აბაშის მუნიციპალიტეტის საკუთრებაში არსებული ქონების საპრივატიზებო საწყისი ფასისა და სასყიდლიანი სარგებლობის ფორმით გაცემისას, საწყისი წლიური ქირის ოდენობის დადგენის შესახებ.

დოკუმენტის სტრუქტურა

განმარტებების დათვალიერება

დაკავშირებული დოკუმენტები

დოკუმენტის კომენტარები

დოკუმენტის მონიშვნები

კონსოლიდირებული პუბლიკაციები

29/02/2012 05/07/2011 05/07/2011 09/06/2011 02/05/2011

უკან დაბრუნება

აბაშის მუნიციპალიტეტის საკუთრებაში არსებული ქონების საპრივატიზებო საწყისი ფასისა და სასყიდლიანი სარგებლობის ფორმით გაცემისას, საწყისი წლიური ქირის ოდენობის დადგენის შესახებ.
დოკუმენტის ნომერი	20
დოკუმენტის მიმღები	აბაშის მუნიციპალიტეტი
მიღების თარიღი	19/04/2011
დოკუმენტის ტიპი	მუნიციპალიტეტისა და თვითმმართველი ქალაქის საკრებულოს დადგენილება
გამოქვეყნების წყარო, თარიღი	ვებგვერდი, 110426015, 02/05/2011
ძალის დაკარგვის თარიღი	09/03/2012
სარეგისტრაციო კოდი	010260020.35.110.016047
კონსოლიდირებული პუბლიკაციები

Word

თქვენ უყურებთ დოკუმენტის პირველად სახეს
დოკუმენტის კონსოლიდირებული ვარიანტის ნახვა ფასიანია, აუცილებელია სისტემაში შესვლა და საჭიროების შემთხვევაში დათვალიერების უფლების ყიდვა, გთხოვთ გაიაროთ რეგისტრაცია ან თუ უკვე რეგისტრირებული ხართ, გთხოვთ, შეხვიდეთ სისტემაში

პირველადი სახე (02/05/2011 - 09/06/2011)

აბაშის მუნიციპალიტეტის საკრებულოს

დადგენილება №20

2011 წლის 19 აპრილი

აბაშა

აბაშის მუნიციპალიტეტის საკუთრებაში არსებული ქონების საპრივატიზებო საწყისი ფასისა და სასყიდლიანი სარგებლობის ფორმით გაცემისას, საწყისი წლიური ქირის ოდენობის დადგენის შესახებ

„ადგილობრივი თვითმმართველობის შესახებ“ საქართველოს ორგანული კანონის 43-ე მუხლის მე-2 პუნქტისა და 22-ე მუხლის, 1-ლი პუნქტის ,,ქ“ ქვეპუნქტის, ,,სახელმწიფო ქონების შესახებ“ საქართველოს კანონის მე-19 მუხლის პირველი და მე-6 პუნქტების, ,,ადგილობრივი თვითმმართველი ერთეულის ქონების შესახებ“ საქართველოს კანონის 19² მუხლის პირველი პუნქტის, 19¹5 მუხლის მე-2 და მე-3 პუნქტების, ,,სახელმწიფო საკუთრებაში არსებული ქონების საპრივატიზებო და სარგებლობაში გადაცემის საფასურის განსაზღვრის წესის დამტკიცების შესახებ“ საქართველოს პრეზიდენტის 2010 წლის 19 აგვისტოს №659 ბრძანებულების, ,,აბაშის მუნიციპალიტეტში, სახელმწიფო და აბაშის მუნიციპალიტეტის საკუთრებაში არსებული არასასოფლო-სამეურნეო დანიშნულების მიწის ნორმატიული ფასის დადგენის შესახებ“ და ,,აბაშის მუნიციპალიტეტის ქონების ფლობის, განკარგვის და სარგებლობის წესის დამტკიცების შესახებ“ აბაშის მუნიციპალიტეტის საკრებულოს 2011 წლის 18 თებერვლის №3 და №4 დადგენილებების და საქართველოს სამოქალაქო კოდექსის საფუძველზე, აბაშის მუნიციპალიტეტის საკრებულომ დაადგინა:

