დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
კონსოლიდირებული პუბლიკაციები
უკან დაბრუნება | ახალციხის მუნიციპალიტეტის 2017 წლის ბიუჯეტის დამტკიცების შესახებ | |
|---|---|
| დოკუმენტის ნომერი | 25 |
| დოკუმენტის მიმღები | ახალციხის მუნიციპალიტეტი |
| მიღების თარიღი | 19/12/2016 |
| დოკუმენტის ტიპი | მუნიციპალიტეტის საკრებულოს დადგენილება |
| გამოქვეყნების წყარო, თარიღი | ვებგვერდი, 21/12/2016 |
| ძალაში შესვლის თარიღი | 01/01/2017 |
| ძალის დაკარგვის თარიღი | 01/01/2018 |
| სარეგისტრაციო კოდი | 190020020.35.138.016260 |
| კონსოლიდირებული პუბლიკაციები | |
დოკუმენტის კონსოლიდირებული ვარიანტის ნახვა ფასიანია, აუცილებელია სისტემაში შესვლა და საჭიროების შემთხვევაში დათვალიერების უფლების ყიდვა, გთხოვთ გაიაროთ რეგისტრაცია ან თუ უკვე რეგისტრირებული ხართ, გთხოვთ, შეხვიდეთ სისტემაში
პირველადი სახე (21/12/2016 - 16/02/2017)
|
,,ადგილობრივი თვითმმართველობის კოდექსი” საქართველოს ორგანული კანონის 24-ე მუხლის პირველი ნაწილის ,,დ.ა” ქვეპუქტის და საქართველოს კანონის „საქართველოს საბიუჯეტო კოდექსი“ 78-ე მუხლის შესაბამისად, ახალციხის მუნიციპალიტეტის საკრებულო ადგენს: |
| მუხლი 1 |
დამტკიცდეს ახალციხის მუნიციპალიტეტის 2017 წლის ბიუჯეტი დანართის შესაბამისად.
|
| მუხლი 2 |
დადგენილება ძალაში შევიდეს 2017 წლის 1 იანვრიდან. |
|
თავი I
ახალციხის მუნიციპალიტეტის 2017 წლის ბიუჯეტი მუხლი 1. ახალციხის მუნიციპალიტეტის ბიუჯეტის ბალანსი განისაზღვროს ახალციხის მუნიციპალიტეტის ბიუჯეტის ბალანსი თანდართული რედაქციით:
მუხლი 2. ახალციხის მუნიციპალიტეტის ბიუჯეტის შემოსულობები, გადასახდელები და ნაშთის ცვლილება განისაზღვროს ახალციხის მუნიციპალიტეტის ბიუჯეტის შემოსულობები, გადასახდელები და ნაშთის ცვლილება თანდართული რედაქციით:
მუხლი 3. ახალციხის მუნიციპალიტეტის ბიუჯეტის შემოსულობები განისაზღვროს მუნიციპალიტეტის ბიუჯეტის შემოსულობები 6 400,0 ათასი ლარის ოდენობით:
მუხლი 4. ახალციხის მუნიციპალიტეტის ბიუჯეტის გადასახადები განისაზღვროს მუნიციპალიტეტის ბიუჯეტის გადასახადები 5830.0 ათასი ლარის ოდენობით:
მუხლი 5. მუნიციპალიტეტის ბიუჯეტის გრანტები განისაზღვროს მუნიციპალიტეტის ბიუჯეტის გრანტები 110,0 ათასი ლარის ოდენობით
მუხლი 6. მუნიციპალიტეტის ბიუჯეტის სხვა შემოსავლები განისაზღვროს მუნიციპალიტეტის ბიუჯეტის სხვა შემოსავლები 407.0 ათასი ლარის ოდენობით:
მუხლი 7. მუნიციპალიტეტის ბიუჯეტის ხარჯები განისაზღვროს მუნიციპალიტეტის ბიუჯეტის ხარჯები 4 706.9 ათასი ლარის ოდენობით, თანდართული რედაქციით:
მუხლი 8. მუნიციპალიტეტის ბიუჯეტის არაფინანსური აქტივების ცვლილება განისაზღვროს მუნიციპალიტეტის ბიუჯეტის არაფინანსური აქტივების ცვლილება 1640,1 ათასი ლარის ოდენობით, მათ შორის: ა) განისაზღვროს მუნიციპალიტეტის ბიუჯეტის არაფინანსური აქტივების ზრდა 1693,1 ათასი ლარის ოდენობით, თანდართული რედაქციით:
ბ) განისაზღვროს მუნიციპალიტეტის ბიუჯეტის არაფინანსური აქტივების კლება 53,0 ათასი ლარის ოდენობით, მათ შორის:
მუხლი 9. მუნიციპალიტეტის ბიუჯეტის ხარჯებისა და არაფინანსური აქტივების ზრდის ფუნქციონალური კლასიფიკაცია განისაზღვროს მუნიციპალიტეტის ბიუჯეტის ხარჯებისა და არაფინანსური აქტივების ზრდა ფუნქციონალურ ჭრილში, თანდართული რედაქციით:
მუხლი 10. ახალციხის მუნიციპალიტეტის ბიუჯეტის მთლიანი სალდო განისაზღვროს ახალციხის 2016 წლის ბიუჯეტის მთლიანი სალდო 0,0 ათასი ლარის ოდენობით.
