ლანჩხუთის მუნიციპალიტეტის 2018 წლის ბიუჯეტის დამტკიცების შესახებ

;

განისაზღვროს ლანჩხუთის მუნიციპალიტეტის ბიუჯეტის ხარჯები 8588600  ლარის ოდენობით

• ინფრასტრუქტურის მშენებლობა, რეაბილიტაცია და ექსპლოატაცია;
• განათლება;
• კულტურა, რელიგია, ახალგაზრდული და სპორტული ღონისძიებები;
• მოსახლეობის ჯანმრთელობის დაცვა და სოციალური უზრუნველყოფა;
• მმართველობა და თავდაცვა.

1.ინფრასტრუქტურის მშენებლობა, რეაბილიტაცია და ექსპლოატაცია

 (პროგრამული კოდი 03 00)

მუნიციპალიტეტის ეკონომიკური განვითარებისათვის ინფრასტრუქტურის შემდგომი გაუმჯობესება ბიუჯეტის ერთ-ერთი მთავარი პრიორიტეტია. პრიორიტეტის ფარგლებში გაგრძელდება საგზაო ინფრასტრუქტურის მშენებლობა - რეაბილიტაცია და არსებული ინფრასტრუქტურის მოვლა შენახვა.

 1.1. საგზაო ინფრასტრუქტურის მშენებლობა რეაბილიტაცია და მოვლა შენახვის პროგრამა (პროგრამული კოდი 03 01)

პროგრამის მიზანი: პროგრამის მიზანია ლანჩხუთის მინუციპალიტეტში ადგილობრივი მნიშვნელობის გზები შეესაბამებოდეს სტანდარტებით გათვალისწინებულ მოთხოვნებს.

 პროგრამის აღწერა: ლანჩხუთის მუნიციპალიტეტში ფუნქციონირებს ადგილობრივი მნიშვნელობის დაახლოებით 572,6 კმ. გზა. საიდანაც მოხლოდ 15 პროცენტამდე აკმაყოფილებს სტანდარტის მოთხოვნებს, ხოლო დანარჩენი ექვემდებარება შემდგომ რეაბილიტაციას. აღნიშნულიდან გამომდინარე ასეთ გზებზე გადაადგილებისას მოსახლეობას უწევს არაკოფორტულად და ხანგრძლევი დროით მგზავრობა. აღნიშნულიდან გამომდინარე იგეგმება ადგილობრივი გზების მშენებლობა რეაბილიტაცია და არსებულის მოვლა შენახვა.

 1.2. კომუნალური ინფრასტრუქტურის მშენებლობა-რეაბილიტაცია და ექსპლოატაციის პროგრამა (პროგრამული კოდი 03 02)

 პროგრამის მიზანი: პროგრამის მიზანია ლანჩხუთის მუნიციპალიტეტის კომუნალური სერვისების გამართული ფუნქციონირება და ამ სერვისებით მოსახლეობის მაქსიმალური მოცვა.

 პროგრამის აღწერა: პროგრამა მოიცავს წყლის სისტემების, გარე-განათების და დასუფთავების სერვისების მიწოდებას. არსებული სიტუაციით, მუნიციპალიტეტში სრულად ვერ ხდება აღნიშნული სერვისების ხარისხიანი მიწოდება მოსახლეობისათვის. რისთვისაც საჭიროა აღნიშნული მიმართულებებით სხვადასხვა ღონისძიებების გატარება. 

 1.2.1. წყლის სისტემის რეაბილიტაცია და ექსპლოატაციის ქვეპროგრამა (პროგრამული კოდი 03 02 03)

 ქვეპროგრამის მიზანი: წყლის სისტემების გამართული ფუნქციონირება.

 ქვეპროგრამის აღწერა: ქვეპროგრამის ფარგლებში განხორციელდება მოსახლეობისათვის წყლის მიწოდების ხელშეწყობა, რისი გათვალისწინებითაც ქვეპროგრამის ფარგლებში დაფინანსდება წყალსადენის ექსპლოატაციაზე გახარჯული ღირებულების გადახდა.

 1.2.2. გარე განათების რეაბილიტაცია და ექსპლოატაციის ქვეპროგრამა (პროგრამული კოდი 03 02 05)

ქვეპროგრამის მიზანი: გარე განათების ქსელის გამართული ფუნქციონირება.

 ქვეპროგრამის აღწერა: გარე განათების არსებული ქსელის ექსპლოატაცია - დახარჯული ელექტროენერგიის ღირებულების ანაზღაურება და მოვლა პატრონობის ხარჯები. გარე განათების მოვლა პატრონობას უზრუნველყოფს ა(ა)იპ ,,ლანჩხუთი-ტექ-სერვისი“.

 1.2.2.1. ა(ა)იპ ლანჩხუთი ტექსერვისი ( 433642490) (პროგრამული კოდი 03 02 05 01)

ქვეპროგრამის ფარგლებში განხორციელდება მოსახლეობის კომფორტული და უსაფრთხო გადაადგილებისათვის მუნიციპალიტეტის განათება, რისი გათვალისწინებითაც ქვეპროგრამის ფარგლებში დაფინანსდება გარე განათების არსებული ქსელის ექსპლოატაციის მოვლა პატრონობის ხარჯები.

