სახელმწიფო ჯილდოების დაწესების შესახებ

საქართველოს კანონი

 საქართველოს სახელმწიფო ჯილდოების დაწესების შესახებ

      საქართველოს პარლამენტი ადგენს:

1. დაწესდეს საქართველოს შემდეგი სახელმწიფო ჯილდოები _  ორდენები და მედლები:

ა) დავით აღმაშენებლის ორდენი;

ბ) ოქროს საწმისის ორდენი;

გ) ვახტანგ გორგასლის ორდენი;

დ) ღირსების ორდენი;

ე) მედალი „მხედრული მამაცობისათვის“ ;

ვ) მედალი „საბრძოლო დამსახურებისათვის“ ;

ზ) ღირსების მედალი.

საქართველოს 1998 წლის 26 ივნის ის კანონი № 1499 - პარლამენტის უწყებანი № 25-26 , 15 . 07 . 1998 წ., გვ . 34

2. დამტკიცდეს საქართველოს სახელმწიფო ჯილდოების _ ორდენებისა და მედლების დებულება.

3. დაწესდეს საქართველოს სახელმწიფო ჯილდოებზე ერთდროული ფულადი პრემია:

ა) დავით აღმაშენებლის ორდენზე _ შრომის ანაზღაურების 200 მინიმალური ოდენობით;

ბ) ვახტანგ გორგასლის I ხარისხის ორდენზე _ შრომის ანაზღაურების 100 მინიმალური ოდენობით;

გ) ვახტანგ გორგასლის II ხარისხის ორდენზე _ შრომის ანაზღაურების 50 მინიმალური ოდენობით;

დ) ვახტანგ გორგასლის III ხარისხის ორდენზე _ შრომის ანაზღაურების 30 მინიმალური ოდენობით;

ე) ღირსების ორდენზე _ შრომის ანაზღაურების 30 მინიმალური ოდენობით;

ვ) მედალზე „მხედრული მამაცობისათვის“ _ შრომის ანაზღაურების 20 მინიმალური ოდენობით.

საქართველოს 1997 წლის 28 ოქტომბრ ის კანონი № 1008 - პარლამენტის უწყებანი № 45 , 21 . 11 . 1997 წ., გვ . 31

4. საქართველოს სახელმწიფო ჯილდოებით სიკვდილის შემდეგ დაჯილდოების შემთხვევაში ერთდროული ფულადი პრემია გადაეცემა დაჯილდოებული პირის მემკვიდრეს საქართველოს სამოქალაქო კოდექსით განსაზღვრული წესით.

საქართველოს 1997 წლის 28 ოქტომბრ ის კანონი № 1008 - პარლამენტის უწყებანი № 45 , 21 . 11 . 1997 წ., გვ . 31

5. მედლით „მხედრული მამაცობისათვის“ სამჯერ დაჯილდოებულ პირს გადაეცემა პრეზიდენტის სამახსოვრო საჩუქარი.

საქართველოს 1997 წლის 28 ოქტომბრ ის კანონი № 1008 - პარლამენტის უწყებანი № 45 , 21 . 11 . 1997 წ., გვ . 31

6. დავით აღმაშენებლის ორდენით, ვახტანგ გორგასლის I, II და III ხარისხის ორდენებით დაჯილოებული პირი სარგებლობს:

ა) დადგენილი წესით ქვეყნის შიგნით საზოგადოებრივი ტრანსპორტით სახელმწიფოს ხარჯზე მგზავრობის უფლებით;

ბ) კანონით დადგენილი წესით სახელმწიფოს ხარჯზე სავალდებულო სამედიცინო დაზღვევით.

საქართველოს 1997 წლის 28 ოქტომბრ ის კანონი № 1008 - პარლამენტის უწყებანი № 45 , 21 . 11 . 1997 წ., გვ . 31

7. ამ კანონის მე-3 პუნქტით გათვალისწინებულ საქართველოს სახელმწიფო ჯილდოებზე დაწესებული ერთდროული ფულადი პრემიები გაიცეს იმ პირებზე, რომლებიც:

ა) დაჯილდოვდებიან 2003 წლის 1 იანვრიდან;

ბ) მონაწილეობდნენ საქართველოს ტერიტორიული მთლიანობისათვის, აფხაზეთსა და შიდა ქართლში თავისუფლებისა და დამოუკიდებლობის შენარჩუნებისათვის ბრძოლაში, დაჯილდოების პერიოდის მიუხედავად;

გ) დაჯილდოვდნენ სიკვდილის შემდეგ.

საქართველოს 1999 წლის 24 დეკემბრ ის კანონი № 91 - სსმ I,  № 52(59) , 31 . 12 . 1999 წ., მუხ. 253

საქართველოს 2000 წლის 13 დეკემბრ ის კანონი №691 - სსმ I,  № 5 0, 27. 12 .2000 წ., მუხ.147

საქართველოს 2002 წლის 15 თებერვლ ის კანონი № 1292 - სსმ I,  № 4 , 05 . 03 .200 2 წ., მუხ. 22

საქართველოს 2003 წლის 29 იანვრ ის კანონი № 1951 - სსმ I,  № 5 , 19 . 02 .200 3 წ., მუხ. 29

8. ამ კანონის მე-3 პუნქტით გათვალისწინებულ საქართველოს სახელმწიფო ჯილდოზე დაწესებული ერთდროული ფულადი პრემია იმ პირებზე, რომლებიც მითითებულნი არ არიან ამ კანონის მე-7 პუნქტში, გაიცეს 2004 წლის 1 იანვრიდან.

საქართველოს 2003 წლის 29 იანვრ ის კანონი № 1951 - სსმ I,  № 5 , 19 . 02 .200 3 წ., მუხ. 29

საქართველოს პარლამენტის თავმჯდომარე - სახელმწიფოს მეთაური

ედუარდ  შევარდნაძე

საქართველოს პარლამენტის სპიკერი ვახტანგ გოგუაძე

თბილისი,

1992 წლის 24 დეკემბერი.

№1056-Iს

შეტანილი ცვლილებები:

1. საქართველოს 1997 წლის 28 ოქტომბრის კანონი №1008 - პარლამენტის უწყებანი №45, 21.11.1997 წ., გვ.31

2. საქართველოს 1998 წლის 26 ივნისის კანონი №1499 - პარლამენტის უწყებანი №25-26, 15.07.1998 წ., გვ.34

3. საქართველოს 1999 წლის 24 დეკემბრის კანონი №91 - სსმ I,  №52(59), 31.12.1999 წ., მუხ.253

4. საქართველოს 2000 წლის 13 დეკემბრის კანონი №691 - სსმ I,  №50, 27.12.2000 წ., მუხ.147

5. საქართველოს 2002 წლის 15 თებერვლის კანონი №1292 - სსმ I,  №4, 05.03.2002 წ., მუხ.22

6. საქართველოს 2003 წლის 29 იანვრის კანონი №1951 - სსმ I,  №5, 19.02.2003 წ., მუხ.29