სუბსიდირებული მედიკამენტების რეცეპტის გამოწერისა და მათი გაცემის წესის შესახებ

სახელმწიფო სარეგისტრაციო კოდი 470.060.000.22.035.010.557

საქართველოს შრომის, ჯანმრთელობისა და სოციალური დაცვის

მინისტრის ბრძანება №205/ნ

2007 წლის 5 ივლისი

ქ. თბილისი

სუბსიდირებული მედიკამენტების რეცეპტის გამოწერისა და მათი გაცემის წესის შესახებ

 ,,წამლისა და ფარმაცევტული საქმიანობის შესახებ“ საქართველოს კანონის მე-16 მუხლის მე-10 პუნქტის შესაბამისად“ ვბრძანებ:

1. დამტკიცდეს:

ა) სუბსიდირებული მედიკამენტების რეცეპტის ბლანკი ,,ფორმა 4“ (დანართი №1);

ბ) ,,სუბსიდირებული მედიკამენტების დანიშვნის, გამოწერის, ანგარიშსწორების და სპეციალური ბლანკის შეძენის, შენახვის, აღრიცხვის, გაცემის, ჩამოწერისა და განადგურების წესი“ (დანართი №2).

გ) სუბსიდირებული მედიკამენტების რეცეპტის ბლანკის (ფორმა 4) სააღრიცხვო ჟურნალის ფორმა (დანართი №3).

2. ბრძანება ამოქმედდეს გამოქვეყნებისთანავე.

ლ. ჭიპაშვილი

სუბსიდირებული მედიკამენტების რეცეპტის ბლანკი ,,ფორმა 4“

დანართი №1

სუბსიდირებული მედიკამენტების რეცეპტის ბლანკი „ფორმა 4“

რეცეპტის №

სუბსიდირებული მედიკამენტების მისაღებად

დაწესებულების დასახელება, მისამართი –––––––––––––––––––––––––––––––

გამოწერის თარიღი –––––––––––––––––––––––––––––––––––––––––––––––––––

პაციენტი ––––––––––––––––––––––––––––––––––––––––––––––––––––––––––––

 (გვარი, სახელი, პირადი ნომერი – გარკვევით)

ასაკი –––––––––––––––––––––––––––––––––––––––––––––––––––––––––––––––

პაციენტის მისამართი ––––––––––––––––––––––––––––––––––––––––––––––––

პაციენტის სამედიცინო ბარათი №–––––––––––––––––––– (ფორმა №IV–001/ა)

დიაგნოზი ––––––––––––––––––––––––––––––––––––––––––––––––––––––––––

პაციენტის სამედიცინო დახმარების ბარათი № –––––––––––––––––––––––––

აფთიაქის დასახელება, მისამართი ––––––––––––––––––––––––––––––––––––

––––––––––––––––––––––––––––––––––––––––––––––––––––––––––––––––––––

RP:–––––––––––––––––––––––––––––––––––––––––––––––––––

––––––––––––––––––––––––––––––––––––––––––––––––––––––

––––––––––––––––––––––––––––––––––––––––––––––––––––––

S. ––––––––––––––––––––––––––––––––––––––––––––––––––––

––––––––––––––––––––––––––––––––––––––––––––––––––––––

––––––––––––––––––––––––––––––––––––––––––––––––––––––

RP:–––––––––––––––––––––––––––––––––––––––––––––––––––

––––––––––––––––––––––––––––––––––––––––––––––––––––––

––––––––––––––––––––––––––––––––––––––––––––––––––––––

S. ––––––––––––––––––––––––––––––––––––––––––––––––––––

––––––––––––––––––––––––––––––––––––––––––––––––––––––

––––––––––––––––––––––––––––––––––––––––––––––––––––––

RP:–––––––––––––––––––––––––––––––––––––––––––––––––––

––––––––––––––––––––––––––––––––––––––––––––––––––––––

––––––––––––––––––––––––––––––––––––––––––––––––––––––

S. ––––––––––––––––––––––––––––––––––––––––––––––––––––

––––––––––––––––––––––––––––––––––––––––––––––––––––––

––––––––––––––––––––––––––––––––––––––––––––––––––––––

ექიმის ხელმოწერა –––––––––––––––––––––––––––––––––––––

 (სახელი, გვარი)

ექიმის პირადი ბეჭედი

ბეჭედი რეცეპტისათვის

დანართი №2

სუბსიდირებული მედიკამენტების დანიშვნის, გამოწერის, ანგარიშსწორების და სპეციალური ბლანკის შეძენის, შენახვის, აღრიცხვის, გაცემის, ჩამოწერისა და განადგურების წესი

1. სუბსიდირებული მედიკამენტების რეცეპტის (ფორმა 4) ბლანკზე გამოიწერება ჯანმრთელობისა და სოციალური დაცვის სახელმწიფო პროგრამებით გათვალისწინებული სუბსიდირებული მედიკამენტებით უზრუნველყოფის პაკეტში შემავალი სამკურნალო საშუალებები.

2. რეცეპტი (ფორმა 4) გამოიწერება ოჯახის/უბნის ექიმის მიერ მხოლოდ მათთან რეგისტრირე-ბულ პაციენტებზე, მხოლოდ სათანადო სამედიცინო ჩვენების შემთხვევაში.

3. აკრძალულია სუბსიდირებული მედიკამენტების გამოწერა სამედიცინო გამოკვლევებისა ან/და სათანადო ჩვენების გარეშე.

4. სუბსიდირებული მედიკამენტების რეცეპტი გამოიწერება მხოლოდ ერთჯერადი გამოყენებისათვის.

5. რეცეპტის ბლანკში (ფორმა 4) ყოველგვარი შესწორების შეტანა აკრძალულია.

