სასჯელაღსრულების დეპარტამენტის სატრანსპორტო განყოფილებასთან არსებულ ავტოფარეხის ბაზაზე იუსტიციის სამინისტროს საფინანსო-სამეურნეო დეპარტამენტის მსჯავრდებულთა და პატიმართა შრომითი რეაბილიტაციის სამმართველოს ავტოსატრანსპორტო საშუალებების ტექნიკური მომსახურების საწარმოო უბნის შექმნის შესახებ

სახელმწიფო სარეგისტრაციო კოდი 100.110.000.11.106.004.941

საქართველოს იუსტიციის მინისტრის

ბრძანება №315

2001 წლის 24 აგვისტო

ქ. თბილისი

სასჯელაღსრულების დეპარტამენტის სატრანსპორტო განყოფილებასთან არსებულ ავტოფარეხის ბაზაზე იუსტიციის სამინისტროს საფინანსო-სამეურნეო დეპარტამენტის მსჯავრდებულთა და პატიმართა შრომითი რეაბილიტაციის სამმართველოს ავტოსატრანსპორტო საშუალებების  ტექნიკური მომსახურების საწარმოო უბნის შექმნის შესახებ

საქართველოს იუსტიციის სამინისტროს 2001 წლის 18 იანვრის №25 ბრძანებით დამტკიცებული "საქართველოს იუსტიციის სამინისტროს საფინანსო-სამეურნეო დეპარტამენტის, მსჯავრდებულთა და პატიმართა შრომითი რეაბილიტაციის სამმართველოს დებულებებისა  და საწარმოო უბნის სანიმუშო წესდების მოთხოვნათა შესაბამისად ვბრძანებ:

1. სასჯელაღსრულების დეპარტამენტის სატრანსპორტო განყოფილებასთან არსებული (ქ.თბილისი, გორგასალის ქ. №89) ავტოფარეხის ბაზაზე შეიქმნას იუსტიციის სამინისტროს საფინანსო-სამეურნეო დეპარტამენტის მსჯავრდებულთა და პატიმართა შრომითი რეაბილიტაციის სამმართველოს ავტოსატრანსპორტო საშუალებების  ტექნიკური მომსახურების საწარმოო უბანი და დამტკიცდეს მისი თანდართული წესდება (დანართი №1).

2. ავტოსატრანსპორტო საშუალებების  ტექნიკური მომსახურების  საწარმოო უბანს სარგებლობის უფლებით გადეცეს იუსტიციის სამინისტროს ბალანსზე რიცხული ძირითადი საშუალებები, შენობა-ნაგებობები, საბრუნავი საშუალებებისა და მატერიალური ფასეულებების არსებული ნაშთები თანდართული სიის მიხედვით (დანართი №2).

3. დამტკიცდეს ავტოსატრანსპორტო საშუალებების  ტექნიკური მომსახურების  საწარმოო უბნის საშტატო განრიგი (დანართი№3).

4. დაევალოს საფინანსო-სამეურნეო დეპარტამენტს (ბ-ნ ლ. ქოჩქიანს) არსებული წესის შესაბამისად უზრუნველყოს ძირითადი საშუალებების, შენობა-ნაგებობების, საბრუნავი საშუალებებისა და მატერიალური ფასეულობების ნაშთების გადაცემა ავტოსატრანსპორტო საშუალებების  ტექნიკური მომსახურების საწარმოო უბნისათვის.

მ. სააკაშვილი

საქართველოს იუსტიციის სამინისტროს საფინანსო-სამეურნეო დეპარტამენტის მსჯავრდებულთა და პატიმართა შრომითი რეაბილიტაციის სამმართველოს ავტოსატრანსპორტო საშუალებების ტექნიკური მომსახურების საწარმოო უბნის წესდება

    მუხლი I.   ზოგადი დებულებები

1. ავტოტექმომსახურების საწარმოო უბანი წარმოადგენს საქართველოს იუსტიციიის სამინისტროს საფინანსო-სამეურნეო დეპარტამენტის მსჯავრდებულთა და პატიმართა შრომითი რეაბილიტაციის სამმართველოს სტრუქტურულ ერთეულს.

2. ავტოტექმომსახურების საწარმოო უბნის იურიდიული მისამართია: ქ. თბილისი, გორგასალის ქ. №89.

3. ავტოტექმომსახურების საწარმოო უბანი იქმნება იუსტიციის მინისტრის ბრძანებით.