1.2.2. 2. გარე განათების ელექტროენერგიის ღირებულება (პროგრამული კოდი 03 02 05 02)

მოსახლეობის კომფორტული და უსაფრთხო გადაადგილებისათვის აუცილებელ პირობას წარმოადგენს მუნიციპალიტეტის განათება, დახარჯული ელექტროენერგიის ღირებულების ანაზღაურება განხორციელდება ქვეპროგრამის ფარგლებში.

 1.2.3. დასუფთავების ღონისძიებები (პროგრამული კოდი 03 02 06)

ქვეპროგრამის მიზანი: სანიტარული წესრიგის შენარჩუნება და გაუმჯობესება.

ქვეპროგრამის აღწერა: ქვეპროგრამის ფარგლებში გათვალისწინებულია ქალაქის სანიტარული წესრიგის შენარჩუნება და გაუმჯობესება; ნარჩენების სრული იზოლირება მოსახლეობისა და გარემოსაგან; სხვადასხვა სპორტული და კულტურული ღონისძიებების ჩატარებასთან დაკავშირებით წარმოქმნილი ნარჩენების დაგვა–დასუფთავება და მისი ოპერატიულად გატანა. ასევე მუნიციპალიტეტში არსებული სკვერების მოვლა და გამწვანების სამუშაოების ჩატარება, სასაფლაოების მოვლა პატრონობა. დასუფთავების მომსახურებას უზრუნველყოფს ა(ა)იპ ,,ლანჩხუთი სერვისი“.

 1.2.3.1. ა(ა)იპ ლანჩხუთი სერვისი (433642677) (პროგრამული კოდი 03 02 06 02)

 ქვეპროგრამის ფარგლებში განხორციელდება მუნიციპალიტეტის ყოველდღიური დაგვა–დასუფთავება და ნარჩენების გატანა, ასევე მუნიციპალიტეტში არსებული სკვერების მოვლა და გამწვანების სამუშაოების ჩატარება, სასაფლაოების მოვლა პატრონობა. მუნიციპალიტეტის ტერიტორიის დაცვა მაწანწალა ძაღლებისაგან. 

 1.3. მუნიციპალიტეტის კეთილმოწყობის ღონისძიებების პროგრამა (პროგრამული კოდი 03 03)

პროგრამის მიზანი: მუნიციპალიტეტში განსახორციელებელი და განხორციელებული კეთილმოწყობის ღონისძიებების ხარისხიანობის უზრუნველყოფა.

პროგრამის აღწერა: პროგრამის ფარგლებში განხორციელდება მუნიციპალიტეტის კეთილმოწყობა, ინფრასტრუქტურული ობიექტების საპროექტო დოკუმენტაციის, სამშენებლო სამუშაოების ტექნიკური ზედამხედველობა.

 1.3.1 საპროექტო დოკუმენტაციის, საექსპერტო მომსახურების და სამშენებლო სამუშაოების ტექნიკური ზედამხედველობის მომსახურების შესყიდვისთვის გამოყოფილი თანხა (პროგრამული კოდი 03 03 02)

 ქვეპროგრამის ფარგლებში განხორციელდება მუნიციპალიტეტის კეთილმოწყობა, ინფრასტრუქტურული ობიექტების საპროექტო დოკუმენტაციის, სამშენებლო სამუშაოების ტექნიკური ზედამხედველობის მომსახურების შესყიდვის დაფინანსება.

 1.4. სოფლის მეურნების მხარდაჭერის ღონისძიებების პროგრამა (პროგრამული კოდი 03 05)

პროგრამის მიზანი: მუნიციპალიტეტში სოფლის მეურნეობის განითარების ხელშეწყობა.

პროგრამის აღწერა: პროგრამა ახორციელებს მუნიციპალიტეტში ფერმერული მეურნეობის განვითარების ხელშეწყობას, საგარეო-ეკონომიკური კავშირ-ურთიერთობების, ინვესტიციების, ტრანსპორტის, ტურიზმისა და მეწარმეობის განვითარების ხელშემწყობას. პროგრამის განხორციელებას უზრუნველყოფს ა(ა)იპ „საგარეო-ეკონომიკური კავშირურთიერთობების, ინვესტიციების, ტრანსპორტის, ტურიზმის და მეწარმეობის განვითარების ცენტრი.

 1.4.1 ა(ა)იპ „საგარეო-ეკონომიკური კავშირურთიერთობების, ინვესტიციების,

ტრანსპორტის, ტურიზმის და მეწარმეობის განვითარების ცენტრი ს/კ 233733984 (პროგრამული კოდი 03 05 02)

 ქვეპროგრამა ახორციელებს საერთაშორისო ორგანიზაციებთან , დონორებთან და ძმობილებულ ქალაქებთან ურთიერთობის გაღრმავების ხელშეწყობას.

 ინვესტიციების მოზიდვის ხელშეწობას სოფლის მეურნეობაში.

 მუნიციპალიტეტის ტერიტორიაზე მგზავრების გადაყვანის ხელშეწყობას.

 ტურიზმის განვითარების ხელშეწყობას.

 მეწარმეობის განვითარების ხელშეწყობას.

 აგრობიზნესის განვითარების ხელშეწყობას.

 2. განათლება (პროგრამული კოდი 04 00)

 მომავალი თაობების აღზრდის მიმართულებით დაწყებითი და ზოგადი განათლების გარდა მნიშვნელოვანი როლი ენიჭება ასევე სკოლამდელ განათლებას, რაც თვითმმართველი ერთეულის საკუთარ უფლებამოსილებებს განეკუთვნება და შესაბამისად მუნიციპალიტეტის ერთ-ერთ პრიორიტეტს წარმოადგენს, რომლის ფარგლებში მომდევნო წლებში განხორციელდება საბავშვო ბაღების ფუნქციონირებისათვის საჭირო ხარჯების დაფინანსება, ინვენტარით უზრუნველყოფა.

