სენაკის მუნიციპალიტეტის სასაფლაოების მოწყობისა და მოვლა-პატრონობის წესის დამტკიცების შესახებ

ა) სასაფლაო – სენაკის მუნიციპალიტეტის ადმინისტრაციულ ტერიტორიაზე მდებარე არსებული მიწის ნაკვეთი, რომელსაც საკრებულოს განკარგულებით მინიჭებული აქვს სასაფლაოს სტატუსი, რომელიც განკუთვნილია და გამოიყენება ადამიანის ნეშტის დასაკრძალავად და რომელიც იმართება კანონმდებლობის შესაბამისად სენაკის მუნიციპალიტეტის მიერ დაფუძნებული არასამეწარმეო (არაკომერციული) იურიდიული პირის მეშვეობით;

ბ) სასაფლაოების მმართველი ორგანიზაცია – სენაკის მუნიციპალიტეტის მიერ დაფუძნებული არასამეწარმეო (არაკომერციული) იურიდიული პირი, რომელიც ახორციელებს სასაფლაოების მოვლას, მმართველობას და მომსახურებას;

გ) კერძო სასაფლაო – ფიზიკური ან კერძო სამართლის იურიდიული პირის საკუთრებაში არსებული მიწის ნაკვეთი, რომელიც გამოიყენება ადამიანის ნეშტის დასაკრძალავად;

დ) საფლავი – სასაფლაოზე შემოსაზღვრული ან/და სხვაგვარად გამოკვეთილი მიწის ნაკვეთი, რომელზედაც განლაგებულია ერთი ან რამდენიმე სამარე;

ე)  საგვარეულო (საოჯახო) საფლავი – საფლავი, რომელიც გამოიყენება ოჯახის წევრების, მათი თანხმობით, ახლობელი ადამიანების ნეშტის დასაკრძალავად;

ვ) სამარე – მიწის ნაკვეთი სასაფლაოზე, რომელიც გამოიყენება ან განკუთვნილია ერთი ადამიანის ნეშტის დასაკრძალავად;

ზ) ჭირისუფალი – გარდაცვლილის ახლო ნათესავი, ან მის სიცოცხლეში ანდერძით ან რაიმე სახის დოკუმენტით დასახელებული პიროვნება, რომელიც უფლებამოსილია დაკრძალვის ცერემონიის განხორციელებაზე და იხდის მომსახურების საფასურს;

თ) სარიტუალო საქმიანობა – ყველა სახის მომსახურება, დაკავშირებული ადამიანის ნეშტის დაკრძალვასთან, ცხედრის გაპატიოსნებასთან და გარდაცვლილის ხსოვნის უკვდავსაყოფად სარიტუალო, საწარმოო, სანიტარიულ მომსახურებასთან;

ი) საფლავის მომსახურება – მომსახურება, რომელსაც დასაფლავებასთან დაკავშირებით ახორციელებს სასაფლაოების მმართველი ორგანიზაცია;

კ) დაკრძალვა – გარდაცვლილის ნეშტის მიწას მიბარების ცერემონია, რომელიც ხორციელდება წესების, ადათებისა და წეს-ჩვეულებების შესაბამისად;

ლ) ძეგლი (საფლავის ქვა) – სასაფლაოზე დამონტაჟებული ქვის, ლითონის ან სხვა მასალისაგან დამზადებული გამოსახულება, კონსტრუქცია და ა.შ., რომელიც განკუთვნილია გარდაცვლილის ხსოვნისათვის;

მ) გადასვენება – გარდაცვლილის ნეშტის მიწას მიბარების ცერემონია, როდესაც ხდება გარდაცვლილის ნეშტის ამოსვენება სამარიდან და სხვა სამარეში ან სხვა სასაფლაოზე დაკრძალვა;

ნ) სასაფლაოს დახურვა – საკრებულოს განკარგულების საფუძველზე შემოღებული სპეციალური რეჟიმი, როდესაც სასაფლაოზე არ ხდება ახალი საფლავების გამოყოფა;

ო) სასაფლაოს გაუქმება – საკრებულოს განკარგულების საფუძველზე შემოღებული სპეციალური რეჟიმი, როდესაც სასაფლაოზე წყდება ახალი დაკრძალვა.

