,,საქართველოში რაგბის განვითარების მხარდაჭერის სახელმწიფო პროგრამის შესახებ“

დოკუმენტის სტრუქტურა

განმარტებების დათვალიერება

დაკავშირებული დოკუმენტები

დოკუმენტის კომენტარები

დოკუმენტის მონიშვნები

კონსოლიდირებული პუბლიკაციები

29/12/2008 30/04/2008

უკან დაბრუნება

,,საქართველოში რაგბის განვითარების მხარდაჭერის სახელმწიფო პროგრამის შესახებ“
დოკუმენტის ნომერი	112
დოკუმენტის მიმღები	საქართველოს მთავრობა
მიღების თარიღი	29/04/2008
დოკუმენტის ტიპი	საქართველოს მთავრობის დადგენილება
გამოქვეყნების წყარო, თარიღი	სსმ, 65, 30/04/2008
სარეგისტრაციო კოდი	460.080.000.10.003.001.056
კონსოლიდირებული პუბლიკაციები

Word

თქვენ უყურებთ დოკუმენტის პირველად სახეს
დოკუმენტის კონსოლიდირებული ვარიანტის ნახვა ფასიანია, აუცილებელია სისტემაში შესვლა და საჭიროების შემთხვევაში დათვალიერების უფლების ყიდვა, გთხოვთ გაიაროთ რეგისტრაცია ან თუ უკვე რეგისტრირებული ხართ, გთხოვთ, შეხვიდეთ სისტემაში

პირველადი სახე (30/04/2008 - 29/12/2008)

საქართველოს მთავრობის

დადგენილება №112

2008 წლის 29 აპრილი

ქ. თბილისი

საქართველოში რაგბის განვითარების მხარდაჭერის სახელმწიფო პროგრამის შესახებ

1. „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის მე-5 მუხლის „ე“ ქვეპუნქტის საფუძველზე დამტკიცდეს საქართველოში რაგბის განვითარების მხარდაჭერის თანდართული სახელმწიფო პროგრამა.

2. საქართველოს ეკონომიკური განვითარების სამინისტრომ (ე. შარაშიძე) და საქართველოს კულტურის, ძეგლთა დაცვისა და სპორტის სამინისტრომ (ნ. ვაჩეიშვილი) საქართველოს კულტურის, ძეგლთა დაცვისა და სპორტის სამინისტროს სახელმწიფო საქვეუწყებო დაწესებულებასთან – სპორტისა და ახალგაზრდობის სახელმწიფო დეპარტამენტთან (დ. ნამგალაური) ერთად უზრუნველყონ შესაბამისი ღონისძიებების განხორციელება ამ დადგენილებით დამტკიცებული სახელმწიფო პროგრამის დროულად და შეუფერხებლად შესრულების მიზნით.

3. საქართველოს ეკონომიკური განვითარების სამინისტრომ უზრუნველყოს ამ დადგენილებით დამტკიცებული პროგრამით გათვალისწინებულ ადმინისტრაციულ ერთეულებში გადასაცემი ქონების სტატუსის დადგენა და მათი სახელმწიფო საკუთრებაში არსებობის შემთხვევაში განახორციელოს შესაბამისი ღონისძიებები საქართველოს რაგბის კავშირისათვის სიმბოლურ ფასად პირდაპირი მიყიდვის ფორმით პრივატიზების მიზნით.

4. საქართველოს ფინანსთა სამინისტრომ (ნ. გილაური) ამ დადგენილებით დამტკიცებული პროგრამის შესასრულებლად უზრუნველყოს კანონმდებლობით გათვალისწინებული ღონისძიებების განხორციელება სახელმწიფო ბიუჯეტში შესაბამისი ასიგნებების ასახვის მიზნით.

5. საქართველოს კულტურის, ძეგლთა დაცვისა და სპორტის სამინისტროს სახელმწიფო საქვეუწყებო დაწესებულებამ – სპორტისა და ახალგაზრდობის საქმეთა დეპარტამენტმა უზრუნველყოს შესაბამისი თანხის განაწილება ამ დადგენილებით დამტკიცებული პროგრამის ფარგლებში.

