“საქართველოს მოქალაქეთა და საქართველოში მუდმივად მცხოვრებ უცხოელთა პირადობის დადასტურებისა და საქართველოს მოქალაქის პასპორტის (საქართველოში მუდმივად მცხოვრები მოქალაქეობის არმქონე პირის სამგზავრო პასპორტის) გაცემის წესის შესახებ ინსტრუქციის დამტკიცების თაობაზე” საქართველოს იუსტიციის მინისტრის 2004 წლის 12 ნოემბრის №1398 ბრძანებით დამტკიცებულ საქართველოს მოქალაქეთა და საქართველოში მუდმივად მცხოვრებ უცხოელთა პირადობის დადასტურებისა და საქართველოს მოქალაქის პასპორტის (საქართველოში მუდმივად მცხოვრები მოქალაქეობის არმქონე პირის სამგზავრო პასპორტის) გაცემის წესის შესახებ ინსტრუქციაში ცვლილებებისა და დამატებების შეტანის შესახებ”

სახელმწიფო სარეგისტრაციო კოდი 010.130.000.22.027.009.148

საქართველოს იუსტიციის მინისტრის

ბრძანება №699

2006 წლის 25 აგვისტო

ქ. თბილისი

„საქართველოს მოქალაქეთა და საქართველოში მცხოვრებ უცხოელთა პირადობის დადასტურებისა და საქართველოს მოქალაქის პასპორტის (საქართველოში მუდმივად მცხოვრები მოქალაქეობის არმქონე პირის სამგზავრო პასპორტის) გაცემის წესის შესახებ ინსტრუქციის დამტკიცების თაობაზე“ საქართველოს იუსტიციის მინისტრის  2004 წლის 12 ნოემბრის №1398 ბრძანებით დამტკიცებულ საქართველოს მოქალაქეთა და საქართველოში მცხოვრებ უცხოელთა პირადობის დადასტურებისა და საქართველოს მოქალაქის პასპორტის (საქართველოში მუდმივად მცხოვრები მოქალაქეობის არმქონე პირის სამგზავრო პასპორტის) გაცემის წესის შესახებ ინსტრუქციაში ცვლილებებისა და დამატებების შეტანის თაობაზე

„ნორმატიული აქტების შესახებ“ საქართველოს კანონის 36-ე მუხლის თანახმად, ვბრძანებ:

    მუხლი 1

 „საქართველოს მოქალაქეთა და საქარ­თველოში მცხოვრებ უცხოელთა პირადობის დადას­ტურებისა და საქართველოს მოქალაქის პასპორტის (საქარ­თველოში მუდმივად მცხოვრები მოქალაქეობის არმქონე პირის სამგზავრო პასპორტის) გაცემის წესის შესახებ ინსტრუქციის დამტკიცების თაობაზე“ საქარ­თვე­ლოს იუსტიციის მინისტრის 2004 წლის 12 ნოემ­ბრის №1398 ბრძანებით (სსმ III, 16.11.2004 წ., №132, მუხ. 1163) დამტკიცებულ საქართველოს მოქა­ლაქეთა და საქართველოში მცხოვრებ უცხოელთა პირადობის დადასტურებისა და საქართველოს მოქალა­ქის პასპორ­ტის (საქართველოში მუდმივად მცხოვრები მოქალა­ქეობის არმქონე პირის სამგზავრო პასპორტის) გაცემის წესის შესახებ ინსტრუქციაში შეტანილ იქნეს შემდეგი ცვლილებები და დამატებები:

1. ამოღებულ იქნეს მე-5 მუხლის მე-4 პუნქტის „გ“ ქვეპუნქტი.

2. მე-5 მუხლის მე-4 პუნქტის „ე“ ქვეპუნქტი ჩამო­ყალიბდეს შემდეგი რედაქციით:

„ე. თუ იძულებით გადაადგილებულ პირს არ გააჩნია მუდმივი საცხოვრებელი ადგილის დამადასტურებელი საბუთი, იგი წარადგენს შესაბამისი ადგილობრივი მმართველობის ორგანოს დასკვნას მუდმივი საცხოვრებე­ლი ადგილის დადგენის თაობაზე.“.

3. მე-8 მუხლის მე-3 პუნქტი ჩამოყალიბდეს შემდეგი რედაქციით:

„3. 16 წლამდე ასაკის საქართველოს მოქალაქე რეგისტრაციას გაივლის ერთ-ერთ მშობელთან ან სხვა კანონიერ წარმომადგენელთან ერთად. 16 წლამდე ასაკის პირის სხვა მისამართზე რეგისტრაციაში გატარება დასაშვებია მხოლოდ ზემოხსენებულ პირთა წერილობი­თი თანხმობით. მათზე პირადობის მოწმობა არ გაიცემა.“.

