ხაშურის მუნიციპალიტეტის 2015 წლის ბიუჯეტის დამტკიცების შესახებ

            ა) განისაზღვროს მუნიციპალიტეტის ბიუჯეტის არაფინანსური აქტივების ზრდა  614,0 ათასი ლარის ოდენობით

ბ) განისაზღვროს მუნიციპალიტეტის ბიუჯეტის არაფინანსური აქტივების კლება 30,0 ათასი ლარის ოდენობით, მათ შორის:

ა) „საზოგადოებრივი ჯანმრთელობის შესახებ“ საქართველოს კანონით განსაზღვრული უფლებამოსილების განხორციელებისათვის 90,0 ათასი ლარი;

ბ) „სამხედრო ვალდებულებისა და სამხედრო სამსახურის შესახებ“ და „სამხედრო სარეზერვო სამსახურის შესახებ“ საქართველოს კანონებით განსაზღვრული უფლებამოსილების განხორციელებისათვის 139,0 ათასი ლარი;

2. საქართველოს საბიუჯეტო კოდექსის 69-ე მუხლის საფუძველზე წლის განმავლობაში შესაძლებელია დელეგირებული უფლებამოსილებების განსახორციელებლად გამოყოფილი მიზნობრივი ტრანსფერის ამ მუხლის პირველი პუნქტით განსაზღვრულ ღონისძიებებს შორის ურთიერთგადანაწილება.

1. თავდაცვა, საზოგადოებრივი წესრიგი და უსაფრთხოება (პროგრამული კოდი 02 00)

სტიქიური მოვლენების, უბედური შემთხვევების და სხვა საგანგებო სიტუაციების თავიდან აცილების და მოსახლეობისათვის დახმარების გაწევის მიზნით აუცილებელია  სახანძრო- სამაშველო სამსახურის ოპერატიული მოქმედება, მათი მზადყოფნა დროული და სათანადო დახმარების აღმოსაჩენად. აუცილებელია პერსონალის სახანძრო და სამაშველო ტექნიკური ინვენტარით უზრუნველყოფა, პერსონალისათვის სათანადო ხარისხის ინდივიდუალური და ჯგუფური წვრთნების ჩატარება და პროფესიული დონის ამაღლება, არსებული რესურსების ფარგლებში კომუნალური პირობების გაუმჯობესება და პერსონალის სიცოცხლის დაზღვევა, შეიარაღებული ძალების საბრძოლო მზადყოფნის ამაღლებისათვის წვევამდელთა გაწვევის პუნქტებამდე ტრანსპორტირების უზრუნველყოფა და სარეზერვო ძალების მობილიზება.

ა. საგანგებო სიტუაციების მართვა (პროგრამული კოდი 02 01)

ხანძრისა და სტიქიური უბედურის შემთხვევების დროს მოსახლეობისა და მათი ქონების დასაცავად ადგილზე დროული მისვლა და კვალიფიციური დახმარების აღმოჩენა. საგანგებო სიტუაციების სალიკვიდაციო სამუშაოების განხორციელება.

ბ.  ქვეყნის თავდაცვისუნარიანობის ამაღლების ხელშეწყობა (პროგრამული კოდი 02 03)

საქართველოს შეიარაღებული ძალების თავდაცვისუნარიანობის ამაღლების მიზნით ხორციელდება მოსწავლეთა პირველადი აღრიცხვა, წვევამდელთა გაწვევის პუნქტებამდე ტრანსპორტირება და სამედიცინო შემოწმება, ასევე სარეზერვო ძალების მობილიზება.

2. ინფრასტრუქტურის მშენებლობა, რეაბილიტაცია და ექსპლოატაცია (პროგრამული კოდი 03 00)

მუნიციპალიტეტის ეკონომიკური განვითარებისათვის აუცილებელ პირობას წარმოადგენს მუნიციპალური ინფრასტრუქტურის შემდგომი გაუმჯობესება,  აღნიშნული მიმართულება ბიუჯეტის ერთ-ერთი მთავარი პრიორიტეტია. პრიორიტეტის ფარგლებში გაგრძელდება საგზაო ინფრასტრუქტურის მოვლა-შენახვა და დაფინანსდება მისი ექსპლოატაციასთან დაკავშირებული ხარჯები. მნიშვნელოვანი როლი ენიჭება კომუნალური ინფრასტრუქტურის განვითარებას, რომლის ფარგლებშიც დაგეგმილია: სანიტარული დასუფთავება, საყოფაცხოვრებო ნარჩენების გატანა,  მაწანწალა ცხოველებთან და მღრღნელებთან ბრძოლა.

