ლაგოდეხის მუნიციპალიტეტის მერიის ,,სამართლებრივი უზრუნველყოფისა და ზედამხედველობის სამსახურის დებულების დამტკიცების შესახებ“ ლაგოდეხის მუნიციპალიტეტის საკრებულოს 2017 წლის 22 დეკემბრის №52 დადგენილებაში ცვლილების შეტანის თაობაზე

1. დებულების პირველი მუხლის:

ა) პირველი პუნქტი ჩამოყალიბდეს შემდეგი რედაქციით:

„1. მერიის სამართლებრივი უზრუნველყოფისა და ზედამხედველობის სამსახური (ტექსტში შემდგომ – სამსახური) არის მუნიციპალიტეტის მერიის სტრუქტურული ერთეული, რომლის ამოცანაა ადგილობრივი თვითმმართველობის ორგანოებისა და მერიის სამსახურების საქმიანობის სამართლებრივი უზრუნველყოფა, ზედამხედველობის განხორციელება მშენებარე შენობა- ნაგებობებზე, წარმოებული სამშენებლო ნაგებობების კონსტრუქციების საპროექტო და სახელმძღვანელო დოკუმენტაციასთან შესაბამისობის უზრუნველყოფა, მშენებლობის დაწყებიდან დასრულებამდე დადგენილი ორგანიზაციულ-სამართლებრივ წესრიგზე, გარე რეკლამის განთავსებასა და გარე ვაჭრობაზე ზედამხედველობა, მოსახლეობის ჯანმრთელობისათვის უსაფრთხო გარემოს უზრუნველყოფა და მიწათსარგებლობის წესების დაცვა, ადმინისტრაციულ სამართალდარღვევებზე რეაგირება - ადმინისტრაციული სამართალდარღვევის ოქმისა და საჯარიმო ქვითრის შედგენა, ასევე ადგილობრივი მოსაკრებლების ადმინისტრირება.“;

ბ) მე-2 პუნქტის შემდეგ დაემატოს შემდგი შინაარსის 2¹ პუნქტი:

„2¹.სამსახურის უფროსი თავისი უფლებამოსილების ფარგლებში გამოსცემს ინდივიდუალურ ადმინისტრაციულ-სამართლებრივ აქტებს, მათ შორის მშენებლობის შეჩერების შესახებ ინდივიდუალურ ადმინისტრაციულ-სამართლებრივ აქტებს - ბრძანებებს.“.

2. დებულების მე-3 მუხლის:

ა) „უ“ ქვეპუნქტი ჩამოყალიბდეს შემდეგი რედაქციით:

„უ) საქართველოს ადმინისტრაციულ სამართალდარღვევათა კოდექსის(გარდა 46⁵, 46⁶, 172⁸ და 172⁹ მუხლებით გათვალისწინებული ადმინისტრაციული სამართალდარღვევებისა) და „საქართველოს სივრცის დაგეგმარების, არქიტექტურული და სამშენებლო საქმიანობის კოდექსის“  დამრღვევი ფიზიკური ან/და იურიდიული პირების მიმართ საქართველოს კანონმდებლობით დადგენილი პასუხისმგებლობის ზომების გამოყენებას;“;

ბ)“უ“ ქვეპუნქტის შემდეგ დაემატოს შემდეგი შინაარსის „უ¹“ პუნქტი:

„უ¹) საქართველოს ადმინისტრაციულ სამართალდარღვევათა კოდექსითა და „ნარჩენების მართვის კოდექსით“ გათალისწინებულ შემთხვევებში ადმინისტრაციული სამართალდარღვევის საქმის ადგილზე განხილვასა და ადმინისტრაციული სახდელის ადგილზე შეფარდებას.“.

3.დებულების მე-5 მუხლის:

ა) „თ“ ქვეპუნქტი ჩამოყალიბდეს შემდეგი რედაქციით:

„თ) საქართველოს ადმინისტრაციულ სამართალდარღვევათა კოდექსის(გარდა 46⁵, 46⁶, 172⁸ და 172⁹ მუხლებით გათვალისწინებული ადმინისტრაციული სამართალდარღვევებისა) და „საქართველოს სივრცის დაგეგმარების, არქიტექტურული და სამშენებლო საქმიანობის კოდექსის“  დამრღვევი ფიზიკური ან/და იურიდიული პირების მიმართ საქართველოს კანონმდებლობით დადგენილი პასუხისმგებლობის ზომების გამოყენებას;“;

ბ) „თ“ ქვეპუნქტის შემდეგ დაემატოს შემდეგი შინაარსის „თ¹“ პუნქტი:

„თ¹) საქართველოს ადმინისტრაციულ სამართალდარღვევათა კოდექსითა და „ნარჩენების მართვის კოდექსით“ გათალისწინებულ შემთხვევებში ადმინისტრაციული სამართალდარღვევის საქმის ადგილზე განხილვასა და ადმინისტრაციული სახდელის ადგილზე შეფარდებას.“.