საქართველოს მოქალაქეთა და საქართველოში მცხოვრებ უცხოელთა რეგისტრაციასა და მათთვის შესაბამისად საქართველოს მოქალაქის პირადობის მოწმობებისა და პასპორტების, უცხოელ მოქალაქეთა ბინადრობის მოწმობებისა და საზღვარგარეთ გასასვლელი პირადობის მოწმობების გაცემასთან დაკავშირებული საქმიანობის სრულყოფის გადაუდებელ ღონისძიებათა შესახებ

საქართველოს პრეზიდენტის

 ბრძანებულება №96

1999 წლის 12 მარტი

 ქ. თბილისი

საქართველოს მოქალაქეთა და საქართველოში მცხოვრებ უცხოელთა რეგისტრაციასა და მათთვის შესაბამისად საქართველოს მოქალაქის პირადობის მოწმობებისა და პასპორტების, უცხოელ მოქალაქეთა ბინადრობის მოწმობებისა და საზღვარგარეთ გასასვლელი პირადობის მოწმობების გაცემასთან დაკავშირებული საქმიანობის სრულყოფის გადაუდებელ ღონისძიებათა შესახებ

საქართველოს მოქალაქეთა და საქართველოში მცხოვრებ უცხოელთა რეგისტრაციასა და მათთვის შესაბამისად საქართველოს მოქალა­ქის პირადობის მოწმობებისა და პასპორტების, უცხოელ მოქალაქეთა ბინადრობის მოწმობებისა და საზღვარგარეთ გასასვლელი პირადობის მოწმობების გაცემასთან დაკავშირებული საქმიანობის სრულყოფის გადაუდებელ ღონისძიებათა განხორციელების მიზნით:

1. ქვეყნის შიგნით პირადობის დამადასტურებელი საბუთის ძალა ყოფილი საბჭოთა კავშირის სიმბოლიკიან პასპორტებს შეუნარ­­ჩუნდეს 2001 წლის 31 დეკემბრამდე და მათი ამოღება განხორცელდეს ეტაპობ­რივად აღნიშნულ ვადაში.

2. საქართველოს შინაგან საქმეთა სამინისტრომ (კ. თარგა­მაძე), ფინანსთა სამინისტრომ (დ. ონოფრიშვილი), საგარეო საქმეთა სამინის­ტრომ (ი. მენაღარიშვილი), იუსტიციის სამინისტრომ (ლ. ჭანტურია) სხვა დაინტერესებულ სამინისტროებსა და უწყებებთან ერთად „საქართველოში ფიზიკურ და იურიდიულ პირთა იდენტიფიცირებისა და პერსონი­ფიცირების ერთიანი საინფორმაციო კომპიუტერული სისტემის დანერ­გვის“ სამთავრობო კომისიის მონაწილეობით შეისწავლონ და განსაზღვრონ საქართველოს მთავრობასა და საფრან­გეთის ფირმა „ფრანსუა შარლ ობერტურ ფიუდისერს“ შორის გაფორ­მებული კონტრაქტის გაგრძელების მიზანშეწონილობა. ამასთანავე უცხოური და ადგილობრივი ინვესტიციების მოზიდვის ხარჯზე უზრუნველყონ ერთიანი საინფორმაციო-საძიებო კომპიუტერული სისტემის დანერგვა და საიდენტიფიკაციო-სარეგისტრაციო მონაცემთა ცენტრალიზებული ბანკის შექმნა.

ნება დაერთოს საქართველოს შინაგან საქმეთა სამინისტროს ტენდერში გამარჯვებულ ფირმასთან გააფორმოს კონტრაქტი საქართველოს მოქალაქის პირადობის მოწმობებისა და პასპორტების, უცხოელ მოქალაქეთა და მოქალაქეობის არმქონე პირთა ბინადრობის მოწმობებისა და საზღვარგარეთ გასასვ­ლელი პირადობის მოწმობების დასამზადებლად.

3. საქართველოს საგარეო საქმეთა სამინისტრომ:

ა) შინაგან საქმეთა სამინისტროსთან ერთად უზრუნველყოს უცხოეთში მცხოვრებ საქართველოს მოქალაქეთა რეგისტრაციის, მათ­თვის პირადობის მოწმობებისა და პასპორტების გაცემის აღრიცხვის ერთია­­­ნი საინფორმაციო-საძიებო სისტემის დანერგვა დაქვემდებარებულ დიპლომატიურ წარმომადგენლობებსა და საკონსულო დაწესე-ბულებებში;

ბ) საქართველოს შინაგან საქმეთა სამინისტროსა და იუსტიციის სამინისტროს შესაბამისი სამსახურების ხელმძღვანელ მუშაკთა მონაწილეობით უზრუნველყოს მოკლევადიანი სწავლება-სემინარის გამართვა საზღვარ­გარეთ მოქმედ საქართველოს საკონსულო დაწესებულებათა პასუ­­­ხისმგებელი მუშაკებისათვის.