6. ეთხოვოთ ადგილობრივი თვითმმართველობის ორგანოებს უზრუნველყონ საქართველოში რაგბის განვითარების მხარდაჭერის სახელმწიფო პროგრამით გათვალისწინებულ ადმინისტრაციულ ერთეულებში გადასაცემი ქონების სტატუსის დადგენა, რეგიონებში სპეციალიზებული სარაგბო სექციების მოწყობა და მათი ფინანსური მხარდაჭერა.

7. დადგენილება ამოქმედდეს გამოქვეყნებისთანავე.

პრემიერ-მინისტრი ვ. გურგენიძე

საქართველოში რაგბის განვითარების მხარდაჭერის სახელმწიფო პროგრამა

მუხლი 1. პროგრამის მიზანი

პროგრამის მიზანია:

1. საქართველოს საკლუბო რაგბის ინფრასტრუქტურის ჩამოყალიბება და კლუბების ფინანსური მდგრადობა.

2. საერთაშორისო სარაგბო ბაზის მშენებლობა.

3. რეგიონებში სარაგბო კერების შექმნა.

4. მაღალი დონის სარაგბო ჩემპიონატების უზრუნველყოფა.

5. სარაგბო პროცესის მონაწილეთა კვალიფიკაციის ამაღლება.

6. ეროვნული და სხვადასხვა ასაკობრივი გუნდების ფინანსური უზრუნველყოფა.

7. 2011 წელს მსოფლიო თასის მოსაპოვებლად ეროვნული ნაკრების წარმატებული გამოსვლა.

8. საქართველოს დაწინაურება სუბელიტარული სარაგბო ქვეყნების რანგში.

9. 2009 წლიდან ევროპის საკლუბო ტურნირებში მონაწილეობა (Challenge Cup).

მუხლი 2. პროგრამის ამოცანები და განხორციელების მექანიზმი

პროგრამის ამოცანაა:

1. სათამაშო/სავარჯიშო ბაზის შექმნა საქართველოს შემდეგ ქალაქებში: ქუთაისი, ბათუმი, ფოთი, თელავი, გორი, რუსთავი, ზუგდიდი.

2. საერთაშორისო სარაგბო ბაზის მოწყობა ჩოხატაურში, რომელიც ითვალისწინებს 3 სტანდარტული მოედნის მოწყობას, სასტუმროს მშენებლობას, სპორტული დარბაზისა და საცურაო აუზის მოწყობას.

3. უმაღლესი ლიგის სარაგბო კლუბებისათვის ქ. თბილისში სამართლიანი განაწილების პრინციპით 12 მიწის ნაკვეთის გადაცემა სტანდარტული სათამაშო/სავარჯიშო მოედნების (შესაბამისი ინფრასტრუქტურით) მოსაწყობად, რომელთა გასხვისების უფლებაც ექნებათ კლუბებს სურვილის შემთხვევაში სანაცვლო ინფრასტრუქტურის უზრუნველყოფის პირობით (პროგრამის ფარგლებში გადასაცემი მიწის ნაკვეთების სავარაუდო ნუსხა ქ. თბილისში მოცემულია №4 ცხრილში). კლუბებმა უზრუნველყონ მათ კუთვნილ მოედნებზე სარაგბო ჩემპიონატის თამაშების გამართვა, მათ შორის, პირველი ლიგის თამაშებისაც.

4. სპეციალიზებული სარაგბო სექციის მოწყობა შემდეგი დასახლებული პუნქტების ფარგლებში: ყაზბეგი, დუშეთი, ხაშური, ზესტაფონი, საჩხერე, ლენტეხი, ამბროლაური, თამარაშენი, პატარძეული, სენაკი.

5. მწვრთნელთა, მსაჯთა, მენეჯერთა და სარაგბო პროცესში მონაწილე სხვა პერსონალის კვალიფიკაციის ამაღლების მიზნით პროფესიული გადამზადების ცენტრის მოწყობა (ქ. თბილისში ან მის მახლობლად).

