ფსიქოაქტიური ნივთიერებების მომხმარებელთა შემოწმების, გამოკვლევის, ექსპერტიზის, დიაგნოსტიკის, დისპანსერიზაციის, აღრიცხვიანობისა და მკურნალობის წესების დამტკიცების შესახებ

დოკუმენტის სტრუქტურა

განმარტებების დათვალიერება

დაკავშირებული დოკუმენტები

დოკუმენტის კომენტარები

დოკუმენტის მონიშვნები

კონსოლიდირებული პუბლიკაციები

25/03/2013 20/09/2011 25/10/2010 11/08/2010 22/12/2003

უკან დაბრუნება

ფსიქოაქტიური ნივთიერებების მომხმარებელთა შემოწმების, გამოკვლევის, ექსპერტიზის, დიაგნოსტიკის, დისპანსერიზაციის, აღრიცხვიანობისა და მკურნალობის წესების დამტკიცების შესახებ
დოკუმენტის ნომერი	317/ნ
დოკუმენტის მიმღები	საქართველოს შრომის, ჯანმრთელობისა და სოციალური დაცვის მინისტრი
მიღების თარიღი	12/12/2003
დოკუმენტის ტიპი	საქართველოს მინისტრის ბრძანება
გამოქვეყნების წყარო, თარიღი	სსმ, 146, 22/12/2003
სარეგისტრაციო კოდი	470.040.000.11.119.006.233
კონსოლიდირებული პუბლიკაციები

Word

თქვენ უყურებთ დოკუმენტის პირველად სახეს
დოკუმენტის კონსოლიდირებული ვარიანტის ნახვა ფასიანია, აუცილებელია სისტემაში შესვლა და საჭიროების შემთხვევაში დათვალიერების უფლების ყიდვა, გთხოვთ გაიაროთ რეგისტრაცია ან თუ უკვე რეგისტრირებული ხართ, გთხოვთ, შეხვიდეთ სისტემაში

პირველადი სახე (22/12/2003 - 11/08/2010)

სახელმწიფო სარეგისტრაციო კოდი 470.040.000.11.119.006.233

საქართველოს შრომის, ჯანმრთელობისა და სოციალური დაცვის

მინისტრის ბრძანება №317/ნ

2003 წლის 12 დეკემბერი

ქ. თბილისი

ფსიქოაქტიური ნივთიერებების მომხმარებელთა შემოწმების, გამოკვლევის, ექსპერტიზის, დიაგნოსტიკის, დისპანსერიზაციის, აღრიცხვიანობისა და მკურნალობის წესების დამტკიცების შესახებ

საქართველოს კანონის „ ნარკოტიკული საშუალებების, ფსიქოტროპული ნივთიერებების, პრეკურსორებისა და ნარკოლოგიური დახმარების შესახებ 38-ე, 39-ე და მე-40 მუხლების საფუძველზე, ვბრძანებ:

1. დამტკიცდეს:

ა) ინსტრუქცია ფსიქოაქტიური ნივთიერების მოხმარებით გამოწვეული ფსიქიკური და ქცევითი აშლილობების მდგომარეობის ფაქტის დადგენის წესების შესახებ (დანართი I);

ბ) ინსტრუქცია ფსიქოაქტიური ნივთიერების მომხმარებელთა აღრიცხვაზე აყვანისა და აღრიცხვიანობის წესების შესახებ (დანართი II);

გ) ინსტრუქცია ნარკომანიით დაავადებულთა და ნარკოტიკული საშუალებების მომხმარებელთა მკურნალობის აუცილებელი მინიმალური კურსის შესახებ (დანართი III);

დ) ინსტრუქცია ნარკომანიით დაავადებულთათვის სავალდებულო მკურნალობის დანიშვნის წესების შესახებ (დანართი IV);

ე) ინსტრუქცია პაციენტის ანონიმურ მკურნალობაზე გაფორმების წესის შესახებ (დანართი V);

ვ) ინსტრუქცია სომატონარკომანთა აღრიცხვიანობისა და მკურნალობის წესების შესახებ (დანართი VI);

ზ ) დამტკიცდეს თანდართული ( № -1,2,3,4,5,6,7,8,9,10) ფორმები ( დანართი VII)

ა. გამყრელიძე

დანართი I

საქართველოს შრომის, ჯანმრთელობისა

და სოციალური დაცვის სამინისტრო

ი ნ ს ტ რ უ ქ ც ი ა

ფსიქოაქტიურ ნივთიერებათა მოხმარებით გამოწვეული ფსიქიკური და

ქცევითი აშლილობის მდგომარეობის ფაქტის დადგენის წესების შესახებ

2003 წელი

I. ზოგადი დებულებები

1. ფსიქოაქტიურ ნივთიერებათა მოხმრებით გამოწვეული ფსიქიკური და ქცევითი აშლილობის მდგომარეობის ფაქტის დადგენის მიზნით სამედიცინო-ნარკოლოგიური კვლევა ინიშნება მოქალაქის ინიციატივით ან იმ შემთხვევაში, როდესაც მოქმედი კანონმდებლობა ითვალისწინებს დისციპლინარულ, ადმინისტრაციულ ან სისხლის სამართლის პასუხისმგებლობას ფსიქოაქტიურ ნივთიერებათა მოხმარებისათვის.

2. ფსიქოაქტიურ ნივთიერებათა მოხმარებით გამოწვეული ფსიქიკური და ქცევითი აშლილობის მდგომარეობის ფაქტის დადგენის მიზნით, სამედიცინო-ნარკოლოგიური კვლევა ტარდება შესაბამისი ლიცენზიის მქონე დაწესებულებაში, საქართველოს შრომის, ჯანმრთელობისა და სოციალური დაცვის სამინისტროს მიერ დამტკიცებული სახელმწიფო სტანდარტების დაცვით.

3. გამოკვლევა ტარდება შესაბამისი სერტიფიკატის მქონე ექიმის მიერ. დაუშვებელია ალკოჰოლური და სხვა სახის თრობის მდგომარეობის დადგენის ჩატარება სამედიცინო დაწესებულების გარეთ.

4. გამოკვლევის წარმოებისას ექიმი ვალდებულია იხელმძღვანელოს ამ ინსტრუქციით და შრომის, ჯანმრთელობისა და სოციალური დაცვის მინისტრის მიერ დამტკიცებული სხვა კანონქვემდებარე აქტებით.

5. ფსიქოაქტიური ნივთიერებით თრობის დასადგენად პიროვნების წარმოდგენა ხდება კანონით დადგენილი წესის მიხედვით. გამოკვლევის ჩატარება შესაძლებელია პირადი მომართვითაც. ამ უკანასკნელ შემთხვევაში შემოწმება წარმოებს დაწესებულების შიდა სტანდარტით. მოქალაქე ვალდებულია წარმოადგინოს პირადობის დამადასტურებელი დოკუმენტი და წერილობითი განცხადება. დასკვნა გაიცემა კანონით დადგენილი წესის შესაბამისად.

6. წარმოდეგნილი გამოსაკვლევი პირის სამედიცინო შემოწმება ხორციელდება წარმომდგენის თანდასწრებით. ექიმი ვალდებულია დარწმუნდეს გამოსაკვლევი პიროვნების ვინაობაში მისი პირადობის დამადასტურებელი საბუთების შემოწმებით, მაგრამ ასეთი დოკუმენტის უქონლობა გამოკვლევის ჩატარებაზე უარის თქმის საფუძველს არ წარმოადგენს. ასეთ შემთხვევაში ივსება ოქმი, რომელშიც ფორმა №3-ის გრაფა №1-ში ფიქსირდება მომართვაში არსებული საპასპორტო მონაცემები სათანადო მინიშნებით, ხოლო გრაფა №3-ში წარმოდგენილი პიროვნების ანთროპოლოგიური აღწერით. იმ შემთხვევაში, როდესაც წარმომდგენი ორგანოს მიერ შემდგომში დაზუსტებული მონაცემები განსხვავდება ოქმში შეტანილისაგან, შესწორება დასტურდება დაწესებულების ხელმძღვანელის ხელმოწერითა და ბეჭდით.

