ადიგენის მუნიციპალიტეტის 2014 წლის ბიუჯეტის დამტკიცების შესახებ

ადიგენის მუნიციპალიტეტის ბიუჯეტი

მუხლი 1. მუნიციპალიტეტის ბიუჯეტის ბალანსი

განისაზღვროს მუნიციპალიტეტის ბიუჯეტის ბალანსი თანდართული რედაქციით:

მუხლი 2. მუნიციპალიტეტის ბიუჯეტის შემოსულობები, გადასახდელები და ნაშთის ცვლილება

განისაზღვროს მუნიციპალიტეტის ბიუჯეტის შემოსულობები, გადასახდელები და ნაშთის ცვლილება თანდართული რედაქციით

მუხლი 3. ადიგენის მუნიციპალიტეტის ბიუჯეტის შემოსავლები

განისაზღვროს მუნიციპალიტეტის ბიუჯეტის შემოსავლები 3254.7 ათასი ლარის ოდენობით:

მუხლი 4. მუნიციპალიტეტის ბიუჯეტის გადასახადები

მუხლი 5. მუნიციპალიტეტის ბიუჯეტის გრანტები

განისაზღვროს მუნიციპალიტეტის ბიუჯეტის გრანტები 2899.7  ათასი ლარის ოდენობით:

მუხლი 6. მუნიციპალიტეტის ბიუჯეტის სხვა შემოსავლები

მუხლი 7. მუნიციპალიტეტის ბიუჯეტის ხარჯები

 განისაზღვროს მუნიციპალიტეტის ბიუჯეტის ხარჯები 2730.7 ათასი ლარის ოდენობით, თანდართული რედაქციით:

მუხლი 8. მუნიციპალიტეტის ბიუჯეტის არაფინანსური აქტივების ცვლილება

განისაზღვროს მუნიციპალიტეტის ბიუჯეტის არაფინანსური აქტივების ცვლილება  524.0 ათასი ლარის ოდენობით, მათ შორის:

ა) განისაზღვროს მუნიციპალიტეტის ბიუჯეტის არაფინანსური აქტივების ზრდა 537.0 ათასი ლარის ოდენობით, თანდართული რედაქციით:

ბ) განისაზღვროს მუნიციპალიტეტის ბიუჯეტის არაფინანსური აქტივების კლება 0.0 ათასი ლარის ოდენობით, მათ შორის:

მუხლი 9. მუნიციპალიტეტის ბიუჯეტის ხარჯებისა და არაფინანსური  აქტივების ზრდის ფუნქციონალური კლასიფიკაცია

  განისაზღვროს მუნიციპალიტეტის ბიუჯეტის ხარჯებისა და არაფინანსური აქტივების ზრდა ფუნქციონალურ ჭრილში, თანდართული რედაქციით:

მუხლი 10. მუნიციპალიტეტის ბიუჯეტის მთლიანი სალდო

 განისაზღვროს მუნიციპალიტეტის ბიუჯეტის მთლიანი სალდო 0.0 ათასი ლარის ოდენობით.

მუხლი 11. მუნიციპალიტეტის ბიუჯეტის ფინანსური აქტივების ცვლილება

1. განისაზღვროს მუნიციპალიტეტის ბიუჯეტის ფინანსური აქტივების ცვლილება 0.0ათასი ლარის ოდენობით.
2. განისაზღვროს მუნიციპალიტეტის ბიუჯეტის ფინანსური აქტივების კლება 0.0ათასი ლარის ოდენობით.

მუხლი 12. მუნიციპალიტეტის ბიუჯეტის ვალდებულებების ცვლილება

1. განისაზღვროს მუნიციპალიტეტის ბიუჯეტის ვალდებულებების ცვლილება 0.0 ლარის ოდენობით.

მუხლი 13. მუნიციპალიტეტის ბიუჯეტის სარეზერვო ფონდი

 მუნიციპალიტეტის ბიუჯეტით გაუთვალისწინებელი გადასახდელების დაფინანსების მიზნით მუნიციპალიტეტის ბიუჯეტში შეიქმნას სარეზერვო ფონდი 61.0 ათასი ლარის ოდენობით და მისი განკარგვა განხორციელდეს მუნიციპალიტეტის საკრებულოს გადაწყვეტილებების შესაბამისად.

მუხლი 14. სახელმწიფო ბიუჯეტიდან მიღებული მიზნობრივი ტრანსფერი

1. დელეგირებული უფლებამოსილებების განსახორციელებლად სახელმწიფო ბიუჯეტიდან მიღებული მიზნობრივი ტრანსფერი, 137,0 ათასი ლარი მიიმართოს:

ა) „საზოგადოებრივი ჯანმრთელობის შესახებ“ საქართველოს კანონით განსაზღვრული უფლებამოსილების განხორციელებისათვის 62.8 ათასი ლარი;

ბ) „სამხედრო ვალდებულებისა და სამხედრო სამსახურის შესახებ“ და „სამხედრო სარეზერვო სამსახურის შესახებ“საქართველოს კანონებით განსაზღვრული უფლებამოსილების განხორციელებისათვის 65.0 ათასი ლარი;

გ) „სამშობლოს დაცვისას დაღუპულთა და ომის შემდეგ გარდაცვლილ მეომართა ხსოვნის უკვდავყოფის შესახებ“საქართველოს კანონით განსაზღვრული უფლებამოსილების განხორციელებისათვის 6.5 ათასი ლარი;

დ) „იძულებით გადაადგილებულ პირთა − დევნილთა შესახებ“ საქართველოს კანონით განსაზღვრული უფლებამოსილების განხორციელებისათვის 2.7 ათასი ლარი.