1. აბაშის მუნიციპალიტეტის საკუთრებაში არსებული (გარდა მიწისა) უძრავი ქონების (აშენებული, მშენებარე ან დანგრეული შენობა-ნაგებობები) და მოძრავი ნივთების საპრივატიზებო საწყისი ფასის ოდენობა განისაზღვროს მისი ნარჩენი საბალანსო ან დამოუკიდებელი აუდიტორის (ექსპერტის) დასკვნით დადგენილი ღირებულებებით;

2. აბაშის მუნიციპალიტეტის საკუთრებაში არსებული უძრავი ქონების სასყიდლიანი სარგებლობის ფორმით გაცემისას, საწყისი წლიური ქირის ოდენობა დადგინდეს:

ა) 1 კვ.მ. არასასოფლო-სამეურნეო დანიშნულების მიწაზე მისი საპრივატიზებო საწყისი ფასის 7 (შვიდი) პროცენტის ოდენობით, ქვემოთ მოცემული ცხრილის მიხედვით:

№	არასასოფლო-სამეურნეო დანიშნულების მიწის ადგილმდებარეობა	1 კვ.მ. მიწის საპრივატიზებო საწყისი ფასი ლარებში	საწყისი წლიური ქირის ოდენობა ლარებში
1.	ქ. აბაშაში და საერთაშორისო მნიშვნელობის საავტომობილო გზის (თბილისი-სენაკი-ლესელიძე) 50 მეტრ რადიუსში მდებარე მიწა	15.792	1.11
2.	სოფლებში, გარდა საერთაშორისო მნიშვნელობის საავტომობილო გზის 50 მეტრ რადიუსში მდებარე მიწისა	7.896	0.55
3.	დასახლებათა შორის არეალებში, გარდა საერთაშორისო და შიდა სახელმწიფოებრივი მნიშვნელობის საავტომობილო გზების 50 მეტრ რადიუსში მდებარე მიწისა	3.948	0.28

ბ) სხვა უძრავ ქონებაზე:

ბ.ა) ქ. აბაშაში და საერთაშორისო მნიშვნელობის საავტომობილო გზის (თბილისი-სენაკი-ლესელიძე), 50 მეტრ რადიუსში მდებარე ნივთებზე, მისი საპრივატიზებო საწყისი ფასის 7 (შვიდი) პროცენტის ოდენობით;

ბ.ბ) სოფლებში მდებარე ნივთებზე, მისი საპრივატიზებო საწყისი ფასის 5 (ხუთი) პროცენტის ოდენობით;

გ) მოძრავ ნივთებზე, მისი საპრივატიზებო საწყისი ფასის 10 (ათი) პროცენტის ოდენობით.

3. ამ დადგენილების ამოქმედების დღიდან ძალადაკარგულად გამოცხადდეს აბაშის მუნიციპალიტეტის 2010 წლის 21 მაისის №8 დადგენილება ,,აბაშის მუნიციპალიტეტის ადგილობრივი თვოთმმართველობის საკუთრებაში არსებული ქონების სასყიდლიანი სარგებლობის უფლებებით გადაცემისას, საწყისი წლიური ქირის ოდენობის განსაზღვრის შესახებ“.

4. დადგენილება ამოქმედდეს ,,ნორმატიული აქტების შესახებ” საქართველოს კანონის შესაბამისად, გამოქვეყნებისთანავე.

საკრებულოს თავმჯდომარე დ. თოფურია

4. 29/02/2012 - მუნიციპალიტეტისა და თვითმმართველი ქალაქის საკრებულოს დადგენილება - 10 - ვებგვერდი, 09/03/2012 3. 05/07/2011 - მუნიციპალიტეტისა და თვითმმართველი ქალაქის საკრებულოს დადგენილება - 32 - ვებგვერდი, 110711016, 12/07/2011 2. 05/07/2011 - მუნიციპალიტეტისა და თვითმმართველი ქალაქის საკრებულოს დადგენილება - 30 - ვებგვერდი, 110711014, 12/07/2011 1. 09/06/2011 - მუნიციპალიტეტისა და თვითმმართველი ქალაქის საკრებულოს დადგენილება - 29 - ვებგვერდი, 110614003, 20/06/2011