„საქართველოს გარემოს დაცვისა და ბუნებრივი რესურსების სამინისტროს მინისტრის აპარატის დებულების დამტკიცების შესახებ"

სახელმწიფო სარეგისტრაციო კოდი 360.160.000.22.023.009.614

საქართველოს გარემოს დაცვისა და ბუნებრივი რესურსების

მინისტრის ბრძანება №1300

2006 წლის 28 ნოემბერი

ქ. თბილისი

საქართველოს გარემოს დაცვისა და ბუნებრივი რესურსების სამინისტროს მინისტრის აპარატის დებულების დამტკიცების შესახებ

„საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის მე-18 მუხლის მე-2 პუნქტისა და საქართველოს მთავრობის 2004 წლის 12 ივნისის №50 დადგენილებით დამტკიცებული „საქართველოს გარემოს დაცვისა და ბუნებრივი რესურსების სამინისტროს დებულების“ მე-5 მუხლის მე-2 პუნქტის „ბ“ ქვეპუნქტის, მე-8 მუხლის პირველი პუნქტის „ი“ ქვეპუნქტისა და მე-9 მუხლის მე-9 პუნქტის საფუძველზე, ვბრძანებ:

1. დამტკიცდეს თანდართული საქართველოს გარემოს დაცვისა და ბუნებრივი რესურსების სამინისტროს მინისტრის აპარატის დებულება.

2. ძალადაკარგულად გამოცხადდეს საქართველოს გარემოს დაცვისა და ბუნებრივი რესურსების მინისტრის 2006 წლის 6 აპრილის №257 ბრძანება „საქართველოს გარემოს დაცვისა და ბუნებრივი რესურსების სამინისტროს სამდივნოს დებულების დამტკიცების შესახებ“.

3. ბრძანება ამოქმედდეს 2006 წლის 30 ნოემბერს.

მინისტრის პირველი მოადგილე

მინისტრის მოვალეობის შემსრულებელი                            დ. ჩანტლაძე

საქართველოს გარემოს დაცვისა და ბუნებრივი რესურსების სამინისტროს მინისტრის აპარატის დებულება

თავი I

ზოგადი დებულებანი

    მუხლი 1

საქართველოს გარემოს დაცვისა და ბუნებრივი რესურსების სამინისტროს (შემდგომში – სამინისტრო) მინისტრის აპარატი (შემდგომში – აპარატი) წარმოადგენს სამინისტროს სტრუქტურულ ქვედანაყოფს.

    მუხლი 2

აპარატი თავის საქმიანობაში ხელმძღვანელობს საქართველოს კონსტიტუციით, საერთაშორისო ხელშეკრულებებით, საქართველოს კანონებით, სამინისტროს დებულებით, საქართველოს გარემოს დაცვისა და ბუნებრივი რესურსების მინისტრის (შემდგომში – მინისტრი) ბრძანებებით, წინამდებარე დებულებით და სხვა საკანონმდებლო და კანონქვემდებარე ნორმატიული აქტებით.

    მუხლი 3

აპარატი ანგარიშვალდებულია მინისტრის წინაშე.

    მუხლი 4

აპარატის სტრუქტურა და საშტატო განრიგი მტკიცდება მინისტრის ბრძანებით.

თავი II

აპარატის ამოცანები და ფუნქციები

    მუხლი 5

აპარატის ამოცანებია:

ა) მინისტრის სახელზე შემოსული კორესპონდენციის დროული მიწოდება;

ბ) მინისტრის ბრძანებების შესრულებაზე კონტროლი;

გ) სამინისტროს ხელმძღვანელობის თათბირების ორგანიზება, თათბირის ოქმის შედგენა;

დ) მინისტრისა და მინისტრის მოადგილეების შეხვედრების განრიგის დაგეგმვა და მომზადება;

ე) სამინისტროს ხელმძღვანელობის მიერ მოქალაქეთა მიღების საკითხების რეგულირება;

ვ) სამინისტროს ხელმძღვანელობის მოხსენებების, გამოსვლების, ანგარიშების მომზადების ორგანიზება;

ზ) სამინისტროში შემოსულ საკონტროლო დავალებათა შესრულების კონტროლი;

თ) თავისი კომპეტენციის ფარგლებში სამინისტროს ხელმძღვანელობის დავალებათა შესრულება;

ი) მინისტრის მრჩეველთა საქმიანობის ხელშეწყობა;

კ) მინისტრისთვის ორგანიზაციულ-ტექნიკური და საინფორმაციო მომსახურების გაწევა;

ლ) სხვადასხვა საკითხებთან დაკავშირებით სამინისტროს ხელმძღვანელობის მიერ დაკისრებული კონკრეტული დავალებების შესრულება.

    მუხლი 6

1. აპარატს ხელმძღვანელობს აპარატის უფროსი.

2. აპარატის უფროსს კანონმდებლობით დადგენილი წესით თანამდებობაზე ნიშნავს და თანამდებობიდან ათავისუფლებს მინისტრი.

3. აპარატის უფროსი უშუალოდ ექვემდებარება მინისტრს.

    მუხლი 7

აპარატის უფროსი:

ა) ხელმძღვანელობს და წარმართავს აპარატის საქმიანობას;

ბ) ანაწილებს მოვალეობას მისდამი დაქვემდებარებულ მოხელეებს შორის და აძლევს მათ მითითებებსა და განკარგულებებს;

გ) აკონტროლებს აპარატის მოხელეების მიერ თავიანთი სამსახურებრივი მოვალეობის შესრულებას;

დ) ასრულებს მინისტრის მიერ განსაზღვრულ კონკრეტულ დავალებებს;

ე) პახისმგებელია აპარატზე დაკისრებული ამოცანებისა და ფუნქციების შესრულებაზე.

    მუხლი 8

აპარატის უფროსის არყოფნის დროს მის მოვალეობებს ასრულებს მინისტრის მრჩეველი მინისტრის დავალებით.

    მუხლი 9

1. აპარატის რაოდენობა და შემადგენლობა განისაზღვრება სამინისტროს საშტატო განრიგით.

2. აპარატის თანამშრომლის უფლებამოვალეობანი:

ა) ადგენს მინისტრისა და მინისტრის მოადგილეების ყოველდღიურ სამუშაო გრაფიკს და ახდენს მის ორგანიზაციულ უზრუნველყოფას;

ბ) ორგანიზებას უწევს მინისტრთან და მინისტრის მოადგილეებთან მოქალაქეთა მიღებას;

გ) აწარმოებს მინისტრის და მინისტრის მოადგილეების დავალებების ადრესატამდე დაყვანას და შესრულების კონტროლს;

დ) ადგენს მინისტრთან და მინისტრის მოადგილეებთან ჩატარებული თათბირების ოქმებს;

ე) ასრულებს აპარატის უფროსის სხვა მითითებებს და დავალებებს.

    მუხლი 10

აპარატის დებულებაში ცვლილებებისა და დამატებების შეტანა ხორციელდება კანონმდებლობით დადგენილი წესით.