ლაგოდეხის მუნიციპალიტეტის მერიის სამართლებრივი უზრუნველყოფისა და ზედამხედველობის სამსახურის დებულების დამტკიცების შესახებ

მუხლი 1. მერიის სამართლებრივი უზრუნველყოფისა და ზედამხედველობის სამსახური

1. მერიის სამართლებრივი უზრუნველყოფისა და ზედამხედველობის სამსახური (ტექსტში შემდგომ - სამსახური ) არის მუნიციპალიტეტის მერიის სტრუქტურული ერთეული , რომლის ამოცანაა ადგილობრივი თვითმმართველობის ორგანოებისა და მერიის სამსახურების საქმიანობის სამართლებრივი უზრუნველყოფა , ზედამხედველობის განხორციელება მშენებარე შენობა - ნაგებობებზე , წარმოებული სამშენებლო ნაგებობების კონსტრუქციების საპროექტო და სახელმძღვანელო დოკუმენტაციასთან შესაბამისობის უზრუნველყოფა , მშენებლობის დაწყებიდან დასრულებამდე დადგენილი ორგანიზაციულ -სამართლებრივი წესრიგზე , გარე რეკლამის განთავსებასა და გარე ვაჭრობაზე ზედამხედველობა , მოსახლეობის ჯანმრთელობისათვის უსაფრთხო გარემოს უზრუნველყოფა და მიწათსარგებლობის წესების დაცვა , ასევე ადგილობრივი მოსაკრებლების ადმინისტრირება .

2. სამსახური თავის საქმიანობას წარმართავს მოქმედი კანონმდებლობის , მერიის დებულების , ამ დებულებისა და მუნიციპალიტეტის სხვა სამართლებრივი აქტების შესაბამისად .

3. სამსახურს აქვს ბლანკი სამსახურის სახელწოდების აღნიშვნით .

მუხლი 2. სამსახურის სტრუქტურა

1. სამსახური შედგება სამსახურის უფროსისა და სტრუქტურული ქვედანაყოფების - განყოფილებებისაგან .

2. სამსახურის სტრუქტურული ქვედანაყოფებია :

ა ) სამართლებრივი უზრუნველყოფის განყოფილება

ბ ) ზედამხედველობისა და მოსაკრებლების ადმინისტრირების განყოფილება

3. სამსახურის საქმიანობას წარმართავს სამსახურის უფროსი , რომლის უფლებამოსილებები განისაზღვრება მერიის დებულების მე -9 მუხლით . სამსახურის უფროსის არყოფნის შემთხვევაში , გამგებლის ბრძანებით სამსახურის უფროსის უფლება -მოვალეობების განხორციელება შეიძლება დაევალოს მერიის ერთ -ერთ საჯარო მოხელეს .

4. სამსახურის განყოფილება შედგება განყოფილების უფროსისა და განყოფილების საჯარო მოსამსახურეებისაგან .

5. განყოფილების საქმიანობას წარმართავს განყოფილების უფროსი , რომლის უფლებამოსილებები და სამსახურებრივი ფუნქციები განისაზღვრება მერიის დებულების მე -15 მუხლით და შესაბამისი სამუშაოთა აღწერილობით . განყოფილების უფროსის არყოფნის შემთხვევაში , მერის ბრძანებით სამსახურის უფროსის უფლება -მოვალეობების განხორციელება შეიძლება დაევალოს მერიის ერთ -ერთ საჯარო მოხელეს .

6. სამსახურის საჯარო მოსამსახურეების უფლება -მოვალეობები განისაზღვრება მერიის დებულების მე -18 მუხლით . სამსახურის საჯარო მოსამსახურეების ფუნქციები განისაზღვრება შესაბამისი სამუშაოთა აღწერილობებით .

7. სამსახურის მოსამსახურეების მოხელეთა თანამდებობაზე დანიშვნა -გათავისუფლების , მათ შორის , დაწინაურების , გადაყვანისა და ა .შ . წესები განისაზღვრება მერიის დებულებით , ,,საჯარო სამსახურის შესახებ " საქართველოს კანონის შესაბამისად .

