“სალიცენზიო მოწმობის ფორმისა და სალიცენზიო მოწმობის სარეგისტრაციო ნომრის მინიჭების წესის დამტკიცების შესახებ"

სახელმწიფო სარეგისტრაციო კოდი 430.010.000.22.022.007.896

საქართველოს განათლებისა და მეცნიერების მინისტრის

ბრძანება №650

2005 წლის 29 ნოემბერი

ქ. თბილისი

სალიცენზიო მოწმობის ფორმისა და სალიცენზიო მოწმობის სარეგისტრაციო ნომრის მინიჭების წესის დამტკიცების შესახებ

,,ლიცენზიებისა და ნებართვების შესახებ” საქარ­თველოს კანონის მე-14 მუხლის საფუძველზე, ,,მკაცრი აღრიცხვის ფორმების შესახებ” საქართველოს კანონის მე-3 მუხლის ,,გ” ქვეპუნქტის შესაბამისად,

1. დამტკიცდეს №1 დანართით გათვალისწინებული სალიცენზიო მოწმობის ფორმა შემდეგი ნიშნებით:

ა) რელიეფური დამცავი ბადე;

ბ) ნუმერაცია საღებავით, რომელიც ულტრაიისფერი გამოსხივების ქვეშ ანათებს;

გ) ჭვირნიშანი (სტამბური წესით დატანილი პენეტრირებული წყლის ნიშანი).

2. დამტკიცდეს №2 დანართით გათვალისწინებული სალიცენზიო მოწმობის სარეგისტრაციო ნომრის მინიჭების წესი.

3. ძალადაკარგულად გამოცხადდეს საქართველოს განათ­ლებისა და მეცნიერების მინისტრის 2005 წლის 10 თებერვლის №64 ბრძანება (სსმ III, 2005 წ., №18, მუხ. 178)

4. ბრძანება ამოქმედდეს გამოქვეყნებისთანავე.

ა. ლომაია

დანართი 2

სალიცენზიო მოწმობის სარეგისტრაციო ნომრის მინიჭების წესი

ლიცენზირებადი საქმიანობის სარეგისტრაციო ნომრის:

1. პირველი ორი ციფრი აღნიშნავს კალენდარული წლის ბოლო ორ რიცხვს.

2. მესამე ციფრით განისაზღვრება ლიცენზიის სახე:

ა) საქმიანობის ლიცენზია – 1;

ბ) საქმიანობის სპეციალური ლიცენზია – 2;

გ) საქმიანობის გენერალური ლიცენზია – 3.

3. მეოთხე ციფრი აღნიშნავს ლიცენზირებული საგანმანათლებლო და სააღმზრდელო საქმიანობების სახეებს:

ა) 1 – ზოგადსაგანმანათლებლო საქმიანობა;

ბ) 2 – უმაღლესი საგანმანათლებლო საქმიანობა;

გ) 3 – დაწყებითი პროფესიული საგანმანათლებლო საქმიანობა;

დ) 4 – საშუალო პროფესიული საგანმანათლებლო საქმიანობა;

ე) 5 – მშობელთა მზრუნველობას მოკლებულ ბავ­შვთა და შეზღუდული შესაძლებლობების მქონე ბავშვთა სააღმზრდელო საქმიანობა.

4. ბოლო სამი ციფრი რეესტრის სარეგისტრაციო ნომრებია.