ადიგენის მუნიციპალიტეტის საპატიო წოდებების,  ჯილდოების შემოღებისა და მინიჭების წესის დამტკიცების შესახებ

ადიგენის მუნიციპალიტეტის საპატიო წოდებებისა და ჯილდოების მინიჭების წესი (შემდგომში – წესი) არეგულირებს ადიგენის მუნიციპალიტეტის საპატიო წოდებებისა და ჯილდოების მინიჭების საფუძვლებსა და წესს.

მუხლი 1

1. საპატიო წოდება „ადიგენის მუნიციპალიტეტის საპატიო მოქალაქე“ ენიჭება საქართველოს მოქალაქეს, ასევე უცხო ქვეყნის მოქალაქესა და მოქალაქეობის არმქონე პირს:

ა) საქართველოსა და ადიგენის მუნიციპალიტეტის წინაშე გაწეული განსაკუთრებული დამსახურებისათვის;

ბ) ქვეყნის აღმშენებლობის საქმეში ხანგრძლივი, უმწიკვლო სამსახურისა და მაღალი პროფესიული ოსტატობისათვის;

გ) უცხო ქვეყნის მოქალაქეებს განსაკუთრებული დამსახურებისათვის საქართველოსა და ადიგენის მუნიციპალიტეტის წინაშე, ადიგენის მუნიციპალიტეტთან მეგობრული კავშირების განმტკიცებაში შეტანილი მნიშვნელოვანი წვლილისათვის.

2. „ადიგენის მუნიციპალიტეტის საპატიო მოქალაქის’’ წოდებას ანიჭებს ადიგენის მუნიციპალიტეტის მერი. „ადიგენის მუნიციპალიტეტის საპატიო მოქალაქის’’ წოდების მინიჭების თაობაზე მოტივირებული განაცხადის წარდგენის უფლება აქვს:

ა) ადიგენის მუნიციპალიტეტის მერს;

ბ) ადიგენის მუნიციპალიტეტის საკრებულოს თავმჯდომარეს;

გ) ადიგენის მუნიციპალიტეტის საკრებულოს სიითი შემადგენლობის არანაკლებ 1/3-ს;

დ) საქართველოს პარლამენტის წევრს – ადიგენის მუნიციპალიტეტის მაჟორიტარ დეპუტატს;

ე) ადიგენის მუნიციპალიტეტის ტერიტორიაზე რეგისტრირებულ არასამეწარმეო (არაკომერციული) იურიდიულ პირ(ებ)ს;

ვ) ადიგენის მუნიციპალიტეტის ტერიტორიაზე რეგისტრირებულ ამომრჩეველთა საერთო რაოდენობის არანაკლებ 1 პროცენტს;

3. განაცხადის წარდგენა ხორციელდება წერილობითი ფორმით, რასაც თან უნდა ერთოდეს:

ა) ადიგენის მუნიციპალიტეტის საპატიო მოქალაქის წოდების მისანიჭებლად კანდიდატურის წარმდგენი უფლებამოსილი ორგანიზაციის  ან პირების  რეკომენდაცია  წარდგენილი  კანდიდატის  ღვაწლის და დამსახურების აღნიშვნით;

ბ) კანდიდატის პირადობის დამადასტურებელი დოკუმენტის ასლი (უცხო ქვეყნის მოქალაქისთვის -ქართულ ენაზე ნოტარიულად დამოწმებული);

გ) კანდიდატის ორი ფოტოსურათი, ზომით ¾;

დ) კანდიდატის  ღვაწლისა და დამსახურების ამსახველი დოკუმენტური მასალები (ასეთის არსებობის შემთხვევაში);

ე) კანდიდატის წერილობითი თანხმობა;

4. ამ წესის პირველი მუხლის მე-3 პუნქტით განსაზღვრული დოკუმენტები წარედგინება ადიგენის მუნიციპალიტეტის მერის მიერ  ინდივიდუალური ადმინისტრაციულ-სამართლებრივი აქტის (ბრძანების) საფუძველზე შექმნილ ადიგენის  მუნიციპალიტეტის საპატიო მოქალაქის წოდების მიმნიჭებელ დროებით სამუშაო ჯგუფს  (შემდგომში – სამუშაო ჯგუფი) .

5. მისთვის მინიჭებული უფლებამოსილების ფარგლებში სამუშაო ჯგუფი იხილავს წარმოდგენილ დოკუმენტაციას და მათ კანონმდებლობის მოთხოვნებთან შესაბამისობას.

