გორის მუნიციპალიტეტის 2017 წლის ბიუჯეტის დამტკიცების შესახებ

განისაზღვროს გორის მუნიციპალიტეტის ბიუჯეტის ბალანსი თანდართული რედაქციით:

(ათას ლარებში)

(ათას ლარებში)

(ათას ლარებში)

(ათას ლარებში)

(ათას ლარებში)

(ათას ლარებში)

                                                                                                                                                                    (ათას ლარებში)

ა) განისაზღვროს გორის მუნიციპალიტეტის ბიუჯეტის არაფინანსური აქტივების ზრდა 3,079.6(სამი მილიონ სამოცდაცხრამეტი ათას ექვსასი) ლარის ოდენობით თანდართული რედაქციით:  

(ათას ლარებში)

ბ) განისაზღვროს გორის მუნიციპალიტეტის ბიუჯეტის არაფინანსური აქტივების კლება 250.0(ორას ორმოცდაათი ათასი)  ლარის ოდენობით, მათ შორის:  

(ათას ლარებში)

(ათას ლარებში)

ბ) განისაზღვროს გორის მუნიციპალიტეტის ბიუჯეტის ფინანსური აქტივების კლება 0.0 (ნული) ლარის ოდენობით.

ბ)განისაზღვროს გორის მუნიციპალიტეტის ბიუჯეტის ვალდებულების კლება 128.0 (ასოცდარვა ათასი) ლარის ოდენობით.

1. თავდაცვა, საზოგადოებრივი წესრიგი და უსაფრთხოება  (პროგრამული კოდი 02 00)

პროგრამის აღწერა და მიზანი:  ქვეყნის თავდაცვისუნარიანობის ხარისხის ამაღლების ხელშეწყობის მიზნით მუნიციპალიტეტში ხორციელდება სამხედრო აღრიცხვის და გაწვევის, წვევამდელთა ტრანსპორტირების ღონისძიებები.შეიარაღებულ ძალების საბრძოლო მზადყოფნის ამაღლებისათვის წვევამდელთა გაწვევის პუნქტებამდე ტრანსპორტირების უზრუნველყოფა და სარეზერვო ძალების მობილიზება.

ქვეყნის თავდაცვისუნარიანობის ამაღლების ხელშეწყობა(პროგრამული კოდით 02 01)

პროგრამის აღწერა და მიზანი:  პროგრამა გულისხმობს გორის მუნიციპალიტეტის გამგეობის ტერიტორიაზე  რეგისტრირებულ მოქალაქეთა პირველად სამხედრო აღრიცხვაზე აყვანას, სავალდებულო სამხედრო სამსახურში გაწვევისა და სამედიცინო შემოწმების  ორგანიზებას. აგრეთვე,ორგანიზებას უწევს  სამობილიზაციო რესურსის, რეზერვისტების სპეციალურ აღრიცხვასა და მათ სამხედრო სამსახურში გაწვევასთან დაკავშირებულ ხარჯებს.პარალელურად,  ახალგაზრდებთან მიმდინარეობს პატრიოტულ-აღმზრდელობითი მუშაობა.

მოსალოდნელი საბოლოო შედეგები:

სამხედრო აღრიცხვის სრულყოფილი კოორდინაცია და ორგანიზებული მომსახურება;

გორის მუნიციპალიტეტის გამგეობის ტერიტორიაზე სამხედრო აღრიცხვასა და გაწვევაზე ერთიანი საჯარო ხელისუფლების განხორციელების ხელშეწყობა;

სამედიცინო შემოწმების შედეგებით ჯანმრთელი ახალგაზრდების სრულად გაწვევის უზრუნველყოფა.

2. ინფრასტრუქტურის მშენებლობა, რეაბილიტაცია და ექსპლოატაცია (პროგრამული კოდი 03 00 )

ინფრასტრუქტურის განვითარება კვლავ ერთერთ ძირითად პრიორიტეტად რჩება მუნიციპალიტეტისათვის. ბოლო წლების განმავლობაში მნიშვნელოვანი სარეაბილიტაციო სამუშაოების ჩატარების მიუხედავად ინფრასტრუქტურის გარკვეული ნაწილი მოითხოვს სარეაბილიტაციო, კაპიტალურ და მიმდინარე შეკეთების სამუშაოებს და ტექნიკური მდგომარეობის გაუმჯობესებას. პრიორიტეტი ითვალისწინებს საგზაო ინფრასტრუქტურის მშენებლობა-რეაბილიტაციას და მოვლა- შენახვას, კომუნალური ინფრასტრუქტურის მშენებლობა-რეაბილიტაციას და ექსპლოატაციას, კეთილმოწყობის ღონისძიებებს, სოფლის მხარდაჭერის პროგრამის ფარგლებში განსახორციელებელ პროექტებს, სტიქიის შემთხვევაში შედეგების სალიკვივიდაციო ღონისძიებებს.                                            

ა) საგზაო ინფრასტრუქტურის მშენებლობა რეაბილიტაცია და მოვლა-შენახვა (პროგრამული კოდი 03 01 )

პროგრამის აღწერა და მიზანი:  მუნიციპალიტეტის გზებისა და ქუჩების გარკვეული ტექნიკურად მოძველებული ნაწილი ნაკლებად გამტარუნარიანია და საჭიროებს მიმდინარე და კაპიტალურ შეკეთებას. გზების ტექნიკური მდგომარეობის გაუმჯობესება ხელს შეუწყობს ავტოტრანსპორტის შეუფერხებელ მოძრაობას, რაც დადებითად იმოქმედებს სატრანსპორტო ინფრასტრუქტურის ტექნიკურ მაჩვენებლებზე. გაგრძელდება მუშაობა ძირითადი მაგისტრალური და შიდა სასოფლო გზების მდგომარეობის გაუმჯობესებისათვის.

მოსალოდნელი საბოლოო შედეგები:  მგზავრთა შეუფერხებელი, კომფორტული და რაც მთავარია, უსაფრთხო გადადგილება.

ა.ა) გზების მშენებლობის, რეკონსტრუქციისა და მოვლა-შენახვის ხარჯები (პროგრამული  კოდი   03 01  01)

ქვეპროგრამის აღწერა და მიზანი:  პროგრამის ფარგლებში განხორციელდება გორის მუნიციპალიტეტის ტერიტორიაზე საავტომობილო გზების მოვლა.კერძოდ; მიწის ვაკისის მოვლა-შენახვა, გვერდულების მოშანდაკება, გზისპირა კიუვეტების გაწმენდა, გაბიონების მოწყობა. კედლის მოწყობა რკინა-ბეტონის ბლოკებით, ხიდის მოაჯირების აღდგენა. ორმოების შეკეთება ცხელი ასფალტ-ბეტონით და სავალი ნაწილის შეკეთება ქვიშა-ხრეშოვანი ნარევით. წელს  დაგეგმილია რეგიონალური განვითარების ფონდის დაფინანსების ფარგლებში სოფელ ხურვალეთის, წითელუბნის და შავშვების დევნილთა ჩასახლებაში მისასვლელი გზის რეაბილიტაცია,  სამუშაოების 5%-ის  დაფინანსება, რომელიც  გათვალისწინებულია ადგილობრივი ბიუჯეტით.

მოსალოდნელი საბოლოო შედეგები:

გორის მუნიციპალიტეტის სოფლებში  განახლებული საგზაო ინფრასტრუქტურა; 

მოსახლეობის ეკონომიკური საქმიანობისათვის ხელსაყრელი სატრანსპორტო მიმოსვლა.

ა.ბ) ქუჩების მოვლა ზამთრის სეზონზე (პროგრამული კოდი 03 01 02)

ქვეპროგრამის აღწერა და მიზანი:  ზამთრის სეზონზე განხორციელდება ქუჩების დასუფთავება: თოვლის ხვეტა გრეიდერით და  ქვიშა-მარილის მობნევა სავალ ნაწილზე, რათა უზრუნველყოფილი იყოს გორის მუნიციპალიტეტის ტერიტორიაზე ტრანსპორტისა და მოსახლეობის უსაფრთხო და შეუფერხებელი გადადგილება.

მოსალოდნელი საბოლოო შედეგები: მოსახლეობისა და ტრანსპორტის უსაფრთხო გადაადგილება.

ა.გ) სოფლის გზებისა და ხიდების შეკეთება( პროგრამული კოდი 03 01 03)

ქვეპროგრამის აღწერა და მიზანი:  პროგრამის ფარგლებში გზებისა და ხიდების  მდგომარეობის შენარჩუნების გამო მოხდება სასოფლო გზების რეაბილიტაცია და კონტროლი. 

მოსალოდნელი საბოლოო შედეგები: სატრანსპორტო კომუნიკაციის მოწესრიგება; ბაზრებისადმი ხელმისაწვდომობის გაუმჯობესება.