    მუხლი 2. ავტოტექმომსახურების საწარმოო უბნის იურიდიული სტატუსი

1. ავტოტექმომსახურების საწარმოო უბანს, როგორც საფინანსო-სამეურნეო დეპარტამენტის მსჯავრდებულთა და პატიმართა შრომითი რაბილიტაციის სამმართველოს სტრუქტურულ ერთეულს აქვს განცალკევებული ქონება, რომელიც მას გადაეცემა იუსტიციის სამინისტროს ბალანსზე რიცხული ქონებიდან მინისტრის ბრძანებით სარგებლობის უფლებით.

2. ავტოტექმომსახურების საწარმოო უბანს გააჩნია: დამოუკიდებელი ბალანსი, რომელიც იუსტიციის სამინისტროს ხარჯთაღრიცხვის ნაწილია, ბეჭედი და შტამბი.

    მუხლი 3. ავტოტექმომსახურების საქმიანობის საგანი და მიზნები

 ავტოტექმომსახურების საწარმოო უბნის შექმნის მიზანია:

ა)სასჯელაღსრულების დეპარტამენტის ბალანსზე რიცხული ავტოსატრანსპორტო  საშუალებების ტექნიკური მომსახურება;

 ბ)ავტოსატრანსპორტო  საშუალებების შეკეთებითი სამუშაოების დროულად ჩატარება და მომსახურებისათვის გათვალისწინებული ფინანსური სახსრების ეკონომიურად ხარჯვა ;

გ) გარეშე ორგანიზაციებისა და პირად მფლობელობაში მყოფი სატრანსპორტო საშუალებების შეკეთებითი სამუშაოების წარმოება, რომელიც ნებადართულია კანონმდებლობით ;

დ)ფართო მოხმარების საქონლის წარმოება და რეალიზაცია.  ყველა სახის საქმიანობა, რომელიც ნებადართულია კანონმდებლობით.

    მუხლი 4. ავტოტექმომსახურების საწარმოო უბნის ხელმძღვანელობა

1. ავტოტექმომსახურების საწარმოო უბნის ხელმძღვანელობას ახორციელებს ავტოტექმომსახურების საწარმოო უბნის უფროსი, რომელსაც საფინანსო-სამეურნეო დეპარტამენტის და სასჯელაღსრულების დეპარტამენტის უფროსის წარდგენით თანამდებობაზე ნიშნავს და ათავისუფლებს მინისტრი.

2. ავტოტექმომსახურების საწარმოო უბნის უფროსი ვალდებულია საწარმოოს საქმიანობა წარმართოს საქართველოს მოქმედი კანონმდებლობის შესაბამისად.

3. საშტატო განრიგს შეიმუშავებს ავტოტექმომსახურების საწარმოო უბნის უფროსი, ათანხმებს საფინანსო-სამეურნეო დეპარტამენტთან და ამტკიცებს იუსტიციის მინისტრი.

4. ავტოტექმომსახურების საწარმოო უბნის მთავარ მექანიკოსს და  თანამდებობის პირებს საფინანსო-სამეურნეო დეპარტამენტის მსჯავრდებულთა და პატიმართა შრომითი რეაბილიტაციის სამმართველოსთან და სასჯელაღსრულების დეპარტამენტის სატრანსპორტო განყოფილებასთან  შეთანხმებით ნიშნავს და ათავისუფლებს საწამოო უბნის უფროსი.

    მუხლი 5. წარმომადგენლობა

1. ავტოტექმომსახურების საწარმოო უბნის წარმომადგენლობა ეკისრება მის უფროსს. იგი წარმოადგენს ავტოტექმომსახურების საწარმოო უბანს მესამე პირებთან ურთიერთობაში. მსჯავრდებულთა და პატიმართა შრომითი რეაბილიტაციის სამმართველოსთან შეთანხმებით აწარმოებს მოლაპარაკებებს, ამზადებს და დებს გარიგებებს მოქმედი კანონმდებლობის შესაბამისად.

2. ავტოტექმომსახურების საწარმოო უბნის უფროსი საფინანსო-სამეურნეო დეპარტამენტის მსჯავრდებულთა და პატიმართა შრომითი რეაბილიტაციის სამმართველოსთან და სასჯელაღსრულების დეპარტამენტის სატრანსპორტო განყოფილებასთან შეთანხმებით ამუშავებს სასჯელაღსრულების დეპარტამენტის ბალანსზე რიცხული სატრანსპორტო საშუალებების საპროგნოზო შეკეთებითი სამუშაოების მოცულობებს.

