„საქართველოს მოქალაქეთა და საქართველოში მცხოვრებ უცხოელთა რეგისტრაციისა და მათთვის შესაბამისად საქართველოს მოქალაქის პირადობის მოწმობებისა და პასპორტების, უცხოელ მოქალაქეთა ბინადრობის მოწმობებისა და საზღვარგარეთ გასასვლელი პირადობის მოწმობების გაცემასთან დაკავშირებული საქმიანობის სრულყოფის გადაუდებელ ღონისძიებათა შესახებ საქართველოს პრეზიდენტის 1999 წლის 12 მარტის №96 ბრძანებულების მე-9 პუნქტის ძალადაკარგულად ცნობის თაობაზე

საქართველოს პრეზიდენტის

 ბრძანებულება №377

1999 წლის 17 ივნისი

 ქ. თბილისი

„საქართველოს მოქალაქეთა და საქართველოში მცხოვრებ უცხოელთა რეგისტრაციისა და მათთვის შესაბამისად საქართველოს მოქალაქის პირადობის მოწმობებისა და პასპორტების, უცხოელ მოქალაქეთა ბინადრობის მოწმობებისა და საზღვარგარეთ გასასვლელი პირადობის მოწმობების გაცემასთან დაკავშირებული საქმიანობის სრულყოფის გადაუდებელ ღონისძიებათა შესახებ საქართველოს პრეზიდენტის 1999 წლის 12 მარტის №96 ბრძანებულების მე-9 პუნქტის ძალადაკარგულად ცნობის თაობაზე

საზღვარგარეთ მცხოვრები საქართველოს მოქალაქეების რეგისტრაციისა და შესაბამისად მათზე საქართველოს მოქალაქის პირადობის მოწმობისა და პასპორტების გაცემის სამართლებრივი ბაზის სრულყოფის მიზნით:

1. საქართველოს საგარეო საქმეთა სამინისტრომ (ი. მენაღარიშვილი), შინაგან საქმეთა სამინისტრომ (კ.თარგამაძე) „საქართველოს მოქალაქეთა და საქართველოში მცხოვრებ უცხოელთა რეგისტრაციისა და პირადობის დადასტურების წესის შესახებ“; „საქართველოს მოქალაქეების საქართველოდან დროებითი გასვლისა და საქართ­ველოში შემოსვლის წესის შესახებ“ კანონებისა და შესაბამისი ნორმატიული აქტების ამოქმედებამდე საზღვარგარეთ მცხოვრები საქართველოს მოქალაქეების რეგისტრაციისა და მათზე შესაბამისად პირადობის მოწმობებისა და პასპორტების გაცემისას იხელმძღვანელონ საქართველოს რესპუბლიკის მინისტრთა კაბინეტის 1994 წლის 5 აგვისტოს №512 დადგენილებითა და 1994 წლის 5 აგვისტოს №515 დადგენილებით დამტკიცებული „საქართველოს მოქალაქის პასპორტის შესახებ“ დებულებით და სათანადო ინსტ­რუქციებით“.

2. ძალადაკარგულად ჩაითვალოს „საქართველოს მოქალაქეთა და საქართველოში მცხოვრებ უცხოელთა რეგისტრაციისა და მათთვის შესაბამისად საქართველოს მოქალაქის პირადობის მოწმობებისა და პასპორტების, უცხოელ მოქალაქეთა ბინადრობის მოწმობებისა და საზღვარგარეთ გასასვლელი პირადობის მოწმობების გაცემასთან დაკავშირებული საქმიანობის სრულყოფის გადაუდებელ ღონისძიებათა შესახებ“ საქართველოს პრეზიდენტის 1999 წლის 12 მარტის №96 ბრძანებულების მე-9 პუნქტი.

ე. შევარდნაძე