მუხლი 11. ახალციხის მუნიციპალიტეტის ბიუჯეტის ფინანსური აქტივების ცვლილება 1. განისაზღვროს ახალციხის მუნიციპალიტეტის ბიუჯეტის ფინანსური აქტივების ცვლილება 0,0 ათასი ლარის ოდენობით. 2. განისაზღვროს ახალციხის მუნიციპალიტეტის ბიუჯეტის ფინანსური აქტივების კლება 0,0 ათასი ლარის ოდენობით. მუხლი 12. ახალციხის მუნიციპალიტეტის ბიუჯეტის ვალდებულებების ცვლილება 1. განისაზღვროს ახალციხის მუნიციპალიტეტის ბიუჯეტის ვალდებულებების ცვლილება - 0 ლარის ოდენობით. მუხლი 13. ახალციხის მუნიციპალიტეტის ბიუჯეტის სარეზერვო ფონდი ახალციხის მუნიციპალიტეტის ბიუჯეტით გაუთვალისწინებელი გადასახდელების დაფინანსების მიზნით ბიუჯეტში შეიქმნას სარეზერვო ფონდი 100.0 ათასი ლარის ოდენობით და მისი განკარგვა განხორციელდეს მუნიციპალიტეტის გამგებლის ბრძანების შესაბამისად.
მუხლი 14. სახელმწიფო ბიუჯეტიდან მიღებული მიზნობრივი ტრანსფერი 1. დელეგირებული უფლებამოსილებების განსახორციელებლად სახელმწიფო ბიუჯეტიდან მიღებული მიზნობრივი ტრანსფერი, 110.0 ათასი ლარი, მიიმართოს: ა) „საზოგადოებრივი ჯანმრთელობის შესახებ“ საქართველოს კანონით განსაზღვრული უფლებამოსილების განხორციელებისათვის 66,0 ათასი ლარი; ბ) „სამხედრო ვალდებულებისა და სამხედრო სამსახურის შესახებ“ და „სამხედრო სარეზერვო სამსახურის შესახებ“ საქართველოს კანონებით განსაზღვრული უფლებამოსილების განხორციელებისათვის 42.0 ათასი ლარი; გ) „სამშობლოს დაცვისას დაღუპულთა და ომის შემდეგ გარდაცვლილ მეომართა, იძულებით გადაადგილებულ პირთა სარიტუალო მომსახურების საქართველოს კანონით განსაზღვრული უფლებამოსილების განხორციელებისათვის 2.0 ათასი ლარი; 2. „საქართველოს საბიუჯეტო კოდექსი“-ს 69-ე მუხლის საფუძველზე წლის განმავლობაში შესაძლებელია დელეგირებული უფლებამოსილებების განსახორციელებლად გამოყოფილი მიზნობრივი ტრანსფერის ამ მუხლის პირველი პუნქტით განსაზღვრულ ღონისძიებებს შორის ურთიერთგადანაწილება. მუხლი 15. მოსახლეობის სოციალური უზრუნველყოფა მოსახლეობის სოციალური უზრუნველყოფის პროგრამისათვის გამოყოფილი ასიგნებების განკარგვა განხორციელდეს საქართველოს კანონმდებლობის შესაბამისად.
