,,ყურძნის ღვინოების წარმოების ზოგადი წესებისა და რეგლამენტების შესახებ დებულების“, ,,ტექნოლოგიური პროცესების აღრიცხვის წესის შესახებ დებულების“, ,,მევენახეობა-მეღვინეობის დარგში სასაქონლო პროდუქციის წარმოებასთან და რეალიზაციასთან დაკავშირებული საქმიანობის სავალდებულო შეტყობინების წესის შესახებ დებულების“ დამტკიცების შესახებ”

სახელმწიფო სარეგისტრაციო კოდი 340.150.000.11.113.005.715

საქართველოს სოფლის მეურნეობისა და სურსათის

მინისტრის ბრძანება №2-51

2003 წლის 6 მარტი

ქ. თბილისი

,,ყურძნის ღვინოების წარმოების ზოგადი წესებისა დარეგლამენტების შესახებ დებულების“, ,,ტექნოლოგიური პროცესების აღრიცხვის წესის შესახებ დებულების“, ,,მევენახეობა-მეღვინეობის დარგში სასაქონლო პროდუქციის წარმოებასთან და რეალიზაციასთან დაკავშირებული საქმიანობის სავალდებულო შეტყობინების წესის შესახებ დებულების“ დამტკიცების შესახებ

,,ვაზისა და ღვინის შესახებ” საქართველოს კანონით საქართველოს სოფლის მეურნეობისა და სურსათის სამინისტროს დაევალა საქართველოს მევენახეობისა და მეღვინეობის დარგის მარეგულირებელი ნორმატიული აქტების გამოცემა. ზემოაღიშნულიდან გამომდინარე, ვბრძანებ:

1. დამტკიცდეს თანდართული დებულება ,,ყურძნის ღვინოების წარმოების ზოგადი წესებისა და რეგლამენტების შესახებ”;

2. დამტკიცდეს თანდართული დებულება ,,ტექნოლოგიური პროცესების აღრიცხვის წესის შესახებ”;

3. დამტკიცდეს თანდართული დებულება ,,მევენახეობა-მეღვინეობის დარგში სასაქონლო პროდუქციის წარმოებასთან და რეალიზაციასთან დაკავშირებული საქმიანობის სავალდებულო შეტყობინების წესის შესახებ”;

4. იურიდიული, კანონშემოქმედებითი და პარლამენტთან ურთიერთობის სამსახურმა (გ. მერაბიშვილი) უზრუნველყოს ამ ბრძანების რეგისტრაცია საქართველოს იუსტიციის სამინისტროში და გამოქვეყნება;

5. ეს ბრძანება ამოქმედდეს 2003 წლის 1 მაისიდან;

6. კონტროლი ბრძანების შესრულებაზე განახორციელოს მინისტრის მოადგილემ დ. გრიგოლიამ.

დ. კირვალიძე

დებულება

ყურძნის ღვინოების წარმოების ზოგადი წესებისა და რეგლამენტების შესახებ

    მუხლი 1. ზოგადი დებულებები

1. წინამდებარე დებულება შემუშავებულია ,,ვაზისა და ღვინის შესახებ” საქართველოს კანონის შესაბამისად და ადგენს ყურძნის ღვინოების წარმოების აუცილებელ პირობებსა და რეგლამენტებს, რომელთა დაცვა სავალდებულოა ყურძნის ღვინოების წარმოებისას.

2. დებულება ეფუძნება ღვინის წარმოების სამამულო ტრადიციებსა და ამ სფეროში საქართველოს საკანონმდებლო აქტებს და ევროსაბჭოს 1999 წლის 17 მაისს №1493/1999 დადგენილებას „ღვინის ბაზრის ერთობლივი ორგანიზების შესახებ“.

3. დებულებით გათვალისწინებული წესებისა და რეგლამენტების დაცვა სავალდებულოა ყველა იმ ფიზიკური და იურიდიული პირისათვის, რომლის საქმიანობა მოიცავს ყურძნის ღვინოების სასაქონლო წარმოებას.

    მუხლი 2. ყურძნის ღვინოებისათვის დადგენილი ნორმატივები

1. ყურძნის ღვინოების ორგანოლეპტიკური მაჩვენებლები:

ა) ყურძნის ღვინოები უნდა იყოს უზადო, მდგრადი, მიკრობიოლოგიურად ჯანსაღი, უნალექო, მექანიკური მინარევების გარეშე, ყურძის ჯიშითა და წარმოების ტექნოლოგიით განპირობებული ფერითა და ორგანოლეპტიკური მახასიათებლებით.

ბ) მხარისა და ადგილწარმოშობის დასახელების ღვინოები უნდა ხასიათდებოდნენ შემდეგი ორგანოლეპტიკური მახასიათებლებით:

– მშრალი ღვინოები – გემოზე ჰარმონიული, სრული, დახვეწილი, ხავერდოვანი, ჯიშური არომატით და განვითარებული ბუკეტით;

– ნახევრადმშრალი ღვინოები – გემოზე ჰარმონიული, ნაზი, ხალისიანი, სასიამოვნო სიტკბოთი და ჯიშური არომატით;

– ნახევრადტკბილი და ტკბილი ღვინოები – გემოზე ჰარმონიული, ხავერდოვანი, დახვეწილი, სასიამოვნო სიტკბოთი, ხილის ტონებითა და ჯიშური არომატით;

– შემაგრებული ღვინოები – გემოზე ჰარმონიული, სრული, ენერგიული, დახვეწილი, ღვინის წარმოების ტექნოლოგიით განპირობებული სპეციფიკური ტონებით;

2. ყურძნის ღვინოების ფიზიკო-ქიმიური მაჩვენებლები:

ა) ყურძნის ღვინოებში ფაქტობრივი მოცულობითი სპირტშემცველობა და შაქრიანობა მოყვანილია 1-ლ დანართში;

ბ) სუფრის ღვინოებში ტიტრული მჟავიანობა არ უნდა იყოს 4,0 გ/დმ³-ზე ნაკლები, ხოლო მხარისა და ადგილწარმოშობის დასახელების ღვინოებში – 5,0 გ/დმ³-ზე ნაკლები.

გ) ფაქტობრივი მოცულობითი სპირტშემცველობა, შაქრიანობა და მჟავიანობა კონკრეტული დასახელების ღვინისათვის უნდა განისაზღვროს ტექნოლოგიური ინსტრუქციით, რომელიც მტკიცდება უშუალოდ მეწარმე სუბიექტის მიერ და თანხმდება დეპარტამენტ ,,სამტრესტში”.

დ) კონკრეტული დასახელების ღვინისათვის ფაქტობრივი მოცულობითი სპირტშემცველობის, შაქრიანობისა და მჟავიანობის დადგენილი ზღვრული მნიშვნელობის შემთხვევაში ამ ზღვრიდან გადახრა დაუშვებელია;

ე) თუ კონკრეტული დასახელების ღვინისათვის ზღვრული მნიშვნელობები დადგენილი არ არის, ამ შემთხვევაში დასაშვებია ტექნოლოგიურ ინსტრუქციაში მითითებული ნორმიდან გადახრა:

– ფაქტობრივი მოცულობითი სპირტშემცველობისა + 0,5%;

– შაქრიანობისა + 5,0 გ/დმ³, მშრალი ღვინოების გამოკლებით;

– მჟავიანობისა + 1,0 გ/დმ³.

ვ) ღვინოებსა და ღვინომასალებში აქროლადი მჟავიანობა არ უნდა აღემატებოდეს:

– თეთრ ღვინოებში – 1,0 გ/დმ³.

– ვარდისფერ ღვინოებში – 1,1 გ/დმ³.

– წითელ ღვინოებსა და დურდოზე დუღილით მიღებულ თეთრ ღვინოებში – 1,2 გ/დმ³.

ზ) გოგირდოვანი მჟავის საერთო მასის კონცენტრაცია ღვინოებსა და ღვინომასალებში არ უნდა აღემატებოდეს:

წითელ ღვინოებში:

– თუ შაქრიანობა 5 გ/დმ3-ზე ნაკლებია – 160 მგ/დმ³;

– თუ შაქრიანობა 5 გ/დმ3-ზე მეტია – 210 მგ/დმ³;

თეთრ და ვადრისფერ ღვინოებში:

– თუ შაქრიანობა 5 გ/დმ³-ზე ნაკლებია – 210 მგ/დმ³;

– თუ შაქრიანობა 5 გ/დმ³-ზე მეტია – 260 მგ/დმ³;

თავისუფალი გოგირდოვანი მჟავის შემცველობა არ უნდა აღემატებოდეს 30 მგ/დმ3.