2. „საქართველოს საბიუჯეტო კოდექსი“-ს 69-ე მუხლის საფუძველზე წლის განმავლობაში შესაძლებელია დელეგირებული უფლებამოსილებების განსახორციელებლად გამოყოფილი მიზნობრივი ტრანსფერის ამ მუხლის პირველი პუნქტით განსაზღვრულ ღონისძიებებს შორის ურთიერთგადანაწილება.

მუხლი 15. მოსახლეობის სოციალური უზრუნველყოფა

მოსახლეობის სოციალური უზრუნველყოფის პროგრამისათვის გამოყოფილი 222,2 ათ. ლარის განკარგვა განხორციელდეს მუნიციპალიტეტის საკრებულოს მიერ დადგენილი წესის და საქართველოს კანონმდებლობის შესაბამისად.

თავი II

ადიგენის მუნიციპალიტეტის ბიუჯეტის პრიორიტეტები და პროგრამები

მუხლი 16. მუნიციპალიტეტის ბიუჯეტის პრიორიტეტები და პროგრამები

1. თავდაცვა და უსაფრთხოება

უბედური შემთხვევების თავიდან აცილების მიზნით აუცილებელია სახანძრო სამაშველო სამსახურის ტექნიკური ინვენტარით და სატრანსპორტო საშუალებებით უზრუნველყოფა, პერსონალისათვის სათანადო წვრთნების ჩატარება და პროფესიული დონის ამაღლება. არსებული რესურსების ფარგლებში კომუნალური პირობების გაუმჯობესება და პერსონალის სიცოცხლის დაზღვევა. შეიარაღებული ძალების საბრძოლო მზადყოფნის ამაღლებისათვის წვევამდელთა გაწვევის პუნქტებამდე ტრანსპორტირების უზრუნველყოფა და სარეზერვო ძალების მობილიზება. ასევე მათი ჯანმრთელობის მდგომარეობის გამოკვლევა.

1. საგანგებო სიტუაციების მართვა (პროგრამული კოდი 02 01)

ხანძრისა და სტიქიური უბედურების შემთხვევების დროს მოსახლეობისა და მათი ქონების დასაცავად ადგილზე დროული მისვლა და კვალიფიციური დახმარების აღმოჩენა; საგანგებო სიტუაციების სალიკვიდაციო სამუშაოების განხორციელება; დროული სამაშველო ღონისძიებების განხორციელება; სწავლებების ჩატარება ხანძრის პრევენციის ღონისძიებების მიზნით.

მოსალოდნელი საბოლოო შედეგები: მოქალაქეთა და გარემოს უსაფრთხოების დაცვის უზრუნველყოფა. ხანძრის, სტიქიური უბედურებებისა და კატასტროფების ლოკალიზება და მათი შედეგების ლიკვიდაცია. ზარალის მინიმიზაცია.

შედეგების შეფასების ინდიკატორები: გამოძახების რაოდენობა; დროულად ლოკალიზებული და ლიკვიდირებული შემთხვევების რაოდენობა; მიყენებული და გადარჩენილი ზარალის რაოდენობა;

1.2 ქვეყნის თავდაცვისუნარიანობის ამაღლების ხელშეწყობა (პროგრამული კოდი 02 03)

 შეიარაღებული ძალების თავდაცვისუნარიანობის ამაღლების მიზნით ხორციელდება მოსწავლეთა პირველადი აღრიცხვა, წვევამდელთა გაწვევის პუნქტებამდე ტრანსპორტირება და სამედიცინო შემოწმება. ასევე სარეზერვო ძალების მობილიზება.

მოსალოდნელი საბოლოო შედეგები: თავდაცვის სამინისტროს მიერ მოწოდებული გეგმის მაქსიმალური შესრულება

შედეგების შეფასების ინდიკატორები: გაწვეულთა რაოდენობა.

2. ინფრასტრუქტურის მშენებლობა, რეაბილიტაცია და ექსპლოატაცია (პროგრამული კოდი 03 00)

მუნიციპალიტეტის ეკონომიკური განვითარებისათვის აუცილებელ პირობას წარმოადგენს მუნიციპალური ინფრასტრუქტურის შემდგომი გაუმჯობესება. პრიორიტეტის ფარგლებში გაგრძელდება საგზაო ინფრასტრუქტურის მშენებლობა-რეაბილიტაცია, მუნიციპალიტეტში არსებულ დაბებში საცხოვრებელ უბნებში ეზოების მოასფალტება და განათება, დასასვენებელი პარკების და მაღალსართულიანი საცხოვრებელი კორპუსების კეთილმოწყობა საასმელი წყლის სისტემების და სახურავების რეაბილიტაცია, სოფლებში სასმელი, სარწყავი წყლის სისტემების და სანიაღვრე არხების მოწყობა და რეაბილიტაცია, ნაპირსამაგრი ნაგებობების და საგუბრების მშენებლობა-რეაბილიტაცია. მუნიციპალური ინფრასტრუქტურის მშენებლობისა და რეაბილიტაციის გარდა პრიორიტეტის ფარგლებში განხორციელდება არსებული ინფრასტრუქტურის მოვლა შენახვა და დაფინანსდება მის ექსპლოატაციასთან დაკავშირებული ხარჯები.

