ჯანმრთელობის მდგომარეობის შესახებ ცნობის შევსების წესისა და ჯანმრთელობის მდგომარეობის შესახებ ცნობის ფორმის დამტკიცების შესახებ

სახელმწიფო სარეგისტრაციო კოდი 470.230.000.22.035.010.732

საქართველოს შრომის, ჯანმრთელობისა და სოციალური დაცვის მინისტრის

ბრძანება №338/ნ

2007 წლის 9 აგვისტო

ქ. თბილისი

ჯანმრთელობის მდგომარეობის შესახებ ცნობის შევსების წესისა და ჯანმრთელობის მდგომარეობის შესახებ ცნობის ფორმის დამტკიცების შესახებ

„ჯანმრთელობის დაცვის შესახებ“ საქართველოს კანონის 43-ე მუხლის მე-2 პუნქტის შესაბამისად, ვბრძანებ:

1. დამტკიცდეს:

ა) ჯანმრთელობის მდგომარეობის შესახებ ცნობის შევსების წესი (დანართი №1);

ბ) ჯანმრთელობის მდგომარეობის შესახებ ცნობის (სამედიცინო დოკუმენტაცია ფორმა №IV-100/ა) ფორმა (დანართი №2).

2. ძალადაკარგულად ჩაითვალოს საქართველოს შრომის, ჯანმრთელობისა და სოციალური დაცვის მინისტრის 2001 წლის 19 ივლისის №228/ო ბრძანებით დამტკიცებული ,,სამედიცინო დოკუმენტაციის ფორმა №027-3/ა“.

3. ამ ბრძანების ამოქმედებამდე გაცემული ,,სამედიცინო დოკუმენტაციის ფორმა №027-3/ა“ ინარჩუნებს იურიდიულ ძალას.

4. ბრძანება ამოქმედდეს 2007 წლის 1 სექტემბრიდან.

ლ. ჭიპაშვილი

დანართი №1

ჯანმრთელობის მდგომარეობის შესახებ ცნობის შევსების წესი

    მუხლი 1

ეს წესი შემუშავებულია „ჯანმრთელობის დაცვის შესახებ“ საქართველოს კანონის 43-ე მუხლის მე-2 პუნქტის საფუძველზე და ადგენს სამედიცინო დაწესებულებების მიერ ჯანმრთელობის მდგომარეობის შესახებ ცნობის შევსების წესს.

    მუხლი 2

1. ჯანმრთელობის მდგომარეობის შესახებ ცნობის გაცემაზე უფლებამოსილია ნებისმიერი სამედიცინო დაწესებულება (ორგანიზაციულ-სამართლებრივი და საკუთრების ფორმის მიუხედავად), რომელსაც გააჩნია სათანადო კვალიფიკაციის მქონე სერტიფიცირებული სამედიცინო პერსონალი.

2. სამედიცინო დაწესებულების მიერ გაცემულ ცნობას ჯანმრთელობის მდგომარეობის შესახებ (სამედიცინო დოკუმენტაცია ფორმა №IV-100/ა), ხელს აწერს მკურნალი ექიმი და დაწესებულების პასუხისმგებელი პირი (ხელმძღვანელი/მისი მოადგილე) და იგი უნდა დამოწმდეს დაწესებულების ბეჭდით.

3. სამედიცინო დაწესებულება უზრუნველყოფს ჯანმრთელობის მდგომარეობის შესახებ ცნობების აღრიცხვას სპეციალურ ჟურნალში, რიგითი ნომრის მინიჭებით.

4. საქართველოს ტერიტორიაზე მოქმედი ყველა სამედიცინო დაწესებულების ხელმძღვანელი ვალდებულია საქართველოს შრომის, ჯანმრთელობისა და სოციალური დაცვის სამინისტროს წარუდგინოს ჯანმრთელობის მდგომარეობის შესახებ ცნობაზე ხელმომწერი პასუხისმგებელი პირ(ებ)ის (დაწესებულების ხელმძღვანელი, ხელმძღვანელის მოადგილე) ხელმოწერისა და ამ დაწესებულების ბეჭდის ნიმუში, რომელიც დაისმება აღნიშნულ დოკუმენტზე.

    მუხლი 3

1. ჯანმრთელობის მდგომარეობის შესახებ ცნობა შესაძლებელია შეივსოს კალმით, გარკვეული ხელწერით ან კომპიუტერულად.