ა. საგზაო ინფრასტრუქტურის მშენებლობა - რეაბილიტაცია და მოვლა-შენახვა (პროგრამული კოდი 03 01)   

პროგრამის ფარგლებში განხორციელდება მუნიციპალიტეტის ტერიტორიაზე დაზიანებული გზების ორმოული შეკეთება და რეაბილიტაცია,  ზამთრის სეზონზე ქუჩების გაწმენდა თოვლის საფარისაგან, დამატებითი  საგზაო ნიშნების დამონტაჟება-მოწყობა,

ა.ა. გზების მშენებლობის, რეკონსტრუქციისა და მოვლა-შენახვის ხარჯები (პროგრამული კოდი 03 01 01)   

დიდთოვლობის შედეგად მოსალოდნელი გართულებების თავიდან აცილების მიზნით, ტრანსპორტისა და ქვეითად მოსიარულეთა უსაფრთხო გადაადგილებისათვის განხორციელდება  ხაშურში ცენტრალური ქუჩების, ადგილობრივი მნიშვნელობის გზების და მუნიციპალიტეტის დასახლებასთან დამაკავშირებელი შიდა გზების გაწმენდა თოვლის საფარისაგან, მუნიციპალიტეტის ტერიტორიაზე დაზიანებული გზების ორმოული შეკეთება და მოწყობა.

საგზაო ინფრასტრუქტურის რეაბილიტაციის მიზნით დაგეგმილია სატრანსპორტო საშუალების (ტრაქტორის) შესყიდვა.

ა.ბ თვითმმართველობის ტერიტორიაზე საგზაო მოძრაობის დაგეგმარების და საგზაო ნიშნების მოწესრიგების ხარჯები (პროგრამული კოდი  03 01 02)

ხაშურის მუნიციპალიტეტის დასახლებებში, უპირველეს ყოვლისა  ხაშურში და დაბა სურამში არსებულ ცენტრალურ ქუჩებზე საგზაო მოძრაობის ოპტიმალური გეგმის შემუშავება და შესაბამისი საგზაო ნიშნების დამონტაჟება-მოწყობა, რაც ხელს შეუწყობს სატრანსპორტო ნაკადებისაგან დასახლებების განტვირთვას.

დაგეგმილია აგრეთვე ხაშურში ასფალტირებულ ქუჩებზე  ავტოტრანსპორტის მოძრაობის სიჩქარის შემზღუდავი ბარიერების  (ე.წ. ,,მწოლიარე პოლიციელი") მოწყობა. 

  ბ. კომუნალური ინფრასტრუქტურის მშენებლობა, რეაბილიტაცია და ექსპლოატაცია (პროგრამული კოდი  03 02)

  პროგრამის ფარგლებში დაგეგმილია  სანიტარული პირობების გაუმჯობესება,  გარე განათების სისტემების მოწყობა,  საკანალიზაციო სისტემების მოწყობა და რეაბილიტაცია, მდინარეების წმენდის ღონისძიებები, აღნიშნული პროექტების განხორციელება ხელს შეუწყობს მოქალაქეთა საყოფაცხოვრებო პირობების გაუმჯობესებას.

ბ.ა.  გარე განათების მოწყობა, რეაბილიტაცია და ექსპლოატაცია (პროგრამული კოდი  03 02 01)

მოსახლეობის კომფორტული და უსაფრთხო გადაადგილებისათვის აუცილებელ პირობას წარმოადგენს გარე განათება, ქვეპროგრამის ფარგლებში დაფინანსდება გარე განათების არსებული ქსელის ექსპლოატაცია და მოვლა-შენახვა, რაც მოიცავს გარე განათების ობიექტების კვების უზრუნველყოფისა და მართვის სისტემების მწყობრიდან გამოსული ელემენტების ამოცვლა-დამონტაჟებას და ელექტროენერგიით უზრუნველყოფას.

ბ.ბ.  დასუფთავების ღონისძიებები (პროგრამული კოდი  03 02 02)

ქვეპროგრამის ფარგლებში დაგეგმილია  ხაშურში და დაბა სურამში ცენტრალური ქუჩების დაგვა-დასუფთავება, ბორდიურებისა და კიუვეტების გაწმენდა, ხაშურის მუნიციპალიტეტზე გამავალი გზატკეცილის მიმდებარე ტერიტორიების გასუფთავება,  ხაშურის, დაბა სურამის და მუნიციპალიტეტში შემავალი სოფლების ტერიტორიიდან საყოფაცხოვრებო ნარჩენების გატანა.

ბ.გ.  საკანალიზაციო სისტემის მოწყობა და რეაბილიტაცია (პროგრამული კოდი  03 02 03)

ქვეპროგრამის ფარგლებში დაგეგმილია  ხაშურის და დაბა სურამის ტერიტორიაზე საკანალიზაციო სისტემების მოწყობა-რეაბილიტაცია.

ბ.დ.  წყლის სისტემების რეაბილიტაცია  (პროგრამული კოდი  03 02 05)

 წყალმომარაგების უზრუნველყოფის მიზნით დაგეგმილია, წყლის ტუმბოების მიერ მოხმარებული ელექტროენერგიის ღირებულების გადახდა.

ბ.ე. მდინარეების, არხების რეაბილიტაციისა და გაწმენდის ღონისძიებები (პროგრამული კოდი  03 02 07)

ქვეპროგრამის ფარგლებში დაგეგმილია მდინარე სურამულას კალაპოტის გაწმენდა.

ბ.ვ.  უმეთვალყურეოდ დარჩენილი ცხოველების იზოლაცია   (პროგრამული კოდი  03 02 10)

ქვეპროგრამის ფარგლებში დაგეგმილია მუნიციპალიტეტის ტერიტორიაზე გადამდებ დაავადებათა გავრცელების საწინააღმდეგო ღონისძიებათა გატარება იმ ცხოველების მიმართ, რომლებიც საფრთხეს უქმნიან საზოგადოების ჯანმრთელობას.