ბ) კომუნალური ინფრასტრუქტურის მშენებლობა რეაბილიტაცია და ექსპლოატაცია (პროგრამული კოდი 03  02)

პროგრამის აღწერა და მიზანი:  მუნიციპალიტეტის ეკონომიკური განვითარებისათვის აუცილებელ პირობას წარმოადგენს მუნიციპალური ინფრასტრუქტურის შემდგომი გაუმჯობესება. პრიორიტეტის ფარგლებში გაგრძელდება  ინფრასტრუქტურის მშენებლობა-რეაბილიტაცია, დაფინანსდება არსებული ინფრასტრუქტურის მოვლა-შენახვისა და   ექსპლოატაციასთან დაკავშირებული ხარჯები.

პროგრამა მოიცავს: გარე განათების მოწყობა-რეაბილიტაცია და ექსპლოატაციას, წყლის სისტემების რეაბილიტაცია, გაზგაყვანილობის სისტემების მოწყობა-რეაბილიტაციასა და ექსპლოატაციას, ინფრასტრუქურული პროექტების თანადაფინანსებას, საკადასტრო რუქების მომზადებას, ამხანაგობების თანადაფინანსებას.

პროგრამის აღწერა და მიზანი:  სოფლების კომუნალური მეურნეობა წარმოადგენს რთულ სოციალურ-ეკონომიკურ სისტემას, რომელიც უზრუნველყოფს მეურნეობის სხვადასხვა დარგებში მომუშავე ადამიანებისა და ორგანიზაციების შეუფერხებელ, გამართულ ფუნქციონირებას.

ბ.ა) გარე განათების მოწყობა, რეაბილიტაცია და ექსპლოატაცია (პროგრამული კოდი 03  02 01)

ქვეპროგრამის აღწერა და მიზანი:  ქვეპროგრამის ფარგლებში მუნიციპალიტეტის ბიუჯეტიდან  მოხდება სოფლებში გარე განათების  დახარჯული ელექტრო ენერგიის ხარჯის  ანაზრაურება.

მოსალოდნელი საბოლოო შედეგები: განათებული სოფლის გზები;

ღამის საათებში მოსახლეობის უსაფრთხო გადაადგილება.       

ბ.ბ)  წყლის სისტემის  რეაბილიტაცია (პროგრამული კოდი 03 02 04)

ქვეპროგრამის აღწერა და მიზანი:  მოწესრიგებული წყლის სისტემებით აღჭურვილ მუნიციპალიტეტის სოფლებს წელს დაემატება სოფელი ოთარშენი, ქვემო არცევი, ზეღდულეთი, ფხვენისი, ქიწნისი, საქაშეთი, ტყვიავი, ქორდი, მეღვრეკისი, ახალხიზა, ტინისხიდი და პატარა მეჯვრისხევი, სადაც დაგეგმილია სასმელი წყლის სისტემის მოწყობა-რეაბილიტაცია.ასევე მოხდება რეგიონალური განვითარების ფონდის დაფინანსების ფარგლებში სოფელ ატენის წყალსადენის სისტემის რეაბილიტაციის II ეტაპი, სოფელ წედისის, ბნავისის, ოლოზისა წყალსადენის ქსელის რეაბილიტაცია. არსებული  დაფინასებული სამუშაოების 5%  დაფინანსება  ადგილობრივი ბიუჯეტიდან.

მოსალოდნელი საბოლოო შედეგები: სასმელი წყლის სისტემის დანერგვა მუნიციპალიტეტის ყველა სოფელში.

ბ.გ) გაზგაყვანილობის სისტემის მოწყობა-რეაბილიტაცია ექსპლუატაცია (პროგრამული კოდი 03 02 05)

ქვეპროგრამის აღწერა და მიზანი: ტექნიკური პირობების რეგულაციებისათვის მუნიციპალიტეტის სოფლებში არსებული გაზგაყვანილობების მოსაწესრიგებლად თითოეული  ობიექტის  აბონენტად  ასაყვანად   საჭიროა ტექნიკური  პირობის   გაცემა, რომელიც მიმართული იქნება მუნიციპალიტეტის საკუთრებაში არსებული ქონების (ადმინისტრაციული შენობების,  რიტუალების სახლების,  საბავშო  ბაღების და ა.შ.) კეთილმოწყობის  მიზნით დაგეგმილი გაზიფიცირების სამუშაოების შესასრულებლად.

მოსალოდნელი საბოლოო შედეგები: მეტი გაზიფიცირებული მოსახლეობა მუნიციპალიტეტის ტერიტორიაზე.

ბ.დ) ინფრასტრუქტურული პროექტების თანადაფინანსება ( პროგრამული  კოდი 03  02 06) ქვეპროგრამის აღწერა და მიზანი:  ქვეპროგრამის ფარგლებში მუნიციპალიტეტიდან თანადაფინანსებას მიიღებს ყველა ის არასაბიუჯეტო ორგანიზაცია  (საბავშო ბაღები, ბიბლიოთეკები, სკოლები და ა.შ.) არასამთავრობო, სათემო, არარეგისტრირებული კავშირი, არასამეწარმეო (არაკომერციული) და სხვა (შემდგომში ორგანიზაცია), რომელიც საკუთარი სახსრებით ან დონორი ორგანიზაციებიდან გრანტის მიღების გზით მოახდენს წილობრივ თანადაფინანსებას და პროექტის განხორციელებით ხელს შეუწყობს მუნიციპალიტეტის ტერიტორიაზე ინფრასტრუქტურის მდგომარეობის  გაუმჯობესებას.    

მოსალოდნელი საბოლოო შედეგები:

მოსახლეობის სოციალური და ინფრასტრუქტურული  მდომარეობის გაუმჯობესება;

საერთო საუთრების ექსპლუატაცია და განვითარება.

ბ.ე) საკადასტრო რუქების მომზადება(პროგრამული კოდი 03 02 09)

ქვეპროგრამის აღწერა და მიზანი:  ქვეპროგრამის ფარგლებში დაგეგმილია ქონების        დასარეგისტრირებლად საჭირო საკადასტრო რუქების მომზადება.

მოსალოდნელი საბოლოო შედეგები: დარეგისტრირებული  ქონების გაზრდის პროცენტული მაჩვენებელი.

ბ.ვ) ამხანაგობების თანადაფინანსება( პროგრამული კოდი 03  02 10)

ქვეპროგრამის აღწერა და მიზანი: ქვეპროგრამის ფარგლებში დაგეგმილია ამხანაგობების, არარეგისტრირებული კავშირის საერთო საკუთრების მოვლა-პატრონობის ხელშეწყობა, ექსპლოატაცია და განვითარება. მრავალსართულიანი სახლების, ორ ან ორზე მეტ მომიჯნავე მიწის ნაკვეთზე არსებული ინდივიდუალური საცხოვრებელი სახლების   ინფრასტრუქტურის განვითარება. აღნიშნული პროექტი განხილული იქნება გორის მუნიციპალიტეტის საკრებულოს მიერ.

მოსალოდნელი საბოლოო შედეგები: ამხანაგობების შექმნით  მოსახლეობის ჩართულობა მუნიციპალიტეტთან ერთად საერთო პრობლემის მოგვარებაში.

გ) კეთილმოწყობის ღონისძიებები ( პროგრამული კოდი 03  03)

პროგრამის აღწერა და მიზანი:  ინფრასტრუქტურის განვითარებით და კეთილმოწყობის პროექტების რეალიზებთ შესაძლებელია მოსახლეობისათვის უკეთესი სერვისების შეთავაზება, რაც უახლოეს მომავალში მოგვცემს მოსახლეობის დასაქმების და ასევე შემოსავლების გაზრდის შესაძლებლობას.

პროგრამა მოიცავს: დეფექტური აქტების, პროექტების  და ხარჯთაღრიცხვების მომსახურების დაფინანსებას, სკვერებისა და გაზონების ექსპლოატაცია, რეკონსტრუქცია და მოვლა-შენახვას, სოფლად არსებული კლუბების, სამუსიკო სკოლების, ბიბლიოთეკების, მუზეუმების რეაბილიტაცია-მშენებლობის პროგრამას,სკოლამდელი განათლების დაფინანსებას, თვიმმარველი თემი-გორის მუნიციპალიტეტის კეთილმოწყობის სამსახურის დაფინანსებას, ა(ა)იპი გორის მუნიციპალიტეტის  სასმელი წყლების სისტემების რეგულირების  და გარე განათების უზრუნველყოფის სამსახურის დაფინანსებას, საბავშვო ბაღების მშენებლობისა და გარემონტების ხარჯებს.

მოსალოდნელი საბოლოო შედეგები: მუნიციპალიტეტის სოფლების კეთილმოწყობილი იერსახე; მოსახლეობისთვის გაუმჯობესებული დასვენების ადგილები.

