მცხეთის მუნიციპალიტეტის ტერიტორიაზე სათამაშო ბიზნესის მოსაკრებლის შემოღების შესახებ

მცხეთის მუნიციპალიტეტის საკრებულოს

დ ა დ გ ე ნ ი ლ ე ბ ა №53

2011 წლის 29 დეკემბერი

ქ. მცხეთა

მცხეთის მუნიციპალიტეტის ტერიტორიაზე სათამაშო ბიზნესის მოსაკრებლის შემოღების შესახებ

 „ადგილობრივი თვითმმართველობის შესახებ” საქართველოს ორგანული კანონის 22-ე მუხლის პირველი პუნქტის ,,მ” ქვეპუნქტის, ,,სათამაშო ბიზნესის მოსაკრებლის შესახებ” საქართველოს კანონის მე-5 მუხლის, ,,ადგილობრივი მოსაკრებლის შესახებ’’ საქართველოს კანონის მე-3 მუხლის 1-ლი და მე-5 პუნქტებისა და მე-5 მუხლის მე-4 პუნქტის საფუძველზე,

 მცხეთის მუნიციპალიტეტის საკრებულო  ა დ გ ე ნ ს:

მუხლი 1. შემოღებულ იქნეს მცხეთის მუნიციპალიტეტში სათამაშო ბიზნესის მოსაკრებელი და დადგინდეს მისი განაკვეთები სახეობების მიხედვით შემდეგი ოდენობით:

1. სამორინეს თითოეულ სათამაშო მაგიდაზე – 20 000 (ოცი ათასი) ლარი კვარტალში;

2. თითოეულ სათამაშო აპარატზე – 1 500 (ერთი ათას ხუთასი) ლარი კვარტალში;

3. თითოეულ წამახალისებელ გათამაშებაზე – საპრიზო ფონდის 10 %;

4. სისტემურ-ელექტრონული ფორმის თამაშობაზე – 30 000 (ოცდაათი ათასი) ლარი კვარტალში;

5. აზარტული ან/და მომგებიანი თამაშობის მოწყობის ნებართვით ორგანიზებული ობიექტის გარეთ განთავსებული, სისტემურ-ელექტრონული ფორმით მოწყობილი ან/და მომგებიანი თამაშობის თითოეულ სალაროზე - 1 000 (ერთი ათასი) ლარი კვარტალში.

მუხლი 2. დადგენილება ამოქმედდეს 2012 წლის 3 იანვრიდან.

მუხლი 3. დადგენილების ამოქმედებისთანავე ძალადაკარგულად გამოცხადდეს მცხეთის მუნიციპალიტეტის საკრებულოს 2011 წლის 18 თებერვლის №9 დადგენილება ,,მცხეთის მუნიციპალიტეტის ტერიტორიაზე სათამაშო ბიზნესის მოსაკრებლის შემოღების შესახებ’’.

 საკრებულოს თავმჯდომარე       ა. კალანდაძე