საქონლის საბაჟო ღირებულების განსაზღვრის სისწორის კონტროლის წესების შესახებ ინსტრუქციის დამტკიცების თაობაზე

სახელმწიფო სარეგისტრაციო კოდი 200.120.000.22.033.009.683

საქართველოს ფინანსთა მინისტრის

ბრძანება №1768

2006 წლის 20 დეკემბერი

ქ. თბილისი

საქონლის საბაჟო ღირებულების განსაზღვრის სისწორის კონტროლის წესების შესახებ ინსტრუქციის დამტკიცების თაობაზე

საქართველოს საბაჟო კოდექსის 31-ე მუხლის მე-7 ნაწილისა და ,,საქართველოს ფინანსთა სამინისტროს დებულების დამტკიცების შესახებ“ საქართველოს მთავრობის 2004 წლის 21 მაისის №39 დადგენილებით დამტკიცებული დებულების მე-4 მუხლის მე-3 პუნქტის ,,ლ“ ქვეპუნქტის საფუძველზე, ვბრძანებ:  

1. დამტკიცდეს:

ა) ,,საქონლის საბაჟო ღირებულების განსაზღვრის სისწორის კონტროლის წესების შესახებ“ ინსტრუქცია (დანართი №1);

ბ) ,,საქონლის საბაჟო ღირებულების კორექტირების აქტი“ (დანართი №2);

გ) ,,შეტყობინება საქონლის საბაჟო ღირებულების კორექტირების შესახებ“ (დანართი №3).

2. ამ ბრძანების ამოქმედებისთანავე ძალადაკარგუ­ლად გამოცხადდეს ,,საქონლის საბაჟო ღირებულების განსაზ­ღვრის წესების“ დამტკიცების შესახებ“ საქართვე­ლოს ფინანსთა მინისტრის 2004 წლის 9 ნოემბრის №736 ბრძანება.

3. ბრძანება ამოქმედდეს 2007 წლის 1 იანვრიდან.

ა. ალექსიშვილი

დანართი №1

ინსტრუქცია

საქონლის საბაჟო ღირებულების განსაზღვრის სისწორის კონტროლის წესების შესახებ

    მუხლი 1. ზოგადი დებულებანი

1. საქონლის საბაჟო ღირებულებას განსაზღვრავს დეკლარანტი და შეაქვს იგი საბაჟო დეკლარაციაში.

2. დეკლარანტის მიერ განსაზღვრული საბაჟო ღირებულების სისწორეს აკონტროლებს ის საბაჟო ორგანო, რომელიც კანონმდებლობით დადგენილი წესით განიხილავს და ამოწმებს წარდგენილ საბაჟო დეკლარაციას.

3. გარიგების ფასის განსაზღვრის საფუძვლად მიიღე­ბა ხელშეკრულებაში ან ანგარიშ-ფაქტურაში ან ნების­მიერ სხვა საანგარიშსწორებო დოკუმენტში დაფიქსირებული ფასი.

4. საქართველოს ფინანსთა მინისტრის ინდივიდუა­ლური ადმინისტრაციულ-სამართლებრივი აქტით დამტკი­ცებული ,,საქონლის საბაჟო ღირებულების სარეზერვო მეთოდით განსაზღვრის სისწორის კონტრო­ლის დროს გამოსაყენებელ ფასების მონაცემთა სის­ტემა“ წარმოადგენს საინფორმაციო სახის მონაცემებს და გამოიყენება სარეზერვო მეთოდით საქონლის საბაჟო ღირებულების განსაზღვრის მხოლოდ სისწორის დადგენის მიზნით და არ შეიძლება უშუალოდ იქნეს გამოყენებული საბაჟო გადასახდელების დარიცხვის საფუძვლად. ფასების მონაცემთა სისტემაში საქონელი იდენტიფიცირებული უნდა იქნეს საგარეო ეკონომიკური საქმიანობის ეროვნული სასაქონლო ნომენკლატურის (სეს ესნ) მიხედვით საქონლის დასახელების, სეს ესნ-ის კოდის, ზომის ერთეულის, ერთეულის ფასის, საქონლის წარმოშობის ქვეყნის და ექსპორტიორი ქვეყნის მიხედვით.