2.1 საგზაო ინფრასტრუქტურის მშენებლობა-რეაბილიტაცია და მოვლა-შენახვა (პროგრამული კოდი 03 01)

პროგრამის ფარგლებში განხორციელდება გზების რეაბილიტაცია, დაზიანებული გზების და ხიდების შეკეთება, ქუჩების, ადგილობრივი მნიშვნელობის გზების მოვლა ზამთრის სეზონზე.

მოსალოდნელი საბოლოო შედეგები:

•  მგზავრთა კომფორტული და უსაფრთხო გადაადგილება;
•  ეკონომიკური და ტურისტული ინტენსივობის ზრდა.

შედეგების შეფასების ინდიკატორები:

•  რეაბილიტირებული და ახალი გზების რაოდენობა;
•  ტურისტების რაოდენობა.

2.2 კომუნალური ინფრასტრუქტურის მშენებლობა-რეაბილიტაცია და ექსპლოატაცია (პროგრამული კოდი 03 02)

პროგრამის ფარგლებში დაგეგმილია გარე განათების მოწყობა, რეაბილიტაცია და ექსპლოატაცია, დასუფთავების ღონისძიებები, საკანალიზაციო სისტემების რეაბილიტაცია-ექსპლოატაცია, სანიაღვრე არხების და კოლექტორების მოწყობა-მოვლა, წყლის სისტემის რეაბილიტაცია, სარწყავი სისტემების მოწყობა-რეაბილიტაცია, ინფრასტრუქტურული პროექტების თანადაფინანსება.

მოსალოდნელი საბოლოო შედეგები:

•  განათებული მუნიციპალიტეტი
•  გაუმჯობესებული სანიტარული პირობები
•  გამართული კომუნალური ინფრასტრუქტურა
•  მუნიციპალიტეტის საკუთრებაში არსებულ შენობა-ნაგებობებზე და

 მიწაზე ზედამხედველობის გაუმჯობესება

შედეგების შეფასების ინდიკატორები:

•  ექსპლოატაციაში არსებული სანათი წერტილების რაოდენობა
•  ექსპლოატაციაში არსებული სანაგვე ურნების რაოდენობა
•  გატანილი ნარჩენების რაოდენობა
•  რეაბილიტირებული ინფრასტრუქტურული ობიექტების რაოდენობა
•  რეგისტრირებული შენობა-ნაგებობების და მიწის რაოდენობა

2.2.1 საკანალიზაციო სისტემების რეაბილიტაცია-ექსპლოატაცია (პროგრამული კოდი 03 02 01)

 აღნიშნული პროგრამის ფარგლებში განხორციელდება მუნიციპალიტეტის ტერიტორიაზე არსებული დაბებში საკანალიზაციო ქსელის აღდგენა-რეაბილიტაცია.

2.2.2 წყლის სისტემების რეაბილიტაცია-ექსპლოატაცია (პროგრამული კოდი 03 02 02)

 აღნიშნული პროგრამის ფარგლებში განხორციელდება მუნიციპალიტეტის ტერიტორიაზე არსებული სოფლებისა და დაბების მომსახურეობაში მყოფი სასმელი წყლის არსებული ბასეინებისა და ქსელების რეაბილიტაცია. 

2.2.3 დასუფთავების ღონისძიებები (პროგრამული კოდი 03 02 03)

მუნიციპალიტეტის ერთ-ერთ მთავარ პრიორიტეტს წარმოადგენს სანიტარული ნორმების დაცვა. ამ მიზნით გათვალისწინებულია მუნიციპალიტეტის ორივე დაბის და სოფლების უდისა და არლის აგრეთვე სოფ. ბენარისა და ვარხნის დაგვა-დასუფთავება და ნარჩენების გატანა, რაც გააუმჯობესებს აღნიშნული დასახლებული პუნქტების სანიტარულ და ეკოლოგიურ მდგომარეობას.

2.2.4 გარე განათების რეაბილიტაცია და ექსპლოატაცია(პროგრამული კოდი 03 02 04) უსაფრთხო გადაადგილებისათვის აუცილებელ პირობას წარმოადგენს ადიგენის მუნიციპალიტეტის განათება. რისი გათვალისწინებითაც ქვეპროგრამის ფარგლებში დაფინანსდება განათების არსებული ქსელის ექსპლოატაცია. ასევე დაფინანსდება მუნიციპალიტეტის ტერიტორიაზე ახალი გარე განათების ქსელების მოწყობა.

2.2.5 სარწყავი ახრების, ნაპირსამაგრი ნაგებობების და საგუბრების მშენებლობა რეაბილიტაცია(პროგრამული კოდი 03 02 05)

აღნიშნული პროგრამის მიზანია გაზაფხულზე ადიდებული მდინარეებისაგან მოსახლეობის კერძო მფლობელობაში არსებული ნაკვეთების დატბორვისა და წალეკვისაგან დაცვა, აგრეთვე რწყვის სეზონისათვის არსებული სარწყავი არხების მზადყოფნაში მოყვანა რეაბილიტაცია. 