თავი II ახალციხის მუნიციპალიტეტის ბიუჯეტის პრიორიტეტები და პროგრამები მუხლი 16. მუნიციპალიტეტის ბიუჯეტის პრიორიტეტები და პროგრამები 1. თავდაცვა, საზოგადოებრივი წესრიგი და უსაფრთხოება ქვეყნის თავდაცვისუნარიანობის ხარისხის ამაღლების ხელშეწყობის მიზნით ხორციელდება სამხედრო აღრიცხვის და გაწვევის, წვევამდელთა სამედიცინო შემოწმებისა და ტრანსპორტირების ღონისძიებები. ა. ქვეყნის თავდაცვისუნარიანობის ამაღლების ხელშეწყობა 42.0 ათასი ლარი (პროგრამული კოდი 02 03) საქართველოს შეიარაღებული ძალების საბრძოლო მზადყოფნის ამაღლებისათვის ახალციხის მუნიციპალიტეტში ხორციელდება წვევამდელთა რეგისტრაცია, აღრიცხვა და მათი გაწვევის პუნქტებამდე ტრანსპორტირების უზრუნველყოფა. 2. ინფრასტრუქტურის მშენებლობა, რეაბილიტაცია და ექსპლოატაცია 2 336,1 ათასი ლარი (პროგრამული კოდი 03 00) ახალციხის მუნიციპალიტეტის ეკონომიკური განვითარებისათვის აუცილებელ პირობას წარმოადგენს მუნიციპალური ინფრასტრუქტურის შემდგომი გაუმჯობესება და აღნიშნული მიმართულება ბიუჯეტის ერთ-ერთ მთავარ პრიორიტეტს წარმოადგენს. პრიორიტეტის ფარგლებში გაგრძელდება საგზაო ინფრასტრუქტურის მშენებლობა-რეაბილიტაცია, დასასვენებელი პარკების, სკვერების და საცხოვრებელი კორპუსების კეთილმოწყობა. მუნიციპალური ინფრასტრუქტურის მშენებლობისა და რეაბილიტაციის გარდა განხორციელდება არსებული ინფრასტრუქტურის მოვლა-შენახვა და დაფინანსდება მის ექსპლოატაციასთან დაკავშირებული ხარჯები. ა) საგზაო ინფრასტრუქტურის მშენებლობა-რეაბილიტაცია და მოვლა-შენახვა 1 125,1 ათასი ლარი (პროგრამული კოდი 03 01) პროგრამის ფარგლებში განხორციელდება ახალციხის მუნიციპალიტეტი სამოქმედო ტერიტორიაზე არსებული ქუჩების, გზების, ხიდების და მილსადენების მშენებლობა-რეაბილიტაცია, ასევე რეაბილიტირებული ცენტრალური გზების მდგომარეობის შენარჩუნება. საგზაო მოძრაობის დადგენილი წესების მიხედვით შესაბამისი საგზაო ნიშნების, გადასასვლელებისა და სიჩქარის შემზღუდავი ბარიერების მოწყობა. ზამთრის პერიოდში შიდა გზების ჭარბი თოვლისაგან გათავისუფლება; ბ) კომუნალური ინფრასტრუქტურის მშენებლობა-რეაბილიტაცია და ექსპლოატაცია 898,0 ათასი ლარი (პროგრამული კოდი 03 02) პროგრამის ფარგლებში განხორციელდება გარე განათების ქსელის გაფართოება, არსებული ქსელის მოვლა-შენახვა, მისი ექსპლოატაციასთან დაკავშირებული ხარჯები. ასევე მოხდება ახალციხის მუნიციპალიტეტის ტერიტორიაზე სასმელი წყლის სისტემების მაგისტრალების და სათავე-ნაგებობების, სარწყავი სისტემების მშენებლობა-რეაბილიტაცია, ასევე ახალციხის მუნიციპალიტეტის ტერიტორიაზე დაგვა დასუფთავება და მყარი ნარჩენების გატანა;
ბ.ა) დასუფთავება 320.0 ათასი ლარი (პროგრამული კოდი 03 02 01) ქვეპროგრამის ფარგლებში გათვალისწინებულია მუნიციპალიტეტის სამოქმედო ტერიტორიის დაგვა-დასუფთავება, შეგროვება და ნარჩენების გატანა; ბ.ბ) გარე განათების მოწყობა, რეაბილიტაცია და ექსპლოატაცია 110,0 ათასი ლარი (პროგრამული კოდი 03 02 02) დღე-ღამის ნებისმიერ დროს მოსახლეობის კომფორტული და უსაფრთხო გადაადგილებისათვის აუცილებელ პირობას წარმოადგენს გარე განათება, რისი გათვალისწინებითაც ქვეპროგრამის ფარგლებში დაფინანსდება გარე განათების არსებული ქსელის მოვლა-პატრონობა, გახარჯული ელექტროენერგიის ღირებულების გადახდა. რეაბილიტირებულ გზებზე ახალი სანათი წერტილების მოწყობა; ბ.გ) წყალსადენისა და საკანალიზაციო ქსელის რეაბილიტაცია 318,0 ლარი (პროგრამული კოდი 03 02 03) პროგრამის ფარგლებში განხორციელდება ახალციხის მუნიციპალიტეტის სამოქმედო ტერიტორიაზე სასმელი და სარწყავი წყლის სისტემების მშენებლობა-რეაბილიტაცია;