 2.1 სკოლამდელი აღზრდისა და განათლების ხელშეწყობის პროგრამა

 (პროგრამული კოდი 04 01)

პროგრამის მიზანი: პროგრამის მიზანია საბავშვო ბაღებში სრულფასოვანი სააღმზრდელო გარემოს შექმნა, გაიხსნას ბაგა–ბაღები ისეთ სოფლებში, სადაც ბაღების გახსნისთვის შესაბამისი კონტიგენტი არის და უზრუნველყოფილი იქნას მათი კეთილმოწყობა და კვალიფიციური პერსონალით მომსახურეობა. მუნიციპალიტეტის საბავშვო ბაღებში მატერიალურ ტექნიკური ბაზის გაუმჯობესება, ძირითადი აქტივების მიმდინარე შეკეთება და მოვლა–შენახვა.

პროგრამის აღწერა: მუნიციპალიტეტში ამ ეტაპზე ფუნქციონირებს ა(ა)იპ ლანჩხუთის მუნიციპალიტეტის საგანმანათლებლო სააღმზრდელო ცენტრი, რომელიც აერთიანებს 21 საბავშვო ბაღს, სადაც სკოლამდელ განათლებას იღებს 1250–ზე მეტი ბავშვი. საბავშვო ბაღებში სწავლა უფასოა, ძირითადად ფინანსდება ბავშვების კვების ხარჯები. პროგრამის ფარგლებში მუნიციპალიტეტი აფინანსებს ბაღების ფუნქციონირებასთან დაკავშირებულ ყველა სხვა ხარჯს, მათ შორის მასწავლებელთა და აღმზრდელთა ხელფასებს და ბაღების სხვა მიმდინარე ხარჯებს.

 3. კულტურა, რელიგია , ახალგაზრდული და სპორტული ღონისძიებები

(პროგრამული კოდი 05 00)

მუნიციპალიტეტის ინფრასტრუქტურული და ეკონომიკური განვითარების პარალელურად აუცილებელია ხელი შეეწყოს კულტურული ტრადიციების დაცვას და ამ ტრადიციების ღირსეულ გაგრძელებას. ამასთანავე ერთ–ერთი პრიორიტეტია ახალგაზრდების მრავალმხრივი (როგორც სულიერი ისე ფიზიკური თვალსაზრისით) განვითარების ხელშეწყობა და მათში ცხოვრების ჯანსაღი წესის დამკვიდრება. შესაბამისად მუნიციპალიტეტი განაგრძობს კულტურული ობიექტების ფინანსურ მხარდაჭერას, წარმატებული სპორტსმენების ხელშეწყობას და შესაბამისი პირობების შექმნას რათა ნიჭიერმა ბავშვებმა და ახალგაზრდებმა შეძლონ მათი სპორტული შესაძლებლობების გამოვლინება, ასევე ახალგაზრდებში ცხოვრების ჯანსაღი წესის წახალისების მიზნით გასატარებელი ღონისძიებების ჩატარებას.

3.1. სპორტის განვითარების ხელშეწყობის პროგრამა (პროგრამული კოდი 05 01)

პროგრამის მიზანი: მუნიციპალიტეტში მცხოვრებ მოსახლეობაში ჯანსაღი ცხოვრების წესის დამკვიდრება.

პროგრამის აღწერა: პროგრამის ფარგლებში განხორციელდება სპორტსმენთა მომზადების ორგანიზაციული და მეთოდური ხელშეწყობა, სპორტულ ასოციაციასთან, კავშირებთან, სპორტულ ფედერაციებთან და სხვადასხვა სპორტულ ორგანიზაციებთან თანამშრომლობა. კლუბების, ნაკრები გუნდების მომზადება და მონაწილეობა ქვეყნის ასპარეზობებში. 2018 წლის განმავლობაში პროგრამის ფარგლებში გაიმართება სხვადასხვა სპორტული ღონისძიებები. პროგრამის ფარგლებში განხორციელდება სპორტული ცენტრის, საფეხბურთო სკოლების ფინანსური მხარდაჭერა, რათა მათ ქონდეთ შესაძლებლობა უზრუნველყონ სპორტსმენებისათვის სავარჯიშოდ შესაბამისი პირობების შექმნა. ასევე განხორცელდება სტადიონის მოვლა პატრონობის ხარჯების დაფინანსება.

 3.1.1. ა(ა)იპ ლანჩხუთის მუნიციპალიტეტის სპორტული ცენტრი /კ 433642178

 (პროგრამული კოდი 05 01 03)

ქვეპროგრამის ფარგლებში დაგეგმილია ბავშვთა და მოზარდთა მაქსიმალური რაოდენობის ჩართვა სისტემატიურ სპორტულ გამაჯანსაღებელ მოძრაობაში, ცხოვრების ჯანსაღი წესის პროპაგანდა და დამკვიდრება. სკოლა აერთიანებს ძიუდოს, ბალახის ჰოკეის, ჭადრაკის, მაგიდის ჩოგბურთის, ცურვის, კარატე დოს, რაგბის, თავისუფალი ჭიდაობის, ბერძნულ რომაული ჭიდაობის, ქართული ჭიდაობის, ხელბურთის, კრივის სპორტულ წრეებს, სადაც გაერთიანებულია 335 სპორტსმენი. მუნიციპალიტეტიდან ფინანსდება ყველა მიმდინარე ხარჯი.

