საქართველოს მოქალაქეთა და საქართველოში მცხოვრებ უცხოელთა პირადობის დადასტურებისა და საქართველოს მოქალაქის პასპორტის საქართველოში მუდმივად მცხოვრები მოქალაქეობის არმქონე პირის სამგზავრო პასპორტის გაცემის წესის შესახებ ინსტრუქციის დამტკიცების თაობაზე

სახელმწიფო სარეგისტრაციო კოდი 010.130.000.22.027.006.853

საქართველოს იუსტიციის მინისტრის

ბრძანება №1398

2004 წლის 12 ნოემბერი

ქ. თბილისი

„საქართველოს მოქალაქეთა და საქართველოში მცხოვრებ უცხოელთა პირადობის დადასტურებისა და საქართველოს მოქალაქის პასპორტის (საქართველოში მუდმივად მცხოვრები მოქალაქეობის არმქონე პირის სამგზავრო პასპორტის) გაცემის წესის შესახებ ინსტრუქციის დამტკიცების თაობაზე

„საქართველოს მოქალაქეთა და საქართველოში მცხოვრებ უცხოელთა რეგისტრაციის, პირადობის/ბინადრობის მოწმობისა და საქართველოს მოქალაქის პასპორტის გაცემის წესის შესახებ” საქართველოს კანონის მე-20 მუხლის მე-2 პუნქტის შესაბამისად:

1. დამტკიცდეს „საქართველოს მოქალაქეთა და საქართველოში მცხოვრებ უცხოელთა პირადობის დადასტურებისა და საქართველოს მოქალაქის პასპორტის (საქართველოში მუდმივად მცხოვრები მოქალაქეობის არმქონე პირის სამგზავრო პასპორტის) გაცემის წესის შესახებ” ინსტრუქცია თანახმად დანართისა.

2. ბრძანება ამოქმედდეს გამოქვეყნებისთანავე.

გ. პაპუაშვილი

ინსტრუქცია საქართველოს მოქალაქეთა და საქართველოში მცხოვრებ უცხოელთა პირადობის დადასტურებისა და საქართველოს მოქალაქის პასპორტის (საქართველოში მუდმივად მცხოვრები მოქალაქეობის არმქონე პირის სამგზავრო პასპორტის) გაცემის წესის შესახებ

თავი I. საქართველოს მოქალაქეთა და საქართველოში მცხოვრებ უცხოელთა რეგისტრაციისა და პირადობის დადასტურების წესები

    მუხლი 1. რეგულირების სფერო

1. ინსტრუქციის ეს თავი არეგულირებს საქართველოს მოქალაქეთა და საქართველოში მცხოვრებ უცხოელთა რეგისტრაციისა და პირადობის დადასტურების წესსა და პირობებს.

2. საქართველოს მოქალაქეთა და საქართველოში მცხოვრებ უცხოელთა რეგისტრაციისა და პირადობის დადასტურების წინამდებარე წესების შემოღების მიზანია, საქართველოს მოქალაქეთა და საქართველოში მცხოვრებ უცხოელთა რეგისტრაციისა და პირადობის დადასტურების გამართული სისტემის ჩამოყალიბება.

    მუხლი 2. საქართველოს მოქალაქეთა და საქართველოში მცხოვრებ უცხოელთა რეგისტრაციისა და პირადობის დადასტურების პროცესი

საქართველოს მოქალაქეთა და საქართველოში მცხოვრებ უცხოელთა რეგისტრაცია და პირადობის დადასტურება არის ერთიანი სამართლებრივი პროცესი და მოიცავს:

ა) პირის პირადობის დამადასტურებელი მონაცემების დადგენა-დაფიქსირებას;

ბ) პირის მოქალაქეობის განსაზღვრას და დაფიქსირებას;

გ) პირის რეგისტრაციაში გატარებას საცხოვრებელი ადგილის მიხედვით;

დ) პირისათვის პირადი ნომრის მინიჭებას;

ე) პირადობის დამადასტურებელი შესაბამისი დოკუმენტის გაფორმება-გაცემას.

    მუხლი 3. საქართველოს მოქალაქეთა და საქართველოში მცხოვრებ უცხოელთა პირადობის დამადასტურებელი ძირითადი დოკუმენტები

1. საქართველოს მოქალაქეთა და საქართველოში მცხოვრებ უცხოელთა პირადობის დამადასტურებელი ძირითადი დოკუმენტებია:

ა) საქართველოს მოქალაქის პირადობის მოწმობა, რომელიც ადასტურებს პირის საქართველოს მოქალაქეობას და მის ვინაობას;

ბ) ბინადრობის მოწმობა, რომელიც ადასტურებს საქართველოში მცხოვრებ უცხოელთა ვინაობას.

2. საქართველოში მცხოვრებ უცხოელად ჩაითვლება საქართველოში მუდმივად მცხოვრები უცხო ქვეყნის მოქალაქე და მოქალაქეობის არმქონე პირი.

3. უცხოელები, რომლებიც იმყოფებიან საქართველოში სხვა კანონიერ საფუძველზე სამ თვეზე მეტი ვადით, ითვლებიან საქართველოში დროებით მყოფებად, ვალდებული არიან დადგენილი წესით ტერიტორიულ ორგანოებში გაატარონ თავიანთი მოქმედი უცხოური პასპორტები ან მათი შემცვლელი დოკუმენტები.

4. საქართველოს მოქალაქის პირადობის მოწმობისა და საქართველოში მცხოვრებ უცხოელთა ბინადრობის მოწმობის გაფორმება-გაცემა ხორციელდება კანონმდებლობით და ამ ინსტრუქციით დადგენილი წესის შესაბამისად.

    მუხლი 4. საქართველოს მოქალაქეთა და საქართველოში მცხოვრებ უცხოელთა რეგისტრაციისა და პირადობის დადასტურების პროცესის წარმართვაზე პასუხისმგებელი ორგანოები

1. საქართველოს მოქალაქეთა და საქართველოში მცხოვრებ უცხოელთა რეგისტრაციისა და პირადობის დადასტურებას აწარმოებენ საქართველოს იუსტიციის სამინისტროს სახელმწიფო რეესტრის მწარმოებელი ტერიტორიუოლი ორგანოები (შემდგომში – ტერიტორიული ორგანოები) მოქმედი კანონმდებლობით და ამ ინსტრუქციით დადგენილი წესის შესაბამისად.

2. საზღვარგარეთ მცხოვრებ (მყოფ) საქართველოს მოქალაქეთა რეგისტრაციას (საკონსულო აღრიცხვაზე აყვანას) და პირადობის დადასტურებას აწარმოებენ საქართველოს საგარეო საქმეთა სამინისტროს დიპლომატიური წარმომადგენლობები და საკონსულო დაწესებულებები იუსტიციის სამინისტროს შესაბამისი სამსახურებიდან მიღებული მონაცემების საფუძველზე.

    მუხლი 5. საქართველოს მოქალაქეთა და საქართველოში მცხოვრებ უცხოელთა პირადობის დამადასტურებელი მონაცემების დადგენა-დაფიქსირება

1. საქართველოს მოქალაქეთა და საქართველოში მცხოვრებ უცხოელთა პირადობის დამადასტურებელი მონაცემების დადგენა-დაფიქსირებას წინ უსწრებს პირის მიერ შესაბამის ტერიტორიულ ორგანოში განცხადებისა და ამ ინსტრუქციით გათვალისწინებული დოკუმენტების წარდგენა.

2. საქართველოს მოქალაქეთა და საქართველოში მცხოვრებ უცხოელთა რეგისტრაციისა და პირადობის დადასტურების თაობაზე განცხადებების განხილვისას, მათი პირადობის დამადასტურებელი მონაცემების უშეცდომოდ დადგენა-დაფიქსირების მიზნით, ტერიტორიული ორგანოები ვალდებულნი არიან:

ა) დაეხმარონ პირს განცხადება-ანკეტის სწორად და უშეცდომოდ შევსებაში;

ბ) მიიღონ რეგისტრაციისა და პირადობის დასადასტურებლად საჭირო ამ ინსტრუქციით გათვალისწინებული განცხადება-ანკეტა და დოკუმენტები (საბუთები);

გ) დაადასტურონ დოკუმენტების (საბუთების) მიღება და განმცხადებელს მისცენ სამახსოვრო ბარათი, სადაც აღნიშნული უნდა იyოს განცხადების მიმღები თანამდებობის პირის გვარი, საკონტაქტო ტელეფონი და მოწმობის მისაღებად პირის გამოცხადების თარიღი;

დ) საფუძვლიანად შეისწავლონ წარდგენილი განცხადება-ანკეტა და დოკუმენტები (საბუთები) მათში ჩანაწერების, ბეჭდების, შტამპების, ხელმოწერების შესაძლო გადაკეთებისა და გაყალბების, ან ფოტოსურათების შეცვლის დადგენის მიზნით. წარდგენილ დოკუმენტებში (საბუთები) ჩანაწერების, ბეჭდების, შტამპების, ხელმოწერების შესაძლო გადაკეთებისა და გაყალბების, ან ფოტოსურათების შეცვლის ნიშნების არსებობის შემთხვევაში, გადაამოწმონ დოკუმენტების (საბუთების) კანონიერება, დაადგინონ, ერიცხება თუ არა ასეთი დოკუმენტის სერია და ნომერი ორგანოს, რომელიც მის გამცემადაა დასახელებული;

ე) პირის პირადობის დამადასტურებელი მონაცემების უკმარისობის პირობებში: იუსტიციის სამინისტროს სამოქალაქო რეესტრის დეპარტამენტში გააგზავნონ მოთხოვნა სხვა ტერიტორიულ ორგანოებში მისი ადრე შესაძლო რეგისტრაციის დასადგენად; გააგზავნონ მოთხოვნა იმ ტერიტორიულ ორგანოში, სადაც პირი ადრე იყო რეგისტრირებული, ან სადაც მასზე გაცემული იყო პირადობის დამადასტურებელი დოკუმენტი; გააგზავნონ მოთხოვნა სხვა სამინისტროებსა და უწყებებში, მმართველობის ცენტრალური და ადგილობრივი ორგანოებიდან. შესაბამისი ორგანო ვალდებულია ორი დღის ვადაში დააბრუნოს მოთხოვნა შესრულებული სახით;

ვ) ამ მუხლის მე-2 პუნქტის „დ” და „ე” ქვეპუნქტებით გათვალისწინებულ შემთხვევებში პირადობის (ბინადრობის) მოწმობის გაცემა შესაბამისი ტერიტორიული ორგანოს უფროსის წერილობითი გადაწყვეტილებით გადავადდება არა უმეტეს 5 დღის ვადით, რის შესახებაც დაუყოვნებლივ ეცნობება განმცხადებელს;

ზ) წარდგენილი დოკუმენტების (საბუთების) გაყალბების, მათზე დაკრული ფოტოსურათის შეცვლის ან სხვა დარღვევათა დადასტურების შემთხვევაში შეაჩერონ პირადობის (ბინადრობის) მოწმობის გაცემა ამ ინსტრუქციით დადგენილი წესების შესაბამისად, რის შესახებაც დაუყოვნებლივ ეცნობება განმცხადებელს;

თ) წარდგენილი საბუთებისა და მოპოვებული ცნობების საფუძველზე, ამ ინსტრუქციით გათვალისწინებული წესების შესაბამისად განსაზღვრონ განმცხადებლის მოქალაქეობა, ხოლო თუ ეს შეუძლებელია – უზრუნველყონ მასალების გადაგზავნა იუსტიციის სამინისტროს მოქალაქეობის და მიგრაციის საკითხთა დეპარტამენტში სათანადო გადაწძვეტილების მისაღებად, რის შესახებაც დაუყოვნებლივ ეცნობება განმცხადებელს;

ი) პირის პირადობის დამადასტურებელი საკმაო მონაცემების მოპოვებით, მასალების ერთობლიობაში განხილვისა და ურთიერთშეჯერების შემდეგ ამ ინსტრუქციით დადგენილი წესების შესაბამისად გაატარონ პირი რეგისტრაციაში (თუ პირი რეგისტრირებული არ არის), მიანიჭონ პირადი ნომერი (თუ პირს მინიჭებული არ აქვს პირადი ნომერი) და შესაბამისად გასცენ პირადობის (ბინადრობის) მოწმობა.

3. აუცილებლობის შემთხვევაში 16 წლის ასაკს მიღწეული პირის პირადობის (ბინადრობის) მოწმობაში ჩასაკრავად განკუთვნილ ფოტოსურათზე გამოსახული პირის იდენტურობა, პირადი პასუხისმგებლობის ქვეშ, შეიძლება დაადასტუროს კანონიერმა წარმომადგენელმა სათანადო ხელმოწერის გაკეთებით.

4. კონფლიქტებისა და სტიქიური უბედურებების ზონებიდან იძულებით გადაადგილებულ და საცხოვრებლად იქ დარჩენილ პირთა რეგისტრაციისა და პირადობის დადასტურების სპეციფიკური პირობების გათვალისწინებით, მათი პირადობის დამადასტურებელი მონაცემების უკმარისობის პირობებში ტერიტორიული ორგანოები ვალდებულნი არიან:

ა) საფუძვლიანად შეისწავლონ წარდგენილი დოკუმენტები: დაბადების მოწმობა, ყოფილი სსრკ სიმბოლიკიანი პასპორტი, იძულებით გადაადგილებული პირის მოწმობა, სამხედრო ბილეთი, საპენსიო წიგნაკი, მძღოლის მოწმობა, დიპლომი, ატესტატი, ქორწინების (განქორწინების) მოწმობა, საბინაო წიგნი და სხვა დოკუმენტები;

ბ) იუსტიციის სამინისტროს სამოქალაქო რეესტრის დეპარტამენტში გააგზავნონ მოთხოვნა, შეამოწმონ ხომ არ ირიცხება იძულებით გადაადგილებული პირი რეგისტრირებულად საქართველოს სხვა დასახლებულ პუნქტში გასცა ან, ხომ არ მასზე პირადობის დამადასტურებელი მოწმობა სხვა ტერიტორიულმა ორგანომ;

გ) იმ ტერიტორიულ ორგანოში, სადაც იძულებით გადაადგილებული პირია რეგისტრირებული, ან გაცემულია მასზე პირადობის დამადასტურებელი მოწმობა, მისი მონაცემების დადგენის მიზნით, გააგზავნონ შესაბამისი მოთხოვნა;

დ) საქართველოს ლტოლვილთა და განსახლების სამინისტროსა და მისი ადგილობრივი ორგანოებიდან საჭირო ინფორმაციის გამოთხოვის მიზნით, გააგზავნონ შესაბამისი მოთხოვნა;

ე) იმ შემთხვევაში, როდესაც იძულებით გადაადგილებულ პირს არ გააჩნია პირადობის დამადასტურებელი სარწმუნო დოკუმენტი ან წარდგენილი დოკუმენტებისა (საბუთების) და მოპოვებული მონაცემების მიხედვით არ დასტურდება „საქართველოს მოქალაქეობის შესახებ” საქართველოს ორგანული კანონის სამოქმედოდ შემოღების დღისათვის მისი საქართველოში 5 წლით მუდმივად ცხოვრების ფაქტი. აღნიშნულის შესახებ გამოითხოვონ პირის მუდმივი საცხოვრებელი ადგილის შესაბამის მმართველობის ორგანოსთან მონაცემების დადგენის მიზნით შექმნილი დროებითი კომისიის დასაბუთებული დასკვნა.

5. იძულებით გადაადგილებული პირის პირადობის დამადასტურებელი მონაცემები დადგენილად ჩაითვლება, თუ დასახელებული მოთხოვნების შესრულების შედეგად მოპოვებული მონაცემებისა და წარდგენილი დოკუმენტების (საბუთები) განხილვა-ურთიერთშეჯერება იძლევა შესაბამისი გადაწყვეტილების მიღების საფუძველს.

6. იურიდიული მნიშვნელობის მქონე სადავო ფაქტის არსებობის შემთხვევაში პირადობის დამადასტურებელი მონაცემების დადგენა განხორციელდება სასამართლო წესით მოქმედი კანონმდებლობის შესაბამისად.

