საქართველოს ადმინისტრაციულ სამართალდარღვევათა კოდექსში ცვლილების შეტანის შესახებ

1. კოდექსს დაემატოს შემდეგი შინაარსის:

ა) 46⁵ და 46⁶ მუხლები:

„მუხლი 46⁵. მასობრივ გასართობ საცეკვაო ცენტრში (ღამის კლუბში), ინტერნეტსალონსა და კაფეში ბავშვის დაშვების წესების დარღვევა

1. ბავშვის უფლებათა კოდექსით დადგენილი მასობრივ გასართობ საცეკვაო ცენტრში (ღამის კლუბში), ინტერნეტსალონსა და კაფეში ბავშვის დაშვების წესების დარღვევა −

გამოიწვევს საქმიანობის განმახორციელებელი სუბიექტის დაჯარიმებას 1000 ლარის ოდენობით.

2. იგივე ქმედება, ჩადენილი განმეორებით, –

გამოიწვევს დაჯარიმებას 3000 ლარის ოდენობით.

მუხლი 46⁶. საჯარო ღონისძიებაში ბავშვის მონაწილეობის ორგანიზატორის მიერ ვალდებულების შეუსრულებლობა

საჯარო ღონისძიებაში ბავშვის მონაწილეობის ორგანიზატორის მიერ ბავშვის უფლებათა კოდექსით დადგენილი ვალდებულების შეუსრულებლობა −

გამოიწვევს დაჯარიმებას 1000 ლარის ოდენობით.“;

ბ) 144¹¹ მუხლი:

„მუხლი 144¹¹. ინტერნეტში ბავშვისათვის საფრთხის შემცველი ინფორმაციის განთავსებისა და ზოგადსაგანმანათლებლო დაწესებულებაში, ბიბლიოთეკასა და ბავშვთა სპეციალიზებულ დაწესებულებაში ბავშვისათვის ინტერნეტქსელის ხელმისაწვდომობის წესების დარღვევა

1. ინტერნეტში ბავშვისათვის საფრთხის შემცველი ინფორმაციის განთავსებისა და ზოგადსაგანმანათლებლო დაწესებულებაში, ბიბლიოთეკასა და ბავშვთა სპეციალიზებულ დაწესებულებაში ბავშვისათვის ინტერნეტქსელის ხელმისაწვდომობის წესების დარღვევა ან შესაბამისი კონტროლის განხორციელების უფლებამოსილების მქონე ორგანოს გადაწყვეტილების შეუსრულებლობა −

გამოიწვევს დაჯარიმებას 1000 ლარის ოდენობით.

2. იგივე ქმედება, ჩადენილი განმეორებით, –

გამოიწვევს დაჯარიმებას 3000 ლარის ოდენობით.“;

გ) 170¹ მუხლი:

„მუხლი 170¹. არასრულწლოვნის ისეთი სამუშაოს შესრულებაში ჩაბმა ან/და ისეთი სამუშაოს შესასრულებლად გამოყენება, რომელიც მას ხელს უშლის განათლების მიღებაში ან საზიანოა მისი ჯანმრთელობისათვის ან ფიზიკური, გონებრივი, მორალური, ემოციური ან/და სოციალური განვითარებისათვის, ან არასრულწლოვნისათვის საფრთხის შემცველი ინფორმაციის მიწოდება

არასრულწლოვნის ისეთი სამუშაოს შესრულებაში ჩაბმა ან/და ისეთი სამუშაოს შესასრულებლად გამოყენება, რომელიც მას ხელს უშლის განათლების მიღებაში ან საზიანოა მისი ჯანმრთელობისათვის ან ფიზიკური, გონებრივი, მორალური, ემოციური ან/და სოციალური განვითარებისათვის, ან არასრულწლოვნისათვის საფრთხის შემცველი ინფორმაციის მიწოდება −

გამოიწვევს ფიზიკური პირის დაჯარიმებას 1000 ლარის ოდენობით,  იურიდიული პირის დაჯარიმებას 2 000 ლარის ოდენობით.“.