5. საქართველოს ფინანსთა მინისტრის ინდივიდუა­ლუ­რი ადმინისტრაციულ-სამართლებრივი აქტით დამტკიცებული ,,საქონლის საბაჟო ღირებულების სარეზერვო მეთოდით განსაზღვრის სისწორის კონტრო­ლის დროს გამოსაყენებელ ფასების მონაცემთა სის­ტემა“ მაქსიმალურად უნდა ეფუძნებოდეს ადრე უკვე განსაზ­ღვრულ საბაჟო ღირებულებებს და ჩამოყა­ლიბდეს საბაჟო დეპარტამენტში არსებული მონაცემთა ბაზის სტატისტიკური დამუშავების მედიანას პრინციპის გამოყენებით, ამ მუხლის მე-4 პუნქტის მოთხოვნების დაცვით და შესაძლო კორექტირების შესახებ კომისიის გადაწყვეტილების საფუძველზე.

    მუხლი 2. საბაჟო ღირებულების კორექტირება

1. საბაჟო ორგანოს უფლება აქვს ეჭვი შეიტანოს დეკლარანტის მიერ გაცხადებული საბაჟო ღირებულე­ბის სისწორეში და მოახდინოს მისი კორექტირება.

2. საბაჟო ღირებულების კორექტირება ფორმდება საბა­ჟო ორგანოს გადაწყვეტილებით ,,საქონლის საბაჟო კორეტირების აქტით“ დანართი №2-ის შესაბამისად.

    მუხლი 3. დოკუმენტების ნუსხა, რომელიც შეიძლება მოითხოვოს საბაჟო ორგანომ

საბაჟო ღირებულების სისწორეში ეჭვის შეტანის შემთხვევაში, საბაჟო ორგანო უფლებამოსილია, საქარ­თვე­ლოს ზოგადი ადმინისტრაციული კოდექსით დადგენილი წესის შესაბამისად, მოსთხოვოს დეკლარანტს დამა­ტებითი მტკიცებულებებისა და დოკუმენტების წარმოდგენა მის მიერ დეკლარირებული საქონლის საბაჟო ღირებულების უტყუარობის დასამტკიცებლად. ეს დოკუმენტები და მტკიცებულებები შეიძლება იყოს:

ა) ანგარიშ-ფაქტურის (ინვოისის) ორიგინალი;

ბ) სატრანსპორტო და სადაზღვევო დოკუმენტები მიწოდების პირობების შესაბამისად;

გ) საქონლის ნასყიდობის ხელშეკრულება და მისი დანართები;

დ) მყიდველის მიერ მესამე პირებთან დადებული ხელ­შეკრულება, რომელიც გავლენას ახდენს გარიგების ფასზე (შუამდგომლობა, საავტორო, ლიცენზიების, პატენტების, მომსახურების, ნედლეულის და სხვა გადასახდელები);

ე) საბანკო გადარიცხვის დამადასტურებელი დოკუმენ­ტები (თუ ანგარიში განაღდებულია);

ვ) დოკუმენტები გამყიდველის სასარგებლოდ მესამე პირებისათვის გადახდის შესახებ;

ზ) დოკუმენტები საქონლის დასაწყობებისა და შე­ფუთ­ვის გადახდის შესახებ;

თ) სააღრიცხვო დოკუმენტები (სალაროს წიგნი, სალაროს შემოსავლისა და გასავლის ორდერები, ანგა­რიშგება მოგება-ზარალის შესახებ და სხვა);

ი) საქონლის შესყიდვის შეკვეთა და მისი დამადას­ტურებელი დოკუმენტი;

კ) საქონლის გამყიდველის პრეისკურანტი, სადაც მითითებულია ექსპორტის დროს საქონლის გასაყიდი ფასები და მიცემული ფასდაკლებები;

ლ) საქონლის კატალოგი;

მ) უცხო ქვეყნის ექსპორტის დეკლარაცია (თუ იმპორტიორს შეუძლია მისი წარმოდგენა);

ნ) ქონების შეფასების ანგარიში, რომელიც შედგენი­ლია დამოუკიდებელი აუდიტორების მიერ (თუ იმპორ­ტიორს შეუძლია წარმოადგინოს);

ო) სხვა ინფორმაცია და დოკუმენტები, რომლებიც წარმოადგენს დეკლარირებული საბაჟო ღირებულებისა და მისი ელემენტების დასაბუთების საფუძველს. 

