ქალაქ ფოთის მუნიციპალიტეტის 2015 წლის ბიუჯეტის დამტკიცების შესახებ

ა) განისაზღვროს ქალაქ ფოთის მუნიციპალიტეტის ბიუჯეტის არაფინანსური აქტივების ზრდა 962,9 ათ. ლარის ოდენობით.

ბ) განისაზღვროს ქალაქ ფოთის მუნიციპალიტეტის ბიუჯეტის არაფინანსური აქტივების კლება 1235,0 ათ. ლარის ოდენობით .

კანონმდებლობით რეგისტრირებული (სათანადო ლიცენზიებისა და ნებართვების მქონე) სამედიცინო დაწესებულებები;

ქალაქ ფოთის მუნიციპალიტეტის ეკონომიკური განვითარებისათვის აუცილებელ პირობას წარმოადგენს მუნიციპალური ინფრასტრუქტურის შემდგომი გაუმჯობესება და აღნიშნული მიმართულება ბიუჯეტის ერთ-ერთ მთავარ პრიორიტეტს წარმოადგენს. ქალაქში ინფრასტრუქტურის მშენებლობისა და რეაბილიტაციის გარდა პრიორიტეტის ფარგლებში განხორციელდება არსებული ინფრასტრუქტურის ექსპლოატაციასთან დაკავშირებული ხარჯების დაფინანსება, რაც თავის თავში გულისხმობს  საგზაო ინფრასტრუქტურის მოვლა-შენახვას (გზები და ხიდები). კერძოდ, ქუჩების ორმულ შეკეთებას, ქუჩების მოხრეშვა-დაგრეიდერებას, ქუჩებში სათვალთვალო ვიდეო კამერების მოწყობას, საგზაო ნიშნების მოწყობას, შუქნიშნების მოვლა-პატრონობას, ს/სახლების სახურავების მიმდინარე სარემონტო სამუშაოებს, მუზეუმის შენობის სახურავის კაპ. შეკეთებას, დაზიანებული ლიფტების მოვლა-პატრონობას, ჭარბი ნალექებისა თუ სხვა შემთხვევისას დაგროვილი წყლის ამოტუმბვას, გარე განათების რეაბილიტაციას (ქუჩები და ხიდები), გარე განათების არსებული ქსელის მოვლა-პატრონობას, განათების ქსელისა და სატუმბო სადგურების ელექტროენერგიის ხარჯების ანაზღაურებას, სატუმბო სადგურების მოვლა-პატრონობას, დასუფთავების ღონისძიებებს, ნაგავშემკრები ყუთების შეძენას, უმეთვალყურეოდ დარჩენილი ცხოველების იზოლირებას, სანიაღვრე არხების შლამისა და ნატანისაგან გაწმენდას, მათ აღდგენასა და მოვლა-პატრონობას, ფეკალური საკანალიზაციო სისტემების მოწყობას, მინი სპორტული მოედნების მოვლა-პატრონობას, არსებული სკვერებისა და პარკების, შადრევნების მოვლა-შენახვას, გამწვანების სამუშაოებს და სხვა.

1.1 საგზაო ინფრასტრუქტურის მშენებლობა, რეაბილიტაცია და მოვლა-შენახვა (გზები და ხიდები)  (პროგრამული კოდი 03 01)

პროგრამის ფარგლებში განხორციელდება ქალაქ ფოთში არსებული რეაბილიტირებული ცენტრალური გზების მდგომარეობის შენარჩუნება და  ასფალტის საფარის ორმული შეკეთება, რაც გააუმჯობესებს არსებულ საგზაო ინფრასტრუქტურას, კერძოდ კი ხელს შეუწყობს არსებულის შენარჩუნებას მიმდინარე მიწისქვეშა საკომუნიკაციო სამუშაოების კვალობაზე, ქუჩების მოხრეშვა-დაგრეიდერება. ასევე დაგეგმილია საგზაო მოძრაობის დადგენილი წესების მიხედვით შესაბამისი საგზაო ნიშნების მოწყობა, შუქნიშნების მოვლა-პატრონობა, ქუჩებში სათვალთვალო ვიდეო კამერების მოწყობა.

1.2 კომუნალური ინფრასტრუქტურის მშენებლობა-რეაბილიტაცია და ექსპლოატაცია (პროგრამული კოდი 03 02)

პროგრამის ფარგლებში განხორციელდება მრავალსართულიან საცხოვრებელ კორპუსებში არსებული ლიფტების, საბინაო ფონდის მოვლა-პატრონობის და  ს/სახლების სახურავების მიმდინარე სარემონტო სამუშაოები, ჩამდინარე წყლების მართვის, არსებული ქსელის მოვლა-შენახვის, გარე განათების არსებული ქსელის ექსპლოატაცია-რეაბილიტაცია, გარე განათებისა და სატუმბი სადგურების მოვლა-პატრონობის და მათ ექსპლოატაციასთან დაკავშირებული ხარჯების ანაზღაურება. ასევე დაგეგმილია ნაგავშემკრები ყუთების შეძენა. უზრუნველყოფილი იქნება ქალაქის დასუფთავება და მაწანწალა ცხოველების იზოლირება.

1.2.1 ბინათმშენებლობა (პროგრამული კოდი 03 02 01)

ქვეპროგრამის ფარგლებში დაგეგმილია მრავალსართულიან საცხოვრებელ კორპუსებში დაზიანებული ლიფტების რეაბილიტაციის, სახურავების მიმდინარე შეკეთების, ჭარბი ნალექებისა თუ სხვა შემთხვევისას დაგროვილი წყლის ამოტუმბვის სამუშაოები. 

1.2.2 გარე განათების მოწყობა რეაბილიტაცია და ექსპლოატაცია (პროგრამული კოდი 03 02 02)

დღე-ღამის ნებისმიერ დროს მოსახლეობის კომფორტული და უსაფრთხო გადაადგილებისათვის აუცილებელ პირობას წარმოადგენს ქალაქის განათება, რისი გათვალისწინებითაც ქვეპროგრამის ფარგლებში დაფინანსდება გარე განათების არსებული ქსელის ექსპლოატაცია-რეაბილიტაცია, დაზიანებული და ამორტიზებული სანათების შეცვლა, ასევე დაფინანსდება გარე განათების, საცხოვრებელი სახლების მინათების და სხვა ტიპის განათების ელექტროენერგიის ხარჯები.

1.2.3 დასუფთავების ღონისძიებები (პროგრამული კოდი 03 02 03)

ქალაქის ერთ-ერთ მთავარ ფუნქციას წარმოადგენს საიმედო სანიტარული მდგომარეობის უზრუნველყოფა. ამ მიზნით განხორციელდება შესაბამისი ღონისძიებები. კერძოდ, ქალაქის ქუჩების ყოველდღიური დაგვა-დასუფთავება და ნარჩენების გატანა, გარე ქსელის ბუნკერების საყოფაცხოვრებო ნარჩენებისაგან გათავისუფლება და ნარჩენების მართვის სხვა ღონისძიებები. ასევე დაგეგმილია ნაგავშემკრები ყუთების შეძენა.

ზამთრის პერიოდში დიდთოვლიანობის შემთხვევაში განხორციელდება ქალაქში არსებული ხიდებისა და ცენტრალური გზების  ჭარბი თოვლისაგან გათავისუფლება.

1.2.4 უმეთვალყურეოდ დარჩენილი ცხოველების იზოლაცია (პროგრამული კოდი  03 02 04)

ქალაქის ტერიტორიაზე მაწანწალა ცხოველების არსებობა სხვადასხვა ვირუსული დაავადების და ცოფის გავრცელების ძირითად საფრთხეს წარმოადგენს, რისი გათვალისწინებითაც ქვეპროგრამის ფარგლებში განხორციელდება ცხოველების დაჭერა და მათი გადაყვანა სპეციალიზირებულ მოწყობილ თავშესაფარში. ამით უზრუნველყოფილი იქნება მაწანწალა ცხოველების რაოდენობის მინიმუმამდე დაყვანა და შესაძლო საფრთხეების თავიდან აცილება.

