„ბორჯომის მუნიციპალიტეტის მერიის ეკონომიკური განვითარებისა და ქონების მართვის სამსახურის დებულების დამტკიცების შესახებ“ ბორჯომის მუნიციპალიტეტის საკრებულოს 2018 წლის 28 თებერვლის №11 დადგენილებაში ცვლილების შეტანის შესახებ

1. დანართის მე-3 მუხლის „ვ“ ქვეპუნქტი ჩამოყალიბდეს ახალი რედაქციით:

„ვ) მუნიციპალიტეტის ტერიტორიაზე ადგილობრივი მოსაკრებლების გადამხდელი ფიზიკური და იურიდიული პირების აღრიცხვას, მონაცემთა ბაზის შექმნას და მოსაკრებლის ამოღებას, გარდა დაბა ბაკურიანის და სოფელი დიდი მიტარბის ტერიტორიისა;“

2. დანართის მე-6 მუხლის „ჟ“ ქვეპუნქტი ჩამოყალიბდეს ახალი რედაქციით:

„ჟ)  დასახლებული ტერიტორიის დსუფთავების მოსაკრებლის გადამხდელი ფიზიკური და იურიდიული პირების აღრიცხვა, მონაცემთა ბაზის შექმნა, მონაცემთა ბაზაში ცვლილებების შეტანა, მოსაკრებლის ამოღების უზრუნველყოფა (გარდა დაბა ბაკურიანის და სოფელი დიდი მიტარბის ტერიტორიისა)“;

3. დანართის მე-6 მუხლის „რ“ ქვეპუნქტი ჩამოყალიბდეს ახალი რედაქციით:

„რ) დასახლებული ტერიტორიის დსუფთავების მოსაკრებლის ამოღების მიზნით, მოსაკრებლის გადამხდელ ფიზიკურ და იურიდიული პირებს უგზავნის/აბარებს შეტყობინებებს/გაფრთხილებებს, ამზადებს ხელშეკრულების პროექტებს, უზრუნველყოფს დასუფთავების მოსაკრებლის ქვითრის დარიგებას (გარდა დაბა ბაკურიანის და სოფელი დიდი მიტარბის ტერიტორიისა)“;

4. დანართის მე-6 მუხლის „ს“ ქვეპუნქტი ჩამოყალიბდეს ახალი რედაქციით:

„ს) ყოველდღიურად უზრუნველყოფს დასახლებული ტერიტორიის დასუფთავების გადამხდელთა მიერ  (გარდა დაბა ბაკურიანის და სოფელი დიდი მიტარბის ტერიტორიისა) გადახდილი თანხების პროგრამაში – მონაცემთა ბაზაში ასახვას;“.