7. გამოკვლევის ყველა შემთხვევა ფიქსირდება სათანადო სარეგისტრაციო ჟურნალში დადგენილი ერთიანი წესით და ივსება ავადმყოფის ამბულატორიული ისტორია. (იხ. ფორმა №1).

II. ალკოჰოლური თრობის ფაქტის დადგენა

8. ალკოჰოლური თრობის მდგომარეობის დადგენის დროს კლინიკური შემოწმების შედეგად ექიმი ავსებს სამედიცინო შემოწმების დანომრილ ოქმს (ორ ეგზემპლარად).

9. ალკოჰოლური თრობის მდგომარეობის დადგენის მიზნით გამოსაკვლევ პირს უტარდება კლინიკური შემოწმება, ლაბორატორიული ანალიზი ამონასუნთქ ჰაერში ან სხვა ბიოლოგიურ მასალაში ორგანიზმში ეთილის ალკოჰოლის შემცველობის დაზუსტების მიზნით. ლაბორატორიული ანალიზების რეგისტრაცია ხდება დადგენილი ფორმის ჟურნალში (ფორმა №7). ეთილის ალკოჰოლის განსაზღვრის ლაბორატორიული ანალიზი უნდა ჩატარდეს საქართველოს შრომის, ჯანმრთელობისა და სოციალური დაცვის სამინისტროს მიერ დამტკიცებული სტანდარტის შესაბამისად, იმ მეთოდით, რომელსაც მიუთითებს ექიმი.

10. სადავო შემთხვევაში სასურველია ალკოჰოლის შემცველობის განსაზღვრა მოხდეს ორი განსხვავებული მეთოდით. ასეთ შემთხვევაში გამოსაკვლევი პირისაგან საანალიზოდ აღებული მასალის ნაწილი ილუქება დადგენილი წესით და ინახება სათანადო პირობების დაცვით 10 დღის განმავლობაში, რათა საჭიროების შემთხვევაში მოხერხდეს განმეორებითი ანალიზის ჩატარება.

11. ლაბორატორიული ანალიზის შედეგები ფიქსირდება ლაბორატორიის სარეგისტრაციო ჟურნალში და სათანადო ბლანკზე (ფორმა №5), რომელიც დაერთვის ოქმს.

12. ალკოჰოლური თრობის მდგომარეობის დადგენის სამედიცინო შემოწმების ოქმის ასლი დაწესებულებაში ინახება სამი წლის განმავლობაში.

13. ალკოჰოლური თრობის დასკვნა ეცნობება გამოსაკვლევ პირს ექიმის მიერ გამოკვლევის დამთავრების შემდეგ, რაც უნდა დაფიქსირდეს შემოწმების ოქმში გამოსაკვლევი პირის ხელმოწერით, თუ ეს უკანასკნელი უარს აცხადებს ხელის მოწერაზე, ექიმმა უნად მიუთითოს მოტივი ან მიზეზი. გამოსაკვლევი და მისი წარმომდგენი ხელს აწერენ შემოწმების ოქმს და აგრეთვე „ფსიქოაქტიური ნივთიერების მიღების ფაქტის დადგენის გამოკვლევის წესებს" (ფორმა №2)

14. იმ შემთხვევაში, როდესაც გამოსაკვლევი პირი უარს აცხადებს კლინიკო-ლაბორატორიულ გამოკვლევაზე, სარეგიტრაციო ჟურნალში ფიქსირდება პიროვნების წარმოდგენა და აღინიშნება გამოკვლევაზე უარის თქმის მოტივი. სამედიცინო შემოწმების ოქმში კი ექიმმა უნდა აღწეროს გამოსაკვლევი პირის გარეგნული მდგომარეობა, ქცევა, პირიდან ალკოჰოლის სუნის არსებობა და ამის მიხედვით გამოიტანოს დასკვნა. ლაბორატორიული გამოკვლევის ჩატარებაზე უარის განცხადების შემთხვევაში ექიმს უფლება აქვს კლინიკური მონაცემების მიხედვით გამოიტანოს დასკვნა (ასეთ შემთხვევაში ოქმში ფიქსირდება, რომ გამოსაკვლევს არ ჩატარებია ლაბორატორული გამოკვლევა).

15. თუ პიროვნება წარმოდგენილი იქნება ალკოჰოლურ თრობაზე ეჭვის გამო, მაგრამ გამოსაკვლევი პირის სამედიცინო შემოწმებისას გამოვლენილი კლინიკური სიმპტომატიკა მიუთითებს ნარკოტიკული ან სხვა გამაბრუებელი საშუალებით გამოწვეული თრობის მდგომარეობაზე, ექიმი ვალდებულია გამოიტანოს შესაბამისი დასკვნა.

16. იმ შემთხვევაში, როცა გამოსაკვლევი პირი ეჭვქვეშ აყენებს ექიმის მიერ გამოტანილ დასკვნას ალკოჰოლური თრობის არსებობის შესახებ და მოითხოვს განმეორებით შემოწმებას, ეს უკანასკნელი ხორციელდება დაწესებულების შიდა სტანდარტების მიხედვით, შესამოწმებელი პიროვნების წერილობითი განცხადების საფუძველზე. განმეორებითი შემოწმება დასაშვებია ჩატარდეს პირველი შემოწმებიდან არა უგვიანეს ორი საათის განმავლობაში სხვა ექიმ-ექსპერტის მიერ.

17. თუ ნარკოლოგიურ დაწესებულებაში სათანადო მიმართვით გადაგზავნილია სხვა სომატურ კლინიკაში ჰოსპიტალიზირებული პირის ბიოლოგიური მასალა, ქიმიო-ტოქსიკოლოგიურ ლაბორატორიაში უნდა გაკეთდეს თვისობრივი და რაოდენობრივი ანალიზი ფსიქოაქტიური ნივთიერებების შემცველობაზე და დასკვნა გაეცეს გამომგზავნ დაწესებულებას.

18. სამედიცინო შემოწმების სათანადო ოქმის უქონლობა გამოკვლევის ჩატარებაზე უარის თქმის საფუძველს არ წარმოადგენს. ასეთ შემთხვევაში ექიმის მიერ გაცემული შემოწმების ოქმის კანონიერება დადასტურებული უნდა იყოს დაწესებულების ხელმძღვანელის ხელმოწერითა და ბეჭდით.

19. ალკოჰოლური თრობის მდგომარეობის დადგენის ჩატარებისას კლინიკური და ლაბორატორიული გამოკვლევის შემდეგ ექიმის მიერ ოქმში ფიქსირდება დასკვნა შემდეგი ფორმულირებით:

ა) ფხიზელი;

ბ) ფხიზელი, აღენიშნება წინამორბედი ალკოჰოლური თრობის ნარჩენი მოვლენები;

გ) ფხიზელი, აღენიშნება ალკოჰოლის მიღების ფაქტი;

დ) ალკოჰოლური თრობა (მსუბუქი, საშუალო, მძიმე ხარისხის).

III. ნარკოტიკული და სხვა გამაბრუებელი საშუალებებით გამოწვეული თრობის მდგომარეობის დადგენა

20. ნარკოტიკული თრობის მდგომარეობის დასადგენად წარმოდგენილ ყველა გამოსაკვლევ პირს უნდა ჩაუტარდეს კლინიკური და ქიმიო-ტოქსიკოლოგიური გამოკვლევა.

21. ნარკოტიკული თრობის მდგომარეობის დადგენის წარმოების დროს ექიმი ავსებს ამბულატორიულ ავადმყოფის ისტორიას, რომელშიც დაწვრილებით უნდა აღიწეროს გამოსაკვლევი პირის საპასპორტო მონაცემები, სოციალური სტატუსი, გამოკვლევის ჩატარების თარიღი და ზუსტი დრო, პიროვნების დაკავებიდან გამოკვლევაზე წარმოდგენამდე გასული დრო, ოპერატიული მონაცემები, ღებულობს თუ არა ნარკოტიკებს, რომელი ჯგუფის ან რომელ საშუალებას, რა სიხშირით, რა ხერხით, გადატანილი აქვს თუ არა აბსტინენცია და ა.შ. უნდა აღიწეროს გამოსაკვლევი პირის გარეგნობა, ფიზიკური, ნევროლოგიური და ფსიქიკური სტატუსი, პოსტინექციური ნაწიბურების ან კვლების არსებობა. სრული კლინიკური გამოკვლევის შემდეგ ექიმს გამოაქვს სათანადო დასკვნა. ამბულატორიული ბარათის წარმოების სხვა ფორმა დაუშვებელია.