2. ჯანმრთელობის მდგომარეობის შესახებ ცნობის შევსებისას:

ა) პირველ პუნქტში მიეთითება ცნობის გამცემი დაწესებულების (ამბულატორია, სტაციონარი და ა.შ.) დასახელება, სრული მისამართი და საკონტაქტო ტელეფონები;

ბ) მე-2 პუნქტში მიეთითება იმ დაწესებულების დასახელება, მისამართი და სხვა საკონტაქტო ინფორმაცია, სადაც იგზავნება ცნობა.

გ) მე-3 პუნქტში მიეთითება პაციენტის სახელი და გვარი;

დ) მე-4 პუნქტში – პაციენტის დაბადების თარიღი (რიცხვი, თვე, წელი),

ე) მე-5 პუნქტში – პაციენტის პირადი ნომერი პირადობის მოწმობის მიხედვით;

ვ) მე-6 პუნქტში მიეთითება პაციენტის ფაქტობრივი საცხოვრებელი ადგილის მისამართი და სხვა საკონტაქტო ინფორმაცია;

ზ) მე-7 პუნქტში – მიეთითება პაციენტის სამუშაო ადგილი და თანამდებობა, მოსწავლის/სტუდენტის შემთხვევაში – იმ სასწავლო დაწესებულების/სკოლის დასახელება და კლასი/კურსი, სადაც იგი სწავლობს.

თ) მე-8 პუნქტში – ,,თარიღები“ მიეთითება:

თ.ა) გრაფაში ,,ა) ამბულატორიაში მიმართვის“ – პაციენტის პირველი ვიზიტის თარიღი ამბულატორიაში ან სტაციონარში, სამედიცინო შემოწმების გავლის მიზნით;

თ.ბ) გრაფაში “ბ) სტაციონარში გაგზავნის“ – სტაციონარში გაგზავნის თარიღი, მხოლოდ იმ შემთხვევაში, თუ პაციენტი ამბულატორიული დაწესებულებიდან (ან სტაციონარის ამბულატორიული კაბინეტიდან) იქნა გადაგზავნილი სტაციონარში;

თ.გ) გრაფაში “გ) სტაციონარში მოთავსების“ – ის თარიღი, როდესაც პაციენტი მოთავსებულ იქნა სტაციონარში, მიუხედავად იმისა, ამბულატორიულად იქნა იგი გადაგზავნილი, თუ თვითდინებით, ან სასწრაფო დახმარების ბრიგადის მიერ იქნა მიყვანილი;

თ.დ) გრაფაში “დ) გაწერის“ – სტაციონარიდან გაწერის თარიღი.

ი) მე-9 პუნქტში – ჩაიწერება დასკვნა ჯანმრთელობის მდგომარეობის შესახებ („ ჯანმრთელი“, „ პრაქტიკულად ჯანმრთელი“), ან სრული დიაგნოზი ძირითადი დაავადების, თანმხლები დაავადებისა და გართულებების ფორმულირებით დაავადებათა საერთაშორისო კლასიფიკაციის (ICD–10) მიხედვით (მაგალითი: სტაციონარში მოთავსებულ იქნა პაციენტი ჰიპოგლიკემიური კომით, იგი დაავადებულია II ტიპის შაქრიანი დიაბეტით, აქვს ქრონიკული ბრონქიტი, დიაბეტური რეტინოპათია, დიაბეტური ანგიოპათია, დიაბეტური ნეიროპათია. ამ შემთხვევაში სრული დიაგნოზი ფორმდება შემდეგნაირად: ძირითადი დაავადება – ინსულინდამოუკიდებელი შაქრიანი დიაბეტი ტიპი II, თანმხლები დაავადება – ქრონიკული ტრაქეობრონქიტი, ძირითადი დაავადების გართულებები – ჰიპოპგლიკემიური კომა, დიაბეტური ნეიროპათია, დიაბეტური რეტინოპათია, დიაბეტური ანგიოპათია);

კ) მე-10 პუნქტში მიეთითება გადატანილი დაავადებები (მათ შორის ბავშვთა ინფექციური დაავადებები). ეს პუნქტი ივსება იმ შემთხვევაშიც, თუ მე-8 პუნქტში ჩაწერილია დასკვნა – „ჯანმრთელი“ ან „პრაქტიკულად ჯანმრთელი“;

ლ) მე-11 პუნქტში იწერება მოკლე ანამნეზი, პაციენტის ყოფა-ცხოვრების პირობების, ოჯახური და სოციალური მდგომარეობის, აგრეთვე იმ მავნე ფაქტორების მითითებით, რომლებსაც შეეძლოთ გამოეწვია აღნიშნული დაავადება ან მისი გამწვავება;