გ.ა) დეფექტური აქტების, პროექტების და ხარჯთაღრიცხვების მომსახურების დაფინანსება (პროგრამული კოდი 03  03 02)

ქვეპროგრამის აღწერა და მიზანი: ქვეპროგრამის ფარგლებში დაფინანსდება გორის მუნიციპალიტეტის მიერ განსახორციელებელი სამშენებლო-სარეაბილიტაციო სამუშაოებისათვის საჭირო საპროექტო-სახარჯაღთაღვრიცხო დოკუმენტაციის, ზედამხედველობისა და საექსპერტო მომსახურების შესყიდვა.

მოსალოდნელი საბოლოო შედეგები: სრულყოფილი პროექტების განხორციელება; დროის და ვადების ეფექტურად მართვა.

გ.ბ) სკვერებისა და გაზონების ექსპლუატაცია, რეკონსტრუქცია და მოვლა-შენახვა (პროგრამული კოდი 03  03 03) 

ქვეპროგრამის აღწერა და მიზანი:  ქვეპროგრამის ფარგლებში დაგეგმილია გორის მუნიციპალიტეტის სოფელ მეჯვრისხევში და ზეღდულეთში  სკვერის მოწყობა-რეაბილიტაცია.

მოსალოდნელი საბოლოო შედეგები: მოსახლეობისთვის მისაღები ესთეტიური გარემო.

გ.გ) სოფლად  არსებული კლუბების, სამუსიკო სკოლების, ბიბლიოთეკების, მუზეუმების რეაბილიტაციის და მშენებლობის პროგრამა (პროგრამული კოდი 03 03 05)

ქვეპროგრამის აღწერა და მიზანი:  ქვეპროგრამის ფარგლებში დაგეგმილია საჭიროების შემთხვევაში არსებული შენობების რეაბილიტაცია.

მოსალოდნელი საბოლოო შედეგები: მუზეუმების მოწესრიგებული ინფრასტრუქტურა; მოსახლეობის, საგანმანათლებლო ცენტრებისა და ტურისტებისთვის შესაბამისი გარემოს შექმნა.

გ.დ) სკოლამდელი განათლების დაფინანსება (პროგრამული კოდი 03 03 06)

ქვეპროგრამის აღწერა და მიზანი: ჯანსაღი და კომფორტული  გარემოს შექმნა სკოლამდელი ასაკის აღსაზრდელებისათვის.

ქვეპროგრამის ფარგლებში  სოფლებში: ქერე, მარანა, უფლისციხე, ხიდისთავი, ხელთუბანი, ბოშური, ვარიანი, ფხვენისი, ტინისხიდი, ოთარშენი, ქვემო ხვითი და ბერშუეთი  დაგეგმილია   საბავშვო  ბაღების რეაბილიტაცია.

მოსალოდნელი საბოლოო შედეგები: მოწესრიგებული ინფრასტრუქტურა. სკოლამდელი ასაკის ბავშვების  ფიზიკური და  ფსიქოსოციალური განვითარება.

შედეგების შეფასების ინდიკატორი:  მეტი დასაქმებული სოფლად.

გ.ე) ა(ა)იპ თვითმმართველი თემის-გორის მუნიციპალიტეტის კეთილმოწყობის სამსახური( პროგრამული კოდი 03  03 08)

პროგრამის აღწერა და მიზანი:  ქვეპროგრამის ფარგლებში სუბსიდიის მეშვეობით განახორციელებს გორის მუნიციპალიტეტი ტერიტორიის კეთილმოწყობის სამუშაოებს: კერძოდ,ქვეპროგრამა ითვალიწინებს დასუფთავების ღონისძიებებს, მოსახლეობიდან და საწარმო-ორგანიზაციებიდან საყოფაცხოვრებო ნარჩენების გატანას მუნიციპალიტეტის 42(ორმოცდაორი) სოფლიდან და 5(ხუთი) დევნილთა დასახლებიდან, ასევე სტიქიური ნაგავსაყრელების ლიკვიდაციას; ქვეპროგრამა ითვალისწინებს  საკანალიზაციო, შიდა სარწყავი სისტემებისა და სანიაღვრე არხების  მოწყობა-ექსპლუატაციას; სასიცოცხლო ფუნქცია შეწყვეტილი მერქნული რესურსის გადაბელვას, გარემოდან ამოღებას და ახლით ჩანაცვლებას, სპორტული მოედნების, სკვერების და გაზონების მწვანე საფარის მოვლა-შენახვას, მუნიციპალიტეტის ტერიტორიაზე არსებული შიდა სასოფლო გზების რეაბილიტაციას და მუნიციპალური ქონების მიმდინარე შეკეთებას.

მოსალოდნელი საბოლოო შედეგები: მუნიციპალიტეტის სოფლებში  მოწესრიგებული ინფრასტრუქტურა.

გ.ვ) ა(ა)იპ „გორის მუნიციპალიტეტის სასმელი წყლების  სისტემების რეგულირების და გარე განათების  უზრუნველყოფის  სამსახური   (პროგრამული კოდი 03  03 09)

პროგრამის აღწერა და მიზანი: ქვეპროგრამის ფარგლებში სუბსიდიის მეშვეობით განახორციელებს გორის მუნიციპალიტეტის სოფლებზე ზრუნვას,  კერძოდ: სასმელი წყლების სისტემების მოვლა პატრონობას, (წყალსადენის სათავე-ნაგებობები, ჭაბურღილები, წყალსადაწნეო კოშკები, რკინა-ბეტონის რეზერვუარები, მაგისტრალური და შიდა ქსელები). უზრუნველყოფთ  საქლორატორო მოწყობილობების  მეშვეობით სასმელი წყლის გაუსნებოვნებას  და სოფლის მოსახლეობისთვის ხარისხიანი, ნორმის ფარგლებში  არსებული წყლის მიწოდებას.  წყალმომარაგების სისტემების დაზიანების შემთხვევაში მოხდება მათი ოპერატიული აღდგენა.

გარე განათების შეუფერხებელი და გამართული ფუნქციონირებისათვის არსებული სისტემების მოვლა-შენახვა და მასთან დაკავშირებული ყოველგვარი რემონტის, აგრეთვე,  სხვადასხვა სიმძლავრის დაზიანებული ნათურებისა და  მწყობრიდან გამოსული ელემენტების შეცვლა.  

მოსალოდნელი საბოლოო შედეგები: მუნიციპალიტეტების სოფლებში  მოწესრიგებული ინფრასტრუქტურა.

დ) სტიქიის შედეგების სალიკვიდაციო ღონისძიებების დაფინანსება ( პროგრამული კოდი 03  05)

პროგრამის აღწერა და მიზანი:  პროგრამის ფარგლებში დაგეგმილია სტიქიის შედეგების ლიკვიდაცია. მიღებული ზიანის აღწერა და ამის მიხედვით  მისი მატერიალური შეფასება.

მოსალოდნელი საბოლოო შედეგები: სწრაფი მობილიზაციის შედეგად სტიქიის ზონებში პრობლემის დროული მოგვარება.

3. განათლება  (პროგრამული კოდი 04 00)

საბავშვო ბაგა-ბაღების აღსაზრდელთა განვითარების ხელშეწყობა  და სრულფასოვანი სააღმზრდელო  გარემოს შექმნა უზრუნველყოფს მუნიციპალიტეტის საგანმანათლებლო – სააღმზრდელო და კულტურული გარემოს მნიშვნელოვან გაუმჯობესებას, საზოგადოების აქტიურ ჩართვას მიმდინარე საგანმანათლებლო-სააღმზრდელო და კულტურულ პროცესებში, მათ ინტელექტუალური და შემოქმედებითი უნარების სტიმულირებას, ადგილობრივი საგანმანათლებლო-სააღმზრდელო და კულტურული დაწესებულებების მუშაობის გაუმჯობესებას, დახვეწასა და მოსახლეობის ინტერესებზე მორგებას.

ა) ა(ა)იპ თვითმმართველი თემის – გორის მუნიციპალიტეტის სკოლამდელი სააღმზრდელო დაწესებულებათა გაერთიანება (პროგრამული კოდი 04 02)

პროგრამის აღწერა და მიზანი:  გორის მუნიციპალიტეტში შექმნილია ბაღების გაერთიანება-ა(ა)იპ თვითმმართველი თემი-გორის მუნიციპალიტეტის სკოლამდელი სააღმზრდელო დაწესებულებათა გაერთიანება, სადაც  ფუნქციონირებს 35 საბავშვო ბაგა-ბაღი, მიმდინარე წელში დაგეგმილია კიდევ ერთი საბავშვო ბაღის გახსნა, აგრეთვე მომავალ წელს იგეგმება 7 საბავშვო ბაღის გახსნა,  სადაც დაწყებით განათლებას მიიღებს საშუალოდ, 2700 ბავშვი. დაფინანსებაში  გათვალისწინებულია დღიური ფორმით  ბავშვის  კვება, რომელიც 1ლ.20თ.ოდენობით განისაზღვრება.  აღნიშნული პროგრამით გორის მუნიციპალიტეტი ხელს უწყობს დასაქმებულთა სტაბილურ შრომის ანაზღაურებას,ბავშვთა კვების და მატერიალური ბაზის გაუმჯობესებას.