თ) დაყვანილი ექსტრაქტის მასის კონცენტრაცია ღვინოებსა და ღვინომასალებში უნდა იყოს არანაკლები:

– წითელ ღვინოებში – 20 გ/დმ³;

– დურდოზე დუღილით მიღებულ თეთრ ღვინოებში – 18 გ/დმ³;

– სხვა დანარჩენი – 16 გ/დმ³.

ი) რკინის შემცველობა ყურძნის ღვინოებში არ უნდა აღემატებოდეს 10 მგ/დმ3-ს.

კ) სპილენძის მასის კონცენტრაცია ღვინოებში არ უნდა აღემატებოდეს 5 მგ/დმ3-ს.

ლ) ტოქსიკური ელემენტების შემცველობა არ უნდა აღემატებოდეს:

– ტყვია – 0,3 მგ/კგ,

– დარიშხანი – 0,2 მგ/კგ,

– კადმიუმი – 0,03 მგ/კგ,

– ვერცხლისწყალი – 0,005 მგ/კგ,

– მეთანოლი – 0,05 მგ/კგ,

მ) ცქრიალა ღვინოებში ყურძნის ტკბილის პირველადი ან ღვინის მეორადი დუღილის შედეგად წარმოქმნილი ჭარბი წნევა 20⁰ C ტემპერატურაზე არ უნდა იყოს 3 ბარზე ნაკლები;

ნ) შუშხუნა ღვინოებში ნახშირბადის დიოქსიდით ხელოვნურად გაჯერების შედეგად წარმოქმნილი ჭარბი წნევა 20⁰ C ტემპერატურაზე არ უნდა იყოს 2,5 ბარზე ნაკლები

    მუხლი 3. ყურძნის წარმოების სპეციფიკური ზონები

1. მევენახეობის სპეციფიკურ ზონას და მევენახეობის მხარეს განსაზღვრავს საქართველოს მებაღეობის, მევენახეობისა და მეღვინეობის სამეცნიერო-კვლევითი ინსტიტუტი სოფლის მეურნეობისა და სურსათის სამინისტროს მიერ დადგენილი წესით.

2. სპეციფიკურ ზონას და მევენახეობის მხარეს ამტკიცებს სოფლის მეურნეობისა და სურსათის სამინისტრო.

3. სპეციფიკურ ზონის და მევენახეობის მხარის დადგენისას ხდება იმ ფაქტორების გათვალისწინება, რომლებიც განსაზღვრავენ ღვინის განსაკუთრებულ თვისებებსა და ხარისხს – ნიადაგისა და ქვენიადაგის ბუნება, კლიმატი, სავენახე ნაკვეთის ან ნაკვეთების ერთობლიობის განლაგება, ექსპოზიცია და სხვა.

4. ნებისმიერ ფიზიკურ ან იურიდიულ პირს ან მეწარმეთა ნებისმიერ გაერთიანებას, რომელსაც გააჩნია ვენახი ისეთ ტერიტორიაზე, სადაც ნიადაგურ-კლიმატური პირობები უზრუნველყოფენ უმაღლესი ხარისხის ღვინოების მიღებას, უფლება აქვს დააყენოს საკითხი ამ ტერიტორიის სპეციფიკურ ზონად აღიარებისა და მისი გეოგრაფიული სახელის, როგორც ღვინის ადგილწარმოშობის დასახელების რეგისტრაციის შესახებ.

5. ღვინის ადგილწარმოშობის დასახელებას რეგისტრაციაში ატარებს საქართველოს ინტელექტუალური საკუთრების ეროვნული ცენტრი – ,,საქპატენტი”, „საქონლის ადგილწარმოშობის დასახელებისა და გეოგრაფიული აღნიშვნის შესახებ“ საქართველოს კანონის ამოქმედებასთან დაკავშირებულ ღონისძიებათა თაობაზე“ საქართველოს პრეზიდენტის 2002 წლის 28 თებერვლის №88 ბრძანებულებით დამტკიცებული ,,ღვინისა და ღვინის ბრენდის ადგილწარმოშობის დასახელების დადგენის, რეგისტრაციის, გამოყენებისა და კონტროლის შესახებ” დებულების მე-3 მუხლის შესაბამისად.

    მუხლი 4. ადგილწარმოშობის დასახელების ღვინოების წარმოების ზოგადი პრინციპები

1. ადგილწარმოშობის დასახელების ღვინოების კატეგორია შეიძლება მიენიჭოს მხოლოდ იმ ღვინოებს, რომლებიც დამზადებულია წინამდებარე დებულების მოთხოვნათა შესაბამისად.

2. მეწარმე-სუბიექტი, რომელსაც გააჩნია განზრახვა, აწარმოოს ადგილწარმოშობის დასახელების ღვინოები, მოვალეა დეპარტამენტ „სამტრესტში“ წარადგინოს შეტყობინება აღნიშნულის თაობაზე, „მევენახეობა-მეღვინეობის დარგში სასაქონლო პროდუქციის წარმოებასთან და რეალიზაციასთან დაკავშირებული საქმიანობის სავალდებულო შეტყობინების წესის “ შესაბამისად.

3. ადგილწარმოშობის დასახელების ღვინოების წარმოება ეფუძნება შემდეგ კრიტერიუმებს:

– ყურძნის და ღვინის წარმოებას სპეციფიკურ ზონებში;

– ყურძნის ჯიშებს;

– ყურძნის წარმოების ტექნოლოგიურ წესებს;

– ყურძნის ხარისხს და მის მაქსიმალურ მოსავლიანობას 1 ჰექტარიდან;

– ღვინის დამზადების ტექნოლოგიურ წესებს;

– ღვინის მაქსიმალურ გამოსავლიანობას 1 ტონა ყურძნიდან;

– ღვინის ფიზიკო-ქიმიურ და მიკრობიოლოგიურ მონაცემებს და ორგანოლეპტიკურ შეფასებას.

4. ადგილწარმოშობის დასახელების ღვინოების წარმოებისას, სოფლის მეურნეობისა და სურსათს სამინისტროს მიერ დადგენილი წესით დასაშვებია ყურძნის გადამუშავება და ღვინის წარმოება სპეციფიკური ზონის ფარგლებს გარეთაც, მხოლოდ მევენახეობის იმავე ზონის ფარგლებში, ხოლო ღვინის ჩამოსხმა – მევენახეობის მოცემული ზონის საზღვრებს გარეთაც საქართველოს ფარგლებში.

5. დასაშვებია სპეციფიკურ ზონებში წარმოებული ადგილწარმოშობის დასახელების ღვინოების ან ღვინომასალების გადაცემა ერთი მეწარმე სუბიექტის მიერ მეორესათვის ჩამოსხმის ან შემდგომი დამუშავების ან/და ჩამოსხმის მიზნით, მხოლოდ იმ შემთხვევაში, თუ ორივე მხარე ვაზისა და ღვინის დეპარტამენტ ,,სამტრესტში” წარადგენენ შეტყობინებას გადაცემის განზრახვის შესახებ.

6. ადგილწარმოშობის დასახელების ღვინოების ექსპორტირება, აგრეთვე მათი რეალიზაცია ქვეყნის სამომხმარებლო ბაზარზე დასაშვებია მხოლოდ ბოთლებში ჩამოსხმული სახით.

    მუხლი 5. ვაზის ჯიშები და ყურძნის წარმოების აგროტექნიკური მეთოდები

1. საქართველოს ვაზის ჯიშების სტანდარტულ სორტიმენტსა და კლასიფიკაციას, აგრეთვე მევენახეობა-მეღვინეობის ზონებსა და ქვეზონებში დარაიონებულ ყურძნის სტანდარტულ ჯიშებს ადგენს და სპეციფიკურ ზონებში არსებული ვაზის ჯიშებისადმი მოთხოვნებს აწესებს საქართველოს კანონი ,,ვაზისა და ღვინის შესახებ”.