    მუხლი 6. მოქალაქეობის განსაზღვრა

1. პირის მოქალაქეობას განსაზღვრავს მისი სამართლებრივი კავშირი სახელმწიფოსთან. „საქართველოს მოქალაქეობის შესახებ” საქართველოს ორგანული კანონის მე-3 მუხლის შესაბამისად, საქართველოს მოქალაქედ ითვლება:

ა) პირი, რომელიც „საქართველოს მოქალაქეობის შესახებ” კანონის სამოქმედოდ შემოღების დღისათვის (1995 წლის 25 მარტი) ცხოვრობდა საქართველოს ტერიტორიაზე და ამ მომენტისათვის მისი საქართველოში ცხოვრების ხანგრძლივობა შეადგენდა არანაკლებ 5 წელს, თუ მან კანონის მიღებიდან 6 თვის ვადაში წერილობით არ განაცხადა უარი საქართველოს მოქალაქეობაზე;

ბ) პირი, რომელმაც 1997 წლის 21 დეკემბრის შემდეგ დატოვა საქართველოს ტერიტორია და ამის გამო ვერ აკმაყოფილებს „ა¨ ქვეპუნქტის მოთხოვნებს, და არ არის სხვა სახელმწიფოს მოქალაქე;

გ)  პირი, პირი, რომელიც „საქართველოს მოქალაქეობის შესახებ¨ კანონით დადგენილი წესით შეიყენს საქართველოს მოქალაქეობას.

2. ამ მუხლის პირველი პუნქტით გათვალისწინებულ სამივე შემთხვევაში საქართველოს მოქალაქეობის ფაქტი უნდა დასტურდებოდეს სათანადო დოკუმენტური მასალებით. აღნიშნული ფაქტის დამადასტურებელი დოკუმენტური მასალების არარსებობის შემთხვევაში, პირის მოქალაქეობის დადგენა ხდება „საქართველოს მოქალაქეობის შესახებ¨ საქართველოს კანონის 36¹ მუხლის შესაბამისად.

    მუხლი 7. პირადი ნომრის მინიჭება

1. პირადი ნომერი (საიდენტიფიკაციო კოდი) წარმოადგენს თერთმეტი ციფრისაგან შედგენილ კოდს, რომლის პირველი ორი ციფრი (01-დან 99-მდე) აღნიშნავს ადმინისტრაციულ-ტერიტორიულ ერთეულს, სადაც პირი დაიბადა ან ცხოვრობს პირადი ნომრის მინიჭების მომენტში, მომდევნო სამი ციფრი (001-დან 999-მდე) მიანიშნებს ნომრის მიმნიჭებელ, სამოქალაქო რეესტრის მწარმოებელ ტერიტორიულ ორგანოს, ხოლო უკანასკნელი ექვსი ციფრით აღინიშნება ამ პირისათვის პირადი ნომრის მინიჭების შესახებ ჩანაწერის რიგითი ნომერი (000001-დან 999999-მდე).

2. საზღვარგარეთ მცხოვრებ (მყოფ) საქართველოს მოქალაქეზე მინიჭებული პირადი ნომრის პირველი ორი ციფრი საქართველოს საგარეო საქმეთა სამინისტროზე მიუთითებს, ხოლო მომდევნო სამი ციფრით ამ სამინისტროს სისტემაში მოქმედი, ნომრის მიმნიჭებელი საკონსულო სამსახურია წარმოდგენილი. დანარჩენი ექვსი ციფრი აღნიშნული მოქალაქისათვის პირადი ნომრის მინიჭების შესახებ ჩანაწერის რიგით ნომერს აღნიშნავს.

3. მოქმედი კანონმდებლობის შესაბამისად, პირადი ნომერი პირს მიენიჭება დაბადების აქტის რეგისტრაციის ან საქართველოს კანონმდებლობით გათვალისწინებული, მოქალაქეობისა და პირადობის დამადასტურებელი პირველი ოფიციალური დოკუმენტის (პირადობის მოწმობის, ბინადრობის მოწმობის, პასპორტის) გაცემის დროს და ეს ნომერი, ერთ-ერთი ძირითადი რეკვიზიტის სახით, შეტანილი უნდა იქნეს ამ პირზე გაცემულ ყველა დოკუმენტში.

4. ერთიდაიგივე პირისათვის ორი ან მეტი პირადი ნომრის მინიჭება დაუშვებელია. დაუშვებელია აგრეთვე კანონიერ საფუყველზე ერთხელ მინიჭებული პირადი ნომრის შეცვლა, გაუქმება ან სხვა პირზე მინიჭება. პირის გარდაცვალება ამ წესს არ ცვლის, მისი რეგისტრაციიდან მოხსნისა და მონაცემთა ბაზებში (სააღრიცხვო ბარათებში) სათანადო აღნიშვნების შეტანის შემდეგ გარდაცვლილის პირადი ნომერი განმეორებით არ გამოიყენება.

5. პირადი ნომრის მინიჭება აღირიცხება ამისათვის განკუთვნილ სპეციალურ ჟურნალში.

6. პირადი ნომრის მინიჭების წესის დარღვევა, რასაც შედეგად მოჰყვება პიროვნების მონაცემების გაორება ან იურიდიული მნიშვნელობის ფაქტის გაყალბება, გამოიწვევს თანამდებობის პირების პასუხისმგებლობას მოქმედი კანონმდებლობის შესაბამისად.

    მუხლი 8. პირის რეგისტრაცია და პირადობის (ბინადრობის) მოწმობის გაცემა

1. პირის რეგისტრაცია საცხოვრებელი ადგილის მიხედვით და პირადობის (ბინადრობის) მოწმობის გაცემა ერთიანი სამართლებრივი პროცესია და ხორციელდება თანმიმდევრულად.

2. 16 წლის ასაკს მიღწეული საქართველოს მოქალაქე და საქართველოში მცხოვრები უცხოელი ვალდებულია გაიაროს რეგისტრაცია საცხოვრებელი ადგილის მიხედვით და მიიღოს პირადობის (ბინადრობის) მოწმობა, ხოლო თუ მას გააჩნია რამდენიმე საცხოვრებელი ადგილი ერთ- ერთი საცხოვრებელი ადგილის მიხედვით.

3. 16 წლამდე ასაკის პირები, აგრეთვე მეურვეობის და მზურნველობის ქვეშ მყოფი პირები რეგისტრაციას გაივლიან მშობლებთან, მეურვესთან, მზრუნველთან ან სხვა კანონიერ წარმომადგენელთან ერთად. მათი დამოუკიდებლად რეგისტრაციაში გატარება დასაშვებია მხოლოდ ზემოთ ხსენებულ პირთა წერილობითი თანხმობით.

4. საცხოვრებელი ადგილის ექვს თვეზე მეტი ვადით შეცვლისას პირი ვალდებულია ათ დღეში ამ ინსტრუქციით დადგენილი წესის შესაბამისად აცნობოს ამის შესახებ ახალ საცხოვრებელ ადგილას ტერიტორიული ორგანოს, რომელიც 5 დღეში გაატარებს მას რეგისტრაციაში და გასცემს მასზე პირადობის (ბინადრობის) მოწმობას.

5. წინასწარი პატიმრობის, სასჰელის მოხდის ან სამსახურებრივი მოვალეობის შესრულების გამო ექვს თვეზე მეტი ვადით საცხოვრებელი ადგილის შეცვლისას პირი ვალდებული არ არის გაიაროს რეგისტრაცია. ამ შემთხვევაში შესაბამისი დაწესებულება ვალდებულია პირის ადგილსამყოფელი აცნობოს იმ ტერიტორიული ორგანოს, სადაც პირი არის რეგისტრირებული.

6. საქართველოს მოქალაქე რეგისტრაციაში გატარებისა და პირადობის მოწმობის მისაღებად მიმართავს მისი საცხოვრებელი ადგილის მიხედვით ტერიტორიული ორგანოს, ავსებს ამ ინსტრუქციის №4 დანართით გათვალისწინებულ განცხადება-ანკეტას (ფორმა №1) და მასთან ერთად წარადგენს:

ა) დაბადების მოწმობას (დედანი), რომელიც ასლის გადაღებისთანავე დაუბრუნდება მფლობელს. 16 წლის ასაკს გადაცილებული პირი დამატებით წარადგენს პირადობის დამადასტურებელ სხვა დოკუმენტს, რომელიც ამ ასაკის დადგომისას მიიღო (ხოლო მისი დაკარგვის შემთხვევაში განმარტავს, სად და რომელ ორგანოში მიიღო იგი);

ბ) ორი ცალ ფოტოსურათს (3.5X4.5სმ);

გ) საცხოვრისის საკუთრების დამადასტურებელ დოკუმენტს ან საცხოვრისის მესაკუთრის თანხმობას, რაც ნიშნავს საცხოვრისის მესაკუთრის ან სახელმწიფო საკუთრებაში მძოფი საცხოვრისის დამქირავებლის წერილობით თანხმობას, შესაბამისად საკუთრების ან ქირავნობის დამადასტურებებელი დოკუმენტის წარდგენის ან სანოტარო წესით დამოწმების გარეშე;

დ) სახელმწიფო ბაჟის გადახდის დამადასტურებელ საბანკო ქვითარს;

ე) თუ წარდგენილი დოკუმენტები არ ადასტურებს პირის საქართველოს მოქალაქეობას, პირი აგრეთვე წარადგენს საქართველოს მოქალაქეობის დამადასტურებელ საბუთს ან საქართველოს ტერიტორიაზე კანონით დადგენილი ვადის განმავლობაში ცხოვრების დამადასტურებელ საბუთს.

7. საქართველოში მცხოვრები უცხოელი რეგისტრაციაში გატარებისა და შესაბამისი ბინადრობის მოწმობის მისაღებად მიმართავს მისი საცხოვრებელი ადგილის მიხედვით ტერიტორიული ორგანოს, ავსებს ამ მუხლის მე-6 პუნქტით გათვალისწინებულ განცხადება-ანკეტას და მასთან ერთად წარადგენს:

ა) უცხოეთის სახელმწიფოს მოქალაქეობის ან მოქალაქეობის არქონის დამადასტურებელ სხვა საბუთს“;

ბ) ორ ცალ ფოტოსურათს (3.5X4.5სმ);

გ) საქართველოში კანონიერად ცხოვრების დამადასტურებელ საბუთს;

დ) საცხოვრისის საკუთრების დამადასტურებელ დოკუმენტს ან საცხოვრისის მესაკუთრის თანხმობას, რაც ნიშნავს საცხოვრისის მესაკუთრის ან სახელმწიფო საკუთრებაში მყოფი საცხოვრისის დამქირავებლის წერილობით თანხმობას, შესაბამისად საკუთრების ან ქირავნობის დამადასტურებებელი დოკუმენტის წარდგენის ან სანოტარო წესით დამოწმების გარეშე;

ე) სახელმწიფო ბაჟის გადახდის დამადასტურებელ საბანკო ქვითარს;

8. პირი, რომელსაც არ გააჩნია საცხოვრებელი ადგილი, მისამართის მითითების გარეშე რეგისტრაციას გაივლის იმ დასახლებული პუნქტის მიხედვით, სადაც იმყოფება. იგი ვალდებულია ექვს თვეში ერთხელ გამოცხადდეს იმ ტერიტორიული ორგანოში, სადაც იგი რეგისტრირებულია.

9. საქართველოში მცხოვრებ უცხოელთა რეგისტრაცია მისამართის მითითების გარეშე დასაშვებია, თუ ეს არ ეწინააღმდეგება საქართველოს კანონმდებლობას.

10. პირი, რომელიც რეგისტრაციას გაივლის მისამართის მითითების გარეშე, რეგისტრაციაში გატარებისა და პირადობის (ბინადრობის) მოწმობის მისაღებად შესაბამისად წარადგენს ამ მუხლით გათვალისწინებულ დოკუმენტებს, გარდა ამ მუხლის მე-6 პუნქტის „გ” ქვეპუნქტით და მე-7 პუნქტის “დ” ქვეპუნქტით გათვალისწინებული დოკუმენტებისა.

11. ტერიტორიული ორგანო ვალდებულია პირის რეგისტრაციაში გატარებიდან სამ დღეში აცნობოს ამის შესახებ ტერიტორიულ ორგანოს, სადაც პირი იყო რეგისტრირებული. მან უნდა მოხსნას პირი რეგისტრაციიდან შესაბამისი შეტყობინების მიღებისთანავე.

12. ტერიტორიული ორგანო ვალდებულია პირის რეგისტრაციაში გატარებიდან ათი დღის განმავლობაში აცნობოს ადგილობრივი მმართველობის შესაბამისი ორგანოს სამხედრო განყოფილებას რეგისტრაციაში გატარების თარიღი და ახალი საცხოვრებელი ადგილის მისამართი.

    მუხლი 9. რეგისტრაციისა და პირადობის (ბინადრობის) მოწმობის გაცემის (შეცვლის) ვადები

1. დაუშვებელია პირს უარი ეთქვას რეგისტრაციაში გატარებასა ან/და პირადობის (ბინადრობის) მოწმობის გაცემაზე (შეცვლაზე), თუ მან წარადგინა კანონმდებლობით და ამ ინსტრუქციით გათვალისწინებული შესაბამისი დოკუმენტები.

2. ტერიტორიული ორგანოები პირს რეგისტრაციაში გაატარებენ ან/და პირადობის (ბინადრობის) მოწმობას გასცემენ (შეცვლიან) კანონმდებლობით და ამ ინსტრუქციით გათვალისწინებული შესაბამისი დოკუმენტების წარდგენიდან 5 დღის განმავლობაში.

3. საქართველოს საგარეო საქმეთა სამინისტროს დიპლომატიური წარმომადგენლობები და საკონსულო დაწესებულებები პირს რეგისტრაციაში გაატარებენ ან/და პირადობის (ბინადრობის) მოწმობას გასცემენ (შეცვლიან) კანონმდებლობით და ამ ინსტრუქციით გათვალისწინებული შესაბამისი დოკუმენტების წარდგენიდან ერთი თვის განმავლობაში.

4. პირის რეგისტრაციაში გატარება ან/და პირადობის (ბინადრობის) მოწმობის გაცემა (შეცვლა) ყალბი ან არაზუსტი მონაცემების აღმოჩენის შემთხვევაში შეჩერდება ტერიტორიული ორგანოს უფროსის წერილობითი გადაწყვეტილებით, რის შესახებაც დაუყოვნებლივ ეცნობება განმცხადებელს.

    მუხლი 10. პირადობის (ბინადრობის) მოწმობის მოქმედების ვადები და რეკვიზიტები

1. საქართველოს მოქალაქის პირადობის მოწმობა, მფლობელის ასაკის მიხედვით, შეიძლება იყოს ვადიანი ან უვადო. 16-დან 25 წლამდე ასაკის პირებზე მოწმობა გაიცემა ათი წლის მოქმედების ვადით, 25-დან 45 წლამდე ასაკის პირებზე – ოცი წლის ვადით, ხოლო 45 წლის და უფროსი ასაკის პირებზე – უვადოდ.

2. ბინადრობის მოწმობა გაიცემა 5 წლის მოქმედების ვადით.

3. საქართველოს მოქალაქის პირადობის მოწმობის რეკვიზიტებია:

ა) სახელი – სახელი, რომლის ფუძე მთავრდება ხმოვანზე, იწერება მთლიანად, ხოლო სახელი, რომლის ფუძე მთავრდება თანხმოვანზე, იწერება „ი“ ხმოვნის გარეშე;

ბ) გვარი - თუ პირი ატარებს ორ შერწყმულ გვარს, მოწმობაში ჩაიწერება ორივე გვარი, გამოყოფილი დეფისით მათი თანმიმდევრობა განისაზღვრება ფაქტის დამადასტურებელი შესაბამისი დოკუმენტით;

გ) დაბადების წელი, რიცხვი, თვე – დაბადების რიცხვი, თვე და წელი ამ თანამიმდევრობით იბეჭდება ერთმანეთისაგან წერტილებით გამოყოფილი ციფრობრივი გამოსახულების სახით. ამასთან, ათ რიცხვამდე და მეათე თვემდე დაბადებულების თარიღებს წინ ემატება ნული;

დ) დაბადების ადგილი – საქართველოში დაბადებული პირის მოწმობაში ჩაიწერება ქალაქის, რაიონის (დაბის) შესაბამისი სახელწოდება, ხოლო საზღვარგარეთ დაბადებული პირის მოწმობაში – ქვეყნის დასახელება;

ე) პირადი ნომერი – მოწმობის ამ გრაფაში ჩაიბეჭდება მისი მფლობელისათვის ამ დებულებით დადგენილი წესით მინიჭებული პირადი ნომერი (საიდენტიფიკაციო კოდი);

ვ) ფოტოსურათი – მოწმობაში ჩასაკრავად განკუთვნილ ფოტოსურათზე გამოსახული უნდა იყოს პირი, ვის სახელზეც მოწმობა ივსება. ფოტოსურათი გადაღებული უნდა იყოს იმ ასაკში, რა ასაკშიც პირზე გაიცემა მოწმობა.