მოსალოდნელი საბოლოო შედეგები:

სააღმზრდელო პროცესის გაუმჯობესება;

სკოლებისათვის გონებრივად მომზადებული და განვითარებული  თაობა;

რეაბილიტირებული საბავშვო ბაღები.

ბ) განათლების ღონისძიებების დაფინანსება(პროგრამული კოდი 04 03)

პროგრამის აღწერა და მიზანი:  პროგრამის ფარგლებში განხორციელდება განათლების მუნიციპალური პროგრამების შემუშავება და განათლების მუნიციპალური პროგრამათა განხორციელების კოორდინაცია პროგრამა ითვალისწინებს გორის მუნიციპალიტეტის ტერიტორიაზე რეგისტრირებულ  2017 წელს  საჯარო სკოლის წარჩინებულ ახალგაზრდების (ოქროს მედალოსნების) ერთჯერად  წახალისებას, წახალისების ფორმებს განათლების, კულტურის, სპორტისა და ახალგაზრდულ საქმეთა სამსაუხრი განსაზღვრავს საკრებულოს დარგობლივ კომისიასთან შეთანხმებით. აგრეთვე, ა(ა)იპ თვითმმართველი თემის-გორის მუნიციპალიტეტის სკოლამდელი სააღმზრდელო დაწესებულებათა გაერთიანების მართვა და მონიტორინგი.   გორის მუნიციპალიტეტის სკოლამდელი სააღმზრდელო დაწესებულებათა გაერთიანებასთან  ერთად სკოლამდელი სააღმზრდელო დაწესებულებებისთვის პროგრამების და ღონისძიებების შემუშვება და ამ პროგრამების და ღონისძიებების  განხორციელების შესრულებაზე კოორდინაცია. მოქმედი კანონმდებლობითა და მუნიციპალიტეტის სამართლებრივი აქტებით განსაზღვრული სხვა ფუნქციების განხორციელება.

მოსალოდნელი საბოლოო შედეგები: ჩატარებული ღონისძიებების შედეგად კმაყოფილი მოსახლეობის რაოდენობა.

4. კულტურა, რელიგია, ახალგაზრდობის ხელშეწყობა  და სპორტი (პროგრამული კოდი 05 00)

პროგრამის აღწერა და მიზანი:  მუნიციპალიტეტის ინფრასტრუქტურული და ეკონომიკური განვითარების პარალელურად აუცილებელია  კულტურული ტრადიციების დაცვა და ღირსეული გაგრძელება. ამასთანავე, ერთ-ერთი პრიორიტეტია ახალგაზრდების მრავალმხრივი განვითარების ხელშეწყობა და მათში ცხოვრების ჯანსაღი წესის დამკვიდრება. შესაბამისად, მუნიციპალიტეტი განაგრძობს კულტურული პროექტების  ფინანსურ მხარდაჭერას, წარმატებული სპორტსმენების ხელშეწყობას და შესაბამისი პირობების შექმნას, რათა ნიჭიერმა ბავშვებმა და ახალგაზრდებმა შეძლონ მათი სპორტული შესაძლებლობების გამოვლინება.

პრიორიტეტი ითვალისწინებს: სპორტის განვითარების ხელშეწყობას,კულტურის განვითარების ხელშეწყობასა ახალგაზრდული პროგრამების დაფინანსებას.

ა)სპორტის განვითარების ხელშეწყობა (პროგრამული კოდი 05 01)

პროგრამის აღწერა და მიზანი:  საქართველოში სპორტი მიჩნეულია უმნიშვნელოვანეს ეროვნულ საქმედ.სწორედ, ამისთვის, პროგრამის ფარგლებში დაგეგმილია სპორტული  სკოლების ფუნქციონირების ხელშეწყობა, ასევე  სხვადასხვა სპორტული ორგანიზაციების და ღონისძიებების ფინანსური მხარდაჭერა, ნიჭიერი სპორტსმენების მიღწეული შედეგების წახალისება.

მოსალოდნელი საბოლოო შედეგები:  უფრო მეტად ჯანმრთელი და  წარმატებული სპორტული თაობა.                        

ა.ა) სპორტული ღონისძიებების დაფინანსება(პროგრამული კოდი 05 01 01)

ქვეპროგრამის აღწერა და მიზანი:  მუნიციპალიტეტის მთავარი ამოცანაა ქვეპროგრამის ფარგლებში დაგეგმილი სხვადასხვა სპორტული შეჯიბრებების დაფინანსება, ასევე, ა(ა)იპ-ი გორის მუნუციპალიტეტის კრივის სპეციალიზებული სკოლისა და ა(ა)იპ-ი გორის მუნიციპალიტეტის კომპლექსური სპორტული სკოლის ფუნქციონირების ხელშეწყობა, რათა მათ ქონდეთ შესაძლებლობა უზრუნველყონ სპორტსმენებისათვის სავარჯიშოდ შესაბამისი პირობების შექმნა და მომავალი თაობების აღზრდის შესაძლებლობა. ა(ა)იპებთან ერთად სხვადასხვა ღონისძიებების ორგანიზება და განხორციელება, აგრეთვე, მათ მიერ შესრულებული სამუშაოების და ჩატარებული ღონისძიებების მონიტორინგი.

მოსალოდნელი საბოლოო შედეგები:  ფიზიკურ აქტივობებში ჩართული მოსწავლე -ახალგაზრდობა; სპორტული მიღწევების გაუმჯობესება; ნაკრები გუნდების შევსება ახალგაზრდა პერსპექტიული სპორტსმენებით.

ა.ბ) სპორტული სკოლების ხელშეწყობა (პროგრამულიკოდი 05 01 02)

ქვეპროგრამის აღწერა და მიზანი:  ქვეპროგრამის ფარგლებში დაგეგმილია ა(ა)იპ-ი გორის მუნიციპალიტეტის კრივის სპეციალიზირებული სკოლისა   და ა(ა)იპ-ი გორის მუნიციპალიტეტის გამგეობის საჭიდაო  სკოლის  ფუნქციონირების ხელშეწყობა, რათა მათ ჰქონდეთ შესაძლებლობა უზრუნველყონ სპორტსმენებისათვის სავარჯიშოდ შესაბამისი პირობების შექმნა და  მომავალი სპორტული თაობების აღზრდის შესაძლებლობა.

მოსალოდნელი საბოლოო შედეგები:  ფიზიკურ აქტივობებში ჩაბმული მოსწავლე-ახალგაზრდობა; გაცნობიერებული ჯანსაღი ცხოვრების ცხოვრების წესის ჩამოყალიბება; სპორტული მიღწევების გაუმჯობესება.

ბ) კულტურის განვითარების ხელშეწყობა(პროგრამული კოდი 05 02)

პროგრამის აღწერა და მიზანი: კულტურული ტრადიციების დაცვის მიზნით პროგრამის ფარგლებში გაგრძელდება სხვადასხვა კულტურული ობიექტების ფინანსური მხარდაჭერა, ასევე განხორციელდება სხვადასხვა გასართობი და სანახაობრივი ღონისძიებები.

პროგრამა მიზნად ისახავს მუნიციპალიტეტის ტერიტორიაზე კულტურული ფასეულობების დახვეწას, ქართული ფოლკლორის განვთარებას და მისი საზღვრგარეთ პოპულარიზაციას.

მოსალოდნელი საბოლოო შედეგები:  ქართული კულტურის ფასეულობების შენარჩუნება და მომავალი თაობებისათვის გადაცემა.

ბ.ა) კულტურული ღონისძიებების დაფინანსება (პროგრამული კოდი 05 02 01)

ქვეპროგრამის აღწერა და მიზანი: ახალგაზრდების მრავალმხრივი განვითარებისათვის და მათში ცხოვრების ჯანსაღი წესის დამკვიდრებისათვის მუნიციპალიტეტი ახორციელებს დაფინანსებას წარმატებული და ნიჭიერი ახალგაზრდების და ხელოვანების ხელშეწყობის მიზნით, რათა მათ შეძლონ შესაძლებლობების სრულად გამოვლენა. ასევე გეგმავს სხვადასხვა კულტურული ღონისძიებების ხელშეწყობას, მათ შორის სადღესასწაულო დღეებში სხვადასხვა გასართობი და სანახაობრივი ღონისძიებების დაფინანსებას.

მოსალოდნელი საბოლოო შედეგები:  საზოგადოების დაინტერესებული ნაწილისათვის კულტურული მემკვიდრეობისა და ხელოვნების სხვადასხვა ნიმუშების მიმართ ხელმისაწვდომობის გაზრდა; მოსახლეობის ინტელექტუალურ-შემეცნებითი დონის ამაღლება.