2. სპეციფიკურ ზონაში დარაიონებული ვაზის სტანდარტული სორტიმენტის შევსება ახალი ჯიშებითა და გამოვლენილი კლონებით ხორციელდება სოფლის მეურნეობისა და სურსათის სამინისტროს მიერ დადგენილი წესით.

3. სპეციფიკური ზონის დასახელების რეგისტრაციიდან 5 წლის განმავლობაში ამ ზონაში დასაშვებია ვაზის იმ ჯიშების არსებობაც, რომლებიც ჩამოთვლილი არ არის ამ ზონისათვის დამტკიცებულ ვაზის ჯიშების სტანდარტულ სორტიმენტში.

4. სპეციფიკურ ზონის რეგისტრაციიდან 5 წლის შემდეგ ადგილწარმოშობის დასახელების ღვინოების წარმოებისათვის განკუთვნილ ვენახებში ვაზის იმ ჯიშების არსებობისას, რომლებიც არ შედიან ამ ზონისათვის დამტკიცებულ ვაზის ჯიშების სტანდარტულ სორტიმენტში, იკრძალება მოწეული ყურძნისაგან დამზადებული ღვინისათვის ადგილწარმოშობის დასახელების სტატუსის მინიჭება.

5. სპეციფიკური ზონებში ადგილწარმოშობის დასახელების ღვინოებისათვის განკუთვნილი ყურძნის წარმოებისათვის უნდა შეირჩეს ისეთი აგროტექნიკური მეთოდები, რომლებიც უზრუნველყოფენ ვაზის ნორმალურ ფიზიოლოგიურ ზრდა-განვითარებას (ფუნქციონირებას) და ზოგადად მოიცავენ:

– შესაბამის აგროფონს;

– ვაზის მაქსიმალურ დაცვას დაავადებებისა და მავნებლებისაგან;

– გამოყენებულ პესტიციდებს და სასუქებს.

6. სპეციფიკურ ზონებში ადგილწარმოშობის დასახელების ღვინოების წარმოებისათვის განკუთვნილ ვენახებში დაცული უნდა იყოს საქართველოს მოქმედი კანონმდებლობით განსაზღვრული მოთხოვნები.

    მუხლი 6. ადგილწარმოშობის დასახელების ღვინოებისათვის განკუთვნილი ყურძნისათვის დადგენილი რეგლამენტები

1. ადგილწარმოშობის დასახელების ღვინოები იწარმოება მხოლოდ ჯანსაღი, ტექნიკურად მწიფე ყურძნიდან, რომლის დაზიანების ხარისხი არ აღემატება 5%-ს.

2. ადგილწარმოშობის დასახელების ღვინოების წარმოებისათვის განკუთვნილ ვენახებში ყურძნის მაქსიმალური მოსავლიანობა რეგლამენტირებულია.

3. 1 ჰექტარიდან ყურძნის მაქსიმალური მოსავლიანობა მოყვანილია მე-2 დანართში.

    მუხლი 7. ყურძნის ღვინოების წარმოების ზოგადი ტექნოლოგიური წესი

1. ყურძნის ღვინოების წარმოება დასაშვებია ერთი ან რამდენიმე ვაზის სტანდარტული ჯიშის ყურძნისაგან.

2. ადგილწარმოშობის დასახელების ღვინოების წარმოება დასაშვებია მხოლოდ ვაზის სტანდარტულ სორტიმენტში ჩამოთვლილი ჯიშებისაგან.

3. გადამუშავების წინ ყურძენი უნდა აიწონოს, განისაზღვროს მისი შაქრიანობა, ტიტრული მჟავიანობა, დაზიანების ხარისხი. მონაცემები ჯიშისა და ყურძნის წარმოების სპეციფიკური ზონის დასახელებასთან ერთად შეტანილ უნდა იქნეს ყურძნის მიღების ჟურნალში ტექნოლოგიური პროცესების აღრიცხვის წესის შესაბამისად.

4. სპეციფიკურ ზონებში წარმოებული ადგილწარმოშობის დასახელების ღვინოების დამზადებისას მისმა გამოსავლიანობამ 1 ტონა ყურძნიდან უნდა შეადგინოს არა უმეტეს 65 დეკალიტრისა.

5. აღნიშნულზე მეტი გამოსავლიანობის შემთხვევაში იკრძალება ღვინისათვის ადგილწარმოშობის დასახელების სტატუსის მინიჭება.

6. სპეციფიკურ ზონებში წარმოებული ადგილწარმოშობის დასახელების ღვინოების წარმოებისას დასაშვებია 15%-მდე იმ ყურძნის, ღვინომასალის ან ღვინის გამოყენება, რომელიც მიღებულია იმავე მევენახეობის ზონის სხვა სპეციფიკურ ზონაში ვაზის სტანდარტული ჯიშებიდან.

7. მხარის ღვინის წარმოებისას მევენახეობის ამ მხარეში დამზადებული ყურძნის ხვედრითი წილი უნდა იყოს არანაკლებ 80%.

8. მხარისა და ადგილწარმოშობის დასახელების ღვინოების წარმოებისას დაუშვებელია ყურძნის ტკბილის ან კონცენტრირებული ყურძნის ტკბილის დამატება, გარდა ცქრიალა და შემაგრებული ღვინოებისა.

9. მხარისა და ადგილწარმოშობის დასახელების ცქრიალა და შემაგრებული ღვინოების დამზადებისას გამოყენებული ყურძნის ტკბილი ან კონცენტრირებული ყურძნის ტკბილი მზადდება ვაზის სტანდარტული ჯიშების სორტიმენტისაგან.

10. ვარდისფერი ღვინოები იწარმოება ფერადყურძნიანი საღვინე ჯიშების გადამუშავებით, ან ერთი და იმავე ხარისხის (სუფრის, მხარის, ადგილწარმოშობის დასახელების) თეთრი და წითელი ღვინოების შერევით, ან თეთრი ყურძნის ტკბილის დადუღებით წითელი ყურძნის გამოუწნეხავ დურდოზე.

11. მოტკბო (ნახევრადმშრალი, ნახევრადტკბილი, ტკბილი) სუფრის ღვინოების წარმოებისას დასაშვებია ყურძნის ტკბილის ან კონცენტრირებული ყურძნის ტკბილის დამატება დურდოზე, ყურძნის ტკბილზე, მადუღარ ყურძნის ტკბილზე ან სუფრის ღვინომასალაზე შაქრიანობის არა უმეტეს 8%-ით გაზრდის მიზნით.

12. დასაშვებია სუფრის ღვინის მჟავიანობის გაზრდა ღვინის მჟავით – არა უმეტეს 2 გ/დმ³-სა ან ლიმონმჟავით არაუმეტეს 1 გ/დმ³-სა.

13. მჟავიანოვის შემცირება დასაშვებია არაუმეტეს 1 გ/დმ³-სა.

14. ცქრიალა ღვინოების დამზადებისათვის განკუთვნილი სატირაჟე და რეზერვუარული ლიქიორი შეიძლება შეიცავდეს: ყურძნის ტკბილს, მადუღარ ყურძნის ტკბილს, კონცენტრირებულ ყურძნის ტკბილს, ან საქაროზას, და ცქრიალა ღვინის დასამზადებლად განკუთვნილ ღვინოს ან მათ ნაზავს და ლიმონის სიმჟავეს. საექსპედიციო ლიქიორი შეიძლება შეიცავდეს ყურძნის ტკბილს, კონცენტრირებულ ყურძნის ტკბილს, ან საქაროზას, და ცქრიალა ღვინის დასამზადებლად განკუთვნილ ღვინოს ან მათ ნაზავს, აგრეთვე არანაკლებ 5-წლიანი დავარგების საბრენდე სპირტს და ლიმონის სიმჟავეს.

15. ღვინის მეორადი დუღილით ცქრიალა ღვინის წარმოებისას სადუღარი ნაზავის მოცულობითი სპირტშემცველობა არ უნდა იყოს 10%-ზე ნაკლები.

16. სატირაჟე და რეზერვუარული ლიქიორის დამატებამ არ უნდა გამოიწვიოს კიუვეს ან სადუღარი ნაზავის მოცულობითი სპირტშემცველობის გაზრდა 1,5%-ზე მეტად.

17. საექსპედიციო ლიქიორის დამატებამ არ უნდა გამოიწვიოს ცქრიალა ღვინის მოცულობითი სპირტშემცველობის გაზრდა 0,5%-ზე მეტად.

