„საქართველის შინაგან საქმეთა სამინისტროს მმართველობის სფეროში მოქმედი საჯარო სამართლის იურიდიული პირის – საქართველის შინაგან საქმეთა სამინისტროს მომსახურების სააგენტოს მოსამსახურეთა (პოლიციელთა) ფორმის ტანსაცმლის, ატრიბუტიკისა და ლოგოს შესახებ“

სახელმწიფო სარეგისტრაციო კოდი 140.130.000.22.034.013.897

საქართველოს შინაგან საქმეთა მინისტრის

ბრძანება №1517

2009 წლის 14 დეკემბერი

ქ. თბილისი

საქართველის შინაგან საქმეთა სამინისტროს მმართველობის სფეროში მოქმედი საჯარო სამართლის იურიდიული პირის – საქართველის შინაგან საქმეთა სამინისტროს მომსახურების სააგენტოს მოსამსახურეთა (პოლიციელთა) ფორმის ტანსაცმლის, ატრიბუტიკისა და ლოგოს შესახებ

„პოლიციის შესახებ“ საქართველოს კანონის 28-ე მუხლის პირველი პუნქტის, „საქართველოს შინაგან საქმეთა ორგანოებში სამსახურის გავლის წესის შესახებ დებულების დამტკიცების თაობაზე“ საქართველოს პრეზიდენტის 1997 წლის 17 მარტის №139 ბრძანებულების მე-2 მუხლის მე-2 პუნქტისა და ,,საქართველოს შინაგან საქმეთა სამინისტროს დებულების დამტკიცების შესახებ“ საქართველოს პრეზიდენტის 2004 წლის 27 დეკემბრის №614 ბრძანებულებით დამტკიცებული დებულების მე-11 პუნქტის „ა“ და „ნ“ ქვეპუნქტების საფუძველზე, ვბრძანებ:

1. დამტკიცდეს საქართველოს შინაგან საქმეთა სამინისტროს მმართველობის სფეროში მოქმედი საჯარო სამართლის იურიდიული პირის – საქართველოს შინაგან საქმეთა სამინისტროს მომსახურების სააგენტოს მოსამსახურეთა (პოლიციელთა) ფორმის ტანსაცმელი, ატრიბუტიკა და ლოგო დანართის შესაბამისად.

2. ბრძანება ამოქმედდეს გამოქვეყნებისთანავე.

ი. მერაბიშვილი

დანართი

პლანშეტი 1

მამაკაცის ყოველდღიური საზაფხულო ფორმა – მოკლემკლავიანი ღია რუხი ფერის მაისური; შავი ფერის შარვალი; წოდების შესაბამისი ატრიბუტიკა და ფურნიტურა.

პლანშეტი 2

მამაკაცის ყოველდღიური საგაზაფხულო-საშემოდგომო  ფორმა – ღია  რუხი ფერის გრძელმკლავიანი პერანგი; შავი ფერის შარვალი; შავი ფერის ჰალსტუხი; წოდების შესაბამისი ატრიბუტიკა და ფურნიტურა.

პლანშეტი 3

მამაკაცის ყოველდღიური საზაფხულო ფორმა – მოკლემკლავიანი ღია რუხი ფერის მაისური; შავი ფერის შარვალი; წოდების შესაბამისი ატრიბუტიკა და ფურნიტურა.

პლანშეტი 4

მამაკაცის სპეციალური უნიფორმა – შავი ფერის შარვალი; ღია რუხი ფერის გრძელსახელოებიანი პერანგი; მუქი რუხი ფერის ჟილეტი; შავი ფერის ჰალსტუხი; წოდების შესაბამისი ატრიბუტიკა და ფურნიტურა.

პლანშეტი 5

მამაკაცის ყოველდღიური საგაზაფხულო-საშემოდგომო ფორმა – ღია რუხი ფერის გრძელმკლავიანი პერანგი; მუქი რუხი ფერის ჟაკეტი; შავი ფერის შარვალი; შავი ფერის ჰალსტუხი; წოდების შესაბამისი ატრიბუტიკა და ფურნიტურა.