ბ.ბ) სახელოვნებო სკოლების ხელშეწყობა(პროგრამული კოდი 05 02 02)

ქვეპროგრამის აღწერა და მიზანი: ქვეპროგრამის ფარგლებში მუნიციპალიტეტი ახორციელებს  ექვსი(ატენის, ტყვიავის, სკრის, ტირძნისის,ხიდისთავისა და ხელთუბნის) სამუსიკო სკოლის დაფინანსებას, რითიც ხელს უწყობს მოსწავლეთა მიერ მუსიკალური განათლების მიღებას სრული კურსით და უზრუნველყოფს მათი ფუნქციონირებისათვის საჭირო მატერიალური და ფინანსური ბაზის შექმნას.

მოსალოდნელი საბოლოო შედეგები:  მოსწავლე ახალგაზრდობის მუსიკალური განათლების დონის ამაღლება.

ბ.გ) ა(ა)იპ – გორის მუნიციპალიტეტის მოსწავლე-ახალგაზრდობის კულტურულ-საგანმანათლებლო ცენტრი(პროგრამული კოდი 05 02 03)

ქვეპროგრამის აღწერა და მიზანი: მოსწავლე-ახალგაზრდობის კულტურულ-საგანმანათლებლო ცენტრი აქტიურად ახორციელებს როგორც საგანმანათლებლო და სახელოვნებო წრეებისა და პროგრამების, ისე შემეცნებითი და აღმზრდელობითი პროგრამების სწავლების დანერგვას და განვითარებას.

კულტურის ცენტრთან არსებულ 9(ცხრა) სასოფლო კლუბში აქტიურად ფუნქციონირებს სხვადასხვა წრე (ცეკვის, სიმღერის,ხელსაქმის, მხატვრული კითხვის, ხალხური საკრავების და სხ.), რაც ხელს უწყობს სასოფლო კლუბის, როგორც კულტურულ-საგანმანათლებლო კერის არსებობას და მის სწორ ფუნქციონირებას.

დაარსების დღიდან კულტურის ცენტრი თანამშრომლობს  როგორც მაღალმთიანი სოფლების საჯარო სკოლებთან და საბავშო ბაღებთან, ისე  საზღვრისპირა (ბუფერული ზონის)  სოფლების  საჯარო სკოლებთან და საბავშო ბაღებთან.

კულტურის ცენტრის მიზანია მომავალშიც აქტიურად გააგრძელოს ზემოთაღნიშნული საქმიანობა და განახორციელოს არაერთი პროექტი.

მოსალოდნელი  საბოლოო შედეგები: მოსახლეობის კულტურული შემეცნებითი დონის ამაღლება, დასვენებისა და  გართობის ხელმისაწვდომობის გაუმჯობესება.

პროგრამის ფარგლებში მოხდება ა(ა)იპ მოსწავლე-ახალგაზრდობის კულტურულ-საგანმანათლებლო ცენტრის ხელშეწყობით ღონისძიებების მოწყობა, შეხვედრები მსახიობებთან, მხატვრებთან, მუსიკოსებთან, მწერლებთან და სხვა საზოგადო მოღვაწეებთან.  დაფინანსება: პედაგოგების, საგანმანათლებლო და სახელოვნებო წრეების, სწავლისა და პედაგოგთა ხარისხზე ორიენტირებული პროგრამების ხელშეწყობა. პროგრამის ფარგლებში აღნიშნული ა(ა)იპ-ი ზედამხედველობას გაუწევს მუნიციპალიტეტის სოფლებში არსებული კლუბების განვითარებას და ხელს შეუწყობს მათ ფუნქციონირებას.

ბ.დ) ა(ა)იპ – გორის მუნიციპალიტეტის მემორიალური მუზეუმი (პროგრამული კოდი 05 02 04)

ქვეპროგრამის აღწერა და მიზანი: ქვეპროგრამის ფარგლებში დაგეგმილია ეროვნული საგანძურის დაცვა,  სამუზეუმო ექსპონატების მოძიება, კვლევა-შენახვა და სამეცნიერო შესწავლა, მუზეუმების საგამოფენო, საექსპოზიციო საქმიანობის გააქტიურება, სამუზეუმო ექსპონატების რესტავრაცია, კულტურულ-საგანმანათლებლო პროგრამების შემუშავება. მუზეუმების გამოცოცხლება, მოსწავლე-ახალგაზრდობის მოზიდვა, მუზეუმების დაახლოება სკოლებთან, უმაღლეს სასწავლებლებთან, ბაღებთან და სხვა, ერთობლივი კონფერენციები, ერთობლივი კულტურულ-საგანმანათლებლო  შეხვედრები, მუზეუმებმა მნიშვნელოვანი როლი უნდა შეასრულონ საზოგადოების ცნობიერების ამაღლება-განვითარებაში.

მოსალოდნელი საბოლოო შედეგები: მუზეუმისადმი საზოგადოების დაინტერესება და ასევე  ტურისტული პოტენციალის გაზრდა, აქტიური საგანმანათლებლო გარემოს შექმნა როგორც თანამშრომლებისათვის ასევე ვიზიტორებისათვის სამომავლო ინტერესებიდან გამომდინარე ახალგაზრდების ჩართვა სამუზეუმო საქმიანობაში. ინდივიდის (დამთვალიერებლის) როლის ამაღლება კულტურულ სფეროში და მისი ინტეგრაცია ორგანიზაციის საქმიანობაში.

ბ.ე) კულტურული ღონისძიებების პროექტების ხელშეწყობის და თანადაფინანსების პროგრამა(პროგრამული კოდი 05 02 05)

ქვეპროგრამის აღწერა და მიზანი: ქვეპროგრამის ფარგლებში მუნიციპალიტეტი აცხადებს მზადყოფნას არასამთავრობო ორგანიზაციების და მოქალაქეთა საინიციატივო ჯგუფების მიერ წარმოდგენილი პროექტების თანადაფინანსების განსახორციელებლად რომელიც ემსახურება კულტურული სფეროს გაუმჯობესებას.

მოსალოდნელი საბოლოო შედეგები:  მეტი პროექტების მოზიდვა მოსახლეობის კულტურული ცხოვრების გაუმჯობესებისათვის.დაფინასებული პროექტების წარმატებით განხორციელება.

ბ.ვ) ა(ა)იპ გორის მუნიციპალიტეტის ფოლკლორული ანსამბლი „მაჩაბელა“ (პროგრამული კოდი 05 02 06)

ქვეპროგრამის აღწერა და მიზანი: გორის მუნიციპალიტეტის ტერიტორიაზე  კულტურული კერების შექმნა, სხვადასხვა კულტურული ღონისძიებების დაგეგმვა – განხორციელება, საქველმოქმედო აქცია – კონცერტის განხორციელება.  მოსახლეობის კულტურული და სულიერი ღირებულებების ამაღლება.

მოსალოდნელი საბოლოო შედეგები: კულტურის კერების შექმნა და ჯანსაღი კულტურული გარემოს დამკვიდრება.

ბ.ზ) გორის მუნიციპალიტეტში მოღვაწე პოეზიის და პროზის თვალსაჩინო წარმომადგენელთა ხელშეყობისა და თანადაფინანსების პროგრამა (პროგრამული კოდი 05 02 07)

ქვეპროგრამის აღწერა და მიზანი: მუნიციპალიტეტის ტერიტორიაზე მცხოვრები ნიჭიერი ახალგაზრდების ხელშეწყობა და ადგილობრივი ბიუჯეტის ფარგლებში მათი სამომავლო განვითარების მიზნით ფინანსური მხარდაჭერის აღმოჩენა.

მოსალოდნელი საბოლოო შედეგები:   ახალგაზრდებში გამორჩეული ნიჭის ადამიანების მოძიება და საზოგადოებრივ ასპარეზზე ხელის შეწყობა.

ბ.თ) კულტურის ძეგლთა მოვლა-შენახვის, კულტურული მემკვიდრეობის, საგანძურის, რელიგიური მნიშვნელობის კერების რეაბილიტაციის ღონისძიებების მხარდაჭერისა და ხელშეწყობის პროგრამა(პროგრამული კოდი 05 02 08)

ქვეპროგრამის აღწერა და მიზანი: მუნიციპალიტეტის ტერიტორიაზე არსებული არქეოლოგიური გათხრების ხელშეწყობა(გუდაბერტყას არქეოლოგიური გათხრები გორის მუნიციპალიტეტის ტერიტორიაზე).

მოსალოდნელი საბოლოო შედეგები:  აქეოლოგიური არტეფაქტების აღმოჩენა, რაც გორისა და გორის ისტორიის პრეისტორიის  ქრონოლოგიას შეცვლის; ტურისტების მიერ ამ ადგილის ვიზიტი, რაც ხელს შეუწყობს შემოსავლების ზრდას.