2. სასაფლაოსათვის მიწის ნაკვეთის გამოყოფის (სტატუსის მინიჭების) შესახებ გადაწყვეტილებას, სენაკის მუნიციპალიტეტის გამგებლის წარდგინებით, განკარგულების ფორმით, იღებს საკრებულო.

3. სასაფლაოების მოწყობა დაუშვებელია შემდეგ ტერიტორიებზე:

ა) წყალმომარაგების სათავეებთან, სანიტარიული დაცვის პირველ და მეორე ზონებში, კურორტების პირველ და მეორე ზონებში;

ბ) მდინარეების ხელოვნური და ღია წყალსაცავების სანაპიროებზე, რომლებიც მოსახლეობის მიერ გამოიყენება სამეურნეო-საყოფაცხოვრებო დანიშნულებით, სხვა კულტურულ-გამაჯანსაღებელი მიზნით;

გ) სასმელი და სამეურნეო დანიშნულების წყლით მომარაგების ცენტრალიზებული სისტემებით დაკავებულ ტერიტორიებზე.

4. სასაფლაოსათვის გამოყოფილი მიწის ნაკვეთი  უნდა აკმაყოფილებდეს შემდეგ პირობებს:

ა) არ უნდა იყოს მეწყერულ ზონაში;

ბ) არ უნდა იტბორებოდეს წყალდიდობების შემთხვევაში;

გ) გრუნტული წყლები უნდა იყოს სულ ცოტა ორი მეტრით დაშორებული მიწის ზედაპირიდან.

2. სასაფლაოების მმართველი ორგანიზაციის მართვაში შეიძლება იყოს როგორც ახალი სასაფლაოს ტერიტორია, ისე უკვე არსებული სასაფლაოები.

2. სასაფალოების მმართველი ორგანიზაციის მიერ გაწეული სასაფლაო მომსახურეობის სახეობები და საფასურები, ასევე მისი გადახდისაგან განთავისუფლებისა და შეღავათების გაწევის წესი განისაზღვრება სასაფალოების მმართველი ორგანიზაციის ხელმძღვანელის მიერ მუნიციპალიტეტის გამგეობასთან შეთანხმებით.

3. გარდაცვლილის სასაფლაოზე დაკრძალვის შესახებ სასაფლოების მმართველი ორგანიზაცია გარდაცვლილის ჭირისუფალზე (მათგან დაინტერესებულ პირზე) გასცემს შესაბამის მოწმობას მისი აღრიცხვის რიგითობისა და საფლავის ნომრის მითითებით.

2. სასაფლაოების მმართველი ორგანიზაცია ვალდებულია განახორციელოს შემდეგი მომსახურეობა:

ა) სასაფლაოებზე საფლავების (სამარეების) დადგენილი წესით გამოყოფა;

ბ) საფლავის მეპატრონესთან გაფორმებული ხელშეკრულების საფუძველზე სასაფლაოზე გამოყოფილი სამარის გათხრა და ამოვსება,  გარდაცვლილის სამარეში ჩასვენება;

გ) ახალ გახსნილ სასაფლაოზე სარეგისტრაციო ფირფიტის დაყენება (სარეგისტრაციო ფირფიტაზე სხვა საკითხებთან ერთად გათვალისწინებული უნდა იქნეს ნაკვეთების (სექტორების) გამოყოფის და მათი რიგითობის შესახებ ინფორმაცია);

დ) სასაფლაოს გასასვლელების, ბილიკების, საზოგადოებრივი სარგებლობის სხვა ადგილების და არსებული ქონების მოვლა-პატრონობა;

ე) დაინტერესებული პირებისათვის სახელშეკრულებო ურთიერთობის საფუძველზე შესაბამისი მომსახურების გაწევა;

ვ) სხვა მომსახურება საქართველოს კანონმდებლობის, წინამდებარე წესისა და საკრებულოს სამართლებრივი აქტების შესაბამისად.

3. სასაფლაოების მმართველი ორგანიზაცია გარდაცვლილის ნეშტის დაკრძალვასთან დაკავშირებული მომსახურების გაწევისას ვალდებულია დაიცვას შესაბამისი ნორმები, რელიგიური წეს-ჩვეულებები და ქვეყანაში არსებული კულტურული ტრადიციები, ასევე იგი ვალდებულია შესაძლებლობის ფარგლებში გაითვალისწინოს გარდაცვლილის ჭირისუფლის სურვილები.