22. ნარკოტიკული თრობის მდგომარეობის დადგენის წარმოების საფუძველია გამოსაკვლევი პირის წარმომდგენი მხარის კანონით გათვალისწინებული ოფიციალური მომართვა, რომელიც უნდა დაერთოს სამედიცინო ბარათს.

23. გამოსაკვლევ პირს ექიმი კლინიკური შემოწმების შემდეგ სათანადო მომართვით აგზავნის ქიმიო-ტოქსიკოლოგიურ ლაბორატორიაში. მიმართვაში მითითებული უნდა იყოს ბიოლოგიურ მასალაში საკვლევ საშუალებათა ჯგუფი ან სახეობა. მიმართვაში და ავადმყოფის ამბულატორიულ ისტორიაში გამოსაკვლევი პირის საპასპორტო მონაცემების მაგიერ ფიქსირდება კოდი.

24. გამოსაკვლევი პირისაგან საანალიზო ბიოლოგიური მასალის აღებას უნდა ესწრებოდეს წარმომდგენი მხარე და ექიმი. იმ შემთხვევაში, როდესაც გამოსაკვლევი პირისაგან ამა თუ იმ მიზეზით ვერ ხერხდება საკვლევი ბიოლოგიური მასალის აღება დროის განსაზღვრულ მონაკვეთში (ერთნახევარი-ორი საათი), სამედიცინო ბარათში ექიმის მიერ ფიქსირდება აღნიშნული მდგომარეობის მიზეზი ან მოტივი.

25. ქიმიო-ტოქსიკოლოგიური თრობის მდგომარეობის დადგენას აწარმოებს ყველა სამედიცინო დაწესებულება, რომელთაც აქვთ ნარკოტიკული თრობის მდგომარეობის დადგენის უფლება და იგი ხორციელდება სამ დონეზე:

I დონე – კლინიკური შემოწმების გარდა გამოსაკვლევი პირისაგან აღებულ ბიოლოგიურ მასალაში (შარდი) ნარკოტიკული ან სხვა გამაბრუებელი საშუალებების შემცველობის განსაზღვრა ხდება ექსპრეს ტესტებით ან თხელფენოვანი ქრომატოგრაფიის მეთოდით. ბიოლოგიური მასალა ილუქება ორ ულუფად და ინახება მაცივარში სათანადო წესების დაცვით ოცდაათი დღის განმავლობაში. დალუქულ ულუფებზე უნდა იყოს გამოსაკვლევი პირის, წარმო მდგენისა და ექიმის ხელმოწერები. ერთჯერადი ექსპრეს-ტესტის მეშვეობით გამოკვლევისას ფირფიტაზე ფიქსირდება გამოსაკვლევი პირის შესაბამისი კოდი, შემოწმების ჩატარების თარიღი. გამოკვლევის შედეგი გამოსაკვლევ პირსა და წარმომდგენს ეცნობება შემოწმებისთანავე, რაზედაც გამოსაკვლევი პირი აწერს ხელს. ქიმიო-ტოქსიკოლოგიის არყოფნის შემთხვევაში ექიმი-ნარკოლოგი მოვალეა თავად ჩაატაროს გამოკვლევა ერთჯერადი ექსპრეს-ტესტით. კლინიკური გამოკვლევისა და ლაბორატორიული ანალიზის (ერთჯერადი სადიაგნოსტიკო ექსპრეს-ტესტი) ჩატარების შედეგად ექიმი მოვალეა გასცეს სათანადო დასკვნა დაუყოფნებლივ.

II დონე - ხორციელდება უფრო მაღალი მგრძნობელობის მეთოდებით და იმ საანალიზო მასალის საკონტროლო ულუფის დამატებითი ქიმიო-ტოქსიკოლოგიური კვლევა, რომლებიც იგზავნება ნარკოლოგიური კაბინეტებიდან რომელიმე მხარის მიერ გაცხადებული პროტესტის შემთხვევაში.

III დონე - საანალიზო მასალის კვლევა ტარდება ქიმიო-ტოქსიკოლოგიურ ლაბორატორიაში I და II დონით გათვალისწინებული მეთოდებითა და აგრეთვე დამატებით უფრო მგრძნობიარე მეთოდებისა და საშუალებების გამოყენებით. ამასთან, აღნიშნულ II და III დონეზე სადავო შემთხვევების განხილვისას წარმოდგენილი უნდა იქნეს ყველა აქამდე არსებული ლაბორატორიული კვლევისა და კლინიკური შემოწმების შედეგები. საკონფლიქტო შემთხვევათა განხილვა ხორციელდება სათანადო წერილობითი მოთხოვნის საფუძველზე. განმეორებითი ანალიზის შედეგი ეცნობება დაინტერესებულ მხარეს.

26. გამოსაკვლევი პირის ქიმიო-ტოქსიკოლოგიური ანალაზის შედეგები ფიქსირდება სპეციალურ ბლანკზე და ერთვის ამბულატორიულ სამედიცინო ბარათს.

27. იმ შემთხვევაში, თუ გამოსაკვლევ პირს კლინიკურად არ აღენიშნება ნარკოტიკული საშუალებების ზემოქმედება, თვითონ უარყოფს ფსიქოაქტიური ნივთიერებების მიღების ფაქტს და მას არ აღენიშნება რაიმე სომატო-ტოქსიკოლოგიური გადახრები, ქიმიო-ტოქსიკოლოგიური კვლევის მიმართულებისას შესაძლებელია გათვალისწინებული იყოს წარმომდგენის ოპერატიული მონაცემები. ასეთის არარსებობის შემთხვევაში ანალიზი უნდა ჩატარდეს რამდენიმე ლაბორატორიული მეთოდით.

28. ნარკოტიკული თრობის მდგომარეობის დადგენის დასკვნა (იხ. ფორმა №4), გაიცემა წარმომდგენ მხარეზე, რაც დასტურდება მისი ხელის მოწერით გაცემული დანომრილი აქტების სარეგისტრაციო ჟურნალში.

29. პირის პირადი განცხადების საფუძველზე ნარკოტიკული თრობის მდგომარეობის დადგენა უნდა ჩატარდეს დაწესებულების შიდა სტანდარტის მიხედვით, კლინიკური გამოკვლევითა და ქიმიო-ტოქსიკოლოგიური ანალიზით და გათვალისწინებულ უნდა იქნას ადრინდელი გამოკვლევის მონაცემები.

30. ნარკოტიკული თრობის მდგომარეობის დადგენის დასკვნა:

ამ პუნქტის „ა“, „ბ“, „გ“, „დ“, „ე“ ქვეპუნქტებში მითითებული დასკვნის ფორმულირებები გამომკვლევ ექიმს ან საექიმო საკონსულტაციო კომისიას გამოაქვს ავადმყოფობის ისტორიაში, ხოლო საბოლოო დასკვნა დაწესებულებიდან გაიცემა ისე როგორც მითითებულია "ვ" ან "ზ" ქვეპუნქტებში.

ა) კლინიკურად არ ვლინდება ნარკოტიკული საშუალებების ზემოქმედების ნიშნები. ლაბორატორიულად არ დადგინდა ნარკოტიკული საშუალებების მიღების ფაქტი;

ბ) კლინიკურად არ ვლინდება ნარკოტიკული საშუალებების ზემოქმედების ნიშნები, მაგრამ პოსტინიექციური ნაწიბურების ან კვლევების არსებობის გამო საჭიროებს სტაციონარულ გამოკვლევას. ლაბორატორიულად არ დადგინდა ნარკოტიკული საშუალებების მიღების ფაქტი;

გ) კლინიკურად იმყოფება ნარკოტიკული საშუალებების ზემოქმედების ქვეშ. ლაბორატორიულად დადგინდა (ან არ დადგინდა) ნარკოტიკული საშუალებების მიღების ფაქტი. დიაგნოზის დასადგენად საჭიროებს სტაციონარულ გამოკვლევას;

დ) კლინიკურად არ იმყოფება ნარკოტიკული საშუალებების ზემოქმედების ქვეშ, ლაბორატორიულად დადგინდა ნარკოტიკული საშუალებების მიღების ფაქტი. დიაგნოზის დასადგენად საჭიროებს სტაციონარულ გამოკვლევას;

ე) კლინიკურად არ იმყოფება ნარკოტიკული საშუალებების ზემოქმედების ქვეშ, იმის გამო, რომ აღენიშნება ნარკოტიკული აბსტინენციის ნიშნები, საჭიროებს სტაციონარულ გამოკვლევას. ლაბორატორიულად დადგინდა (ან არ დადგინდა) ნარკოტიკული საშუალებების მიღების ფაქტი.