    მუხლი 4. საბაჟო ორგანოს მიერ გადაწყვეტილების მიღება

საბოლოო გადაწყვეტილების მიღებამდე საბაჟო ორგანო (საბაჟო დამუშავების ოპერაციების განყოფი­ლების უფროსი, ჯგუფის უფროსი ან საბაჟო ღირებუ­ლების კორექტირების განმახორციელებელი საბაჟო მოხელე) უგზავნის დეკლარანტს წერილობით შეტყობი­ნე­ბას დადგენილი ფორმით დანართი №3-ის შესაბა­მისად, რომელსაც თან ახლავს ამ ინსტრუქციის მე-2 მუხ­ლის მე-2 პუნქტით განსაზღვრული ,,საქონლის საბაჟო ღირებულების კორექტირების აქტი“.

 

დანართი №2

საქონლის საბაჟო ღირებულების კორექტირების აქტი №

1. ექსპორტიორი

2. იმპორტიორი

3. დეკლარანტი

4. სსდ-ის ნომერი და თარიღი

5. საბაჟო გაფორმების ორგანო

6. თანმხლები დოკუმენტების რეკვიზიტები და

მიწოდების პირობა ,,ინკოტერმსი"-ს შესაბამისად

7. დეკლარირებული საბაჟო ღირებულება

8. საბაჟო ღირებულების დეკლარირებული ელემენტები

9. დეკლარირებული საბაჟო ღირებულების დასამატებელი ხარჯები საქართველოს საბაჟო კოდექსის 38-ე მუხლის შემდეგი ნაწილების ქვეპუნქტების შესაბამისად:

თანხა

10. დეკლარირებული საბაჟო ღირებულების გამოსაკლები ხარჯები საქართველოს საბაჟო კოდექსის 38-ე მუხლის შემდეგი ნაწილების ქვეპუნქტების შესაბამისად:

თანხა

1-ლი ნაწილის ,,ა" ქვეპუნქტი

მე-9 ნაწილის ,,ა" ქვეპუნქტი

,,ბ" ქვეპუნქტი

,,ბ" ქვეპუნქტი

,,გ" ქვეპუნქტი

,,გ" ქვეპუნქტი

მე-2 ნაწილის ,,ა" ქვეპუნქტი

,,დ" ქვეპუნქტი

,,ბ" ქვეპუნქტი

,,ე" ქვეპუნქტი

,,გ" ქვეპუნქტი

მე-4 ნაწილი

მე-5 ნაწილი

მე-6 ნაწილის ,,ა" ქვეპუნქტი

,,ბ" ქვეპუნქტი

სულ

სულ

11. ხარჯების დამატების (გამოკლების) საფუძველი

12. საბაჟო ორგანოს მიერ კორექტირებული ან სხვა მეთოდებით დადგენილი საბოლოო საბაჟო ღირებულება

13. კორექტირების განმახორციელებელი საბაჟო მოხელე -----------------------------------------------------                                                                       Ó ĭ ij Ś

14. კორექტირებას ვეთანხმები ----------------------------------------------------------------------------------------                                                           დეკლარანტის ხელმოწერა (არსებობისას – ბეჭედი), თარიღი

15. კორექტირებას არ ვეთანხმები -------------------------------------------------------------------------------------                                                            დეკლარანტის ხელმოწერა (არსებობისას – ბეჭედი), თარიღი

  

 

დანართი №3

შეტყობინება

საქონლის საბაჟო ღირებულების კორექტირების შესახებ

———————————— გეგზავნებათ შეტყობინება

(დეკლარანტის დასახელება)

საქონლის საბაჟო ღირებულების კორექტირების შესახებ და გაცნობებთ, რომ საბაჟო ორგანოს მიაჩნია თქვენ მიერ ,,№“ სსდ-ით დეკლარირებული საბაჟო ღირებულების კორექტირება უნდა განხორციელდეს თანდართული ,,საქონლის საბაჟო ღირებულების კო­რექ­ტირების აქტში“ დაფიქსირებული მონაცემების შესაბამისად.

იმ შემთხვევაში, თუ:

1. ეთანხმებით თანდართული აქტის მონაცემებს, შეავსეთ აქტის მე-14 გრაფა და გამოაგზავნეთ გაფორმების საბაჟო ორგანოში; 

2. არ ეთანხმებით თანდართული აქტის მონა­ცემებს:

2.1 შეავსეთ აქტის მე-15 გრაფა და გამოაგზავნეთ გაფორმების საბაჟო ორგანოში. ამასთან, შეგიძლიათ ერთი თვის ვადაში წარმოადგინოთ ,,U”-ით მონიშნული შემდეგი დამატებითი დოკუმენტები თქვენ მიერ დეკლა­რი­რებული საბაჟო ღირებულების უტყუარობის დასამ­ტკიცებლად:

ა) ანგარიშ-ფაქტურის (ინვოისის) ან ნებისმიერი სხვა საანგარიშსწორებო დოკუმენტის ორიგინალი;

 

ბ) სატრანსპორტო და სადაზღვევო დოკუმენტები მიწოდების პირობების შესაბამისად;

 

 

გ) საქონლის შეძენის ხელშეკრულება და მისი და­ნარ­თები;

 

დ) მყიდველის მიერ მესამე პირებთან დადებული ხელშეკრულება, რომელიც გავლენას ახდენს გარიგების ფასზე (შუამდგომლობა, საავტორო, ლიცენზიების, პატენ­ტების, მომსახურების, ნედლეულის და სხვა გა­და­სახ­დელები); 

 

ე) საბანკო გადარიცხვის დამადასტურებელი დოკუმენ­ტები(თუ ანგარიში განაღდებულია);

 

ვ) დოკუმენტები გამყიდველის სასარგებლოდ მესამე პირებისათვის გადახდის შესახებ;

 

 

ზ) დოკუმენტები საქონლის დასაწყობებისა და შე­ფუთ­ვის გადახდის შესახებ;

 

 

თ) სააღრიცხვო დოკუმენტები (სალაროს წიგნი, სალაროს შემოსავლისა და გასავლის ორდერები, ანგა­რიშ­გება მოგება-ზარალის შესახებ და სხვა);

 

 

ი) საქონლის შესყიდვის შეკვეთა და მისი დამადას­ტურებელი დოკუმენტი;

 

კ) საქონლის გამყიდველის პრეისკურანტი, სადაც მითითებულია ექსპორტის დროს საქონლის გასაყიდი ფა­სები და მიცემული ფასდაკლებები;

 

ლ) საქონლის კატალოგი;

 

მ) უცხო ქვეყნის ექსპორტის დეკლარაცია (თუ, იმპორტიორს შეუძლია მისი წარმოდგენა);

 

ნ) ქონების შეფასების ანგარიში, რომელიც შედგენი­ლია დამოუკიდებელი აუდიტორების მიერ(თუ, იმპორ­ტიორს შეუძლია წარმოადგინოს);

 

ო) სხვა ინფორმაცია და დოკუმენტები, რომლებიც წარმოადგენს დეკლარირებული საბაჟო ღირებულებისა და მისი ელემენტების დასაბუთების საფუძველს.  

2.2 შეავსეთ აქტის მე-15 გრაფა და გამოაგზავნეთ საბაჟო ორგანოში. ამასთან, თუ გსურთ საქონლის სა­ბა­­ჟო ორგანოდან გატანა საბოლოო გადაწყვეტილე­ბის მიღებამდე, შეგიძლიათ გადაიხადოთ თქვენ მიერ განსაზღვრული საბაჟო ღირებულების საფუძველზე გაანგა­რიშებული საბაჟო გადასახდელები და დამატებით წარმოადგინოთ საკმარისი გარანტია საქართველოს საბაჟო კოდექსის შესაბამისად, რომელიც მოიცავს საბაჟო ორგანოს მიერ განსაზღვრულ საქონლის საბაჟო ღირებულების საფუძველზე გაანგარიშებულ საბაჟო გადასახდელებისა და თქვენ მიერ განსაზღვრულ საბაჟო ღირებულების საფუძველზე გაანგარიშებულ საბაჟო გადასახდელებს შორის სხვაობას და, ამასთან ერთი თვის ვადაში წარმოადგინოთ 2.1 ქვეპუნქტში მითითე­ბული, მონიშნული დამატებითი დოკუმენტები თქვენ მიერ დეკლარირებული საბაჟო ღირებულების უტყუა­რო­ბის დასამტკიცებლად.

 

საბაჟო ორგანოს

პასუხისმგებელი პირი                 ხელმოწერა, ბეჭედი,

 თარიღი   

 

შენიშვნა:

1. 1-8 გრაფები ივსება სსდ-ის მიხედვით.

2. მე-11 გრაფაში მიეთითება ინფორმაცია იმ წყაროს შესახებ, რომლის საფუძველზე განხორციელდა კორექ­ტირება (მაგ. საბაჟო დეპარტამენტის საინფორ­მაციო ბაზიდან სსდ-ს ნომერი, გაფორმების საბაჟოს კოდი; სადაზღვევო და სატრანსპორტო ფასების მონაცე­მები და სხვა).