პლანშეტი 6

მამაკაცის ყოველდღიური ზამთრის  ფორმა – ღია რუხი ფერის გრძელმკლავიანი პერანგი; მუქი რუხი ფერის ჟაკეტი; შავი ფერის შარვალი; შავი ფერის ქურთუკი; შავი ფერის ჰალსტუხი; წოდების შესაბამისი ატრიბუტიკა და ფურნიტურა.

პლანშეტი 7

მამაკაცის ყოველდღიური ზამთრის  ფორმა – ღია რუხი ფერის გრძელმკლავიანი პერანგი; მუქი რუხი ფერის ჟაკეტი; შავი ფერის შარვალი; შავი ფერის ქურთუკი; შავი ფერის ჰალსტუხი; წოდების შესაბამისი ატრიბუტიკა და ფურნიტურა.

პლანშეტი 8

ქალის ყოველდღიური საზაფხულო ფორმა – მოკლემკლავიანი ღია რუხი ფერის მაისური; შავი ფერის შარვალი; წოდების შესაბამისი ატრიბუტიკა და ფურნიტურა.

პლანშეტი 9

ქალის ყოველდღიური საგაზაფხულო-საშემოდგომო სამსახურებრივი ფორმა – ჩაშვებული ღია რუხი ფერის გრძელმკლავიანი პერანგი; შავი ფერის შარვალი; ღია რუხი ფერის ყელსახვევი; წოდების შესაბამისი ატრიბუტიკა და ფურნიტურა.

პლანშეტი 10

ქალის ყოველდღიური ზამთრის სამსახურებრივი ფორმა – ჩაშვებული ღია რუხი ფერის გრძელმკლავიანი პერანგი; მუქი რუხი ფერის ჟაკეტი; შავი ფერის შარვალი; შავი ფერის ქურთუკი, ღია რუხი ფერის ყელსახვევი; წოდების შესაბამისი ატრიბუტიკა და ფურნიტურა.

პლანშეტი 11

1. სამკლაურის ემბლემა – წარმოადგენს ჰერალდიკურ მრგვალ ფარს. ფარის ვერცხლის (შავ) ველზე გამოსახულია ჰერალდიკური ფარი. ფარი გაკვეთილია ორ ნაწილად; პირველ ნაწილზე მეწამულ (წითელ) ველზე გამოსახულია გადაჯვარედინებული ოქროს გრაგნილი და საწერი ფრთა. მეორე ლურჯ ველზე გამოსახულია ოქროს ლომი; ფარს გარს აკრავს ლაჟვარდის ფერი (ლურჯი) არშია – სადევიზე ბაფთა, რომელზედაც არის ოქროს ფერი (ყვითელი) წარწერა: „სსიპ საქართველოს შინაგან საქმეთა სამინისტროს მომსახურების სააგენტო“ და ოქროს ჰერალდიკური ჯვარი.

2. ღილკილო – წარმოადგენს ფორმის ტანსაცმლის საყელოს საბნევს, რომელზეც გამოსახულია გადაჯვარედინებული ოქროს გრაგნილი და საწერი ფრთა

პლანშეტი 12

წოდების აღნიშვნები – სამხრეებისა და სამკლავე დანაკერების (შევრონი) სახით

პლანშეტი 13

სსიპ საქართველოს შინაგან საქმეთა სამინისტროს მომსახურების სააგენტოს  ლოგო – წარმოადგენს ჰერალდიკურ მრგვალ ფარს. ფარის ვერცხლის (თეთრ) ველზე გამოსახულია ჰერალდიკური ფარი. ფარი გაკვეთილია ორ ნაწილად; პირველ ნაწილზე მეწამულ (წითელ) ველზე გამოსახულია გადაჯვარედინებული ოქროს გრაგნილი და საწერი ფრთა. მეორე ლურჯ ველზე გამოსახულია ოქროს ლომი; ფარს გარს აკრავს ლაჟვარდის ფერი (ლურჯი) არშია – სადევიზე ბაფთა, რომელზედაც არის ოქროს ფერი (ყვითელი) წარწერა: „სსიპ საქართველოს შინაგან საქმეთა სამინისტროს მომსახურების სააგენტო“ და ოქროს ჰერალდიკური ჯვარი.