________________________________________________

(საგადასახადო ორგანოს დასახელება)

 

გიგზავნით ინფორმაციას გადასახადების მიხედვით ანგარიშსწორების შესახებ.

 საგადასახადო ორგანოსა და საბუღალტრო მონაცემებს შორის განსხვავების არსებობის შემთხვევაში აუცილებელია მოახდინოთ ანგარიშსწორების შედარება დაშვებული სხვაობის გამოვლენის მიზნით.

განსხვ

 

დანართი:

______________________________________________________________________________

 

ინსპექციის უფროსი (მოადგილე)

______________________________________________________________________________

(საგადასახადო ორგანოს დასახელება)

 

______________________________________

         (ხელმოწერა) (გვარი, სახელი)

 

შეტყობინება ანგარიშსწორების შედარების განსახორციელებლად მივიღე:

 

____________________________________                       ______________________________

ორგანიზაციის სრული დასახელება,                                                       (მიღების თარიღი)

ხელმძღვანელის გვარი, სახელი)

(ფიზიკური პირის ან მისი წარმომადგენლის

გვარი სახელი)

 

200 წლის “______”_______________”                       შეტყობინება N

 

დაზღვეული საფოსტო გზავნილი

(ორგანიზაციის თანამდებობის პირი

გვარი, სახელი, ხელის მოწერა)   “_______” ___________   “   200   წ.

 

დანართი N 21

 

საგადასახადო ინსპექციის ტიტულიანი ბლანკი

 

                                                                                          __________________________________

                                                                                                          __________________________________

                                                                                                          __________________________________

 

(ორგანიზაციის სრული დასახელება, ს/ნ; ი/მგვარი

სახელი, ს/ნ; ფიზიკური პირის გვარი სახელი, ს/ნ

(არსებობის შემთხვევაში); ორგანიზაციის

ადგილსამყოფელის მისამართი, ფიზიკური

პირის საცხოვრებელი ადგილის მისამართი)

 

შეტყობინება

 

გადასახადების მიხედვით ბიუჯეტთან ანგარიშსწორების ჩატარების შესახებ

 

თქვენ მოწვეული ხართ საქართველოს ფინანსთა სამინისტროს საგადასახადო დეპარატემნტის________

__________________________________________________________________________________

                                   (საგადასახადო ორგანოს დასახელება)

 

2005 წლის “                                                                             “ საათზე გადასახადების

მიხედვით“_______” ____________”  “_________         

 

ბიუჯეტთან ანგარიშსწორების შესადარებლად თან იქონიეთ შემდეგი დოკუმენტები:

__________________________________________________________________

__________________________________________________________________

__________________________________________________________________

__________________________________________________________________

 

ინსპექციის უფროსი (მოადგილე)

______________________________________________________________________________

                            (საგადასახადო ორგანოს დასახელება)

 

                                                                                    ___________________________________

                                                                                                  (ხელმოწერა) (გვარი,სახელი)

 

შეტყობინება ანგარიშსწორების შედარების განსახორციელებლად მივიღე:

 

____________________________________                       ______________________________

ორგანიზაციის სრული დასახელება,                                                       (მიღების თარიღი)

ხელმძღვანელის გვარი, სახელი)

(ფიზიკური პირის ან მისი წარმომადგენლის

გვარი სახელი)

                                                  დანართი N22

 

განცხადება

 

საგადასახადო ინსპექციის დასახელება და მისამართი --------------------------------------------

 

გადამხდელის/საგადასახადო აგენტის ან სხვა ვალდებული პირის რეკვიზიტები ----------------------

                                                                                                                (დასახელება, სახელი და გვარი)

 

საიდენტიფიკაციო ნომერი        

 

საქმიანობის ადგილის მისამართი  ------------------------------------------------------------------

 

ბიუჯეტთან ანგარიშსწორების მდგომარეობის შესახებ სათანადო ინფორმაციის  მისაღებად გთხოვთ მოახდინოთ ჩემს მიერ საანგარიშო პერიოდში გადასახედების მიხედვით ბიუჯეტთან ანგარიშსწორების შედარება.
  საჭიროების შემთხვევაში დამატებით წარმოედგენილი იქნება სათანადო და

 

___________________________________                          ____________________

                   (გვარი,სახელი)                                                          (ხელმოწერა)

 

                                                                 ბ.ა.  “----------“ “----------------------“   200   წ.

 

დანართი N 23

 

საგადასახადო ინსპექციის ტიტულიანი ბლანკი

 

                                                                                          __________________________________

                                                                                                          __________________________________

                                                                                                          __________________________________

 

(ორგანიზაციის სრული დასახელება, ს/ნ; ი/მგვარი

სახელი, ს/ნ; ფიზიკური პირის გვარი სახელი, ს/ნ

(არსებობის შემთხვევაში); ორგანიზაციის

ადგილსამყოფელის მისამართი, ფიზიკური

პირის საცხოვრებელი ადგილის მისამართი)

 

შეტყობინება

 

 

 

 

 

გაცნობებთ, რომ ბიუჯეტთან

ანგარიშსწორების შედარების დროს

 

 

გამოვლენილია შეცდომა:

_______________________________________________________________

_______________________________________________________________

                                (მიეთითება შეცდომა)

 

ინსპექციის უფროსი (მოადგილე)

________________________________________________________________________

                                    (საგადასახადო ორგანოს დასახელება)

 

 

                                                                                    ___________________________________

                                                                                                  (ხელმოწერა) (გვარი,სახელი)

 

შეტყობინება დოკუმენტების დადგენილი ფორმის მიხედვით წარდგენის თაობაზე მივიღე:

____________________________________                       ______________________________

ორგანიზაციის სრული დასახელება,                                                       (მიღების თარიღი)

ხელმძღვანელის გვარი, სახელი)

(ფიზიკური პირის ან მისი წარმომადგენლის

გვარი სახელი)

 

შენიშნა: გადასახადების ჩამონათვალში, ცარიელ უჯრაში გაკეთდება აღნიშვნა იმ გადასახადის გასწვრივ, რომელშიაც დაშვებულია უზუსტობა (შეცდომა).

დანართი N 24

 

პაკეტის საკონტროლო ფურცელი

 

პაკეტის საკონტროლო ნომერი: __ __ __ __ __ __ __ __ __

 

საგადასახადო ინსპექცია :         __ ___________________

ფორმის კოდი

შექმნის თარიღი:                        ___________  დოკუმენტის რაოდენობა:   ___________

 

პასუხისმგებელი პირი             ___ ___ ___ ___ ___ ___

 

მარშრუტი

 

ადგილმდებარეობა	ხელისმოწერა
მიღებული და გაცემული
მონაცემების შეტანა
გაგზავნა(1)
შეცდომების გასწორება(1)
გაგზავნა(2)	გაგზავნილია:       შეუძლებელია გასწორება:
შეცდომების გასწორება(2)
გაგზავნა(3)	გაგზავნილია:       შეუძლებელია გასწორება:
შეცდომების გასწორება(3)
გაგზავნა(4)	გაგზავნილია:       შეუძლებელია გასწორება:

 

          სულ სწორი დოკუმენტი:             _________________________________________

 

სულ დოკუმენტები, რომელთა

გასწორებაც შეუძლებელია:        __________________________________________