1.2.5  სანიაღვრე არხების მშენებლობა რეაბილიტაცია და ექსპლოატაცია (პროგრამული კოდი 03 02 05)

ქალაქში, დღეისათვის არსებული სანიაღვრე არხების ქსელები სრული დატვირთვით ვერ მუშაობს, რადგან სანიაღვრე არხები ზოგან ჩახერგილია, ზოგან კი მოშლილია. დღეისათვის, ქალაქის რამოდენიმე ქუჩაზე მოწყობილია ახალი სანიაღვრე არხები. სულ ნაწილობრივ აღდგენილია ქალაქში არსებული სანიაღვრე არხების 50%. აღნიშნული პროგრამის ფარგლებში კი განხორციელდება სანიაღვრე არხების შლამისა და ნატანისაგან გაწმენდა, მათი აღდგენა და მოვლა-პატრონობა, ასევე სატუმბო სადგურების ელ. ენერგიის ხარჯების ანაზღაურება.

1.3 კეთილმოწყობის ღონისძიებები (პროგრამული კოდი 03 03)

პროგრამის ფარგლებში განხორციელდება არსებული სკვერებისა და პარკების კეთილმოწყობის სამუშაოები, შადრევნების მოვლა-შენახვა და ექსპლოატაცია,   სადღესასწაულო დღეებისათვის ქალაქის გაფორმება, დიდების მემორიალის, სკვერების, პარკების, ქალაქის ქუჩებისა და მრავალბინიანი ს/სახლების გამწვანებული ეზოების მოვლა-პატრონობა, მუზეუმის შენობის სახურავის კაპ. შეკეთება  და სხვა ღონისძიებები.

1.3.1 კეთილმოწყობის სამუშაოები (პროგრამული კოდი 03 03 01)

პროგრამის შესაბამისად 2015 წელს განხორციელდება საახალწლო ქალაქ გაფორმებისათვის ინვენტარის შეძენა, სახელმწიფო დროშების შეძენა, საახალწლო და სადღესასწაულო ქალაქგაფორმება, მინი სპორტული მოედნებისა და საათების მოვლა-პატრონობა, 9 აპრილის ხეივანზე და ნაბადის უბანში მდებარე სკვერების, დიდების მემორიალის, ცენტრალური და სხვა პარკებისა თუ სკვერების მოვლა-პატრონობა, მუზეუმის შენობის სახურავის კაპ. შეკეთება.

1.3.2 ქალაქის გამწვანება (პროგრამული კოდი 03 03 02)

პროგრამის ფარგლებში გათვალისწინებულია ქალაქის ქუჩებში, პარკებსა და სკვერებში ერთწლიანი და მრავალწლიანი ყვავილებისა და სხვადასხვა ხე-მცენარეების დარგვა. სულ ქალაქის ტერიტორიის 2-3%-ია გამწვანებული.

1.4 არასამეწარმეო (არაკომერციული) იურიდიული პირი „ქალაქის-ფოთის ცენტრალური პარკი“  (პროგრამული კოდი 03 05)

 ქვეპროგრამის ფარგლებში დაგეგმილია ცენტრალური პარკისა და მიმდებარე ტერიტორიის მოვლა-პატრონობის სამუშაოები, როგორიცაა ხეების გადაბელვა, შეთეთრება და სხვა. ასევე გათვალისწინებულია  გამწვანების ღონისძიებების განხორციელება, რათა შექმნილი იქნას შესაბამისი გარემო ნორმალური დასვენებისათვის.

1.5  არასამეწარმეო (არაკომერციული) იურიდიული პირი „ქალაქ ფოთის მუნიციპალიტეტის სასაფლაოების მოვლა-პატრონობის ცენტრი“ (პროგრამული კოდი 03 06)

ქვეპროგრამის ფარგლებში დაგეგმილია ქალაქ ფოთის მუნიციპალიტეტის სასაფლაოებზე არსებული მდგომარეობის მოწესრიგება, სასაფლაოზე საფლავების დადგენილი წესით გამოყოფა. სასაფლაოზე გამოყოფილი სამარის გათხრა და ამოვსება, გარდაცვლილის სამარეში ჩასვენება, სამარეზე სარეგისტრაციო ფირფიტის დაყენება, სასაფლაოს გასასვლელების, ბილიკების, საზოგადოებრივი სარგებლობის სხვა ადგილების და არსებული ქონების მოვლა-პატრონობა, სასაფლაოს ტერიტორიაზე საფლავის შემოფარგვლის, საფლავის ძეგლის მოპირკეთებითი სამუშაოების, სხვა საჭირო ობიექტების დადგმა-დამონტაჟების საკითხების დარეგულირება და სხვა. სასაფლაოს ეფექტური მართვისათვის საჭირო მომსახურების ახალი სახეებისა და მათი საფასურის ოდენობის შესახებ წინადადებების მომზადება.

აღნიშნული წარმოადგენს პრიორიტეტს საქართველოს სახელმწიფოს არსებობის მრავალსაუკუნოვანი ისტორიის მანძილზე, ვინაიდან სახელმწიფოს განვითარება კულტურული, რელიგიური და ახალგაზრდული სულისკვეთებისა და სპორტული მიღწევების გარეშე წარმოუდგენელი იქნებოდა. აქედან გამომდინარე, აუცილებელია ხელი შეეწყოს კულტურული ტრადიციების დაცვასა და ღირსეულ გაგრძელებას. ამასთანავე, ერთ-ერთი პრიორიტეტია ახალგაზრდების მრავალმხრივი (როგორც სულიერი, ისე ფიზიკური თვალსაზრისით) განვითარების ხელშეწყობა და მათში ცხოვრების ჯანსაღი წესის დამკვიდრება. შესაბამისად, ადგილობრივი თვითმმართველობის ორგანო განაგრძობს კულტურული ობიექტების ფინანსურ მხარდაჭერას, წარმატებული სპორტსმენების ხელშეწყობას და შესაბამისი პირობების შექმნას, რათა ნიჭიერმა ბავშვებმა და ახალგაზრდებმა შეძლონ მათი სპორტული შესაძლებლობების გამოვლენა.

2.1 სპორტის განვითარების ხელშეწყობა  (პროგრამული კოდი 05 01)

მოსახლეობის სპორტული მიმართულებით გააქტიურებისათვის საჭიროა პროგრამის ფარგლებში განხორციელდეს სხვადასხვა ორგანიზაციების და კლუბების ფინანსური მხარდაჭერა, რათა მათ ჰქონდეთ შესაძლებლობა უზრუნველყონ სპორტსმენებისათვის სავარჯიშოდ შესაბამისი პირობების შექმნა და ნიჭიერ სპორტსმენთა წახალისება.

2.1.1  სპორტული სკოლები (პროგრამული კოდი 05 01 01)

პროგრამის ძირითადი არსია ქალაქში სპორტის შემდგომი განვითარება, ქალაქის ნაკრები გუნდების მზადება და მონაწილეობა რესპუბლიკურ და საერთაშორისო სპორტულ ღონისძიებებში (მსოფლიო და ევროპის ჩემპიონატები, პირველობები, სააერთაშორისო ტურნირები), სპორტული რეზერვისა და მაღალი კლასის სპორტსმენთა მომზადება, სპორტის შემდგომი პოპულარიზაცია და სპორტის პროპაგანდისათვის ხელშეწყობა, „სპორტი ყველასათვის“  პროექტების რეალიზაცია, ქალაქის  ნაკრები გუნდების წევრებისათვის მაღალი დონის სასწავლო და საწვრთნელი პირობების შექმნა, თანამედროვე მოთხოვნების შესაბამისი სამედიცინო მომსახურება და ანტიდოპინგური ღონისძიებების განხორციელება, სპორტული ობიექტებით, სპორტული ფორმითა და ინვენტარით უზრუნველყოფა, სპორტსმენთა ტრანსპორტით მომსახურება, სპორტის მატერიალურ-ტექნიკური ბაზის შემდგომი განვითარება, ადგილობრივი ტურნირების და პირველობების ორგანიზება, სპორტის შემდგომი პოპულარიზაცია, მაღალი კლასის სპორტული რეზერვების მომზადება და ჯანსაღი მომავალი თაობის ჩამოყალიბება.