ვ) გამოკვლევით დაუდგინდა ნარკოტიკული საშუალებების მიღების ფაქტი;

ზ) გამოკვლევით ნარკოტიკული საშუალებების მიღების ფაქტი არ დაუდგინდა.

31. იმ შემთხვევაში, როდესაც გამოსაკვლევი პირი კლინიკური შემოწმების შემდეგ უარს აცხადებს ან ვერ ახერხებს ბიოლოგიური მასალის (შარდი) ჩაბარებას ორი ასტრონომიული საათის პერიოდში, ექიმი ვალდებულია აღწეროს კლინიკური შემოწმების შედეგი და გასცეს შესაბამისი დასკვნა.

32. თუ მოქალაქე წარმოდგენილია ალკოჰოლური თრობის არსებობის დადგენის მიზნით და მას გამოუვლინდა ნარკოტიკული თრობის სურათი, ექიმი ვალდებულია შეავსოს ამბულატორიული ავადმყოფის ისტორია და გასცეს სათანადო დასკვნა დადგენილი წესით.

33. გამოსაკვლევი პირის მიმართ სპეციალიზებულ სტაციონარში გამოკვლევის საჭიროების რეკომენდაცია გაიცემა საბოლოო დიაგნოზის დადგენის მიზნით. თუ პიროვნება უარს აცხადებს სტაციონარში მოთავსებაზე ან იგი წაყვანილია ოპერატიული ღონისძიებების გასატარებლად, ყოველივე სათანადო ხელის მოწერითა და წარმომდგენი თანამშრომლის პირადობის მოწმობის ნომრის მითითებით ფიქსირდება ამბულატორიული ავადმყოფის ისტორიაში. შემდგომში პიროვნების სტაციონარულ გამოკვლევაზე გამოუცხადებლობის შემთხვევაში დასკვნა, სამედიცინო დოკუმენტაციის მიხედვით, გამოაქვს საექიმო-საკონსულტაციო კომისიას, რის შესახებას ინფორმაცია მიეწოდება გამოსაკვლევ პირსა და მის წარმომდგენ მხარეს.

სტაციონარული გამოკვლევა საბოლოო დიაგნოზის დადგენის მიზნით უნდა განხორციელდეს II და III დონეზე.

დანართი II

ინსტრუქცია

ფსიქოაქტიური ნივთიერებების მომხმარებელთა აღრიცხვაზე აყვანის და აღრიცხვიანობის წესების შესახებ

1. ნარკომანიით დავადებულთა და ნარკოტიკული საშუალებების არასამედიცინო მიზნით მომხმარებელთა გამოვლენის შემთხვევაში ივსება შესაბამისი ფორმა (იხ. ფორმა №7) სამ ეგზემპლარად, რომელთაგან ერთი ეგზემპლარი ინახება გამომვლენ სამედიცინო დაწესებულებაში ან ინდივიდუალური პრაქტიკის მქონე ექიმთან, მეორე ეგზემპლარი იგზავნება შრომის, ჯანმრთელობისა და სოციალური დაცვის სამინისტროს ცენტრალურ საინფორმაციო ბანკში (შემდგომში – ცსბ), ხოლო მესამე ეგზემპლარი – შინაგან საქმეთა სამინისტროს ინფორმატიზაციის სამმართველოში.

2. არანარკოტიკული ფსიქოაქტიური ნივთიერებების არასამედიცინო მიზნით მომხმარებელთა გამოვლენის შემთხვევაში ივსება შესაბამისი ფორმა ორ ეგზემპლარად, რომელთაგან ერთი ეგზემპლარი ინახება გამომვლენ სამედიცინო დაწესებულებაში ან ინდივიდუალური პრაქტიკის მქონე ექიმთან, მეორე ეგზემპლარი იგზავნება ცსბ-ში.

3. ანონიმური მკურნალობის ჩატარების შემთხვევაში დასაშვებია შინაგან საქმეთა სამინისტროს ინფორმატიზაციის სამმართველოში და ცენტრალურ საინფორმაციო ბანკში გასაგზავნ ფორმაში არ იქნ ეს შევსებული სააღრიცხვო ბარათის №2, №3, №7 და №10 პუნქტები. ასეთი მონაცემების განსაიდუმლოება ხდება პაციენტის მოთხოვნით ან სასამართლოს დადგენილებით.

4. პირებზე, რომელთაც გამოუვლინდათ ნარკოტიკული საშუალების მიღების ფაქტი ან დაუდგინდათ დიაგნოზი ნარკომანია თავისუფლების აღკვეთის ადგილებში, სააღრიცხვო ბარათი ივსება სამ ეგზემპლარად, ინახება იმ დაწესებულებაში, სადაც მსჯავრდებული იხდის სასჯელს და მათ განთავისუფლებამდე 2 კვირით ადრე იგზავნება ცსბ-ში და შინაგან საქმეთა სამინისტროში.

5. ნარკოტიკული საშუალების მომხმარებელთა (რომლებიც უკვე იმყოფებიან აღრიცხვაზე) მიმართ ნარკომანიის დიაგნოზის გამოტანის შემთხვევაში განმეორებით ივსება სააღრიცხვო ბარათი ადრინდელი ბარათის ნომრის მითითებით და შესაბამის გრაფაში კეთდება ჩანაწერი. ორივე სააღრიცხვო ბარათი ინახება სამედიცინო დაწესებულებაში, ცსბ-სა და შინაგან საქმეთა სამინისტროში ძველი ბარათი ნადგურდება.

6. ნარკოტიკული საშუალების მომხმარებელი იმყოფება აღრიცხვაზე 1 წლის განმავლობაში, რის შემდეგაც იხსნება აღრიცხვიდან როგორც მომხმარებელი ან ნარკომანიის დიაგნოზის დადგენის შემთხვევაში დგება შესაბამის აღრიცხვაზე.

7. ნარკომანიით დაავადებული პირი მკურნალობის კურსის დაწყების დღიდან აღრიცხვაზე იმყოფება 3 წლის განმავლობაში, რის შემდეგაც იხსნება აღრიცხვიდან საექიმო საკონსულტაციო კომისიის მიერ და მისი ბარათი გადაეცემა არქივს.

8. ფსიქოაქტიური ნივთიერების მომხმარებელი დისპანსერულ მეთვალყურეობაზე იმყოფება 1 წლის განმავლობაში, ხოლო ამ ნივთიერებების მიმართ დამოკიდებულების არსებობის შემთხვევაში – 3 წლის განმავლობაში.

9. ნარკოტიკული საშუალების მომხმარებლებს, ნარკომანიით დაავადებელ პირებს და ფსიქოაქტიურ ნივთიერებებზე დამოკიდებულ პირებს დისპანსერული მეთვალყურეობა უტარდებათ საქართველოს შრომის, ჯანმრთელობისა და სოციალური დაცვის სამინისტროს მიერ დამტკიცებული სტანდარტის მიხედვით.

10. დასაშვებია სახელმწიფო სამედიცინო სტანდარტით განსაზღვრული მომსახურების გაფართოება დაწესებულების შიდა სტანდარტის ხარჯზე.

11. სამედიცინო დოკუმენტაციის შენახვის ვადებია:

ა.სააღრიცხვო ბარათების – 50 წელი;

ბ.სამედიცინო დაწესებულებაში სამედიცინო დოკუმენტაციისათვის – 25 წელი.