მუხლი 3. სამართლებრივი უზრუნველყოფისა და ზედამხედველობის სამსახურის ფუნქციები

მერიის იურიდიული სამსახური უზრუნველყოფს :

ა ) მერის , მერიის სამსახურებისა და თანამდებობის პირების იურიდიულ კონსულტირებას , სამართლებრივი დასკვნების მომზადებას ;

ბ ) მუნიციპალიტეტის თანამშრომელთათვის კონსულტაციების მიცემას საქართველოს კანონმდებლობასთან  მიმართებაში ;

გ ) მერიაში შემუშავებული სამართლებრივი აქტების პროექტების , ადმინისტრაციული გარიგებების , ადმინისტრაციული სამართალდარღვევის ოქმების და სხვა დოკუმენტების სამართლებრივ გამართულობას , მათ შესაბამისობას მოქმედ კანონმდებლობასთან და მუნიციპალიტეტის ნორმატიულ აქტებთან ;

დ ) მუნიციპალიტეტის კანონიერი ინტერესების დაცვას სასამართლოში ;

ე ) მუნიციპალიტეტის კანონიერი ინტერესების დაცვას სამართლებრივ ურთიერთობებში სახელმწიფო  ორგანოებთან , ფიზიკურ და იურიდიულ პირებთან ;

ვ ) მოქალაქეთა განცხადებების /საჩივრების განხილვასა და შესაბამისი დასკვნების მომზადებას ;

ზ ) განიხილავს მერიის სტრუქტურული ერთეულების მიერ მომზადებულ ცალკეულ საკითხებს საქართველოს კანონმდებლობასთან შესაბამისობის თაობაზე ;

თ ) მერის სამოქალაქო მრჩეველთა საბჭოს მოწვევის ორგანიზებას ;

ი ) მერიის სამსახურებისა და ადმინისტრაციული ერთეულების საქმიანობასთან დაკავშირებული სამართლებრივი აქტების მომზადებას ;

კ ) მერიის საჯარო მოსამსახურეთა სამსახურში მიღების , სამსახურებრივი გადაადგილების , გადაყვანის , განთავისუფლების , უფლებამოსილებათა შეჩერების , შვებულებაში გასვლის და მივლინების თაობაზე მომზადებული სამართლებრივი აქტების პროექტების ვიზირებას ;

ლ ) დასახლების საერთო კრების მოწვევისა და საქმიანობის ხელშეწყობის მიზნით სამართლებრივ საკითხზე კონსულტაციების გაწევა ;

მ ) მუნიციპალიტეტის მოსახლეობისათვის სამართლებრივ საკითხებზე  კონსულტაციებისა და განმარტებების მიცემას ;

ნ ) ტექნიკური და სამშენებლო საქმიანობის დადგენილი წესების კანონის დარღვევით მიმდინარე ფაქტების გამოვლენას , დარღვევით მშენებარე ობიექტის მშენებლობის შეჩერებას ან /და დემონტაჟს , მათ მიმართ კანონით განსაზღვრული საჯარიმო სანქციების გამოყენებას ;

ო ) სამშენებლო ,სარემონტო და საავარიო სამუშაოების წარმოების წესების დაცვაზე კონტროლს (სამშენებლო და სარემონტო ტერიტორიების შემოღობვა );

პ ) გარე რეკლამის განთავსებაზე კონტროლს ;

ჟ ) მუნიციპალიტეტის ტერიტორიაზე განლაგებული საწარმო - დაწესებულებების , ორგანიზაციების , იურიდიული და ფიზიკური პირების მიერ კეთილმოწყობის წესების დაცვაზე (შენობა -ნაგებობების ფასადების , გზის საფარის , გამწვანებული ტერიტორიების , ვიტრინების , კომუნიკაციათა კარადების და ჭების , საქალაქო მეურნეობის სხვა ელემენტების ტექნიკურ -ესთეტიკურ მდგომარეობაზე ) კონტროლს ;

რ ) ავტოსატრანსპორტო საშუალებების პარკირების დადგენილი წესების დაცვაზე კონტროლს ;

