სპეციალური დეპოზიტარის საწესდებო კაპიტალისადმი მინიმალური მოთხოვნების განსაზღვრის შესახებ

სახელმწიფო სარეგისტრაციო კოდი 040.170.280.12.005.006.841

საქართველოს ფასიანი ქაღალდების ეროვნული კომისიის

დადგენილება №52

2004 წლის 11 ნოემბერი

ქ. თბილისი

სპეციალური დეპოზიტარის საწესდაბო კაპიტალისადმი მინიმალური მოთხოვნების განსაზღვრის შესახებ

„არასახელმწიფო საპენსიო დაზღვევის და უზრუნველყოფის შესახებ” საქართველოს კანონის (შემდგომში – კანონი) მე-40 მუხლის მე-2 პუნქტის „თ” ქვეპუნქტის შესაბამისად, კომისია ადგენს:

1. დამტკიცდეს თანდართული წესი “სპეციალური დეპოზიტარის საწესდებო კაპიტალისადმი მინიმალური მოთხოვნების განსაზღვრის შესახებ “.

2. წინამდებარე დადგენილების პირველ პუნქტში განსაზღვრული წესი ამოქმედდეს გამოქვეყნებისთანავე.

თავმჯდომარე მ. ჯიბუტი

წესი

სპეციალიზებული დეპოზიტარის საწესდებო კაპიტალისადმი მინიმალური მოთხოვნების განსაზღვრის შესახებ

    მუხლი 1.

ეს წესი შემუშავებულია „არასახელმწიფო დაზღვევისა და უზრუნველყოფის შესახებ” საქართველოს კანონის მე-40 მუხლის მეორე პუნქტის „თ“ და 33-ე მუხლის პირველი პუნქტის „ა” ქვეპუნქტების საფუძველზე და განსაზღვრავს მოთხოვნებს სპეციალიზებული დეპოზიტარების მინიმალური საწესდებო კაპიტალისადმი

    მუხლი 2.

ამ წესში გამოყენებულია ტერმინები საქართველოს კანონმდებლობით განსაზღვრული მნიშვნელობებით.

    მუხლი 3. მოთხოვნები საწესდებო კაპიტალისადმი

3.1 სპეციალიზებული დეპოზიტარის ლიცენზიის მისაღებად აუცილებელია, რომ ლიცენზიის მაძიებლის განაღდებული საწესდებო კაპიტალი შეადგენდეს არანაკლებ 50 000 ლარს.

3.2 ლიცენზიის მოქმედების მთელი პერიოდის განმავლობაში სპეციალიზებული დეპოზიტარის განაღდებული საწესდებო კაპიტალი უნდა შეესაბამებოდეს პირველ პუნქტში განსაზღვრულ სიდიდეს.

3.3 თუ საწესდებო კაპიტალი ნაკლებია ამ წესით განსაზღვრულ მინიმალურ ოდენობაზე, მმართველი კომპანია ვალდებულია ამის შესახებ 5 დღის ვადაში აცნობოს კომისიას

3.4 ინვესტორთა დაცვის მიზნით, კომისიას შეუძლია დააწესოს დამატებითი მოთხოვნები სპეციალიზებული დეპოზიტარის საწესდებო კაპიტალზე.