2. 171³ მუხლი ჩამოყალიბდეს შემდეგი რედაქციით:

„მუხლი 171³. 18 წლამდე პირის ისეთ ინდუსტრიაში ჩაბმა, რომელიც ითვალისწინებს ალკოჰოლიანი სასმლის, ნარკოტიკული და ფსიქოტროპული სამკურნალო საშუალებების, თამბაქოს ნაწარმის წარმოებას, დასაწყობებას, ტრანსპორტირებას ან რეალიზაციას

1. 18 წლამდე პირის ისეთ ინდუსტრიაში ჩაბმა, რომელიც ითვალისწინებს ალკოჰოლიანი სასმლის, ნარკოტიკული და ფსიქოტროპული სამკურნალო საშუალებების, თამბაქოს ნაწარმის წარმოებას, დასაწყობებას, ტრანსპორტირებას ან რეალიზაციას, −

გამოიწვევს დაჯარიმებას 5 000 ლარის ოდენობით.

2. ამ მუხლის პირველი ნაწილით გათვალისწინებული ქმედება, ჩადენილი განმეორებით, –

გამოიწვევს დაჯარიმებას 10 000 ლარის ოდენობით.“.

3. კოდექსს დაემატოს შემდეგი შინაარსის 172⁸ და 172⁹ მუხლები:

„მუხლი 172⁸. საჯარო კინოჩვენებაზე ბავშვის დაშვების წესების დარღვევა

1. საჯარო კინოჩვენებაზე ბავშვის დაშვების წესების დარღვევა −

გამოიწვევს დაჯარიმებას 1000 ლარის ოდენობით.

2. იგივე ქმედება, ჩადენილი განმეორებით, –

გამოიწვევს დაჯარიმებას 5000 ლარის ოდენობით.

მუხლი 172⁹. ჟურნალ-გაზეთებისა და სხვა სახის ბეჭდური მედიის პუბლიკაციების ბავშვისათვის ხელმისაწვდომობის წესების დარღვევა

1. ჟურნალ-გაზეთებისა და სხვა სახის ბეჭდური მედიის იმ პუბლიკაციების ბავშვისათვის მიყიდვა, ჩუქება ან სხვა ფორმით ხელმისაწვდომობის უზრუნველყოფა, რომლებიც ბავშვისათვის საფრთხის შემცველ ინფორმაციას შეიცავს, −

გამოიწვევს დაჯარიმებას 500 ლარის ოდენობით.

2. იგივე ქმედება, ჩადენილი განმეორებით, –

გამოიწვევს დაჯარიმებას 1000 ლარის ოდენობით.“.

4. 208-ე მუხლი ჩამოყალიბდეს შემდეგი რედაქციით:

„მუხლი 208. რაიონული (საქალაქო) სასამართლოს განსჯადი ადმინისტრაციულ სამართალდარღვევათა საქმეები

რაიონული (საქალაქო) სასამართლო განიხილავს ადმინისტრაციულ სამართალდარღვევათა საქმეებს, რომლებიც გათვალისწინებულია ამ კოდექსის 42¹ და 42² მუხლებით, 43-ე მუხლის მე-2 ნაწილით, 43¹−44³, 44⁵, 44⁷–44¹¹, 45-ე−46⁴, 48-ე, 49-ე, 50¹, 51-ე–55⁴, 56-ე, 57-ე–59-ე, 59²−მე-60, 60³−61¹, 63-ე−65-ე, 66-ე−69-ე, 71-ე, 71¹, 72¹–78-ე, 79¹–81-ე, 82¹, 82², 82⁵, 84-ე–86-ე, 87¹−89³, 91², 91³, 94-ე, 95-ე, 99-ე, 100¹, 100², 103¹, 104-ე და 105¹ მუხლებით, 127¹ მუხლის მე-5 ნაწილით, 128¹–128⁵, 143-ე, 144-ე, 144¹⁰, 145-ე, 146¹, 148-ე, 150-ე, 150¹, 151-ე, 152-ე, 152², 153-ე, 153¹ და 153³–153⁵ მუხლებით, 153⁶ მუხლის მე-2 და მე-5 ნაწილებით, 154-ე−154², 155¹ და 155² მუხლებით, 155³ მუხლის მე-11−მე-20 ნაწილებით, 155⁶ მუხლის მე-3−მე-5 ნაწილებით, 155⁷–155¹¹, 156-ე, 157¹–158¹, 159-ე, 159¹, 159⁴–159¹⁰, 163-ე, 164-ე, 164⁴, 165¹–165³, 166-ე−167-ე და 170¹ მუხლებით, 171-ე მუხლის მე-3 ნაწილით, 171²−171⁴ მუხლებით, 171⁵ მუხლის პირველი, მე-2, მე-4−მე-6 და მე-8−მე-16 ნაწილებით, 172-ე, 172⁴–172⁶, 173-ე, 173⁴–173⁷, 173⁹, 173¹², 173¹⁴, 173¹⁵ და 174¹ მუხლებით, 174¹⁵ მუხლის მე-4 ნაწილით, 175¹ და 175² მუხლებით, 177-ე მუხლის მე-4, მე-5, მე-8, მე-12 და მე-13 ნაწილებით, 177⁸, 177⁹, 177¹¹ და 177¹² მუხლებით, 177¹³ მუხლით (მხოლოდ ამ კოდექსის 245-ე მუხლის 4¹ ნაწილით გათვალისწინებულ შემთხვევაში), 178-ე, 179¹–179³, 180-ე და 181-ე მუხლებით, 181¹ მუხლის მე-2 ნაწილით, 182-ე, 183-ე, 187-ე, 187¹, 189-ე, 192-ე, 195-ე, 196³, 196⁶, 197¹ და 197² მუხლებით, 197³ მუხლის მე-2 ნაწილითა და 199¹ მუხლით.“.