6. რეცეპტის ბლანკი (ფორმა 4) არ წარმოადგენს მკაცრი აღრიცხვის დოკუმენტს, იბეჭდება სამ ცალად: ერთი დედანი და ორი ასლი.

7. რეცეპტის ბლანკის დედანი ივსება მელნით ან ბურთულიანი კალმით, ხოლო – ასლები გადამყვანი ქაღალდის საშუალებით.

8. რეცეპტის ბლანკის დედანი და ერთი ასლი ეძლევა პაციენტს აფთიაქში წარსადგენად, ხოლო მეორე ასლი რჩება რეცეპტის გამცემ პირთან (სამედიცინო დაწესებულებაში) და ინახება ორი წლის განმავლობაში.

9. აფთიაქში წარდგენილი რეცეპტის (ფორმა 4) დედანი რჩება აფთიაქში და ანგარიშსწორება ხორციელდება მის საფუძველზე, ხოლო ასლი უბრუნდება პაციენტს (სუბსიდირებული მედიკამენტის მიმღებს).

10. ერთ რეცეპტზე დასაშვებია არა უმეტეს სამი დასახელების მედიკამენტის გამოწერა.

11. გამოწერილ რეცეპტში (ფორმა 4) აღნიშნული უნდა იყოს:

ა) გამომწერი დაწესებულების დასახელება და მისამართი;

ბ) პაციენტის სახელი, გვარი, ასაკი;

გ) პაციენტის სამედიცინო ბარათის (ფორმა №IV– 001/ა) ნომერი;

დ) დიაგნოზი;

ე) პაციენტის სამედიცინო დახმარების ბარათის ნომერი (ასეთის არსებობის შემთხვევაში)

ვ) რეცეპტის გამომწერი ექიმის გვარი, სახელი, პირადი ნომერი;

ზ) მედიკამენტის გენერიკული სახელწოდება;

თ) ერთჯერადი, სადღეღამისო დოზა და კურსის ხანგრძლივობა;

ი) მიღების წესი;

კ) სუბსიდირებული მედიკამენტების გამცემი აფთიაქების დასახელება და მისამართი;

ლ) გამოწერის თარიღი.

12. საოჯახო მედიცინის ცენტრში და/ან ამბულატორიაში (პოლიკლინიკაში) გამოწერილი რეცეპტი (ფორმა 4) მოწმდება ბეჭდით ,,რეცეპტებისათვის“ და ექიმის პირადი ბეჭდით.

13. ექიმის დანიშნულება (მედიკამენტის გენერიული სახელწოდება, ერთჯერადი და სადღეღამისო დოზა, მიღების წესი, მკურნალობის ხანგრძლივობა) და გამოწერილი რეცეპტის ბლანკის სერია და ნომერი ფიქსირდება პაციენტის სამედიცინო დოკუმენტში (პაციენტის სამედიცინო ბარათი – ფორმა №IV – 001/ა).

14. გამოწერილი რეცეპტი ძალაშია 14 დღის განმავლობაში, გამოწერის დღის ჩათვლით.

15. რეცეპტის ბლანკის (ფორმა 4) აღრიცხვა საოჯახო მედიცინის ცენტრში და/ან ამბულატორიაში (პოლიკლინიკაში) ხორციელდება დაწესებულების ხელმძღვანელის ხელმოწერით დალუქულ სპეციალურ სააღრიცხვო ჟურნალში (დანართი №3), რომელსაც აწარმოებს დაწესებულების ხელმძღვანელის მიერ ბრძანებით გამოყოფილი პასუხისმგებელი პირი. ჟურნალი ინახება ორი წლის განმავლობაში.

16. ჟურნალში ფიქსირდება:

ა) სუფთა რეცეპტის ბლანკების რაოდენობა ნომრების მითითებით;

ბ) ექიმის გვარი, ვისზეც გაიცა რეცეპტის ბლანკები;

გ) რეცეპტის ბლანკების ექიმზე გაცემის თარიღი;

დ) ექიმზე გაცემული რეცეპტის ბლანკების რაოდენობა ნომრების მითითებით;

ე) რეცეპტის მიმღები ექიმის ხელმოწერა (გარკვევით);

ვ) განადგურებული რეცეპტის ბლანკების ნომრები;

ზ) რეცეპტის ბლანკების განადგურების თარიღი.

17. რეცეპტი, რომელიც არ პასუხობს ამ წესით დადგენილ რომელიმე მოთხოვნას ან შეიცავს იმ სამკურნალო საშუალებას, რომელიც არ შედის სუბსიდირებული მედიკამენტებით უზრუნველყოფის პაკეტში, ან არასწორად არის გამოწერილი, ითვლება გაუვარგისებულად და ექვემდებარება განადგურებას.

18. გაუვარგისებული რეცეპტის ბლანკი გადაიხაზება ჯვარედინად, იხვრიტება და განადგურებამდე ინახება რეცეპტის ბლანკების აღრიცხვაზე პასუხისმგებელ პირთან.

19. გაუვარგისებული რეცეპტის ბლანკის განადგურება ხდება თვეში ერთხელ, დაწვის გზით, დაწესებულების ხელმძღვანელის ბრძანებით გამოყოფილი პასუხისმგებელი პირის მიერ.

20. ყველა არასწორად გამოწერილი რეცეპტი აფთიაქში უქმდება შტამპით – ,,რეცეპტი ძალადაკარგულია“, რეგისტრირდება სპეციალურ ჟურნალში და ნადგურდება მე-17, მე-18, მე-19 მუხლების შესაბამისად.

დანართი №3

სუბსიდირებული მედიკამენტების რეცეპტის ბლანკის (ფორმა 4) სააღრიცხვო ჟურნალის ფორმა