მ) მე-12 პუნქტში მიეთითება იმ დიაგნოსტიკური გამოკველევისა და ექიმ-სპეციალისტთა კონსულტაციების ჩამონათვალი, რომლებიც ჩაუტარდა პაციენტს დიაგნოზის დასმის, დაზუსტების, ან სამედიცინო შემოწმების მიზნით;

ნ) მე-13 პუნქტში მიეთითება დაავადების მიმდინარეობა: მწვავე, ქვემწვავე, ქრონიკული, მორეციდივე;

ო) მე-14 პუნქტში მიეთითება ჩატარებული მკურნალობა (მხოლოდ იმ დაავადებისათვის, რომლის გამოც მან მიმართა ცნობის გამცემ დაწესებულებას);

პ) მე-15 პუნქტი ივსება ამბულატორიული დაწესებულების მიერ პაციენტის სტაციონარში გადაგზავნის ან სტაციონარიდან სხვა სტაციონარში (რეფერალის და ა. შ. შემთხვევებში) გადაგზავნისას;

ჟ) მე-16 პუნქტში მიეთითება პაციენტის მდგომარეობა სტაციონარიდან გაწერის დროისათვის;

რ) მე-17 პუნქტში უნდა გაიწეროს ის რეკომენდაციები, რომლებიც აღნიშნული დაავადების გამო აწესებს გარკვეულ რეჟიმს პაციენტის ყოფა-ცხოვრებასა და შრომით საქმიანობაში;

ს) მე-18 პუნქტში ჩაიწერება იმ ექიმის სპეციალობა სახელმწიფო სერტიფიკატის მიხედვით, გვარი, სახელი, რომელმაც გაუწია ორგანიზება ჯანმრთელობის მდგომარეობის შემოწმებას (სერტიფიცირებული ექიმი სპეციალობებში: “შინაგანი სნეულებები“, “საოჯახო მედიცინა“ ან „პედიატრია“), ან მკურნალობდა პაციენტს ცნობის გამცემ დაწესებულებაში;

ტ) მე-19 პუნქტის შესაბამის გრაფაში ხელს აწერს ცნობის გამცემი სამედიცინო დაწესებულების ხელმძღვანელი (ან მისი მოადგილე);

უ) მე-20 პუნქტში მიეთითება ცნობის გაცემის თარიღი შესაბამისი რიცხვის, თვისა და წლის აღ-ნიშვნით;

ფ) ცნობაზე დაისმება სამედიცინო დაწესებულების მრგვალი ბეჭედი.

დანართი №2

სამედიცინო დოკუმენტაცია ფორმა № IV-100/ა

ც ნ ო ბ ა

ჯანმრთელობის მდგომარეობის შესახებ

1. ცნობის გამცემი დაწესებულების დასახელება და მისამართი ------------------- ------------------

–––––––––––––––––––––––––––––––––––––––––––––––––––––––––––––––––––––––––––––––––––––

2. დაწესებულების დასახელება, მისამართი სადაც იგზავნება ცნობა--------------------------------

–––––––––––––––––––––––––––––––––––––––––––––––––––––––––––––––––––––––––––––––––––––

3. პაციენტის სახელი და გვარი ---------------------------------------------------------------------------

4. დაბადების თარიღი (რიცხვი/თვე/წელი) -------------------------------------------------------------

5. პირადი ნომერი ------------------------------------------------------------------------------------------

(ივსება 16 წელს მიღწეული პირის შემთხვევაში)

6. მისამართი------------------------------------------------------------------------------------------------

--------------------------------------------------------------------------------------------------------------

7. სამუშაო ადგილი და თანამდებობა, (მოსწავლის/სტუდენტის შემთხვევაში – იმ სასწავლო დაწესებულების/სკოლის დასახელება და კლასი/კურსი, სადაც იგი სწავლობს) ––––––––––––––––––––––––––––––––––––––––––––––––––––––––––––––––––––––––––––––––––––––––––––––––––––––––

8. თარიღები: ა) ამბულატორიაში მიმართვის –––––––––––––––––––––––––––

ბ) სტაციონარში გაგზავნი ს–––––––––––––––––––––––––––––

გ) სტაციონარში მოთავსების––––––––––––––––––––––––––––

დ) გაწერის ––––––––––––––––––––––––––––––––––––––––––

9. დასკვნა ჯანმრთელობის მდგომარეობის შესახებ ან სრული დიაგნოზი (ძირითადი დაავადება, თანმხლები დაავადებები, გართულებები) –––––––––––––––––––––––––––––––––––––––