2.3. მუნიციპალიტეტის კეთილმოწყობის ღონისძიებები (პროგრამული კოდი 03 03)

 აღნიშნული პროგრამის ფარგლებში მოხდება არასამთავრობო და სხვა დონორი ორგანიზაციების მიერ განხორციელებული ინფრასტრუქტურული პროექტების თანადაფინანსება. კერძოდ: „World vision“ -საერთაშორისო არასამთავრობო რეგიონალური ორგანიზაცია საქართველოში წლების განმავლობაში მჭიდროდ ურთიერთობს მუნიციპალიტეტთან. კეთდება სასოფლო მოსაცდელები, ფინანსდება სასკოლო ინფრასტრუქტურა. ასევე იგეგმება სოფლების და მუნიციპალიტეტის საცნობი ნიშნების და სხვა ნაგებობების მოწყობა, მოხდება ამბულატორიის შენობის მშენებლობის ხარჯების თანადაფინანსება.

მოსალოდნელი საბოლოო შედეგები:

• კეთილმოწყობილი მუნიციპალიტეტი
• მუნიციპალიტეტის საკუთრებაში არსებულ შენობა-ნაგებობაზე და მიწაზე ზედამხედველობის გაუმჯობესება

შედეგების შეფასების ინდიკატორები:

• რეაბილიტირებული ინფრასტრუქტურული ობიექტების რაოდენობა
• რეგისტრირებული შენობა-ნაგებობების და მიწის რაოდენობა

2.4 საპროექტო-სახარჯთაღრიცხვო დოკუმენტაციისა და საკადასტრო აზომვითი ნახაზების შედგენის ხარჯები (პროგრამული კოდი 03 04)

 მუნიციპალიტეტი იღებს ხარჯებს სამშენებლო სამონტაჟო სამუშაოთა და სხვადასხვა ინფრასტრუქტურული სამუშაოების საპროექტო-სახარჯთაღრიცხვო დოკუმენტაციის და საკადასტრო აზომვით ნახაზების შედგენისათვის.

მოსალოდნელი საბოლოო შედეგები:

• ინფასტრუქტურული პროექტების გამართული, სრულყოფილი დოკუმენტაცია

შედეგების შეფასების ინდიკატორები:

• ინფრასტრუქტურული პროქტების რაოდენობა

2.5 შენობა-ნაგებობების გამრიცხველიანება (პროგრამული კოდი 03 07)

 მუნიციპალიტეტი იღებს ხარჯებს მუნიციპალიტეტის საკუთრებაში მყოფი არასაცხოვრებელი შენობების (მუნიციპალიტეტის საკრებულოები, საარჩევნო უბნები) გამრიცხველიანება-განათებისათვის.

მოსალოდნელი საბოლოო შედეგები:

• გაუმჯობესებული პირობები არასაცხოვრებელ შენობებში.

შედეგების შეფასების ინდიკატორები:

• გამრიცხველიანებული ობიექტების რაოდენობა,

3. განათლება (პროგრამული კოდი 04 00)

მომავალი თაობების აღზრდის მიმართულებით დაწყებითი და ზოგადი განათლების გარდა მნიშვნელოვანი როლი ენიჭება ასევე სკოლამდელ განათლებას, რაც თვითმმართველი ერთეულის საკუთარ უფლებამოსილებებს განეკუთვნება და შესაბამისად მუნიციპალიტეტის ერთ-ერთ პრიორიტეტს წარმოადგენს, რომლის ფარგლებში მომდევნო წლებში განხორციელდება საბავშვო ბაღების გახსნა და მათი ფუნქციონირებისათვის საჭირო ხარჯების დაფინანსება, მათი რეაბილიტაცია, ინვენტარით უზრუნველყოფა. ასევე პროგრამის ფარგლებში მოხდება სხვადასხვა ღონისძიებების დაფინანსება სკოლის მოსწავლეთათვის.

3.1 ააიპ ადიგენის სკოლამდელი აღზრდის დაწესებულებების დაფინანსება (პროგრამული კოდი 04 01)

მუნიციპალიტეტში ამ ეტაპზე ფუნქციონირებს 7 საბავშვო ბაღი, რომელიც მომსახურეობას უწევს 350-მდე სკოლამდელი ასაკის ბავშვს. აღნიშნული ქვეპროგრამით მუნიციპალიტეტი ხელს უწყობს დასაქმებულთა სტაბილურ შრომის ანაზღაურებას, კვების და მატერიალური ბაზის გაუმჯობესებას. ასევე ხდება ბაღების რეაბილიტაცია და ინვენტარით უზრუნველყოფა.

მოსალოდნელი საბოლოო შედეგები:

•  აღსაზრდელთა შესაბამისი პირობებით უზრუნველყოფა
•  საბავშვო ბაგა-ბაღებში გაუმჯობესებული სააღმზრდელო პროცესი

შედეგების შეფასების ინდიკატორები:

•  სათანადოდ აღჭურვილი საბავშვო ბაღების რაოდენობა
•  რეაბილიტირებული ბაღების რაოდენობა
•  აღსაზრდელთა რაოდენობა

3.2 სასკოლო ღონისძიებები (პროგრამული კოდი 04 02)

აღნიშნული პროგრამის ფარგლებში ფინანსდება სკოლის მოსწავლეების კონკურს „ეტალონში“ მონაწილეობის ხარჯები.