გ.   კეთილმოწყობის სამუშაოები (პროგრამული კოდი  03 04)

 მნიშვნელოვანი როლი ენიჭება მუნიციპალიტეტის კეთილმოწყობას და მისი იერსახის გაუმჯობესებას, რისთვისაც დაგეგმილია  ხაშურის გამწვანების და მწვანე ნარგავების მოვლა-შენახვის მიზნით გასატარებელი   და  დღესასწაულების დროს   ხაშურის გაფორმებითი ღონისძიებები.

გ.ა. ქალაქის გამწვანების და მწვანე ნარგაობების მოვლა-შენახვის მიზნით გასატარებელი ღონისძიებები (პროგრამული კოდი  03 04 01)

ქვეპროგრამის ფარგლებში განხორციელდება  ხაშურში არსებული სკვერების  მოვლა-პატრონობა, რაც მოიცავს: დეკორატიული ბორდ-ბუჩქების გასუფთავებას ხმელი და ზედმეტი ტოტებისაგან,  ნიადაგის დაბარვას და გასწორება-გაფხვიერებას, ტერიტორიის დაგვა-დასუფთავებას და ნაგვის გატანას, გაზონების და ბალახების გათიბვას  და გატანას,    ხაშურში  არსებული  ხეების მოჭრა-გადაბელვას.

გ.ბ. სპორტული მოედნების  და სკვერების კეთილმოწყობა (პროგრამული კოდი  03 04 02)

დაგეგმილია მუნიციპალიტეტის ტერიტორიაზე არსებული სპორტული მოედნების და სკვერების სარეაბილიტაციო სამუშაოები; 

გ.გ.  სასოფლო და არასასოფლო-სამეურნეო მიწის ნაკვეთების პროექტებისათვის  საკადასტრო და აზომვითი სამუშაოების ჩატარების უზრუნველყოფა (პროგრამული კოდი  03 04 03)

ქვეპროგრამის ფარგლებში დაგეგმილია ხაშურის მუნიციპალიტეტის საკუთრებაში ან სახელმწიფო საკუთრებაში არსებული სასოფლო-სამეურნეო დანიშნულების და არასასოფლო-სამეურნეო დანიშნულების მიწის ნაკვეთებისა და შენობა-ნაგებობების კანონმდებლობით დადგენილი წესით საჯარო რეესტრში რეგისტრაცია, ასევე შენობა-ნაგებობების საამშენებლო და მათი ექსპლუატაციისათვის აუცილებელი ტექნიკური დოკუმენტაციის მომზადების უზრუნველყოფა.

გ.დ.  მუნიციპალიტეტის დასახლებაში სასაფლაოების მოწყობისა და მოვლის ღონისძიებები (პროგრამული კოდი  03 04 07)

ქვეპროგრამის ფარგლებში დაგეგმილია მუნიციპალიტეტის დასახლებებში არსებული სასაფლაოების ტერიტორიის შემოღობვა.  მისასვლელი და შიდა გზების მოხრეშვა, დასუფთავება და ნაგვის გატანა.

გ.ე. სამშენებლო სამუშაოების ზედამხედველობის, საპროექტო-სახარჯთაღრიცხვო დოკუმენტაციისა და ექსპერტიზის ხარჯები (პროგრამული კოდი 03 04 08)

დაფინანსდება ხაშურის მუნიციპალიტეტის მიერ განსახორციელებელი სამშენებლო-სარეაბილიტაციო სამუშაოებისათვის შესაბამისი საპროექტო-სახარჯთაღრიცხვო დოკუმენტაციის, ზედამხედველობის და საექსპერტო მომსახურების შესყიდვა.

გ.ვ.   ქალაქგაფორმებითი ღონისძიებები (პროგრამული კოდი  03 04 10)

ქვეპროგრამის ფარგლებში დაგეგმილია სხვადასხვა  დღესასწაულების დროს ქალაქგაფორმებითი ღონისძიებების უზრუნველყოფა.

3.  განათლება  (პროგრამული კოდი  04 00)

სკოლამდელი განათლება წარმოადგენს მუნიციპალიტეტის ერთ-ერთ პრიორიტეტს, რომლის ფარგლებშიც განხორციელდება საბავშვო ბაღების ფუნქციონირებისათვის საჭირო ხარჯების დაფინანსება. პროგრამა მიმართულია თანამედროვე ტიპის სკოლამდელი აღზრდის დაწესებულებების ჩამოყალიბებისა და განვითარების მხარდასაჭერად.

ა.  სკოლამდელი განათლების დაფინანსება  (პროგრამული კოდი  04 01)

მუნიციპალიტეტის ერთ-ერთ პრიორიტეტს სკოლამდელი აღზრდის დაწესებულებების გამართული მუშაობისათვის შესაბამისი პირობების შექმნა წარმოადგენს, პროგრამის ფარგლებში დაფინანსდება 12 საბავშვო ბაღი, სადაც სკოლამდელ განათლებას იღებს 1634 აღსაზრდელი. 