3.1.2. ა(ა)იპ ლანჩხუთის მუნიციპალიტეტის გოგონათა ექსპერიმენტალური სარაგბო-

 საფეხბურთო სკოლა ს/კ 433645004 (პროგრამული კოდი 05 01 04)

 ქვეპროგრამის ფარგლებში ხორციელდება ა(ა)იპ გოგონათა ექსპერიმენტალური სარაგბო -საფეხბურთო სკოლის ყველა ხარჯის დაფინანსება, რომელიც ემსახურება გოგონათა მაქსიმალური რაოდენობის ჩართვას სისტემატიურ სპორტულ გამაჯანსაღებელ მოძრაობაში და მომავალი თაობების ჩამოყალიბებას პროფესიონალ ფეხბურთელებად, მორაგბეებად.

 3.1.3. ა(ა)იპ ლანჩხუთის მუნიციპალიტეტის საფეხბურთო სკოლა ს/კ 433642203 (პროგრამული კოდი 05 01 06)

 ქვეპროგრამის ფარგლებში ხორციელდება ლანჩხუთის მუნიციპალიტეტის საფეხბურთო სკოლის ყველა ხარჯის დაფინანსება, რომელიც ემსახურება ბავშვთა და მოზარდთა მაქსიმალური რაოდენობის ჩართვას სისტემატიურ სპორტულ გამაჯანსაღებელ მოძრაობაში და მომავალი თაობების ჩამოყალიბებას პროფესიონალ ფეხბურთელებად.

3.1.4 შ.პ.ს ,,ლანჩხუთი “ ს/კ 233645419 (პროგრამული კოდი 05 01 08)

 ქვეპროგრამით განხორციელდება საფეხბურთო სტადიონის მოვლა პატრონობის ხარჯების დაფინანსება

 3.2 კულტურის განვითარების ხელშეწყობის პროგრამა (პროგრამული კოდი 05 02)

პროგრამის მიზანი: მუნიციპალიტეტში მცხოვრები მოსახლეობის კულტურული ღონისძიებებით დაინტერესება, მოსწავლე ახალგაზრდობის თავისუფალი დროის სწორად ორგანიზება და ტრადიციებისა და კულტურული მემკვიდრეობის შენარჩუნება და განვითარება.

პროგრამის აღწერა: მუნიციპალიტეტის კულტურული ტრადიციების დაცვის მიზნით პროგრამის ფარგლებში მუნიციპალიტეტი აგრძელებს სხვადასხვა კულტურული ობიექტების ფინანსურ მხარდაჭერას. განხორციელდება სხვადასხვა კულტურული ღონისძიებები, თეატრალური, მუსიკალური, სახვითი, ქორეოგრაფიული ფესტივალების, კონცერტების, მუზეუმებში გამოფენის მოწყობა, ასევე სადღესასწაულო დღეებში სხვადასხვა გასართობი და სანახაობრივი ღონისძიებები. დაფინანსდება მუნიციპალური კულტურის ცენტრი, რომელიც ეწევა მოსახლეობის კულტურულ საგანმანათლებლო და შემეცნებით მოღვაწეობას; ხალხური ხელოვნების ყველა დარგის განვითარების ხელშეწყობას; ეროვნული ტრადიციების წეს ჩვეულებების პოპულარიზაციას; ფოლკლორული ანსამბლების ნიჭიერი ინდივიდუალური შემსრულებლების საქმიანობის ხელშეწყობას.

 პროგრამა ითვალისწინებს მოსახლეობის მოთხოვნების ინტერესების შესწავლას და ანალიზს, მათი მომსახურებისათვის სათანადო პირობების შექმნა. ქართული ეროვნული ბიბლიოგრაფიის მასალების მოპოვება, ქსელი აერთიანებს 14 ბიბლიოთეკას. ბიბლიოთეკა ახორციელებს შემდეგ ღონისძიებებს: ქალაქის და სოფლის ბიბლიოთეკების ხელშეწყობას; წიგნადი ფონდის შევსებას თანამედროვე ლიტერატურით და დაკომპლექტებას ყველა ასაკობრივი კატეგორიის მიხედვით, ითვალისწინებს კულტურული ობიქტების მოძიებას და პოპულარიზაციას, სამუზეუმო საქმიანობისთვის ხელშეწყობას. ქსელი აერთიანებს 3 მუზეუმს.

ახორციელებს სკოლისგარეშე სახელოვნებო დაწესებულებების ფინანსურ მხარდაჭერას მათ შორის:

სამუსიკო სკოლის დაფინანსებას, სადაც განათლებას იღებს 230–ზე მეტი ბავშვი, სწავლის გადასახადი შეადგენს 15 ლარს, საკუთარი სახსრებით ფინანსდება ნაწილობრივ ხელფასი და ხარჯები მთლიანად, სუფსიდიით ხდება ხელფასის დაფინანსება. სკოლის მიზანია მიაღებინოს მოსწავლეებს მუსიკალური განათლება, წარმატებული მოსწავლეების გამოსავლენად ჩაატაროს საანგარიშო კონცერტები. სამხატვრო სკოლის დაფინანსებას სადაც განათლებას იღებს 100– მდე ბავშვი, ხდება ხელფასის და სხვა მიმდინარე ხარჯების დაფინანსება. სკოლის მიზანია მისცეს მოსწავლეებს დაწყებითი სამხატვრო განათლება, გააცნოს და შეაყვაროს მოსწავლეებს ეროვნული კულტურული მემკვიდრეობა, ქართული და მსოფლიო ხელოვნების ნიმუშები.

