ატმოსფერული ჰაერის დაბინძურების სტაციონარული წყაროების შემოწმების გრაფიკის შედგენის წესის შესახებ

სახელმწიფო სარეგისტრაციო კოდი 360.160.000.11.103.005.973

საქართველოს გარემოსა და ბუნებრივი რესურსების დაცვის მინისტრის №66

2003 წლის 21 ივლისი

ქ. თბილისი

„ატმოსფერული ჰაერის დაბინძურების სტაციონარული წყაროების შემოწმების გრაფიკის შედგენის წესის შესახებ” დებულების დამტკიცების თაობაზე

„ატმოსფერული ჰაერის დაცვის შესახებ” საქართველოს 1999 წლის 22 ივნისის კანონის (სსმ III, 1999 წ., №30/37) მე-60 მუხლის მე-2 პუნქტის ქ) ქვეპუნქტის საფუძველზე, ვბრძანებ:

1. დამტკიცდეს თანდართული დებულება „ატმოსფერული ჰაერის დაბინძურების სტაციონარული წყაროების შემოწმების გრაფიკის შედგენის წესის შესახებ”.

2. ეს ბრძანება გამოქვეყნდეს ნორმატიული აქტის სახელმწიფო რეესტრში შეტანიდან 7 დღის ვადაში.

3. ეს ბრძანება ძალაში შევიდეს გამოქვეყნებისთანავე.

ნ. ჩხობაძე

დებულება

ატმოსფერული ჰაერის დაბინძურების სტაციონარული წყაროების შემოწმების გრაფიკის შედგენის წესის შესახებ

თავი 1. ზოგადი ნაწილი

    მუხლი 1. ნორმატიული აქტი, რომლის საფუძველზეც და რომლის შესასრულებლადაც მიღებულ იქნა დებულება „ატმოსფერული ჰაერის დაბინძურების სტაციონარული წყაროების შემოწმების გრაფიკის შედგენის წესის შესახებ”

დებულება მიღებულია „ატმოსფერული ჰაერის დაცვის შესახებ” საქართველოს კანონის მე-60 მუხლის მე-2 პუნქტის ქ) ქვეპუნქტის საფუძველზე, ამავე კანონით დადგენილი სამართლებრივი ნორმების შესრულების მიზნით.

    მუხლი 2. დებულების რეგულირების საგანი

დებულება არეგულირებს სამართლებრივ ურთიერთობებს სახელმწიფო ხელისუფლების ორგანოებსა და ფიზიკურ და იურიდიულ (საკუთრებისა და ორგანიზაციულ-სამართლებრივი ფორმის მიუხედავად) პირებს შორის დაბინძურების სტაციონარული წყაროებიდან ატმოსფერული ჰაერის მავნე ნივთიერებებით დაბინძურების სახელმწიფო კონტროლის და ზედამხედველობის განხორციელებისას.

    მუხლი 3. დებულების მიზანი და ამოცანა

1. დებულების მიზანია ატმოსფერული ჰაერის დაბინძურების სტაციონარული წყაროების შემოწმების გრაფიკის შედგენის წესის დადგენა.

2. დებულების ამოცანაა ატმოსფერული ჰაერის დაბინძურების სტაციონარული წყაროების შემოწმების გრაფიკის საფუძველზე ამ წყაროებში ატმოსფერული ჰაერის დაცვის საქართველოს კანონმდებლობით დადგენილი ნორმების შესრულების მდგომარეობის კონტროლი და ზედამხედველობა.

    მუხლი 4. ზოგადი მოთხოვნები დებულების შესახებ

1. დაბინძურების სტაციონარული წყაროებიდან ატმოსფერული ჰაერის მავნე ნივთიერებებით დაბინძურების სახელმწიფო კონტროლს და ზედამხედველობას ახორციელებენ საქართველოს გარემოსა და ბუნებრივი რესურსების დაცვის სახელმწიფო ორგანოები.

2. ატმოსფერული ჰაერის დაბინძურების სტაციონარული წყაროების შემოწმება ხორციელდება საქართველოს გარემოსა და ბუნებრივი რესურსების დაცვის სახელმწიფო ორგანოების მიერ წინასწარ შედგენილი დაბინძურების სტაციონარული წყაროების შემოწმების გრაფიკის საფუძველზე.

3. ატმოსფერული ჰაერის დაბინძურების სტაციონარული წყაროების შემოწმების გრაფიკი დგება ყოველწლიურად, რომელიც მტკიცდება საქართველოს გარემოსა და ბუნებრივი რესურსების დაცვის მინისტრის ბრძანებით.