4) მე-8 მუხლს დაემატოს შემდეგი შინაარსის 3¹, 3² და 3³ პუნქტები:

„3¹. 16 წლამდე ასაკის უცხოელი რეგისტრაციას გაივლის „უცხოელთა სამართლებრივი მდგომარეობის შესახებ“ საქართველოს კანონით დადგენილი წესით, საქართველოს კანონმდებლობით განსაზღვრულ მის ოჯახის წევრებთან და მიიღებს ბინადრობის მოწმობას. მათი დამოუკიდებლად რეგისტრაციაში გატარება დასაშვებია მხოლოდ მშობლის ან სხვა კანონიერი წარმომადგენლის წერილობითი თანხმობით.

3². იძულებით გადაადგილებული არასრულწლოვანი პირი, რომელიც საქართველოში რეგისტრირებული არ ყოფილა, რეგისტრაციაში შეიძლება გატარდეს ერთ-ერთი მშობლის ან სხვა კანონიერი წარმომადგენ­ლის მუდმივი საცხოვრებელი ადგილის მიხედვით.

3³. იძულებით გადაადგილებული სრულწლოვანი პირი რეგისტრაციაში შეიძლება გატარდეს ერთ-ერთი მშობლის ან სხვა კანონიერი წარმომადგენლის მუდმივი საცხოვრებელი ადგილის მიხედვით იმ შემთხვევაში, თუ ის დაბადებულია არა უადრეს 1975 წლის 25 მარ­­ტისა და საქართველოში რეგისტრირებული არ ყოფილა.“.

5. მე-8 მუხლს დაემატოს შემდეგი შინაარსის 6¹ პუნქტი:

„6¹. ამ მუხლის 3² და 3³ პუნქტებით გათ­ვალის­წი­ნე­ბულ შემთხვევებში საქართველოს მოქალაქე რეგის­ტრაციაში გატარებისა და პირადობის მოწმობის მისაღებად მიმართავს შესაბამის ტერიტორიულ სამსა­ხურს, ავსებს ამ ინსტრუქციის დანართი №4-ით გათ­ვალისწინებულ განცხადება-ანკეტას (ფორმა №1) და მასთან ერთად წარადგენს:

ა) დაბადების მოწმობას (დედანი);

ბ) ორ ცალ ფოტოსურათს (3,5X4,5სმ);

გ) დევნილის მოწმობას;

დ) ერთ-ერთი მშობლის (მეურვის, მზრუნველის) პირადობის მოწმობას.“.

6. მე-8 მუხლის მე-7 პუნქტს დაემატოს შემდეგი შინაარსის „ვ“ ქვეპუნქტი:

„ვ) ამ მუხლის მე-7 პუნქტის „დ“ ქვეპუნქტი არ ვრცელდება დროებითი ბინადრობის მოწმობის მიღე­ბის მსურველ უცხოელზე, რომლის მისამართად მიე­თი­თება განცხადება-ანკეტის შევსების დროს მითი­თებული მისამართი.“.

7. მე-11 მუხლის მე-2 პუნქტს დაემატოს შემდეგი შინაარსის „გ“ ქვეპუნქტი:

„გ) ამ მუხლის მე-2 პუნქტის „ბ“ ქვეპუნქტით გათვალისწინებული საბჭოთა სიმბოლიკიანი პასპორ­ტის ანულირების წესი არ ვრცელდება აფხაზეთის ავტო­ნომიური რესპუბლიკის ტერიტორიიდან და ცხინვალის რეგიონიდან იძულებით გადაადგილებულ პირებზე, ასევე აფხაზეთის ავტონომიური რესპუბლი­კისა და ცხინვალის რეგიონის ტერიტორიაზე ამჟამად მცხოვრებ მოსახლეობაზე. მათ საბჭოთა სიმბოლიკია­ნი პასპორტი დაუბრუნდებათ ანულირების გარეშე.“.

8) ინსტრუქციას დაემატოს შემდეგი შინაარსის 11¹ მუხლი:

     „მუხლი 11¹. საბჭოთა სიმბოლიკიანი პასპორტის შეცვლა

საბჭოთა სიმბოლიკიანი პასპორტის ნაცვლად პირადობის მოწმობის მისაღებად პირი მიმართავს საც­ხოვრებელი ადგილის მიხედვით ტერიტორიულ სამსახურს, ავსებს ამ ინსტრუქციის დანართი №4-ით გათვალისწინებულ განცხადება-ანკეტას (ფორმა №1) და მასთან ერთად წარადგენს:

ა) საბჭოთა სიმბოლიკიან პასპორტს;

ბ) ორ ცალ ფოტოსურათს (3,5X4,5 სმ).“.