პროგრამა ითვალისწინებს მუნიციპალიტეტის მოსწავლე–ახალგაზრდობისათვის სხვადასხვა სახის ღონისძიებების ორგანიზების ხელშეწყობას, წარმატებული მოსწავლე ახალგაზრდობის წახალისებას სხვადასხვა სახის პრიზებით და საჩუქრებით. პროგრამის ფარგლებში ფინანსდება კულტურულ-სპორტული ღონისძიებები: სახელმწიფო, სახალხო და რელიგიური დღესასწაულის აღსანიშნავი ღონისძიებები; საშემსრულებლო, ვიზუალური, თანამედროვე ხელოვნების, ქართული ფოლკლორის განვითარებისა და პოპულარიზაციისათვის ფესტივალები და კონცერტები; სხვადასხვა ქვეყნების ქალაქების კულტურულ და შემოქმედებით კოლექტივებთან და ინტელიგენციასთან კონტაქტების დამყარება და არსებული ურთიერთობების გაღრმავება; გამოჩენილი ადამიანების და საზოგადო მოღვაწეების საიუბილეო ღონისძიებების და შემოქმედებითი საღამოები; მაშტაბური სადღესასწაულო ღონისძიებების ორგანიზება; კულტურულ–საგანმანათლებლო და სხვა ღონისძიებები. კულტურის ობიექტების რეაბილიტაციისა და ექსპლოატაციის კუთხით განხორციელდება ჭადრაკის სახლის რეაბილიტაცია. 

 3.2.1 ა(ა)იპ ლანჩხუთის მუნიციპალიტეტის კულტურის დაწესებულებათა გაერთიანება

 ს/კ 233731478 (პროგრამული კოდი 05 02 01)

ქვეპროგრამის ფარგლებში ფინანსდება მუნიციპალური კულტურის ცენტრი, რომელიც ეწევა მოსახლეობის კულტურულ საგანმანათლებლო და შემეცნებით მოღვაწეობას; ხალხური ხელოვნების ყველა დარგის განვითარების ხელშეწყობას; ეროვნული ტრადიციების წეს ჩვეულებების პოპულარიზაციას; ფოლკლორული ანსამბლების ნიჭიერი ინდივიდუალური შემსრულებლების საქმიანობის ხელშეწყობას.

მოსწავლე ახალგაზრდობის თავისუფალი დროის სწორად ორგანიზებას მიზნობრივი წრეების, სტუდიების, ფოლკლორული ანსაბლების ჩამოყალიბებას.

 ქვეპროგრამა ითვალისწინებს მოსახლეობის მოთხოვნების ინტერესების შესწავლას და ანალიზს, მათი მომსახურებისათვის სათანადო პირობების შექმნა. ქართული ეროვნული ბიბლიოგრაფიის მასალების მოპოვება, ქსელი აერთიანებს 14 ბიბლიოთეკას. ბიბლიოთეკა ახორციელებს შემდეგ ღონისძიებებს: ქალაქის და სოფლის ბიბლიოთეკების ხელშეწყობას; წიგნადი ფონდის შევსებას თანამედროვე ლიტერატურით და დაკომპლექტებას ყველა ასაკობრივი კატეგორიის მიხედვით, ითვალისწინებს კულტურული ობიქტების მოძიებას და პოპულარიზაციას, სამუზეუმო საქმიანობისთვის ხელშეწყობას. ქსელი აერთიანებს 3 მუზეუმს.

 ახორციელებს სკოლისგარეშე სახელოვნებო დაწესებულებების ფინანსურ მხარდაჭერას მათ შორის:

• სამუსიკო სკოლის დაფინანსებას, სადაც განათლებას იღებს 230–ზე მეტი ბავშვი, სწავლის გადასახადი შეადგენს 15 ლარს, საკუთარი სახსრებით ფინანსდება ნაწილობრივ ხელფასი და ხარჯები მთლიანად, სუფსიდიით ხდება ხელფასის დაფინანსება. სკოლის მიზანია მიაღებინოს მოსწავლეებს მუსიკალური განათლება, წარმატებული მოსწავლეების გამოსავლენად ჩაატაროს საანგარიშო კონცერტები. სამხატვრო სკოლის დაფინანსებას სადაც განათლებას იღებს 100– მდე ბავშვი, სუფსიდიით ხდება ხელფასის და სხვა მიმდინარე ხარჯების დაფინანსება. სკოლის მიზანია მისცეს მოსწავლეებს დაწყებითი სამხატვრო განათლება, გააცნოს და შეაყვაროს მოსწავლეებს ეროვნული კულტურული მემკვიდრეობა, ქართული და მსოფლიო ხელოვნების ნიმუშები.