მოსალოდნელი საბოლოო შედეგები:

•  სკოლის მოსწავლეთა ცოდნისა და გამოცდილების ამაღლება

შედეგების შეფასების ინდიკატორები:

• ღონისძიებაში მონაწილე მოსწავლეების რაოდენობა
• წარმატებული მოსწავლეების რაოდენობა

4. კულტურა, რელიგია, ახალგაზრდობის ხელშეწყობა და სპორტი (პროგრამული კოდი 05 00)

მუნიციპალიტეტის ინფრასტრუქტურული და ეკონომიკური განვითარების პარალელურად აუცილებელია კულტურული ტრადიციების დაცვა და ღირსეული გაგრძელება. ამასთანავე, ერთ-ერთი პრიორიტეტია ახალგაზრდების მრავალმხრივი (როგორც სულიერი, ისე ფიზიკური თვალსაზრისით) განვითარების ხელშეწყობა და მათში ცხოვრების ჯანსაღი წესის დამკვიდრება. შესაბამისად, მუნიციპალიტეტი განაგრძობს კულტურული ობიექტების ფინანსურ მხარდაჭერას, წარმატებული სპორტსმენების ხელშეწყობას და შესაბამისი პირობების შექმნას, რათა ნიჭიერმა ბავშვებმა და ახალგაზრდებმა შეძლონ მათი სპორტული შესაძლებლობების გამოვლინება.

4. სპორტის განვითარების ხელშეწყობა (პროგრამული კოდი 05 01)

პროგრამის ფარგლებში დაგეგმილია ადიგენის კომპლექსური სასპორტო სკოლის(ფეხბურთის, ჭიდაობის, და რაგბის ასაკობრივი ჯგუფებით) ფუნქციონირების ხელშეწყობა მომავალი სპორტული თაობის აღსაზრდელად. ასევე განხორციელდება სხვადასხვა სპორტული ორგანიზაციების ფინანსური მხარდაჭერა რათა მათ ქონდეთ შესაძლებლობა უზრუნველყონ სპორტსმენებისათვის სავარჯიშოდ შესაბამისი პირობების შექმნა და ნიჭიერი სპორტსმენების წახალისება. მოხდება სხვადასხვა სპორტული შეჯიბრებების დაფინანსება სასპორტო სკოლის მეშვეობით, რომელიც უზრუნველყოფს სპორტული შეჯიბრებების ორგანიზებას. ასევე ამ პროგრამის ფარგლებში ხდება სპორტული შენობა-ნაგებობების აშენება-რეაბილიტაცია და ინვენტარიზაცია და სხვადასხვა რაიონული სპორტული ღონისძიებების დაფინანსება.

მოსალოდნელი საბოლოო შედეგები:

•  ახალგაზრდებში ცხოვრების ჯანსაღი წესის დამკვიდრება

შედეგების შეფასების ინდიკატორები:

•  სხვადასხვა ტურნირებზე წარმატებული სპორტსმენების და გუნდების რაოდენობა
•  სპორტულ სახეობებში ჩართულ მოსწავლეთა რაოდენობა

4.1.1 ააიპ ადიგენის კომპლექსური სასპორტო სკოლა (პროგრამული კოდი 05 01 01)

ქვეპროგრამის ფარგლებში დაგეგმილია ადიგენის კომპლექსური სასპორტო სკოლის(ფეხბურთის, ჭიდაობის, და რაგბის ასაკობრივი ჯგუფებით) ფუნქციონირების ხელშეწყობა მომავალი სპორტული თაობის აღსაზრდელად.ასევე ამ ამ ქვეპროგრამის ფარგლებში ხდება სპორტული შენობა-ნაგებობების აშენება-რეაბილიტაცია და ინვენტარიზაცია. მოხდება სხვადასხვა სპორტული შეჯიბრებების დაფინანსება სასპორტო სკოლის მეშვეობით, რომელიც უზრუნველყოფს სპორტული შეჯიბრებების ორგანიზებას.

2014 წლის განმავლობაში პროგრამის ფარგლებში გაიმართება სხვადასხვა სპორტული შეჯიბრებები:

• მუნიციპალიტეტის საჯარო სკოლების ჩემპიონატი ფეხბურთში;
• მუნიციპალიტეტის საჯარო სკოლების პირველობა ჭიდაობაში;
• რაგბის გუნდი ჭულე-ადიგენის მონაწილეობა რეგიონალურ ფესტივალზე;
• მუნიციპალიტეტის საჯარო სკოლების ჩემპიონატი მინი–ფეხბურთში;
• რაგბის გუნდი ჭულე-ადიგენის მონაწილეობა საქართველოს პირველობაზე(ბ ლიგა)

4. კულტურის განვითარების ხელშეწყობა(პროგრამული კოდი 05 02)

მუნიციპალიტეტის კულტურული ტრადიციების დაცვის მიზნით გაგრძელდება სხვადასხვა კულტურული ობიექტების ფინანსური მხარდაჭერა, ასევე განხორციელდება სხვადასხვა კულტურული ღონისძიებები, მათ შორის სადღესასწაულო დღეებში სხვადასხვა გასართობი და სანახაობრივი პროგრამები. პროგრამის ფარგლებში ფინანსდება: ააიპ ადიგენის მთავარი ბიბლიოთეკა, ააიპ ადიგენის სამუსიკო სკოლა, ააიპ ადიგენის კულტურის ცენტრი.