3. ავტოტექმომსახურების საწარმოო უბნის უფროსის თანამდებობიდან  გათავისუფლების შემთხვევაში უბნის წარმომადგენლობა დაეკისრება ავტოტექმომსახურების საწარმოო უბნის მთავარ მექანიკოსს, ვიდრე დანიშნული იქნება ავტოტექმომსახურების საწარმოო უბნის ახალი უფროსი.

    მუხლი 6. იუსტიციის სამინისტროს უფლებმოსილებანი ავტოტექმომსახურების საწარმოო უბნის მართვის სფეროში

1. იუსტიციის სამინისტრო გადაწყვეტილებებს იღებს შემდეგ საკითხებზე:

ა) წლიური ანგარიშის დამტკიცება;

ბ) სამეურნეო შედეგების გამოყენება;

გ) უფროსის დანიშვნა-გათავისუფლება;

დ) ავტოტექმომსახურების საწარმოო უბნის წესდების დამტკიცება და მასში ცვლილებების შეტანა.

    მუხლი 7. ავტოტექმომსახურების საწარმოო უბნის ქონება, ფონდები, მოგებისა და ზარალის განაწილება

1. ავტოტექმომსახურების საწარმოო უბნის ქონება წარმოადგენს სახელმწიფო საკუთრებას და მინისტრის ბრძანებით გადაცემული აქვს ბალანსზე სარგებლობის უფლებით.

2. ავტოტექმომსახურების საწარმოო უბნის ქონება შედგება სამინისტროს მიერ საწარმოსათვის გადაცემული ძირითადი ფონდების, საბრუნავი საშუალებებისა და სხვა მატერიალური ფასეულობებისაგან,  რომელთა ღირებულებაც ასახულია საწარმოო ბალანსზე.

3. ავტოტექმომსახურების საწარმოო უბნის ქონება იქმნება აგრეთვე მისი სამეურნეო საქმიანობიდან მიღებული შემოსავლებისაგან.

4. ავტოტექმომსახურების საწარმოო უბნის კვარტალური და  წლიური  მოგება მიემართება იუსტიციის სამინისტროს სპეციალურ ანგარიშზე და მისი განაწილების წესს განსაზღვრავს საქართველოს იუსტიციის სამინისტრო.

    მუხლი 8. ანგარიშგება

1. ავტოტექმომსახურების საწარმოო უბანი კვარტალურ და წლიურ ანგარიშებს კანონმდებლობით დადგენილი წესით წარუდგენს იუსტიციის სამინისტროს.

2.იუსტიციის სამინისტროს  უფლება აქვს ჩაატაროს ავტოტექმომსახურების საწარმოო უბნის საწარმოო-საფინანსო საქმიანობის რევიზია.  ნებისმიერი სახის შემოწმების ჩატარებისას არ უნდა დაირღვეს საწარმოო უბნის მუშაობის რიტმი.

    მუხლი 9. დავების გადაწყვეტა

ავტოტექმომსახურების საწარმოო უბნის საქმიანობისას მესამე პირთან წარმოშობილი დავების გადაწყვეტა ხდება მოქმედი კანონმდებლობის შესაბამისად. 

    მუხლი 10. ავტოტექმომსახურების საწარმოო უბნის რეორგენიზაცია და ლიკვიდაცია

ავტოტექმომსახურების საწარმოო უბნის რეორგანიზაციისა და ლიკვიდაციის შესახებ გადაწყვეტილებას იღებს იუსტიციის მინისტრი.

დანართი №2

იუსტიციის სამინისტროს საფინანსო-სამეურნეო დეპარტამენტის მსჯავრდებულთა და პატიმართა შრომითი რეაბილიტაციის სამმართველოს ავტოსატრანსპორტო საშუალებების ტექნიკური მომსახურების საწარმოო უბნისათვის გადასაცემ შენობა-ნაგებობათა, ძირითად საშუალებათა და მატერიალურ ფასეულებათა სია

                                                                                                                                     (ლარებში)

დანართი №3

მსჯავრდებულთა და პატიმართა შრომითი რეაბილიტაციის სამმართველოს ავტოსატრანსპორტო საშუალებების ტექნიკური მომსახურების საწარმოო უბნის საშტატო განრიგი