2.1.2  ახალგაზრდული და სპორტული  ღონისძიებების დაფინანსება (პროგრამული კოდი 05 01 02)

აღნიშნული ტურნირების ჩატარებით დაფასდება ფოთის პერსპექტიული სპორტსმენების და სპორტის დამსახურებული მუშაკების მოღვაწეობა, აგრეთვე ეს ტურნირები ხელს შეუწყობს სპორტის შემდგომ განვითარებას კრივში, რაგბში, ჭიდაობაში, ცხენოსნობაში, აღმოსავლურ ორთაბრძოლებში, საბაიდარო და კანოეთ ნიჩბოსნობაში. ტურნირის ჩატარების პერიოდში აუცილებელია გამარჯვებულ სპორტსმენთა დაჯილდოება შესაბამისი სახეობების მიხედვით თასებით, მედლებით, დიპლომებით და სხვა ფასიანი საჩუქრებით, რაც ხელს შეუწყობს სპორტული შეჯიბრებების, თამაშების კულტურის ამაღლებას და საერთო ჯამში ჯანსაღი ცხოვრების წესის დამკვიდრებას. აღნიშნულ პროგრამაში მონაწილეობას მიიღებს დაახლოებით 1500 სპორტსმენი და 5500 მაყურებელი.

აღნიშნული პროგრამით ასევე გათვალისიწნებულია ახალგაზრდული ღონისძიებების დაფინანსების ხარჯები.

2.1.2.1 სხვა  გაუთვალისწინებელი ახალგაზრდული და სპორტული ღონისძიებების დაფინანსება (პროგრამული კოდი 05 01 02 01)

აღნიშნული ღონისძიებების დაფინანსება გულისხმობს საბიუჯეტო წლის დასაწყისში დაუგეგმავ და აუცილებლად განსახორციელებელ ახალგაზრდულ და სპორტულ ღონისძიებებს, რომლებიც მოთხოვნისა და შესაბამისი კომპეტენტური დასკვნების საფუძველზე დაფინანსებულ იქნება ადგილობრივი ბიუჯეტიდან.

2.1.3   შპს „საფეხბურთო კლუბი  კოლხეთი  1913“ (პროგრამული კოდი 05 01 03)

ქალაქში არსებობს ერთი პროფესიონალური კლუბი ფეხბურთში  შპს „საფეხბურთო კლუბი კოლხეთი 1913“. ფეხბურთი ერთ-ერთი სპორტის წამყვანი სახეობაა, რომლის განვითარება ხელს შეუწყობს ახალგაზრდა ფეხბურთელების კვალიფიკაციის ამაღლებას, ჯანსაღი ცხოვრების წესის დამკვიდრებას და სპორტის ამ სახეობის  პოპულარიზაციას.

2.2  კულტურის განვითარების ხელშეწყობა (პროგრამული კოდი 05 02)

მოსახლეობის კულტურული მიმართულებით გააქტიურებისათვის საჭიროა კულტურული და პატრიოტული ღონისძიებების დაფინანსება, რელიგიური და სხვა სახის საქმიანობის ხელშეწყობა.

2.2.1. სახელოვნებო სკოლები (სასწავლებლები)  (პროგრამული კოდი 05 02 01)

ქალაქი აფინანსებს სახელოვნებო სკოლებს, რომლის მიზანია პიროვნების ინდივიდუალური  შემოქმედებითი მიდრეკილებების განვითარება, ხელოვნების სხვადასხვა დარგებისათვის თანაბარი პირობების შექმნა. მოსწავლეთა მიერ შესაბამისი სახელოვნებო საგანმანათლებლო პროგრამების ათვისება, ესთეტიკური გემოვნების ჩამოყალიბება, ქართული და მსოფლიო ხელოვნების ნიმუშების შესწავლა. სამხატვრო და ნატიფი ხელოვნების პროფესიების სწავლება, წვლილის შეტანა ქვეყნის ისტორიულ-კულტურული ტრადიციების შენარჩუნებასა და აღორძინებაში. ქართული ხალხური ფოლკლორის პროპაგანდა. კონკურსებში, ფესტივალებსა და ღონისძიებებში  მონაწილეობის უზრუნველყოფის გზით განსაკუთრებული ნიჭით დაჯილდოვებული მოსწავლეების გამოვლენა და წარმოჩენა.

2.2.2  კულტურული ღონისძიებების დაფინანსება (პროგრამული კოდი 05 02 02)

სხვადასხვა კულტურულ-საგანმანათლებლო ღონისძიებების ჩატარებით მოხდება ნიჭიერ შემოქმედთა, შემსრულებელთა გამოვლენა და მათი შემოქმედებითი ზრდის ხელშეწყობა, დაჯილდოვება, მხატვრულ-შემოქმედებითი კოლექტივების, ანსამბლების, ჯგუფების, სტუდიების, მოყვარულთა გაერთიანებების, ბავშვთა თეატრების წარმოჩენა და განვითარება. მოსწავლე-ახალგაზრდობის აღზრდა-განათლება, საკუთარი ინდივიდუალურობის, ნიჭისა და ხელოვნებითი შემოქმედების გამოვლენა, სკოლისგარეშე დროის საინტერესოდ ორგანიზება. თემატური ინფორმაციების მოძიება-დამუშავება, სააზროვნო და სოციალური უნარების განვითარება, სკოლისგარეშე შემოქმედებითი პოტენციალის რეალიზება, ხელოვნების სხვადასხვა დარგების გაცნობა, შემოქმედ ბავშვთა წარმოჩენა.

 2.2.2.1  სხვა  გაუთვალისწინებელი კულტურული  ღონისძიებები (პროგრამული კოდი 05 02 02 01)

აღნიშნული ღონისძიებების დაფინანსება გულისხმობს საბიუჯეტო წლის დასაწყისში დაუგეგმავ და აუცილებლად განსახორციელებელ კულტურულ ღონისძიებებს, რომლებიც მოთხოვნისა და შესაბამისი კომპეტენტური დასკვნების საფუძველზე დაფინანსებულ იქნება ადგილობრივი ბიუჯეტიდან.

2.2.3 საჯარო სამართლის ირიდიული პირი  „ქ.  ფოთის ვალერიან გუნიას სახელობის პროფესიული სახელმწიფო თეატრი“ (პროგრამული კოდი 05 02 03)

თეატრის ძირითად ფუნქციებს, მიზნებსა და საქმიანობის საგანს წარმოადგენს მსოფლიო და ეროვნულ თეატრალური ღირებულებათა განვითარების მიზნით მაღალხარისხოვანი სპექტაკლების დადგმა, აგრეთვე სხვა ტიპის წარმოდგენებისა და შემოქმედებითი პროექტების განხორციელება, თეატრალური ხელოვნების პროპაგანდა. მოსახლეობისათვის კლასიკური და თანამედროვე თეატრალური ნამუშევრების გაცნობა. ეროვნული და მსოფლიო თეატრალური ხელოვნების პოპულარიზაციის ხელშეწყობა, ეროვნული თვითშეგნების განმტკიცება, თეატრალური ტრადიციების აღორძინება და განვითარება, ზოგადსაკაცობრიო იდეალების პროპაგანდა.