3.2.2. სოც კულტურული ღონისძიებები (პროგრამული კოდი 05 02 06)

ქვეპროგრამა ითვალისწინებს მუნიციპალიტეტის მოსწავლე–ახალგაზრდობისათვის სხვადასხვა სახის ღონისძიებების ორგანიზების ხელშეწყობას, წარმატებული მოსწავლე ახალგაზრდობის წახალისებას სხვადასხვა სახის პრიზებით და საჩუქრებით. პროგრამის ფარგლებში ფინანსდება კულტურულ-სპორტული ღონისძიებები: სახელმწიფო, სახალხო და რელიგიური დღესასწაულის აღსანიშნავი ღონისძიებები; საშემსრულებლო, ვიზუალური, თანამედროვე ხელოვნების, ქართული ფოლკლორის განვითარებისა და პოპულარიზაციისათვის ფესტივალები და კონცერტები; სხვადასხვა ქვეყნების ქალაქების კულტურულ და შემოქმედებით კოლექტივებთან და ინტელიგენციასთან კონტაქტების დამყარება და არსებული ურთიერთობების გაღრმავება; გამოჩენილი ადამიანების და საზოგადო მოღვაწეების საიუბილეო ღონისძიებების და შემოქმედებითი საღამოები; მაშტაბური სადღესასწაულო ღონისძიებების ორგანიზება; კულტურულ–საგანმანათლებლო და სხვა ღონისძიებები.

 3.2.3 კულტურის ობიექტების რეაბილიტაცია და ექსპლოატაცია (პროგრამული კოდი 05 02 07)

ქვეპროგრამის ფარგლებში განხორციელდება ჭადრაკის სახლის რეაბილიტაცია

 3.3 რელიგიის დაფინანსების პროგრამა (პროგრამული კოდი 05 03)

პროგრამის ფარგლებში განხორციელდება მუნიციპალიტეტის ტერიტორიაზე არსებული ეკლესია მონასტრების, სასულიერო სასწავლებლის ფინანსური მხარდაჭერა.

პროგრამის მიზანი: მუნიციპალიტეტში არსებული ეკლესია მონასტრების , სასულიერო სასწავლებლის დახმარება გამართული ფუნქციონირებისათვის.

 პროგრამის აღწერა: მუნიციპალიტეტში არსებულ ეკლესია მონასტრებს მწირი შემოსავლების გამო უჭირთ გამართული ფუნქციონირება. რიგ ტაძრებში არ არის ელემენტარული პირობები (გათბობა, წყალი, ელ. ენერგია და სხვა), რათა მოსახლეობამ შეძლოს კომფორტულად დაესწროს სხვადასხვა რელიგიურ ღონისძიებებს. აღნიშნულიდან გამომდინარე საჭიროა მათთვის ფინანსური მხარდაჭერა.

 4. მოსახლეობის ჯანმრთელობის დაცვა და სოციალური უზრუნველყოფა (06 00)

მოსახლეობის ჯანმრთელობის დაცვის ხელშეწყობა და მათი სოციალური დაცვა მუნიციპალიტეტის ერთ–ერთ მთავარ პრიორიტეტს წარმოადგენს. მუნიციპალიტეტი არსებული რესურსების ფარგლებში განაგრძობს სოციალურად დაუცველი მოსახლეობის სხვადასხვა დახმარებებით და შეღავათების უზრუნველყოფას. სახელმწიფო ბიუჯეტიდან გამოყოფილი მიზნობრივი ტრანსფერის ფარგლებში განაგრძობს საზოგადოებრივი ჯანმრთელობის დაცვის მიზნით სხვადასხვა ღონისძიებების განხორციელებას, რაც უზრუნველყოფს მუნიციპალიტეტის მოსახლეობის ჯანმრთელობის დაცვას სხვადასხვა გადამდები და ინფექციური დაავადებისაგან.

 4.1. ჯანდაცვის პროგრამები (პროგრამული კოდი 06 01)

პროგრამის მიზანი: საზოგადოებრი ჯანმრთელობის შესახებ კანონით განსაზღვრული დელეგირებული ფუნქციების უზრუნველყოფა.

 პროგრამის აღწერა: პროგრამა ითვალისწინებს სახელმწიფო ბიუჯეტიდან გამოყოფილი მიზნობრივი ტრანსფერის ფარგლებში საზოგადოებრივი ჯანმრთელობის შესახებ საქართველოს კანონით განსაზღვრული ფუნქციების დაფინანსებას, კერძოდ: არსებობის შემთხვევაში ცოფის კერის ლიკვიდაცია და დაკბენილი მოსახლეობის ზუსტი აღრიცხვა, სასწრაფო შეტყობინების სისტემის დახვეწა და გაუმჯობესება; ეპიდსიტუაციის გამწვავების დროული გამოვლენის ხელშეწყობა და მათზე სწრაფი რეაგირება, პროფილაქტიკური ღონისძიებათა გატარება; სადერატიზაციო სამუშაოების ჩატარება საცხოვრებელი სახლების სარდაფებსა და ბუნკერებში და ამის საფუძველზე მუნიციპალიტეტში ეპიდსიტუაციის გაუმჯობესება; მუნიციპალიტეტში არსებული სანიტარულ–ჰიგიენური მდგომარეობის მონიტორინგი, მოსახლეობისათვის ჯანსაღი გარემოს შექმნის ხელშეწყობის მიზნით მუნიციპალიტეტის დასახლებულ ტერიტორიებზე ადამიანისათვის საშიში და შხამიანი ცხოველების ცხოველმყოფელობის დადგენისა და გაუვნებელყოფის ღონისძიებები და სხვა.