12. დისპანსერული მეთვალყურეობიდან მოხსნა ხდება შემდეგ შემთხვევებში:

ა) მყარი რემისია სოციალური და შრომითი კავშირების აღდგენით;

ბ) მუდმივი საცხოვრებელი ადგილის შეცვლა;

გ) თავისუფლების აღკვეთა 1 წელზე მეტი ვადით;

დ) პირის გარდაცვალების შემთხვევაში.

13. დისპანსერული მეთვალყურეობიდან მოხსნის გადაწყვეტილებას იღებს საექიმო საკონსულტაციო კომისია.

14. იმ სამედიცინო დაწესებულებებში, სადაც არ არის 3 ექიმი ნარკოლოგი, აღრიცხულ კონტინგენტთან დაკავშირებული იურიდიული საკითხები (აღრიცხვაზე აყვანა, აღრიცხვიდან მოხსნა და სხვა) წყდება შესაბამის რეგიონულ ნარკოლოგიურ ცენტრში ან ამ ცენტრიდან მოწვეული სპეციალისტების მონაწილეობით შექმნილ საექიმო საკონსულტაციო კომისიაში.

15. მუდმივი საცხოვრებელი ადგილის შეცვლის შემთხვევაში, ის დაწესებულება, სადაც იმყოფებოდა აღრიცხვაზე პირი, მისი დისპანსერული მეთვალყურეობიდან მოხსნის შესახებ და გადაადგილების საორიენტაციო ადგილის შესახებ ინფორმაციას აწვდის ცენტრალურ საინფორმაციო ბანკს, ხოლო ავადმყოფს ხელზე ეძლევა აღრიცხვიდან დროებით მოხსნის ბარათი, რომელსაც იგი წარადგენს იმ სამედიცინო დაწესებულებაში, სადაც დადგება აღრიცხვაზე. სამედიცინო დაწესებულება, რომელიც ღებულობს ადრე აღრიცხვაზე მყოფ პირს, ავსებს მასზე სააღრიცხვო ბარათს სამ ეგზემპლარად შესაბამისი ჩანაწერით და აგზავნის შინაგან საქმეთა სამინისტროში და ცენტრალურ საინფორმაციო ბანკში დადგენილი წესით.

16. ავადმყოფის გარდაცვალების შემთხვევაში ინფორმაცია მისი აღრიცხვიდან მოხსნის შესახებ გადაეცემა ცენტრალურ საინფორმაციო ბანკს და შინაგან საქმეთა სამინისტროს.

დანართი III

ინსტრუქცია

ნარკომანიით დაავადებულთა და ნარკოტიკული საშუალებების მომხმარებელთა მკურნალობის აუცილებელი მინიმალური კურსის შესახებ

1. ნარკოტიკული საშუალების მიღების ფაქტის დადგენის შემთხვევაში სამედიცინო დაწესებულება ვალდებულია სტაციონარული გამოკვლევით დაადგინოს დაავადებულია თუ არა გამოსაკვლევი პირი ნარკომანიით, თუ ადგილი აქვს ნარკოტიკული საშუალების მხოლოდ არასამედიცინო მიზნით მოხმარებას.

2. გამომკვლევი ექიმი ვალდებულია შესთავაზოს ნარკომანიით დაავადებულ პაციენტს მკურნალობის კურსის ჩატარება. უარის თქმის შემთხვევაში მის მიმართ განსახორციელებელი სამედიცინო ღონისძიებების განსასაზღვრად, ავადმყოფი უნდა გატარდეს საექიმო საკონსულტაციო კომისიაზე.

3. ნარკოტიკული საშუალებების მომხმარებელთა მიმართ სამედიცინო ხასიათის ღონისძიებებს საექიმო საკონსულტაციო კომისია საზღვრავს ავადმყოფის ინდივიდუალური თავისებურებების გათვალისწინებით.

4. ნარკომანიის დიაგნოზის დადგენის შემთხვევაში ავადმყოფი ვალდებულია ჩაიტაროს მკურნალობის სრული მინიმალური კურსი საქართველოს შრომის, ჯანმრთელობისა და სოციალური დაცვის სამინისტროს მიერ დადგენილი სტანდარტის მიხედვით.

5. სამედიცინო დაწესებულებებში, სადაც არ არის სამი ექიმი ნარკოლოგი, ნარკომანიის დიაგნოზი დასტურდება შესაბამის რეგიონალურ ნარკოლოგიურ ცენტრში არსებული საექიმო საკონსულტაციო კომისის მიერ.

6. მკურნალობის კურსის ჩატარების დროს ავადმყოფს აქვს უფლება მკურნალობის ჩასატარებლად აირჩიოს ნებისმიერი ნარკოლოგიური დაწესებულება ან ექიმი-ნარკოლოგი.

7. თვითმომართვის შემთხვევაში ავადმყოფს უფლება აქვს შეინარჩუნოს ანონიმურობა დადგენილი წესით.

8. აკრძალულია ნარკომანიით დაავადებულ პირთა და ნარკოტიკული საშუალებების მომხმარებელთა მკურნალობა იმ სამედიცინო დაწესებულებეში, რომელთაც არ გააჩნია შესაბამისი საქმიანობის ლიცენზია.

9. ნარკომანიით დაავადებულ პირთა მკურნალობის სახეებია:

ნებაყოფლობით:

ა) ამბულატორიული;

ბ) დღის სტაციონარული;

გ) სტაციონარული;

დ) ჩანაცვლებითი.

სავალდებულო:

ა) ამბულატორიული;

ბ) სტაციონარული;

გ) ჩანაცვლებითი.

10. ნებაყოფლობითი მკურნალობის თავის არიდების, დისპანსერული მეთვალყურეობის წესების დარღვევის და/ ან ნარკოტიკული საშუალების მიღების ფაქტის დადგენის შემთხვევებში მკურნალი ექიმი ვალდებულია დააყენოს საკითხი ავადმყოფის სავალდებულო მკურნალობაზე გაგზავნის თაობაზე. ავადმყოფის სავალდებულო მკურნალობაზე გაგზავნის საკითხს განიხილავს საექიმო საკონსულტაციო კომისია.

11. ჩანაცვლებითი მკურნალობა ტარდება საქართველოს შრომის ჯანმრთელობისა და სოციალური დაცვის სამინისტროს დამტკიცებული სტანდარტის მიხედვით.

12. პაციენტზე ჩატარებული ყველა გამოკვლევა და მანიპულაცია, სამედიცინო დაწესებულებებში, ფიქსირდება ამბულატორიული მკურნალობის დროს ამბულატორიული ავადმყოფის ისტორიაში; სტაციონარული მკურნალობის დროს – სტაციონარული ავადმყოფის ისტორიაში; ხოლო ინდივიდუალური პრაქტიკის მქონე ექიმი აფიქსირებს ავადმყოფობის ისტორიაში ( იხ. ფორმა № 8).

დანართი IV

ინსტრუქცია

ნარკომანიით დაავადებულთათვის სავალდებულო მკურნალობის დანიშვნის წესების შესახებ

1. ნარკომანიით დაავადებულ პირს სავალდებულო მკურნალობა ენიშნება იმ შემთხვევაში, როდესაც პაციენტს საექიმო-საკონსულტაციო კომისიის მიერ განსაზღვრული აქვს მკურნალობის საჭიროება და იგი უარს აცხადებს ნებაყოფლობით მკურნალობაზე.

2. სავალდებულო მკურნალობის აუცილებლობას განსაზღვრავს პაციენტის მკურნალი ექიმი, რომელიც საკითხს აყენებს დაწესებულების საექიმო-საკონსულტაციო კომისიის წინაშე, სავალდებულო მკურნალობის საჭიროების საკითხის დაყენება შეუძლიათ აგრეთვე: შინაგან საქმეთა სამინისტროს და მის ქვემდებარე ორგანოების წარმომადგენელს, კანონიერ წარმომადგენელს ან თვით პაციენტს.