ბ.  შემოქმედ ბავშვთა განვითარების ხელშეწყობის ღონისძიებები (პროგრამული კოდი  04 03)

აღნიშნული პროგრამა ხელს უწყობს შემოქმედებითი ნიჭით დაჯილდოებული ბავშვებისა და მოზარდების გამოვლენას და მათ მოზიდვას საგანმანათლებლო-სახელოვნებო სივრცეში, მოსწავლე-ახალგაზრდობის დაინტერესებას ხელოვნების სხვადასხვა დარგებით, სასწავლო პროცესების ხელშეწყობის მიზნით შესაბამისი წრეების ფუნქციონირების უზრუნველყოფას, პროგრამა მოიცავს დასაქმებულთა შრომის ანაზღაურებას და ფუნქციონირებისათვის უცილებელ მატერიალურ და ფინანსურ მხარდაჭერას. პროგრამა ითვალისწინებს აგრეთვე მუნიციპალიტეტის სოფლებში (ვაყა, ხცისი, ნაბახტევი, ფლევი, ქვიშხეთი, ტეზერი, ჩუმათელეთი, იტრია, წაღვლი, წრომი)  ალტერნატიული  სააღმზრდელო ჯგუფების ფუნქციონირების ხელშეწყობას.

4.  კულტურა, რელიგია, ახალგაზრდობის ხელშეწყობა და სპორტი  (პროგრამული კოდი  05 00)

მუნიციპალიტეტის ერთ-ერთ მნიშვნელოვან პრიორიტეტს წარმოადგენს სპორტული და კულტურული ღონისძიებების ხელშეწყობა, რაც ხელს შეუწყობს მოსწავლე-ახალგაზრდობის ჩაბმას სპორტის სხვადასხვა სახეობებში და ჯანსაღი ცხოვრების წესის დამკვიდრებას.

ა. სპორტის განვითარების ხელშეწყობა (პროგრამული კოდი  05 01)

პროგრამის ფარგლებში დაფინანსდება  სპორტული სკოლები და სპორტული ღონისძიებები. .

ა.ა.  სპორტული ღონისძიებების დაფინანსება (პროგრამული კოდი  05 01 01)

ქვეპროგრამის ფარგლებში დაგეგმილია სპორტული ღონისძიებების ჩატარება სხვადასხვა სახეობებში (ფეხბურთი, კალათბურთი, ქართული ჭიდაობა, ჭიდაობა-ძიუდო, ჭიდაობა-სამბო, თავისუფალი ჭიდაობა, რაგბი, ჭადრაკი, ჩოგბურთი, ძალოსნობა, ბერძნულ-რომაული ჭიდაობა), მასობრივ სპორტულ ღონისძიებებში და ჩემპიონატებში მუნიციპალიტეტის წარმომადგენელთა მონაწილეობა,  მუნიციპალიტეტში სპორტული ღონისძიებების ჩატარება, რესპუბლიკურ ტურნირებზე სპორტსმენთა მივლინება, სასწავლო-საწვრთნელი და ფიზიკური მომზადებისათვის შეკრებების მოწყობა, სპორტსმენთა წახალისება, სპორტული ღონისძიებებისათვის მატერიალურ-ტექნიკური ხელშეწყობა, ხაშურის მუნიციპალიტეტის ტერიტორიაზე მდებარე სოფლებში სპორტის ეროვნული და პოპულარული სახეობების განვითარების ხელშეწყობა, ხაშურის მუნიციპალიტეტში მოქმედი სპორტული ობიექტების მოვლა-პატრონობა,  სადღეღამისო დაცვა და დასუფთავება.

ა.ბ. სპორტული სკოლების ხელშეწყობა  (პროგრამული კოდი 05 01 02) 

ახალგაზრდა თაობაში ცხოვრების ჯანსაღი წესის დამკვიდრებისა და მათი ფიზიკური აღზრდის მიზნით დაფინანსდება სპორტული სკოლა, რომელშიც სპორტის სხვადასხვა სახეობებში    (ფეხბურთი, კალათბურთი, ქართული ჭიდაობა, ჭიდაობა-ძიუდო, ჭიდაობა-სამბო, თავისუფალი ჭიდაობა, ჭადრაკი, ჩოგბურთი, ძალოსნობა, მძლეოსნობა, რაგბი, ბერძნულ-რომაული ჭიდაობა)  ვარჯიშობს 1128 ბავშვი.

ბ.  კულტურის განვითარების ხელშეწყობა (პროგრამული კოდი 05 02)

პროგრამის ფარგლებში დაფინანსდება სახელოვნებო სკოლები, ბიბლიოთეკები,  კულტურის ცენტრები, მუზეუმები, კულტურული  და ახალგაზრდული პროგრამები, რაც გავლენას მოახდენს ახალგაზრდობის  გემოვნების დახვეწაზე  და მუსიკალური შესაძლებლობების გამოვლენაზე.

