,,თვითმმართველი ერთეულის _ ახმეტის მუნიციპალიტეტის ტერიტორიაზე საქართველოს ადმინისტრაციულ სამართალდარღვევათა კოდექსით გათვალისწინებულ შემთხვევებში ადმინისტრაციული სამართალდარღვევის ოქმის (საჯარიმო ქვითრის) შედგენაზე უფლებამოსილ პირთა განსაზღვრის შესახებ” ახმეტის მუნიციპალიტეტის საკრებულოს 2011 წლის 16 დეკემბრის №57 დადგენილებაში ცვლილების შეტანის თაობაზე

ახმეტის მუნიციპალიტეტის საკრებულოს

დადგენილება №10

2012 წლის 27 იანვარი

ქ. ახმეტა

,,თვითმმართველი ერთეულის – ახმეტის მუნიციპალიტეტის ტერიტორიაზე საქართველოს ადმინისტრაციულ სამართალდარღვევათა კოდექსით გათვალისწინებულ შემთხვევებში ადმინისტრაციული სამართალდარღვევის ოქმის (საჯარიმო ქვითრის) შედგენაზე უფლებამოსილ პირთა განსაზღვრის შესახებ” ახმეტის მუნიციპალიტეტის საკრებულოს 2011 წლის 16 დეკემბრის №57 დადგენილებაში ცვლილების შეტანის თაობაზე

,,ადგილობრივი თვითმმართველობის შესახებ“ საქართველოს ორგანულ კანონში ცვლილების შეტანის თაობაზე“ საქართველოს 2011 წლის 28 დეკემბრის №5663–რს ორგანული კანონის პირველი მუხლის, ,,ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, ახმეტის მუნიციპალიტეტის საკრებულო ადგენს:

მუხლი 1. ,,თვითმმართველი ერთეულის – ახმეტის მუნიციპალიტეტის ტერიტორიაზე საქართველოს ადმინისტრაციულ სამართალდარღვევათა კოდექსით გათვალისწინებულ შემთხვევებში ადმინისტრაციული სამართალდარღვევის ოქმის (საჯარიმო ქვითრის) შედგენაზე უფლებამოსილ პირთა განსაზღვრის შესახებ” ახმეტის მუნიციპალიტეტის საკრებულოს 2011 წლის 16 დეკემბრის №57 დადგენილებაში (სსმ, ვებგვერდი, 29/12/2011, 020080130.35.162.016081) შეტანილ იქნეს შემდეგი ცვლილებები:

1. პირველი მუხლის:

 ა) ,,ა“ ქვეპუნქტი ჩამოყალიბდეს შემდეგი რედაქციით:

 ,,ა) ახმეტის მუნიციპალიტეტის გამგეობის ზედამხედველობის სამსახურის უფროსი, სამსახურის მთავარი სპეციალისტი (ზედამხედველობის საკითხებში) – საქართველოს ადმინისტრაციულ სამართალდარღვევათა კოდექსის 49-ე, 51³, 53³, 55-ე, 55², 55³, 63-ე, 64-ე, 65-ე, 66-ე, 71-ე, 73-ე, 74-ე, 75-ე, 86-ე მუხლებით, 103-ე მუხლით, 114-ე მუხლის მე-6 ნაწილით, 119¹ მუხლით, 125-ე მუხლის მე-8 ნაწილით, 130-ე მუხლის მე-4 ნაწილის ,,ა“ ქვეპუნქტით, 146¹, 148-ე მუხლის პირველი, მე-2 და მე-4 ნაწილებით, 150-ე, 150¹ მუხლებით, 151-ე მუხლის პირველი და მე-2 ნაწილებით, 152-ე, 152², 153⁴, 159-ე, 159¹, 179² მუხლებით გათვალისწინებულ ადმინისტრაციულ სამართალდარღვევებზე;“.

ბ) ,,ბ“ ქვეპუნქტი ჩამოყალიბდეს შემდეგი რედაქციით:

,,ბ) ახმეტის მუნიციპალიტეტის გამგეობის სოფლის მეურნეობის განვითარების სამსახურის მიწის აღრიცხვისა და მართვის განყოფილების უფროსი – საქართველოს ადმინისტრაციულ სამართალდარღვევათა კოდექსის 51-ე, 51², 52-ე, 53³, 55², 68-ე მუხლებით გათვალისწინებულ ადმინისტრაციულ სამართალდარღვევებზე;“.

გ) ,,გ“ ქვეპუნქტში სიტყვები ,,ახმეტის მუნიციპალიტეტის გამგეობის ტერიტორიული ორგანოების ხელმძღვანელები – გამგეობის რწმუნებულები“ შეიცვალოს სიტყვებით ,,თვითმმართველი ერთეულის – ახმეტის მუნიციპალიტეტის ტერიტორიული ორგანოების ხელმძღვანელები – თვითმმართველი ერთეულის რწმუნებულები“.

2. მე-2 მუხლი ჩამოყალიბდეს შემდეგი რედაქციით:

,,მუხლი 2. ეს დადგენილება ამოქმედდეს 2012 წლის 1 მარტიდან.“.

მუხლი 2. ეს დადგენილება ამოქმედდეს გამოქვეყნებისთანავე.

საკრებულოს თავმჯდომარე ა. მაილაშვილი