–––––––––––––––––––––––––––––––––––––––––––––––––––––––––––––––––––––––––––––––––––––

–––––––––––––––––––––––––––––––––––––––––––––––––––––––––––––––––––––––––––––––––––––

–––––––––––––––––––––––––––––––––––––––––––––––––––––––––––––––––––––––––––––––––––––

–––––––––––––––––––––––––––––––––––––––––––––––––––––––––––––––––––––––––––––––––––––

10. გადატანილი დაავადებები –––––––––––––––––––––––––––––––––––––––––––––––––––––––––

–––––––––––––––––––––––––––––––––––––––––––––––––––––––––––––––––––––––––––––––––––––

–––––––––––––––––––––––––––––––––––––––––––––––––––––––––––––––––––––––––––––––––––––

–––––––––––––––––––––––––––––––––––––––––––––––––––––––––––––––––––––––––––––––––––––

11. მოკლე ანამნეზი –––––––––––––––––––––––––––––––––––––––––––––––––––––––––––––––––––

–––––––––––––––––––––––––––––––––––––––––––––––––––––––––––––––––––––––––––––––––––––

–––––––––––––––––––––––––––––––––––––––––––––––––––––––––––––––––––––––––––––––––––––

–––––––––––––––––––––––––––––––––––––––––––––––––––––––––––––––––––––––––––––––––––––

12. ჩატარებული დიაგნოსტიკური გამოკვლევები და კონსულტაციები –––––– –––––––––––––––

–––––––––––––––––––––––––––––––––––––––––––––––––––––––––––––––––––––––––––––––––––––

–––––––––––––––––––––––––––––––––––––––––––––––––––––––––––––––––––––––––––––––––––––

–––––––––––––––––––––––––––––––––––––––––––––––––––––––––––––––––––––––––––––––––––––

–––––––––––––––––––––––––––––––––––––––––––––––––––––––––––––––––––––––––––––––––––––

–––––––––––––––––––––––––––––––––––––––––––––––––––––––––––––––––––––––––––––––––––––

–––––––––––––––––––––––––––––––––––––––––––––––––––––––––––––––––––––––––––––––––––––

–––––––––––––––––––––––––––––––––––––––––––––––––––––––––––––––––––––––––––––––––––––

–––––––––––––––––––––––––––––––––––––––––––––––––––––––––––––––––––––––––––––––––––––

13. ავადმყოფობის მიმდინარეობა ––––––––––––––––––––––––––––––––––––––––––––––––––––––

–––––––––––––––––––––––––––––––––––––––––––––––––––––––––––––––––––––––––––––––––––––

–––––––––––––––––––––––––––––––––––––––––––––––––––––––––––––––––––––––––––––––––––––

14.. ჩატარებული მკურნალობა –––––––––––––––––––––––––––––––––––––––––––––––––––––––––

–––––––––––––––––––––––––––––––––––––––––––––––––––––––––––––––––––––––––––––––––––––

–––––––––––––––––––––––––––––––––––––––––––––––––––––––––––––––––––––––––––––––––––––

–––––––––––––––––––––––––––––––––––––––––––––––––––––––––––––––––––––––––––––––––––––

15. მდგომარეობა სტაციონარში გაგზავნისას –––––––––––––––––––––––––––––––––––––––––––––

–––––––––––––––––––––––––––––––––––––––––––––––––––––––––––––––––––––––––––––––––––––

–––––––––––––––––––––––––––––––––––––––––––––––––––––––––––––––––––––––––––––––––––––

16. მდგომარეობა სტაციონარიდან გაწერისას ––––––––––––––––––––––––––––––––––––––––––––

–––––––––––––––––––––––––––––––––––––––––––––––––––––––––––––––––––––––––––––––––––––

17. სამკურნალო და შრომითი რეკომენდაციები ––––––––––––––––––––––––––––––––––––––––––

–––––––––––––––––––––––––––––––––––––––––––––––––––––––––––––––––––––––––––––––––––––

–––––––––––––––––––––––––––––––––––––––––––––––––––––––––––––––––––––––––––––––––––––

18. მკურნალი ექიმი ––––––––––––––––––––––––––––––––––––––––––––––

19. დაწესებულების ხელმძღვანელის/ხელმძღვანელის მოადგილის

ხელმოწერა –––––––––––––––––––– ––––––––––––––––––––––––

20. ცნობის გაცემის თარიღი “–––––––––––––”----------------------------------------------~

ბეჭდის ადგილი