18. ნებადართულია კიუვეს ან სადუღარი ნაზავის ან მათი შემადგენელი კომპონენტების მჟავიანობის გაზრდა ან შემცირება. ამასთან მჟავიანობის გაზრდა ნებადართულია არა უმეტეს 1,5 გ/დმ³.

19. ადგილწარმოშობის დასახელების ცქრიალა ღვინის დამზადების პროცესის ხანგრძლივობა დუღილის დაწყებიდან უნდა იყოს სულ მცირე:

– 6 თვე, რეზერვუარული მეთოდით წარმოებისას;

– 9 თვე, ბოთლური მეთოდით წარმოებისას.

 

 

დანართი 1

 

ყურძნის ღვინოების ფიზიკო-ქიმიური მაჩვენებლები

 

ღვინის ხარისხი და ტიპი	ფაქტობრივი მოცულობითი სპირტშემცველობა, %, არანაკლებ	შაქრიანობა, გ/დმ 3
1	2	3
ა) სუფრის
მშრალი	9,0	არაუმეტეს 4,0
ნახევრადმშრალი	9,0	4,0-25,0
ნახევრადტკბილი	9,0	30,0-50,0
ტკბილი	9,0	51,0-80,0
ცქრიალა	9,0	0-120,0
შუშხუნა	9,0	0-120,0
შემაგრებული	15,0	40,0-300,0
არომატიზებული	16,0	60,0-100,0
ბ) მხარის
მშრალი	10,0	არაუმეტეს 4,0
ნახევრადმშრალი	10,0	4,0-25,0
ნახევრადტკბილი	10,0	30,0-50,0
ტკბილი	10,0	51,0-80,0
ცქრიალა	10,0	0-120,0
შუშხუნა	10,0	0-120,0
შემაგრებული	15,0	40,0-300,0
გ) ადგილწარმოშობის დასახელების
მშრალი	10,5	არაუმეტეს 4,0
ნახევრადმშრალი	10,5	4,0-25,0
ნახევრადტკბილი	10,5	30,0-50,0
ტკბილი	10,5	51,0-80,0
ცქრიალა	10,5	0-120,0
შუშხუნა	10,0	0-120,0
შემაგრებული	15,0	40,0-300,0

 

 

 

 

 

 

 

დანართი 2

 

ადგილწარმოშობის დასახელების ღვინოებისათვის განკუთვნილი ყურძნის მაქსიმალური მოსავლიანობა

 

ვაზის თეთრყურძნიანი ჯიშები	მაქსიმალური მოსავალი 1 ჰა-დან, ტონა	ვაზის ფერადყურძნიანი ჯიშები	მაქსიმალური მოსავალი 1 ჰა-დან, ტონა
1	2	3	4
ავასირხვა	8	ალადასტური	10
ალიგოტე	10	ალექსანდროული	7
გორული მწვანე	10	თავკვერი	12
კრახუნა	8	კაბერნე სოვინიონი	10
კახური მწვანე	8	მუჯურეთული	8
კახური მწვანე, კლონი 12	8	ოცხანური საფერე	8
რქაწითელი	12	ოჯალეში	7
რქაწითელი, კლონი 48	12	ოჯალეში ორბელური	8
რქაწითელი მუსკატური	10	პინო შავი	7
ქისი	8	საფერავი	10
შარდონე	6	საფერავი
ჩინური	8	ბუდეშურისებრი	10
ციცქა	10	საფერავი კლონი 359	10
ცოლიკაური	10	უსახელოური	7
წულუკიძის თეთრა	10	შავკაპიტო	8
ხიხვი	6	ჩხავერი	8
კაპისტონი თეთრი	7	ძელშავი	10
პინო თეთრი	7	კაჭიჭი	7
მალბეკი	5
მერლო	7

 

დ ე ბ უ ლ ე ბ ა

ტექნოლოგიური პროცესების აღრიცხვის წესის შესახებ

    მუხლი 1. ზოგადი დებულებები

1. წინამდებარე დებულება შემუშავებულია „ვაზისა და ღვინის შესახებ“ საქართველოს კანონის შესაბამისად.

2. დებულების მიზანია ქვეყნის მევენახეობა-მეღვინეობის სექტორში ტექნოლოგიური პროცესების აღრიცხვიანობის მოწესრიგება, პროდუქციის სერთიფიკაციის უზრუნველყოფა ობიექტური მასალებით და ფალსიფიკაციის აღკვეთა.

3. ტექნოლოგიური პროცესების აღრიცხვის წინამდებარე წესი სხვა ნორმატიულ აქტებთან ერთად უზრუნველყოფს სავალდებულო სერტიფიკაციას დაქვემდებარებული ყურძნისეული წარმოშობის კონკრეტული ალკოჰოლიანი სასმელის წარმომავლობის, მისი წარმოების მეთოდების, გამოყენებული მასალების და მახასიათებლების შესაბამისობის დადგენას საქართველოს კანონმდებლობით განსაზღვრულ მოთხოვნებთან.

4. ტექნოლოგიური პროცესების სავალდებულო აღრიცხვა მოიცავს დროულ და ობიექტურ ჩანაწერებს საწარმოს ვენახისა და ტექნოლოგიურ წიგნებში და ლაბორატორიულ ჟურნალში.

5. ამ დებულებით დადგენილი ტექნოლოგიური პროცესების აღრიცხვის წესი სავალდებულოა ნებისმიერი მეწარმე სუბიექტისათვის, რომელიც ახორციელებს ყურძნისა და ყურძნისეული წარმოშობის ალკოჰოლიანი სასმელების სასაქონლო წარმოებასა და რეალიზაციას.

ა ღრიცხვის წესის დარღვევა ისჯება საქართველოს ადმინისტრაციულ სამართალდარღვევათა კოდექსის 105² მუხლის შესაბამისად.

    მუხლი 2. ვაზის სამყნობი მასალებისა და ნამყენი ნერგის წარმოების ტექნოლოგიური პროცესების აღრიცხვა

1. მეწარმე სუბიექტი, ვისაც აქვს საკუთარი საძირეთა და სანამყენეთა სადედეები და ნამყენ ნერგს აწარმოებს საკუთარი სამყნობი მასალებით ვალდებულია აწარმოოს საძირეთა და სანამყენეთა სადედეების ჟურნალი და მყნობის ჟურნალი.

2. საძირე და სანამყენეთა სადედეების ჟურნალში შეტანილი უნდა იქნეს შემდეგი მონაცემები:

ა) საძირეთა და სანამყენე ვაზის ჯიშების დასახელება;

ბ) სადედეთა ადგილმდებარეობა;

გ) გაშენების ფართობი;

დ)კვების არე;

ე) ჩატარებული აგროტექნიკური ღინისძიებები;

ვ) ინფორმაცია აპრობაციის და მასობრივი სელექციის შესახებ;

ზ) წარმოებულ საძირეთა სტანდარტული რქების რაოდენობა;

თ) წარმოებულ სანამყენე კვირტების რაოდენობა;

ი) ინფორმაცია სამყნობი მასალების რეალიზაციის შესახებ (მათი რეალიზაციის შემთხვევაში);

კ) სამყნობი მასალების მყიდველის ვინაობა და მისამართი (რეალიზაციის შემთხვევაში).

3. მყნობის ჟურნალში შეტანილ უნდა იქნეს შემდეგი მონაცემები:

ა) საძირეს ჯიში;

ბ) სანამყენეს ჯიში;

გ) მყნობის რაოდენობა;

დ) ნამყენის გამოყვანის წესი (ცივად, სტრატიფიკაციით, მწვანე ნერგი);

ე) მყნობის ადგილმდებარეობა;

ვ) სანერგეს ადგილმდებარეობა და ფართობი;

ზ) სანერგეში ჩატარებული აგროტექნიკური ღონისძიებები;

თ) დახარისხების შემდეგ მიღებული სტანდარტული ნამყენი ნერგის რაოდენობა;

ი) ინფორმაცია ნამყენი ნერგის რეალიზაციის შესახებ (რეალიზაციის შემთხვევაში).

