„ვეტერინარულ კონტროლს დაქვემდებარებული პროდუქტების ექსპორტის დროს გამოსაყენებელი ვეტერინარული (ჯანმრთელობის) სერტიფიკატის ფორმების დამტკიცების შესახებ“ საქართველოს გარემოს დაცვისა და სოფლის მეურნეობის მინისტრის 2021 წლის 12 აპრილის №2-422 ბრძანებაში ცვლილების შეტანის თაობაზე

„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, ვბრძანებ :

ა) პირველი მუხლის „ყ“ ქვეპუნქტით დამტკიცებული „ოფიციალური სერტიფიკატი ადამიანის მიერ საკვებად მოხმარებისათვის განკუთვნილი ცოცხალი ლოკოკინების ევროკავშირში ექსპორტისათვის (დანართი №24)“ ჩამოყალიბდეს თანდართული რედაქციით.

ბ) პირველ მუხლს დაემატოს შემდეგი შინაარსის „ჰ⁹⁶“ და „ჰ⁹⁷“ ქვეპუნქტები:

„ჰ⁹⁶) ვეტერინარული (ჯანმრთელობის) სერტიფიკატი ვეტერინარულ კონტროლს დაქვემდებარებული პროდუქტების თურქეთის რესპუბლიკის ტერიტორიის გავლით პირდაპირი ტრანზიტისთვის ან სხვა ქვეყანაში/გემზე გასაგზავნად დროებითი შენახვისთვის (დანართი №129);

ჰ⁹⁷)  საერთაშორისო სერტიფიკატი  შინაური ბინადარი ცხოველის გადამუშავებული საკვების, გარდა შინაური ბინადარი ცხოველის დაკონსერვებული საკვებისა, უკრაინაში ექსპორტისთვის (გაგზავნისთვის) (დანართი №130).“.