3. საექიმო-საკონსულტაციო კომისია ავადმყოფის მდგომარეობის შესწავლის შემდგომ, თუ პაციენტს არ გააჩნია დაავადება, რომელიც წინააღმდეგჩვენებაა სავალდებულო მკურნალობის დანიშვნისა, ავსებს „ნარკომანიით დაავადებულის სავალდებულო მკურნალობაზე გაგზავნის ბარათს” (იხ. ფორმა №9) და დაწესებულების ხელმძღვანელობის საშუალებით აყენებს საკითხს პაციენტისათვის სავალდებულო მკურნალობის დანიშვნის შესახებ სასამართლოს წინაშე, აგრეთვე მის გადაწყვეტილებას აცნობებს შინაგან საქმეთა სამინისტროს შესაბამის სამსახურებს.

4. სავალდებულო მკურნალობა შეიძლება დაინიშნოს ამბულატორიულად და სტაციონარულად. მკურნალობის მეთოდს და სახეს განსაზღვრავს საექიმო-საკონსულტაციო კომისია საქართველოს შრომის, ჯანმრთელობისა და სოციალური სამინისტროს მიერ დამტკიცებული სტანდარტების შესაბამისად.

5. ამბულატორიული სავალდებულო მკურნალობა შესაძლებელია ჩაუტარდეს პაციენტს იმ სამედიცინო დაწესებულებაში, სადაც იგი იმყოფება აღრიცხვაზე.

6. სტაციონარული სავალდებულო მკურნალობა ტარდება:

ა) სრულწლოვანი პაციენტებისათვის სპეციალიზებულ დახურული ტიპის სამკურნალო დაწესებულებაში;

ბ) არასრულწლოვანი პირებისათვის სპეციალიზებულ დახურული ტიპის სამკურნალო-აღმზრდელობით დაწესებულებაში.

7. სავალდებულო მკურნალობის სარეკომენდაციო ვადა განისაზღვრება 2 თვიდან 12 თვემდე.

8. სავალდებულო მკურნალობის შეწყვეტა წყდება იმ სამედიცინო დაწესებულების საექიმო-საკონსულტაციო კომისიის მიერ, რომელშიც მკურნალობს ავადმყოფი. ასეთ შემთხვევაში საექიმო-საკონსულტაციო კომისია თავის დასკვნას უგზავნის იმ სასამართლოს, რომელმაც დანიშნა სავალდებულო მკურნალობა, რომლის გადაწყვეტილების შემდეგაც შესაძლებელია შეწყდეს სავალდებულო მკურნალობა.

9. სავალდებულო მკურნალობის შეწყვეტის თაობაზე მისი შეწყვეტიდან 2 დღის ვადაში დაწესებულება ვალდებულია ავადმყოფის გაწერის შესახებ აცნობოს ნარკოლოგიურ დაწესებულებას საცხოვრებელი ადგილის მიხედევით (ან იმ სამედიცინო დაწესებულებას, რომელშიც აღრიცხვაზე იმყოფება ავადმყოფი) და შინაგან საქმეთა ორგანოებს საცხოვრებელი ადგილის მიხედვით.

10. სავალდებულო მკურნალობის დანიშნვნის წინააღმდეგჩვენებებია:

ა) ყველა სახის ავთვისებიანი სიმსივნე.

ბ) მწვავე და ქრონიკული მიმდინარეობის ფსიქოზური აშლილობები.

გ) თავის და ზურგის ტვინის ორგანული დაავადებები, რომლებიც იწვევს ჭკუასუსტობას და მიმდინარეობს მოძრაობათა და კოორდინაციის დარღვევით.

დ) ოლიგოფრენია, მსუბუქი დებილობის გარდა.

ე) გულ-სისხლძარღვთა სისტემის ქრონიკული დაავადებები, გულ-სისხლძარღვთა უკმარისობა II და III სტადია.

ვ) ფილტვების ქრინიკული არასპეციფიკური დაავადებები, ფილტვის უკმარისობა II და III სტადია;

ზ) ფილტვის და სხვა ორგანოების ტუბერკულოზი;

თ) დეკომპენსირებული ღვიძლის ციროზი;

ი) თირკმლების ქრონიკული დაავადება დეკომპენსაციის ფაზაში;

კ) ენდოკრინული დაავადებები: შაქრიანი დიაბეტი მძიმე ფორმები, თირეოტოქსიკოზი მძიმე ფორმები;

ლ) სისხლის სისტემის დაავადებები: აგრანულოციტოზი, ლეიკოზი;

მ) I და II ჯგუფის ინვალიდობა;

ნ) ორსულობა და მეძუძური დედები;

ო) სქესობრივი გზით გადამდები დაავადებები აქტიურ ფაზაში.

შიდსი.

დანართი V

ინსტრუქცია

პაციენტის ანონიმურ მკურნალობაზე გაფორმების წესის შესახებ

1. თვითმომართვის შემთხვევაში პაციენტს უფლება აქვს შეინარჩუნოს ანონიმურობა.

2. ანონიმურობის შენარჩუნების დროს პაციენტი სამედიცინო დაწესებულების ხელმძღვანელს უდგენს პირადობის დამადასტურრებელ მოწმობას და მას მიენიჭება საიდენტიფიკაციო კოდი.

3. ანონიმური პაციენტის პირადი მონაცემები საიდენტიფიკაციო კოდდთან ერთად შეიტანება სპეციალურ ზონარგაყრილ და ლუქდადებულ ჟურნალში ( იხ ფორმა № 10).

4. პაციენტის ანონიმურობის გასაიდუმლოება ხდება კანონით განსაზღვრული წესით.

დანართი VI

ინსტრუქცია

სომატონარკომანთა აღრიცხვიანობისა და მკურნალობის წესების შესახებ

1. სომატონარკომანიით დაავადებული პირის აღრიცხვაზე აყვანა ხდება საექიმო საკონსულტაციო კომისიის გადაწყვეტილებით.

2. სომატონარკომანიით დაავადებულ პირზე დადგენილი წესით ივსება სააღრიცხვო ფორმა, რომლის პუნქტ 17-ში კეთდება შესაბამისი ჩანაწერი.

3. სომატონარკომანიით დაავადებული პირის აღრიცხვაზე ყოფნის ვადა არ განისაზღვრება.

4. სომატონარკომანის მკურნალობა მიმდინარეობს შრომის, ჯანმრთელობისა და სოციალური დაცვის სამინისტროს მიერ დამტკიცებული სტანდარტით.

5. სომატონარკომანიით დაავადებული პირის აღრიცხვიდან მოხსნა ხდება:

ა. ნარკოტიკების მიღების შეწყვეტის შემდეგ დადგენილი წესით 3 წლის დისპანსერიზაციის შემდეგ.

ბ. გარდაცვალების შემდეგ.

დანართი VII

თანდართული ფორმები

ფორმა №1

დაწესებულების სარეგისტრაციო ჟურნალის ნიმუში

N	ფორმა N25 ან ოქმის N	ვის მიერ არის წარმოდგენი -ლი	გამოსაკვლევის გვარი, სახელი, მამის სახელი	პირადობის დამადასტურებელი დოკუმენტის N	დაბადების წელი
1	2	3	4	5	6

სქე

სი

მისამარ -თი

სამუშაო ადგილი

შემოწმების ზუსტი დრო და ადგილი

გამომკვლევი ექიმი

დასკვნა

ფორმა №2

ფსიქოაქტიური ნივთიერების მიღების ფაქტის დადგენის

გამოკვლევის წესები

1. ალკოჰოლური, ნარკოტიკული ან სხვა გამაბრუებელი ნივთიერებების მიღების ფაქტის დადგენა ხდება მხოლოდ სამედიცინო დაწესებულებაში.

2. გამოკვლევის დროს ექიმი ვალდებულია ავადმყოფობის ისტორიაში ან გამოკვლევის ოქმში შეიტანოს ყველა ის მონაცემი, რომელსაც უდგენს გამოსაკვლევი.

3. გამოკვლევა ტარდება კლინიკურ-ფსიქოპათოლოგიური (გამოსაკვლევის გასინჯვით) ლაბორატორიული მეთოდებით.

4. გამოსაკვლევისაგან აღებული საკვლევი ბიოლოგიური მასალა (შარდი, სისხლი და სხვა) ილუქება გამოსაკვლევის თანდასწრებით, დალუქვის ადგილზე ხელს აწერს გამომკვლევი ექიმი, გამოსაკვლევი და მისი წარმომდგენი პირი.