4. ატმოსფერული ჰაერის დაბინძურების სტაციონარული წყაროების შემოწმების ყოველწლიური დამტკიცებული გრაფიკის თაობაზე საანგარიშო წლის დაწყებამდე წერილობით უნდა ეცნობოს დაბინძურების სტაციონარული წყაროების მფლობელებსა და შესაბამის ადგილობრივ მმართველობის ორგანოებს.

5. საქართველოს გარემოსა და ბუნებრივი რესურსების დაცვის სახელმწიფო ორგანოებს უფლება აქვთ ატმოსფერული ჰაერის დაბინძურების სტაციონარული წყაროების შემოწმების ყოველწლიური დამტკიცებული გრაფიკის გარეშე შეამოწმონ ატმოსფერული ჰაერის დაბინძურების სტაციონარული წყაროები, თუ:

ა) მიღებულია შეტყობინება სტაციონარული წყაროებიდან მავნე ნივთიერებათა ავარიული გაფრქვევის შესახებ;

ბ) მიღებულია მოქალაქეთა ინდივიდუალური ან/და კოლექტიური წერილობითი შეტყობინება ატმოსფერული ჰაერის დაცვის კანონმდებლობის დარღვევის შესახებ;

გ) საქართველოს კანონმდებლობით დადგენილია სხვა ამგვარი შემთხვევები.

თავი II. ძირითადი ნაწილი

    მუხლი 5. ატმოსფერული ჰაერის დაბინძურების სტაციონარული წყაროების შემოწმების გრაფიკის დადგენის წესი

1. ატმოსფერული ჰაერის დაბინძურების სტაციონარული წყაროების შემოწმების გრაფიკი დგება დაბინძურების მსხვილ და საშუალო სტაციონარულ წყაროებისთვის, რომელთა ამგვარი დაყოფა ხორციელდება მავნე ნივთიერებების წლიურ გაფრქვევათა შესაძლო მაქსიმალური მოცულობის რანჟირების მიხედვით, თანახმად „ატმოსფერული ჰაერის დაცვის შესახებ” საქართველოს კანონის 24-ე მუხლისა და განისაზღვრება ფორმულით:

,

სადაც   

I – დაბინძურების სტაციონარული წყაროების მსხვილ და საშუალო წყაროებად დაყოფის იდენტიფიკაციის სიდიდეა;

M_i – i-ური მავნე ნივთიერების შესაძლო გაფრქვევის მასაა საწარმოს საპროექტო სიმძლავრით დატვირთვის შემთხვევაში, ტ/წელი;

ზდკi – i-ური მავნე ნივთიერების საშუალო დღე-ღამური ზღვრულად დასაშვები კონცენტრაციაა, მგ/მ³;

n – საწარმოს მიერ გაფრქვეულ მავნე ნივთიერებათა სახეობის რაოდენობაა;

a_i – უგანზომილებო კონსტანტაა, რომელიც დამოკიდებულია i-ური მავნე ნივთიერების საშიშროების კლასზე: 1-ლი კლასისთვის a_i=1,7; მე-2 კლასისთვის a_i=1,3; მე-3 კლასისთვის a_i=1,0; მე-4 კლასისთვის a_i=0,9.

2. საწარმო ჩაითვლება დაბინძურების საშუალო სტაციონარულ წყაროდ, როდესაც იდენტიფიკაციის სიდიდე , ხოლო დაბინძურების მსხვილ სტაციონარულ წყაროდან, როდესაც იდენტიფიკაციის სიდიდე I >10⁴.

3. ატმოსფერული ჰაერის დაბინძურების სტაციონარული წყაროების შემოწმება ხორციელდება შემდეგი გრაფიკის მიხედვით:

ა) დაბინძურების მსხვილი სტაციონარული წყაროები (I >10⁴)– წელიწადში 2-ჯერ;

ბ) დაბინძურების საშუალო სტაციონარული წყაროები :

როცა – წელიწადში ერთხელ;

როცა – ორ წელიწადში ერთხელ;

როცა – სამ წელიწადში ერთხელ.

 მუხლი 6. პასუხისმგებლობა დებულების მოთხოვნათა დარღვევისათვის

 პასუხისმგებლობა დებულების მოთხოვნათა დარღვევისათვის განისაზღვრება საქართველოს კანონმდებლობით.

თავი III. დასკვნითი ნაწილი

 მუხლი 7. დებულებაში ცვლილებებისა და დამატებების შეტანა

დებულებაში ცვლილებები და დამატებები შეიტანება საქართველოს გარემოსა და ბუნებრივი რესურსების დაცვის მინისტრის მიერ საქართველოს კანონმდებლობით დადგენილი წესით.