9. მე-13 მუხლი ჩამოყალიბდეს ახალი რედაქციით:

     „მუხლი 13. პირის რეგისტრაციიდან მოხსნა

1. საქართველოს მოქალაქეთა და საქართველოში მცხოვრებ უცხოელთა რეგისტრაციიდან მოხსნა დასაშ­­ვებია მხოლოდ კანონმდებლობით გათვალისწინებულ შემთხვევებში.

2. საქართველოს მოქალაქე და საქართველოში მცხოვ­­რები უცხოელი რეგისტრაციიდან მოხსნას ექ­ვემდებარება შემდეგ შემთხვევებში:

ა) საცხოვრებელი ადგილის შეცვლისას;

ბ) გარდაცვალებისას.

3. ამ მუხლის მე-2 პუნქტის „ა“ ქვეპუნქტით გათვა­ლისწინებულ შემთხვევაში პირის რეგისტრა­ციიდან მოხსნა წარმოებს:

ა) მისი ახალ საცხოვრებელ ადგილზე რეგისტრა­ციაში გატარების შესახებ შესაბამის ტერიტორიულ სამსახურში შეტყობინების მიღებისთანავე;

ბ) საქართველოდან პირის სხვა სახელმწიფოში მუდ­მივ საცხოვრებლად გასვლის (ემიგრაციის) შესა­ხებ მოქალაქეობისა და მიგრაციის საკითხთა დეპარ­ტამენტიდან შესაბამისი შეტყობინების მიღებისთანავე;

გ) საზღვარგარეთ პირის მუდმივ საცხოვრებლად დარ­ჩენის (საქართველოს დიპლომატიურ წარმომად­გენ­ლო­ბაში ან საკონსულო დაწესებულებაში რეგის­ტრა­ციის) შესახებ საქართველოს დიპლომატიური წარ­მომადგენლობიდან ან საკონსულო დაწესებუ­ლებიდან შეტყობინების მიღებისთანავე;

დ) საქართველოდან დროებით წასული პირის სხვა სახელმწიფოში საცხოვრებლად დარჩენის თაობა­ზე შესაბამისი სამსახურის შეტყობინების მიღების ან აღ­ნიშნული ფაქტის დამადასტურებელი სხვა დოკუმენ­ტის წარმოდგენისთანავე;

ე) საცხოვრებელი ადგილის მესაკუთრის (დამქი­რავებლის) წერილობითი შუამდგომლობისას, თუ დასტურდება, რომ პირი აღნიშნულ მისამართზე არ ცხოვრობს უკანასკნელი ექვსი თვის მანძილზე;

ვ) საქართველოს მოქალაქეობის შეწყვეტისას – მოქა­ლა­ქეობის და მიგრაციის საკითხთა დეპარტამენ­ტიდან მიღებული შესაბამისი შეტყობინების საფუძ­ველზე, თუ აღნიშნული პირი მოქალაქეობის შეწყვე­ტიდან ერთი თვის ვადაში არ მიმართავს საცხოვრებე­ლი ადგილის მიხედვით ტერიტორიულ სამსა­ხურს ბინად­რობის მოწმობის მისაღებად.

4. ამ მუხლის მე-2 პუნქტის „ბ“ ქვეპუნქტით გათვა­ლისწინებულ შემთხვევაში გარდაცვლილი ექვემ­დებარება რეგისტრაციიდან მოხსნას გარდაცვალების რეგის­ტრაციასთან ერთად.

5. ტერიტორიული ორგანო ვალდებულია პირის რეგის­ტრაციიდან მოხსნის შემთხვევაში, ათი დღის განმავლობაში აცნობოს ადგილობრივი მმართველო­ბის შესაბამის ორგანოს სამხედრო განყოფილებას რეგისტრაციიდან მოხსნის თარიღი.

6. საქართველოდან დროებით წასული პირის საკონ­სუ­ლო აღრიცხვაზე აყვანის შემთხვევაში საქარ­თველოს დიპლომატიური წარმომადგენლობიდან ან საკონსულო დაწესებულებიდან მიღებული შეტყობინე­ბის საფუძ­ველზე კეთდება შესაბამისი აღნიშვნა სამოქალაქო რე­ეს­ტრის მონაცემთა ბაზაში და ფორმა №1-ზე. პირი არ იხსნება რეგისტრაციიდან.

7. დროებითი ბინადრობის ნებართვის მქონე უც­ხოელი რეგისტრაციიდან მოხსნილად ითვლება დროე­ბითი ბინადრობის მოწმობის ვადის გასვლის­თანა­ვე.“.

    მუხლი 2.

ეს ბრძანება ამოქმედდეს გამოქვეყნების­თანავე.

გ. ქავთარაძე