6. ადიგენის მუნიციპალიტეტის საპატიო მოქალაქის წოდების მიმნიჭებელ სამუშაო ჯგუფის:

ა) სხდომა მოიწვევა საჭიროებისამებრ, მუნიციპალიტეტის მერის მიერ, ადიგენის მუნიციპალიტეტის საპატიო მოქალაქის წოდების მინიჭების საკითხის განსახილველად;

ბ) შემადგენლობაში შედიან საზოგადოების და მუნიციპალიტეტის  (საკრებულოს წევრები, მერიის მოხელეები) წარმომადგენლები;

 გ) თავმჯდომარეს ირჩევს სამუშაო ჯგუფი საკუთარი შემადგენლობიდან სამუშაო ჯგუფის წევრთა ხმების უმრავლესობით;

დ) სხდომა ფორმდება ოქმით, რომელსაც ხელს აწერს თავმჯდომარე, მდივანი და ყველა დამსწრე წევრი;

ე) წევრს უფლება აქვს, თავისი განსხვავებული აზრი,   წერილობითი ფორმით, დაურთოს ოქმს, რის შესახებაც ოქმში კეთდება შესაბამისი ჩანაწერი;

ვ) სამუშაო ჯგუფი შეისწავლის საპატიო მოქალაქის წოდებაზე წარდგენილი კანდიდატის ღირსების, ღვაწლისა და დამსახურების შესახებ ხელთ არსებულ რეკომენდაციებს, საქართველოსა და  მუნიციპალიტეტის წინაშე განსაკუთრებული ღვაწლისა და დამსახურების წერილობით მტკიცებულებებს;

ზ) სამუშაო ჯგუფი, საჭიროების შემთხვევაში, გამოითხოვს და მოიპოვებს დამატებით ცნობებსა და ინფორმაციებს სახელმწიფო ორგანიზაციებისა და დაწესებულებების ხელმძღვანელებისაგან, ასევე, სხვა ნებისმიერი იურიდიული და ფიზიკური პირებისაგან;

თ) სამუშაო  ჯგუფი სწავლობს კანდიდატურასთან დაკავშირებით შემოსულ განცხადებებს, სურვილებს, მოსაზრებებსა და წინადადებებს, ახდენს მათ შეჯერებას და იღებს გადაწყვეტილებას (რეკომენდაციას, დასკვნას) , რაც აისახება სხდომის ოქმში;

ი) სამუშაო ჯგუფი გადაწყვეტილებას იღებს წევრთა სიითი შემადგენლობის უმრავლესობით;

კ) სხდომაზე, კენჭისყრისას, ხმათა თანაბარი რაოდენობის შემთხვევაში, გადამწყვეტი ხმის უფლება აქვს სამუშაო ჯგუფის თავმჯდომარეს;

ლ) გადაწყვეტილება (რეკომენდაცია, დასკვნა) , დაფიქსირებული სხდომის ოქმში, წარედგინება  მუნიციპალიტეტის მერს.

 7. სამუშაო ჯგუფი შედგება 7 (შვიდი) წევრისაგან. სამუშაო ჯგუფი უფლებამოსილია, თუ მას ესწრება წევრთა სიითი შემადგენლობის ნახევარზე მეტი.

8. მუნიციპალიტეტის მერი, ადიგენის მუნიციპალიტეტის საპატიო მოქალაქის წოდების მინიჭებაზე გადაწყვეტილებას იღებს ინდივიდუალური ადმინისტრაციულ-სამართლებრივი აქტის (ბრძანების) სახით.

9. ადიგენის მუნიციპალიტეტის საპატიო მოქალაქეებს ეძლევათ „ადიგენის მუნიციპალიტეტის  საპატიო მოქალაქის’’ მოწმობა (დანართი 2) . საპატიო მოქალაქის გვარი შეტანილ იქნება „ადიგენის მუნიციპალიტეტის საპატიო მოქალაქის’’ წოდების წიგნში.

10. „ადიგენის მუნიციპალიტეტის საპატიო მოქალაქის’’ წოდება ენიჭებათ მხოლოდ კონკრეტული დამსახურებისათვის, დაუშვებელია „ადიგენის საპატიო მოქალაქის’’ წოდების მინიჭება მხოლოდ ნამსახურევი წლებისა და საიუბილეო თარიღის გამო.

11. „ადიგენის საპატიო მოქალაქის’’ მოწმობას და მედალს საზეიმო ვითარებაში გადასცემს ადიგენის მუნიციპალიტეტის მერი ან მისგან უფლებამოსილი პირი.