4. სასაფლაოების მმართველი ორგანიზაცია გარდაცვლილის შესახებ უნდა ფლობდეს შემდეგ ინფორმაციას:

ა) სახელი, გვარი, პირადი ნომერი;

ბ) რეგისტრაციის  ადგილი;

გ) დაბადების და გარდაცვალების თარიღი;

დ) იმ ახლობლის სახელი, გვარი, პირადი ნომერი და მისამართი, რომელმაც მიიღო გადაწყვეტილება გარდაცვლილის დასაფლავების შესახებ და რომელმაც მიმართა სასაფლაოების მმართველ ორგანიზაციას.

5. სასაფლაოების მმართველ ორგანიზაციას უფლება აქვს, დადგენილი წესით:

ა) საფლავის მოვლა-პატრონობაზე დაინტერესებულ პირთან დადებული ხელშეკრულების საფუძველზე, მიიღოს ნებისმიერი შენატანი, ანაზღაურება, ქონება, ფასიანი ან ნებისმიერი სხვა შემოსავალი, რათა მოაწყოს საფლავი, ძეგლი და სხვა. წესრიგში იქონიოს და მოუაროს აღნიშნულ სასაფლაოს;

ბ) შეიძინოს ახალი ქონება, ააშენოს ახალი შენობა-ნაგებობები, რათა გაზარდოს სასაფლაოების მოვლის ეფექტიანობა;

გ) მოაწესრიგოს სასაფლაოს ტერიტორიაზე საფლავის შემოფარგვლის, მოპირკეთების სამუშაოების, საფლავის ძეგლების, გარდაცვლილის ხსოვნისადმი საჭირო სხვა ობიექტების დადგმა-დამონტაჟების საკითხები და სხვა;

დ) საკრებულოზე განსახილველად სენაკის მუნიციპალიტეტის გამგებელს წარუდგინოს წინადადებები სასაფლაოს ეფექტური მართვისათვის საჭირო ახალი სახეების, მათი საფასურის და ოდენობის შესახებ.

6. სასაფლაოების მმართველი ორგანიზაციის საქმიანობის კონტროლი ხორციელდება საქართველოს კანონმდებლობის შესაბამისად.

ა) ბალახის, ბუჩქების, ხეების მოვლას;

ბ) წყლის ქსელების, გზების, შენობების და სასაფლაოს სხვა ინფრასტრუქტურის წესრიგში მოყვანას;

გ) სასაფლაოების მოვლა-პატრონობისათვის საჭირო მანქანა-დანადგარების და მოწყობილობების შეძენასა და მომსახურებას;

დ) მიცვალებულის ნეშტის დაკრძალისათვის საჭირო მომსახურებას;

ე) სასაფლაოს ტერიტორიის (გასასვლელები, ბილიკები, საზოგადოებრივი სარგებლობის სხვა ადგილები) რეგულარულ დაგვა-დასუფთავებას.

2. სასაფლაოების მმართველი ორგანიზაცია საფლავის მოვლა-პატრონობას ახორციელებს საფლავის მეპატრონესთან გაფორმებული ხელშეკრულების საფუძველზე, ხოლო სასაფლაოს ტერიტორიის საზოგადოებრივი ადგილების მოვლა-პატრონობას სასაფლაოების მმართველი ორგანიზაცია ახორციელებს საკუთარი ხარჯებით.

2. სასაფლაოს მოწყობა (დაგეგმარება) უნდა განხორციელდეს სათანადო წესით დამტკიცებული პროექტის მიხედვით, რომელშიც სხვა საკითხებთან ერთად გათვალისწინებული უნდა იქნეს:

ა) დასაფლავებისათვის ნაკვეთების (სექტორების) გამოყოფა და მათი გამოყენების რიგითობა;

ბ) გასასვლელებისა და ფეხით სავალი გზების მიმართულება, ზომები და კეთილმოწყობა;

გ) მწვანე ნარგავების განთავსება და ხასიათი;

დ) სასაფლაოს გამწვანება, პერიმეტრის გასწვრივ დამცავი მწვანე ნარგავების გაშენება, დეკორატიული ნარგავების დარგვა;

ე) სასაფლაოს მიმდებარე ტერიტორიაზე საავტომობილო სადგომის მოწყობა.