მოსალოდნელი საბოლოო შედეგები:

•  მოსახლეობაში ქართული კულტურისა და ტრადიციების დაცვა და

 შენარჩუნება;

•  მოსახლეობის აქტიური ჩართვა კულტურულ ღონისძიებებში;
•  კულტურული ობიექტების მდგომარეობის გაუმჯობესება და დაცვა.
•  მოსახლეობაში წიგნიერების ამაღლება

შედეგების შეფასების ინდიკატორები:

•  ჩატარებული კულტურული ღონისძიებების რაოდენობა;
•  რეაბილიტირებული კულტურული ობიექტების რაოდენობა;
•  კულტურულ ღონისძიებებში ჩართული მოსახლეობის რაოდენობა.
•  ბიბლიოთეკებში მკითხველთა რაოდენობა

4.2.1ააიპ ადიგენის მთავარი ბიბლიოთეკა(პროგრამული კოდი 05 02 01)

ზემო აღნიშნული ქვეპროგრამა ეხმარება ადიგენის მუნიციპალიტეტის მკითხველ მოსახლეობას გაეცნოს მისთვის საინტერესო როგორც ძველ ისე თანამედროვე ლიტერატურას. ხდება სხვადასხვა ლიტერატურული ღონისძიებების ჩატარება; ასევე აღნიშნული ქვეპროგრამის ფარგლებში იგეგმება ბიბლიოთეკების ინვენტარიზაცია და ახალი წიგნების შეძენა, ასევე მათი ფუნქციონირებისათვის საჭირო ხარჯების დაფინანსება.

4.2.2 ააიპ ადიგენის სამუსიკო სკოლა (პროგრამული კოდი 05 02 02)

პროგრამის მიზნობრივი მიმართულებაა მუნიციპალიტეტის ტერიტორიაზე მცხოვრებ მოსწავლეთა მუსიკის შესწავლა. ადიგენის მუნიციპალიტეტის ტერიტორიაზე არსებულ 4 სახელოვნებო(მუსიკალურ) სკოლაში ამჟამად სწავლობს 162 მოსწავლე, დასაქმებულია 14 პედაგოგი. საერთო კურირებას უწევს ა.ა.ი.პ“ადიგენის მუსიკალური სკოლა“. გარდა მუსიკალური განათლების მიღებისა, მათი მიზანია ჩაატარონ სხვადასხვა სახის ღონისძიებები კერძოდ: საახალწლო და საგაზაფხულო კონცერტები, ასევე პიესების კონკურსი.

1. ააიპ ადიგენის კულტურის ცენტრი (პროგრამული კოდი 05 02 03)

ა.ი.პ „კულტურის ცენტრი“ ახორციელებს კონცერტების, სხვა კულტურული ღონისძიებების (წელიწადში დაახლოებით 15), სადღესასწაულო შეხვედრების, საზეიმო ღონისძიებების ორგანიზებას. კულტურის ობიექტები გარდა რაიონული ცენტრისა მოქმედებს 6 ტერიტორიულ ორგანოში. ადგილზე მოქმედებს ხალხური ნაწარმისა და რეწვის ცენტრი, 2 ქორეოგრაფიული სტუდია. მუნიციპალიტეტი აფინანსებს მისი ფუნქციონირებისათვის და ინვენტარის შეძენისათვის საჭირო ხარჯებს.

4.3 ახალგაზრდული ორგანიზაციების ხელშეწყობა და სხვადასხვა ღონისძიებები (პროგრამული კოდი 05 03)

პროგრამის ფარგლებში დაგეგმილია ახალგაზრდების ჩართვა საზოგადოებრივ და შემეცნებით ღონისძიებებში. ასევე ნიჭიერი ახალგაზრდების წახალისება.ახალგაზრდების ინიციატივებით სხვადასხვა პროექტების განხორციელება. ასევე ახალგაზრდების მონაწილეობის დაფინანსება გაცვლით პროგრამებში რეგიონის მაშტაბით.

2014 წელს დაგეგმილია შემდეგი ღონისძიებები:

• მუნიციპალიტეტის ტერიტორიის დასუფთავება-გამწვანება
• ინტელექტუალურ თამაშები მუნიციპალიტეტის საჯარო სკოლებს შორის
• ლიტერატურული საღამოს მოწყობა ახალგაზრდა ხელოვანების აღმოჩენის მიზნით
• სხვადასხვა ხელოვნების ნაწარმების გამოფენის მოწყობა
• რეგიონალური პროგრამა „ჩვენი ისტორია“

პროგრამის ფარგლებში ასევე დაფინანსდება მუნიციპალიტეტის ჩემპიონატები ფეხბურთში, თავისუფალ ჭიდაობაში და მკლავჭიდში და წარმატებული მონაწილეების დაჯილდოვება. მოხდება სხვადასხვა, ქვეყნის საერთო და ადგილობრივი დღესასწაულების ღონისძებების დაფინანსება როგორიცაა: ქალთა საერთაშორისო დღე, 9 აპრილი, „ანთიმოზობა“, „ბერიკაობა“, „შუამთობა“ და სხვადასხვა.

მოსალოდნელი საბოლოო შედეგები:

ახალგაზრდების მხრიდან თავისუფალი დროის შიანარსიანი და ეფექტური გამოყენება.

