თვითმმართველი ერთეულის _ ახმეტის მუნიციპალიტეტის ტერიტორიაზე საქართველოს ადმინისტრაციულ სამართალდარღვევათა კოდექსით გათვალისწინებულ შემთხვევებში ადმინისტრაციული სამართალდარღვევის ოქმის (საჯარიმო ქვითრის) შედგენაზე უფლებამოსილ პირთა განსაზღვრის შესახებ

ახმეტის მუნიციპალიტეტის საკრებულოს

 დადგენილება № 57

2011 წლის 16 დეკემბერი

ქ. ახმეტა

 ახმეტის მუნიციპალიტეტში თვითმმართველი ერთეულის კომპეტენციის სფეროს მიკუთვნებულ ადმინისტრაციულ სამართალდარღვევებთან დაკავშირებით ოქმის (საჯარიმო ქვითრის) შედგენის საკითხის მოწესრიგების საჯარო ინტერესიდან გამომდინარე, ,,ადგილობრივი თვითმმართველობის შესახებ“ საქართველოს ორგანული კანონის მე-16 მუხლის მე-3 პუნქტისა და 43-ე მუხლის მე-2 პუნქტის, საქართველოს ადმინისტრაციულ სამართალდარღვევათა კოდექსის 239-ე მუხლის მე-14, 22-ე და 27-ე ნაწილების შესაბამისად, ახმეტის მუნიციპალიტეტის საკრებულო ადგენს:

მუხლი 1. ახმეტის მუნიციპალიტეტის ტერიტორიაზე საქართველოს ადმინისტრაციულ სამართალდარღვევათა კოდექსით ადგილობრივი თვითმმართველი ერთეულის კომპეტენციას მიკუთვნებულ ადმინისტრაციულ სამართალდარღვევებზე ოქმის (საჯარიმო ქვითრის) შედგენაზე უფლებამოსილ პირებად განისაზღვროს:

ა) ახმეტის მუნიციპალიტეტის გამგეობის ზედამხედველობის სამსახურის უფროსი, სამსახურის მთავარი სპეციალისტი (ზედამხედველობის საკითხებში) – საქართველოს ადმინისტრაციულ სამართალდარღვევათა კოდექსის 49-ე, 51³, 55-ე, 55³, 55⁵, 63-ე, 64-ე, 65-ე, 66-ე, 71-ე, 73-ე, 74-ე, 75-ე, 86-ე მუხლებით, 103-ე მუხლით, 114-ე მუხლის მე-6 ნაწილით, 119¹ მუხლით, 125-ე მუხლის მე-8 ნაწილით, 130-ე მუხლის მე-4 ნაწილის ,,ა“ ქვეპუნქტით, 146¹, 148-ე მუხლის პირველი, მე-2 და მე-4 ნაწილებით, 150-ე, 150¹, 151-ე მუხლის პირველი და მე-2 ნაწილებით, 152-ე, 152², 153⁴, 159-ე, 159¹, 179² მუხლებით გათვალისწინებულ ადმინისტრაციულ სამართალდარღვევებზე;

ბ) ახმეტის მუნიციპალიტეტის გამგეობის ეკონომიკის, ინფრასტრუქტურისა და მუნიციპალური შესყიდვების სამსახურის მიწის აღრიცხვისა და მართვის განყოფილების უფროსი – საქართველოს ადმინისტრაციულ სამართალდარღვევათა კოდექსის 51-ე, 51², 51³, 52-ე, 53³, 55², 55⁵ და 68-ე მუხლებით გათვალისწინებულ ადმინისტრაციულ სამართალდარღვევებზე;

გ) ახმეტის მუნიციპალიტეტის გამგეობის ტერიტორიული ორგანოების ხელმძღვანელები – გამგეობის რწმუნებულები – საქართველოს ადმინისტრაციულ სამართალდარღვევათა კოდექსის 55-ე, 119¹ მუხლებით, 125-ე მუხლის მე-8 ნაწილით, 146¹ მუხლით, 148-ე მუხლის პირველი, მე-2 და მე-4 ნაწილებით, 151-ე მუხლის პირველი და მე-2 ნაწილებით გათვალისწინებულ ადმინისტრაციულ სამართალდარღვევებზე (შესაბამისი ადმინისტრაციული ერთეულის ფარგლებში);

დ) შპს ,,კეთილმოწყობის სამსახურის“ დირექტორი – საქართველოს ადმინისტრაციულ სამართალდარღვევათა კოდექსის 146¹ მუხლით, 148-ე მუხლის პირველი, მე-2 და მე-4 ნაწილებით, 151-ე მუხლის პირველი და მე-2 ნაწილებით გათვალისწინებულ ადმინისტრაციულ სამართალდარღვევებზე (საწარმოს მომსახურების არეალში);

 ე) შპს ,,ახმეტაგამწვანების“ დირექტორი – საქართველოს ადმინისტრაციულ სამართალდარღვევათა კოდექსის 146¹ მუხლით, 148-ე მუხლის პირველი, მე-2 და მე-4 ნაწილებით, 151-ე მუხლის პირველი და მე-2 ნაწილებით გათვალისწინებულ ადმინისტრაციულ სამართალდარღვევებზე (საწარმოს მომსახურების არეალში);

ვ) არასამეწარმეო (არაკომერციული) იურიდიული პირის ,,თუშეთის დაცული ლანდშაფტის ადმინისტრაციის“ დირექტორი – საქართველოს ადმინისტრაციულ სამართალდარღვევათა კოდექსის 49-ე მუხლის მე-2 ნაწილით, 63-ე, 64-ე, 65-ე, 66-ე მუხლებით, 71-ე მუხლის მე-2 და მე-3 ნაწილებით, 73-ე, 74-ე, 75-ე, 86-ე, 146¹ მუხლებით, 148-ე მუხლის პირველი, მე-2 და მე-4 ნაწილებით, 151-ე მუხლის პირველი და მე-2 ნაწილებით გათვალისწინებულ ადმინისტრაციულ სამართალდარღვევებზე (თუშეთის დაცული ლანდშაფტის ტერიტორიის ფარგლებში);

ზ) ახმეტის მუნიციპალიტეტის გამგეობის სახანძრო დაცვისა და სამაშველო სამსახურის უფროსი – საქართველოს ადმინისტრაციულ სამართალდარღვევათა კოდექსის 76-ე მუხლით გათვალისწინებულ ადმინისტრაციულ სამართალდარღვევაზე (ადგილობრივი ტყის ფონდის ტერიტორიის ფარგლებში).

მუხლი 2. ეს დადგენილება ამოქმედდეს 2012 წლის 1 თებერვლიდან.

საკრებულოს თავმჯ დომარის მოადგილე                   ჯ. ხანგოშვილი