3. სასაფლაოსათვის გამოყოფილი მიწის ნაკვეთის დაგეგმარება, წინამდებარე წესით განსაზღვრული მოთხოვნების გათვალისწინებით, ხორციელდება შესაბამისი სამსახურის მიერ, ან სახელმწიფო შესყიდვის საფუძველზე შესაბამისი მომსახურების შესყიდვით.

4. ყოველი გარდაცვლილის დაკრძალვა უნდა მოხდეს ცალკე სამარეში. ყოველ სამარეზე გაანგარიშებული და გამოყოფილი უნდა იქნეს 3 კვ.მ-მდე ფართობის ტერიტორია (1X3). საფლავის ტერიტორიის ზღვრულ ნორმად მიჩნეულ იქნეს 12 კვ.მ.

5. საფლავის შემოსაღობად დამატებით გამოყოფილ იქნეს პერიმეტრის გასწვრივ 0,2 მ სიგანის მიწის ტერიტორია.

 6.  სამარისათვის გამოყოფილი 1 კვ.მ. მიწის ფართობზე სასაფლაო მომსახურების საფასური განისაზღვროს 15 (თხუთმეტი) ლარის ოდენობით.

7. სენაკის მუნიციპალიტეტის ადმინისტრაციულ ერთეულებში (სოფლებში) არსებულ სასაფლაოზე მიცვალებულის დასაკრძალავად მიწის ფართობი გაიცეს უსასყიდლოდ და  დაკრძალვის რეგისტრაციის მომსახურების საფასურის  გადახდის გარეშე,  ზღვრული ნორმის ფარგლებში (12 კვ.მ.),  ხოლო ზღვრული ნორმის ზემოთ ყოველ კვადრატულ მეტრზე  გადახდილ  იქნეს 15 (თხუთმეტი) ლარი.   ქალაქ სენაკის ადმინისტრაციული ერთეულის ტერიტორიაზე, მდინარე ცივის მიმდებარედ არსებულ სასაფლაოზე მიცვალებულის დასაკრძალავად მიწის ფართობი ზღვრული ნორმის ფარგლებში სენაკის მუნიციპალიტეტის თეკლათის ადმინისტრაციულ ერთეულში რეგისტრირებული მოსახლეობისათვის გაიცეს საფასურის გადახდის გარეშე. სტიქიური ბუნებრივი მოვლენის შედეგად დაზიანებული საფლავიდან მიცვალებულის ახალ სამარეში გადასვენების შემთხვევაში ახალი საფლავის გამოყოფა განხორციელდეს უსასყიდლოდ, ზღვრული ნორმის ფარგლებში შესაბამისი თანაფარდობით.

8. მარტოხელა პირისა და არაიდენტიფიცირებული მიცვალებულის დასაკრძალავად მიწის ფართობის ნორმად მიღებულ იქნეს 3 კვ.მეტრი და გამოიყოს  საფასურის გადახდის გარეშე. მარტოხელა პირისა და არაიდენტიფიცირებული მიცვალებულის დაკრძალვა განხორციელდეს  სასაფლაოების მმართველი ორგანიზაციის ხარჯებით. 

9. ომის ვეტერანებს და მასთან გათანაბრებულ პირებს, დევნილებს და სოციალურად დაუცველთა მონაცემთა ბაზაში რეგისტრირებულ 70 000-მდე ქულის მქონე ოჯახებს, ორადგილიანი საფლავის გამოყოფისას, დაუწესდეს შეღავათი 50%-ის ოდენობით.

10. საფლავზე მიცვალებულის დაკრძალვის რეგისტრაციის მომსახურების საფასური განისაზღვროს 15 (თხუთმეტი) ლარის ოდენობით.

11. საფლავებს შორის დაშორება არ უნდა იყოს გრძელ მხარეებს შორის 0.8 მეტრზე ნაკლები, ხოლო მოკლე მხარეებს შორის – 0.5 მეტრზე ნაკლები.

12. სამარის სიღრმე არ უნდა იყოს 1.2 მეტრზე ნაკლები (ადგილობრივი ნიადაგისა და კლიმატის პირობების გათვალისწინებით). გარდაცვლილ ჩვილ ბავშთა ან ადრე გარდაცვლილის ნეშტის დასაფლავებისას სამარე შეიძლება შემცირდეს.  