ზ) პირადი ხელმოწერა – მფლობელის ხელმოწერა მოწმობის შესაბამის გრაფაში შესრულდება უშუალოდ მის მიერ იმ ფორმით, რომლითაც იგი პრაქტიკაში სარგებლობს;

თ) მოწმობის გამცემი ორგანოს დასახელება – რეკვიზიტის შევსება დასაშვებია შემოკლებული სახით;

ი) თანამდებობის პირის ხელმოწერა – შესაბამისი ტერიტორიული ორგანოს უფროსის, დიპლომატიური ან საკონსულო დაწესებულების ხელმღვანელის ხელმოწერა;

კ) რელიეფური ბეჭედი – რელიეფური ბეჭედი წარმოადგენს ფოტოსურათის წინა ხედის ქვედა მარჯვენა კუთხის ნაწილისა და მოწმობის ბლანკზე ფოტოსურათისათვის განკუთვნილი ჩარჩოს ქვედა მარჯვენა კუთხის ნაწილზე ჭყლეტის შედეგად წარმოქმნილ 20 მმ-იანი დიამეტრის ბეჭდის რელიეფურ კვალს, რომელიც მიიღება სპეციალური დანადგარის მეშვეობით. კვალზე იკითხება: „ტერიტორიული ორგანოს კოდი, გამოხატული ხუთი ციფრით, რომელიც შეესაბამება პირადი ნომრის პირველი, მეორე, მესამე, მეოთხე და მეხუთე ციფრებს და წარწერა “საქართველოს იუსტიციის სამინისტრო”;

ლ) მოწმობის გაცემის თარიღი – მოწმობის გაცემის თარიღის შევსება დაბადების თარიღის შევსების ანალოგიურია;

მ) მოწმობის მოქმედების ვადა – რეკვიზიტი ივსება იმავე ანალოგიით, ამ მუხლის პირველი და მე-2 პუნქტით გათვალისწინებული ნორმების დაცვით.;

ნ) მისამართი - მისამართი აღნიშნება სრული სახით, ქალაქის, რაიონის, დაბის, სოფლის, ქუჩის დასახელებით და მიკრორაიონის, კვარტლის, კორპუსის (სახლის) ნომრისა და ბინის ნომრის ჩვენებით. დასაშვებია ზოგიერთი ჩანაწერის შემოკლება. რაიონი – „რ-ნი“, სოფელი – „ს.“, დაბა – „დ.“, მიკრორაიონი – „მ/რ“, კვარტალი – „კვ`, კორპუსი – „კორ.“, ბინა „ბ.“ და სხვა. ქალაქის დასახელებისას წინსართი „ქალაქი“ ან მისი შემოკლებული მინიშნება „ქ“ არ გამოიყენება;

ო) გერბიანი ბეჭედი – გერბიანი ბეჭედი წარმოადგენს 20 მმ-იანი დიამეტრის მრგვალ ტვიფრს, რომლის ცენტრალურ ნაწილში გამოსახულია საქართველოს გერბი. გერბის ირგვლივ წრიულად იკითხება წარწერა: „საქართველოს იუსტიციის სამინისტრო, „სახელმწიფო რეესტრი“ და ხუთნიშნა რიცხვით გამოსახული შესაბამისი ტერიტორიული ორგანოს კოდი. გერბიანი ბეჭედი დაისმება მოწმობის უკანა გვერდზე, მონიშნულ ადგილზე, მოწმობის ყველა რეკვიზიტის შევსების შემდეგ.

4. ბინადრობის მოწმობის რეკვიზიტები საქართველოს მოქალაქის პირადობის მოწმობის რეკვიზიტების ანალოგიურია, მასში დამატებით შეიტანება გრაფა „მოქალაქეობა“, რომელშიც აღინიშნება იმ ქვეყნის დასახელება, რომლის მოქალაქეზეც გაიცემა ბინადრობის მოწმობა. თუ ბინადრობის მოწმობა გაიცემა პირზე, რომელსაც არ გააჩნია რომელიმე ქვეყნის მოქალაქეობა, გრაფაში „მოქალაქეობა“ ჩაიბეჭდება სიტყვები: „მოქალაქეობის არმქონე“. აგრეთვე ბინადრობის მოწმობაში არ შეიტანება გრაფა „მისამართი“.

5. პირადობის (ბინადრობის) მოწმობას გაფორმება განხორციელდება ამ ინსტრუქციის დანართით გათვალისწინებული წესის შესაბამისად (დანართი №2).

6. ამ მუხლის მე-2 პუნქტის „მ“ ქვეპუნქტით გათვალისწინებული რელიეფური ბეჭდის დასმა პირადობის (ბინადრობის) მოწმობაზე განხორციელდება დამცავი გარსის გადაკვრის შემდეგ.

    მუხლი 11. პირადობის (ბინადრობის) მოწმობის შეცვლა

1. პირი ვალდებულია შეცვალოს პირადობის (ბინადრობის) მოწმობა შემდეგ შემთხვევებში:

ა) საცხოვრებელი ადგილის შეცვლისას (თუ პირი საქართველოს მოქალაქეა);

ბ)მოწმობის მოქმედების ვადის გასვლისას;

გ) სახელის ან გვარის შეცვლისას;

დ) ჩანაწერში უზუსტობის დადგენისას;

ე) ხმარებისათვის უვარგისობის ან დაკარგვისას.

2. ამ მუხლის პირველი პუნქტით გათვალისწინებულ შემთხვევებში გამოსაცვლელი მოწმობა ბარდება შესაბამის ტერიტორიულ ორგანოს.

3. თუ საქართველოს მოქალაქე არ იცვლის საცხოვრებელ ადგილს, მოწმობის შესაცვლელად იგი ავსებს განცხადება-ანკეტას და წარადგენს შესაცვლელ მოწმობას, ორ ცალ ფოტოსურათს და სახელმწიფო ბაჟის გადახდის დამადასტურებელ საბანკო ქვითარს. ამ მუხლის პირველი პუნქტის „გ“ ქვეპუნქტით გათვალისწინებულ შემთხვევაში საქართველოს მოქალაქე წარადგენს აგრეთვე ამ ქვეპუნქტში აღნიშნული გარემოებების დამადასტურებელ შესაბამის ოფიციალურ დოკუმენტებს.

4. თუ პირადობის მოწმობის შეცვლა უკავშირდება საცხოვრებელი ადგილის შეცვლას, საქართველოს მოქალაქე წარადგენს ამ ინსტრუქციის მე-8 მუხლის მე-6 პუნქტის „გ“ ქვეპუნქტით გათვალისწინებულ დოკუმენტებს.

5. საქართველოში მცხოვრები უცხოელი ბინადრობის მოწმობის შესაცვლელად წარადგენს ამ ინსტრუქციის მე-8 მუხლის მე-6 პუნქტით გათვალისწინებულ დოკუმენტებს, ხოლო ამ მუხლის პირველი პუნქტის „გ“ ქვეპუნქტით გათვალისწინებულ შემთხვევაში წარადგენს აგრეთვე ამ ქვეპუნქტში აღნიშნული გარემოებების დამადასტურებელ შესაბამის ოფიციალურ დოკუმენტებს.

6. ახალი პირადობის (ბინადრობის) მოწმობის გაფორმება-გაცემა ხორციელდება ამ ინსტრუქციით დადგენილი წესებისა და ვადების დაცვით.

    მუხლი 12. დაკარგული პირადობის (ბინადრობის) მოწმობის შეცვლა

1. პირადობის (ბინადრობის) მოწმობის დაკარგვის შემთხვევაში პირი ვალდებულია განაცხადოს ამის შესახებ და მიიღოს ახალი მოწმობა.

2. დაკარგულის მაგიერ ახალი მოწმობის მისაღებად პირი მიმართავს საცხოვრებელი ადგილის ტერიტორიული ორგანოს, ავსებს განცხადება-ანკეტას და წარადგენს დაბადების მოწმობის დედანს ან/და პირადობის დამადასტურებელ სხვა დოკუმენტს და 2 ცალ ფოტოსურათს (თუ დაკარგული მოწმობა გაცემულია სხვა ორგანოში – „ცალ ფოტოსურათს).

3. დაკარგულის მაგიერ ახალი მოწმობის გაცემის თაობაზე განცხადებათა მიღება, განხილვა, გადაწყვეტილების მიღება და სათანადო დოკუმენტების გაფორმება-გაცემა ხორციელდება ამ ინსტრუქციით დადგენილი წესებისა და ვადების დაცვით.

4. ახალი მოწმობის გაცემამდე დაკარგული მოწმობის პოვნის შემთხვევაში განცხადების განხილვა წყდება. თუ ახალი მოწმობა შევსებულია, იგი გაუქმდება და განადგურდება ამ ინსტრუქციით დადგენილი წესის შესაბამისად, ხოლო სახელმწიფო ბაჟის გადახდის დამადასტურებელი ქვითარი და ფოტოსურათები დაუბრუნდება განმცხადებელს.

5. პირი, რომელიც შეიცვლის საცხოვრებელ ადგილს (მისამართს) და ახალ მისამართზე რეგისტრაციამდე დაკარგავს პირადობის (ბინადრობის) მოწმობას, მასზე ახალი მოწმობის გაცემას ახორციელებს ტერიტორიული ორგანო, რომლის სამომსახურეო ტერიტორიაზეც პირი ცხოვრობს და ითხოვს რეგისტრაციას.

6. დაკარგული მოწმობები კომპიუტერულ მონაცემთა ბანკში აღირიცხება ცალკე და კონტროლისათვის რეკვიზიტები გადაეცემა ტერიტორიული ორგანოებს და საქართველოს შინაგან საქმეთა სამინისტროს შესაბამის სამსახურებს .

7. ნაპოვნი პირადობის (ბინადრობის) მოწმობა ბარდება შესაბამის ტერიტორიული ორგანოს, იხსნება კონტროლიდან და მონაცემთა ბაზაში სათანადო ინფორმაციის შეტანის შემდეგ ნადგურდება, რის შესახებას ფორმდება შესაბამისი ოქმი.

    მუხლი 13. პირის რეგისტრაციიდან მოხსნა

1. საქართველოს მოქალაქეთა და საქართველოში მცხოვრებ უცხოელთა რეგისტრაციიდან მოხსნა დასაშვებია მხოლოდ კანონმდებლობით გათვალისწინებულ შემთხვევებში.

2. საქართველოს მოქალაქე და საქართველოში მცხოვრები უცხოელი რეგისტრაციიდან მოხსნას ექვემდებარება შემდეგ შემთხვევებში:

ა) საცხოვრებელი ადგილის შეცვლისას;

ბ) გარდაცვალებისას.

3. ამ მუხლის მე-2 პუნქტის „ა” ქვეპუნქტით გათვალისწინებულ შემთხვევაში პირის რეგისტრაციიდან მოხსნა წარმოებს:

ა) მისი ახალ საცხოვრებელ ადგილზე რეგისტრაციაში გატარების შესახებ შესაბამისი ტერიტორიული ორგანოს შეტყობინების მიღებისთანავე;

ბ) ემიგრაციაში მიმავალი პირის მიერ საქართველოს ტერიტორიის დატოვების შესახებ შესაბამისი სამსახურიდან შეტყობინების მიღებისთანავე;

გ) საქართველოდან დროებით წასული პირის საკონსულო აღრიცხვაზე აყვანის თაობაზე საქართველოს დიპლომატიური წარმომადგენლობიდან ან საკონსულო დაწესებულებიდან შეტყობინების მიღებისთანავე;

დ) საქართველოდან დროებით წასული პირის სხვა სახელმწიფოში საცხოვრებლად დარჩენის თაობაზე შესაბამისი სამსახურის შეტყობინების მიღებისთანავე.

ე) საცხოვრისის მესაკუთრის (დამქირავებლის) წერილობითი შუამდგომლობისას.

4. ამ მუხლის მე-2 პუნქტის „ბ” ქვეპუნქტით გათვალისწინებულ შემთხვევაში გარდაცვლილი ექვემდებარება რეგისტრაციიდან მოხსნას გარდაცვალების რეგისტრაციასთან ერთად.

5. ამ მუხლის მე-3 პუნქტის „ე” ქვეპუნქტით გათვალისწინებულ შემთხვევაში პირის რეგისტრაციიდან მოხსნა და ახალ მისამართზე რეგისტრაციაში გატარება განხორციელდება ამ ინსტრუქციით დადგენილი წესის შესაბამისად.

6. ტერიტორიული ორგანო ვალდებულია პირის რეგისტრაციიდან მოხსნიდან ათი დღის განმავლობაში აცნობოს ადგილობრივი მმართველობის შესაბამის ორგანოს სამხედრო განყოფილებას რეგისტრაციიდან მოხსნის თარიღი.

    მუხლი 14. პირადობის (ბინადრობის) მოწმობის ჩაბარება

1. საქართველოს მოქალაქე, რომელსაც შეუწყდა საქართველოს მოქალაქეობა, ვალდებულია ჩააბაროს პირადობის მოწმობა შესაბამის ტერიტორიულ ორგანოს.

2. საქართველოში მცხოვრები უცხოელი, რომელიც აღარ ცხოვრობს საქართველოში, ვალდებულია ჩააბაროს ბინადრობის მოწმობა შესაბამის ტერიტორიულ ორგანოს.

3. გარდაცვლილი პირის, აგრეთვე ნაპოვანი პირადობის (ბინადრობის) მოწმობა უნდა ჩაბარდეს შესაბამის ტერიტორიულ ორგანოს.

4. აკრძალულია პირადობის (ბინადრობის) მოწმობის ჩამორთმევა საქართველოს კანონმდებლობით გათვალისწინებული შემთხვევების გარდა, აგრეთვე მოწმობის დატოვება გირაოდ.

    მუხლი 15. საქართველოში დროებით მყოფ უცხოელთა აღრიცხვა

1. საქართველოში დროებით (3 თვეზე მეტი ვადით) მყოფი უცხოელები, ვალდებული არიან საზღვრის გადმოკვეთიდან ორი კვირის ვადაში, ადგილსამყოფლის ტერიტორიულ ორგანოში რეგისტრაციაში გაატარონ თავიანთი მოქმედი უცხოური პასპორტები ან მათი შემცვლელი დოკუმენტები.

2. შესაბამისი ტერიტორიული ორგანო ვალდებულია ამ ინსტრუქციის №4 დანართით გათვალისწინებულ სპეციალურ სააღრიცხვო ჟურნალში დააფიქსიროს უცხოელის საპასპორტო მონაცემები და საქართველოში ყოფნის ნებადართული ვადა, ამასთან მიგრანტის ბარათში შეიტანოს სათანადო აღნიშვნები და პასპორტთან ერთად 1 დღეში დაუბრუნოს უცხოელს.

    მუხლი 16. სააღრიცხვო ჟურნალების წარმოება

1. ტერიტორიული ორგანოები ვალდებულნი არიან აწარმოონ რეგისტრაციისა და პირადობის დადსტურების, აგრეთვე რეგისტრაციიდან მოხსნის პროცესის ამსახველი, სააღრიცხვო ბარათების (ფორმების), ბეჭდების, შტამპების და ჟურნალების წარმოება-გამოყენება ხორციელდება ამ ინსტრუქციით დადგენილი წესებით (დანართი №3-4).

2. პირადობის (ბინადრობის) მოწმობების გაცემა აღირიცხება ამ ინსტრუქციით დადგენილი წესების შესაბამისად (დანართი №5).

