„ქალაქ რუსთავის მუნიციპალიტეტის ტერიტორიაზე მდებარე მიწის ნაკვეთზე (მიწის (უძრავი ქონების) საკადასტრო კოდი: 02.04.02.477) მრავალფუნქციური, მრავალბინიანი საცხოვრებელი სახლების განაშენიანების დეტალური გეგმის დამტკიცების შესახებ“ ქალაქ რუსთავის მუნიციპალიტეტის საკრებულოს 2021 წლის 21 მაისის N255 დადგენილებაში ცვლილების შეტანის შესახებ

საქართველოს ორგანული კანონის „ადგილობრივი თვითმმართველობის კოდექსი“ მე-16 მუხლის მე-2 პუნქტის, 61-ე მუხლის მე-2 პუნქტის, საქართველოს ორგანული კანონის „ნორმატიული აქტების შესახებ“ მე-20 მუხლის, საქართველოს კანონის „საქართველოს სივრცის დაგეგმარების, არქიტექტურული და სამშენებლო საქმიანობის კოდექსი“ 41-ე და 42-ე მუხლის, „სივრცის დაგეგმარებისა და ქალაქთმშენებლობითი გეგმების შემუშავების წესის შესახებ“ საქართველოს მთავრობის 2019 წლის 3 ივნისის №260 დადგენილებით დამტკიცებული სივრცის დაგეგმარებისა და ქალაქთმშენებლობითი გეგმების შემუშავების წესის და „ქალაქ რუსთავის მუნიციპალიტეტის ქალაქთმშენებლობითი დოკუმენტაციის – გენერალური გეგმისა და განაშენიანების გეგმის დამტკიცების თაობაზე“ ქალაქ რუსთავის მუნიციპალიტეტის საკრებულოს 2019 წლის 29 ნოემბრის №154 დადგენილების გათვალისწინებით, ქალაქ რუსთავის მუნიციპალიტეტის საკრებულო ადგენს:

შევიდეს ცვლილება   „ქალაქ რუსთავის მუნიციპალიტეტის ტერიტორიაზე მდებარე მიწის ნაკვეთზე (მიწის (უძრავი ქონების) საკადასტრო კოდი: 02.04.02.477) მრავალფუნქციური, მრავალბინიანი საცხოვრებელი სახლების განაშენიანების დეტალური გეგმის დამტკიცების შესახებ“ ქალაქ რუსთავის მუნიციპალიტეტის საკრებულოს 2021 წლის 21 მაისის №255 დადგენილების პირველი მუხლით დამტკიცებულ დანართ 1-ში – განაშენიანების დეტალური გეგმა და დამტკიცდეს მიწის ნაკვეთების (მიწის (უძრავი ქონების) საკადასტრო კოდი: ს/კ: 02.04.02.910, 02.04.02.566, 02.04.02.907) განაშენიანების დეტალური გეგმა თანდართული რედაქციით.

მიწის ნაკვეთის (მიწის (უძრავი ქონების) საკადასტრო კოდი: 02.04.02.910) კ-2 კოეფიციენტი განისაზღვროს 5.1-ით.

დადგენილება ამოქმედდეს გამოქვეყნებისთანავე.