„გორის მუნიციპალიტეტის მერიის პირველადი სტრუქტურული ერთეულის – განათლების, კულტურის, სპორტისა და ახალგაზრდულ საქმეთა სამსახურის დებულების დამტკიცების შესახებ“ გორის მუნიციპალიტეტის საკრებულოს 2017 წლის 14 ნოემბრის №13 დადგენილებაში ცვლილების შეტანის თაობაზე

„გორის მუნიციპალიტეტის მერიის პირველადი სტრუქტურული ერთეულის – განათლების, კულტურის, სპორტისა და ახალგაზრდულ საქმეთა სამსახურის დებულების დამტკიცების შესახებ“ გორის მუნიციპალიტეტის საკრებულოს 2017 წლის 14 ნოემბრის №13 დადგენილებაში (www.matsne.gov.ge, 16/11/2017, 010260010.35.148.016397) შეტანილ იქნეს შემდეგი ცვლილება:

ა) დადგენილებით დამტკიცებული დებულების მე-3 მუხლის მე-5 პუნქტი ჩამოყალიბდეს შემდეგი რედაქციით:

„5. სამსახური შედგება ორი განყოფილებისგან:

ა) განათლების, კულტურისა და ახალგაზრდული განყოფილება;

ბ) სპორტის განყოფილება.“;

ბ) დადგენილებით დამტკიცებული დებულების მე-7 მუხლი ჩამოყალიბდეს შემდეგი რედაქციით:

„მუხლი 7. სამსახურის განათლების, კულტურისა და ახალგაზრდული განყოფილების  ფუნქციები

1. სამსახურის განათლების, კულტურისა და ახალგაზრდული განყოფილება დადგენილი წესით უზრუნველყოფს:

ა) განათლების, კულტურისა და ახალგაზრდობის სფეროების განვითარების სტრატეგიების, პროგრამების და პროექტების მომზადებას;

ბ) განათლების, კულტურისა და ახალგაზრდობის სფეროების განვითარების სტრატეგიების, პროგრამების და პროექტების განხორციელებას, მონიტორინგს და შეფასებას;

გ) სკოლამდელი აღზრდის საჯარო დაწესებულებების ფუნქციონირების ხელშეწყობას;

დ) მუნიციპალური მუზეუმების, კულტურის სახლების, თეატრების, სახელოვნებო სკოლების და კულტურის სხვა დაწესებულებების ფუნქციონირებაში ხელშეწყობას;

ე) ახალგაზრდობის პრობლემების შესწავლას, წინადადებათა შემუშავებას არსებული მდგომარეობის გაუმჯობესების მიზნით და შესაბამისი ღონისძიებების გატარებას;

ვ) მოქმედი კანონმდებლობითა და მუნიციპალიტეტის სამართლებრივი აქტებით განსაზღვრული სხვა ფუნქციების განხორციელებას.“;

გ) დადგენილებით დამტკიცებული დებულების მე-8 და მე-10 მუხლები ამოღებულ იქნეს.

დადგენილება ამოქმედდეს  2026 წლის 15 აგვისტოს.