ახალგაზრდების აქტიური ჩართვა საზოგადოებრივ საქმიანობაში

• მოსახლეობაში ქართული კულტურისა და ტრადიციების დაცვა და

 შენარჩუნება;

•  მოსახლეობის აქტიური ჩართვა კულტურულ და სპორტულ ღონისძიებებში;
• ახალგაზრდებში ცხოვრების ჯანსაღი წესის დამკვიდრება

შედეგების შეფასების ინდიკატორები:

•  განხორციელებული პროექტების რაოდენობა;
•  პროექტებში ჩართული ახალგაზრდების რაოდენობა
•  სპორტულ სახეობებში ჩართულ მოსწავლეთა რაოდენობა
•  სპორტულ და კულტურულ ღონისძიებებში ჩართული მოსახლეობის რაოდენობა

 5. მოსახლეობის ჯანმრთელობის დაცვა და სოციალური უზრუნველყოფა(პროგრამული კოდი 06 00)

მოსახლეობის ჯანმრთელობის დაცვის ხელშეწყობა და მათი სოციალური დაცვა მუნიციპალიტეტის ერთ-ერთ მთავარ პრიორიტეტს წარმოადგენს. მუნიციპალიტეტი არსებული რესურსების ფარგლებში განაგრძობს სოციალურად დაუცველი მოსახლეობის სხვადასხვა დახმარებების და შეღავათების უზრუნველყოფას. ერთიანი სახელმწიფო პოლიტიკის ფარგლებში გაგრძელდება საზოგადოებრივი ჯანმრთელობის დაცვის მიზნით ადგილობრივ დონეზე სხვადასხვა ღონისძიებების განხორციელება, რაც უზრუნველყოფს არა მხოლოდ მუნიციპალიტეტის, არამედ მთელი ქვეყნის მოსახლეობის ჯანმრთელობის დაცვას სხვადასხვა გადამდები და ინფექციური დაავადებებისაგან.

5.1 საზოგადოებრივი ჯანდაცვის მომსახურეობა(პროგრამული კოდი 06 01)

პროგრამა ითვალისწინებს სახელმწიფო ბიუჯეტიდან გამოყოფილი მიზნობრივი ტრანსფერის ფარგლებში „საზოგადოებრივი ჯანმრთელობის შესახებ“ საქართველოს კანონით განსაზღვრული ფუნქციების და ღონისძიებების დაფინანსებას, კერძოდ:

17. არსებობის შემთხვევაში ცოფის კერის ლიკვიდაცია და დაკბენილი მოსახლეობის ზუსტი აღრიცხავა, სასწრაფო შეტყობინების სისტემის დახვეწა და გაუმჯობესება;
17. დაავადებათა გავრცელების ეტაპობრივი შემცირება მისი კონტროლის გზით. ეპიდსიტუაციის გამწვავების დროული გამოვლენის ხელშეწყობა და მათზე სწრაფი რეაგირება, პროფილაქტიკურ ღონისძიებათა გატარება;
17. მუნიციპალიტეტის მოსახლეობაში არაგადამდებ დაავადებათა პრევენციის და ჯანმრთელობაზე მავნე ფაქტორების ზემოქმედებაზე მოსახლეობის ინფორმირების გზით ჯანმრთელობის დაცვის ხელშეწყობა;
17. ჯანმრთელობისათვის მნიშვნელოვანი ინფექციური და არაგადამდები დაავადებებისა და მასობრივი მოწამვლის, აგრეთვე პროფესიული დაავადებების თავიდან აცილება;
17. გადამდებ დავადებათა ეპიდზედამხედველობა და კონტროლის ღონისძიებები.
17. იმუნოპროფილაქტიკის დაგეგმვა, განხორციელების ხელშეწყობა, საინფორმაციო სისტემის უზრუნველყოფა.
17. იმუნოპროფილაქტიკის ლოჯისტიკის უზრუნველყოფა.
17. პარაზიტული დაავადებების პირველადი ეპიდკვლევა.
17. სანიტარული ღონისძიებები.

მოსალოდნელი საბოლოო შედეგები:

• მოსახლეობის დაცვა სხვადასხვა ინფექციურ დაავადებათა

 გავრცელებისგან

შედეგების შეფასების ინდიკატორები:

•  ჩატარებული პრევენციული ღონისძიებების რაოდენობა
•  გამოვლენილ შემთხვევათა რაოდენობა
•  პროგრამაში მონაწილე ბენეფიციართა რაოდეობა

5.2 სოციალური უზრუნველყოფა (პროგრამული კოდი 06 02)

პროგრამის ფარგლებში ადიგენის მუნიციპალიტეტის ტერიტორიაზე მცხოვრები მოსახლეობის სხვადასხვა ფენებისათვის გარკვეული შეღავათებითა და სოციალური დახმარებებით უზრუნველყოფა, სახელმწიფო ბიუჯეტიდან გამოყოფილი მიზნობრივი ტრანსფერის ფარგლებში კანონმდებლობით გათვალისწინებული მომსახურების ხარჯების ანაზღაურება, დემოგრაფიული მდგომარეობის გაუმჯობესების მიზნით ახალშობილთა და მრავალშვილიანი ოჯახების დახმარება და სხვა სოციალური ღონისძიებები და დახმარებები, რომელიც მთლიანობაში უზრუნველყოფენ მუნიციპალიტეტის მოსახლეობის სოციალური მდგომარეობის გაუმჯობესებას.