ბ.ა.  კულტურული ღონისძიებების დაფინანსება  (პროგრამული კოდი 05 02 01)

პროგრამის ფარგლებში დაფინანსდება სხვადასხვა ღონისძიებები, რომლებიც ხელს შეუწყობს ახალგაზრდა თაობის ჩართვას მუნიციპალიტეტის ყოველდღიურ საქმიანობასა და მის განვითარებაში. პროგრამის ფარგლებში დაფინანსდება:

• 3 მარტს დედათა და 8 მარტს ქალთა საერთაშორისო დღისადმი მიძღვნილი ღონისძიებები;
• 9 აპრილისადმი მიძღვნილი ღონისძიების მოწყობა;
• 9 მაისის  დიდ სამამულო ომში გამარჯვების 70 წლისთავისადმი მიძღვნილი ღონისძიებები;
• 26 მაისს დამოუკიდებლობის დღისადმი მიძღვნილი ღონისძიებები;
• ბავშვთა და მოზარდთა კლასიკური მუსიკის რესპუბლიკურ ფესტივალში ,,იპოვე შენი ვარსკვლავი” მონაწილეობა;
• სასწავლო წლის დასრულებისა  და ახალი სასწავლო წლის დაწყებასთან დაკავშირებით კულტურული ღონისძიების ჩატარება-ორგანიზება;
• 1 ივნისი- ბავშვთა დაცვის საერთაშორისო დღისადმი მიძღვნილი ღონისძიება;
• ქ. ნოვოგრად-ვოლინსკში ქართველი და უკრაინელი ხალხების მეგობრობის დღესასწაულში ხაშურის ინტელიგენციის მონაწილეობა;
• ქართველი და უკრაინელი ხალხების მეგობრობის დღესასწაულის “ლესიაობის” ჩატარება-ორგანიზებასთან დაკავშირებული ხარჯები;
• ლიტვაში, დაძმობილებულ ქალაქ რადვილინსკში დაგეგმილ ფესტივალში ხაშურის ინტელიგენციის მონაწილეობა;
• ბელორუსიაში,  დაძმობილებულ ქალაქ გორკში ქალაქის დღისადმი მიძღვნილ ღონისძიებებში ხაშურის დელეგაციის მონაწილეობა;
• ლატვიაში, დაძმობილებულ ქალაქ ბაუსკაში დაგეგმილ ფესტივალში ხაშურის დელეგაციის მონაწილეობა;
• პოლონეთში, დაძმობილებულ ქალაქ ტარნოვში, დაგეგმილ ფესტივალში  ხაშურის დელეგაციის მონაწილეობა;
• თეატრის დღეების ორგანიზება;
• ხაშურის თეატრის გასტროლების ორგანიზება;
• 27 სექტემბერი-აფხაზეთის დაცემის დღესთან დაკავშირებული ღონისძიება;
• ფესტივალის ,,ხაშური - ოქროს შემოდგომა 2015“ ჩატარების ორგანიზება;
• ფოლკლორის განვითარების ხელშეწყობის  ღონისძიებები;
• შეხვედრა წარმატებულ ხაშურელებთან;
• ანსამბლ  „შვიდკაცას“ საიუბილეო საღამოს მოწყობა;
• ანიმაციური ფილმების საერთაშორისო ფესტივალი ,,თოფუზი“ ორგანიზება–ჩატარება და დასკვნით ფესტივალში მონაწილეობა;
• კონცერტი ქართული შოუ–ბიზნესის წარმომადგენლების მონაწილეობით;
• 2008  წლის 8 აგვისტოს, საქართველო–რუსეთის, ომის ხსოვნის  კვირეულთან დაკავშირებული ღონისძიება;
• ბავშვთა და მოზარდთა კლასიკური მუსიკის რესპუბლიკურ ფესტივალ ,,მომავლის ვარსკვლავებში” მონაწილეობია;
• დიმიტრი ყიფიანის სახელობის პრემია და მედალი;
• ლიტერატურული გაზეთი (თვეში ერთი ნომერი) გამოშვების ორგანიზება;
• შობა–ახალი წლისადმი მიძღვნილი ღონისძიებების ორგანიზება;
• რესპუბლიკური ქორეოგრაფიული ფესტივალი;
• ადგილობრივი, რეგიონალური და რესპუბლიკური დონის სხვადასხვა კულტურული ღონისძიებები;

ბ.ბ.  სახელოვნებო სკოლები (პროგრამული კოდი 05 02 02)

ქვეპროგრამის ფარგლებში ფინანსდება ხაშურის მუნიციპალიტეტში არსებული სამი სამუსიკო სკოლა,  რომლებშიც სწავლობს 470 მოსწავლე.

ბ.გ. ბიბლიოთეკების ხელშეწყობა (პროგრამული კოდი 05 02 03)

ქვეპროგრამის ფარგლებში ხორციელდება მუნიციპალიტეტში მცხოვრებ მკითხველთა სწრაფი და სრული დაკმაყოფილება მათთვის საჭირო ინფორმაციითა და საბიბლიოთეკო დოკუმენტებით. ბიბლიოთეკის კულტურულ ფასეულობათა შენარჩუნების, გამდიდრების, რეგისტრაციისა და მათი საგანგებო რეჟიმით დაცვის ხელშეწყობა. ბიბლიოთეკის მატერიალურ-ტექნიკური ბაზის განმტკიცება და ამ მიმართულებით წარმოდგენილი სპეციალური პროგრამების მხარდაჭერა,  წიგნადი ფონდის შევსება თანამედროვე ლიტერატურით.