ბ.დ) ა(ა)იპ – ახალციხის მელიორაცია 150,0 ათასი ლარი (პროგრამული კოდი 03 02 04 01) პროგრამის ფარგლებში მოხდება ახალციხის მუნიციპალიტეტის სამოქმედო ტერიტორიაზე არსებული სარწყავი სისტემების აღგენა რეაბილიტაცია და მოქმედი სარწყავი სისტემების მოვლა-შენახვა;
გ) მუნიციპალიტეტის კეთილმოწყობის ღონისძიებები 313,0 ათასი ლარი (პროგრამული კოდი 03 03) გ.ა. საკადასტრო აზომვითი ნახაზები, საპროექტო-სახარჯთაღრიცხვო დოკუმენტაციისა და ექსპერტიზის ხარჯები 83,0 ათასი ლარი (პროგრამული კოდი 03 03 01) მუნიციპალიტეტში დაგეგმილი სამშენებლო-სარეაბილიტაციო სამუშაოების საფუძველს მოქმედი სამშენებლო ნორმებითა და წესების გათვალისწინებით შესაბამისი საპროექტო-სახარჯთაღრიცხვო დოკუმენტაცია წარმოადგენს. ხოლო საჭიროების შემთვევებში აუცილებელია შესაბამისი გეოლოგიური კვლევების წარმოებაც. ქვეპროგრამის ფარგლებში გათვალისწინებულია ზემოაღნიშნული ღონისძიებების განხორციელებისათვის საჭირო ხარჯების დაფინანსება; გ.ბ. სპორტული მოედნების მოწყობა-რეაბილიტაცია 80,0 ათასი ლარი (პროგრამული კოდი 03 03 03) პროგრამის ფარგლებში ხორციელდება ახალციხის მუნიციპალიტეტში შემავალ ქ. ვალესა და დანარჩენ სოფლებში სტადიონების მოწყობა-რეაბილიტაცია; გ.გ. სახლების და სახურავების მოწყობა-რეაბილიტაცია 150,0 ათასი ლარი (პროგრამული კოდი 03 03 04) პროგრამის ფარგლებში ხორციელდება ახალციხის მუნიციპალიტეტში შემავალ ქ. ვალესა და დანარჩენ სოფლებში ადმინისტრაციული შენობების მოწყობა-რეაბილიტაცია და მრავალბინიანი საცხოვრებელი სახლების (კორპუსების) გადახურვა; დ) სოფლის მხარდაჭერის პროგრამის ფარგლებში განსახორციელებელი ღონისძიებები 0,0 ლარი (პროგრამული კოდი 03 04). პროგრამის ფარგლებში განხორციელდება ახალციხის მუნიციპალიტეტის სოფლებში მოსახლეობის მიერ შერჩეული პრიორიტეტების თანადაფინანსება.
3. განათლება 1 150,0 ათასი ლარი (პროგრამული კოდი 04 00) მომავალი თაობების აღზრდაში დაწყებითი და ზოგადი განათლების გარდა მნიშვნელოვანი როლი ენიჭება სკოლამდელ განათლებას, რაც მუნიციპალიტეტის საკუთარ უფლებამოსილებებს განეკუთვნება და შესაბამისად ერთ-ერთ პრიორიტეტს წარმოადგენს, რომლის ფარგლებში განხორციელდება საბავშვო ბაღების ფუნქციონირებისათვის საჭირო ხარჯების დაფინანსება, მათი რეაბილიტაცია და ინვენტარით უზრუნველყოფა. ა) ა(ა)იპ – ახალციხის თემის სკოლამდელი აღზრდის დაწესებულებების სუბსიდირება 1 100,0 ათასი ლარი (პროგრამული კოდი 04 01 01) ახალციხის მუნიციპალიტეტში ამ ეტაპზე ფუნქციონირებს 15 საბავშვო ბაღი და იგეგმება სამი ტიპიური და ორი ალტერნატიული საბავშვო ბაღის გახსნა, სადაც დაწყებით განათლებას მიიღებს 905-მდე აღსაზრდელი. პროგრამის ფარგლებში მუნიციპალიტეტის ბიუჯეტი აფინანსებს ბაღების ფუნქციონირებასთან დაკავშირებულ ყველა ხარჯს, მათ შორის მასწავლებელთა და აღმზრდელთა ხელფასებს და ბაღების სხვა მიმდინარე ხარჯებს. პროგრამის ფარგლებში ფინანსდება საბავშო ბაგა-ბაღების საწვავი შეშით უზრუნველყოფა. ბ). სკოლამდელი აღზრდის დაწესებულების შენობა-ნაგებობის რეაბილიტაციის და ინვენტარის შეძენის ხარჯი 50.0 ათასი ლარი (პროგრამული კოდი 04 01 02) აღნიშნული პროგრამიდან ფინანსდება სკოლამდელი აღზრდის დაწესებულებების შენობა-ნაგებობების რეაბილიტაციის ხარჯები, ამასთანავე მანქანა-დანადგარებისა და ინვენტარის შეძენის ხარჯები.