3. რეგისტრაციისა და პირადობის დადასტურების, აგრეთვე რეგისტრაციიდან მოხსნის, სათანადო შეტყობინებების და მოთხოვნების (შუამდგომლობების) მიღება-გაგზავნასთან დაკავშირებული პროცედურები ხორციელდება საქმისწარმოების დადგენილი წესების შესაბამისად.

    მუხლი 17. პასუხისმგებლობა რეგისტრაციისა და პირადობის დადასტურების      წესების დარღვევისათვის

საქართველოს მოქალაქეთა და საქართველოში მცხოვრებ უცხოელთა რეგისტრაციისა და პირადობის დადასტურების წესების დარღვევა გამოიწვევს პასუხისმგებლობას საქართველოს კანონმდებლობის შესაბამისად.

თავი II. საქართველოს მოქალაქის პასპორტისა და საქართველოში მუდმივად მცხოვრები მოქალაქეობის არმქონე პირის სამგზავრო პასპორტის გაცემის წესები

    მუხლი 18. რეგულირების სფერო

1. ინსტრუქციის ეს თავი არეგულირებს საქართველოს მოქალაქის პასპორტისა და საქართველოში მუდმივად მცხოვრები მოქალაქეობის არმქონე პირის სამგზავრო პასპორტის გაფორმება-გაცემის, შეცვლის, აგრეთვე მოქმედების ვადის გაგრძელების წესსა და პირობებს.

2. ეს ინსტრუქცია არ არეგულირებს დიპლომატიური და სამსახურებრივი პასპორტების, ასევე მეზღვაურის წიგნაკის გაცემის წესებს.

    მუხლი 19. საქართველოს მოქალაქის პასპორტი

1. საქართველოს მოქალაქის პასპორტი (შემდგომში – პასპორტი) არის საქართველოს მოქალაქის პირადობის და მოქალაქეობის დამადასტურებელი დოკუმენტი, როგორც საქართველოს ტერიტორიაზე, ისე მის ფარგლებს გარეთ.

2. პასპორტი საქართველოს კუთვნილებაა და გაიცემა საქართველოს მოქალაქეებზე მათი საქართველოდან გასვლის, საზღვარგარეთ გადაადგილების და საქართველოში შემოსვლის მიზნით.

3. პასპორტის კანონიერ მფლობელს, სადაც არ უნდა იმყოფებოდეს იგი, გარანტირებული აქვს კონსტიტუციური უფლებების დაცვა საქართველოს სახელმწიფოს მხრიდან.

4. პასპორტის შენახვისა და დანიშნულებისამებრ გამოყენებისათვის პასუხისმგებლობა ეკისრება მის კანონიერ მფლობელს.

5. პასპორტის გაცემის თაობაზე შუამდგომლობის აღძვრის უფლება აქვს სრულწლოვან და ქმედუნარიან საქართველოს მოქალაქეს, აგრეთვე არასრულწლოვანის წარმომადგენელს.

6. არასრულწლოვან ბავშვზე შეიძლება გაიცეს პასპორტი მათი კანონიერი წარმომადგენლის სანოტარო წესით დამოწმებული თანხმობის საფუძველზე.

    მუხლი 20. მოქალაქეობის არმქონე პირის სამგზავრო პასპორტი

1. საქართველოში მუდმივად მცხოვრები მოქალაქეობის არმქონე პირის სამგზავრო პასპორტი (შემდგომში – სამგზავრო პასპორტი) წარმოადგენს მისი პირადობის და მოქალაქეობრივი მდგომარეობის დამადასტურებელ დოკუმენტს, როგორც საქართველოს ტერიტორიაზე, ისე მის ფარგლებს გარეთ.

2. სამგზავრო პასპორტი საქართველოს კუთვნილებაა და გაიცემა საქართველოში მუდმივად მცხოვრებ მოქალაქეობის არმქონე პირებზე მათი საქართველოდან გასვლის, საზღვარგარეთ გადაადგილების და საქართველოში შემოსვლის მიზნით.

3. სამგზავრო პასპორტის კანონიერ მფლობელს, სადაც არ უნდა იმყოფებოდეს იგი, გარანტირებული აქვს კონსტიტუციური უფლებების დაცვა საქართველოს სახელმწიფოს მხრიდან.

4. სამგზავრო პასპორტის შენახვისა და დანიშნულებისამებრ გამოყენებისათვის პასუხისმგებლობა ეკისრება მის კანონიერ მფლობელს.

5. სამგზავრო პასპორტის გაცემის თაობაზე შუამდგომლობის აღძვრის უფლება აქვს სრულწლოვან და ქმედუნარიან საქართველოში მუდმივად მცხოვრებ მოქალაქეობის არმქონე პირს, აგრეთვე არასრულწლოვანის წარმომადგენელს.

6. არასრულწლოვან ბავშვზე შეიძლება გაიცეს სამგზავრო პასპორტი მისი კანონიერი წარმომადგენლის სანოტარო წესით დამოწმებული თანხმობის საფუძველზე.

    მუხლი 21. პასპორტის და სამგზავრო პასპორტის გამცემი ორგანოები

1. საქართველოს ტერიტორიაზე მცხოვრებ საქართველოს მოქალაქეზე პასპორტის გაფორმებას, გაცემასა (შეცვლას) და ვადის გაგრძელებას ახორციელებენ სახელმწიფო რეესტრის მწარმოებელი ტერიტორიული ორგანოები (შემდგომში – ტერიტორიული ორგანოები) დაინტერესებულ პირთა საცხოვრებელი ადგილის მიხედვით.

2. სხვა სახელმწიფოში მცხოვრებ საქართველოს მოქალაქეზე პასპორტის გაფორმებას, გაცემასა (შეცვლას) და ვადის გაგრძელებას ახორციელებს საქართველოს დიპლომატიური წარმომადგენლობა ან საკონსულო დაწესებულება.

3. საქართველოში მუდმივად მცხოვრებ მოქალაქეობის არმქონე პირებზე სამგზავრო პასპორტის გაფორმებას, გაცემასა (შეცვლას) და ვადის გაგრძელებას ახორციელებენ ტერიტორიული ორგანოები დაინტერესებულ პირთა საცხოვრებელი ადგილის მიხედვით.

4. ტერიტორიული ორგანოები პასპორტების და სამგზავრო პასპორტების გაფორმებას, გაცემასა (შეცვლას) და ვადის გაგრძელებას ახორციელებენ კანონმდებლობითა და ამ ინსტრუქციით დადგენილი წესების შესაბამისად.

5. საქართველოს დიპლომატიური წარმომადგენლობები და საკონსულო დაწესებულებები პასპორტის გაფორმებას, გაცემასა (შეცვლას) და ვადის გაგრძელებას ახორციელებენ იუსტიციის სამინისტროს შესაბამისი სამსახურებიდან მიღებული მონაცემების საფუძველზე, ამ ინსტრუქციის შესაბამისად.

    მუხლი 22. პასპორტის და სამგზავრო პასპორტის გაცემის (მოქმედების ვადის გაგრძელების) თაობაზე განცხადებათა მიღება

1. პასპორტის გაცემის თაობაზე შუამდგომლობის აღძვრის უფლება აქვს სრულწლოვან და ქმედუნარიან საქართველოს მოქალაქეს, აგრეთვე არასრულწლოვანის წარმომადგენელს.

2. სამგზავრო პასპორტის გაცემის თაობაზე შუამდგომლობის აღძვრის უფლება აქვს სრულწლოვან და ქმედუნარიან საქართველოში მუდმივად მცხოვრებ მოქალაქეობის არმქონე პირს, აგრეთვე არასრულწლოვანის წარმომადგენელს.

3. არასრულწლოვან ბავშვზე შეიძლება გაიცეს პასპორტი (სამგზავრო პასპორტი) მათი კანონიერი წარმომადგენლის სანოტარო წესით დამოწმებული თანხმობის საფუძველზე.

4. პასპორტის (სამგზავრო პასპორტის) მისაღებად (მოქმედების ვადის გასაგრძელებლად) დაინტერესებული პირი პირადად ან უფლებამოსილი პირის მეშვეობით მიმართავს საცხოვრებელი ადგილის ტერიტორიული ორგანოს, სადაც იგი ავსებს ამ ინსტრუქციის №4 დანართით დადგენილი ფორმის განცხადება-ანკეტას (ფ. №1ა). განცხადება ივსება ქართულ ენაზე, შეცდომებისა და შესწორების გარეშე. განმცხადებლის სურვილის მიხედვით, მის მიერ მიწოდებული მონაცემები განცხადების ბლანკში შეიძლება შეიტანოს განცხადების მიმღებმა თანამდებობის პირმა. განცხადებას ხელს აწერს უშუალოდ განმცხადებელი. პასპორტის მიმღების პირადად გამოცხადება სავალდებულოა მხოლოდ ხელმოწერისას.

5. განცხადებას პასპორტის (სამგზავრო პასპორტის) გაცემის (მოქმედების ვადის გაგრძელების) თაობაზე თან დაერთვის:

ა) საქართველოს მოქალაქის პირადობის მოწმობა (თუ მთხოვნელი საქართველოს მოქალაქეა) ან ბინადრობის მოწმობა (თუ მთხოვნელი მოქალაქეობის არმქონე პირია);

ბ) 2 ცალი ფერადი ფოტოსურათი ზომებით 3.5X4.5-სმ. როგორც წესი, ფოტოსურათი გადაღებული უნდა იყოს შესაბამის ასაკში;

გ) პასპორტის გაცემისათვის დაწესებული სახელმწიფო ბაჟის გადახდის დამადასტურებელი საბანკო ქვითარი.

6. თუ განმცხადებელს სურს, რომ მის პასპორტში შეტანილ იქნეს მონაცემები არასრულწლოვანი შვილ(ებ)ის შესახებ, განცხადებას უნდა დაერთოს აგრეთვე:

ა) მეორე მშობლის სანოტარო წესით დამოწმებული თანხმობა;

ბ) თითოეული არასრულწლოვანის დაბადების მოწმობა (დედანი);

გ) თითოეული არასრულწლოვანის 2-2 ცალი ფერადი ფოტოსურათი ზომებით 3.5X4.5-სმ;

დ) არასრულწლოვანთა მონაცემების პასპორტში შეტანისათვის დაწესებული ბაჟის გადახდის დამადასტურებელი საბანკო ქვითარი.

7. სანოტარო წესით დამოწმებული თანხმობა უნდა წარადგინოს არასრულწლოვანი პირის ორივე მშობელმა (კანონიერმა წარმომადგენელმა) იმ შემთხვევაშიც, როცა ისინი არასრულწლოვანი შვილ(ებ)ის საქართველოდან გაყვანას ანდობენ ნებისმიერ მესამე პირს და დგას საკითხი ამ პირის პასპორტში (სამგზავრო პასპორტი) არასრულწლოვანის მონაცემების შეტანის შესახებ.

8. მესამე პირის პასპორტში არასრულწლოვან საქართველოს მოქალაქეთა მონაცემების შეტანა დასაშვებია მხოლოდ იმ შემთხვევაში, როცა მესამე პირიც საქართველოს მოქალაქეა. თუ საქართველოს მოქალაქეები არასრულწლოვანი შვილ(ებ)ის საზღვარგარეთ გაყვანას ანდობენ პირს, რომელიც არ არის საქართველოს მოქალაქე, ყოველ არასრულწლოვან საქართველოს მოქალაქეზე ცალკე უნდა გაიცეს საქართველოს მოქალაქის პასპორტი, რომლის „განსაკუთრებული აღნიშვნების“ გრაფაში შეტანილი იქნება შესაბამისი ჩანაწერი.

9. პასპორტის გამცემი ორგანოს მუშაკები ვალდებული არიან გაითვალისწინონ ის გარემოება, რომ ზოგიერთი სახელმწიფო 18 წლამდე ასაკის პირთა თავის ტერიტორიაზე შეშვებისათვის ისევე ითხოვს პასპორტის წარდგენას, როგორც სრულწლოვანისაგან. ამ შემთხვევაში არასრულწლოვან პირ(ებ)ზე დადგენილი წესით უნდა გაიცეს პასპორტი.

10. 18 წლამდე ასაკის პირზე. ასევე ქმედუუნარო სრულწლოვან პირზე პასპორტის გასაცემად აუცილებელია ამ პირის კანონიერ წარმომადგენელთა სანოტარო წესით დამოწმებული შუამდგომლობა (რეგისტრირებულ ქორწინებაში მყოფ 16-დან 18 წლამდე ასაკის პირს ასეთი შუამდგომლობა არ ესაჭიროება). შუამდგომლობას თან უნდა დაერთოს:

ა) დაბადების მოწმობის დედანი, თუ პირს, რომლის სახელზეც უნდა გაფორმდეს პასპორტი, არა აქვს შესრულებული 16 წლის ასაკი;

ბ) პირადობის (ბინადრობის) მოწმობა, თუ პირს პასპორტის გაცემამდე შეუსრულდა ან უსრულდება 16 წლის ასაკი;

გ) 2 ცალი ფერადი ფოტოსურათი ზომებით 3.5X4.5-სმ;

დ) პასპორტის გაცემისათვის დაწესებული სახელმწიფო ბაჟის გადახდის დამადასტურებელი საბანკო ქვითარი.

11. განცხადების მიმღები ტერიტორიუოლი ორგანოები ვალდებულნი არიან:

ა) დაეხმარონ პირს განცხადება-ანკეტის სწორად და უშეცდომოდ შევსებაში, თუ ამის საჭიროება არსებობს;

ბ) წარდგენილი საბუთების ვიზუალური დათვალიერებით დაადგინონ, ხომ არ შეინიშნება მათში მონაცემების გადაკეთების, ფოტოსურათის შეცვლის ან გაყალბების მცდელობის სხვა ნიშანი. ასეთის აღმოჩენის შემთხვევაში უზრუნველყონ კანონით გათვალისწინებული ზომების მიღება;

გ) 16-წლამდე ასაკის პირთა მონაცემების თანმხლები პირის პასპორტში შეტანით ან 16 წლამდე ასაკის პირთათვის პასპორტების გაფორმებით დაინტერესებულ პირს, საჭიროების შემთხვევაში, განუმარტონ, რომ მის მიერ წარდგენილ ფოტოსურათებზე გამოსახულ არასრულწლოვან პირთა იდენტურობა დამოწმებულ უნდა იქნეს ამ ინსტრუქციის მე-5 მუხლის მე-3 პუნქტით გათვალისწინებული მოქმედების განხორციელებით;

დ) განმცხადებლის თანდასწრებით დაადასტურონ განცხადებისა და თანდართული საბუთების მიღება, რაც ნიშნავს:

დ.ა) სამახსოვრო ბარათის მიცემას განმცხადებლისათვის, რომელშიც აღნიშნული იქნება განცხადების მიღების თარიღი. განცხადების მიმღები თანამდებობის პირის გვარი და საკონტაქტო ტელეფონი, რომლის მეშვეობითაც მას მიეწოდება ინფორმაცია მიღებული გადაწყვეტილების შესახებ.

დ.ბ) შესაბამისი ჩანაწერების შეტანას განცხადება-ანკეტის უკანა გვერდზე, სამსახურებრივი აღნიშვნების გრაფაში.

12. მიღებული განცხადება თანდართულ საბუთებთან ერთად დაუყოვნებლივ მოხსენდება პასპორტის გამცემი ორგანოს უფროსს, რომელიც განცხადების განხილვას და გადაწყვეტილების მისაღებად საჭირო გარემოებათა დადგენას დაავალებს შესაბამის თანამდებობის პირს.