ს ) უკანონო , უსახური და ამორტიზებული ჯიხურების , მანქანა -დანადგარების , დახლების , სტელაჟების , სარეკლამო და საინფორმაციო დაფების , ფირნიშების , აბრების , აფიშების , პლაკატების და სხვა სარეკლამო ატრიბუტების უკანონო განთავსების ფაქტების გამოვლენა , მათი აღკვეთისა და საჯარიმო სანქციების გამოყენებას ;

ტ ) თავისი კომპეტენციის ფარგლებში , მიწის ნაკვეთების უნებართვოდ დაკავების ან /და მიწათსარგებლობის უფლების გარეშე სარგებლობის , მიწის მდგომარეობაზე უარყოფითი გავლენის მქონე ობიექტების მშენებლობის ფაქტების გამოვლენა და მოქმედი კანონმდებლობის შესაბამისად ღონისძიებების გატარებას ;

უ ) საქართველოს ადმინისტრაციულ სამართალდარღვევათა კოდექსის და პროდუქტის უსაფრთხოებისა და თავისუფალი მიმოქცევის კოდექსის დამრღვევი ფიზიკური ან /და იურიდიული პირების მიმართ საქართველოს კანონმდებლობით დადგენილი პასუხისმგებლობის ზომების გამოყენებას ;

ფ ) ახლად აშენებული , რეკონსტრუირებული ობიექტების , დამთავრებული სამუშაოების მიმღებ კომისიებში მონაწილეობის მიღებას ;

 ქ ) საქართველოს ნარჩენების მართვის კოდექსის შესაბამისად , დამრღვევი ფიზიკური ან /და იურიდიული პირების მიმართ კანონმდებლობით დადგენილი პასუხისმგებლობის ზომების გამოყენებას ;

ღ ) ადგილობრივი მოსაკრებლის ადმინისტრირებას .

ყ ) მოქმედი კანონმდებლობითა და მუნიციპალიტეტის სამართლებრივი აქტებით განსაზღვრული სხვა ფუნქციების განხორციელებას .

მუხლი 4. სამსახურის სამართლებრივი უზრუნველყოფის განყოფილების ფუნქციები

სამართლებრივი უზრუნველყოფის განყოფილება დადგენილი წესით უზრუნველყოფს :

ა ) მერის , მერიის სამსახურებისა და თანამდებობის პირების იურიდიულ კონსულტირებას , სამართლებრივი დასკვნების მომზადებას ;

ბ ) მუნიციპალიტეტის თანამშრომელთათვის კონსულტაციების მიცემას საქართველოს კანონმდებლობასთან მიმართებაში ;

გ ) მერიაში შემუშავებული სამართლებრივი აქტების პროექტების , ადმინისტრაციული გარიგებების , ადმინისტრაციული სამართალდარღვევის ოქმების და სხვა დოკუმენტების სამართლებრივ გამართულობას , მათ შესაბამისობას მოქმედ კანონმდებლობასთან და მუნიციპალიტეტის ნორმატიულ აქტებთან ;

დ ) მუნიციპალიტეტის კანონიერი ინტერესების დაცვას სასამართლოში ;

ე ) მუნიციპალიტეტის კანონიერი ინტერესების დაცვას სამართლებრივ ურთიერთობებში სახელმწიფო  ორგანოებთან , ფიზიკურ და იურიდიულ პირებთან ;

ვ ) მოქალაქეთა განცხადებების /საჩივრების განხილვასა და შესაბამისი დასკვნების მომზადებას ;

ზ ) განიხილავს მერიის სტრუქტურული ერთეულების მიერ მომზადებულ ცალკეულ საკითხებს საქართველოს კანონმდებლობასთან შესაბამისობის თაობაზე ;

 თ ) მერიის სამსახურებისა და ადმინისტრაციული ერთეულების საქმიანობასთან დაკავშირებული სამართლებრივი აქტების მომზადებას ;

კ ) მერიის საჯარო მოსამსახურეთა სამსახურში მიღების , სამსახურებრივი გადაადგილების , გადაყვანის , განთავისუფლების , უფლებამოსილებათა შეჩერების , შვებულებაში გასვლის და მივლინების თაობაზე მომზადებული სამართლებრივი  აქტების ვიზირებას ;

ლ ) მუნიციპალიტეტის მოსახლეობისათვის სამართლებრივ საკითხებზე  კონსულტაციებისა და განმარტებების მიცემას ;

მ ) დასახლების საერთო კრების მოწვევისა და საქმიანობის ხელშეწყობის მიზნით სამართლებრივ საკითხზე კონსულტაციების გაწევას ;

ნ ) მერის სამოქალაქო მრჩეველთა საბჭოს მოწვევის ორგანიზებას ;

ო ) მოქმედი კანონმდებლობითა და მუნიციპალიტეტის სამართლებრივი აქტებით განსაზღვრული სხვა ფუნქციების განხორციელებას .