4. კულტურა, რელიგია ახალგაზრდობის ხელშეწყობა და სპორტი 322,1 ათასი ლარი (პროგრამული კოდი 05 00) ინფრასტრუქტურული და ეკონომიკური განვითარების პარალელურად აუცილებელია ხელი შეეწყოს კულტურული ტრადიციების დაცვას და ღირსეულ გაგრძელებას. ამასთანავე, ერთ-ერთი პრიორიტეტია ახალგაზრდების მრავალმხრივი (როგორც სულიერი, ისე ფიზიკური თვალსაზრისით) განვითარების ხელშეწყობა და მათში ცხოვრების ჯანსაღი წესის დამკვიდრება. შესაბამისად, თვითმმართველობა განაგრძობს კულტურული ობიექტების ფინანსურ მხარდაჭერას, წარმატებული სპორტსმენების ხელშეწყობას და შესაბამისი პირობების შექმნას, რათა ნიჭიერმა ბავშვებმა და ახალგაზრდებმა შეძლონ მათი სპორტული შესაძლებლობების გამოვლინება. ასევე დაფინანსდება ახალგაზრდებში ცხოვრების ჯანსაღი წესის წახალისების მიზნით გასატარებელ ღონისძიებები; ა) კულტურის განვითარების ხელშეწყობა 279,1 ათასი ლარი (პროგრამული კოდი 05 01) კულტურული ტრადიციების დაცვის მიზნით პროგრამის ფარგლებში გაგრძელდება სხვადასხვა კულტურული ობიექტების ფინანსური მხარდაჭერა, ასევე განხორციელდება სხვადასხვა კულტურული ღონისძიებები, მათ შორის, სადღესასწაულო დღეებში სხვადასხვა გასართობი და სანახაობრივი ღონისძიებები.
ა.ა) ა(ა)იპ – ახალციხის თემის კულტურის დაწესებულებების გაერთიანება 175,0 ათასი ლარი (ქვეპროგრამის კოდი 05 01 01 01) პროგრამის ფარგლებში ხდება გაერთიანების აპარატის, რვა ბიბლიოთეკის, სამი კულტურის სახლის, ექვსი ახალგაზრდული ცენტრი და ერთი სკოლა-მუზეუმის ფინანსური მხარდაჭერა.
ა.ბ) კულტურული ღონისძიებები 39,1 ათასი ლარი (ქვეპროგრამის კოდი 05 01 02) ქვეპროგრამის ფარგლებში ხორციელდება ,,არტ-გენის“ ფესტივალის მხარდაჭერა და სადღესასწაულო, 1989 წლის 9 აპრილს საქართველოს დამოუკიდებლობისათვის დაღუპულთა მოსახსენიებელი, დედაენის დღესადმი მიძღვილი, 9 მაისის დღესასწაულის დღისადმი მიძღვნილი, მუნიციპალიტეტის საშუალო სკოლის დამამთავრებელი მოსწავლეთათვის მიძღვნილი, ბავშვთა დაცვის საერთაშორისო დღისადმი მიძღვნილი, შოთა რუსთაველის დღისადმი მიძღვნილი, შემოდგომის დღესასწაულისადმი მიძღვნილი, შობა-ახალი წლის და სხვა ღონისძიებების მოწყობა. ა.გ) ა(ა)იპ – სკოლისგარეშე სახელოვნებო საგანმანათლებო დაწესებულება – ვალის მუსიკალური სკოლა 35,0 ათასი ლარი (ქვეპროგრამის კოდი 05 01 01 02) სუბსიდირების წესით ფინანსდება ვალის სამუსიკო სკოლა, სადაც ირიცხება და სწავლობს 58 მოსწავლე; ა.დ) ა(ა)ი.პ. სკოლისგარეშე სახელოვნებო საგანმანათლებო დაწესებულება – აწყურის სამუსიკო სკოლა 30,0 ათასი ლარი (ქვეპროგრამის კოდი 05 01 01 03) სუბსიდირების წესით ფინანსირდება აწყურის სამუსიკო სკოლა სადაც ირიცხება და სწავლობს 58 მოსწავლე. ა.