2.2.4  არასამეწარმეო (არაკომერციული) იურიდიული პირი „თვითმმართველი ქალაქ ფოთის საგამოფენო დარბაზი“ (პროგრამული კოდი 05 02 04)

პროგრამა ემსახურება ქართული მრავალსაუკუნოვანი ეროვნული კულტურისა და უძველესი ტრადიციების ფართო პროპაგანდას. ხელს უწყობს ქალაქში სახვითი და გამოყენებითი ხელოვნების განვითარებას, მოსახლეობის ესთეტიკურ აღზრდას. უზრუნველყოფს ნიჭიერ შემოქმედთათვის სათანადო პირობების შექმნას და მათ მაქსიმალურ გამოვლენას, გამოფენების, გამოფენა-გაყიდვების, აუქციონების, კონკურსების, პერსონალური გამოფენების და შემოქმედებითი შეხვედრების  ორგანიზებას და მოწყობას.

2.2.5 არასამეწარმეო (არაკომერციული) იურიდიული პირი  „თვითმმართველი ქალაქ ფოთის საბიბლიოთეკო გაერთიანება“ (პროგრამული კოდი 05 02 05)

პროგრამის ძირითადი არსია მკითხველთა დაკმაყოფილება მათთვის საჭირო ინფორმაციითა და საბიბლიოთეკო დოკუმენტებით (ბეჭდური, ხელნაწერი და ინფორმაციის შემცველი სხვა მასალები), ხელსაყრელი პირობების შექმნა პიროვნების შემოქმედებითი განვითარებისათვის. შესაბამისი პროფილის საბიბლიოთეკო დოკუმენტების  შეგროვება, დაცვა და ამ დოკუმენტებით მოსახლეობის მომსახურება, როგორც ადგილზე გაცემით, ისე ასლების გაგზავნით ბიბლიოთეკაშორისო აბონემენტით და საერთაშორისო წიგნთაცვლის საშუალებით. მოსახლეობის ყველა ფენის მომსახურეობა საბავშვო ან მასობრივ ბიბლიოთეკებში ფონდების შექმნის მიზნით. კულტურულ-საგანმანათლებლო ღონისძიებების მოწყობა.

2.3 რელიგიური ორგანიზაციების ხელშეწყობა (უფლისა ჩვენისა იესო ქრისტეს ბრწყინვალე აღდგომის სახელობის ფოთის საკათედრო ტაძარი) (პროგრამული კოდი 05 04)

უფლისა ჩვენისა იესო ქრისტეს ბრწყინვალე აღდგომის სახელობის ფოთის საკათედრო ტაძრის მინათების და გარე განათების ხარჯების უზრუნველყოფა.

2.4 არასამეწარმეო (არაკომერციული) იურიდიული პირი „ქალაქ ფოთის მუნიციპალიტეტის ტურიზმის განვითარებისა და სოციალური კვლევის ცენტრი“ (პროგრამული კოდი 05 05)

პროგრამის ფარგლებში დაგეგმილია ტურიზმის სფეროში დასაქმებულთა მოღვაწეობის  წარმოჩინებისა და პოპულარიზაციის ხელშეწყობა, უცხოური ინვესტიციებისა და დონორი ორგანიზაციების მოზიდვა ქალაქისათვის მნიშვნელოვანი ახალგაზრდულ საქმეთა და ტურიზმის პროგრამებისა და პროექტების განხორციელებისათვის. თავისი კომპეტენციის ფარგლებში სწავლობს ქალაქ ფოთის მუნიციპალიტეტის ტურისტული ინდუსტრიის პოტენციალს და სპეციფიკას, იკვლევს ტურისტული ბაზების კონიუნქტურას, მარშრუტებს, ხელს უწყობს ქალაქის მასშტაბით ტურისტული ინფრასტრუქტურის ქსელის შექმნასა და განვითარებას, ქმნის ქალაქის ტურისტული შესაძლებლობების საინფორმაციო ბანკს,  მუდმივად ახდენს სრულყოფასა და განახლებას. ახდენს მოსახლეობის ჯანმრთელობის მდგომარეობაზე სოციალური პირობების გავლენის შესწავლას, დემოგრაფიული პროცესების ინფორმაციული ბანკის შექმნას, მოსახლეობის ცხოვრების დონისა და ეკონომიკური აქტივობის სტატუსის (დასაქმების, უმუშევრობის) საინფორმაციო ბანკის შექმნას, ქალაქ ფოთის მუნიციპალიტეტის მერის წარმომადგენლების მუშაობის (უბნების მიხედვით) ხელშეწყობას მათ უფლებამოსილების ფარგლებში შემავალ საკითხებთან დაკავშირებით (წარმომადგენლის მიმართვის საფუძველზე შესაბამისი ინფორმაციისა და დასკვნის მიწოდება).“

მომავალი თაობების აღზრდის მიმართულებით დაწყებითი და ზოგადი განათლების გარდა მნიშვნელოვანი როლი ენიჭება ასევე სკოლამდელ განათლებას, რაც თვითმმართველი ერთეულის საკუთარ უფლებამოსილებას განეკუთვნება და შესაბამისად, მუნიციპალიტეტის ერთ-ერთ პრიორიტეტს წარმოადგენს, რომლის ფარგლებში მომდევნო წლებში განხორციელდება საბავშვო ბაღების ფუნქციონირებისათვის საჭირო ხარჯების დაფინანსება და ინვენტარით უზრუნველყოფა.

მოსწავლე ახალგაზრდობის შემოქმედებითი საქმიანობის კუთხით დიდი ყურადღება დაეთმობა ნიჭიერ შემოქმედთა, შემსრულებელთა გამოვლენას და მათი შემოქმედებითი ზრდის ხელშეწყობას.

3.1 არასამეწარმეო (არაკომერციული) იურიდიული პირი “თვითმმართველი ქალაქ ფოთის სკოლამდელი სააღმზრდელო გაერთიანება“ (პროგრამული კოდი 04 01)

აღნიშნული პროგრამის ფარგლებში განხორციელდება ბავშვთა მეთვალყურეობა, მათი ჯანმრთელობისა და სიცოცხლის დაცვა, ასაკობრივი ჯგუფების მიხედვით სწავლების დონის, შესაბამისი პროგრამების, სასწავლო და მეთოდური მასალების განსაზღვრა.

ქალაქის ბიუჯეტი აფინანსებს ბაღების ფუნქციონირებასთან დაკავშირებულ ყველა სხვა ხარჯს, მათ შორის მასწავლებელთა და აღმზრდელთა ხელფასებს და ბაღების სხვა მიმდინარე ხარჯებს.

ა(ა)იპ „სკოლამდელი სააღმზრდელო გაერთიანება“ არის 15 სკოლამდელი სააღმზრდელო დაწესებულების ერთობლიობა, 2-დან 6 წლამდე ასაკის დაახლოებით 2100 აღსაზრდელით და 345 მომსახურე პერსონალით.

გაერთიანება უზრუნველყოფს საქართველოს მოქმედი კანონმდებლობით დადგენილი ნორმის ფარგლებში ბავშვთა სრულფასოვანი სამჯერადი კვების ორგანიზაციასა და ზამთრის პერიოდში ბაღების საწვავით მომარაგებას. ბავშვები იმყოფებიან ექთნის მუდმივი მეთვალყურეობის ქვეშ.

ქალაქში დღეისათვის რეაბილიტირებულია 4 საბავშვო ბაღი, სადაც დადის 1050 აღსაზრდელი, რაც საერთო რაოდენობის დაახლოებით 50%-ს შეადგენს. ამ დაწესებულებებში შექმნილია ესთეტიკურად ლამაზი, უსაფრთხო და კომფორტული გარემო მომავალი თაობის სრულფასოვანი აღზრდა-განვითარებისათვის.