4. მეწარმე სუბიექტი, რომელიც ნამყენ ნერგს აწარმოებს შესყიდული სამყნობი მასალებით, აწარმოებს მხოლოდ მყნობის ჟურნალს, რომელშიც, გარდა ამ მუხლის მე-3 პუნქტით განსაზღვრული მონაცემებისა, ვალდებულია შეიტანოს მონაცემები შესყიდული სამყნობი მასალების რაოდენობისა და ამ მასალების გამყიდველის ვინაობისა და მისამართის შესახებ.

    მუხლი 3. ვენახის წიგნი

1. ვენახის წიგნში ასახული უნდა იყოს ვენახის შესახებ შემდეგი მონაცემები:

ა) ვენახის ადგილმდებარეობა;

ბ) ფართობი;

გ) ვაზის ძირითადი ჯიში;

დ) შერეული ჯიშების დასახელება და რაოდენობა;

ე) საძირეს დასახელება, რომელზედაც დამყნობილია ვაზი;

ვ) მანძილი რიგთა შორის;

ზ) მანძილი ვაზთა შორის მწკრივში;

თ) ვაზთა რაოდენობა 1 ჰა-ზე;

ი) მეჩხერიანობა, %;

კ) მსხმოიარე, ახალშენი, გაშენების წელი;

ლ) ჩატარებული აგროტექნიკური ღონისძიებები;

მ) ინფორმაცია ყურძნის კრეფის თარიღის, მთლიანი მოსავლის და საშუალო საჰექტრო მოსავლიანობის შესახებ.

    მუხლი 4. ტექნოლოგიური წიგნი

1. ყურძნის გადამუშავების სეზონზე საწარმოში მიღებული ყურძნის აღრიცხვა ხდება დანართი №1-ის ფორმით წარმოებულ ჟურნალში;

ჟურნალში აღირიცხება საწარმოში გადასამუშავებლად შემოსული ყურძნის თითოეული პარტია.

ჟურნალში მიეთითება ყურძნის მიღება-გადამუშავების თარიღი, ყურძნის ჯიში, ვენახის ადგილმდებარეობა, ყურძნის პარტიის რაოდენობა, შაქრიანობა, მჟავიანობა, დაავადებებითა და მავნებლებით გამოწვეული და მექანიკური დაზიანების ჯამური ხარისხი, ყურძნის გამოყენების მიმართულება.

„ვენახის ადგილმდებარეობის“ გრაფაში მიეთითება სპეციფიკური ზონის და იმ კონკრეტული ადგილის დასახელება, საიდანაც შემოსულია ყურძენი.

 გრაფაში „ყურძნის გამოყენების მიმართულება“ მეწარმემ უნდა დააფიქსიროს იმ ღვინის კატეგორია, ტიპი, დასახელება, რომლის დამზადებაც არის გათვალისწინებული ყურძნის კონკრეტული პარტიიდან.

2. წარმოებაში ღვინოების ბრუნვის აღრიცხვა ხდება დანართი №2-ის ფორმით წარმოებულ ჟურნალში;

ჟურნალი დგება თითოეული დასახელებისა და მოსავლის წლის ღვინოებისა და ღვინომასალებისათვის.

ჟურნალში მიეთითება ღვინის (ღვინომასალის) შემოსავლის ან გასავლის თარიღი, რაოდენობა, შემოსავლის წყარო (ლექიდან მოხსნა, ტექნოლოგიური დამუშავებიდან, ჩამოხარისხებით, სხვა საწარმოდან და ა.შ.) ან გასავლის (ტექნოლოგიურ დამუშავებაში, ჩამოხარისხება, რეალიზაცია და ა.შ.) მიმართულება, ქიმიური მაჩვენებლები, ღვინის (ღვინომასალის) ნაშთი.

3. ღვინომასალების ტექნოლოგიური დამუშავების პროცესი აღირიცხება დანართი №3-ის ფორმით წარმოებულ ჟურნალში;

ჟურნალში აღირიცხება ღვინომასალის თითოეული პარტია, რომელიც გადის ტექნოლოგიური დამუშავების პროცესს.

ჟურნალში მიეთითება ღვინომასალის დასახელება, მოსავლის წელი, რაოდენობა, დამუშავების სახე, დაწყების და დამთავრების თარიღი, დამუშავებისას გამოყენებული მასალები და ნივთიერებები, მიღებული ღვინის ძირითადი ქიმიური მაჩვენებლები.

4. დავარგებაზე არსებული ღვინოების აღრიცხვა ხდება დანართი №4-ის ფორმით წარმოებულ ჟურნალში;

დასავარგებლად ღვინოების ჩაწყობისას ჟურნალში მიეთითება ღვინის დასახელება, მოსავლის წელი, რაოდენობა, დავარგებაზე ჩაწყობის თარიღი. დავარგებიდან მოხსნის შემდეგ ჟურნალში შეიტანება მოხსნის თარიღი და ღვინის ქიმიური და ორგანოლეპტიკური მაჩვენებლები.

5. წარმოებაში საბრენდე სპირტების ბრუნვის აღრიცხვა ხდება დანართი №5-ის ფორმით წარმოებულ ჟურნალში;

ჟურნალში მიეთითება საბრენდე სპირტის ასაკი, საბრენდე სპირტის შემოსავლის და გასავლის თარიღი, რაოდენობა აბსოლუტურ ალკოჰოლში, შემოსავლის წყარო (გამოხდით, სხვა წარმოებიდან და ა.შ.) ან გასავლის (კუპაჟში, რეალიზება და ა.შ.) მიმართულება, ქიმიური და ორგანოლეპტიკური მაჩვენებლები და სპირტის ნაშთი.

წარმოებაში ღვინის ბრენდის ბრუნვის აღრიცხვა ხდება დანართი №6-ის ფორმით წარმოებულ ჟურნალში;

ჟურნალი დგება თითოეული დასახელების ღვინის ბრენდისათვის.

ჟურნალში მიეთითება ღვინის ბრენდის შემოსავლის და გასავლის თარიღი, რაოდენობა, შემოსავლის წყარო (კუპაჟიდან, სხვა წარმოებიდან და ა.შ.) ან გასავლის მიმართულება, ორგანოლეპტიკური და ქიმიური მაჩვენებლები და ბრენდის ნაშთი.

 

 

 

 

 

 

დანართი №1

ყურძნის მიღების ჟურნალი

 

№	მიღე -ბის თარი -ღი	ყურძნის ჯიში	ვენახის ადგილმდება -რეობა	ყურძნის რაოდე -ნობა, კგ	შაქრი -ანობა, %	ტიტრუ -ლი მჟავია -ნობა, გ/დმ3	დაზიანე -ბის ხარისხი, %	ყურძნის გამოყენების მიმართულება	შენიშ -ვნა
1	2	3	4	5	6	7	8	9	10

 

 

 

დანართი №2

ღვინოების ბრუნვის აღრიცხვის ჟურნალი

ღვინის (ღვინომასალის) კატეგორია, ტიპი, დასახელება ––––––––––– –––––––––––––––––––––––––

–––––––––––––––––––––––––––––––––––––––––––––––––––––––––––––––––––––––––––––––––––––––

მოსავლის წელი ––––––––––––––

 

 

თარი-ღი	საიდან შემოვიდა, სად გაიგზავნა	მაჩვენებლები			შემოსავალი, დალ	გასავალი დალ	ნაშთი, დალ	შენიშვნა
		მოცულობითი სპირტშემცვე-ლობა %	შაქრია-ნობა გ/დმ3	ტიტრული მჟავიანობა, გ/დმ3
1	2	3	4	5	6	7	8	9

 

 

 

დანართი№

ღვინომასალის

მოსავლის

რაოდე - ნობა

ტექნოლოგიური

ჩატარების

თარიღი

გამოყენებული

მაჩვენებლები

დაწყება

დამთავ

მოცულობითი

შაქრიანობა

ტიტრული

დანართი №4

 

დავარგებაზე არსებული ღვინოების აღრიცხვის ჟურნალი

 

 

ღვინის დასახე -ლება	მოსავ -ლის წელი	რაოდე - ნობა, დალ	დავარგების დრო (თვე, წელი)		მაჩვენებლები			ორგანო ლეპტიკური მახასი - ათებლები
			დაწ - ყება	დამ - თავრე - ბა	მოცულო - ბითი სპირტშე - მცველობა %	შაქრი - ანობა, გ/დმ 3	ტიტრუ - ლი მჟავია - ნობა, გ/დმ 3
1	2	3	4	5	6	7	8	9