გ) ახალგაზრდული პროგრამების დაფინანსება(პროგრამული კოდი 05 03)

პროგრამის აღწერა და მიზანი: გორის მუნიციპალიტეტი გეგმავს ახალგაზრდული განყოფილების პროექტების ფინანსურ მხარდაჭერას. ამ პროგრამის ფარგლებში მიმდინარეობს ახალგაზრდული ღონისძიებების დაფინანსება, რომელიც კომპლექსური ხასიათისაა და ატარებს შემეცნებით, გასართობ, სპორტულ და კულტურულ  ღონისძიებებს. ყოველივე კი ხელს შეუწყობს ახალგაზრდა თაობის მეტ ჩართულობას მუნიციპალიტეტის ყოველდღიურ საქმიანობასა და მის განვითარებაში.

მოსალოდნელი საბოლოო შედეგები:

გორის მუნიციპალიტეტის ტერიტორიაზე ახალგაზრდული ღონისძიებების განხორციელების შედეგად ახალგაზრდული გარემოს  გაუმჯობესება- – გაჯანსაღება.

შედეგების შეფასების ინდიკატორი:

ჯანსაღი ცხოვრების წესის ხელშეწყობა და მოზარდთა სპორტულ აქტივობებში ჩართვა.  

გ.ა)ახალგაზრდული ინიციატივებისა და პროექტების ხელშეწყობა და დაფინანსება(პროგრამული კოდი 05 03 01)

ქვეპროგრამის აღწერა და მიზანი: გორის მუნიციპალიტეტის გამგეობა პროგრამის ფარგლებში ფინანსურ დახმარებას გაუწევს ყველა იმ ორგანიზაციას, რომელიც წარმოადგენს მიზნობრივ პროექტს, რომელშიც ნათლად იქნება ასახული ახალგაზრდული გარემოს გაუმჯობესება ან იქნება ორიენტირებული ახალგაზრდულ აქტივობებსა და ახალგაზრდების ინტელექტუალურ განვითარებაზე (ასაკი 14 – 29 წ).

გორის მუნიციპალიტეტის გამგეობის განათლების, კულტურის, სპორტისა და ახალგაზრდულ საქმეთა სამსახური აქტიურად უჭერს მხარს სპორტისა და ახალგაზრდულ საქმეთა სამინისიტროს მიერ მხარდაჭერილ სასკოლო ოლიმპიადას, რომლის მიზანია სხვადასხვა მუნიციპალიტეტებში აქტიური და პერსპექტიული ახალგაზრდების გამოვლენა შემდგომში სხვადასხვა სპორტულ  კლუბებში ჩასართავად. 

სასკოლო ოლიმპიადის ფარგლებში ყოველწლიურად ტარდება შეჯიბრებები შემდეგ სპორტულ სახეობებში: ფრენბურთი, მინიფეხბურთი, კალათბურთი, ხელბურთი, გეზრბენი, მაგიდის ჩოგბურთი, ბანდბიქტონი და მხიარული სტარტები.

გორის მუნიციპალიტეტის გამგეობის ახალგაზრდული განყოფილება   საჯარო სკოლებსა, თუ მუნიციპალიტეტის ტერიტორიაზე მცხოვრებ პროფესიულ და უმაღლეს სასწავლებელის სტუდენტებისათვის, ამავე დროს სამეურნეო საქმიანობაში და სხვა სფეროში  დაკავებულ ახალგაზრდებისათვის გეგმავს სხვადასხვა სახის აქტივობებს, რომელთა მიზანია მათი სულიერი და ფიზიკური განვითარების ხელშეწყობა და ცხოვრების ჯანსაღი წესის დამკვიდრება.

მოსალოდნელი საბოლოო შედეგები:  გორის მუნიციპალიტეტის  გამგეობის ტერიტორიაზე რეგისტრირებული ნიჭიერი ახალგაზრდების სტიმულის ზრდა და მათი ნიჭის განვითარება.

გ.ბ) ა(ა)იპ გორის მუნიციპალიტეტის ტურიზმის ცენტრი(პროგრამული კოდი 05 03 02)

გორის მუნიციპალიტეტის ტერიტორიაზე მრავალი ისტორიული უბანი თუ კულტურული მემკვიდრეობის ძეგლია, რომელიც არაერთი ქვეყნიდან ჩამოსული ტურისტების  დაინტერესებას იწვევს, მაგრამ შესაბამისი ინფრასტრუქტურისა და ტურისტული მარშუტების არარსებობის გამო ვერ ხდება ჩვენს ქვეყანაში ჩამოსული სტუმრების დაინტერესება იმ ღირსშესანისნაობებით, რომელიც გორის მუნიციპალიტეტის ტერიტორიაზე მრავლადაა წარმოდგენილი.

ამ პრობლემის მოგვარებას ემსახურება გორის მუნიციპალიტეტის  არასამეწარმეო (არაკომერციული) იურიდიული პირი-გორის მუნიციპალიტეტის ტურიზმის ცენტრი, რომლის მიზანია  მუნიციპალიტეტის ტერიტორიაზე მდებარე ისტორიულად ჩამოყალიბებული უბნების, კულტურული მემკვიდრეობის ძეგლების, ეკლესია-მონასტრების და სხვა ღირსშესანიშაობების გაცნობა საქართველოში ჩამოსული ტურისტებისათვის და მათთვის საინტერესო მარშუტების შეთავაზება. 

მოსალოდნელი საბოლოო შედეგები: გორის მუნიციპალიტეტის ტურისტული პოტენციალის განვითარება.

შედეგების შეფასების ინდიკატორი: მეტი ტურისტი გორის მუნიციპალიტეტის ტერიტორიაზე.

  5. მოსახლეობის ჯანმრთელობის დაცვა და სოციალური უზრუნველყოფა (პროგრამული კოდი 06 00)

მოსახლეობის ჯანმრთელობის დაცვის ხელშეწყობა და მათი სოციალური დაცვა მუნიციპალიტეტის ერთ-ერთ მთავარ პრიორიტეტს წარმოადგენს.  მუნიციპალიტეტი არსებული რესურსების ფარგლებში განაგრძობს სოციალურად დაუცველი მოსახლეობის სხვადასხვა დახმარებებით და შეღავათების უზრუნველყოფას.  ერთიანი სახელმწიფო პოლიტიკის ფარგლებში გაგრძელდება საზოგადოებრივი ჯანმრთელობის დაცვის მიზნით ადგილობრივ დონეზე სხვადასხვა ღონისძიებების განხორციელება, რაც უზრუნველყოფს არამხოლოდ მუნიციპალიტეტის, არამედ მთელი ქვეყნის მოსახლეობის ჯანმრთელობის დაცვას სხვადასხვა გადამდები და ინფექციური დაავადებებისაგან.

ა) მოსახლეობის სოციალური უზრუნველყოფა (პროგრამულიკოდი 06 02)

პროგრამის ფარგლებში დაგეგმილია მუნიციპალიტეტის ტერიტორიაზე მცხოვრები მოსახლეობის სხვადასხვა ფენებისათვის გარკვეული შეღავათებითა და სოციალური დახმარებებით უზრუნველყოფა,  სახელმწიფო ბიუჯეტიდან გამოყოფილი მიზნობრივი ტრანსფერის ფარგლებში კანონმდებლობით გათვალისწინებული სარიტუალო მომსახურების ხარჯების ანაზღაურება, ხოლო დემოგრაფიული მდგომარეობის გაუმჯობესების მიზნით მრავალშვილიანი ოჯახების დახმარება და სხვა სოციალური ღონისძიებები,  რომლებიც მთლიანობაში უზრუნველყოფენ მუნიციპალიტეტის მოსახლეობის სოციალური მდგომარეობის გაუმჯობესებას.

ა.ა) ასიდამეტი წლის უხუცესთა დახმარების პროგრამა (პროგრამულიკოდი 06 02 01)

ქვეპროგრამის ფარგლებში გათვალისწინებულია მუნიციპალიტეტის ტერიტორიაზე მცხოვრები ასი და ას წელს გადაცილებული უხუცესთა ერთჯერადად, 1000(ერთი ათასი) ლარის ოდენობით დახმარების მიიღება.

ა.ბ) დედ-მამით ობოლი ახალგაზრდების დახმარება(პროგრამული კოდი 06 02 02)

ა.ბ.ა)ერთჯერადად, 1000(ერთი ათასი) ლარის ოდენობით დახმარებას მიიღებს მუნიციპალიტეტის ტერიტორიაზე მცხოვრები დედ-მამით ობოლი 18(თვრამეტი) წლამდე ახალგაზრდა.

ა.გ) მრავალშვილიანი ოჯახების დახმარება (პროგრამული კოდი 06 02 03)

ქვეპროგრამის ფარგლებში გათვალისწინებულია შემდეგი სახის ერთჯერადი დახმარება:

ა.გ.ა) მე-4 შვილის შეძენის შემთხვევაში   400(ოთხასი) ლარის ოდენობით ოჯახებისთვის,რომელსაც ჰყავს სამი შვილი 0-დან 18(თვრამეტი) წლამდე.