აღნიშნული პროგრამის განმახორციელებელია ა(ა)იპ ლანჩხუთის საზოგადოებრივი ჯანდაცვის ცენტრი.

 4.1.1. ა(ა)იპ ლანჩხუთის საზოგადოებრივი ჯანდაცვის ცენტრი ს/კ 233730763 (პროგრამული კოდი 06 01 01)

პროგრამა ითვალისწინებს სახელმწიფო ბიუჯეტიდან გამოყოფილი მიზნობრივი ტრანსფერის ფარგლებში ,,საზოგადოებრივი ჯანმრთელობის შესახებ“ საქართველოს კანონით განსაზღვრული ფუნქციების დაფინანსებას, კერძოდ:

•  არსებობის შემთხვევაში ცოფის კერის ლიკვიდაცია და დაკბენილი მოსახლეობის ზუსტი აღრიცხვა, სასწრაფო შეტყობინების სისტემის დახვეწა და გაუმჯობესება
•  ეპიდსიტუაციის გამწვავების დროული გამოვლენის ხელშეწყობა და მათზე სწრაფი რეაგირება, პროფილაქტიკური ღონისძიებათა გატარება
•  სადერატიზაციო სამუშაოების ჩატარება საცხოვრებელი სახლების სარდაფებსა და ბუნკერებში და ამის საფუძველზე მუნიციპალიტეტში ეპიდსიტუაციის გაუმჯობესება
•  მუნიციპალიტეტში არსებული სანიტარულ–ჰიგიენური მდგომარეობის მონიტორინგი, მოსახლეობისათვის ჯანსაღი გარემოს შექმნის ხელშეწყობის მიზნით მუნიციპალიტეტის დასახლებულ ტერიტორიებზე ადამიანისათვის საშიში და შხამიანი ცხოველების ცხოველმყოფელობის დადგენისა და გაუვნებელყოფის ღონისძიებები.

 4.2. სოციალური პროგრამები (პროგრამული კოდი 06 02)

პროგრამის მიზანი: პროგრამის მიზანია ლანჩხუთის მუნიციპალიტეტში მცხოვრები გაჭირვებული მოსახლეობის დახმარება, რათა მათ გაუადვილდეთ მათ წინაშე არსებული სხვადასხვა პრობლემების მოგვარება.

 პროგრამის აღწერა: პროგრამა ითვალისწინებს მუნიციპალიტეტის ტერიტორიაზე მცხოვრები მოსახლეობის სხვადასხვა ფენებისათვის გარკვეული შეღავათებისა და სოციალური დახმარებების უზრუნველყოფას. კერძოდ,

4.2.1 ბიკარბონატული ჰემოდიალეზით –თირკმლის ქრონიკული უკმარისობით დაავადებულთა სამედიცინო დაწესებულებაში ტრანსპორტირების დახმარება; (პროგრამული კოდი 06 02 01)

ქვეპროგრამის ფარგლებში გათვალისწინებულია: ჰემოდიალეზით დაავადებულებისათვის სატრანსპორტო ხარჯის დაფინანსება, აღნიშნული პროგრამით სარგებლობს 21 ბენეფიციარი.

 4.2.2. მრავალშვილიანთა ოჯახების დახმარება (პროგრამული კოდი 06 02 04)

ლანჩხუთის მუნიციპალიტეტის ტერიტორიაზე მცხოვრებ მრავალშვილიანი ოჯახების, რომელთაც ჰყავთ 16 დან 18 წლამდე ასაკის 4 და მეტი შვილი (სარეიტინგო ქულა 101000 მდე) ყოველთვიური დახმარება (თითო ბავშვზე 25 ლარის ოდენობით), ასევე იმ ოჯახებს, რომელთაც ყავთ 18 წლამდე ასაკის 4 და მეტი შვილი (სარეიტინგო ქულა 101 000 ის ზევით) დახმარება;

4.2.3 სამკურნალო და საოპერაციო ხარჯებით დახმარება (პროგრამული კოდი 06 02 05)

 გათვალისწინებულია ლანჩხუთის მუნიციპალიტეტში მცხოვრები და რეგისტრირებული მოქალაქეების სამკურნალო და საოპერაციო ხარჯებით დახმარება - თანადაფინანსება და ,,ც“ ჰეპატიტით დაავადებულ ლანჩხუთის მუნიციპალიტეტის ტერიტორიაზე რეგისტრირებული მოქალაქეების დიაგნოსტიკური კვლევების დაფინანსება;

4.2.4 ა(ა)იპ სარეაბილიტაციო ცენტრი ,,იავნანა“თანადაფინანსება (პროგრამული კოდი 06 02 09)

გათვალისწინებულია: ლანჩხუთის მუნიციპალიტეტში მცხოვრები, ცენტრ ,,იავნანაში“ დარეგისტრირებული 24 სოციალურად დაუცველი ბავშვის ფსიქო–სოციალური რეაბილიტაციის ხელშეწყობა–თანადაფინანსება;

4.2.5 მაღალმთიან სოფლებში მცხოვრებ მოსწავლეთა ტრანსპორტირებით მომსახურება (პროგრამული კოდი 06 02 10)

გათვალისწინებულია: მაღალმთიან სოფლებში მცხოვრებ მოსწავლეთა მგზავრობის ხელშეწყობა. ამ პროგრამით სარგებლობს 1 სკოლა , ბავშვების რაოდენობა 29;

4.2.6 სოციალურად დაუცველი მოსახლეობის დახმარება (პროგრამული კოდი 06 02 11)

