სამედიცინო დაწესებულებათა რეაბილიტაციისა და აღჭურვის 2012 წლის სახელმწიფო პროგრამის დამტკიცების შესახებ

საქართველოს მთავრობის

დადგენილება №115

2012 წლის 28 მარტი

ქ. თბილისი

სამედიცინო დაწესებულებათა რეაბილიტაციისა და აღჭურვის 2012 წლის სახელმწიფო  პროგრამის დამტკიცების შესახებ

მუხლი 1. „საქართველოს 2012 წლის სახელმწიფო ბიუჯეტის შესახებ“ საქართველოს კანონის მე-15 მუხლისა და 39 -ე მუხლის მე‑ 2 პუნქტის შესაბამისად, დამტკიცდეს თანდართული „ სამედიცინო დაწესებულებათა რეაბილიტაციისა და აღჭურვის 2012 წლის სახელმწიფო პროგრამა“.

მუხლი 2. დადგენილება ამოქმედდეს გამოქვეყნებისთანავე.

პრემიერ‑მინისტრი                   ნ . გილაური

სამედიცინო დაწესებულებათა რეაბილიტაციისა და აღჭურვის 2012 წლის სახელმწიფო პროგრამა

    მუხლი 1. პროგრამის მიზანი

პროგრამის მიზანია სამედიცინო დაწესებულებათა ინფრასტრუქტურის მშენებლობა, რეაბილიტაცია, აღჭურვა და განვითარება .

    მუხლი 2. პროგრამის კომპონენტები და ღონისძიებები

1. სამედიცინო დაწესებულებათა მშენებლობისა და რეაბილიტაციის /რეკონსტრუქციის კომპონენტი მოიცავს ფსიქიატრიული დაწესებულებების მშენებლობისა და რეაბილიტაციის /რეკონსტრუქციის სამუშაოებს.

2. აღჭურვის კომპონენტი მოიცავს შემდეგ ღონისძიებებს:

ა) ფსიქიატრიული დაწესებულებების აღჭურვას;

ბ) 1 რეანომობილის, 2 ორხიდიანი მაღალი გამავლობის სასწრაფო დახმარების ავტომანქანისა და სტომატოლოგიური მომსახურების უზრუნველსაყოფად სპეციალურად აღჭურვილი 2 მანქანის შესყიდვას.

3. საექსპერტო მომსახურებისა და საპროექტო სამუშაოების კომპონენტი მოიცავს ფსიქიატრიული დაწესებულებების სამშენებლო, სარეაბილიტაციო/სარეკონსტრუქციო და აღჭურვის სამუშაოებისათვის საპროექტო-სახარჯთაღრიცხვო (მათ შორის, შესაბამისი გეოლოგიური კვლევები) დოკუმენტაციის მომზადებას.

4. ადმინისტრირების კომპონენტი.

    მუხლი 3. განხორციელების მეთოდოლოგია 

1. ამ პროგრამის მე-2 მუხლის პირველი პუნქტისა და მე-2 მუხლის მე‑2 პუნქტის „ა“ ქვეპუნქტით გათვალისწინებული ღონისძიებების შესყიდვა განხორციელდეს „ სახელმწიფო შესყიდვების შესახებ“ საქართველოს კანონის შესაბამისად.

2. ამ პროგრამის მე-2 მუხლის მე-2 პუნქტის „ბ“ ქვეპუნქტით გათვალისწინებული ღონისძიებების შესყიდვა განხორციელდეს „სახელმწიფო შესყიდვების შესახებ“ საქართველოს კანონის 10¹ მუხლის 3¹ პუნქტის შესაბამისად, გამარტივებული ელექტრონული ტენდერის საშუალებით.

3. ამ პროგრამის მე-2 მუხლის მე-3 პუნქტით გათვალისწინებული ღონისძიებების შესყიდვა განხორციელდეს „ სახელმწიფო შესყიდვების შესახებ“ საქართველოს კანონის 10¹ მუხლის მე‑ 3 პუნქტის „ დ“ ქვეპუნქტის შესაბამისად, გამარტივებული შესყიდვის საშუალებით.

    მუხლი 4. პროგრამის განხორციელება

„საქართველოს 2012 წლის სახელმწიფო ბიუჯეტის შესახებ“ საქართველოს კანონის შესაბამისად, პროგრამას ახორციელებს საქართველოს შრომის, ჯანმრთელობისა და სოციალური დაცვის სამინისტროს ცენტრალური აპარატი.

    მუხლი 5. პროგრამის ბიუჯეტი 

1. პროგრამის ბიუჯეტი განისაზღვროს 8 784,0 ათასი ლარით.

2. პროგრამის ბიუჯეტი კომპონენტებისა და ღონისძიებების მიხედვით წარმოდგენილია შემდეგ ცხრილში: