საჯარო სამართლის იურიდიული პირის − შემოქმედებითი საქართველოს რეორგანიზაციისა და საჯარო სამართლის იურიდიული პირის − კულტურის ეროვნული ფონდის შექმნის შესახებ

დოკუმენტის სტრუქტურა

განმარტებების დათვალიერება

დაკავშირებული დოკუმენტები

დოკუმენტის კომენტარები

დოკუმენტის მონიშვნები

კონსოლიდირებული პუბლიკაციები

21/12/2021 06/04/2021 28/12/2020 17/09/2020 09/07/2020 29/04/2020 24/02/2020 25/12/2019 18/10/2019 05/08/2019

უკან დაბრუნება

საჯარო სამართლის იურიდიული პირის − შემოქმედებითი საქართველოს რეორგანიზაციისა და საჯარო სამართლის იურიდიული პირის − კულტურის ეროვნული ფონდის შექმნის შესახებ
დოკუმენტის ნომერი	364
დოკუმენტის მიმღები	საქართველოს მთავრობა
მიღების თარიღი	05/08/2019
დოკუმენტის ტიპი	საქართველოს მთავრობის დადგენილება
გამოქვეყნების წყარო, თარიღი	ვებგვერდი, 05/08/2019
ძალის დაკარგვის თარიღი	01/01/2022
სარეგისტრაციო კოდი	040030000.10.003.021379
კონსოლიდირებული პუბლიკაციები

PDF გადმოწერა

თქვენ უყურებთ დოკუმენტის პირველად სახეს
დოკუმენტის კონსოლიდირებული ვარიანტის ნახვა ფასიანია, აუცილებელია სისტემაში შესვლა და საჭიროების შემთხვევაში დათვალიერების უფლების ყიდვა, გთხოვთ გაიაროთ რეგისტრაცია ან თუ უკვე რეგისტრირებული ხართ, გთხოვთ, შეხვიდეთ სისტემაში

პირველადი სახე (05/08/2019 - 18/10/2019)

საჯარო სამართლის იურიდიული პირის − შემოქმედებითი საქართველოს რეორგანიზაციისა და საჯარო სამართლის იურიდიული პირის − კულტურის ეროვნული ფონდის შექმნის შესახებ

„ნორმატიული აქტების შესახებ“ საქართველოს ორგანული კანონის 25-ე მუხლის პირველი პუნქტის „გ“ ქვეპუნქტის, „საჯარო სამართლის იურიდიული პირის შესახებ“ საქართველოს კანონის მე-5 მუხლის მე-2 პუნქტის „ბ“ ქვეპუნქტისა და „გრანტების შესახებ“ საქართველოს კანონის მე-3 მუხლის პირველი პუნქტის „გ“ ქვეპუნქტის შესაბამისად:

მუხლი 1

რეორგანიზებულ იქნეს საჯარო სამართლის იურიდიული პირი − შემოქმედებითი საქართველო და მის ბაზაზე შეიქმნას საჯარო სამართლის იურიდიული პირი − კულტურის ეროვნული ფონდი.

მუხლი 2

საჯარო სამართლის იურიდიული პირი − კულტურის ეროვნული ფონდი განისაზღვროს გრანტის გამცემად.

მუხლი 3

საჯარო სამართლის იურიდიული პირის − კულტურის ეროვნული ფონდის მიერ გრანტის გაცემის წესი, საგრანტო კონკურსების დებულებები და საგრანტო პროექტების შეფასების კრიტერიუმები დამტკიცდეს საქართველოს განათლების, მეცნიერების, კულტურისა და სპორტის მინისტრის ბრძანებით.

მუხლი 4

საჯარო სამართლის იურიდიული პირი − კულტურის ეროვნული ფონდი ჩაითვალოს საჯარო სამართლის იურიდიული პირის − შემოქმედებითი საქართველოს უფლებამონაცვლედ.

მუხლი 5

ძალადაკარგულად გამოცხადდეს „საჯარო სამართლის იურიდიული პირის – კულტურის განვითარების საინვესტიციო ფონდის რეორგანიზაციისა და საჯარო სამართლის იურიდიული პირის − შემოქმედებითი საქართველოს შექმნის შესახებ“ საქართველოს მთავრობის 2017 წლის 11 იანვრის №3 დადგენილება.

მუხლი 6

საქართველოს განათლების, მეცნიერების, კულტურისა და სპორტის სამინისტრომ განახორციელოს:

1. საჯარო სამართლის იურიდიული პირის – კულტურის ეროვნული ფონდის სახელმწიფო კონტროლი.

2. საჯარო სამართლის იურიდიული პირის – კულტურის ეროვნული ფონდის დებულების დამტკიცება და წარმომადგენლობაზე უფლებამოსილი პირის დანიშვნა, კანონმდებლობით დადგენილი წესით.

მუხლი 7

საქართველოს განათლების, მეცნიერების, კულტურისა და სპორტის სამინისტრომ და საჯარო სამართლის იურიდიულმა პირმა − შემოქმედებითმა საქართველომ უზრუნველყონ რეორგანიზაციასთან დაკავშირებული, კანონმდებლობით გათვალისწინებული ღონისძიებების განხორციელება 2019 წლის 1 აგვისტოდან 2019 წლის 1 ოქტომბრამდე.

მუხლი 8

1. დადგენილების პირველი მუხლი, მე-6 მუხლის მე-2 პუნქტი და მე-7 მუხლი ამოქმედდეს გამოქვეყნებისთანავე.

2. დადგენილების მე-2 − მე-5 მუხლები და მე-6 მუხლის პირველი პუნქტი ამოქმედდეს 2019 წლის 1 ოქტომბრიდან.

პრემიერ - მინისტრი მამუკა ბახტაძე