საქართველოს 2020 წლის 17 ივლისის კანონი №7067 – ვებგვერდი, 29.07.2020წ.

5. 209³ მუხლის პირველი ნაწილი ჩამოყალიბდეს შემდეგი რედაქციით:

„1. ამ კოდექსის 46⁵, 46⁶, 55⁵, 55⁶, 77¹ და 77² მუხლებით, 82⁵ მუხლით (პლასტიკის და ბიოდეგრადირებადი პარკების რეალიზაციის ნაწილში), 103-ე და 107²–107⁴ მუხლებით, 114² მუხლის მე-6 ნაწილით, 125-ე მუხლის მე-8 და მე-12−მე-16 ნაწილებით, 125²−125⁴ მუხლებით, 130-ე მუხლის მე-4 ნაწილის „ა“ ქვეპუნქტით, 134-ე−135⁵ და 146¹ მუხლებით, 148-ე მუხლის მე-3 და მე-4 ნაწილებით, 150-ე−150³ მუხლებით, 151-ე მუხლის მე-3 ნაწილით, 151¹, 151² და 152³–152⁹ მუხლებით, 153⁶ მუხლის პირველი, მე-3 და მე-4 ნაწილებითა და 153⁹, 156¹, 158³, 158⁴, 172⁸ და 172⁹ მუხლებით გათვალისწინებულ ადმინისტრაციულ სამართალდარღვევათა საქმეებს, ამ კოდექსის 290⁶ მუხლის გათვალისწინებით, განიხილავს მუნიციპალიტეტის წარმომადგენლობითი ორგანოს მიერ განსაზღვრული მუნიციპალიტეტის მერიის სტრუქტურული ერთეული ან მუნიციპალიტეტის წარმომადგენლობითი ორგანოს მიერ უფლებამოსილი ფიზიკური ან იურიდიული პირი.“.

საქართველოს 2020 წლის 15 ივლისის კანონი №6879  – ვებგვერდი, 28.07.2020წ.

საქართველოს 2020 წლის 17 ივლისის კანონი №7067 – ვებგვერდი, 29.07.2020წ.

6. 228-ე მუხლი ჩამოყალიბდეს შემდეგი რედაქციით:

„მუხლი 228. საქართველოს კომუნიკაციების ეროვნული კომისია

ამ კოდექსის 141-ე, 142-ე, 144¹, 144³–144⁵ და 144¹¹ მუხლებით გათვალისწინებულ ადმინისტრაციულ სამართალდარღვევათა საქმეების განხილვისა და ადმინისტრაციული სახდელების დადების უფლება აქვს საქართველოს კომუნიკაციების ეროვნულ კომისიას.“.