მოსალოდნელი საბოლოო შედეგები:

• მუნიციპალიტეტში მოსახლეობის სოციალურ-ეკონომიკური მდგომარეობის გაუმჯობესება
• მუნიციპალიტეტში დემოგრაფიული მდგომარეობის გაუმჯობესება

შედეგების შეფასების ინდიკატორები:

• პროგრამაში მონაწილე ბენეფიციალთა რაოდენობა

5.2.1 ავადმყოფთა და მშობიარეთა გამოკვლევის,მკურნალობოს, ოპერაციებისა და მედიკამენტების შეძენის ხარჯი(პროგრამული კოდი 06 02 01)

პროგრამის მიზნობრივი მიმართულებაა მუნიციპალიტეტის ტერიტორიაზე მცხოვრები მოსახლეობის ქირურგიული ოპერაციების, მკურნალობის ღირებულების ნაწილობრივი თანადაფინასება. ასევე ფინანსდება მედიკამენტური მკურნალობის დაფინანსება.

5.2.2 ომის მონაწილეთა დახმარებები 9 მაისისთვის(პროგრამული კოდი 06 02 02)

 მუნიციპალიტეტის ტერიტორიაზე ამჟამად ცხვრობს 19 დიდი სამამულო ომის მონაწილე, რომელთა პატივსაცემად მუნიციპალიტეტის გამგეობა ყოველწლიურად 9 მაისს მართავს საზეიმო შეხვედრას ამ მოქალაქეებთან, უწყობს მათ სადილს და ასაჩუქრებს თითოეულს 50 ლარის ოდენობით.

5.2.3 ომის მონაწილეთა დაკრძალევის ხარჯები(პროგრამული კოდი 06 02 03)

ქვეპროგრამის მიზნობრივი მიმართულებაა მუნიციპალიტეტის ტერიტორიაზე მცხოვრები ,,ვეტერანის“ სტატუსის მქონე გარდაცვლილი მოქალაქეების ოჯახების თანადგომა სარიტუალო თანხის დაფარვაში თითოეულ ბენეფიციარზე 250 (ორას ორმოცდაათი)ლარი. 

5.2.4 ლტოლვილთა და იძლებით გადაადგილებულ პირთა ერთჯერადი დახმარება(პროგრამული კოდი 06 02 04)

მუნიციპალიტეტის ტერიტორიაზე აფხაზეთისა და სამაჩაბლოს ლტოლვილის სტატუსით ცხოვრობს 8 ოჯახი. საახალწლო , სააღდგომო და სხვა რელიგიური თუ ეროვნული დრესასწაულების მათდამი მილოცვის მიზნით მუნიციპალიტეტი ეხმარება ამ ოჯახებს ფულადი დახმარების სახით.

5.2.5 სოფელ არალის უნარშეზღუდულ და მენტალობადაქვეითებულ ბავშვთა საინტეგრაციო ცენტრი(პროგრამული კოდი 06 02 05)

ქვეპროგრამის მიზანია რაიონის ტერიტორიაზე მცხოვრები მენტალობადაქვეითებულ და უნარშეზღუდულ ბავშვთა საზოგადოებაში ინტეგრირების ხელშეწყობა. ჯერჯერობით ასეთი ცენტრი მოქმედებს სოფელ არლში, რომელიც მომსახურეობას უწევს 8-დან 10-მდე ასეთ ბავშვს. სამომავლოდ დაგეგმილია ამ პროგრამის მომცველობის გაზრდა. აღნიშნულ პროგრამის ფარგლებში ხდება ბენეფიციართა კვებისა და სწავლების ხარჯების ანაზღაურება.

5.2.6 მოსახლეობის ერთჯერადი დახმარება(პროგრამული კოდი 06 02 06)

მუნიციპალიტეტის ტერიტორიაზე მცხოვრებ გაჭირვებულ მოსახლეობას მუნიციპალიტეტი უწევს ერთჯერად დახმარებებს კვების პროდუქტებით, ზოგიერთ შემთხვევაში ტანსაცმლით და სამშენებლო მასალებით.

 5.2.7 მრავალშვილიანი ოჯახების დახმარება (პროგრამული კოდი 06 02 07)

 აღნიშნული ქვეპროგრამის ფარგლებში გაიცემა მრავალშვილიან ოჯახებზე (4 და მეტი ბავშვი 18 წლამდე ასაკის) დახმარება ოჯახზე 200 ლარის ოდენობით.

5.2.8 აფხაზეთისა და სამაჩაბლოს ომში დაღუპულთა ოჯახების ერთჯერადი დახმარება(პროგრამული კოდი 06 02 08)

 აფხაზეთისა და სამაჩაბლოს ომებში ადიგენის მუნიციპალიტეტიდან დაღუპულია 15 ახალგაზრდა. მათი ოჯახების მხარდაჭერის მიზნით ხდება დღესასწაულებზე ამ ოჯახებისადმი საჩუქრების და ტკბილეულის გადაცემა.

 5.2.9 ახალშობილთა ოჯახების დახმარება (პროგრამული კოდი 06 02 09)

 მუნიციპალიტეტი ყოველ ახალშობილზე მათ ოჯახებს გასცემს დახმარებებს თითო ახალშობილზე 100 ლარის ოდენობით.

ადიგენის მუნიციპალიტეტის ბიუჯეტის ასიგნებები

მუხლი17. მუნიციპალიტეტის ბიუჯეტის ასიგნებები

 განისაზღვროს მუნიციპალიტეტის ბიუჯეტის ასიგნებები საბიუჯეტო კლასიფიკაციის მიხედვით თანდართული რედაქციით.