ბ.დ.  კულტურის ცენტრების ხელშეწყობა (პროგრამული კოდი 05 02 04)

ახალგაზრდობის ქუჩის მავნე ჩვევებისაგან ჩამოშორების, მათი გემოვნების დახვეწისა და ინტელექტუალური შესაძლებლობების ზრდის მიზნით განხორციელდება კულტურული ღონისძიებები რაც ხელს შეუწყობს ხელოვნების სხვადასხვა ჟანრის პოპულარიზაციას,  ფოლკლორის განვითარებას, კულტურული და საგანმანათლებლო დონის ამაღლებას, ნიჭიერი შემსრულებლების გამოვლენასა და წახალისებას,  თანამედროვე მუსიკის კონცერტების მოწყობას.

ბ.ე. მუზეუმების ხელშეწყობა (პროგრამული კოდი 05 02 05)

ქვეპროგრამის ფარგლებში განხორციელდება კულტურული მემკვიდრეობის გამოვლენა,  შეგროვება, აღრიცხვა, შესწავლა, ექსპონირება და პოპულარიზაცია,  საზოგადოებისა და სახელმწიფოს ისტორიულ განვითარებასთან, აგრეთვე შიდა ქართლის მხარის ისტორიასთან დაკავშირებული მასალების შეგროვება და დაცვა. სამუზეუმო კატალოგების, ბიბლიოგრაფიების, სამეცნიერო-კვლევითი მასალების შედგენა და პუბლიკაცია.

გ.  ახალგაზრდული პროგრამების დაფინანსება (პროგრამული კოდი 05 03)

მუნიციპალიტეტის ყოველდღიურ საქმიანობასა და მის განვითარებაში ახალგაზრდა თაობის ჩართვის მიზნით დაფინანსდება:

• საჯარო სკოლებს შორის შემოქმედებით-ინტელექტუალური კონკურსის ,,მოგზაურობა მსოფლიოს გარშემო“ გამარჯვებულთა დაჯილდოვება;
• ინტელექტუალური პროგრამების განხორციელება
• პროექტ ,,ეტალონში“ მოსწავლე-ახალგაზრდობის მონაწილეობა;
• პროექტ ,,ჯანსაღი გარემო ჯანსაღი მომავლისათვის“ ფარგლებში დაგეგმილი ღონისძიებები (ნარკომანიასთან ბრძოლის საერთაშორისო დღისადმი მიძღვნილი ღონისძიებები, მარათონი სირბილში, ქალაქისა და მიმდებარე ტერიტორიის დასუფთავებისა და გამწვანების აქცია);
• წარმატებული სტუდენტებისათვის დიმიტრი ყიფიანის სახელობის პრემია;
• შშმ პირთა  დღესთან დაკავშირებული ღონისძიება შშმ ახალგაზრდებისათვის;
• ახალგაზრდული ცენტრის შექმნა;
• ადგილობრივი, რეგიონალური და რესპუბლიკური დონის სხვადასხვა ახალგაზრდული ღონისძიებები;

დ.   რელიგიური ორგანიზაციების ხელშეწყობა (პროგრამული კოდო  05 04)

      პროგრამის ფარგლებში განხორციელდება მუნიციპალიტეტის ტერიტორიაზე არსებული ეკლესია-მონასტრების ფინანსური მხადაჭერა და ტაძრების მიმდებარე ტერიტორიაზე    სარეაბილიტაციო სამუშაოები.

5.  მოსახლეობის ჯანმრთელობის დაცვა და სოციალური უზრუნველყოფა (პროგრამული კოდი 06 00)

      მოსახლეობის ჯანმრთელობის დაცვის ხელშეწყობა და მათი სოციალური დაცვა მუნიციპალიტეტის ერთ-ერთ მთავარ პრიორიტეტს წარმოადგენს. მუნიციპალიტეტი, არსებული რესურსების ფარგლებში, განაგრძობს სოციალურად დაუცველი მოსახლეობის სხვადასხვა დახმარებებით და შეღავათებით უზრუნველყოფას. ერთიანი სახელმწიფო პოლიტიკის ფარგლებში გაგრძელდება საზოგადოებრივი ჯანმრთელობის დაცვის მიზნით ადგილობრივ დონეზე სხვადასხვა ღონისძიებების განხორციელება, რაც უზრუნველყოფს არა მხოლოდ მუნიციპალიტეტის, არამედ მთელი ქვეყნის მოსახლეობის ჯანმრთელობის დაცვას სხვადასხვა გადამდები და ინფექციური დაავადებებისაგან.