პროგრამის მიზანია სკოლამდელი თაობის სახელმწიფოებრივი სოციალური და კულტურული მოთხოვნილებებით აღზრდა.

3.2 არასამეწარმეო (არაკომერციული) იურიდიული პირი „თვითმმართველი ქალაქის-ფოთის მოსწავლე-ახალგაზრდობის შემოქმედების ცენტრი“ (პროგრამული კოდი 04 02)

აღნიშნული პროგრამა ემსახურება მოსწავლეთა ტექნიკურ, საბუნებისმეტყველო, ეკოლოგიურ, მხატვრულ და ესთეტიკური კუთხით განვითარებას, ეროვნული კულტურული მემკვიდრეობის პოპულარიზაციას და სწავლებას, კულტურული დონისა და ეროვნული სულის ამაღლებისთვის ზრუნვას, ნიჭიერ შემოქმედთა, შემსრულებელთა გამოვლენასა და მათი შემოქმედებითი ზრდის ხელშეწყობას, მხატვრულ-შემოქმედებითი კოლექტივების, ანსამბლების, ჯგუფების, სტუდიების, მოყვარულთა გაერთიანებების, საერთო-შემეცნებითი ჯგუფების ჩამოყალიბებას, საგნობრივი წრეების შექმნას მოსწავლეთა ცოდნის დონის ამაღლების ხელშეწყობის მიზნით. 

მოსახლეობის ჯანმრთელობის დაცვის ხელშეწყობა და მათი სოციალური დაცვა ქალაქისათვის ერთ-ერთ მთავარ პრიორიტეტს წარმოადგენს. ქალაქ ფოთის მუნიციპალიტეტი არსებული რესურსების ფარგლებში, განაგრძობს სოციალურად დაუცველი მოსახლეობის სხვადასხვა დახმარებებითა და შეღავათებით უზრუნველყოფას.

ერთიანი სახელმწიფო პოლიტიკის ფარგლებში გაგრძელდება საზოგადოებრივი ჯანმრთელობის დაცვის მიზნით ადგილობრივ დონეზე სხვადასხვა ღონისძიებების განხორციელება, რაც უზრუნველყოფს მოსახლეობის ჯანმრთელობის დაცვას სხვადასხვა გადამდები და ინფექციური დაავადებებისაგან.

სოციალური დაცვის უმნიშვნელოვანესი კომპონენტია სოციალური დახმარება როგორც ფულადი, ასევე სხვადასხვა სოციალური შეღავათების დაწესების გზით, რაც გააუმჯობესებს შეჭირვებული მოსახლეობის სოციალურ და მატერიალურ მდგომარეობას.

4.1 საზოგადოებრივი ჯანდაცვის მომსახურება (არასამეწარმეო (არაკომერციული) იურიდიული პირი „თვითმმართველი ქალაქ ფოთის საზოგადოებრივი ჯანდაცვის ცენტრი“) (პროგრამული კოდი 06 01)

პროგრამის მიზანია ადამიანის ფიზიკური და ფსიქიკური ჯანმრთელობის დაცვა, შენარჩუნება და აღდგენა დაავადებათა პრევენციის, მათი გავრცელების შესწავლისა და შესაბამისად კონტროლის, ცხოვრების ჯანსაღი წესის დამკვიდრების, ადამიანის ჯანმრთელობისათვის უსაფრთხო გარემოს ჩამოყალიბებისათვის ხელშეწყობის გზით. ანტირაბიული, მალარიის წინააღმდეგ ბრძოლის ღონისძიებების ჩატარება, ნარკომანიის, თამბაქოს, ალკოჰოლიზმის, შიდსის წინააღმდეგ ბრძოლის პროპაგანდა, მუშაობა მიზნობრივ ჯგუფებთან. მოსახლეობაში პროფილაქტიკურ-საგანმანათლებლო სამუშაოების წარმოება.

4.2. ჯანდაცვის სხვა პროგრამები (პროგრამული კოდი 06 02)

ჯანდაცვის სხვა პროგრამები მოიცავს მოსახლეობის სტაციონარული მკურნალობის პროგრამას, მოსახლეობის მედიკამენტებით უზრუნველყოფის პროგრამას, განსაკუთრებული საჭიროების მქონე ავადმყოფთა და დიალიზის პროგრამაში მონაწილეთა ტრანსპორტირების პროგრამას, გინეკოლოგიურ დაავადებათა გამოკვლევისა და პროფილაქტიკის პროგრამას, სასმელი, სარეკრიაციო და ჩამდინარე წყლების სანიტარულ-ბაქტერიოლოგიური და სანიტარულ-ქიმიური გამოკვლევის პროგრამას, ტუბერკულოზის პრევენციის პროგრამა  ქალაქ ფოთის საჯარო სკოლებში, საჯარო სკოლებში ბავშვთა სტომატოლოგიურ დაავადებათა გამოკვლევისა და პროფილაქტიკის პროგრამას.

4.2.1  მოსახლეობის სტაციონარული მკურნალობა (პროგრამული კოდი 06 02 01)

პროგრამა ითვალისწინებს დაზღვევის გარეშე დარჩენილი ქალაქ ფოთის მუნიციპალიტეტში მცხოვრები და სოციალურად დაუცველი მოსახლეობის ჯანმრთელობის დაცვის სერვისების ხელმისაწვდომობას, სხვადასხვა დაავადებების მკურნალობის ხარჯების თანადაფინანსებას, მათ შორის ძვირადღირებულ ოპერაციებს, გამოკვლევებს.

პროგრამის მართვა:

მოქალაქეთა განცხადებების განხილვა მოხდება ქალაქ ფოთის მუნიციპალიტეტის მერიის ჯანმრთელობისა და სოციალური დაცვის სამსახურში. განხილვისას გათვალისწინებული იქნება ავადმყოფის ასაკი, დაავადების სირთულე და ქრონიკულობა, ავადმყოფის სოციალურ-ეკონომიკური მდგომარეობა, ანგარიშ-ფაქტურაში მითითებული სრული თანხა, საანგარიშო პერიოდში შემოსულ განცხადებათა რაოდენობა და დამტკიცებული ლიმიტი.

აღნიშნული პროგრამის ფარგლებში პაციენტს საბიუჯეტო წლის განმავლობაში დახმარება შეიძლება გაეწიოს არაუმეტეს ორჯერ.

თანხები გამოიყოფა შესაბამისი კომისიის დასკვნისა და ქალაქ ფოთის მუნიციპალიტეტის მერის ბრძანების საფუძველზე.

4.2.2  მოსახლეობის მედიკამენტებით უზრუნველყოფა (პროგრამული კოდი 06 02 02)

აღნიშნული პროგრამით სოციალურად დაუცველ მოსახლეობაზე გაიცემა ვაუჩერი, რომლის ღირებულება შეადგენს 70 ლარს. პროგრამით ისარგებლებს დაახლოებით 1142 ადამიანი.

პროგრამის მართვა:

მოქალაქემ დახმარების მისაღებად უნდა მიმართოს ქალაქ ფოთის მუნიციპალიტეტის მერიას. განცხადებას თან უნდა დაერთოს ექიმის მიერ გაცემული ფორმა #100 და პირადობის მოწმობის ასლი. აღნიშნული განცხადებები განხილულ იქნება კომისიური წესით და მომზადდება შესაბამისი დასკვნები.

მედიკამენტები განმცხადებელზე გაიცემა პროგრამაში მონაწილე აფთიაქიდან.

პროგრამის მომსახურე აფთიაქიდან ანგარიშის წარდგენა და ინფორმაციის მიწოდება ქალაქ ფოთის მუნიციპალიტეტის მერიის ჯანმრთელობისა და სოციალური დაცვის სამსახურში მოხდება ყოველთვიურად, სადაც შემოწმდება ანგარიშები და მიეცემა ვიზა დაფინანსებისათვის.

