,,საჯარო სამართლის იურიდიული პირის _ ბავშვთა და ახალგაზრდული ცენტრის „ვარციხის“ შექმნის შესახებ”

საქართველოს პრეზიდენტის

ბრძანებულება №831

2005 წლის 17 ოქტომბერი

ქ. თბილისი

საჯარო სამართლის იურიდიული პირის – ბავშვთა და ახალგაზრდული ცენტრის „ვარციხის“ შექმნის შესახებ

„საჯარო სამართლის იურიდიული პირის შესახებ“ საქართველოს კანონის მე-5 მუხლის მე-2 პუნქტის „ბ“ ქვეპუნქტის საფუძველზე, ბავშვთა და ახალგაზრდობის დასვენების ორგანიზებისა და ახალგაზრდული პოლიტიკის განხორციელების ხელშეწყობის მიზნით:

1. შეიქმნას საჯარო სამართლის იურიდიული პირი – ბავშვთა და ახალგაზრდული ცენტრი „ვარციხე“ (შემდგომში – ცენტრი).

2. საქართველოს კულტურის, ძეგლთა დაცვისა და სპორტის სამინისტრომ (გ. გაბაშვილი) განახორციელოს ცენტრის სახელმწიფო კონტროლი, დაამტკიცოს მისი დებულება და დანიშნოს ცენტრის წარმომადგენლობაზე უფლებამოსილი პირი.

3. საქართველოს ეკონომიკური განვითარების სამინისტრომ (ი. ჩოგოვაძე) უზრუნველყოს ბაღდათის რაიონის დაბა ვარციხეში მდებარე სამთავრობო რეზიდენციის კომპლექსის და მის ბალანსზე რიცხული უძრავ-მოძრავი ქონების კანონმდებლობით დადგენილი წესით ცენტრისათვის გადაცემა.

მ. სააკაშვილი