5. გამოსაკვლევს უფლება აქვს დასაბუთებულად მოითხოვს სხვა გამომკვლევი ექიმი, თუკი რაიმე მიზეზით იგი აცილებას აძლევს გამომკვლევ ექიმს.

6. გამოკვლევის ჩატარებიდან 2 საათის განმავლობაში გამოსაკვლევს უფლება აქვს გაასაჩივროს ჩატარებული გამოკლევა და მოითხოვოს განმეორებითი გამოკვლევა ან იმავე დაწესებულებაში, ან სხვა ნარკოლოგიურ დაწესებულებაში. ასეთ შემთხვევაში იგი საკუთარი სახსრებით ანაზღაურებს გამოკვლევის ღირებულებას.

7. თუ გამოსაკვლევი პირი არ ეთანხმება გამოკვლევის შედეგს, მას უფლება აქვს გამოკლევის წესებში საკუთარი ხელით ჩაწეროს მიზეზი.

8. გამოკვლევის შედეგებს ვეთანხმები, პრეტენზია არ გამაჩნია, რაზედაც ხელს ვაწერ:

----------------------------------------------------------------------------------------------------

გამოსაკვლევის გ.ს.მ.ს.

----------------------------------------------------------------------------------------------------

წარმომდგენის გ.ს.მ.ს.

ფორმა №3

საქართველოს შრომის,

სამედიცინო დოკუმენტაცია ფორმა №155/უ

ჯანმრთელობისა და სოციალური

დაცვის სამინისტრო

ალკოჰოლური თრობის ფაქტის

დადგენის სამედიცინო შემოწმების

ო ქ მ ი N 000000

„–––“–––––––––"წ.

1. გვარი, სახელი, მამის სახელი -------------------------------------------------------

წლოვანება (დაბადების წელი)----------------------------------------------------------

პროფესია და თანამდებობა -------------------------------------------------------------

ვის მიერ არის გაგზავნილი სამედიცინო შემოწმებაზე ---------------------------

სამედიცინო შემოწმების ჩატარების თარიღი და ზუსტი დრო-------------------

ვინ ჩაატარა სამედიცინო შემოწმება--------------------------------------------------

2. სამედიცინო შემოწმების მიზეზი: ავტოტრანსპორტის მთვრალ მდგომარეობაში მართვის ეჭვმიტანა*, სამსახურში არაფხიზელ მდგომარეობაში ყოფნა, სამედიცინო დახმარების აღმოჩენასთან დაკავშირებით და სხვა (მიეთითოს მიზეზი) -----------------

----------------------------------------------------------------------------------------------------

3. გამოსაკვლევი პირის გარეგნობა: ტანსაცმლის მდგომარეობა, კანის დაზიანების არსებობა (ჭრილობები, დაჟეჟილობა და სხვა)---------------------------------

4. ქცევა: დაძაბულობა, ჩაკეტილობა, გაღიზიანება, აგზნებადობა, აგრესიულობა, ეიფორია, მოჭარბებული ლაპარაკი, მოუსვენრობა, მძინარე, შეკავებული, უჩივის თუ არა თავის საერთო მდგომარეობას (სახელდობრ რას) ----

----------------------------------------------------------------------------------------------------

5. ცნობიერების მდგომარეობა, ორიენტაცია ადგილში, დროში, სიტუაციაში და საკუთარ პიროვნებაში ---------------------------------------------------------------------------

----------------------------------------------------------------------------------------------------

6. მეტყველების მდგომარეობა: მეტყველება (მრავალსიტყვაობა, შეზღუდული) დიზართრია, სკანდირებული მეტყველება, აჩქარებული თვლა ხმამაღლა, მკაფიო გამოთქმა, არტიკულაციის მოშლა, წაკითხვა დარღვევის გარეშე -------------------------------------------------------------------------------------------------------

7. ვეგეტატიურ-სისხლძარღვთა რეაქციები (კანის, თვალის ლორწოვანის, ენის, ოფლიანობის და ნერწყვის დენის მდგომარეობა)-------------------------------

----------------------------------------------------------------------------------------------------

სუნთქვა: გახშირებული, შენელებული------------------პულსი---------------------

არტერიული წნევა--------------------------------------------

გუგები შევიწროვებული, გაფართოებული, სინათლეზე რეაქცია--------------------

ნისტაგვმი გვერდზე გახედვისას-------------------------------------------------------------

8. მოტორული სფერო ---------------------------------------------------------------------

----------------------------------------------------------------------------------------------------

მიმიკა: მოდუნებული, გაცხოველებული---------------------------------------------------

სიარული (ბარბაცი, სიარულის დროს წონასწორობის დაკარგვა, შემოტრიალებისას წაბარბაცება) ------------------------------------------------------------

* – ოქმის შევსებისას მითითებულ სიმპტომატიკას ესმება ხაზი, განსხვავებული იწერება თავისუფალ ადგილზე

რომბერგის ცდა (მარტივი, გართულებული)------------------------------------------

ზუსტი მოძრაობები (იატაკიდან საგნის აღება, ცხვირ-თითის ცდა)------------------

ქუთუთოების, ენის და ხელის თითების კანკალი --------------------------------------

9. აღენიშნება თუ არა ნერვულ-ფიქიკური დაავადების ნიშნები, ცენტრალური ნერვული სისტემის ორგანული დაზიანების ნიშნები, ფიზიკური გამოფიტვა, გადატანილი ტრამვები (გამოსაკვლევი პირის გადმოცემით)------------------------------------------------------------------------------------------------

10. მონაცემები ალკოჰოლის და სამკურნალო საშუალებების უკანასკნელად გემოყენების შესახებ: სუბიექტური, ობიექტური----------------------------------------------

----------------------------------------------------------------------------------------------------

11. ალკოჰოლისა და სხვა ნივთიერებების სუნის არსებობა პირიდან --------------------------------------------------------------------------------------------------------------

12. სამედიცინო შემოწმების ან წარმოდგენილი დოკუმენტების სხვა მონაცემები ------------------------------------------------------------------------------------------

13. ლაბორატორიული გამოკვლევის შედეგი---------------------------------------

14. დასკვნა:

ა) ფხიზელი;

ბ) ფხიზელი, აღენიშნება წინამორბედი ალკოჰოლური თრობის ნარჩენი მოვლენები

გ) ალკოჰოლური თრობა მსუბუქი;

დ) ალკოჰოლური თრობა საშუალო;

ე) ალკოჰოლური თრობა მძიმე.

15. ექიმის ხელმოწერა, რომელამც ჩაატარა სამედიცინო შემოწმება -------

16. სამედიცინო შემოწმების შედეგებს გავეცანი და ვეთანხმები ----------------------------------------------------------------------------------------------------------------

ფორმა №4

დაწესებულების დასახელება

დამტკიცებულია

საქართველოს შრომის, ჯანმრთელობისა

და სოციალური დაცვის მინისტრის

ბრძანებით N-------------------

ნარკოტიკული და სხვა გამაბრუებელი ნივთირების მიღების ფაქტის

გამოკვლევის დასკვნა

N 0000000

"---------"-------------------"200---წ. ------------------------------------------------------------------------------------------------------------------

მომართვით

შემოწმებულ იქნა მოქ.---------------------------------------------------------------------------- მცხ.--------------------------------------------------------------------------------------------------შემოწმებით დადგინდა, რომ------------------------------------------------------------

----------------------------------------------------------------------------------------------------

გამომკვლევი ექიმი---------------------------------------------------------------------------- ხელმოწერა

დაწესებულების ხელმძღვანელის ხელმოწერა---------------------------------------------

შენიშვნა: დაწესებულების ხელმძღვანელის ხელმოწერა დასტურდება დაწესებულების ბეჭდით.