აღნიშნული პროგრამით დახმარება შესაძლებელია განმცხადებელს გაეწიოს წლის განმავლობაში მხოლოდ ერთხელ.

4.2.3 განსაკუთრებული საჭიროების მქონე  ავადმყოფთა და დიალიზის პროგრამაში მონაწილეთა  ტრანსპორტირება (პროგრამული კოდი 06 02 03)

განსაკუთრებული საჭიროების მქონე ავადმყოფთა  და დიალიზით დაავადებულთა ქალაქგარეთ ტრანსპორტირების პროგრამის მიზანია, მძიმე მდგომარეობაში მყოფ ავადმყოფთა ტრანსპორტირების უზრუნველყოფა უფასო, სრულყოფილი და ოპერატიული სასწრაფო სამედიცინო მომსახურებით.

პროგრამის მართვა:

პაციენტი ან/და მეურვე განცხადებით მიმართვას ქალაქ ფოთის მუნიციპალიტეტის მერიას. განცხადებას თან უნდა დაერთოს ექიმის მიერ გაცემული ფორმა #100, ავადმყოფის დიაგნოზისა და ტრანსპორტირების აუცილებლობის მითითებით. შემოსული დოკუმენტაცია მოწმდება ქალაქ ფოთის მუნიციპალიტეტის მერიის ჯანმრთელობისა და სოციალური დაცვის სამსახურში და მიმართვა ეგზავნება შესაბამის სამსახურს, რათა მოხდეს მძიმე მდგომარეობაში მყოფი ავადმყოფის ტრანსპორტირება ქალაქგარეთ, შესაბამის სამედიცინო დაწესებულებაში.

ასევე, სხვა შემთხვევაში შესაძლებელია განხორციელდეს დაავადებულთა ქალაქგარეთ ტრანსპორტირება შესაბამისი დოკუმენტაციის საფუძველზე მონეტარული ფორმით (თვეში ერთჯერადად გასაცემლის სახით),  კომისიის დასკვნის და ქალაქ ფოთის მუნიციპალიტეტის მერის ბრძანების საფუძველზე, არაუმეტეს 200 ლარისა.

4.2.4  გინეკოლოგიურ დაავადებათა გამოკვლევა და პროფილაქტიკა (პროგრამული კოდი 06 02 04)

პროგრამის მიზანია გინეკოლოგიურ დაავადებათა ადრეული გამოვლენისა და გავრცელების პრევენციის უზრუნველყოფა და მოსახლეობაში ჯანსაღი ცხოვრების წესის დამკვიდრება, კიბოს დაავადების ადრეული გამოვლენის მიზნით გამოკვლევების ჩატარება.

პაციენტები გამოკვლევების ჩასატარებლად ყოველგვარი განცხადების გარეშე პირდაპირ მიმართავენ პროგრამაში მონაწილე სამედიცინო დაწესებულებას.

4.2.5 სასმელი, სარეკრეაციო და ჩამდინარე წყლების სანიტარულ-ბაქტერიოლოგიური და სანიტარულ-ქიმიური გამოკვლევა  (პროგრამული კოდი 06 02 05)

აღნიშნული პროგრამის განხორციელების აუცილებლობა განპირობებულია მოსახლეობის ჯანმრთელობისათვის უსაფრთხო გარემოს შექმნის უზრუნველყოფით. შესაბამისად პროგრამის მიზანია ეპიდ. ზედამხედველობის სისტემის მგრძნობელობის გაზრდა. სამედიცინო სტატისტიკური სისტემის ფუნქციონირების გაუმჯობესება.

4.2.6  ტუბერკულოზის პრევენციის პროგრამა  ქალაქ ფოთის საჯარო სკოლებში (პროგრამული კოდი 06 02 06)

პროგრამა ითვალისწინებს საშუალოდ 1300 მოზარდის გამოკვლევას მანტუს (კანის ალერგიული) ტესტის საშუალებით, რათა დროულად მოხდეს ტუბერკულოზით დაავადებულთა გამოვლენა. აუცილებლობის შემთხვევაში მოხდება შესაბამისი მკურნალობის ჩატარება.

4.2.7 საჯარო სკოლებში ბავშვთა სტომატოლოგიურ დაავადებათა გამოკვლევა და პროფილაქტიკა  (პროგრამული კოდი 06 02 07)

პროგრამა ითვალისწინებს ბავშვთა და მოზარდთა შორის სტომატოლოგიურ დაავადებათა გამოკვლევისა და პროფილაქტიკის მიზნით დაავადებათა დროულ აღმოჩენას,  სოციალურად დაუცველი ოჯახებისა და მოზარდი თაობის პაციენტებისათვის სრულფასოვანი სამედიცინო დახმარების აღმოჩენის უზრუნველყოფის ხელშეწყობას.

4.3  მოსახლეობის სოციალური უზრუნველყოფა (პროგრამული კოდი 06 03)

პროგრამა ითვალისწინებს ქალაქ ფოთის ტერიტორიაზე მცხოვრები მოსახლეობის სხვადასხვა ფენებისათვის გარკვეული შეღავათებითა და სოციალური დახმარებებით უზრუნველყოფას. სახელმწიფო ბიუჯეტიდან გამოყოფილი მიზნობრივი ტრანსფერის ფარგლებში კანონმდებლობით გათვალისწინებული სარიტუალო მომსახურების ხარჯების ანაზღაურებას, მოხუცებულთა, მიუსაფართა და სოციალურად დაუცველთა კვებით უზრუნველყოფას, დემოგრაფიული მდგომარეობის გაუმჯობესების მიზნით მრავალშვილიანი ოჯახების დახმარებას და სხვა სოციალურ ღონისძიებებს, რომლებიც მთლიანობაში უზრუნველყოფენ ქალაქის მოსახლეობის სოციალური მდგომარეობის გაუმჯობესებას.

4.3.1  სარიტუალო მომსახურება (პროგრამული კოდი 06 03 01)

აღნიშნული პროგრამით ხორციელდება უმწეო, მარტოხელა და უპატრონო მიცვალებულთა სარიტუალო მომსახურების დაფინანსება, აგრეთვე დიდი სამამულო ომის მონაწილეებისა და საქართველოს ტერიტორიული მთლიანობისათვის ბრძოლაში მონაწილეთა გარდაცვალების შემთხვევაში, მათი ოჯახებისათვის ერთჯერადი მატერიალური დახმარების გაწევას 300 ლარის ოდენობით.

პროგრამის მართვა:

აღნიშნული პროგრამით დახმარების მისაღებად გარდაცვლილის ოჯახის წევრმა ან მეურვემ უნდა მიმართოს ქალაქ ფოთის მუნიციპალიტეტის მერიას. განცხადებას თან უნდა დაერთოს განმცხადებლის პირადობის მოწმობის ასლი, გარდაცვალების მოწმობის ასლი, გარდაცვლილის პირადობის მოწმობის ასლი, ცნობა ქალაქ ფოთის მუნიციპალიტეტის მერის წარმომადგენლებიდან (უბნების მიხედვით).

უპატრონო მიცვალებულის შემთხვევაში, დაკრძალვის ორგანიზებას და ჩასასვენებელი სასახლის დამზადებისათვის საჭირო დოკუმენტაციის წარდგენას ქალაქ ფოთის მუნიციპალიტეტის მერიაში ახორციელებს ქალაქ ფოთის მუნიციპალიტეტის მერის წარმომადგენლები (უბნების მიხედვით).

4.3.2  მარტოხელა დედათა დახმარება (პროგრამული კოდი 06 03 02)

სამუშაო ადგილების დეფიციტის გამო მარტოხელა დედების უმრავლესობა უმუშევარია, მათ მძიმე ტვირთად აწევთ მცირეწლოვანი შვილების მოვლა-პატრონობა. იზრდება მზრუნველობამოკლებულ ბავშვთა რაოდენობა, ამიტომ მიზანშეწონილია გაეწიოს ყოველთვიური მატერიალური დახმარება მარტოხელა დედებს 40 ლარის ოდენობით მოზარდის 16 წლის ასაკის შესრულებამდე.