ე) კულტურული დაწესებულებების გაერთიანების შენობა-ნაგებობის რეაბილიტაციის და ინვევტარის შეძენის ხარჯი – 0,0 ათასი ლარი (ქვეპროგრამის კოდი 05 01 01 04) აღნიშნული პროგრამიდან ფინანსდება სკოლამდელი აღზრდის დაწესებულებების შენობა-ნაგებობების რეაბილიტაციის ხარჯები, ამასთანავე მანქანა დანადგარებისა და ინვენტარის შეძენის ხარჯები. ბ) საზოგადოებრივი და ახალგაზრდული ორგანიზაციების ხელშეწყობა 43,0 ათასი ლარი (პროგრამული კოდი 05 02) პროგრამის ფარგლებში დაფინანსდება სპორტული, ინტელექტუალური და სხვადასხვა ღონისძიებები, რომლებიც ხელს შეუწყობს ახალგაზრდა თაობის მეტ ჩართულობას მუნიციპალიტეტის ყოველდღიურ საქმიანობასა და მის განვითარებაში. გ) კულტურული მემკვიდრეობისა და რელიგიური ორგანიზაციების ხელშეწყობა 0,0 ათასი ლარი (პროგრამული კოდი 05 03) პროგრამის ფარგლებში დაფინანსდება მუნიციპალიტეტის ტერიტორიაზე არსებული კულტურული მემკვიდრეობის ძეგლების, ეკლესიების და მონასტრების მისასვლელი გზების რეაბილიტაცია და კულტურული ძეგლერბის და რელიგიური ორგანიზაციების ინფრასტრუქტურული მოწყობა. 5. მოსახლეობის ჯანმრთელობის დაცვა და სოციალური უზრუნველყოფა 440,5 ათასი ლარი (პროგრამული კოდი 06 00) მოსახლეობის ჯანმრთელობის დაცვის ხელშეწყობა და მათი სოციალური დაცვა ერთ-ერთ მთავარ პრიორიტეტს წარმოადგენს. თვითმმართველობა არსებული რესურსების ფარგლებში განაგრძობს სოციალურად დაუცველი მოსახლეობის სხვადასხვა დახმარებებითა და შეღავათებით უზრუნველყოფას. ერთიანი სახელმწიფო პოლიტიკის ფარგლებში გაგრძელდება საზოგადოებრივი ჯანმრთელობის დაცვის მიზნით ადგილობრივ დონეზე სხვადასხვა ღონისძიებების განხორციელება, რაც უზრუნველყოფს არა მხოლოდ მუნიციპალიტეტის არამედ მთელი ქვეყნის მოსახლეობის ჯანმრთელობის დაცვას სხვადასხვა გადამდები და ინფექციური დაავადებებისაგან. ა) ა(ა)იპ ახალციხის მუნიციპალიტეტის საზოგადოებრივი ჯანდაცვის სამსახური 66.0 ათასი ლარი (პროგრამული კოდი 06 01 01) პროგრამა ითვალისწინებს სახელმწიფო ბიუჯეტიდან გამოყოფილი მიზნობრივი ტრანსფერის ფარგლებში „საზოგადოებრივი ჯანმრთელობის შესახებ“ საქართველოს კანონით განსაზღვრული ფუნქციების დაფინანსებას, კერძოდ: · არსებობის შემთხვევაში ცოფის კერის ლიკვიდაცია და დაკბენილი მოსახლეობის ზუსტი აღრიცხავა, სასწრაფო შეტყობინების სისტემის დახვეწა და გაუმჯობესება; · დაავადებათა გავრცელების ეტაპობრივი შემცირება მისი კონტროლის გზით. ეპიდსიტუაციის გამწვავების დროული გამოვლენის ხელშეწყობა და მათზე სწრაფი რეაგირება, პროფილაქტიკურ ღონისძიებათა გატარება; · ქალაქის მოსახლეობაში არაგადამდებ დაავადებათა პრევენციის და ჯანმრთელობაზე მავნე ფაქტორების ზემოქმედებაზე მოსახლეობის ინფორმირების გზით ჯანმრთელობის დაცვის ხელშეწყობა; · სადერატიზაციო სამუშაოების ჩატარება საცხოვრებელი სახლების სარდაფებსა და ბუნკერებში (კერძო სექტორის გარდა) და ამის საფუძველზე ქალაქში ეპიდსიტუაციის გაუმჯობესება; · ჯანმრთელობისათვის მნიშვნელოვანი ინფექციური და არაგადამდები დაავადებებისა და მასობრივი მოშხამვების, აგრეთვე პროფესიული დაავადებების თავიდან აცილება; · არსებული სანიტარიულ-ჰიგიენური მგომარეობის მონიტორინგი, მოსახლეობისათვის ჯანსაღი გარემოს შექმნის ხელშეწყობის მიზნით ახალციხის მუნიციპალიტეტის დასახლებულ ტერიტორიებზე ადამიანისათვის საშიში და შხამიანი ცხოველების ცხოველმყოფელობის დადგენისა და