3. მე-12 გრაფაში ,,საბაჟო ორგანოს მიერ კორექტი­რებული საბოლოო საბაჟო ღირებულება“ – ჩაიწერება კორექტირების შედეგად მიღებული თანხა ან სხვა მეთოდით განსაზღვრული თანხა, აგრეთვე გამოყენებული მეთოდის ნომერი.

4. მე-13 გრაფაში ,,საბაჟო ორგანოს პასუხისმგე­ბელი პირი: ხელმოწერა, ბეჭედი, თარიღი“ – აღინიშ­ნება იმ თანამდებობის პირის სახელი და გვარი, კო­რექ­ტირების თარიღი და პირადნომრიანი ბეჭედი, რო­მელმაც განახორციელა დეკლარირებული საბაჟო ღირებულების კორექტირება.

5. მე-14-15 გრაფაში ,,დეკლარანტის ხელმოწერა და ბეჭედი“ აღინიშნება დეკლარანტის სახელი და გვარი (არსებობისას ბეჭედიც), იმ შემთხვევაში, რო­დესაც დეკლარანტი შესაბამისად, ეთანხმება ან არ ეთანხმე­ბა კორექტირების მონაცემებს.

6. აქტი ივსება ორ ეგზემპლარად. ერთი რჩება საბაჟო ორგანოში, მეორე გადაეცემა (გადაეგზავნება) დეკლა­რანტს დადგენილი წესით. დეკლარანტის ეგზემ­პლარი შესაბამისი გადაწყვეტილებით (გრაფა მე-14 ან მე-15) უბრუნდება საბაჟო ორგანოს.

 

საქართველოს საბაჟო კოდექსი

    მუხლი 38. საბაჟო ღირებულების ელემენტები

1. იმპორტირებული საქონლის საბაჟო ღირებუ­ლების ამ კოდექსის 32-ე მუხლის საფუძველზე განსაზღ­ვრისას გარიგების ფასს უნდა დაემატოს შემდეგი ხარ­ჯები, იმ პირობით, რომ ეს ხარჯები მყიდველმა რეალურად გასწია, მაგრამ ისინი არ არის ჩართული გარიგების ფასში:

ა) საკომისიო და საბროკერო ხარჯები, გარდა შეს­ყიდვაზე გაწეული საკომისიო ხარჯებისა;

ბ) იმ კონტეინერების ღირებულება, რომლებიც საბაჟო მიზნებისათვის განიხილება იმპორტირებულ საქონელთან ერთობლიობაში;

გ) შეფუთვის ღირებულება, გაწეული შრომისა და შესაფუთი მასალების ჩათვლით.

2. თუ მყიდველის მიერ საქონელი ან მომსახურება გამყიდველს უფასოდ ან ფასდაკლებით, პირდაპირ ან არაპირდაპირ მიეწოდება და გამოიყენება იმპორტი­რებული საქონლის წარმოებასთან და საექსპორტოდ გაყიდვასთან დაკავშირებით, საქონლის საბაჟო ღირებუ­ლების ამ კოდექსის 32-ე მუხლის საფუძველზე განსაზ­ღვ­რისას გარიგების ფასს უნდა დაემატოს შემდეგი საქონლისა და მომსახურების პროპორციულად განაწი­ლე­ბუ­ლი ღირებულება იმ ოდენობით, რომლითაც ეს ღირე­ბულება ჩართული არ არის გადახდილ ან გადასახდელ ფასში:

ა) საქონლის შემადგენლობაში შემავალი მასალები, ნაწილები (დეტალები) და სხვა ანალოგიური კომპონენ­ტები;

ბ) სა­ქონლის წარმოების დროს გამოყენებული სამუშაო ინსტრუმენტები, შტამპები, ჩამოსასხმელი ფორმები და შრომის სხვა საშუალებები;

გ) საქართველოს ფარგლებს გარეთ წარმოებული ინჟინერია, დამუშავება, საკონსტრუქტორო და სამხატ­ვრო-დიზაინერული საქმიანობა, მხაზველობითი სამუშაოები, პროექტები, სქემები, ესკიზები და სხვა სამუშაოები.

3. ამ მუხლის მე-2 ნაწილის მიზნებისათვის საქონ­ლისა და მომსახურების ღირებულება, რომელიც უნდა შევიდეს საბაჟო ღირებულებაში, უნდა განისაზღვროს იმ ფასით, რომლითაც იგი შეიძინა მყიდველმა. თუ ეს საქონელი ნაწარმოებია თვით მყიდველის მიერ, მისი ფასი განისაზღვრება მყიდველის საბუღალტრო დოკუმენტაციაზე დაყრდნობით. იმ შემთხვევაში, როცა მოცემული საქონელი ამორტიზებულია, მისი ღირებუ­ლება განისაზღვრება ამორტიზაციის ნორმების გათვალისწინებით.