4. საქართველოს კავშირგაბმულობისა და ფოსტის სამინისტრომ (ს. ესაკია) ორგანიზაცია გაუწიოს შინაგან საქმეთა საქალაქო და რაიო­ნული ორგანოების საპასპორტო-სავიზო და მოსახლეობის რეგისტრაციის სამსახურების აღჭურვას კავშირგაბმულობის სათანადო საშუალებებით, რისი დაფინანსებაც, შესაბამისად, უზრუნველყონ შინაგან საქმეთა სამი­ნისტრომ და მმართველობის ადგილობრივმა ორგანოებმა.

5. ქ. თბილისის მერიამ (ვ. ზოდელავა) წარმოადგინოს წინადადებები შინაგან საქმეთა სამინისტროს საპასპორტო-სავიზო და მოსახლეობის რეგისტრაციის ეროვნული ბიუროსათვის 1991-92 წლების ცნობილი მოვლენების შედეგად განადგურებული შენობის სანაცვლოდ დედაქალაქის ცენტრალურ ნაწილში შესაფერისი არასაცხოვრებელი კაპი­ტალური ნაგებობის გამოყოფის თაობაზე.

6. მხარეებში საქართველოს პრეზიდენტის სახელმწიფო რწმუ­ნებულებმა, ქალაქების მერებმა, რაიონების გამგებლებმა ხელი შეუწყონ შინაგან საქმეთა ადგილობრივ ორგანოებს საპასპორტო რეფორმის მაღალორგანიზებულად წარმართვაში, რისთვისაც:

ა) უმოკლეს ვადაში განახორციელონ ქმედითი ღონისძიებები შინაგან საქმეთა ორგანოების საპასპორტო-სავიზო და მოსახლეობის რეგისტრაციის სამსახურების შესაფერის შენობებში განსათავსებლად და კავშირგაბმულობის საშუალებებით მათი აღჭურვის დასაფინანსებლად;

ბ) დაინტერესებული ორგანიზაციების აქტიური მონაწილეობით მოსახლეობაში გასწიონ სათანადო ახსნა-განმარტებითი მუშაობა ყოფი­ლი საბჭოთა კავშირის სიმბოლიკიანი პასპორტების ამ ბრძანე­ბულე­ბით გათვალისწინებულ ვადებში გამოცვლის უზრუნველსაყოფად;

გ) რაიონებისა და ქალაქების მოსახლეობის სოციალური პირობების, ტერიტორიული სირთულეებისა და თავისებურებების გათვალის­წინებით, სოფლებში საკრებულოების, ხოლო ქალაქებში ქუჩების მიხედ­ვით, შეიმუშაონ რეფორმის მიმდინარეობის სპეციალური გრაფიკები და დაუწესონ კონტროლი მის შესრუ­ლებას.

7. საქართველოს საზღვრის დაცვის სახელმწიფო დეპარტამენტმა (ვ. ჩხეიძე) 1999 წლის 1 მაისიდან არ დაუშვას საქართველოს მოქა­ლაქეთა დსთ-ის წევრ ქვეყნებში გასვლა სსრკ სიმბოლიკიანი პასპორტებით.

8. საქართველოს ტრანსპორტის სამინისტრომ (მ. ადეიშვილი) და რკინიგზის, საჰაერო, საავტომობილო, საზღვაო-სანაოსნო დეპარტამენ­ტებმა უზრუნველყონ მათდამი დაქვემ­დებარებული და შესაბამისი კერძო სტრუქტურების ინფორმირება ბრძანებულების მე-7 პუნქტის მოთხოვ­ნათა შესრულების აუცილებლობის თაობაზე.

9. ძალადაკარგულად ჩაითვალოს „საქართველოს მოსახლეობის, საქართველოში მუდმივად მცხოვრებ უცხოელ მოქალაქეთა და მოქალაქეობის არმქონე პირთა რეგისტრაციისა და შესაბამისად მათზე პირადობის მოწმობების, ბინადრობის მოწმობებისა და საზღვარგარეთ გასასვლელი ქართული პასპორტების გაცემის კამპანიის დაწყების შესახებ“ საქართველოს რესპუბლიკის მინისტრთა კაბინეტის 1994 წლის 5 აგვისტოს №512 და „საზღვარგარეთ მცხოვრები საქართველოს მოქალაქეების რეგისტრაციისა და შესაბამისად მათზე საქართველოს მოქალაქის პირადობის მოწმობებისა და ქართული პასპორტების გაცემის შესახებ“ 1995 წლის 3 მაი­სის №240 დადგენილებები.

ე. შევარდნაძე