პროგრამის მართვა:

ბიუჯეტიდან გამოყოფილი მატერიალური დახმარება, შესაბამისი კომისიის დასკვნის და ქალაქ ფოთის მუნიციპალიტეტის მერის ბრძანების საფუძველზე, მარტოხელა დედებს ან/და მათ მიერ განსაზღვრულ პირებს დაერიცხებათ საბანკო ანგარიშზე.

4.3.3  ოჯახებისა და ბავშვების სოციალური დაცვა (პროგრამული კოდი 06 03 03)

აღნიშნული პროგრამა მოიცავს ა(ა)იპ „ბავშვთა ცენტრის“ პროგრამას, 2008 წლის აგვისტოს მოვლენების დროს რუსეთის აგრესიის შედეგად დაღუპულთა ოჯახების დახმარების პროგრამას, მეორე მსოფლიო ომის მონაწილე, ამავე ომის შეზღუდული შესაძლებლობის მქონე პირთა და სხვა სახელმწიფოთა ტერიტორიული მთლიანობისათვის ბრძოლის მონაწილეთა დახმარების პროგრამას, უსინათლოების მატერიალური დახმარების პროგრამას და შეზღუდული შესაძლებლობის მქონე  ბავშვთა ტრანსპორტირების პროგრამას.

4.3.3.1  არასამეწარმეო (არაკომერციული) იურიდიული პირი  - „თვითმმართველი ქალაქის-ფოთის ბავშვთა ცენტრი“ (პროგრამული კოდი 06 03 03 01)

ქვეპროგრამა ითვალისწინებს მზრუნველობამოკლებულ ბავშვთა უზრუნველყოფას თავშესაფრით, კვებით, ბავშვთა დასვენება-გაჯანსაღებას (საოჯახო ტიპის ბავშვთა სახლი). პროგრამის ბენეფიციარია 9 ბავშვი.

4.3.3.2  2008 წლის აგვისტოს მოვლენების დროს რუსეთის აგრესიის შედეგად დაღუპულთა ოჯახების დახმარება (პროგრამული კოდი 06 03 03 03)

პროგრამა მიზნად ისახავს 2008 წლის აგვისტოს თვეში რუსეთის მიერ განხორციელებული აგრესიის შედეგად დაღუპულთა ოჯახებისათვის მატერიალური დახმარების გაწევას 500 ლარის ოდენობით, გარდაცვლილი 11 მოქალაქის გმირობის სათანადოდ დაფასებას და მათი ხსოვნისადმი პატივის მიგებას.

გამოყოფილი თანხა ბენეფიციარებს დაერიცხებათ პირად საბანკო ანგარიშზე.

4.3.3.3 მეორე მსოფლიო ომის მონაწილე, ამავე ომის შეზღუდული შესაძლებლობის მქონე პირთა და სხვა სახელმწიფოთა ტერიტორიული მთლიანობისათვის ბრძოლის მონაწილეთა დახმარება (პროგრამული კოდი 06 03 03 04)

პროგრამა მიზნად ისახავს დიდი სამამულო ომის მონაწილეებისა და ტერიტორიული მთლიანობისათვის ბრძოლაში მონაწილეთა ერთჯერადი მატერიალური დახმარების გაწევას თითოეულზე 350 ლარის ოდენობით.

პროგრამის მართვა:

გამოყოფილი თანხა ბენეფიციარებს დაერიცხებათ პირად საბანკო ანგარიშზე, შესაბამისი კომისიის დასკვნის და ქალაქ ფოთის მუნიციპალიტეტის მერის ბრძანების საფუძველზე.

4.3.3.4  უსინათლოების მატერიალური დახმარება (პროგრამული კოდი 06 03 03 06)

პროგრამა გულისხმობს უსინათლო პენსიონერთათვის ყოველთვიურად 30 ლარიან შეღავათიან პაკეტს კომუნალური გადასახადების დასაფინანსებლად.

პროგრამის მართვა:

უსინათლო პენსიონერი (შემდგომში ბენეფიციარი) კომუნალურ გადასახადებზე   შეღავათების მისაღებად განცხადებით მიმართავს ქალაქ ფოთის მუნიციპალიტეტის მერიას. განცხადებას თან უნდა დაერთოს ბენეფიციარის პირადობის დამადასტურემელი მოწმობის ასლი და ცნობა სოციალური მომსახურების სააგენტოს ფოთის განყოფილებიდან, რომ ბენეფიციარი არის უსინათლო პენსიონერი.

პროგრამაში მონაწილე ბენეფიციარებს კომუნალურ გადასახადებზე შეღავათი 30 ლარის ოდენობით  ყოველთვიურად დაერიცხებათ საბანკო ანგარიშებზე. თანხის გაცემა იწარმოებს პლასტიკური ბარათების მეშვეობით. 

ბენეფიციართა სია არანაკლებ წელიწადში ორჯერ უნდა იქნას წარმოდგენილი ქალაქ ფოთის მუნიციპალიტეტის მერიის ჯანმრთელობისა და სოციალური დაცვის სამსახურის მიერ.

4.3.3.5  შეზღუდული შესაძლებლობის მქონე  ბავშვთა ტრანსპორტირება (პროგრამული კოდი 06 03 03 07)

პროგრამა გულისხმობს შეზღუდული შესაძლებლობის მქონე ბავშვთა შემეცნებითი, გასართობი და გასვლითი ღონისძიებების ფარგლებში ტრანსპორტით მომსახურებას.

4.3.4 სოციალურად დაუცველი მოსახლეობის კვებით უზრუნველყოფა (უფასო სასადილო) (პროგრამული კოდი 06 03 04)

არამდგრადი შრომის ბაზარი და მისგან გამოწვეული ეკონომიკური და ყოფა-ცხოვრების პირობების დინამიური განუვითარებლობა, სოციალურად დაუცველი ოჯახები, საკვებ პროდუქტებზე მაღალი ფასები მოითხოვს შეიქმნას ერთჯერადად, უფასო კვების სერვისი. აღნიშნულ სერვისში ყოველდღიურად ისადილებს 215 ბენეფიციარი.

4.3.5  ახალშობილთა ოჯახების დახმარება (პროგრამული კოდი 06 03 05)

პროგრამა უზრუნველყოფს ახალგაზრდა ოჯახების წახალისებას, რათა ხელი შეუწყოს დემოგრაფიული ფონის გაუმჯობესებას. პროგრამის ფარგლებში ყველა ახალშობილი ოჯახისათვის (მათ შორის ქალაქ ფოთში რეგისტრირებულ დევნილებზე)  გათვალისწინებულია ერთჯერად 100 ლარით დახმარება.

პროგრამაში მონაწილე ბენეფიციარებისათვის მატერიალური დახმარების უზრუნველყოფა შესაძლებელი იქნება ახალშობილის მშობლის მიერ ქალაქ ფოთის მუნიციპალიტეტის მერიაში შემოტანილი განცხადებისა და თანდართული დოკუმენტაციის (მშობლების პირადობის მოწმობის ასლები და ბავშვის დაბადების მოწმობის ასლი)  საფუძველზე.

პროგრამის მართვა:

თანხა განმცხადებელს დაერიცხება პირად საბანკო ანგარიშზე, შესაბამისი კომისიის დასკვნისა და ქალაქ ფოთის მუნიციპალიტეტის მერის ბრძანების საფუძველზე.