4. საქონლის საბაჟო ღირებულების ამ კოდექსის 32-ე მუხლის საფუძველზე განსაზღვრისას გარიგების ფასს უნდა დაემატოს იმპორტირებულ საქონელთან დაკავშირებული საავტორო ჰონორარი ან სალიცენზიო გადასახდელები იმ ოდენობით, რა ოდენობითაც ჩარ­თული არ არის გადახდილ ან გადასახდელ ფასში და პირ­დაპირ ან არაპირდაპირ უნდა გადაიხადოს მყიდველ­მა, როგორც ყიდვა-გაყიდვის ხელშეკრულებით გათვა­ლის­წინებული იმპორტირებული საქონლის პირობა. მასში შედის გადასახდელები პატენტებზე, სასაქონლო მარკებზე, საავტორო უფლებებზე, „ნოუ-ჰაუზე“. ამას­თანავე, სალიცენზიო და ინტელექტუალური საკუთრე­ბის გადასახდელები ჩაირთვება საბაჟო ღირებულებაში, თუ ინტელექტუალური საკუთრების ნიმუშებს განუყრე­ლი კავშირი აქვს იმპორტირებულ საქონელთან და ეს პირობები დაფიქსირებულია კონტრაქტში. თუ მყიდვე­ლი სალიცენზიო გადასახდელებს უხდის მესამე პირს, ეს შეთანხმებული უნდა იყოს გამყიდველთან.

5. საქონლის საბაჟო ღირებულების ამ კოდექსის 32-ე მუხლის საფუძველზე განსაზღვრისას გარიგების ფასს უნდა დაემატოს იმ მოგების ნაწილის ღირებულება, რომელიც საქონლის ყოველი შემდგომი გადაყიდვის, განკარგვის და გამოყენების შედეგად პირდაპირ ან არაპირდაპირ ეკუთვნის გამყიდველს.

6. საქონლის საბაჟო ღირებულებაში ჩაირთვება იმპორ­ტირებული საქონლის მიერ საქართველოს საბაჟო საზღვრის გადმოკვეთამდე გაწეული შემდეგი ხარჯები:

ა) ტრანსპორტირების ღირებულება, დატვირთვა-გადმოტვირთვისა და დამუშავების (მათ შორის, საწყობში შენახვის) ხარჯები. თუ სხვადასხვა საქონლის პარტია ერთი და იმავე ტრანსპორტით არის იმპორ­ტირე­ბული, ტრანსპორტირების ხარჯები პროპორ­ციულად გადანაწილდება;

ბ) დაზღვევასთან დაკავშირებული ხარჯები.

7. ამ მუხლის დებულებების შესაბამისად გარიგების ფასს ემატება საიმედო მონაცემების საფუძველზე განსაზ­ღვრული ხარჯები, რომლებიც გაწეულ იქნა საქონლის მკაცრად განსაზღვრულ რაოდენობაზე.

8. საქონლის საბაჟო ღირებულების განსაზღვრისას დაუშვებელია გარიგების ფასისათვის იმ ხარჯების მიკუთ­ვნება, რომლებიც ამ მუხლით არ არის გათვალის­­წინებული.

9. საქონლის საბაჟო ღირებულებაში არ უნდა იყოს ჩართული შემდეგი გადასახდელები და ხარჯები, თუ ისინი გამოყოფილია საქონლის ფაქტობრივი ფასიდან:

ა) საქართველოს კანონმდებლობით დადგენილი გადასახადები და მოსაკრებლები;

ბ) ექსპორტიორი ქვეყნის არაპირდაპირი გადასახადე­ბი, რომლებიც გამოყოფილია გარიგების ფასიდან;

გ) საქართველოს საბაჟო საზღვრის გადმოკვეთის შემდგომი ტრანსპორტირების ხარჯები;

დ) სამშენებლო-სამონტაჟო სამუშაოების, საწყობის, მომსახურების ან გაწეული ტექნიკური დახმარების ხარჯები, რომლებიც გაწეულ იქნა საქონლის შემოტა­ნის შემდეგ;

ე) საბაჟო პროცედურებთან დაკავშირებული ხარჯები და სხვა ხარჯები, რომლებიც დაკავშირებულია საქარ­თვე­ლოს ტერიტორიაზე იმპორტირებული საქონლის გადაადგილებასთან.