6. პროგრამის ფარგლებში სახელმწიფო იშუამდგომლებს ადგილობრივ თვითმმართველ ერთეულებთან რაგბის კავშირისათვის ქონების (მათ შორის, მიწის ნაკვეთების) გამონახვისა და შემდგომში გადაცემისათვის სპორტული ინფრასტრუქტურის მოწყობის მიზნით.

7. პროექტის ფარგლებში რაგბის კავშირს ამ მუხლის პირველ და მე-2 პუნქტებში მითითებულ ადმინისტრაციულ ერთეულებში ქონება (მათ შორის, მიწის ნაკვეთები) გადაეცემა სპორტული ინფრასტრუქტურის მოწყობის პირობით.

მუხლი 3. რაგბის კავშირისა და უმაღლესი ლიგის გუნდების დაფინანსება

1. 2008-2011 წლებში სახელმწიფო უზრუნველყოფს რაგბის კავშირის დაფინანსებას სახელმწიფო პროგ-რამის შეუფერხებელი შესრულებისათვის და გაუწევს ფინანსურ მხარდაჭერას 11 828 689 ლარის ოდენობით №1 ცხრილის შესაბამისად.

2. 2008-2012 წლებში სახელმწიფო უზრუნველყოფს უმაღლესი ლიგის გუნდებისა და პირველ ლიგაში გამარჯვებულის დაფინანსებას 6 000 000 ლარის ოდენობით №2 ცხრილში მოცემული გრაფიკის მიხედვით.

ცხრილი №2

2008 წ. ივნისი – საბაზო დაფინანსება – 320 000 ლარი;

2009 წ. იანვარი – საბაზო დაფინანსება და საპრიზო თანხა – 1 500 000 ლარი;

2010 წ. იანვარი – საბაზო დაფინანსება და საპრიზო თანხა – 1 500 000 ლარი;

2011 წ. იანვარი – საბაზო დაფინანსება და საპრიზო თანხა – 1 500 000 ლარი;

2012 წ. იანვარი – საპრიზო თანხა – 1 180 000 ლარი.

უმაღლესი ლიგის ყველა გუნდი (8) 4 წლის განმავლობაში მიიღებს საბაზო დაფინანსებას 40 000 ლარის ოდენობით, რაც ჯამში შეადგენს ყოველწლიურად 320 000 ლარს, ხოლო საპრიზო ფონდი 1 180 000 ლარის ოდენობით გადანაწილდება №3 ცხრილის მიხედვით.

ცხრილი №3

საპრიზო ფონდის განაწილება ჩემპიონატის შედეგების მიხედვით (ლარობით)

უმაღლესი ლიგა	I ადგილი	350 000
	II ადგილი	250 000
	III ადგილი	190 000
	IV ადგილი	130 000
	V ადგილი	100 000
	VI ადგილი	75 000
	VII ადგილი	45 000
	VIII ადგილი	20 000
პირველი ლიგის I ადგილი		20 000

სულ:		1 180 000

3. რაგბის კავშირი ნებაყოფლობითობის საფუძველზე უზრუნველყოფს I ლიგის გუნდების საბაზო დაფინანსებას.

ცხრილი №4

საქართველოში რაგბის განვითარების მხარდაჭერის სახელმწიფო პროგრამის ფარგლებში გადასაცემი მიწის ნაკვეთების სავარაუდო ნუსხა ქ. თბილისში:

– ნუცუბიძის IV მ/რ-ში ტექნიკური უნივერსიტეტის საერთო საცხოვრებლის მიმდებარე ტერიტორია;

– მეტრო „სამგორის“ მიმდებარე ტერიტორია, ე.წ. მერვე ლეგიონის დასახლება, შავი ზღვის ქ. №37 (უშიშროების ყოფილი ავტოფარეხი);

– თბილისის ზღვის მისასვლელი გზის მიმდებარე ტერიტორია (გლდანი-ნაძალადევის რაიონი);

– ვაზისუბნის დასახლება, მშენებარე მეტროს ტერიტორია;

– ნუცუბიძის ქ. №77, ე.წ. „ჯიქების“ სტადიონი;

– ვარკეთილის მეურნეობის მოედანი;

– თბილისის სახელმწიფო უნივერსიტეტის მაღლივი კორპუსის მიმდებარე ტერიტორია;

– დიდი დიღომი, ფარნავაზისა და პეტრიწის ქუჩებს შორის არსებული ტერიტორია;

– სს „თბილისის საერთაშორისო აეროპორტის“ ბალანსზე რიცხული მიწის ნაკვეთი.