    მუხლი 23. პასპორტის (სამგზავრო პასპორტის) გაცემის (მოქმედების ვადის გაგრძელების) თაობაზე განცხადებათა განხილვა - გადაწყვეტა

1. თანამდებობის პირები, რომელთაც დაევალათ პასპორტის (სამგზავრო პასპორტის) გაცემის (მოქმედების ვადის გაგრძელების) თაობაზე განცხადების განხილვა) ვალდებულნი არიან:

ა) დეტალურად შეისწავლონ განცხადებაზე დართული საბუთების კანონიერება და მათში აღნიშნული მონაცემების შესაბამისობა განცხადება-ანკეტაში შეტანილ მონაცემებთან;

ბ) პირადობის დამადასტურებელ და სარეგისტრაციო მონაცემთა საინფორმაციო ბანკში არსებული მონაცემების შემოწმებით დაადგინონ:

ბ.ა) შეესაბამება თუ არა განმცხადებელ პირზე მინიჭებულად რიცხულ პირად ნომერს ამ პირის მიერ წარდგენილი პირადობის (ბინადრობის) მოწმობის შესაბამის გრაფაში მითითებული პირადი ნომერი, ამასთანავე, არის თუ არა ერთმანეთის იდენტური პასპორტისათვის წარდგენილი ფოტოსურათი, პირადობის (ბინადრობის) მოწმობაში ჩაკრული ფოტოსურათი და შესაბამის სააღრიცხვო ბარათებზე დაკრული ფოტოსურათები;

ბ.ბ) ირიცხება თუ არა განმცხადებელი რეგისტრირებულად იმ მისამართზე, რომელიც მან უჩვენა განცხადება-ანკეტაში;

ბ.გ) შეესაბამება თუ არა განმცხადებლის მიერ წარდგენილი პირადობის (ბინადრობის) მოწმობის რეკვიზიტები (სერია და ნომერი) მონაცემთა ბანკში მასზე გაცემულად რიცხული პირადობის (ბინადრობის) მოწმობის რეკვიზიტებს. თუ მონაცემთა ბანკი იძლევა ინფორმაციას იმის შესახებ, რომ განმცხადებელ პირზე გაცემულად ირიცხება რამდენიმე მოწმობა, აუცილებელია გაირკვეს, რა გარემოების საფუძველზე (დაკარგვა, მოქალაქეობის ან გვარ-სახელის შეცვლა, ზღვრული ასაკის დადგომა და ა.შ.) მოხდა ახალი მოწმობ(ებ)ის გაცემა. ამასთანავე, უნდა დადგინდეს, გაცემული მოწმობებიდან რომელია ძალადაკარგული, რომელი – მოქმედი და მოქმედი მოწმობის რეკვიზიტები შეუდარდეს განმცხადებლის მიერ წარდგენილი მოწმობის რეკვიზიტებს;

გ)  შემოწმების პროცესში ურთიერთ-შეუსაბამო, განცხადებაში შეტანილისაგან განსხვავებული მონაცემების დადგენის, იურიდიული მნიშვნელობის მქონე სადავო ფაქტის ან საქმისათვის მნიშვნელოვანი სხვა დაუზუსტებელი გარემოების აღმოჩენის შემთხვევაში „საქართველოს მოქალაქეების საქართველოდან დროებითი გასვლის და საქართველოში შემოსვლის წესების შესახებ“ კანონის მე-11 მუხლზე დაყრდნობით უზრუნველყონ დამატებითი მასალების მოძიება და საჭირო ინფორმაციის მოპოვება შესაბამის დაწესებულებებსა და ორგანოებში;

დ)     თუ პირი, რომლის სახელზეც პასპორტი უნდა გაფორმდეს, გადაცილებულია 14 წლის ასაკს, შესაბამის საინფორმაციო წყაროებზე დაძრდნობით შეამოწმონ და დაადგინონ:

დ.ა) ხომ არ არის მის წინააღმდეგ აღძრული სისხლის სამართლის საქმე და ხომ არ იყებნება იგი სამართალდამცავი ორგანოების მიერ;

 დ.ბ) ხომ არ ერიცხება მას სასამართლოს განაჩენით გათვალისწინებული მოუხდელი სასჯელი ან სასამართლოს გადაწყვეტილებით დაკისრებული შეუსრულებელი ვალდებულება;

ე) შემოწმების შედეგების გათვალისწინებით მოამზადონ და პასპორტის გამცემი ორგანოს უფროსს მოახსენოს შესაბამისი დასკვნა განმცხადებლის თხოვნის დაკმაყოფილებისა და მისთვის პასპორტის გაცემის (მოქმედების ვადის გაგრძელების) შესაძლებლობის შესახებ;

ვ) დადებითი გადაწყვეტილების შემთხვევაში უზრუნველყონ პასპორტის დაუძოვნებლივი გაფორმება და გაცემა ამ ინსტრუქციის №2 დანართის შესაბამისად. პასპორტის გაცემაზე (მოქმედების ვადის გაგრძელებაზე) უარის თქმის შემთხვევაში განმცხადებელს განუმარტონ უარის მოტივირებული მიზეზი, ასევე თხოვნის განახლების კანონით გათვალისწინებული პირობები და უარის თქმის გასაჩივრების სამართლებრივი ასპექტები.

2. პასპორტის გაცემაზე (მოქმედების ვადის გაგრძელებაზე) განმცხადებელს უარი შეიძლება ეთქვას მხოლოდ იმ შემთხვევაში, თუ:

ა) მის წინააღმდეგ აღძრულია სისხლის სამართლის საქმე;

ბ) არ მოუხდია სასამართლოს განაჩენით გათვალისწინებული სასჯელი;

გ) პასპორტის მისაღებად წარადგინა ძალბი ან ძალადაკარგული დოკუმენტები;

დ) საქართველოს კანონმდებლობით გათვალისწინებულ სხვა შემთხვევებში.

3. ტერიტორიული ორგანოები პასსპორტს (სამგზავრო პასპორტს) გასცემენ და ვადას აგრძელებენ დაინტერესებული პირის მიერ ამ თავით გათვალისწინებული ყველა დოკუმენტის წარდგენიდან 5 დღის ვადაში, ხოლო სხვა სახელმწიფოში საქართველოს დიპლომატიური წარმომადგენლობები ან საკონსულო დაწესებულებები 1 თვის ვადაში.

4. იმ შემთხვევაში, როცა პირის საქართველოდან გასვლა დაკავშირებულია ქორწინების ან განქორწინების იურიდიულ პროცედურებთან, მკურნალობასთან, ახლო ნათესავის მძიმე ავადმყოფობასთან ან გარდაცვალებასთან, მემკვიდრეობის საკითხების სასამართლო წესით დადგენასთან, მოწმის სახით საზღვარგარეთ სასამართლო პროცესში მონაწილეობასთან ან სხვა მნიშვნელოვან გარემოებასთან, პასპორტის გაცემის (მოქმედების ვადის გაგრძელების) თაობაზე განცხადების განხილვა, გადაწყვეტილების მიღება და პასპორტის გაფორმება-გაცემა უნდა განხორციელდეს ამ თავით გათვალისწინებული ყველა დოკუმენტის წარდგენიდან არა უმეტეს 3 დღის ვადაში.

5. პასპორტის გაცემის (მოქმედების ვადის გაგრძელების) თაობაზე განცხადებათა განხილვის პროცესში განხორციელებული შემოწმების შედეგები აისახება განცხადება-ანკეტის უკანა გვერდზე სათანადო აღნიშვნების შეტანით ან/და მოპოვებული მასალების განცხადებაზე დართვით. ორივე შემთხვევაში შემოწმების შედეგების ამსახველი ნებისმიერი ცნობა უნდა იყოს ხელმოწერილი, დათარიღებული და დამოწმებული ინფორმაციის (ცნობის) გამცემი სამსახურის ბეჭდით ან სპეციალური შტამპით.

6. პასპორტების (სამგზავრო პასპორტების) გაცემა აღირიცხება ამ ინსტრუქციის №5 დანართის შესაბამისად.

    მუხლი 24. პასპორტის და სამგზავრო პასპორტის მოქმედების ვადა

1. პასპორტის მოქმედების ვადა განისაზღვრება 10 წლით მისი გაცემის დღიდან. პასპორტის მოქმედების ვადის გაგრძელება დასაშვებია არაუმეტეს 5 წლის ვადით, თუ მისი მფლობელი კანონით დადგენილი წესით ინარჩუნებს საქართველოს მოქალაქეობას, სრულწლოვანია და პასპორტი შეიცავს ვიზებისა და სასაზღვრო აღნიშვნების შეტანისათვის განკუთვნილ თავისუფალ ფურცლებს.

2. სამგზავრო პასპორტის მოქმედების ვადა განისაზღვრება 5 წლით მისი გაცემის დღიდან. სამგზავრო პასპორტის მოქმედების ვადის გაგრძელება დასაშვებია არაუმეტეს 5 წლით, თუ მისი მფლობელი ამ სტატუსით დროებით ან ემიგრაციის მიზნით მიემგზავრება საზღვარგარეთ. სხვა სახელმწიფოში ემიგრირებულ (საცხოვრებლად დარჩენილ) მოქალაქეობის არმქონე პირს სამგზავრო პასპორტის მოქმედების ვადა არ გაუგრძელდება.

3. არასრულწლოვან პირზე გაცემული პასპორტისა და სამგზავრო პასპორტის მოქმედების ვადაა 3 წელი მისი გაცემის დღიდან. არასრულწლოვან პირზე გაცემული პასპორტისა და სამგზავრო პასპორტის მოქმედების ვადა გაგრძელებას არ ექვემდებარება და საჭიროების შემთხვევაში მასზე უნდა გაიცეს ახალი პასპორტი.

    მუხლი 25. პასპორტის და სამგზავრო პასპორტის რეკვიზიტები

პასპორტისა და სამგზავრო პასპორტის რეკვიზიტებია:

ა) პასპორტის მფლობელის სახელი;

ბ) პასპორტის მფლობელის გვარი;

გ) პასპორტის მფლობელის მოქალაქეობა;

დ) პასპორტის მფლობელის დაბადების თარიღი;

ე) პასპორტის მფლობელის პირადი ნომერი;

ვ) პასპორტის მფლობელის ფოტოსურათი;

ზ) პასპორტის მფლობელის სქესი;

თ) პასპორტის მფლობელის დაბადების ადგილი;

ი) პასპორტის გაცემის თარიღი;

კ) პასპორტის მოქმედების ვადა;

ლ) თანამდებობის პირის ხელმოწერა.;

მ) პასპორტის მფლობელის ხელმოწერა;

ნ) ბეჭედი;

ო) ცნობები არასრულწლოვანის შესახებ, თუ ისინი პასპორტის მფლობელთან ერთად აპიებენ გამგზავრებას (სახელი, გავრი, დაბადების თარიღი, სქესი და ფოტოსურათები).

პ) დაბადების ადგილი;

ჟ) პასპორტის გამცემი ორგანო;

რ) პასპორტის ტიპი;

ს) ქვეყნის კოდი;

ტ) პასპორტის ნომერი;

უ) მანქანური კითხვისათვის განკუთვნილი ველი (ივსება ავტომატურ რეჟიმში, სათანადო პროგრამული უზრუნველყოფის საფუძველზე).

    მუხლი 26. პასპორტის (სამგზავრო პასპორტის) შეცვლა

1. პასპორტი (სამგზავრო პასპორტი) ექვემდებარება შეცვლას შემდეგ შემთხვევებში:

ა) სახელის, გვარის გამოცვლისას;

ბ) ჩანაწერებში უზუსტობის დადგენისას;

გ) ვიზებისა და მოქმედების ვადის გაგრძელებისათვის განსაზღვრული ფურცლების გახარჯვისას;

დ) ხმარებისათვის უვარგისობისას (გაცვეთა, დაზიანება).

2. პასპორტის (სამგზავრო პასპორტის) შესაცვლელად განმცხადებელმა საცხოვრებელი ადგილის ტერიტორიუოლი ორგანოში, უნდა შეავსოს ახალი განცხადება-ანკეტა და წარადგინოს: პირადობის (ბინადრობის) მოწმობა, შესაცვლელი პასპორტი (გამონაკლისია დაკარგვის შემთხვევა), სახელმწიფო ბაჟის გადახდის დამადასტურებელი საბანკო ქვითარი და 2 ცალი ფერადი ფოტოსურათი 3.5X4.5).

3. სახელის, გვარის გამოცვლისას, აგრეთვე ჩანაწერებში უზუსტობის დადგენისას პასპორტის (სამგზავრო პასპორტი) შეცვლის დროს შუამდგომლობას დამატებით დაერთვის ამ გარემოებათა დამადასტურებელი საბუთები (სახელის, გვარის გამოცვლის მოწმობის პირი, დაბადების, ქორწინების მოწმობის პირი და ა.შ.).

4. დაკარგულის ნაცვლად ახალი პასპორტი (სამგზავრო პასპორტი) გაიცემა პირველადი პასპორტის საბუთებზე დაყრდნობით ამ თავით დადგენილი წესების შესაბამისად.

5. დაკარგული პასპორტები კომპიუტერულ მონაცემთა ბანკში აღირიცხება ცალკე და კონტროლისათვის რეკვიზიტები გადაეცემა საქართველოს შინაგან საქმეთა სამინისტროს სასაზღვრო გამტარ პუნქტებს, საქართველოს საგარეო საქმეთა სამინისტროს საკონსულო დეპარტამენტს და ტერიტორიულ ორგანოებს. დაკარგული პასპორტის გამოყენების მცდელობის შემთხვევაში დაუყოვნებლივ მიიღება კანონით გათვალისწინებული ზომები. ნაპოვნი პასპორტები ბარდება შესაბამის ტერიტორიულ ორგანოს, იხსნება კონტროლიდან და მონაცემთა ბაზაში სათანადო ინფორმაციის შეტანის შემდეგ ნადგურდება ოქმის გაფორმებით. ოქმი ინახება შესაბამისი ტერიტორიული ორგანოს არქივში.

6. იმ პასპორტის (სამგზავრო პასპორტი) გამოცვლისას, რომელსაც ახლავს სხვა სახელმწიფოს მოქმედი საკონსულო ვიზა, ძალადაკარგული პასპორტის ბოლო გვერდზე აღინიშნება, რომ იგი შეიცავს მოქმედ საკონსულო ვიზას.

7. გამოცვლილი პასპორტი ანულირების შემდეგ, ახალ პასპორტთან ერთად უბრუნდება მფლობელს. გამოცვლილი პასპორტის ანულირებისათვის აუცილებელია:

ა) ნომრის ამოჭრა პასპორტის 1-ლი გვერდიდან და მასალებზე დართვა ან პასპორტის პერფორაცია (გახვრეტა) მთელ სისქეზე;

ბ)  სათანადო ინფორმაციის შეტანა სამოქალაქო რეესტრის მონაცემთა ბაზაში.

8. პასპორტის გამოცვლის თაობაზე განცხადებათა მიღება, განხილვა, გადაწყვეტილების მიღება და სათანადო დოკუმენტების გაფორმება-გაცემა ხორციელდება ამ ინსტრუქციით დადგენილი წესებისა და ვადების დაცვით.

    მუხლი 27. პასპორტის (სამგზავრო პასპორტი) ჩაბარება

1. პირი, რომელსაც საქართველოს კანონმდებლობის შესაბამისად შეუწყდა საქართველოს მოქალაქეობა ვალდებულია ჩააბაროს პასპორტი შესაბამის ტერიტორიულ ორგანოს, საქართველოს დიპლომატიურ წარმომადგენლობას ან საკონსულო დაწესებულებას საზღვარგარეთ.

2. საქართველოში მუდმივად მცხოვრები მოქალაქეობის არმქონე პირი, რომელსაც საქართველოს კანონმდებლობის შესაბამისად აღარ აქვს საქართველოში მუდმივად ცხოვრების უფლება, ვალდებულია ჩააბაროს სამგზავრო პასპორტი შესაბამის ტერიტორიულ ორგანოს, საქართველოს დიპლომატიურ წარმომადგენლობას ან საკონსულო დაწესებულებას საზღვარგარეთ.

3. პასპორტი (სამგზავრო პასპორტი), რომელშიც თვითნებურად არის შეტანილი შესწორებები ან შეიმჩნევა გაყალბება, დაშლა და სხვა, უნდა ჩამოერთვას მფლობელს.

    მუხლი 28. პასუხისმგებლობა

პირები, რომლებიც თვითნებურად შეიტანენ შესწორებებს, გააყალბებენ პასპორტს (სამგზავრო პასპორტი) ან სხვაგვარად დაარღვევენ კანონმდებლობით ან ამ თავით დადგენილ წესებს, პასუხს აგებენ საქართველოს კანონმდებლობის შესაბამისად.