ა.გ.ბ) მე-3 შვილის შეძენის შემთხვევაში 300(სამასი) ლარის ოდენობით ოჯახებისთვის,რომელსაც ჰყავს ორი  შვილი 0-დან 18(თვრამეტი) წლამდე.

ა.გ.გ) თითო ბავშვზე 200 (ორასი) ლარის ოდენობით ოჯახებისათვის, რომელთაც ჰყავთ 5(ხუთი) და მეტი შვილი 0-დან 18(თვრამეტი) წლამდე.

ა.დ) მკვეთრად  გამოხატული უსინათლო, ცერებრალური დამბლით, აუტიზმით, დაუნის და ფენილკეტონურიის სინდრომით დაავადებული ადამიანების სამედიცინო და სოციალური დახმარება (პროგრამული კოდი 06 02 04)

ქვეპროგრამის ფარგლებში გათვალისწინებულია შემდეგი სახის დახმარება:

ა.დ.ა) ცერებრალური დამბლით, დაუნის, აუტიზმითა და ფენილკეტონურიის სინდრომით დაავადებული ადამიანების თანადაფინანსება სტაციონალური მკურნალბისათვის ერთჯერადად, არა უმეტეს 500 (ხუთასი) ლარით;

ა.დ.ბ) ცერებრალური დამბლით, დაუნის, აუტიზმითა და ფენილკეტონურიის სინდრომით  დაავადებული ადამიანების სოციალური ფულადი დახმარება ერთჯერადად, 500(ხუთასი) ლარით.

ა.დ.გ) მკვეთრად გამოხატულ უსინათლო შეზღუდული შესაძლებლობის მქონე პირებს გაეწიოთ ერთჯერადი სოციალური ფულადი დახმარება 250 (ორას ორმოცდაათი) ლარის ფარგლებში.

ა.ე) მიცვალებულთა სარიტუალო მომსახურება (პროგრამულიკოდი 06 02 05)

ქვეპროგრამის ფარგლებში გათვალისწინებულია შემდეგი სახის დახმარება:

ა.ე.ა) საქართველოს ტერიტორიული მთლიანობისათვის, მეორე მსოფლიო ომის მებრძოლთა  მონაწილეთა გარდაცვალების სარიტუალო მომსახურება თითოეულ ბენეფიციარზე 300(სამასი) ლარის ოდენობით  (მიზნობრივი ტრანსფერის ფარგლებში);

ა.ე.ბ) იძულებით გადაადგილებულ პირთა დაკრძალვის ხარჯების ანაზღაურება, თითოეულ ბენეფიციარზე 300(სამასი) ლარის ოდენობით  (მიზნობრივი ტრანსფერის ფარგლებში);

ა.ე.გ) მუნიციპალიტეტის ტერიტორიაზე მცხოვრებ უპატრონო მიცვალებულთა დაკრძალვის ხარჯების ანაზღაურება,  თითოეულ ბენეფიციარზე 300(სამასი) ლარის ოდენობით.

ა.ვ) სპორტსმენების და სტუდენტების  სოციალური დახმარება(პროგრამული კოდი 06 02 08)

ქვეპროგრამის ფარგლებში გათვალისწინებულია შემდეგი სახის დახმარება:

ა.ვ.ა) აკრედიტებული უმაღლესი სასწავლებლის მაღალი აკადემიური მოსწრების მქონე სტუდენტები, რომლებიც არ სარგებლობენ სხვა სახელმწიფო პროგრამით, არ აქვთ მოპოვებული სახელმწიფო გრანტი.  სოციალურად დაუცველი სტუდენტები, რომელთაც აქვთ მინიჭებული სოციალურად დაუცველი ოჯახების მონაცემთა ერთიან ბაზაში მოქმედი სარეიტინგო ქულა 0-დან 65 000 ქულის ჩათვლით არ სარგებლობენ სხვა სახელმწიფო პროგრამით, გაეწიოთ დახმარება არაუმეტეს 500(ხუთასი) ლარისა.

ა.ვ.ბ) ოლიმპიური სახეობის საქართველოს ნაკრების მოქმედ სპორტსმენებს რომელთაც აქვთ მინიჭებული სოციალურად დაუცველი ოჯახების მონაცემთა ერთიან ბაზაში მოქმედი   სარეიტინგო ქულა 0-დან 70 000 ქულის ჩათვლით გაეწიოთ დახმარება არაუმეტეს 500(ხუთასი) ლარისა.

ა.ზ) სოციალურად დაუცველი მოსახლეობის სამედიცინო დახმარება (პროგრამული კოდი 06 02 09)ქვეპროგრამის ფარგლებში გათვალისწინებულია შემდეგი სახის დახმარება:

ა.ზ.ა) კვლევები, რომლებიც არ არის გათვალისწინებული სხვა პროგრამებით  განისაზღვროს ერთჯერადად არა უმეტეს 300(სამასი) ლარით, მოქალაქეებისათვის რომლებიც განეკუთვნებიან სოციალურად დაუცველთა კატეგორიას და გააჩნიათ სოციალურად დაუცველი ოჯახების მონაცემთა ერთიან ბაზაში მოქმედი 0-დან 70000-ის ჩათვლით სარეიტინგო ქულა.

ა.თ) ონკოლოგიური ავადმყოფების სამედიცინო დახმარება (პროგრამული კოდი 06 02 10)

ქვეპროგრამის ფარგლებში გათვალისწინებულია ერთჯერადი დახმარება:

ა.თ.ა) ონკოლოგიური ავთვისებიანი სიმსივნის მქონე ავადმყოფების,  სამედიცინო კვლევა, რომელიც არარის გათვალისწინებული სხვაპროგრამით, არაუმეტეს, 500(ხუთასი) ლარით;

ა.თ.ბ) ონკოლოგიური ავთვისებიანი სიმსივნის მქონე ავადმყოფების მედიკამენტებით უზრუნველყოფა არაუმეტეს,500(ხუთასი) ლარით.

ა.ი) სქოლიოზით  დაავადებული ახალგაზრდების სამკურნალო-სარეაბილიტაციო დახმარება (პროგრამული კოდი 06 02 11)

ქვეპროგრამის ფარგლებში გათვალისწინებულია შემდეგი სახის დახმარება:

II და III ხარისხის სქოლიოზით დაავადებული ბავშვები (0-დან 18თვრამეტი) წლამდე,  რომელთაც გააჩნიათ 0-დან 70 000-ის ჩათვლით სოციალური სარეიტინგო ქულა, თანადაფინანსება, ამ დაავადებათა სტაციონარულ მკურნალობაზე, მოხდება არაუმეტეს, წარმოდგენილი თანხის 50% ფარგლებში, არაუმეტეს  300(სამასი) ლარით.

ა.კ) სოციალური პროექტების თანადაფინანსება (პროგრამული კოდი 06  02 12)

ქვეპროგრამის ფარგლებში გათვალისწინებულია შემდეგი სახის დახმარება:

საბიუჯეტო, არასამთავრობო, არარეგისტრირებული კავშირების, არასამეწარმეო და სხვა ოგანიზაციების  თანადაფინანსება, რომლებიც საკუთარი სახსრებით ან დონორი ორგანიზაციებიდან გრანტის მიღების გზით მოახდენენ წილობრივ თანადაფინანსებას და პროექტის განხორციელებით ხელს შეუწყობენ მუნიციპალიტეტის ტერიტორიაზე რეგისტრირებული მოსახლეობის სოციალური მდგომარეობის გაუმჯობესებას. ასევე მუნიციპალიტეტის მონაწილეობას ჯანდაცვისა და სოციალურ სფეროში ჩატარებულ საქველმოქმედო ღონისძიებებში.

ა.ლ) უფასო მედიკამენტებით უზრუნველყოფა (პროგრამული კოდი 06 02 13)

ქვეპროგრამის ფარგლებში გათვალისწინებულია მედიკამენტებით დახმარება რომლის საერთო ჯამი ერთ ბენეფიციარზე არ უნდა აღემატებოდეს 100 (ასი) ლარს:

ა.ლ.ა) მუნიციპალიტეტში რეგისტრირებული ეპილეფსიით, პარკინსონის დაავადება და ბრონქიალური ასთმით დაავადებული ადამიანების მედიკამენტებით უზრუნველყოფა  განისაზღვროს არა უმეტეს 100(ასი) ლარით.