 

 დანართი №5

 

საბრენდე სპირტების ბრუნვის აღრიცხვის ჟურნალი

 

 

სპირ -ტისა -საკი	თარი -ღი		საიდან შემოვი -და, სად გაიგ - ზავნა	მაჩვენებლები						შემო - სავა - ლი, დალ ა.ა.	გას - ავა - ლი და ლ ა.ა.	ნაშ - თი, და ლ ა.ა.		ორგა - ნო ლეპ -ტი - კური მახასი - ათებ- ლები
				მოცუ - ლო - ბითი სპირტ -შემცვე - ლობა, %	უმაღ- ლესი სპირტ - ები, მგ/100 სმ3	საშუა - ლო ეთერე - ბი, მგ/100 სმ3	ალდე - ჰიდე - ბი, მგ/100 სმ3	რკინ - ის მასის კონცე - ნტრა - ცია, მგ/დმ3
1		2	3	4	5	6	7		8	9	10	11	12

 

 

 დანართი №6

ღვინის ბრენდის ბრუნვის აღრიცხვის ჟურნალი

 

ღვინის ბრენდის კატეგორია, ჯგუფი, დასახელება ––––––––––––––––––––––––––––––––––––––––

 

––––––––––––––––––––––––––––––––––––––––––––––––––––––––––––––––––––––––––––––––––––––––

 გამოყენებული საბრენდე სპირტების საშუალო ასაკი –––––––––––––––––––––––––––––––––––––

 

 

თა - რი - ღი	საიდან შემოვ- იდა, სად გაიგ- ზავნა	მაჩვენებლები				შემოსავა - ლი, დალ	გასავა- ლი, დალ	ნაშთი, დალ	ორგა- ნოლეპ- ტიკური მახასია- თებლები
		მოცუ -ლო ბითი სპირტ- შემცვე - ლობა, %	შაქრია - ნობა, გ/დმ 3	რკინის მასის კონცენტრაცია, გ/დმ3
1	2	3	4	5	6	7	8	9	10

 

 

დებულება

მევენახეობა-მეღვინეობის დარგში სასაქონლო პროდუქციის წარმოებასთან და რეალიზაციასთან დაკავშირებული საქმიანობის სავალდებულო შეტყობინების წესის შესახებ

    მუხლი 1. ზოგადი დებულებანი

1. წინამდებარე დებულება შემუშავებულია „ვაზისა და ღვინის შესახებ“ საქართველოს კანონის საფუძველზე.

2. წინამდებარე დებულება განსაზღვრავს ვაზისა და ღვინის დეპარტამენტ „სამტრესტის“ (შემდგომში – სამტრესტი) მიერ მევენახეობა-მეღვინეობის დარგში სასაქონლო პროდუქციის წარმოებასთან და რეალიზაციასთან დაკავშირებული ინფორმაციის (შემდგომში – ინფორმაცია) მოპოვების მეთოდიკას და ორგანიზაციულ პრინციპებს.

3. სავალდებულო შეტყობინების საფუძველზე ინფორმაციის მოპოვება მიზნად ისახავს „ვაზისა და ღვინის შესახებ' საქართველოს კანონის მოთხოვნათა შესრულების კონტროლს, ქვეყნის მევენახეობასა და მეღვინეობაში აღრიცხვიანობის მოწესრიგებას, ფალსიფიკაციასთან ბრძოლის ეფექტურობის გაზრდას, ამ სფეროში არსებული რესურსების დადგენას და მევენახეობა-მეღვინეობის განვითარების პროგნოზირების ხელშეწყყობას.

    მუხლი 2. სავალდებულო შეტყობინება

1. სავალდებულო შეტყობინება მოიცავს ინფორმაციას:

ა) ვაზის სამყნობი მასალებისა და ნამყენი ნერგის წარმოებისა და რეალიზაციის შესახებ;

ბ) ვენახის ადგილმდებარეობის, ფართობისა და ჯიშის შესახებ;

გ) ყურძნის გადამუშავების შესახებ;

დ) პროდუქციის წარმოებისა და ბრუნვის შესახებ.

2. ფიზიკური და იურიდიული პირები, რომლებიც საქართველოს ტერიტორიაზე ახორციელებენ ამ მუხლის პირველ პუნქტში აღნიშნულ საქმიანობას ვალდებულნი არიან წინამდებარე დებულებით დადგენილ ვადებში და ფორმით, წარუდგინონ „სამტრესტს“ შეტყობინება თავისი საქმიანობის შესახებ.

    მუხლი 3. პასუხისმგებლობა შეტყობინების წესის დარღვევაზე

შეტყობინების წესის დარღვევა ისჯება საქართველოს ადმინისტრაციული სამართალდარღვევათა კოდექსის 105² მუხლის შესაბამისად.

    მუხლი 4. „სამტრესტის “ უფლებამოსილება და ვალდებულება

1. 'სამტრესტი' უფლებამოსილია:

ა) საქართველოს ტერიტორიაზე მოქმედ ყველა მეწარმე-სუბიექტს მოსთხოვოს ინფორმაციის წარმოდგენა დადგენილ ვადებში განსაზღვრული მოცულობითა და ფორმით;

ბ) წარმოდგენილ მონაცემებში ლოგიკური უზუსტობის შემთხვევაში მოქმედი კანონმდებლობის შესაბამისად შეამოწმოს პირველადი მონაცემების უტყუარობა.

2. „სამტრესტი“ ვალდებულია დაიცვას ცალკეული საწარმოების მონაცემთა კონფიდენციალობა და საჯარო მიზნებისათვის გამოიყენოს მხოლოდ ჯამური მონაცემები.

    მუხლი 5. შეტყობინებები ვაზის სამყნობი მასალების და ნამყენი ნერგის წარმოებისა და რეალიზაციის შესახებ

ფიზიკური ან იურიდიული პირი, რომელიც ეწვა ვაზის სამყნობი მასალების და ნამყენი ნერგის წარმოებასა და რეალიზაციას, ვალდებულია წარადგინოს შემდეგი შეტყობინებები:

ა) „ვაზის სამყნობი მასალების და ნამყენი ნერგის წარმოების განზრახვის შესახებ“ – წელიწადში ერთხელ, არა უგვიანეს 15 იანვრისა, დანართი №1-ის ფორმით;

ბ) „ვაზის სამყნობი მასალების და ნამყენი ნერგის ფაქტობრივი წარმოების შესახებ“ – წელიწადში ერთხელ, არა უგვიანეს 15 დეკემბრისა, დანართი №2-ის ფორმით;

გ) „ვაზის სამყნობი მასალების და ნამყენი ნერგის რეალიზაციის შესახებ“ – წელიწადში ერთხელ, არა უგვიანეს 15 აპრილისა, დანართი 3-ის ფორმით.

    მუხლი 6. შეტყობინება ვენახის შესახებ

1. მეწარმე სუბიექტი, რომელსაც განზრახული აქვს ახალი სამრეწველო ვენახის გაშენება, ვალდებულია „სამტრესტში“ წარადგინოს შეტყობინება „სამრეწველო ვენახის გაშენების განზრახვის შესახებ“ წელიწადში 2-ჯერ, არა უგვიანეს 15 იანვრისა და 15 ოქტომბრისა. შეტყობინებაში უნდა აისახოს ვენახის გაშენების ადგილი, ფართი და ვაზის ჯიში.

2. ვენახის მფლობელი პირი წარადგენს შეტყობინებას „ვენახის შესახებ“ წელიწადში ერთხელ, არა უგვიანეს 15 იანვრისა, დანართი №4-ის ფორმით.

    მუხლი 7. შეტყობინება ადგილწარმოშობის დასახელების ღვინოების წარმოების განზრახვის შესახებ

მეწარმე-სუბიექტი, რომელსაც გააჩნია განზრახვა აწარმოოს სპეციფიკურ ზონაში წარმოებული ადგილწარმოშობის დასახელების უმაღლესი ხარისხის ღვინო წელიწადში ერთხელ, არაუგვიანეს 1-ლი აგვისტოსი, წარადგენს შეტყობინებას „ადგილწარმოშობის დასახელების ღვინოების წარმოების განზრახვის შესახებ“ დანართი №5-ის ფორმით.