დანართი №1

იუსტიციის სამინისტროს ტერიტორიული ორგანოს საპასპორტო და მოსახლეობის რეგისტრაციის სამსახურების კოდური აღნიშვნები და ამ ორგანოებზე მიმაგრებული ბეჭდების ნომრების ჩამონათვალი

 

 

დანართი №2

 

პირადობის (ბინადრობის) მოწმობებისა და პასპორტების

პერსონალიზაციისა და ლამინირების წესები

1. პირადობის (ბინადრობის) მოწმობის პერსონალიზაცია ანუ შევსება წარმოებს ქართულ ენაზე, ხოლო აფხაზეთის ავტონომიური რესპუბლიკის მოსახლეობისათვის _ ქართულ და აფხაზურ ენებზე, სპეციალური საბეჭდი მოწყობილობის გამოყენებით, შესწორების გარეშე.

2. პირადობის (ბინადრობის) მოწმობის პერსონალიზაცია ხდება ამ ინსტრუქციის მე-10 მუხლით გათვალისწინებული წესების დაცვით.

3. პასპორტების პერსონალიზაცია წარმოებს ქართულ და ინგლისურ ენებზე, სამოქალაქო ავიაციის საერთაშორისო ორგანიზაციის (ICAO-ს) მიერ დადგენილი სტანდარტული ნორმატივების შესაბამისად.

4. პასპორტების პერსონალიზაციისათვის გამოიყენება სპეციალური კომპიუტერული ტექნიკა და პასპორტების საბეჭდი მოწყობილობა (პრინტერი).

5. პასპორტების პერსონალიზაცია ხდება პირადობის (ბინადრობის) მოწმობის გაცემისას სამოქალაქო რეესტრში შეტანილი მონაცემების საფუძველზე.

6. პირადობის (ბინადრობის) მოწმობებისა და პასპორტების პერსონალიზაციისათვის გამოყენებული ტექნიკა, ამ დოკუმენტების ბეჭდვის, მფლობელთა ფოტოგამოსახულების სკანირებისა და შესაბამისი პერსონიფიცირებული მონაცემების დამახსოვრების პარალელურად უნდა უზრუნველყოფდეს ყოველი გახარჯული ბლანკის აღრიცხვას, ასევე დაკარგული, მოქმედების ვადაგაგრძელებული და გაუქმებული (ძალადაკარგული) პირადობის (ბინადრობის) მოწმობებისა და პასპორტების ცალკე დიაპაზონებში მოთავსებას, საიდენტიფიკაციო და საპასპორტო მონაცემების (მათ შორის ფოტოგამოსახულების) ძებნას სხვადასხვა პარამეტრების მიხედვით, სტატისტიკური და საცნობარო ხასიათის დოკუმენტების ოპერატიულად შედგენას და ბეჭდვას.

7. პირადობის (ბინადრობის) მოწმობებისა და პასპორტების ბეჭდვის, ასევე ამ მუხლის პირველი პუნქტით გათვალისწინებული სხვა მოქმედებების განსახორციელებლად საჭირო ერთიანი კომპიუტერული პროგრამის შემუშავებას, სისტემაში დანერგვას და ტექნიკური პერსონალის მომზადებას უზრუნველყოფს იუსტიციის სამინისტრო. ტექნიკასთან მომუშავე ყველა ოპერატორმა უნდა იხელმძღვანელოს სპეციალური ინსტრუქციით.

8. პირადობის (ბინადრობის) მოწმობებისა და პასპორტების შევსებისას, შესაბამისი კომპიუტერული პროგრამების შედგენისას და სამოქალაქო რეესტრის მონაცემთა ბაზებში ინფორმაციის შეტანისას გათვალისწინებული და, საჭიროების შემთხვევაში, შესაბამის სახელმწიფო უწყებასთან (ენათმეცნიერების ინსტიტუტთან) შეთანხმებულ უნდა იქნეს ენობრივი ნორმების დაცვასთან დაკავშირებული შემდეგი საკითხები:

ა) ქართული გვარ-სახელების მართლწერა;

ბ) არაქართული გვარ-სახელების მართლწერა;

გ) დაბადებისა და საცხოვრებელი ადგილების აღმნიშვნელი ტოპონიმიკური და გეოგრაფიული სახელების სწორად დაფიქსირება;

დ) ქართული და არაქართული გვარ-სახელების, ასევე გეოგრაფიული სახელების სწორი ინგლისური ტრანსლიტერაცია.

9. შევსების შემდეგ პირადობის (ბინადრობის) მოწმობისა და პასპორტის გრაფაში: “მფლობელის ხელმოწერა” სავალდებულოა მფლობელმა შეასრულოს საკუთარი ხელმოწერა. იმ შემთხვევაში, როცა 9 წლამდე ასაკის არასრულწლოვანი ან ქმედუუნარო პირის სახელზე გაიცემა პასპორტი, პასპორტის ამ გრაფაში ხელმოწერას შეასრულებს არასრულწლოვანი პირის კანონიერი წარმომადგენელი.

10. სათანადო უფლებამოსილების მქონე თანამდებობის პირის ხელმოწერით და შესაბამის ორგანოზე მიმაგრებული ბეჭდით დამოწმების შემდეგ პირადობის (ბინადრობის) მოწმობას და პასპორტის უკანა ყდის შიგნითა გვერდს, სადაც მფლობელის ფოტოსურათთან ერთად ვიზუალური და მანქანური კითხვისათვის განკუთვნილი მონაცემებია შეტანილი, 32-ე გვერდის ქვედა ნაწილის ჩათვლით, ლამინირების აპარატით გადაეკვრება სპეციალური დამცავი გარსი.

11. გასაცემად გამზადებული პირადობის (ბინადრობის) მოწმობის ან/და პასპორტის მიღებას მფლობელი ადასტურებს პირადი ხელმოწერის შესრულებით და თარიღის დასმით მის მიერ ჩაბარებული განცხადება-ანკეტის უკანა მხარეზე, ამისათვის განკუთვნილ გრაფებში, რის შემდეგაც განცხადება ჩამოიწერება და შეინახება დადგენილი წესით.

12. პასუხისმგებლობა პირადობის (ბინადრობის) მოწმობასა და პასპორტში, ასევე სამოქალაქო რეესტრის მონაცემთა ბაზაში შეტანილი მონაცემების სისწორეზე ეკისრებათ შესაბამის თანამდებობის პირებს. კომპიუტერული მეხსიერების ბანკში მონაცემების უშეცდომოდ შეტანასა და პირადობის (ბინადრობის) მოწმობის ან პასპორტის ბეჭდვაზე პასუხისმგებელია უშუალოდ ტექნიკასთან მომუშავე პერსონალი.

დანართი №3

საქართველოს მოქალაქის პირადობის მოწმობისა და პასპორტების,

საქართველოში მცხოვრები უცხოელებისა და მოქალაქეობის არმქონე პირების ბინადრობის მოწმობებისა და სამგზავრო დოკუმენტების დასამოწმებლად განკუთვნილი ბეჭდებისა და შტამპების აღწერილობა

1. პირადობის (ბინადრობის) მოწმობების დასამოწმებლად გამოიყენება ქართულენოვანი (აფხაზეთის მოსახლეობისათვის _ ქართულ-აფხაზურ ენოვანი) გერბიანი საგოზავი ბეჭედი, რომელზედაც წრიულად იკითხება წარწერა: “სამოქალაქო რეესტრი”. პირადობის (ბინადრობის) მოწმობის გაფორმება-გაცემის უფლებამოსილების მქონე თითოეული ტერიტორიული ორგანოსათვის უნდა დამზადდეს ცალკე ბეჭედი, რომელზედაც გერბის ქვემოთ გამოსახული უნდა იყოს ამ ორგანოს კოდური აღნიშვნა. კოდი უნდა შეესაბამებოდეს ტერიტორიული ორგანოს მიერ მოქალაქეებზე მინიჭებული პირადი ნომრის პირველ ხუთ ციფრს. ბეჭდის დიამეტრი: 20-25 მმ.

2. პირადობის (ბინადრობის) მოწმობებში ჩაკრული ფოტოსურათების დასამოწმებლად გამოიყენება აგრეთვე მეტალისაგან დამზადებული რელიეფური ჭყლეტის ბეჭედი, რომელიც მზადდება თითოეული ტერიტორიული ორგანოსათვის ცალ-ცალკე, იმავე კოდებით. ბეჭდის დიამეტრი: იგივე.

3. საქართველოს მოქალაქის პასპორტისა და მოქალაქეობის არმქონე პირის სამგზავრო პირადობის მოწმობის (პასპორტის) დასამოწმებლად გამოიყენება გერბიანი საგოზავი ბეჭედი ქართულ-ინგლისურენოვანი წარწერით:
“საქართველოს იუსტიციის სამინისტრო”. პასპორტების გაცემის უფლებამოსილების მქონე თითოეული ორგანოსათვის უნდა დამზადდეს ცალკე ბეჭედი ამ ორგანოს კოდური აღნიშვნით. ბეჭდის დიამეტრი: 25-30 მმ.

4. საქართველოს მოქალაქის (საქართველოში მცხოვრები უცხოელისა და მოქალაქეობის არმქონე პირის) რეგისტრაციაში გატარების დასამოწმებლად გამოიყენება სპეციალური შტამპი, რომელზედაც უნდა იკითხებოდეს იმ ტერიტორიული ორგანოს დასახელება, რომელიც ამ შტამპით სარგებლობს, ასევე სიტყვა: “რეგისტრირებულია”, რეგისტრაციის განხორციელების თარიღი და შესაბამისი თანამდებობის პირის ხელმოწერა. შტამპის ზომა: 20X25მმ;

5. საქართველოს მოქალაქის (საქართველოში მცხოვრები უცხოელისა და მოქალაქეობის არმქონე პირის) რეგისტრაციიდან მოხსნის დასამოწმებლად გამოიყენება იგივე მახასიათებლების მქონე შტამპი, რომელზედაც უნდა იკითხებოდეს სიტყვები: “რეგისტრაციიდან მოხსნილია”.

6. საქართველოში დროებით მყოფი უცხოელების რეგისტრაციაში გატარების დასადასტურებლად გამოიყენება შტამპი, რომელზედაც ამ დოკუმენტის მე-4 პუნქტში აღნიშნულ რეკვიზიტებთან ერთად იკითხება აგრეთვე უცხოელის საქართველოში ყოფნის ნებადართული ვადა. შტამპის ზომა5 28X50მმ;

დანართი№ 4

ფორმა №1

გ ა ნ ც ხ ა დ ე ბ ა - ა ნ კ ე ტ ა

ფოტო 3.5X4.2

პირადობის (ბინადრობის) მოწმობის გაცემის (შეცვლის შესახებ)

1. პირადი №

 

 

 

 

2.–––––––––––––––––––––––  3. –––––––––––––––––––––– 4.    –––––––––––––––––––––––

                    გვარი                                         სახელი                                   მამის სახელი

 

5.		6.
	გამოცვლილი გვარი (სახელი)		დაბადების წელი,					რიცხვი,			თვე

 

 

 

7. ––––––––––––––––  8. –––––––––––  9. ––––––––––––––––––––––––––––––––––––––––––––––––––––––––––––––––––

    დაბადების ადგილი        მოქალაქეობა         ოჯახური მდგომარეობა, მეუღლის გვარი, სახელი,დაბადების წელი და მოქალაქეობა                   

10. ––––––––––––––––––––––––––––––––––––––––––––––––––––––––––––––––––––––––––––––––––––––––––––––––––

რეგისტრაციის ადგილი (მისამართი)

11. –––––––––––––––––––––––––––––––––––––––––––––––––––––––––––––––––––––––––––––––––––––––––

 მისამართი, სადაც გსურთ რეგისტრაცია

12 .––––––––––––––––––––––––––––––––––––––––––––––––––––––––––––––– –––––––––––––––––––––––––––

პირადობის დამადასტურებელი საბუთი, რომელსაც თქვენ ფლობთ ან ფლობდით (სერია, ნომერი, გაცემის თარიღი და გამცემი ორგანოს დასახელება)

 

13. თხოვნა: ა) პირველი პირადობის (ბინადრობის) მოწმობის გაცემა; ბ) ახალ მისამართზე რეგისტრაცია და პირადობის (ბინადრობის) მოწმობის შეცვლა; გ) დაკარგული პირადობის (ბინადრობის) მოწმობის აღდგენა დ) მოწმობის გამოცვლა მოქალაქეობის შეცვლასთან დაკავშირებით; ე) ხმარებისათვის უვარგისი მოწმობის შეცვლა (სწორი პასუხი შემოხაზეთ).

14. ჩემთან ერთად გთხოვთ რეგისტრაციაში გაატაროთ 16 წლამდე ასაკის შვილ(ებ)ი, ქმედუუნარო პირ(ებ)ი:

 

 

––––––––––––––––––––––––––                                                                           ––––––––––––––––––––––

      პირადი ხელმოწერა                                                                                                    შევსების თრიღი

 

 

 

უკანა მხარე

სამსახურებრივი აღნიშვნები

 

განცხადების რეგისტრაციის №––––––––––––––––––           თარიღი –––––––––––––––––––––

 

განცხადება-ანკეტაში შეტანილი მონაცემების სისწორე შევამოწმე და პირადობის (ბინადრობის) მოწმობის გაცემის შესახებ გადაწყვეტილება მივიღე:

 

––––––––––––––––––––––––– სამსახურის უფროსი: –––––––––––––––––––––    ––––––––––––––––––––––––

       ორგანოს დასახელება                                                                        ხელმოწერა                                    თარიღი

 

 

რეგისტრაციის საფუძველი: ა) საცხოვრისის საკუთრების დამადასტურებელი დოკუმენტი; ბ) მესაკუთრის თანხმობა; გ) გადაწყვეტილება მისამართის გარეშე რეგისტრაციის შესახებ (შემოხაზეთ სწორი პასუხი მიუთითეთ დოკუმენტის ნომერი და თარიღი) –––––––––––––––––––––––––––––––––––––––––––––– –––––––––––––––––––––––––––––––––––––––––––––– ––––––––––––––––––––––––––––––––––––––––––––––

რეგისტრაციიდან მოხსნის საფუძველი:  ა) მისამართის გამოცვლა ბ) ემიგრაცია გ) გარდაცვალება –––––––––––––––––––––––––––––––––––––––––––––– (მიუთითეთ საფუძველი) –––––––––––––––––––––––––––––––––––––––––––––– ––––––––––––––––––––––––––––––––––––––––––––––

„ ––––– ¨ –––––––––––––––––––––– 200 –––წ.                                   „ –––– ¨ ––––––––––––––––––––––––––––– 200 ––წ

             (რეგისტრაციის თარიღი)                                                                      (რეგისტრაციიდან მოხსნის თარიღი)

 

პირის მოქალაქეობრივ მდგომარეობაში მომხდარი ცვლილებები

(ცვლილების არსი და საფუძველი)

 

 

წინა მხარე

 ფორმა №1„ა“

გ ა ნ ც ხ ა დ ე ბ ა - ა ნ კ ე ტ ა

ფოტო 3.5X4.2

                                       პასპორტის გაცემის (შეცლის) შესახებ

 

1. პირადი №

 

 2. პირადობის (ბინადრობის) მოწმობა ––––––––––––––– 3. გაცემის თარიღი –––––––––––

                                                                                         (სერია და ნომერი)

 4. გვარი, სახელი, მამის სახელი ––––––––––––––––––––––––––––––––––––––––––––––––––––––––––––––––––––––––

                                                                              თუ ადრე ატარებდით სხვა გვარს ან სახელს, უჩვენეთ აგრეთვე გამოცვლილი გვარი, სახელი

 

5.

დაბადების წელი

რიცხვი

თვე

 

 

 

6. დაბადების ადგილი ––––––––––––––––––––––––––––––––––––––––– 7. –––––––––––––––––––––––––––––––

                                                  (სახელმწიფო და დასახლებული პუნქტი)                       (მოქალაქეობა)

 

 8. საცხოვრებელი ადგილი –––––––––––––––––––––––––––––––––––––––––––––––––––––––––––––––––––––––––––––

(მისამართი, სადაც თქვენ ხართ რეგისტრირებული)

 9. თხოვნა: ა) პირველი პასპორტის გაცემა; ბ) პასპორტის შეცვლა; გ) დაკარგული პასპორტის აღდგენა;                   დ) პასპორტის მოქმედების ვადის გაგრძელება (სწორი პასუხი შემოხაზეთ).

