„საჯარო სამართლის იურიდიული პირის – სალხინოს ბავშვთა სააღმზრდელო დაწესებულების ლიკვიდაციის შესახებ“

სახელმწიფო სარეგისტრაციო კოდი 040.030.000.22.035.013.705

საქართველოს შრომის, ჯანმრთელობისა და სოციალური დაცვის

მინისტრის ბრძანება №353/ნ

2009 წლის 30 ოქტომბერი

ქ. თბილისი

საჯარო სამართლის იურიდიული პირის – სალხინოს ბავშვთა სააღმზრდელო დაწესებულების ლიკვიდაციის შესახებ

,,საჯარო სამართლის იურიდიული პირის შესახებ“ საქართველოს კანონის მე-15, მე-16 და მე-17 მუხლების და საქართველოს ზოგადი ადმინისტრაციული კოდექსის 60¹ მუხლის მე-7 ნაწილის ,,ბ“ ქვეპუნქტის შესაბამისად, ვბრძანებ:

1. 2009 წლის 15 დეკემბრამდე ლიკვიდირებულ იქნეს საჯარო სამართლის იურიდიული პირი – სალხინოს ბავშვთა სააღმზრდელო დაწესებულება.

2. საქართველოს შრომის, ჯანმრთელობისა და სიციალური დაცვის სამინისტრომ უზრუნველყოს საჯარო სამართლის იურიდიული პირის – სალხინოს ბავშვთა სააღმზრდელო დაწესებულების ლიკვიდაციასთან დაკავშირებული, კანონმდებლობით დადგენილი ღონისძიებების გატარება.

3. ძალადაკარგულად გამოცხადდეს ,,საჯარო სამართლის იურიდიული პირის – სალხინოს ბავშვთა სააღმზრდელო დაწესებულების დებულების დამტკიცების შესახებ“ საქართველოს შრომის, ჯანმრთელობისა და სოციალური დაცვის მინისტრის 2009 წლის 16 იანვრის №28/ნ ბრძანება.

4. ბათილად იქნეს ცნობილი ,,საჯარო სამართლის იურიდიული პირის – სალხინოს ბავშვთა სააღმზრდელო დაწესებულების ლიკვიდაციის შესახებ“ საქართველოს შრომის, ჯანმრთელობისა და სოციალური დაცვის მინისტრის 2009 წლის 2 ოქტომბრის №314/ნ ბრძანება.

5. მე-4 პუნქტით გათვალისწინებული ბრძანების მოქმედების შეწყვეტა მოხდეს მისი ბათილად ცნობის დღიდან.

6. ეს ბრძანება, გარდა მე-3 პუნქტისა, ამოქმედდეს გამოქვეყნებისთანავე, ხოლო მე-3 პუნქტი ამოქმედდეს 2009 წლის 15 დეკემბრიდან.

ა. კვიტაშვილი