4.3.6 საქალაქო ავტობუსების სუბსიდირების ხარჯები (შეზღუდული პასუხისმგებლობის საზოგადოება  „ფოთი ქალაქტრანსპორტი“) (პროგრამული კოდი 06 03 06)

პროგრამის ფარგლებში განხორციელდება ქალაქის სოციალურად დაუცველი  მოსახლეობისათვის იაფი ტრანსპორტით მომსახურება. იგი სხვა სატრანსპორტო საშუალებებთან შედარებით იაფია და ნებისმიერ ადამიანს შეეძლება აღნიშნული ავტობუსით მგზავრობა.

4.4  მრავალშვილიანი ოჯახების ყოველთვიური დახმარება (პროგრამული კოდი 06 04)

ქალაქში დემოგრაფიული სიტუაციის შემდგომი გაუმჯობესებისათვის ქალაქ ფოთის მუნიციპალიტეტის მკვიდრ, ასევე ქალაქ ფოთში რეგისტრირებულ დევნილთა მრავალშვილიან ოჯახებს, რომლებიც ზრდიან  3,  4  და  მეტ არასრულწლოვან მოზარდს (16 წლამდე) ბოლო შვილზე მიზანშეწონილია დაენიშნოს ყოველთვიური მატერიალური დახმარება:

• 3 შვილიან ოჯახს - 50 ლარი;
• 4 შვილიან ოჯახს - 90 ლარი;
• 5 შვილიან ოჯახს - 120 ლარი;
• 6 შვილიან ოჯახს - 200 ლარი;
• 7 შვილიან ოჯახს - 250 ლარი;
• 8 და მეტ შვილიან ოჯახს - 300 ლარი.

ქვეპროგრამის ბენეფიციარია დაახლოებით  300-მდე ოჯახი.

მატერიალური დახმარების მისაღებად მრავალშვილიანმა ოჯახმა უნდა წარადგინოს ქალაქ ფოთის მუნიციპალიტეტის მერიაში განცხადება შესაბამისი დოკუმენტაციით (მშობლების პირადობის მოწმობის ასლები, ბავშვების დაბადების მოწმობის ასლები).

 პროგრამის მართვა:

თანხა ბენეფიციარს დაერიცხება პირად საბანკო ანგარიშზე (ან საბანკო დაწესებულების მეშვეობით) შესაბამისი კომისიის დასკვნის და ქალაქ ფოთის მუნიციპალიტეტის მერის ბრძანების საფუძველზე.

4.5  ხუთი და მეტშვილიანი ოჯახების დახმარება (პროგრამული კოდი 06  05)

ქალაქში დემოგრაფიული სიტუაციის შემდგომი გაუმჯობესებისათვის ქალაქ ფოთის მუნიციპალიტეტის მკვიდრ, ასევე ქალაქ ფოთში რეგისტრირებულ დევნილთა მრავალშვილიან ოჯახებს, რომელთაც ჰყავთ ხუთი და მეტი შვილი (უფროსი შვილის 18 წლის შესრულებამდე) მიზანშეწონილია წელიწადში ერთხელ გაეწიოს მატერიალური დახმარება 2000 ლარის ოდენობით.

მატერიალური დახმარების მისაღებად მრავალშვილიანმა ოჯახმა უნდა წარადგინოს ქალაქ ფოთის მუნიციპალიტეტის მერიაში განცხადება შესაბამისი დოკუმენტაციით (მშობლების პირადობის მოწმობის ასლები, ბავშვების დაბადების მოწმობის ასლები).

 პროგრამის მართვა:

თანხის გამოყოფა და ჩარიცხვა განხორციელდება წელიწადში ერთხელ. თანხა ბენეფიციარს დაერიცხება პირად საბანკო ანგარიშზე (ან საბანკო დაწესებულების მეშვეობით) შესაბამისი კომისიის დასკვნისა და ქალაქ ფოთის მუნიციპალიტეტის  მერის ბრძანების საფუძველზე.

4.6  სადღესასწაულო დღეებთან დაკავშირებული დახმარებები (პროგრამული კოდი 06 06)

აღნიშნული პროგრამა ითვალისწინებს სადღესასწაულო დღეებში  შემდეგი კატეგორიის ბენეფიციარების მატერიალურ წახალისებას:

• დედითა და დედ–მამით ობლები 17 წლამდე ასაკის (სულ 33 ბავშვი, მათ შორის: 20 ვაჟი და 13 გოგო)  – 100 ლარი წელიწადში ორჯერ.
• 1989 წლის 9 აპრილის  მონაწილეები (1 ქალი) – 500 ლარი ერთჯერადად.
• ქალაქის წინაშე განსაკუთრებული დამსახურების მქონე პენსიონრები (სოციალურად დაუცველი ქალაქის საპატიო მოქალაქეები) (სულ 29 პირი, მათ შორის 21 ქალი და 8 მამაკაცი) – 100 ლარი წელიწადში ორჯერ.
• შეზღუდული შესაძლებლობების მქონე პირები 17 წლამდე ასაკის მოზარდები (სულ 104 ბავშვი, მათ შორის: 25 ვაჟი და 79 გოგო) – 100 ლარი წელიწადში ორჯერ.
• ქალაქში მცხოვრები უხუცესები (სულ 84 პირი, მათ შორის 75 ქალი და 9 მამაკაცი) – 100 ლარი წელიწადში ერთჯერ.
• სკოლის წარჩინებული მოსწავლეები – 100 ლარი ერთჯერადად.

თანხა პროგრამაში მონაწილე ბენეფიციარებს დაერიცხებათ პირად საბანკო ანგარიშზე.

თანხები გამოიყოფა შესაბამისი კომისიის დასკვნისა და ქალაქ ფოთის მუნიციპალიტეტის მერის  ბრძანების საფუძველზე.

ქვეყნის თავდაცვისუნარიანობის ხარისხის ამაღლების ხელშეწყობის მიზნით, ქალაქ ფოთში ხორციელდება სამხედრო აღრიცხვის და გაწვევის, წვევამდელთა სამედიცინო შემოწმებისა და ტრანსპორტირების ღონისძიებები.

სტიქიური მოვლენების, უბედური შემთხვევების და სხვა საგანგებო სიტუაციების შემთხვევაში მოსახლეობის დახმარების გასაწევად სულ უფრო დიდ მნიშვნელობას იძენს სამაშველო სამსახურის ოპერატიული მოქმედება, მათი მზადყოფნა დროული და სათანადო დახმარების აღმოსაჩენად, რისთვისაც აუცილებელია პერსონალის სახანძრო და სამაშველო ტექნიკური ინვენტარით უზრუნველყოფა, პერსონალისათვის სათანადო ხარისხის ინდივიდუალური და ჯგუფური წვრთნების ჩატარება და პროფესიული დონის ამაღლება, მათი სოციალური და სადაზღვევო უზრუნველყოფა.

5.1  საგანგებო სიტუაციების მართვა (პროგრამული კოდი 02 01)

პროგრამა მოიცავს ხანძრის, სტიქიური მოვლენებისა და სხვა უბედური შემთხვევების დროს მოსახლეობის უსაფრთხოების დაცვას, ხანძრის დროულად ლოკალიზებას და მოსალოდნელი საფრთხეების თავიდან აცილებას, მეხანძრეთა და მაშველთა ჯანმრთელობის დაცვის მიზნით მათ სამედიცინო დაზღვევას.

5.2  ქვეყნის თავდაცვისუნარიანობის ამაღლების ხელშეწყობა (პროგრამული კოდი 02 03)

ქვეყნის თავდაცვისუნარიანობის ხარისხის ამაღლების ხელშეწყობის მიზნით, ქალაქ ფოთში ხორციელდება მოსწავლეთა პირველადი აღრიცხვის და გაწვევის, წვევამდელთა სამედიცინო შემოწმებისა და ტრანსპორტირების ღონისძიებები, ასევე სარეზერვო ძალების მობილიზება.

2015 წელს სავარაუდოდ მოხდება 100-120 ვაჟის გაწვევა.