 განხორციელდება სოციალურად დაუცველი მოსახლეობის დახმარების და იძულებით გადაადგილებულ პირთა დახმარების ღონისძიებების დაფინანსება;

 4.2.6.1 ა(ა)იპ უფასო სასადილო მზრუნველობა მოკლებულთათვის პროგრამული კოდი 06 02 11 01)

გათვალისწინებულია: ლანჩხუთის მუნიციპალიტეტის მცხოვრები და რეგისტრირებული უკიდურესად შეჭირვებული მოხუცებისა და შეზღუდული შესაძლებლობის მქონე პირთა ( 0 დან 57000 –მდე ქულის მქონე) 60 ბენეფიციარის ერთჯერადად კვება ყოველდღიურად უფასო სასადილოში, ასევე 20 ბენეფიციარზე ხდება საკვების მიტანა ბინაზე კვირაში ოთხჯერ

4.2.6.2 იძულებით გადაადგილებულ პირთა დახმარება (პროგრამული კოდი 06 02 11 02)

 გათვალისწინებულია: ლანჩხუთის მუნიციპალიტეტში რეგისტრირებული იძულებით გადაადგილებულ პირთა ოჯახების სათბობი შეშით უზრუნველყოფა ერთჯერადად;

4.2.6.3 სხვადასხვა ომებსა და კონფლიქტებში მონაწილე ვეტერანთა დახმარება (პროგრამული კოდი 06 02 11 03)

 გათვალისწინებულია: ომის მონაწილეთა გარდაცვალების შემთხვევაში მათი ოჯახებისთვის ერთჯერადი დახმარება 250 ლარის ოდენობით, საქართველოს ტერიტორიული მთლიანიობისათვის ბრძოლაში დაღუპული მეომრების ოჯახების, საქართველოს ტერიტორიული მთლიანობისათვის ომის შემდგომ გარდაცვლილი ვეტერანების ოჯახების, საქართველოს ტერიტორიული მთლიანობისათვის ომში მონაწილე ვეტერანთა შეჭირვებული ოჯახების (50 ბენეფიციარი), სხვა სახელმწიფოთა ტერიტორიაზე მებრძოლ შეჭირვებულ ვეტერანთა (5 ბენეფიციარი) დახმარების პროგრამა;

4.2.6.4 მძიმე საცხოვრებელ პირობებში მყოფი შეჭირვებული ოჯახების დახმარების და დროებითი თავშესაფრით უზრუნველყოფა(პროგრამული კოდი 06 02 11 05)

 გათვალისწინებულია: მძიმე საცხოვრებელ პირობებში მყოფი პირების ოჯახების ერთჯერადი დახმარება, ავარიულ მდგომარეობაში არსებული და სტიქიით დაზიანებული საცხოვრებელი სახლის მოწესრიგება. მძიმე საცხოვრებელ პირობებში მყოფი ოჯახების თავშესაფრით უზრუნველყოფა, მათ შორის ბინის ქირის გადასახადი, ზედა ჭერი თვეში 100 ლარი;

4.2.7,,გამარჯვებულ ქალთა კლუბის" რეაბილიტაცია (პროგრამული კოდი 06 02 14)

გათვალისწინებულია: ძუძუს კიბოს დიაგნოზით ნაოპერაციები ქალების რეაბილიტაცია და მხარდაჭერა;

4.2.8 ხანდაზმულ (100 და მეტი წლის ასაკის) პირთა დახმარება (პროგრამული კოდი 06 02 15)

 გათვალისწინებულია: ლანჩხუთის მუნიციპალიტეტში მცხოვრები და რეგისტრირებული 100 და მეტი წლის ასაკის ხანდაზმულების ერთჯერადი დახმარება.

 5. მმართველობა და თავდაცვა. (პროგრამული კოდი 01 00, 02 00)

პროგრამის ფარგლებში გამხორციელდება წარმომადგენლობითი და აღმასრულებელი ორგანოების დაფინანსება.

5.1. მმართველობა

პროგრამის მიზანი: წარმომადგენლობითი და აღმასრულებელი ორგანოების გამართული და კვალიფიციური მუშაობა.

 პროგრამის აღწერა: პრიორიტეტი მოიცავს ისეთ ღონისძიებებს, რომლებიც ადმინისტრაციული ხასიათისაა და ხელს უწყობს სისტემის გამართულ ფუნქციონირებას, როგორიცაა მუნიციპალიტეტის სტრუქტურული ერთეულების, მუნიციპალიტეტის საკრებულოს, აპარატის შენახვის ხარჯები, მათ შორის: თანამდებობრივი სარგო, ჯილდო, დანამატი და სხვა. ასევე, მოიცავს ბიუჯეტის სარეზერვო ფონდს, წინა წლებში წარმოქმნილი დავალიანებების დაფარვისა და სასამართლო გადაწყვეტილებების აღსრულების ფონდს.

 5.2. თავდაცვა

პროგრამის მიზანი: კანონით განსაზღვრული დელეგირებული ფუნციების უზრუნველყოფა.

 პროგრამის აღწერა: შეიარაღებული ძალების თავდაცვისუნარიანობის ამაღლების მიზნით ხორციელდება მოსწავლეთა პირველადი აღწერა, წვევამდელთა გაწვევის პუნქტებამდე ტრანსპორტირება და სამედიცინო შემოწმება, ასევე სარეზერვო ძალების მობილიზება.