10. პასპორტში შესატანი მონაცემები არასრულწლოვანი პირ(ებ)ის შესახებ:

 

გვარი, სახელი, მამის სახელი	დაბადების წელი, რიცხვი, თვე და ადგილი
1. 2.

 

 11. ჩემთვის ცნობილია, რომ განცხადებაში არასწორი მონაცემების შეტანა და ყალბი საბუთების

 წარდგენა გამოიწვევს პასპორტის გაცემაზე (ვადის გაგრძელებაზე) უარის თქმას:

 12. ––––––––––––––––––––––––––  13. ––––––––––––––––––––––––––––  14.–––––––––––––––––––––––––––––

               (პირადი ხელმოწერა)                             (შევსების თარიღი)                                (ტელეფონის ნომერი)

 

 

 

 

უკანა მხარე

ს ა მ ს ა ხ უ რ ე ბ რ ი ვ ი  ა ღ ნ ი შ ვ ნ ე ბ ი

 

განცხადება მიიღო და შევსების სისწორე შეამოწმა: –––––––––––––––––––––––  ––––––––––––––––––––––––––             (ხელმოწერა)                                (გვარი) განცხადების სარეგისტრაციო ნომერი ––––––––––––––– რეგისტრაციის თარიღი –––––––––––––––––––––––––––

პასპორტის გაცემისათვის დაწესებული ბაჟის გადახდის დამადასტურებელი საბანკო ქვითარი

აღნიშვნები პასპორტის გაცემის შესახებ: 1. გაფორმდა პასპორტი № –-––––––––––––––––––––––––– პასპორტი მივიღე: ––––––––––––––––––––––––––––––––––                                                    (მოქ. ხელმოწერა)                                  „–––––”––––––––––––––––––200 ––– წ. პასპორტი გასცა: –––––––––––––––––––––––––––––––––––                                                (ხელმოწერა, გვარი) 2. პასპორტის გაცემაზე ეთქვა უარი საფუძველი: ––––––––––––––––––––––––––––––––––––––           ეცნობა: –––––––––––––––––––––––––––––––––––––                                   (ტელეფონით, პირად მიღებაზე)   –––––––––––––––––––– „–––––”–––––––––––––200 ––– წ.

სხვა აღნიშვნები:                   –––––––––––––––––––––––––––––––––––––––––– (თანამდებობის პირის ხელმოწერა)

 

 

ფორმა №2   ––––––––––––––––––––––––––––––––––––––––––––––––––––––––––––––––– ტერიტორიული ორგანოს დასახელება     პირადობის (ბინადრობის) მოწმობებისა და პასპორტების გაცემის აღრიცხვის   ჟურნალი    დაწყება: „–––––”–––––––––––––200 ––– წ.  დამთავრება: „–––––”–––––––––––––200 ––– წ.

 

 

 

 

 

 

 

ბლანკის სახეობა –––––––––––––––––––––

 

 

 ფორმა №3

საცხოვრისის მესაკუთრის (დამქირავებლის)

თ ა ნ ხ მ ო ბ ა

საქართველოს მოქალაქის ან საქართველოში მცხოვრები უცხოელის რეგისტრაციაზე

მე, ––––––––––––––––––––––––––––––––––––––––––––––––––––––––––––––––––––––––––––––––––––––––––––––––––

საცხოვრისის მესაკუთრის (დამქირავებლის) სახელი და გვარი

თანახმა ვარ, რომ –––––––––––––––––––––––––––––––––––––––––––––––––––––––––––––––––––––––––––––––––––––

რეგისტრაციაში გასატარებელი პირის სახელი, გვარი, დაბადების თარიღი და პირადი №

რეგისტრირებულ იქნეს ჩემ საკუთრებაში (სარგებლობაში) არსებულ ბინაში (სახლში)

შემდეგ მისამართზე: ––––––––––––––––––––––––––––––––––––––––––––––––––––––––––––––––––––––––––––––––––

–––––––––––––––––––––––––––––––––––––––––––––––––––––––––––––––––––––––––––––––––––––––––––––––––––––

–––––––––––––––––––––––––––––––––––––––––––––––––––––––––––––––––––––––––––––––––––––––––––––––––––––

–––––––––––––––––––––––––––––––––––––––––                                     ( –––––––––––––––––––––––––––––––––––––––––– )

              (ბინის მფლობელის ხელმოწერა)

––––––––––––––––––––––––

თარიღი

პირის რეგისტრაციაში გატარების სააღრიცხვო ბარათი. ფორმა №4

 

 

წინა მხარე

ფორმა №5

 

უკანა მხარე

მასთან ერთად რეგისტრაციიდან მოხსნილი 16 წლამდე ასაკის შვილები:

 

 

 

ბ. ა.   რეგისტრაციიდან მოხსნის აღმნიშვნელი შტამპის ადგილი

148X104 მმ

 

წინა მხარე

(რეგისტრაციის ორგანოს დასახელება, რომელსაც ეგზავნება მოთხოვნა)

 

 –––––––––––––––––––––––––––––––––––––––––––––––––––––––––––––––––––––––––––––––––––––––––

მ ო თ ხ ო ვ ნ ა

პირის მონაცემების შემოწმების შესახებ

მოქალაქე –––––––––––––––––––––––––––––––––––––––––––––––––––––––––––––––––––––––––––––––––––––––––––––

გვარი, სახელი

 

პირადი №

 

 

 

 

დაბადების წელი                  რიცხვი                                  თვე

 

შემოვიდა განცხადებით თქვენ მიერ „–––––”–––––––––––––200 ––– წ. გაცემული პირადობის (ბინადრობის) მოწმობის დაკარგვისა და მის ნაცვლად ახალი მოწმობის გაცემის შესახებ.

გთხოვთ შეამოწმოთ აღნიშნულ პირზე პირადობის (ბინადრობის) მოწმობის გაცემის ფაქტი, აგრეთვე ამ მოთხოვნასა და ფორმა №1-ში ჩაკრული ფოტოსურათების იდენტურობა და შედეგების შესახებ გვაცნობოთ დაუყოვნებლივ.

 

 

ორგანოს დასახელება და თანამდებობის პირის ხელმოწერა თარიღი „–––––”–––––––––––––200 ––– წ.

 

უკანა მხარე

–––––––––––––––––––––––––––––––––––––––––––––––––––––––––––––––––––––––––––––-–––––––––––––––––––

(რეგისტრაციის ორგანოს დასახელება, რომელსაც ეგზავნება პასუხი)

 

 

თქვენი მოთხოვნის პასუხად გაცნობებთ:

 

მოქალაქე –––––––––––––––––––––––––––––––––––––––––––––––––––––––––––––––––––––––––––––––––––––––––– ზე

გვარი, სახელი

პირადობის (ბინადრობის) მოწმობის გაცემის, ასევე თქვენ მიერ წარმოდგენილ ფოტოსურათზე და ფორმა №1-ში ჩაკრულ ფოტოსურათზე გამოსახული პირის იდენტურობას ვადასტურებთ, არ ვადასტურებთ (სწორი პასუხი შემოხაზეთ).

 

 დანართი: ფორმა №1-ის ასლი.

 

ორგანოს დასახელება

 და თანამდებობის პირის ხელმოწერა –––––––––––––––––––––––––––––––––––––––––––––––––

 

თარიღი „–––––”––––––––200 ––– წ.

148X104 მმ

შეტყობინება

პირის რეგისტრაციაში გატარების, რეგისტრაციიდან მოხსნის, პირადობის დამადასტურებელი დოკუმენტის შეცვლის ან მოქალაქეობრივ მდგომარეობაში მომხდარი ცვლილების შესახებ.

(საჭირო ვარიანტი შემოხაზეთ)

 

ფორმა №7 ––––––––––––––––––––––––––––––––––––––––––––––––––––––––––––––––––––––––––––––––––––––––– ორგანოს დასახელება, რომელსაც ეგზავნება შეტყობინება შეტყობინება № ––––––––––––––––––––– 1. –––––––––––––––––––––––––––––––––––––––––––––––– 2. –––––––––––––––––––––––––––––––––––––––––––                                           გვარი                                                                                       სახელი 3. –––––––––––––––––––––––––––––––––––––––––––––––– 4. –––––––––––––––––––––––––––––––––––––––––––                                      დაბადების თარიღი                                                                        სქესი   5. –––––––––––––––––––––––––––––––––––––––––––––––– 6. –––––––––––––––––––––––––––––––––––––––––––                                         დაბადების ადგილი                                                                 მოქალაქეობა    7. პირადი №                         8. პირადობის (ბინადრობის) მოწმობა №   9. გაცემული ––––––––––––––––––––––––––––––––––––––––––––––––––––––––––––––––––––––––––––––––––––                                                                                        გაცემის თარიღი და ორგანო –––––––––––––––––––––––––––––––––––––––––––––––––––––––––––––––––––––––––––––––––––––––––––––––– რომელმაც იგი გასცა

 

10. შეტყობინების შინაარსი: ––––––––––––––––––––––––––––––––––––––––––––––––––––––––––––––––––––––––––––––––––––––––––––––––– ––––––––––––––––––––––––––––––––––––––––––––––––––––––––––––––––––––––––––––––––––––––––––––––––– ––––––––––––––––––––––––––––––––––––––––––––––––––––––––––––––––––––––––––––––––––––––––––––––––– ––––––––––––––––––––––––––––––––––––––––––––––––––––––––––––––––––––––––––––––––––––––––––––––––– –––––––––––––––––––––––––––––––––––––––––––––––––––––––––––––––––––––––––––––––––––––––––––––––––   11. შეტყობინების გაგზავნის მიზანი: ––––––––––––––––––––––––––––––––––––––––––––––––––––––––––––––– ––––––––––––––––––––––––––––––––––––––––––––––––––––––––––––––––––––––––––––––––––––––––––––––––– შეტყობინების გამგზავნი ორგანოს დასახელება   12. შეტყობინების საფუძველზე განხორციელებული ღონისძიება ––––––––––––––––––––––––––––––––––––––––––––––––––––––––––––––––––––––––––––––––––––––––––––––––– ––––––––––––––––––––––––––––––––––––––––––––––––––––––––––––––––––––––––––––––––––––––––––––––––– ––––––––––––––––––––––––––––––––––––––––––––––––––––––––––––––––––––––––––––––––––––––––––––––––– –––––––––––––––––––––––––––––––––––––––––––––––    ––––––––––––––––––––––––––––––––––––––––––––––––           თანამდებობის პირის ხელმოწერა ,გვარი                                                               თარიღი                                                                                                                                 ბ.ა.

 

 

 

ფორმა №8

წინა მხარე                                                                                                                                                                       

საინფორმაციო ბარათი

I.  მ ო თ ხ ო ვ ნ ა

საინფორმაციო-სამისამართო სამსახურს მონაცემების შემოწმების თაობაზე

გვარი –––––––––––––––––––––––––––––––––––––––––––––––––––––––––––––––––––––––––––––––––––––––––––––

სახელი ––––––––––––––––––––––––––––––––––––––––––––––––––––––––––––––––––––––––––––––––––––––––––––

დაბადების თარიღი –––––––––––––––––––––––––––––––––––––––––––––––––––––––––––––––––––––––––––––––––

დაბადების ადგილი –––––––––––––––––––––––––––––––––––––––––––––––––––––––––––––––––––––––––––––––––

ინფორმაცია მოგვაწოდეთ მოთხოვნის უკანა მხარეზე შემოხაზული გრაფების მიხედვით.

–––––––––––––––––––––––––––––––––––––––––––––––––––––––––––––––––––––––––––––––––––––––––––––––––––

(მონაცემების შემოწმებით დაინტერესებული ორგანოს დასახელება)

თანამდებობის პირის ხელმოწერა    ––––––––––––––––––––––––––––––––––––––––––––––––––––––––––––––––

 

„-------“ ------------------------------------ 200 წ.

                                                                                                                                                   გაცემის თარიღი

 

 

 

უკანა მხარე

II. საინფორმაციო-სამისამართო სამსახურის

მ ო ნ ა ც ე მ ე ბ ი :

1. გვარი –––––––––––––––––––––––––––––––––––––––––––––––––––––––––––––––––––––––––––––––––––––––––––

2. სახელი –––––––––––––––––––––––––––––––––––––––––––––––––––––––––––––––––––––––––––––––––––––––––

3. მსგავსი გვარი და სახელი ––––––––––––––––––––––––––––––––––––––––––––––––––––––––––––––––––––––––

4. სქესი –––––––––––––––––––––––––––––––––––––––––––––––––––––––––––––––––––––––––––––––––––––––––––

რიცხვი

თვე

5. დაბადების წელი

 

6. დაბადების ადგილი –––––––––––––––––––––––––––––––––––––––––––––––––––––––––––––––––––––––––––––––

7. მოქალაქეობა –––––––––––––––––––––––––––––––––––––––––––––––––––––––––––––––––––––––––––––––––––––

8. პირადი №

9. პირადობის (ბინადრობის)

 მოწმობის სერია და №

10. რეგისტრაციის ადგილი და თარიღი –––––––––––––––––––––––––––––––––––––––––––––––––––––––––––––––

11. რეგისტრაციიდან მოხსნის თარიღი ––––––––––––––––––––––––––––––––––––––––––––––––––––––––––––––––

12. სხვა მონაცემები –––––––––––––––––––––––––––––––––––––––––––––––––––––––––––––––––––––––––––––––––

                                                                                              გვარის გამოცვლა, წინა რეგისტრაციის ადგილი და ა.შ.

–––––––––––––––––––––––––––––––––––––––––––––––––––––––––––––––––––––––––––––––––––––––––––––––––––

მონაცემები შეამოწმა და ინფორმაცია გასცა: ––––––––––––––––––––––––––––––––––––––––––––––––––––––––––

                                                                                                                            გვარი და ინიციალები

–––––––––––––––––––––––––

                           თარიღი

 

148X104

–––––––––––––––––––––––––––––––––––––––––––––––––––––––––––––––––––––––––––––––––––––––––––––––––––

 (ტერიტორიული ორგანოს დასახელება)

ანგარიში

200 წლის ––––––––––––––––––––

                         (პერიოდი)

 

I. გაცემულია საქართველოს მოქალაქის პირადობის მოწმობა:	სულ				1
	მათ შორის	25 წლამდე ასაკის პირებზე			2
		45 წლამდე ასაკის პირებზე			3
		გამოცემულია სახელის ან გვარის შეცვლის, ჩანაწერებში უზუსტობის აღმოჩენის, ხმარებისათვის უვარგისობის ან დაკარგვის შედეგად			4
II. გაცემულია (შეცვლილია) ბინადრობის მოწმობა:	სულ				5
	მათ შორის	უცხო ქვეყნის მოქალაქეებზე			6
		მოქალაქეობის არმქონე პირებზე			7
III. პირადობისა და ბინადრობის მოწმობების გაცემისათვის ბიუჯეტში შეტანილია თანხა (ლარებში):					8
IV.  რეგისტრირებულია საქართველოს მოქალაქეები:	სულ				9
	მათ შორის		სხვა რაიონიდან (ქალაქიდან ) საცხოვრებლად გადმოსული საქართველოს მოქალაქე		10
			მისამართის მითითების გარეშე რეგისტრირებული პირი		11
			უცხოეთიდან დაბრუნებული საქართველოს მოქალაქე		12
V.  რეგისტრირებულია უცხოელები:	სულ				13
	მათ შორის		სხვა რაიონიდან (ქალაქიდან) საცხოვრებლად გადმოსული უცხოელი		14
			იუსტიციის სამინისტროს ნებართვით საზღვარგარეთიდან საცხოვრებლად ჩამოსული უცხოელი		15
VI. რეგისტრირებულია საქართველოში დროებით შემოსული უცხოელი					16
VII. პირთა რეგისტრაციაში გატარებისათვის ბიუჯეტში შეტანილია თანხა (ლარებში)					17
VIII. მოხსნილია რეგისტრაციიდან	საქართველოს მოქალაქე				18
	მათ შორის	სხვა რაიონში (ქალაქში) გადასვლასთან დაკავშირებით			19
		ემიგრაციასთან დაკავშირებით			20
		გარდაცვალებასთან დაკავშირებით			21
	უცხოელები				22
	მათ შორის	საქართველოს სხვა რაიონში (ქალაქში) გადასვლასთან დაკავშირებით			23
		საზღვარგარეთ საცხოვრებლად გადასვლასთან დაკავშირებით			24
		გარდაცვალებასთან დაკავშირებით			25
IX. შედგენილია ადმინისტრაციულ სამართალდარღვევათა ოქმები	სულ				26
	მათ შორის	საქართველოს მოქალაქეებზე			27
		საქართველოში მცხოვრებ და დროებით მყოფ უცხოელებზე			28
X. რეგისტრაციის დადგენილი წესებისა და სხვადასხვა სახის ადმინისტრაციული სამართალდარღვევებისათვის ჯარიმების სახით ბიუჯეტში შეტანილია თანხა, სულ:					29
XI. გამოვლინდა ძებნაში მყოფი პირი					30

XII. მკაცრი აღრიცხვის ბლანკების მოძრაობა

ბლანკის                 მოძრაობა   დასახელება	ირიცხებოდა საანგარიშო პერიოდის 1-ლი რიცხვისათვის		მიღებულია საანგარიშო პერიოდის განმავლობაში		გახარჯულია				ნაშთი საანგარიშო პერიოდის ბოლო რიცხვისათვის
					ს უ ლ		მათ შორის
							ტექნიკურად დაზიანდა
	№-დან №-მდე	რაოდენობა	№-დან №-მდე	რაოდენობა	№-დან №-მდე	რაოდენობა	№№	რაოდენობა	№-დან №-მდე	რაოდენობა

 

––––––––––––––––––––––––––––––––––                                      ––––––––––––––––––––––––––––––––

                      (თანამდებობის პირის ხელმოწერა)                                                                                    (გვარი)

„––––¨ –––––––––––––––––––– 200 წ.                                               გასვლ. № ––––––––––––––––––––––––––––

ბ.ა.