ფორმა №5

მ ო მ ა რ თ ვ ა № ---------------------------

გამოსაკვლევი პირი -----------------------------

-------------------------------------------------------

ჩაუტარდეს გამოკვლევა-------------------------

-------------------------------------------------------

ექიმის ხელმოწერა:

თარიღი:

ანალიზის შედეგი

-------------------------------------------------

ექიმი ლაბორანტი:

განყ. გამგე:

თარიღი:

ფორმა №6

ლაბორატორიული ანალიზების სარეგისტრაციო ჟურნალის ნიმუში

№	გამოსაკვლევის გვარი, სახელი, მამის სახელი ან კოდი	ვის მიერ არის გამოგზავნილი		გამოსაკვლევი მასალა	გამოსაკვლევის მეთოდიკა
1	2	3		4	5
გამოკვლევის დაწყებისა და დამთავრების დრო			გამოკვლევის შედეგი	საკონტროლო ნიმუშის არსებობა		ცნობა გასცა
6	7		8	9		10

ფორმა №7

სააღრიცხვო ბარათი

პირის, რომელიც არასამედიცინო მიზნით მოიხმარს ნარკოტიკულ

საშუალებებს (თუ ანონიმურია, საიდენტიფიკაციო კოდი)

1. ნარკომანი, ნარკოტიკული ნივთიერების მომხმარებელი, სხვა ფსიქოაქტიური ნივთიერებების მომხმარებელი (არასაჭირო წაიშალოს)

2. გვარი------------------------------------------------------------------------------

3. სახელი, მამის სახელი -------------------------------------------------------

4. კოდი ------------------------------------------------------------------------------

5. დაბადების რიცხვი, თვე, წელი----------------------------------------------

6. დაბადების ადგილი--------------------------------------------------------------

7. საცხოვრებელი ადგილი--------------------------------------------------------

8. განათლება-------------------------------------------------------------------------

9. პროფესია--------------------------------------------------------------------------

10. სამუშაო ადგილი------------------------------------------------------------------

----------------------------------------------------------------------

11. ოჯახური მდგომარეობა -------------------------------------------------------

----------------------------------------------------------------------

12. აღრიცხვაზე აყვანის საფუძველი ----------------------------------------------

13. როდის დაუდგინდა ფსიქოაქტიური ნივთიერების მიღების ფაქტი------

15. რა ნარკოტიკულ საშუალებას ხმარობდა და ხმარობს ამჟამად ------------

----------------------------------------------------------------------------------------------------

14. როდის დაიწყო ნარკოტიკის მიღება ----------------------------------------

----------------------------------------------------------------------------------------------------

16. მოხმარების ხერხები და დოზირება (პერორალური, კანქვეშ, ინტრავენური, მოწევა------------------------------------------------------------------------

17. როდის და ვის მიერ არის დადგენილი დიაგნოზი „ნარკომანია“------------

----------------------------------------------------------------------------------------------------

18. როდის და სად იმყოფებოდა სამკურნალოდ------------------------------------

----------------------------------------------------------------------------------------------------

19. ნასამართლობა (როდის და რა მუხლით არის ნასამართლევი, სად მოიხადა სასჯელი.

20. იყო თუ არა მასზე შევსებული სააღრიცხვო ბარათი როგორც ნარკოტიკული ნივთიერების მომხმარებელზე -------------------------------------------

21. აღრიცხვიდან მოხსნის თარიღი და საფუძველი---------------------------------

----------------------------------------------------------------------------------------------------

22. იმ დაწესებულებების დასახელება, რომელმაც შეავსო სააღრიცხვო ბარათი------------------------------------------------------------------------------------------

23. ბარათი შეავსო (თანამდებობა, გვარი, ხელმოწერა)------------------------

24. აღრიცხვაზე აყვანის საფუძველი და ბარათის შევსების სისწორე შეამოწმა ----------------------------------------------------------------------------------------------------------

დაწესებულების ხელმძღვანელის

(თანამდებობა, ხელმოწერა)

—————————————————— 2003 წელი

ფორმა №8

ავადმყოფის ისტორია №

1. ავადმყოფის გვარი, სახელი, მამის სახელი --------------------------------------

2. 2. დაბადების წელი ----------------- მისამართი ----------------------------------

----------------------------------------------------------------------------------------------------

3. კოდი (ანონიმური მკურნალობის შემთხვევაში)--------------------------------------

4. ანამნეზი--------------------------------------------------------------------------------------

----------------------------------------------------------------------------------------------------

5. ფსიქიკური მდგომარეობა-----------------------------------------------------------------

----------------------------------------------------------------------------------------------------

6. სომატო-ნევროლოგიური სტატუსი--------------------------------------------------------------------------------------------------------------------------------------------------------------

----------------------------------------------------------------------------------------------------

7. სპეციალიზირებული გამოკვლევების შედეგები----------------------------------------

----------------------------------------------------------------------------------------------------

8. დაავადების მიმდინარეობა ----------------------------------------------------------------

----------------------------------------------------------------------------------------------------

9. დანიშნული მედიკამენტები---------------------------------------------------------------

----------------------------------------------------------------------------------------------------

10. დიაგნოზი-----------------------------------------------------------------------------------

----------------------------------------------------------------------------------------------------

11. გამოწერილი რეცეპტების №-------------------------------------------------------------

----------------------------------------------------------------------------------------------------

12. სხვა აღნიშვნები----------------------------------------------------------------------------

----------------------------------------------------------------------------------------------------

ექიმის ხელმოწერა

ფორმა №9

ნარკომანიით დაავადებულის სავალდებულო მკურნალობაზე

გაგზავნის ბარათი №

1. გვარი, სახელი, მამის სახელი -----------------------------------------------------------

2. დაბადების წელი, თვე, რიცხვი ----------------------------------------------------------

3. საცხოვრებელი ადგილი ------------------------------------------------------------------

----------------------------------------------------------------------------------------------------

4. ანამნეზი --------------------------------------------------------------------------------------

5. ფსიქიკური მდგომარეობა ---------------------------------------------------------------

6. ნევროლოგიური სტატუსი --------------------------------------------------------------

7. სომატური სტატუსი ------------------------------------------------------------------------

----------------------------------------------------------------------------------------------------

8. ლაბორატორიული მონაცემები -----------------------------------------

------------------------------------------------------------------------------------------------

9. დიაგნოზი-----------------------------------------------------------------------------------

10. დასკვნა

საექიმო-საკონსულტაციო კომისიამ განიხილა მოქ. --------------------------------

მდგომარეობა და მივიდა დასკვნამდე, რომ იგი დაავადებულია ------------------------------------------------------------------------------------- და მას ესაჭიროება

სავალდებულო მკურნალობის ჩატარება: სტაციონარულად, ამბულატორიულად (არასაჭირო წაიშალოს) ვადით: 2 თვე, 6 თვე, 1 წელი (არასაჭირო წაიშალოს).

გამოკვლევა ჩატარდა (წელი, თვე, რიცხვი, დაწესებულების დასახელება)---------

---------------------------------------------------------------------------------------------------

კომისიის თავმჯდომარე (გვარი, სახელი, მამის სახელი) ---------------------------

------------------------------------ (ხელმოწერა)

კომისიის წევრები:

1. (გვარი, სახელი, მამის სახელი) -------------------------------------------------

--------------------------------- (ხელმოწერა)

2. (გვარი, სახელი, მამის სახელი)-------------------------------------------------------

------------------------------------- (ხელმოწერა)

სამედიცინო დაწესებულების ბეჭედი

ფორმა №10

ანონიმურ მკურნალობაზე მყოფი პაციენტების

ჟურნალის ნიმუში

№	პაციენტის გვარი, სახელი, მამის სახელი	მისამართი		დაბადების წელი		პროფესია
1	2	3		4		5
პირადობის დამადასტურებელი საბუთი და №			მოქალაქის პირადი ნომერი		მინიჭებული კოდი		შენიშვნა
6	7		8		9		10

4. 25/03/2013 - საქართველოს მინისტრის ბრძანება - 01-14/ნ - ვებგვერდი, 26/03/2013 3. 20/09/2011 - საქართველოს მინისტრის ბრძანება - 01-44/ნ - ვებგვერდი, 110921004, 21/09/2011 2. 25/10/2010 - საქართველოს მინისტრის ბრძანება - 349/ნ - სსმ, 138, 26/10/2010 1. 11/08/2010 - საქართველოს მინისტრის ბრძანება - 248/ნ - სსმ, 100, 17/08/2010