ა.  საზოგადოებრივი ჯანდაცვის მომსახურება  (პროგრამული კოდი 06 01)

    პროგრამა ითვალისწინებს სახელმწიფო ბიუჯეტიდან გამოყოფილი მიზნობრივი ტრანსფერის ფარგლებში „საზოგადოებრივი ჯანმრთელობის შესახებ“ საქართველოს კანონით განსაზღვრული ფუნქციების დაფინანსებას, კერძოდ, პროგრამის ფარგლებში განხორციელდება პრევენციული და ეპიდემიოლოგიური ღონისძიებები ეპიდსაშიშროებისას, მუნიციპალიტეტის ტერიტორიაზე პირველადი ეპიდკვლევების ხელშეწყობა, მუნიციპალიტეტის ტერიტორიაზე დაავადებების პრევენციის მიზნით დერატიზაციის, დეზინსექციისა და დეზინფექციის ღონისძიებათა ორგანიზება და კონტროლი, პროფილაქტიკური აცრების ეროვნული კალენდრით განსაზღვრული იმუნოპროფილაქტიკისათვის მოწოდებული მასალების მიღების, შენახვის და განაწილების უზრუნველყოფა, მუნიციპალიტეტის დასახლებულ პუნქტებში სეზონურად ქუჩების, სკვერების, სასაფლაოების მიმდებარე ტერიტორიების სანიტარული მდგომარეობის მასობრივი დათვალიერების ორგანიზება, ქალაქის ნაგავსაყრელისა და ნაგვის შესაგროვებელი კონტეინერების სანიტარულ  ნორმებთან შესაბამისობაზე სისტემატური კონტროლის დაწესება, საჭიროების შემთხვევაში დერატიზაციის, დეზინსექციისა და დეზინფექციის სამუშაოთა ორგანიზება.

ბ.  მოსახლეობის სოციალური უზრუნველყოფა (პროგრამული კოდი 06 04)

      პროგრამა ითვალისწინებს მუნიციპალიტეტის ტერიტორიაზე მცხოვრები მოსახლეობის სხვადასხვა ფენებისათვის გარკვეული შეღავათებითა და სოციალური დახმარებებით უზრუნველყოფას.   სარიტუალო მომსახურების ხარჯების ანაზღაურებას, მოხუცებულთა, მიუსაფართა და სოციალურად დაუცველთა უფასო კვებით უზრუნველყოფას, დემოგრაფიული მდგომარეობის გაუმჯობესების მიზნით მრავალშვილიანი ოჯახების დახმარებას და სხვა სოციალურ ღონისძიებებს, რომლებიც მთლიანობაში უზრუნველყოფენ მუნიციპალიტეტის მოსახლეობის სოციალური მდგომარეობის გაუმჯობესებას.

ბ.ა.   ასი და მეტი წლის უხუცესთა დახმარების პროგრამა (პროგრამული კოდი 06 04 02)

ერთჯერადად, წელიწადში 500 ლარის ოდენობით დახმარებას მიიღებს მუნიციპალიტეტის ტერიტორიაზე მცხოვრები 100 ან 100 წელს გადაცილებული ადამიანი;

ბ.ბ.  ოჯახებისა და ბავშვების სოციალური დაცვის უზრუნველყოფა  (პროგრამულიკოდი 06 04 03)

     ქვეპროგრამის ფარგლებში დაფინანსდება შეზღუდული შესაძლებლობის მქონე მოსწავლეების უწყვეტი აღზრდისთვის, სასწავლო პროცესისთვის  და სოციალურ–საყოფაცხოვრებო და შრომითი ადაპტაციისთვის საჭირო პირობების შექმნის მიზნით, განსახორციელებელი ღონისძიებები. 

ბ.გ.  სახელოვნებო სკოლებისა მოსწავლეთა უფასო მომსახურების პროგრამა  (პროგრამული კოდი 06 04 04)

მოქალაქეთა სოციალური მდგომარეობის გაუმჯობესების მიზნით იგეგმება მუსიკალურ სკოლებში რეგისტრირებული მოსწავლეების ყოველთვიური სავალდებულო გადასახდელისაგან გათავისუფლება. აღნიშნული პროგრამა მოიცავს ლტოლვილებსა და სოციალურად დაუცველ ოჯახებს, რომელთა მოქმედი სარეიტინგო ქულაა 0-დან 70 000–მდე.

ბ.დ.  ტერიტორიული მთლიანობისათვის მებრძოლთა, ომის ვეტერანთა ერთჯერადი დახმარებები. ომში დაღუპულთა და ომის შემდგომ გარდაცვლილ მეომართა ხსოვნის უკვდავ ყოფის ხარჯები  (პროგრამული კოდი 06 04 06)

ქვეპროგრამის ფარგლებში იგეგმება: ფაშიზმზე გამარჯვების დღესთან (9 მაისი) დაკავშირებით, მუნიციპალიტეტის ტერიტორიაზე რეგისტრირებულ მეორე მსოფლიო ომის მონაწილეების, საქართველოს დამოუკიდებლობის დღესთან (26 მაისი) დაკავშირებით, მუნიციპალიტეტის ტერიტორიაზე რეგისტრირებულ საქართველოს თავისუფლებისა და ტერიტორიული მთლიანობისათვის მებრძოლ ომის ინვალიდებისა და ომში დაღუპულთა ოჯახების სოციალური დახმარება,  ერთჯერადად,  200 ლარის ოდენობით.

