„ნარჩენების მართვის კოდექსის 31-ე-35-ე მუხლებით, 36-ე მუხლის პირველი და მე-2 ნაწილებით, 39-ე მუხლით, 43-ე მუხლის პირველი ნაწილითა და 46-ე მუხლით გათვალისწინებული სამართალდარღვევისას საჯარიმო ქვითრის – ადმინისტრაციული სამართალდარღვევის ოქმის ფორმის, მისი შევსების, ჩაბარების, წარმოებისა და აღრიცხვა-ანგარიშგების წესის დამტკიცების შესახებ“ ქალაქ რუსთავის მუნიციპალიტეტის საკრებულოს 2019 წლის 5 თებერვლის №94 დადგენილებაში ცვლილების შეტანის თაობაზე

1.1.დადგენილების პრეამბულა ჩამოყალიბდეს შემდეგი რედაქციით:

„საქართველოს ორგანული კანონის „ადგილობრივი თვითმმართელობის კოდექსი“ 61-ე მუხლის მე-2 ნაწილის, „ნორმატიული აქტების შესახებ“ საქართველოს ორგანული კანონის 20-ე მუხლის, საქართველოს ადმინისტრაციულ სამართალდარღვევათა კოდექსის 209³ მუხლის, „ნარჩენების მართვის კოდექსი“ 47-ე მუხლის პირველი, მე-15 ნაწილის,  „მკაცრი აღრიცხვის ფორმების შესახებ“ საქართველოს კანონის მე-8 მუხლის პირველი პუნქტისა და „მკაცრი აღრიცხვის ფორმების ნუსხის, მკაცრი აღრიცხვის ფორმების  რეგისტრაციის წესისა და მკაცრი აღრიცხვის ფორმების რეგისტრაციის ჟურნალის ფორმის დამტკიცების თაობაზე“ საქართველოს ეკონომიკისა და მდგრადი განვითარების მინისტრის 2020 წლის 31 აგვისტოს №1-1/345 ბრძანების შესაბამისად.“;

1.2.პირველი მუხლის „ა“ პუნქტით დამტკიცებულ დანართი №1-ში:

ა) დანართის პირველი მუხლი ჩამოყალიბდეს შემდეგი რედაქციით:

„მუხლი 1. წესის რეგულირების საგანი

წინამდებარე წესი, ნარჩენების მართვის კოდექსის, „საქართველოს ადმინისტრაციულ სამართალდარღვევათა კოდექსის“, „მკაცრი აღრიცხვის ფორმების შესახებ“ საქართველოს კანონის, შესაბამისი კანონქვემდებარე აქტებისა და სხვა მოქმედი ნორმატიული აქტების მიხედვით, განსაზღვრავს ადმინისტრაციული სამართალდარღვევის გამოვლენის, საჯარიმო ქვითრის – ადმინისტრაციული სამართალდარღვევის ოქმის შენახვის, მისი შევსების, ჩაბარების, წარმოების, აღრიცხვა-ანგარიშგების და ადმინისტრაციული სამართალდარღვევის საქმის ადგილზე განხილვისას ადმინისტრაციული სახდელის დადების შესახებ მიღებული ადმინისტრაციულ-სამართლებრივი აქტის გასაჩივრების სამართლებრივ მექანიზმებს.“;

ბ) დანართის მე-2 მუხლი ჩამოყალიბდეს შემდეგი რედაქციით:

„მუხლი 2. საჯარიმო ქვითრის – ადმინისტრაციული სამართალდარღვევის ოქმის შედგენაზე უფლებამოსილი საჯარო მოსამსახურე(ები)

საჯარიმო ქვითრის – ადმინისტრაციული სამართალდარღვევის ოქმის შედგენაზე უფლებამოსილნი არიან ქალაქ რუსთავის მუნიციპალიტეტის მერიის მუნიციპალური ინსპექციის (შემდომ – „უფლებამოსილი სამსახური“) უფლებამოსილი პირები (შემდგომ – საჯარო მოსამსახურე). 

1.3 პირველი მუხლის „ბ“ პუნქტით დამტკიცებული  „საჯარიმო ქვითრის“ – ადმინისტრაციული სამართალდარღვევის ოქმის ფორმა“ ჩამოყალიბდეს თანდართული დანართი №2-ის შესაბამისად.

1.4 პირველი მუხლის „ე“ პუნქტით დამტკიცებული „სააღსრულებო ფურცლის“ ფორმა ჩამოყალიბდეს თანდართული დანართი №5-ს შესაბამისად.“.