13. გარდაცვლილის მჯდომარე მდგომარეობაში დაკრძალვისას მიწის შრე, გვამზე საფლავს ზედა ყრილის ჩათვლით, უნდა იყოს სულ ცოტა 1 მეტრი.

14. ცხედრის დაკრძალვა შეიძლება მხოლოდ გარდაცვალების მოწმობის წარმოდგენის შემდეგ. გამონაკლის შემთხვევაში (უქმე დღეების ან სხვა რაიმე საპატიო მიზეზით) გარდაცვალების მოწმობის წარმოდგენის შეუძლებლობის შემთხვევაში მიცვალებულის დაკრძალვა შესაძლებელია გარდაცვალების შესახებ სამედიცინო ცნობის ან ექსპერტიზის აქტის წარმოდგენის საფუძველზე.  უკანასკნელ შემთხვევაში ჭირისუფალი ვალდებულია ერთი კვირის ვადაში წარმოადგინოს გარდაცვალების მოწმობა.

15. ჭირისუფალი ვალდებულია სასაფლაოების მმართველ ორგანიზაციას მიაწოდოს გარდაცვლილის შესახებ შემდეგი ინფორმაცია:

ა) სახელი, გვარი, პირადი ნომერი;

ბ) დაბადების და გარდაცვალების თარიღი;

გ)   რეგისტრციის ადგილი;

დ) გარდაცვალების მოწმობა ან სხვა დოკუმენტი (ცნობა, ადმინისტრაციულ-სამართლებრივი აქტი, რომელიც ადასტურებს პირის გარდაცვალების ფაქტს) ამ მუხლის მე-8 პუნქტით გათვალისწინებულ შემთხვევაში.

16. გარდაცვლილთა სხვა სამარეში გადასვენება შესაძლებელია მხოლოდ ჭირისუფალთან და სასაფლაოების მმართველ ორგანიზაციასთან შეთანხმებით.

2. ცხედრის კონკრეტულ დაკრძალვასთან ან გადასვენებასთან დაკავშირებით, გადაწყვეტილება შეიძლება მიიღოს:

ა) გარდაცვლილის მიერ მის სიცოცხლეში ანდერძით, ხელშეკრულებით ან სხვა წერილობითი დოკუმენტით დასახელებულმა პირმა;

ბ) გარდაცვლილის მეუღლემ;

გ) გარდაცვლილის სრულწლოვანმა შვილმა;

დ) გარდაცვლილის მშობლებმა;

ე) გარდაცვლილის ოჯახის სხვა სრულწლოვანმა წევრმა;

ვ) გარდაცვლილის ახლო ნათესავმა.

5. ამ მუხლის მე-4 პუნქტში ჩამოთვლილ პირებს შორის შეთანხმების მიუღწევლობის შემთხვევაში დავა წყდება კანონმდებობით დადგენილი წესით.

6. არაიდენტიფიცირებული მიცვალებულის შემთხვევაში კონკრეტულ სასაფლაოზე დაკრძალვასთან დაკავშირებით, გადაწყვეტილება მიიღება სასაფლაოების მმართველი ორგანიზაციის მიერ. არაიდენტიფიცირებული მიცვალებულების დაკრძალვასთან დაკავშირებით, სასაფლაოების მმართველი ორგანიზაციის მიერ გამოყოფილი უნდა იქნეს სასაფლაოს ტერიტორიის ცალკე სექტორი. არაიდენტიფიცირებული მიცვალებულის დაკრძალვის ადგილი გამოყოფილი უნდა იქნეს სპეციალური ფირნიშით, რომელზეც აღნიშნული იქნება მიცვალებულის პირობითად  მაიდენტიფიცირებელი მონაცემები.

7. სამარის გათხრის უფლება აქვს  სასაფლაოების მმართველ ორგანიზაციას მომსახურების საფასურის გადახდის საფუძველზე, ან სურვილის შემთხვევაში – ჭირისუფალს.

2. სასაფლაოზე ახალი და ადრე არსებული საფლავის ადგილების შევსების შემთხვევაში, როდესაც შეუძლებელია საფლავების გამოყოფა, საკრებულო განკარგულებით იღებს გადაწყვეტილებას სასაფლაოს გაუქმებაზე.