12. პირს შეიძლება ჩამოერთვას ადიგენის მუნიციპალიტეტის საპატიო მოქალაქის წოდება:

ა) თუ სასამართლოს კანონიერ ძალაში შესული გადაწყვეტილებით დასტურდება მის მიერ ჩადენილი საქართველოს სისხლის სამართლის კოდექსით გათვალისწინებული განზრახ მძიმე ან განსაკუთრებით მძიმე დანაშაული;

ბ) საპატიო მოქალაქის საკუთარი ინიციატივით, წერილობითი განცხადების წარმოდგენის საფუძველზე;

გ) საკრებულოს სიითი შემადგენლობის 2/3-ის მოთხოვნის საფუძველზე;

დ) მუნიციპალიტეტის ტერიტორიაზე რეგისტრირებულ ამომრჩეველთა არანაკლებ 1%-ის მიერ წარმოდგენილი პეტიციის საფუძველზე.

13. ადიგენის მუნიციპალიტეტის საპატიო მოქალაქის წოდების ჩამორთმევის უფლება აქვს მუნიციპალიტეტის მერს, რომელიც გადაწყვეტილებას იღებს სამუშაო ჯგუფის დასკვნის (რეკომენდაციის) საფუძველზე.

მუხლი 2. ადიგენის მუნიციპალიტეტის საპატიო ჯილდო „თორნიკე ერისთავის სახელობის პრემიის“ მინიჭების პროცედურები

1. „ადიგენის მუნიციპალიტეტის საპატიო ჯილდო -თორნიკე ერისთავის  სახელობის პრემია“ ერთჯერადად ენიჭება საქართველოს მოქალაქეებს საქართველოსა და ადიგენის მუნიციპალიტეტის წინაშე მნიშვნელოვანი დამსახურებისათვის. ნომინანტს მნიშვნელოვანი წვლილი უნდა ჰქონდეს შეტანილი ისტორიის, კულტურის და ხელოვნების განვითარების, მოზარდი თაობის აღზრდისა და განათლების საქმეში. ადიგენის მუნიციპალიტეტის ავტორიტეტისა და ცნობადობის გაზრდაში, რეგიონისა და ქვეყნის მნიშვნელოვანი პრობლემების გადაწყვეტაში.

2. პრემიის ოდენობა განისაზღვროს 1000 (ათასი) ლარით.

3. „ადიგენის მუნიციპალიტეტის საპატიო ჯილდო – თორნიკე ერისთავის  სახელობის პრემიის“ ლაურეატის წოდებას ანიჭებს ადიგენის მუნიციპალიტეტის მერი. „ადიგენის მუნიციპალიტეტის საპატიო ჯილდო – თორნიკე ერისთავის  სახელობის პრემიის“ ლაურეატის წოდების მინიჭების თაობაზე მოტივირებული განაცხადის წარდგენის უფლება აქვს:

ა) ადიგენის მუნიციპალიტეტის მერს;

ბ) ადიგენის მუნიციპალიტეტის საკრებულოს თავმჯდომარეს;

გ) ადიგენის მუნიციპალიტეტის საკრებულოს სიითი შემადგენლობის არანაკლებ 1/3-ს;

დ) საქართველოს პარლამენტის წევრს – ადიგენის მუნიციპალიტეტის მაჟორიტარ დეპუტატს;

ე) ადიგენის მუნიციპალიტეტის ტერიტორიაზე რეგისტრირებულ არასამეწარმეო (არაკომერციული) იურიდიულ პირ(ებ) ს;

ვ) ადიგენის მუნიციპალიტეტის ტერიტორიაზე რეგისტრირებულ ამომრჩეველთა საერთო რაოდენობის არანაკლებ 1 პროცენტს;

4. მუნიციპალიტეტის მერის მიერ  ინდივიდუალური ადმინისტრაციულ-სამართლებრივი აქტის (ბრძანების) საფუძველზე იქმნება ადიგენის  მუნიციპალიტეტის საპატიო ჯილდო – თორნიკე ერისთავის  სახელობის პრემიის“ ლაურეატის წოდების  მიმნიჭებელი დროებითი სამუშაო ჯგუფი  (შემდგომში – სამუშაო ჯგუფი) .  