7. 239-ე მუხლის:

ა) მე-14 ნაწილის შემდეგ დაემატოს შემდეგი შინაარსის 14¹ ნაწილი:

„14¹. ამ კოდექსის 46⁵, 46⁶, 172⁸ და 172⁹ მუხლებით გათვალისწინებულ ადმინისტრაციულ სამართალდარღვევათა ოქმებს ადგენს მუნიციპალიტეტის ბავშვის დაცვისა და მხარდაჭერის შესაბამისი სამსახურის თანამდებობის პირი.“;

ბ) 35-ე ნაწილი ჩამოყალიბდეს შემდეგი რედაქციით:

„35. ამ კოდექსის 141-ე−142-ე, 144¹, 144³–144⁵  და 144¹¹ მუხლებით გათვალისწინებულ ადმინისტრაციულ სამართალდარღვევათა ოქმებს ადგენენ საქართველოს კომუნიკაციების ეროვნული კომისიის უფლებამოსილი პირები.“.

საქართველოს 2020 წლის 15 ივლისის კანონი №6879  – ვებგვერდი, 28.07.2020წ.

8. 240¹ მუხლის პირველი ნაწილი ჩამოყალიბდეს შემდეგი რედაქციით:

„1. ამ კოდექსის 46⁵, 46⁶, 103-ე და 107⁴ მუხლებით, 114² მუხლის მე-6 ნაწილით, 125-ე მუხლის მე-8 და მე-12−მე-14 ნაწილებით, 125² მუხლით, 125³ მუხლის მე-4−5¹ ნაწილებით, 125⁴ მუხლით, 130-ე მუხლის მე-4 ნაწილის „ა“ ქვეპუნქტით, 135-ე−135⁴  მუხლებით, 153⁶ მუხლის მე-2 ნაწილითა და 172⁸ და 172⁹ მუხლებით გათვალისწინებულ შემთხვევებში ადმინისტრაციული სამართალდარღვევის ოქმის შინაარსს და მისი გამოწერის წესს განსაზღვრავს მუნიციპალიტეტის წარმომადგენლობითი ორგანო.“.

საქართველოს 2020 წლის 17 ივლისის კანონი №7067 – ვებგვერდი, 29.07.2020წ.

9. 252-ე მუხლის მე-2 ნაწილი ჩამოყალიბდეს შემდეგი რედაქციით:

„2. ამ კოდექსის 45-ე, 45¹, 48-ე, 49-ე, 50^​1, 51-ე−56-ე და 57-ე–57² მუხლებით, 57​³ მუხლის მე-2 ნაწილით, 57^​4−59-ე, 59​²−მე-60, 60³−61​¹, 63-ე−65-ე, 66-ე−69-ე, 69⁴, 69^​5, 71-ე, 72¹−78-ე, 79^​1−81-ე, 82² და 84-ე−85⁵ მუხლებით, 86-ე მუხლის მე-12 ნაწილით, 88-ე−89^​3, 91², 92​¹, 94-ე, 95-ე, 96​¹, 96​², 96​⁴, 98^​1, 99-ე, 100​¹, 100², 103-ე–104-ე, 105​¹, 134-ე, 135-ე, 143-ე, 144-ე, 145-ე, 146​¹, 148-ე−152-ე, 152², 152³, 153-ე, 153​¹, 153^​3–153​⁶, 154-ე−154​², 156-ე, 157​¹–158-ე, 164-ე, 164​⁴, 165-ე, 165^​1, 166-ე−167-ე, 170-ე და 170¹ მუხლებით, 171-ე მუხლის მე-3 ნაწილით, 172-ე მუხლის მე-3 ნაწილითა და 172​⁴, 172⁸, 172⁹, 173-ე–173², 173​⁶, 173​⁷, 173^​9, 174-ე–174​², 175-ე−175​², 177​¹, 177​⁸, 177^​9, 179², 180-ე–183​¹, 185-ე–185​², 187-ე, 187¹, 189-ე, 192-ე, 195-ე, 196^​3, 197¹ და 199¹ მუხლებით გათვალისწინებულ ადმინისტრაციულ სამართალდარღვევათა საქმეების განხილვისას ადმინისტრაციულ პასუხისგებაში მიცემული პირის დასწრება სავალდებულოა. თუ ეს პირი თავს არიდებს შინაგან საქმეთა ორგანოს ან ადმინისტრაციული სასამართლოს (მოსამართლის) გამოძახებით გამოცხადებას, იგი შეიძლება იძულებით იქნეს მიყვანილი შინაგან საქმეთა ორგანოს მიერ.“.

მუხლი 2. ეს კანონი ამოქმედდეს 2020 წლის 1 სექტემბრიდან.

საქართველოს 2020 წლის 21 მაისის კანონი №5912 – ვებგვერდი, 25.05.2020წ.