    მუხლი 8. . შეტყობინება ყურძნის გადამუშავების შესახებ

მეწარმე-სუბიექტი, რომელმაც განახორციელა ყურძნის სამრეწველო გადამუშავება ვალდებულია წელიწადში ერთხელ, არა უგვიანეს 1-ლი დეკემბრისა, წარადგინოს შეტყობინება „ყურძნის გადამუშავების შესახებ“, დანართი №6-ის ფორმით.

    მუხლი 9. შეტყობინება ადგილწარმოშობის დასახელების ღვინოების წარმოების შესახებ

მეწარმე-სუბიექტი, რომელმაც ყურძნის გადამუშავების სეზონზე გამოიმუშავა ღვინომასლა, რომელიც გამოდგება ადგილწარმოშობის დასახელების ღვინოდ და აქვს მათი, როგორც ადგილწარმოშობის დასახელების ღვინოების რეალიზაციის სურვილი, მოვალეა, წელიწადში ერთხელ, რთველის მომდევნო წლის 10 იანვრამდე წარადგინოს შეტყობინება „სეზონზე გამომუშავებული ადგილწარმოშობის დასახელების ღვინოების შესახებ“, დანართი №7-ის ფორმით.

    მუხლი 10. შეტყობინება ღვინის ბრუნვის შესახებ

წელიწადში 2-ჯერ, 10 იანვრამდე და 10 სექტემბრამდე მეწარმე-სუბიექტი წარადგენს შეტყობინებას მის საწარმოში არსებული „ღვინოების ბრუნვის შესახებ“ დანართი №8-ის ფორმით.

    მუხლი 11. შეტყობინება ცქრიალა ღვინოების წარმოების შესახებ

მეწარმე-სუბიექტი, რომელიც აწარმოებს ცქრიალა ღვინოებს ვალდებულია წელიწადში ორჯერ 10 ივლისამდე და 10 იანვრამდე, წარადგინოს შეტყობინება „ცქრიალა ღვინოების წარმოების შესახებ“ დანართი №9-ის ფორმით.

    მუხლი 12. შეტყობინება საბრენდე სპირტებისა და ღვინის ბრენდის წარმოების შესახებ

მეწარმე-სუბიექტი, რომელიც აწარმოებს საბრენდე სპირტს ან/და ღვინის ბრენდს ვალდებულია წელიწადში ორჯერ, 10 ივლისამდე და 10 იანვრამდე წარადგინოს შეტყობინება „საწარმოში საბრენდე სპრტების შემოსავალ-გასავლის შესახებ“, დანართი №10-ის ფორმით და „ღვინის ბრენდის წარმოების შესახებ“, დანართი №11-ის ფორმით.

 

 

 

 

 

 

 

 

 

 

 

დანართი №1

 

წარუდგენენ არა უგვიანეს

15 იანვრისა

 

საწარმოს დასახელება --------------------------------------------------------------------

 

მისამართი -----------------------------------------------------------------------------------

 

შ ე ტ ყ ო ბ ი ნ ე ბ ა

 

200---- წელს ვაზის სამყნობი მასალების და ნამყენი ნერგის წარმოების განზრახვის შესახებ

 

განმცხადებლის მფლობელობაში არსებული სადედეები:

 

საძირეთა სადედე				სანამყენეთა სადედე
ჯიში	ფართო -ბი, ჰა	ვაზის რაოდენობა 1 ჰა.-ზე	ადგილმდება -რეობა	ჯიში	ფართობი, ჰა	ადგილმდებარეობა

 

ვისგან იქნება შეძენილი სამყნობი მასალები-----------------------------------------------------

 

----------------------------------------------------------------------------------------------------------

 

სამყნობი მასალების და ნამყენი ნერგის წარმოება 200--- წელს:

 

მყნობა				სანერგე		საძირე რქების წარმოება		სანამყენე კვირტის წარმოება
ჯიში	რაოდ. ათ. ცალი	ნამყენის გამოყვა -ნის წესი (სტრა -ტიფიკა -ციით ცივი წესით, მწვანე)	მყნობის ადგილდებარე -ობა	ფარ -თობი, ჰა	ადგილ -მდება -რეობა	ჯიში	რაოდე -ნობა სტან -დარტუ -ლი რქა, ათ. ცალი	ჯიში	რაოდე -ნობა ათ. ცალი

 

ხელმოწერა

'-------' ----------------------- 200--- წ.

 

დანართი №2

 

წარუდგენენ არაუგვიანეს

15 დეკემბრისა

 

 

საწარმოს დასახელება ----------------------------------------------------------------------------------------

 

მისამართი -----------------------------------------------------------------------------------------------------

 

შ ე ტ ყ ო ბ ი ნ ე ბ ა

 

200—წელს ვაზის სამყნობი მასალების და ნამყენი ნერგის ფაქტობრივი წარმოების შესახებ

 

წარმოებული ნამყენი			საძირე რქები		სანამყენე კვირტის წარმოება
ჯიში	რაოდ. ათ. ცალი	მყნობის წესი (სტრატიფიკ -აციით, ცივი წესით)	ჯიში	რაოდენობა სტანდარტუ -ლი რქა, ცალი	ჯიში	რაოდენობა ცალი

 

ხელმოწერა:

 

'-------' ----------------------- 200--- წ.

 

 

დანართი №3

წარუდგენენ არაუგვიანეს

15 დეკემბრისა

 

 

საწარმოს დასახელება ----------------------------------------------------------------------------------------

 

მისამართი -----------------------------------------------------------------------------------------------------

 

შ ე ტ ყ ო ბ ი ნ ე ბ ა

200—წელს წარმოებული ვაზის სამყნობი მასალების და ნამყენი ნერგის

რეალიზაციის შესახებ

 

1. ნამყენი ნერგი:

 

ჯიში	ნაშთი 01.12.200---წ. ათ. ცალი	რეალიზებულია   ათ. ცალი	ნაშთი 01.04.200---წ. ათ. ცალი

 

2. საძირეთა სტანდარტული რქა:

 

ჯიში	ნაშთი 01.12.200---წ. ათ. ცალი	რეალიზებულია   ათ. ცალი	ნაშთი 01.04.200---წ. ათ. ცალი

 

3. სანამყენე კვირტი:

 

ჯიში	ნაშთი 01.12.200---წ. ათ. ცალი	რეალიზებულია   ათ. ცალი	ნაშთი 01.04.200---წ. ათ. ცალი

 

 ხელმოწერა:

 

 '-------' ----------------------- 200--- წ.

დანართი №4

წარუდგენენ არაუგვიანეს

15 დეკემბრისა

 

განმცხადებლის დასახელება -------------------------------------------------------------------------------------

 

მისამართი -----------------------------------------------------------------------------------------------------------

 

შ ე ტ ყ ო ბ ი ნ ე ბ ა

ვენახის შესახებ

(ჰექტარი)

ვენახის ადგილმდება -რეობა	ყურძნის ჯიში	ფართობი წლის დასაწყისში		გაშენდა საანგარიშო წელს	ამოიძირკვა საანგარიშო წელს	ფართობი წლის დასასრულს
		სულ	მ.შ. მსხმოიარე			სულ	მ.შ. მსხმოიარე
სულ ჯამი	*

 

 

ხელმძღვანელის ხელმოწერა:

 

'-------' -------------------- 200--- წ.

 

დანართი №5

წარუდგენენ არაუგვიანეს

15 დეკემბრისა

 

 

საწარმოს დასახელება ----------------------------------------------------------------------------------------

 

მისამართი -----------------------------------------------------------------------------------------------------

 

შ ე ტ ყ ო ბ ი ნ ე ბ ა

 

 დგილწარმოშობის დასახელების ღვინოების წარმოების განზრახვის შესახებ

 

საწარმოს განზრახული აქვს 200—წლის ყურძნის გადამუშავების სეზონზე აწარმოოს შემდეგი ადგილწარმოშობის დასახელების ღვინოები:

 

ღვინის დასახელება	ყურძნის წარმოების სპეციფიკური ზონების დასახელება	ყურძნის ჯიში	ყურძნის გადამუშავების, ღვინის წარმოების და ჩამოსხმის ადგილმდე ბარეობა
------------------------- ------------------------- ------------------------- ------------------------- -------------------------     ------------------------ ------------------------ ------------------------ ------------------------ ------------------------

 

ხელმძღვანელის ხელმოწერა:

 

'------' ----------------------- 200--- წ.