ს ა მ ა ხ ს ო ვ რ ო ბ ა რ ა თ ი

 მოქ.: –––––––––––––––––––––––––––––––––––––––––––––––––––––––– - ს.

                                                               (გვარი და სახელი)

თქვენი განცხადება პირადობის (ბინადრობის) მოწმობის, პასპორტის გაცემის (შეცვლის, აღდგენის, მოქმედების ვადის გაგრძელების) თაობაზე მიღებული და რეგისტრირებულია (შემოხაზეთ მოთხოვნილი დოკუმენტის დასახელება).

რეგისტრაციის № ––––––––––––––––––––––– მიღების თარიღი ––––––––––––––

პირადობის (ბინადრობის) მოწმობა, პასპორტი გაიცემა კანონმდებლობით დადგენილი დოკუმენტების წარდგენიდან არა უგვიანეს 5 დღის ვადაში.

განცხადება და თანდართული საბუთები მიიღო:

–––––––––––––––––––––––––––––––––––––               ––––––––––––––––––––––––––––

                (საპასპორტო სამსახურის დასახელება)                                ხელმოწერა (გვარი)

 

 საკონტაქტო ტელეფონი:                                                   –––––––––––––––––––––––––––

(ნომერი)

 

ო ქ მ ი

რეგისტრაციის წესების დარღვევის შესახებ

„––––¨ –––––––––––––––––––– 200 წ.                                  ––––––––––––––––––––––––––––––––––––––––––––––––––––––

                                     ოქმის შედგენის ადგილი

შევადგინეთ ეს ოქმი მასზედ, რომ  –––––––––––––––––––––––––––––––––––––––––––––––––––––––––––––––––––

  დარღვევის ხასიათი, მიუთითეთ კოდექსის მუხლი

–––––––––––––––––––––––––––––––––––––––––––––––––––––––––––––––––––––––––––––––––––––––––––––––––––

–––––––––––––––––––––––––––––––––––––––––––––––––––––––––––––––––––––––––––––––––––––––––––––––––––

–––––––––––––––––––––––––––––––––––––––––––––––––––––––––––––––––––––––––––––––––––––––––––––––––––

მონაცემები დამრღვევი პირის შესახებ:

1. გვარი, სახელი –––––––––––––––––––––––––––––––––––––––––––––––––––––––––––––––––––––––––––––––––––

2. დაბადების თარიღი ––––––––––––––––––––––––––––––––––––––––––––––––  3. სქესი –––––––––––––––––––––

4. საცხოვრებელი ადგილი ––––––––––––––––––––––––––––––––––––––––––––––––––––––––––––––––––––––––––

5. პირადობის დამადასტურებელი დოკუმენტი –––––––––––––––––––––––––––––––––––––––––––––––––––––––

                            დოკუმენტის დასახელება

–––––––––––––––––––––––––––––––––––––––––––––––––––––––––––––––––––––––––––––––––––––––––––––––––––

როდის, სად და ვის მიერაა გაცემული

დამრღვევის ახსნა-განმარტება:

–––––––––––––––––––––––––––––––––––––––––––––––––––––––––––––––––––––––––––––––––––––––––––––––––––

–––––––––––––––––––––––––––––––––––––––––––––––––––––––––––––––––––––––––––––––––––––––––––––––––––

მონაცემები და განმარტება ჩაწერილია სწორად

 

დამრღვევის ხელის მოწერა –––––––––––––––––––––––––––––

ოქმი შეადგინა:       თანამდებობის პირის ხელმოწერა –––––––––––––––––––– (გვარი)

 

(ორგანოს დასახელება) ––––––––––––––––––––––––––––––––––––––––––––––––

 

გაუქმებული ბლანკებისა და ვადაგასული დოკუმენტების განადგურების

ო ქ მ ი № –––––––––––––––

„–––––– “–––––––––––––––––200 წ.                                                                            ქ. ––––––––––––––––––––––––––––––

ჩვენ, კომისიის წევრებმა:

1. ––––––––––––––––––––––––––––––––––––––––––––––––––––––––––––––––––

2.––––––––––––––––––––––––––––––––––––––––––––––––––––––––––––––––––

3.––––––––––––––––––––––––––––––––––––––––––––––––––––––––––––––––––

4.––––––––––––––––––––––––––––––––––––––––––––––––––––––––––––––––––

5.––––––––––––––––––––––––––––––––––––––––––––––––––––––––––––––––––

შევადგინეთ ეს ოქმი გაუქმებული და ვადაგასული დოკუმენტების სპეციალურ დანადგარზე (დაწვის გზით) განადგურების თაობაზე. განადგურებას დაექვემდებარა შემდეგი დოკუმენტები:

 

 

კომისიის თავმჯდომარე:      1.–––––––––––––––––––––––––––––––––––––––––––––––––––––

      კომისიის წევრები:                   2.––––––––––––––––––––––––––––––––––––––––––––––––––––––

3.––––––––––––––––––––––––––––––––––––––––––––––––––––––

4.––––––––––––––––––––––––––––––––––––––––––––––––––––––

5.––––––––––––––––––––––––––––––––––––––––––––––––––––––

 

            

 

 

                                          პირადი ნომრის პირველი 5-ციფრიანი კოდი

 

 

დანართი №………. ფორმა № …………		დანართი № ………. ფორმა № …………
ქობულეთის რაიონის რეგისტრაციის განყოფილება რეგისტრირებულია „–––––¨ ––––––––––––––– 200 წ. ხელმოწერა ––––––––––––––––––		ქობულეთის რაიონის რეგისტრაციის განყოფილება რეგისტრაციიდან მოხსნილია „–––––¨ ––––––––––––––– 200 წ. ხელმოწერა ––––––––––––––––––

 

 

კასპის რაიონის რეგისტრაციის განყოფილება რეგისტრირებულია „–––––¨ ––––––––––––––– 200 წ. ხელმოწერა ––––––––––––––––––

კასპის რაიონის რეგისტრაციის განყოფილება რეგისტრაციიდან მოხსნილია „–––––¨ ––––––––––––––– 200 წ. ხელმოწერა ––––––––––––––––––

 

                             50X20მმ                                                                              50X20მმ

 

დანართი №5

სამოქალაქო რეესტრის მწარმოებელი ორგანოების საქმიანობაში გამოყენებული მკაცრი აღრიცხვის ბლანკების შენახვისა და აღრიცხვის წესები

1. ამ ინსტრუქციით გათვალისწინებული ყველა სახეობის პირადობის დამადასტურებელი დოკუმენტი (პირადობის მოწმობა, ბინადრობის მოწმობა, საქართველოს მოქალაქის პასპორტი, მოქალაქეობის არმქონე პირის სამგზავრო პასპორტი) წარმოადგენს მკაცრი აღრიცხვის ბლანკს, რომელიც ინახება გარეშე ხელყოფისა და ხანძრისაგან დაცვის სპეციალური სასიგნალო და ტექნიკური საშუალებებით აღჭურვილ სათავსოში. ბლანკების დაცულ მდგომარეობაში შენახვის უზრუნველყოფაზე პასუხისმგებელია იმ ტერიტორიული ორგანოს უფროსი, რომელსაც ერიცხება ეს ბლანკები.

2. ყველა სახის მკაცრი აღრიცხვის ბლანკების შემოსვლა ტერიტორიულ ორგანოში, გადაცემა ამ ორგანოების მუშაკებზე და ხარჯვა (გაფორმებული დოკუმენტის გაცემა) აღირიცხება ამ ინსტრუქციით დადგენილი წესით. ამ წესების დაუცველობა და დარღვევა გამოიწვევს შესაბამისი თანამდებობის პირის პასუხისმგებლობას.

3. უფლებამოსილი თანამდებობის პირის მიერ საწყობიდან მიღებული ბლანკების მთელი მარაგი, ზედდებულში აღნიშნული ნომრებისა და რაოდენობის მითითებით, მიღების დღესვე აღირიცხება ამ დანართით გათვალისწინებულ სააღრიცხვო ჟურნალში (ფორმა №2,,ა”). იმავე ჟურნალში აღირიცხება მიღებული ბლანკების განაწილება შესაბამის თანამდებობის პირებზე, ამ უკანასკნელთა გვარების, მათზე გაცემული ბლანკების ნომრების და რაოდენობის მითითებით.

4. შეფუთული და დალუქული ბლანკების შეკვრა იხსნება კომისიური წესით და გახსნის წინ მოწმდება გულდასმით. ლუქის მთლიანობის დარღვევის ან უსანქციო ხელყოფის სხვა ნიშნების აღმოჩენის შემთხვევაში დაუყოვნებლივ უნდა იქნეს შედგენილი სათანადო ოქმი, რომელიც შეკვრის თანხლებით შემდგომი რეაგირებისათვის მოხსენდება იუსტიციის სამინისტროს ხელმძღვანელობას.

5. კომისიური წესით გახსნის შემდეგ ყურადღებით მოწმდება შეკვრაში მოთავსებული ბლანკების რაოდენობა, ნომრების თანმიმდევრობა და შესაბამისობა ზედდებულში მითითებულ ნომრებთან და რაოდენობასთან. თუ შეკვრაში მოთავსებული ბლანკების ნომრების თანმიმდევრობა დარღვეულია, გამოტოვებულია ან გამეორებულია ერთი ან მეტი ნომერი, რაც შესაბამისად ბლანკ(ებ)ის ნაკლებობაში ან მეტობაში იქნება გამოხატული, შედგენილ უნდა იქნეს სათანადო ოქმი. ანალოგიური ოქმი ფორმდება იმ შემთხვევაში, თუ შეკვრაში აღმოჩნდა ერთი ან მეტი წუნდებული, უხარისხოდ დამზადებული ბლანკი. ორივე შემთხვევაში ოქმი, ბლანკების დამამზადებელი ორგანიზაციის ინფორმირებისა და შესაბამისი ზომების მიღების მიზნით, მოხსენდება იუსტიციის სამინისტროს საფინანსო და სამეურნეო უზრუნველყოფის სამსახურს. ოქმს თან უნდა ერთვოდეს გახსნილი ბლანკების მთლიანი შეკვრა.

6. უფლებამოსილი ტერიტორიული ორგანოების თანამდებობის პირები მათზე რიცხული ბლანკების ყოველდღიურ ხარჯვას და გაფორმებული დოკუმენტების მოქალაქეებზე გაცემას აღრიცხავენ ამ დანართით გათვალისწინებულ სპეციალურ ჟურნალში (ფორმა №2-ში).

7. ამ დანართით გათვალისწინებული სააღრიცხვო ჟურნალების წარმოებისას აუცილებელია შემდეგი წესების გათვალისწინება:

ა) ყოველი სახეობის ბლანკების აღრიცხვა უნდა წარმოებდეს ცალკე ჟურნალში;

ბ) ჟურნალის ყველა გრაფა უნდა ივსებოდეს ყურადღებით, სრულად და შეცდომების გარეშე. დაუშვებელია ჩანაწერებში შესწორების შეტანა, თუ იგი არ არის დამოწმებული ჟურნალის წარმოებაზე პასუხისმგებელი თანამდებობის პირის მიერ და არ არის განმარტებული მიზეზი;

გ) სააღრიცხვო ჟურნალის ფურცლები უნდა იყოს დანომრილი, ზონარგაყრილი, ლუქით დამაგრებული და რეგისტრირებული კანცელარიაში;

დ) ბლანკების ხარჯვის აღრიცხვა უნდა წარმოებდეს მათი ნომრების მზარდი თანმიმდევრობის მიხედვით იმ დიაპაზონის ფარგლებში, რომელიც ერიცხება შესაბამის სამსახურს ან თანამდებობის პირს.

8. ბეჭდვის (შევსების) პროცესში ბლანკის ტექნიკურად დაზიანების შემთხვევაში ფორმდება სათანადო ოქმი. დაზიანებული ბლანკიდან ამოჭრილი ნომერი ჩაიკვრება ხარჯვის აღრიცხვის ჟურნალში (ფორმა №2-ში) იმ ადგილას, სადაც ამ ნომრის მქონე ბლანკის შესახებ ჩანაწერი უნდა ყოფილიყო შეტანილი. დაზიანებული, ნომერამოჭრილი ბლანკი ნადგურდება დადგენილი წესის შესაბამისად, ხოლო ოქმი ინახება კანცელარიაში (არქივში).

9. ბლანკის დაზიანება მისი არასწორი შევსების ან სხვა დაუდევარი მოქმედების შედეგად გამოიწვევს შესაბამისი თანამდებობის პირის დისციპლინურ პასუხისმგებლობას.

10. ბლანკების მოძრაობასთან და ხარჯვასთან (გაცემასთან) დაკავშირებული, ამ დანართით გათვალისწინებული ყველა ოპერაცია ერთდროულად აღრიცხული და სრულად ასახული უნდა იქნეს კომპიუტერულ მონაცემთა ბანკში.

11. პირადობის დამადასტურებელი დოკუმენტების გაფორმება-გაცემით დაკავებული ყველა მუშაკი ვალდებულია პერიოდულად შეადგინოს ამ დანართით გათვალისწინებული დაბალანსებული ანგარიში წარმოებაში მიღებული, გახარჯული (გაცემული და ტექნიკურად დაზიანებული) და ნაშთის სახით დარჩენილი ბლანკების შესახებ. თითოეული სახეობის ბლანკზე ანგარიში უნდა შედგეს ცალ-ცალკე და ყოველი თვის ბოლოს მოხსენდეს შესაბამისი სამსახურის უფროსს.

12. ტერიტორიული ორგანოს უფროსი, თავის მხრივ, ვალდებულია შეჯამებული და დაბალანსებული ანგარიში შესაბამისი კომპიუტერული ინფორმაციის თანხლებით იმავე პერიოდულობით წარადგინოს იუსტიციის სამინისტროს სამოქალაქო რეესტრის დეპარტამენტში.

13. მიგრაციის საქმეთა სამმართველო ვალდებულია სისტემატურად აკონტროლოს ბლანკების ხარჯვის კანონიერება და მდგომარეობა, განსაზღვროს დინამიკა და სათანადო ანალიზის საფუძველზე უზრუნველყოს იუსტიციის სამინისტროს ხელმძღვანელობისათვის მოსახსენებელი ინფორმაციისა და წინადადებების მომზადება.

14. პირადობის დამადასტურებელი დოკუმენტების ტირაჟირებას და შესაბამისი სამსახურების მომარაგებას ყველა სახეობის მკაცრი და არამკაცრი აღრიცხვის ბლანკებით და საჭირო ტექნიკით უზრუნველყოფს იუსტიციის სამინისტროს სამეურნეო-საფინანსო სამსახური.