ა.ლ.ბ) მუნიციპალიტეტში რეგისტრირებული, სოციალურად დაუცველი (0-დან 70000-ჩათ) სოციალური სარეიტინგო ქულის მქონე შემდეგი დაავადებათა კატეგორიის ბენეფიციარებს:

ა) თავის ტვინის სისხლის მიმოქცევის მოშლა;

ბ) გ.ი.დ. (გულის იშემიური დაავადება);

გ) შაქრიანი დიაბეტი ტიპი II (ინსულინ დამოუკიდებელი)

ა.მ) ხანძრებისა და დაუძლეველი ძალის ან სხვა ბუნებრივი მოვლენების(გარდა განზრახ და უხეში გაუფრთხილებლობით მომხდარი ხანძრისა)   შედეგად  საცხოვრებელ ბინებზე მიყენებული ზიანისათვის დაზარალებული ოჯახების დახმარება  (პროგრამული კოდი 06 02 14)

ა.მ.ა). დაუძლეველი ძალის, ბუნებრივი მოვლენების (გარდა განზრახ ან უხეში გაუფრთხილებლობით წარმოშობილი ზიანის) შედეგად საცხოვრებელ ბინებზე მიყენებული ზიანის მოცულობის მიხედვით, დაზარალებულ ოჯახებზე გაიცეს ერთჯერადი ფულადი დახმარება არაუმეტეს 1000 ლარის ოდენობით.

ა.მ.ბ). ხანძრების ( გარდა განზრახ ან უხეში გაუფრთხილებლობით წარმოშობილი ზიანისა) შედეგად საცხოვრებელ ბინებზე მიყენებული ზიანის მოცულობის მიხედვით, დაზარალებულ ოჯახებზე გაიცეს ერთჯერადი ფულადი დახმარება არაუმეტეს 2000 ლარის ოდენობით

ა.ნ) მეორე მსოფლიო ომის მონაწილე საქართველოს თავისუფლებისა და ტერიტორიული მთლიანობისათვის მებრძოლთა (ვეტერანთა) ოჯახების სოციალური დახმარება (პროგრამული კოდი 06 02 15)

ქვეპროგრამის ფარგლებში გათვალისწინებულია შემდეგი სახის დახმარება:

საქართველოს თავისუფლებისა და ტერიტორიული მთლიანობისათვის მებრძოლი ინვალიდების, ომის შედეგად გარდაცვლილთა ოჯახების, მეორე მსოფლიო ომის მონაწილეების ერთჯერადი დახმარება 300(სამასი) ლარის ოდენობით.

ა.ო) სოციალურად დაუცველი,მიუსაფარი და უსახლკაროდ დარჩენილი მოსახლეობის ქირით უზრუნველყოფის ერთჯერადი ფულადი დახმარება (პროგრამული კოდი 06 02 16)

ქვეპროგრამის ფარგლებში გათვალისწინებულია შემდეგი სახის დახმარება:

საცხოვრებლის დასაქირავებლად 850 (რვაას ორმოცდა ათი) ლარის ოდენობით, გორის მუნიციპალიტეტის ტერიტორიაზე მცხოვრები სოციალურად დაუცველი, მიუსაფარი და უსახლკაროდ დარჩენილი ადამიანებისთვის.

ა.პ) დიალეზზე მყოფი  და C ჰეპატიტით დაავადებული  ადამიანების ერთჯერადი სოციალური  და სამედიცინო დახმარება(პროგრამული კოდი 06 02 17)

ქვეპროგრამის ფარგლებში გათვალისწინებულია შემდეგი სახის დახმარება:

ა.პ.ა) დიალეზზე მყოფი ადამიანების ერთჯერადი ფულადი დახმარება 500(ხუთასი) ლარის ოდენობით.

ა.პ.ბ) ვირუსული C ჰეპატიტით დაავადებული ადამიანებს, რომელთაც გააჩნიათ სოციალურ სააგენტოდან მინიჭებული 0-დან 100000 ჩათვლით სარეიტინგო ქულა, ერთჯერადი სადიაგნოსტიკო კვლევის თანადაფინანსება არაუმეტეს 150 (ასორმოცდაათი) ლარის ოდენობით.

ა.ჟ) ლეიკემიით დაავადებული ადამიანების სოციალური დახმარება(პროგრამული კოდი 06 02 18)

 ქვეპროგრამის ფარგლებში გათვალისწინებულია შემდეგი სახის დახმარება:

ლეიკემიით დაავადებული ადამიანების ერთჯერადი სოციალური ფულადი დახმარება 500(ხუთასი) ლარის ოდენობით.

ა.რ) რეინტეგრირებული სახელმწიფო ზრუნვიდან ბიოლოგიურ ოჯახში დაბრუნებული სოციალურად დაუცველი ახალგაზრდების ერთჯერადი სოციალური დახმარება(პროგრამული კოდი 06 02 19)

ქვეპროგრამის ფარგლებში გათვალისწინებულია შემდეგი სახის დახმარება:

ერთჯერადად, 1000(ერთი ათასი) ლარის ოდენობით დაფინანსებას მიიღებენ გორის

მუნიციპალიტეტში რეგისტრირებული რეინტეგრირებული სახელმწიფო ზრუნვიდან ბიოლოგიურ

ოჯახში დაბრუნებული, სოციალურად დაუცველი (0-დან 70000 ჩათვლით.) სარეიტინგო სოციალური

ქულის მქონე (18-წლამდე ასაკის) ახალგაზრდები.

ა.ს) სოციალურად დაუცველი მარტოხელა დედების ერთჯერადი სოციალური დახმარება(პროგრამული კოდი 06 02 20)

 ა.რ.ა) ერთჯერადად 500(ხუთასი) ლარის ოდენობით დაფინანსებას მიიღებენ გორის მუნიციპალიტეტში რეგისტრირებული მარტოხელა დედები, რომელთაც ჰყავთ (0-დან18-წლამდე) შვილი ან შვილები და სოციალური მომსახურების სააგენტოდან აქვთ მინიჭებული (0-დან - 47000 მდე) სოციალური სარეიტინგო ქულა;

ა.რ.ბ) ერთჯერადად 300(სამასი) ლარის ოდენობით დაფინანსებას მიიღებენ გორის მუნიციპალიტეტში რეგისტრირებული მარტოხელა დედები, რომელთაც ჰყავთ (0-დან 18-წლამდე) შვილი ან შვილები და სოციალური მომსახურების სააგენტოდან აქვთ მინიჭებული (47000-დან - 57000-მდე) სოციალური სარეიტინგო ქულა;

ა.რ.გ) ერთჯერადად 200(ორასი) ლარის ოდენობით დაფინანსებას მიიღებენ გორის მუნიციპალიტეტში რეგისტრირებული მარტოხელა დედები, რომელთაც ჰყავთ (0-დან 18-წლამდე) შვილი ან შვილები და სოციალური მომსახურების სააგენტოდან აქვთ მინიჭებული (57000-დან - 65000 ჩათვლით) სოციალური სარეიტინგო ქულა.

ბ) საზოგადოებრივი ჯანდაცვის მომსახურება(პროგრამული კოდი 06 03)

პროგრამა ითვალისწინებს სახელმწიფო ბიუჯეტიდან გამოყოფილი მიზნობრივი ტრანსფერის ფარგლებში „საზოგადოებრივი ჯანმრთელობის შესახებ“ საქართველოს კანონით განსაზღვრული ფუნქციების  დაფინანსებას, კერძოდ:

ბ.ა) არსებობის შემთხვევაში ცოფის კერის ლიკვიდაცია და დაკბენილი მოსახლეობის ზუსტი აღრიცხვა, სასწრაფო შეტყობინების სისტემის დახვეწა და გაუმჯობესება;

ბ.ბ) დაავადებათა გავრცელების ეტაპობრივი შემცირება მისი კონტროლის გზით. ეპიდსიტუაციის გამწვავებისდროული გამოვლენის ხელსეწყობა და მათზე სწრაფი რეაგირება, პროფილაქტიკურ ღონისძიებატა გატარება;

ბ.გ) მუნიციპალიტეტის მოსახლეობაში არაგადამდებ დაავადებათა პრევენციის და ჯანმრთელობაზე მავნე ფაქტორების ზემოქმედებაზე მოსახლეობის ინფორმირების გზით ჯანმრთელობის დაცვის ხელშეწყობა;

ბ.დ) სადერატიზაციო სამუსაოების ჩატარება საცხოვრებელი სახლების სარდაფებსა და  ბუნკერებში(კერძო სექტორის გარდა) და ამის საფუძველზე ეპიდსიტუაციის გაუმჯობესება;

ბ.ე) ჯანმრთელობისათვის მნიშვნელოვანი ინფექციური და არაგადამდები დაავადებებისა და მასობრივი მოშხამვების, აგრეთვე პროფესიული დაავადებების თავიდადან აცილება;

ბ.ვ) მუნიციპალიტეტში არსებული სანიტარულ-ჰიგიენური მდგომარეობის მონიტორინგი, მოსახლეობისათვის ჯანსაღი გარემოს შქმნის ხელშეწყობის მიზნით მუნიციპალიტეტის დასახლებულ ტერიტორიაზე შხამიანი არსებების გაუვნებელყოფის ღონისძიებები.

(ათას ლარებში)