მუხლი 5. სამსახურის ზედამხედველობისა და მოსაკრებლების ადმინისტრირების განყოფილების ფუნქციები

ზედამხედველობის განყოფილება დადგენილი წესით უზრუნველყოფს :

ა ) ტექნიკური და სამშენებლო საქმიანობის დადგენილი წესების კანონის დარღვევით მიმდინარე ფაქტების გამოვლენას , დარღვევით მშენებარე ობიექტის მშენებლობის შეჩერებას ან /და დემონტაჟს , მათ მიმართ კანონით განსაზღვრული საჯარიმო სანქციების გამოყენებას ;

ბ ) სამშენებლო ,სარემონტო და საავარიო სამუშაოების წარმოების წესების დაცვაზე კონტროლს (სამშენებლო და სარემონტო ტერიტორიების შემოღობვა );

გ ) გარე რეკლამის განთავსებაზე კონტროლს ;

დ ) მუნიციპალიტეტის ტერიტორიაზე განლაგებული საწარმო - დაწესებულებების , ორგანიზაციების , იურიდიული და ფიზიკური პირების მიერ კეთილმოწყობის წესების დაცვაზე (შენობა -ნაგებობების ფასადების , გზის საფარის , გამწვანებული ტერიტორიების , ვიტრინების , კომუნიკაციათა კარადების და ჭების , საქალაქო მეურნეობის სხვა ელემენტების ტექნიკურ -ესთეტიკურ მდგომარეობაზე ) კონტროლს ;

ე ) ავტოსატრანსპორტო საშუალებების პარკირების დადგენილი წესების დაცვაზე კონტროლს ;

ვ ) უკანონო , უსახური და ამორტიზებული ჯიხურების , მანქანა -დანადგარების , დახლების , სტელაჟების , სარეკლამო და საინფორმაციო დაფების , ფირნიშების , აბრების , აფიშების , პლაკატების და სხვა სარეკლამო ატრიბუტების უკანონო განთავსების ფაქტების გამოვლენა , მათი აღკვეთისა და საჯარიმო სანქციების გამოყენებას ;

ზ ) თავისი კომპეტენციის ფარგლებში , მიწის ნაკვეთების უნებართვოდ დაკავების ან /და მიწათსარგებლობის უფლების გარეშე სარგებლობის , მიწის მდგომარეობაზე უარყოფითი გავლენის მქონე ობიექტების მშენებლობის ფაქტების გამოვლენა და მოქმედი კანონმდებლობის შესაბამისად ღონისძიებების გატარებას ;

თ ) საქართველოს ადმინისტრაციულ სამართალდარღვევათა კოდექსის , პროდუქტის უსაფრთხოებისა და თავისუფალი მიმოქცევის კოდექსის დამრღვევი ფიზიკური ან /და იურიდიული პირების მიმართ საქართველოს კანონმდებლობით დადგენილი პასუხისმგებლობის ზომების გამოყენებას ;

ი ) ახლად აშენებული , რეკონსტრუირებული ობიექტების , დამთავრებული სამუშაოების მიმღებ კომისიებში მონაწილეობის მიღებას ;

 კ ) საქართველოს ნარჩენების მართვის კოდექსის შესაბამისად , დამრღვევი ფიზიკური ან /და იურიდიული პირების მიმართ კანონმდებლობით დადგენილი პასუხისმგებლობის ზომების გამოყენებას ;

ლ ) ადგილობრივი მოსაკრებლის ადმინისტრირებას .

 მ ) მოქმედი კანონმდებლობითა და მუნიციპალიტეტის სამართლებრივი აქტებით განსაზღვრული სხვა ფუნქციების განხორციელებას .