თბილისისა და ქუთაისის საოლქო სასამართლოების სამოქმედო ტერიტორიების, სასამართლო კოლეგიებსა და პალატებში მოსამართლეთა რაოდენობის განსაზღვრის შესახებ

საქართველოს პრეზიდენტის

ბრძანებულება №154

1999 წლის 19 აპრილი

 ქ. თბილისი

თბილისისა და ქუთაისის საოლქო სასამართლოების სამოქმედო ტერიტორიების, სასამართლო კოლეგიებსა და პალატებში მოსამართლეთა რაოდენობის განსაზღვრის შესახებ

სასამართლო რეფორმის განხორციელებისა და „საერთო სასამართლოების შესახებ“ საქართველოს ორგანული კანონის მე-19 მუხლის მე-2 პუნქტისა და მე-20 მუხლის მე-4 პუნქტის მოთხოვნათა შესაბამისად:

1. თბილისის საოლქო სასამართლოს სამოქმედო ტერიტორიას განეკუთვნოს: ადიგენის, ასპინძის, ახალგორის, ახალქალაქის, ახალციხის, ახმეტის, ბოლნისის, ბორჯომის, გარდაბნის, გორის, გურჯაანის, დედოფლისწყაროს, დმანისის, დუშეთის, თეთრი წყაროს, თელავის, თიანეთის, კასპის, ლაგოდეხის, მარნეულის, მცხეთის, ნინოწმინდის, საგარეჯოს, სიღნაღის, ქარელის, ყაზბეგის, ყვარელის, წალკის, ხაშურის, ჯავის, ქ. თბილისის – გლდანი-ნაძალადევის, დიდუბე-ჩუღურეთის, ვაკე-საბურთალოს, მთაწმინდა-კრწანისის, ისანი-სამგორის რაიონული და რუსთავის საქალაქო სასამართლოების სამოქმედო ტერიტორიები.

2. თბილისის საოლქო სასამართლოში მოსამართლეთა რაოდენობა განისაზღვროს 47 მოსამართლით.

3. თბილისის საოლქო სასამართლოს კოლეგიებსა და პალატებში მოსამართლეთა რაოდენობა განისაზღვროს:

ა) სამოქალაქო და სამეწარმეო საქმეთა კოლეგია 3 მოსამართლის შემადგენლობით;

ბ) სისხლის სამართლის საქმეთა კოლეგია 6 მოსამართლის შემადგენლობით;,

გ) ადმინისტრაციული სამართლისა და საგადასახადო საქმეთა კოლეგია 3 მოსამართლის შემადგენლობით;

დ) სამოქალაქო, სამეწარმეო და გაკოტრების საქმეთა სააპელაციო პალატა 12 მოსამართლის შემადგენლობით;

ე) სისხლის სამართლის საქმეთა სააპელაციო პალატა 12 მოსამართლის შემადგენლობით;

ვ) ადმინისტრაციული სამართლისა და საგადასახადო საქმეთა სააპელაციო პალატა 6 მოსამართლის შემადგენლობით;

ზ) საგამოძიებო კოლეგია 5 მოსამართლის შემადგენლობით.

4. ქუთაისის საოლქო სასამართლოს სამოქმედო ტერიტორიას განეკუთვნოს: აბაშის, ამბროლაურის, ბაღდათის, ვანის, ზესტაფონის, ზუგდიდის, თერჯოლის, ლანჩხუთის, ლენტეხის, მარტვილის, მესტიის, ოზურგეთის, ონის, სამტრედიის, საჩხერის, სენაკის, ტყიბულის, ჩოხატაურის, ჩხოროწყუს, წალენჯიხის, წყალტუბოს, ცაგერის, ჭიათურის, ხარაგაულის, ხობის, ხონის რაიონული, ფოთისა და ქუთაისის საქალაქო სასამართლოების სამოქმედო ტერიტორიები.

5. ქუთაისის საოლქო სასამართლოში მოსამართლეთა რაოდენობა განისაზღვროს 37 მოსამართლით.

6. ქუთაისის საოლქო სასამართლოს კოლეგიებსა და პალატებში მოსამართლეთა რაოდენობა განისაზღვროს:

ა) სამოქალაქო და სამეწარმეო საქმეთა კოლეგია 3 მოსამართლის შემადგენლობით;

ბ) სისხლის სამართლის საქმეთა კოლეგია 3 მოსამართლის შემადგენლობით;

გ) ადმინისტრაციული სამართლისა და საგადასახადო საქმეთა კოლეგია 3 მოსამართლის შემადგენლობით;

დ) სამოქალაქო, სამეწარმეო და გაკოტრების საქმეთა სააპელაციო პალატა 9 მოსამართლის შემადგენლობით;

ე) სისხლის სამართლის საქმეთა სააპელაციო პალატა 9 მოსამართლის შემადგენლობით;

ვ) ადმინისტრაციული სამართლისა და საგადასახადო საქმეთა სააპელაციო პალატა 6 მოსამართლის შემადგენლობით;

ზ) საგამოძიებო კოლეგია 4 მოსამართლის შემადგენლობით.

7. თბილისისა და ქუთაისის საოლქო სასამართლოები ამოქმედდეს 1999 წლის 15 მაისიდან.

8. გაუქმდეს „თბილისისა და ქუთაისის სააპელაციო სასამართლოების სამოქმედო ტერიტორიისა და სასამართლო კოლეგიებში მოსამართლეთა რაოდენობის განსაზღვრის შესახებ“ საქართველოს პრეზიდენტის 1997 წლის 14 ნოემბრის №650 ბრძანებულება.

ე. შევარდნაძე