ბ.ე.  საომარი მოქმედებების შედეგად დევნილთა საყოფაცხოვრებო პირობების მოწესრიგებისა და მათი სოციალური დაცვის ღონისძიებები  (პროგრამული კოდი 06 04 07)

საომარი მოქმედების შედეგად დაზარალებული,  კომპაქტურად ჩასახლებული დევნილების საყოფაცხოვრებო პირობების გაუმჯობესების მიზნით იგეგმება, საცხოვრებელ შენობებში დერეფნების განათების და წყლის ტუმბოებისათვის მიწოდებული ელექტროენერგიის ღირებულების დაფარვა.

ბ.ვ.  სარიტუალო მომსახურება   (პროგრამული კოდი 06 04 08)

სარიტუალო მომსახურება გათვალისწინებულია მუნიციპალიტეტში რეგისტრირებულ იძულებით გადაადგილებულ პირებზე, სამშობლოს დაცვისას დაღუპულთა და ომის შემდეგ გარდაცვლილ მეომრებზე,  უპატრონო მიცვალებულებზე.  დაკრძალვის ხარჯებისათვის  თანხა გაიცემა 250 ლარის ოდენობით.

ბ.ზ. უმწეო მდგომარეობაში მყოფ მოქალაქეთა უფასო სასადილოთი უზრუნველყოფა   (პროგრამული კოდი 06 04 11)

ქვეპროგრამის ფარგლებში იგეგმება მუნიციპალიტეტის ტერიტორიაზე მცხოვრებ უკიდურესად მძიმე სოციალურ–ეკონომიური მდგომარეობის მქონე 185 ბენეფიციარის უფასო კვებითი მომსახურება.

ბ.თ. მთიანი სოფლების საჯარო სკოლების პედაგოგების უფასო მგზავრობის უზრუნველყოფა (პროგრამული კოდი 06 02 13)

ქალაქ ხაშურში მცხოვრები, მთიანი სოფლების სკოლებში დასაქმებული პედაგოგების სამუშაო ადგილებზე დამაგრების ხელშეწყობის მიზნით დაგეგმილია მათი მგზავრობის ღირებულების ანაზღაურება სასწავლო პერიოდში. 

ბ.ი.  მოქალაქეთა სოციალური დახმარება (პროგრამული კოდი 06 04 14)

                ქვეპროგრამით  გათვალისწინებულია, მუნიციპალიტეტის საკრებულოს მიერ დადგენილი წესის შესაბამისად, ერთჯერადი დახმარების გაცემა მუნიციპალიტეტის ტერიტორიაზე  მცხოვრებ შემდეგ მოქალაქეებზე:

• ქრონიკული (ეპილეფსიით, ღვიძლის ციროზით, პარკინსონიზმით, ონკოლოგიურ, დაუნის სინდრომით, ბრონქული ასთმით, ინსულტით, ჰემოფილიით) დაავადების მქონე ავადმყოფები;
• ქრონიკული (სქოლიოზით, ეპილეფსიით, დამბლით) დაავადების მქონე ბავშვები /მოზარდები/;
• ენდოკრინოლოგიური დაავადების მქონე ბავშვები /მოზარდები/;
• ფენილკეტონურიით დაავადებული ავადმყოფები;
• მკვეთრად შეზღუდული შესაძლებლობების მქონე უსინათლო პირები და შეზღუდული შესაძლებლობის მქონე პირები, რომლებიც დამოუკიდებლად გადაადგილებას ვერ ახერხებენ;
• მუნიციპალიტეტის ტერიტორიაზე მცხოვრებ 18 წლამდე ასაკის დედ-მამით ობოლ ბავშვები/მოზარდები/;
• სოციალურად მოწყვლადი მოსახლეობა (უმწეო მდგომარეობაში მყოფი მოქალაქეები);
• ზოგიერთი კატეგორიის ავადმყოფები, რომლებიც საჭიროებენ მაღალტექნოლოგიურ გამოკვლევებს, ქირურგიულ ჩარევას, და ავადმყოფები რომელთა  სამედიცინო მომსახურებას არ აფინანსებს სადაზღვევო კომპანია ან  საყოველთაო ჯანმრთელობის დაცვის სახელმწიფო პროგრამა;
• აკრედიტებული უმაღლესი სასწავლებლის ხელმოკლე სტუდენტები,  საქართველოს დამოუკიდებლობისა და ტერიტორიული მთლიანობისათვის ბრძოლებში, აგრეთვე საქართველოს შეიარაღებულ ძალებსა და შინაგან საქმეთა ორგანოებში სამსახურებრივი მოვალეობის შესრულების დროს დაღუპულთა შვილები;
• ხანძრის (გარდა განზრახ და უხეში გაუფრთხილებლობით) და სხვა სტიქიური მოვლენების შედეგად უსახლკაროდ დარჩენილი  ოჯახები;
• ხაშურის თვითმმართველ ერთეულში მცხოვრები მრავალშვილიანი (ოთხი და მეტი შვილი) დედები;
• თირკმლის დიალეზზე მყოფი ავადმყოფები;
• შობა–ახალწელთან და აღდგომის ბრწყინვალე  დღესასწაულთან დაკავშირებით–მუნიციპალიტეტში რეგისტრირებული, სოციალურად დაუცველი ოჯახები, 20 ათასამდე მოქმედი სარეიტინგო ქულით;
• სასჯელაღსრულების დაწესებულებიდან განთავისუფლებული პირები;