5. ადიგენის მუნიციპალიტეტის „საპატიო ჯილდო – თორნიკე ერისთავის  სახელობის პრემიის“  ლაურეატის წოდების მიმნიჭებელი სამუშაო ჯგუფის:

ა) სხდომა მოიწვევა საჭიროებისამებრ, მუნიციპალიტეტის მერის მიერ, ადიგენის მუნიციპალიტეტის „საპატიო ჯილდო – თორნიკე ერისთავის  სახელობის პრემიის“ ლაურეატის   წოდების მინიჭების საკითხის განსახილველად;

ბ) შემადგენლობაში შედიან საზოგადოების და მუნიციპალიტეტის  (საკრებულოს წევრები, მერიის მოხელეები) წარმომადგენლები;

გ) თავმჯდომარეს ირჩევს სამუშაო ჯგუფი საკუთარი შემადგენლობიდან სამუშაო ჯგუფის წევრთა ხმების უმრავლესობით;

დ) სხდომა ფორმდება ოქმით, რომელსაც ხელს აწერს თავმჯდომარე, მდივანი და ყველა დამსწრე წევრი;

ე) წევრს უფლება აქვს, თავისი განსხვავებული აზრი,   წერილობითი ფორმით, დაურთოს ოქმს, რის შესახებაც ოქმში კეთდება შესაბამისი ჩანაწერი;

ვ) ჯგუფი შეისწავლის „საპატიო ჯილდო – თორნიკე ერისთავის  სახელობის პრემიაზე“  წარდგენილი კანდიდატის ღირსების, ღვაწლისა და დამსახურების შესახებ ხელთ არსებულ რეკომენდაციებს, საქართველოსა და მუნიციპალიტეტის წინაშე განსაკუთრებული ღვაწლისა და დამსახურების წერილობით მტკიცებულებებს;

ზ) სამუშაო ჯგუფი, საჭიროების შემთხვევაში, გამოითხოვს, მოიპოვებს დამატებით ცნობებსა და ინფორმაციებს სახელმწიფო ორგანიზაციებისა და დაწესებულებების ხელმძღვანელებისაგან, ასევე, სხვა ნებისმიერი იურიდიული და ფიზიკური პირებისაგან;

თ) სამუშაო ჯგუფი სწავლობს კანდიდატურასთან დაკავშირებით შემოსულ განცხადებებს, სურვილებს, მოსაზრებებსა და წინადადებებს, ახდენს მათ შეჯერებას და იღებს გადაწყვეტილებას (რეკომენდაციას, დასკვნას) , რაც აისახება სხდომის ოქმში;

ი) სამუშაო ჯგუფი გადაწყვეტილებას იღებს წევრთა სიითი შემადგენლობის უმრავლესობით;

კ) სხდომაზე, კენჭისყრისას, ხმათა თანაბარი რაოდენობის შემთხვევაში, გადამწყვეტი ხმის უფლება აქვს სამუშაო ჯგუფის თავმჯდომარეს;

ლ) გადაწყვეტილება (რეკომენდაცია, დასკვნა) , დაფიქსირებული სხდომის ოქმში, წარედგინება  მუნიციპალიტეტის მერს.

6. სამუშაო ჯგუფი შედგება 7 (შვიდი) წევრისაგან. სამუშაო ჯგუფი უფლებამოსილია, თუ მას ესწრება წევრთა სიითი შემადგენლობის ნახევარზე მეტი.

7. მუნიციპალიტეტის მერი, „საპატიო ჯილდო – თორნიკე ერისთავის  სახელობის პრემიის“ ლაურიატის წოდების მინიჭებაზე  გადაწყვეტილებას იღებს ინდივიდუალური ადმინისტრაციულ-სამართლებრივი აქტის (ბრძანების) სახით.

8. მუნიციპალიტეტის მერი ან მისგან უფლებამოსილი პირი „ადიგენის მუნიციპალიტეტის საპატიო ჯილდო – თორნიკე ერისთავის  სახელობის პრემიის“ ლაურეატს გადასცემს შესაბამის მოწმობას (დანართი №3) და ფულად პრემიას.

მუხლი 3. გარდამავალი დებულებანი

ადიგენის მუნიციპალიტეტის საპატიო წოდებებისა და ჯილდოების მინიჭების წესში ცვლილებისა ან/და დამატების შეტანა ხორციელდება ადიგენის მუნიციპალიტეტის საკრებულოს მიერ, მოქმედი კანონმდებლობის შესაბამისად.

მ ო წ მ ო ბ ა

ადიგენის  მუნიციპალიტეტის საპატიო მოქალაქე

                                      --------------------------------

                                              სახელი, გვარი

ადიგენის მუნიციპალიტეტის მერი    --------------------------------          

                                                         ზაქარია ენდელაძე                                                                                                        

                                                            -----------------

                                                                                                                                                                                                                                        თარიღი .

მ ო წ მ ო ბ ა

ადიგენის  მუნიციპალიტეტის საპატიო ჯილდო - თორნიკე ერისთავის

სახელობის პრემიის ლაურეატი

                                      --------------------------------

სახელი, გვარი

               ადიგენის მუნიციპალიტეტის მერი                                                                                  --------------------------------

                               ზაქარია ენდელაძე                                                                                                         -----------------

                                                                                                                                                                              თარიღი