გაუვნებელყოფის ღონისძიებები. ბ) მოსახლეობის სოციალური პროგრამები 374,5 ათასი ლარი (პროგრამული კოდი 06 02) პროგრამა ითვალისწინებს მუნიციპალიტეტის ტერიტორიაზე რეგისტრირებული და ამავე დროს მუდმივად მცხოვრები მოსახლეობის სხვადასხვა ფენებისათვის გარკვეული შეღავათებითა და სოციალური დახმარებებით უზრუნველყოფას. სახელმწიფო ბიუჯეტიდან გამოყოფილი მიზნობრივი ტრანსფერის ფარგლებში კანონმდებლობით გათვალისწინებული სარიტუალო მომსახურების ხარჯების ანაზღაურებას, მოხუცებულთა, მიუსაფართა და სოციალურად დაუცველთა კვებით და ზამთრის პერიოდში გათბობისათვის საწვავის შესაძენად თანხით უზრუნველყოფას, დემოგრაფიული მდგომარეობის გაუმჯობესების მიზნით მრავალშვილიანი ოჯახების დახმარებას, შშმ პირთა, 2012 წელში აწყურში მომხდარი მეწყერის შედეგად დაზარალებულთა, სამუსიკო სკოლებში სხვადასხვა კატეგორიის ოჯახების შვილთა სწავლის დაფინანსებას და სხვა სოციალურ ღონისძიებებს; ასევე ჯანდაცვის სფეროში მოსახლეობის სამედიცინო გამოკვლევების, გეგმური და ურგენტული ოპერაციების და სხვა სამედიცინო მომსახურების დაფინანსებას, რომლებიც მთლიანობაში უზრუნველყოფენ მუნიციპალიტეტის მოსახლეობის სოციალური და ჯანმრთელობის მდგომარეობის გაუმჯობესებას. გ.ა) სამშობლოს დაცვისას დაღუპულთა და ომის შემდგომ გარდაცვლილ მეომართა სარიტუალო მომსახურება 2.0 ათასი ლარი (პროგრამული კოდი 06 02 01) ქვეპროგრამის ფარგლებში გათვალისწინებულია სამშობლოს დაცვისას დაღუპულთა და ომის შემდეგ მიმდინარე საანგარიშო წელს გარდაცვლილ მეომართა დაკრძალვის ხარჯების ანაზღაურება, თითოეულ ბენეფიციარზე 250 ლარის ოდენობით.
გ.ბ) შშმ (შეზღუდული შესაძლებლობების მქონე) პირთა სოციალური დახმარების პროგრამა 40.0 ათასი ლარი (პროგრამული კოდი 06 02 02) ქვეპროგრამის ფარგლებში გათვალისწინებულია შშმ (შეზღუდული შესაძლებლობების მქონე) პირთა სოციალური დახმარება წელიწადში ორჯერ. გ.გ) ომის ვეტერანების,ომის მონაწილე ინვალიდებისა და ომში დაღუპულთა ოჯახების ერთჯერადი სოციალური დახმარება. 8,0 ათასი ლარი (პროგრამული კოდი 06 02 03) ქვეპროგრამა ითვალისწინებს სხვადასხვა დღეებთან დაკავშირებით მე-2 მსოფლიო ომის ვეტერანთა, საქართველოს ტერიტორიული მთლიანობისა და სხვა ტერიტორიული ბრძოლების შედეგად დაზარალებულ შშმ პირთა და აღნიშნულ ბრძოლებში გარდაცვლილთა ოჯახების ერთჯერად სოციალურ დახმარებას ფულადი ფორმით. გ.დ) ხანძრით დაზარალებული ოჯახების ერთჯერადი დახმარება 15,0 ათასი ლარი (პროგრამული კოდი 06 02 05) ქვეპროგრამა ითვალისწინებს ახალციხის მუნიციპალიტეტის ტერიტორიაზე მცხოვრები მოსახლეობისთვის საცხოვრებელ და არასაცხოვრებელ ფართზე ხანძრით მიყენებული ზარალის სალიკვიდაციოდ ერთჯერად სოციალურ დახმარებას. გ.ე) ლტოლვილთა და იძულებით გადაადგილებულ პირთა და უკიდურესად გაჭირვებულთა სოციალური დახმარება – 69,0 ათასი ლარი (პროგრამული კოდი 06 02 06) 1. ქვეპროგრამა ითვალისწინებს ლტოლვილთა და იძულებით გადაადგილებულ პირთათვის სადღესასწაულო (საახალწლო და სააღდგომო) დღეებში ნობათით უზრუნველყოფას. 