ცხრილი №1

საქართველოს რაგბის განვითარების მხარდაჭერის სახელმწიფო პროგრამა (2008-2011 წწ.)

№	დასახელება	ღირებულება წლების მიხედვით				სულ (ლარი)	სულ (დოლარი)
№	დასახელება	2008	2009	2010	2011
1	შიდა რაგბი
	უმაღლესი ლიგა	150000	165000	175000	200000	690000	465273
	პირველი ლიგა	66000	80000	100000	120000	366000	246797
	„ა“ ლიგა	50000	50000	50000	50000	200000	134862
	„ბ“ ლიგა	45000	45000	45000	45000	180000	121376
	საქართველოს თასი	32500	40000	40000	40000	152500	102832
	შვიდკაცას ჩემპიონატი	25000	25000	25000	25000	100000	67431
	კლუბების დახმარება	466667	233333			700000	472016
	მწვრთნელთა და მსაჯთა მომზადება	41540	41540	41540	41540	166160	112043
	მსაჯების ხელფასები	50700	50700	100000	100000	301400	203237
	მწვრთნელების ხელფასები	216000	288000	340200	430200	1274400	859339
	სარაგბო აკადემია	50000	50000	50000	50000	200000	134862
	ლიცენზირება/დაზღვევა	120000	120000	124200	150000	514200	346730
	ჯამი					4844660	3266797
2	სანაკრებო რაგბი
2.1.	სატურნირო ხარჯები, შეკრებები, ეკიპირება და სხვ.
	ეროვნული ნაკრები	525000	605000	605000	950000	2685000	1810519
	20-წლამდელთა ნაკრები	120000	120000	120000	120000	480000	323668
	19-წლამდელთა ნაკრები	120000				120000	80917
	18-წლამდელთა ნაკრები	120000	120000	120000	120000	480000	323668
	17-წლამდელთა ნაკრები	50000	50000	50000	50000	200000	134862
2.2.	მწვრთნელთა და მენეჯმენტის ხელფასები, უცხოელი მწვრთნელებისა და სპეციალისტების მოწვევა
	ეროვნული ნაკრები (ქართველი მწვრთნელები)	51792	51792	51792	51792	207168	139695
	ეროვნული ნაკრები (უცხოელი მწვრთნელები)
	მთავარი მწვრთნელი	402804	402804	402804	402804	1611216	1086457
	ფიტნეს-მწვრთნელი	226560	226560	226560	226560	906240	611086
	20-წლამდელთა ნაკრები	23550	23550	23550	23550	94200	63520
	19-წლამდელთა ნაკრები	11805				11805	7960
	18-წლამდელთა ნაკრები	23550	23550	23550	23550	94200	63520
	17-წლამდელთა ნაკრები	23550	23550	23550	23550	94200	63520
	ჯამი					6984029	4709392

სამთავრობო დაფინანსება – შეჯამება

წელი

2008

2009

2010

2011

სულ

თანხა ლარებში

3012018

2835379

2737746

3243546

11828689

თანხა აშშ

დოლარებში

2031030

1911921

1846086

2187152

7976189

კლუბების დახმარების გრძელვადიანი პროგრამა (საპრიზო ფონდი) –

2008-2011

წელი

2008

2009

2010

2011

სულ

თანხა ლარებში

1500000

6000000

თანხა აშშ

დოლარებში

1011463

4045853

შენიშვნა: თანხა დოლარებით გამოთვლილია 2008 წლის 22 მარტის კურსით (1 აშშ დოლარი = 1.483 ლარს)

– თავდაპირველი გათვლა გაკეთდა 2007 წლის ოქტომბერში (დოლარის კურსი: 1.66), რამაც გამოიწვია სხვაობა 859889 დოლარის

ოდენობით

1. 29/12/2008 - საქართველოს მთავრობის დადგენილება - 264 - სსმ, 187, 31/12/2008