 

 

 

 

 

 

 

 

 

 

 

 

 

 

 

 

 

 

დანართი №6

წარუდგენენ არა უგვიანეს

1 დეკემბრისა

საწარმოს დასახელება -------------------------------------------------------------------------------------------------------------------------------

 

მისამართი --------------------------------------------------------------------------------------------------------------------------------------------

შ ე ტ ყ ო ბ ი ნ ე ბ ა

 

200--- წლის სეზონზე ყურძნის გადამუშავების შესახებ

 

ყურძნის ჯიში	გადამუშავებული ყურძნის რაოდენობა,         ტონა	საშუალო შაქრიანობა,         %	გამომუშავებული ღვინომასალები და ღვინოები, დალ
			ღვინის ტიპი	სულ, დალ		მათ	შორის
					ადგილწარ - მოშობის დასახელების	მხარის	სუფრის	სხვა (მიეთითოს რომელი)
1	2	3	4	5	6	7	8	9
----------	--------------	----------	მშრალი
			ნახევრად მშრალი
			ნახევრად ტკბილი
			ტკბილი
			შემაგრებული
			არომატიზირებული		*	*
----------	----------------	---------------	მშრალი
			ნახევრად მშრალი
			ნახევრად ტკბილი
			ტკბილი
			შემაგრებული
			არომატიზირებული		*	*
1	2	3	4	5	6	7	8	9
----------	---------------	-----------	მშრალი
			ნახევრად მშრალი
			ნახევრად ტკბილი
			ტკბილი
			შემაგრებული
			არომატიზირებულ		*	*
----------	--------------	-----------	მშრალი
			ნახევრად მშრალი
			ნახევრად ტკბილი
			ტკბილი
			შემაგრებული
			არომატიზირებულ		*	*
---------	----------------	--------------	მშრალი
			ნახევრად მშრალი
			ნახევრად ტკბილი
			ტკბილი
			შემაგრებული
			არომატიზირებულ		*	*
---------	---------------	------------	მშრალი
			ნახევრად მშრალი
			ნახევრად ტკბილი
			ტკბილი
			შემაგრებული
			არომატიზირებულ		*	*

 

 

 

ხელმძღვანელის ხელმოწერა:

 

'-------' ----------------------- 200--- წ.

 

 

 

 

 

დანართი №7

წარუდგენენ არაუგვიანეს

10 იანვრისა

 

 

საწარმოს დასახელება ----------------------------------------------------------- ------------------------------------------------------

 

მისამართი -------------------------------------------------------------------------- --------------------------------------------------------

 

შ ე ტ ყ ო ბ ი ნ ე ბ ა

200—წლის სეზონზე გამომუშავებული ადგილწარმოშობის დასახელების ღვინოების შესახებ

 

ღვინის დასახელება	ტიპი და ფერი	გადამუშავებული		ყურძენი		გამომუშა	ვებული	ღვინო
		ჯიში	რაოდე -ნობა, ტონა	სპეციფიკური ზონის დასახელება	ყურძნის გადამუშა -ვების ადგილი	რაოდე - ნობა, დეკალიტრი	მოცულობი თი სპირტ-შემცველობა, %	შაქრიანობა გ/დმ3	გამოსავა ლი 1 ტონა ყურძნიდან, დეკალიტრი
1	2	3	4	5	6	7	8	9	10

 

ხელმძღვანელის ხელმოწერა

'-------' ----------------------- 200--- წ.

დანართი №8

წარუდგენენ წელიწადში

ორჯერ არაუგვიანეს

10 იანვრისა და 10 სექტემბრისა

საწარმოს დასახელება ---------------------------------------------------------------------------------------------------------------------------

 

მისამართი -----------------------------------------------------------------------------------------------------------------------------------------

 

შ ე ტ ყ ო ბ ი ნ ე ბ ა

საწარმოში ღვინოების ბრუნვის შესახებ

                                                                                                                                                                                             (დეკალიტრი)

ღვინის დასახელება	ტიპი და ფერი	მოსავლის წელი	ნაშთი 01...200--- წლისთვის	შემოსავალი საანგარიშო პერიოდში			გასავალი საანგარიშო პერიოდში			ნაშთი 01.---. 200-- წლისთვის
				საკუთარი წარმოები - დან	შეძენილი		რეალიზაცია		ჩამოხარის - ხება
1	2	3	4	5		6		7	8	9
ა) ადგილწარმოშობის დასახელების ღვინოები, სულ
მათ შორის
1	2	3	4	5		6		7	8	9
ბ) მხარის ღვინოები, სულ	*	*
მათ შორის:
გ) სუფრის ღვინოები	*	*
დ) სხვა ღვინოები	*	*
სულ ღვინოები	*	*

 

 

 

ხელმძღვანელის ხელმოწერა:

 

'-------' ----------------------- 200--- წ.

 

დანართი №9

წარუდგენენ წელიწადში ორჯერ, არა უგვიანეს 10 ივლისის და 10 იანვრისა

 

საწარმოს დასახელება ---------------------------------------------------------------------------------------------------------------------------

 

მისამართი -----------------------------------------------------------------------------------------------------------------------------------------

 

შ ე ტ ყ ო ბ ი ნ ე ბ ა

 

ცქრიალა ღვინოების წარმოების შესახებ

 

ცქრიალა ღვინოების დასახელება	ღვინომასალები (ათ. დეკალიტრი)				ტირაჟირებაში არსებული ბოთლები (ათ. ბოთლი)				წარმოებულია რეზრვუარული მეთოდით (ათასი ბოთლი)
	ნაშთი 01.01. 200---- წელი	შემოსავალი	გასავალი	ნაშთი 01--- 200---წელი	ნაშთი 01.01. 200-- წელი	შემოსავალი	გასავალი	ნაშთი 01.-- 200--- წელი
1	2	3	4	5	6	7	8	9	10
ადგილწარმოშობის დასახელების, სულ
მათ შორის
ბ) ცქრიალა ღვინო
სულ: ჯამი

 

ხელმძღვანელის ხელმოწერა:

'-------' ----------------------- 200--- წ.

 

დანართი № 10

წარუდგენენ წელიწადში ორჯერ

არაუგვიანეს 10 ივლისის და 10 იანვრისა

 

საწარმოს დასახელება –––––––––––––––––––––––––––––––––––––––––––––––––––––––––––––––––––––––

 

მისამართი –––––––––––––––––––––––––––––––––––––––––––––––––––––––––––––––––––––––––––––––––

 

შ ე ტ ყ ო ბ ი ნ ე ბ ა

 

საწარმოში საბრენდე სპირტის შემოსავალ-გასავლის შესახებ

 

                                                                                                          (ათ.დეკალიტრი ა.ა)

 

სპირტის ასაკი	ნაშთი 01.01.200--- წელი	შემოსავალი		გასავალი		ნაშთი 01.---200--- წელი
		საწარმოში გამოხდით	შეძენილი	გაიხარჯა კუპაჟში	რეალიზებულია
სულ

 

 

 

 

 

ხელმძღვანელის ხელმოწერა:

 

,,---------”------------------ 200---- წ.

 

 

 

 

დანართი № 11

წარუდგენენ წელიწადში ორჯერ

არაუგვიანეს 10 ივლისისა და 10 იანვრისა

 

საწარმოს დასახელება ––––––––––––––––––––––––––––––––––––– ––––––––––––––––––––––––––––––––––

 

მისამართი ––––––––––––––––––––––––––––––––––––––––––––––– ––––––––––––––––––––––––––––––––––

 

შ ე ტ ყ ო ბ ი ნ ე ბ ა

 

ღვინის ბრენდის წარმოების შესახებ

 

                                                                                                                                   (ათ.დეკალიტრი ა.ა)

 

ღვინის ბრენდის დასახელება	კატეგორია, ჯგუფი	ნაშთი 01.01.200--- წელი	შემოსავალი		გასავალი (რეალიზაცია)	ნაშთი 01.---200--- წელი
			კუპაჟიდან	შეძენილი
სულ	*

 

 

 

 

 

ხელმძღვანელის ხელმოწერა:

 

,,---------”------------------ 200---- წ.