2. ჰემოდიალიზით მოსარგებლეთა სოციალური დახმარება. 3. მზრუნველობამოკლებულთა და უკიდურესად გაჭირვებულთა სურსათით და გათბობის მიზნით თანხით უზრუნველყოფა. 4. სოფელ აწყურში 2012 წელში მომხდარი მეწყერის შედეგად დაზარალებული მოსახლეობისთვის საცხოვრებელი ფართის შესაძენად თანადაფინანსებაში მონაწილეობა. გ.ვ) 100 წელს გადაცილებულ უხუცესთა და დედ-მამით ობოლ ბავშვთა სოციალური დახმარება 4,0 ათასი ლარი (პროგრამული კოდი 06 02 07). ქვეპროგრამის ფაგლებში ფულადი სოციალური დახმარება გაეწევათ 100 წელს გადაცილებულ უხუცესებსა და დედ-მამით ობოლს ბავშვებს. გ.ზ) ერთჯერადი დახმარება ყოველ ახალშობილზე 30.0 ათასი ლარი (პროგრამული კოდი 06 02 08) ქვეპროგრამა ითვალისწინებს მუნიციპალიტეტის ტერიტორიაზე მუდმივად მცხოვრები ოჯახებისთვის ერთჯერადი ფულადი დახმარების გაწევას მუნიციპალიტეტის ტერიტორიაზე რეგისტრირებული ყოველი ახალშობილისთვის.
გ.თ) აწყურში განვითარებული მეწყრის შედეგად დაზარალებული ოჯახების დახმარება 7,0 ათასი ლარი (პროგრამული კოდი 06 02 10) ქვეპროგრამის ფარგლებში განხორციელდება აწყურში 2012 წელს განვითარებული მეწყერის შედეგად დაზარალებული ოჯახების ყოველთვიური სოციალური დახმარება ფულადი ფორმით. გ.ი) მოსახლეობის სამედიცინო მომსახურების დაფინანსება 183,0 ათასი ლარი (პროგრამული კოდი 06 02 11). ქვეპროგრამის ფარგლებში ახალციხის მუნიციპალიტეტის ტერიტორიაზე რეგისტრირებულ მოსახლეობას გაეწევა სხვადასხვა სამედიცინო მომსახურებისთვის (გამოკვლევები, მკურნალობა, გეგმური და ურგენტული ოპერაციები) სოციალური დახმარება. გ.ლ) ააიპ – სტატუსის მქონე სახელოვნებო სკოლებში სოციალური შეღავათების მქონე პირთა შვილებისათვის სოციალური დახმარება 16,5 ათასი ლარი (პროგრამული კოდი 06 02 12). ქვეპროგრამის ფარგლებში ქ. ახალციხის მუნიციპალიტეტის მერიის და ახალციხის მუნიციპალიტეტის გამგეობის მიერ დაფუძნებულ ააიპ – სტატუსის მქონე სამუსიკო, სამხატვრო და სპორტულ სკოლებში გადასახადის 100%-იანი შეღავათით ისარგებლებენ, მუნიციპალიტეტის ტერიტორიაზე რეგისტრირებული შემდეგი კატეგორიის მოსწავლეები: საქართველოს ტერიტორიული მთლიანობისათვის მებრძოლთა, სხვა ტერიტორიული ბრძოლების მონაწილეთა, ლტოლვილთა და იძულებით გადაადგილებულთა, ქ. თბილისში 1989 წლის 9 აპრილს საქართველოს დამოუკიდებლობის მოთხოვნით გამართული მშვიდობიანი აქციის დარბევის შედეგად დაზარალებულთა, მკვეთრად გამოხატულ შშმ პირთა, მრავალშვილიან მშობელთა შვილები და დედით ან მამით ობოლი ბავშვები. ამავე ქვეპროგრამის ფარგლებში 10 ლარით დაფინანსდება ქ. ახალციხის მუნიციპალიტეტის მერიის მიერ დაფუძნებულ ააიპ – სტატუსის მქონე სამუსიკო სკოლაში მე-4, მე-5 და მე-6 კლასების მოსწავლეთა სწავლის ღირებულება მუნიციპალიტეტის ტერიტორიაზე რეგისტრირებული მოსწავლეთათვის.
ახალციხის მუნიციპალიტეტის ბიუჯეტის ასიგნებები განისაზღვროს მუნიციპალიტეტის ბიუჯეტის ასიგნებები საბიუჯეტო კლასიფიკაციის მიხედვით თანდართული რედაქციით:
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
დოკუმენტის კომენტარები