საარჩევნო დავებზე საერთო სასამართლოებში განსახილველ საქმესთან დაკავშირებული სხდომის დანიშვნისა და მესამე პირების ჩაბმის შესახებ სასამართლოს განჩინების ცესკოს ვებგვერდზე განთავსების წესი

1. ამ დადგენილების ძალაში შესვლიდან 7 დღის ვადაში, განსაზღვროს სხდომის დანიშვნისა და მესამე პირების ჩაბმის შესახებ სასამართლოს განჩინების ცესკოს ვებგვერდზე განთავსებაზე პასუხისმგებელი თანამშრომელი/თანამშრომლები.

2. ამ დადგენილების ძალაში შესვლიდან 7 დღის ვადაში, აცნობოს/გაუგზავნოს საერთო სასამართლოებს:

ა) აღნიშნული დადგენილება;

ბ) შესაბამისი თანამშრომლის/თანამშრომლების სახელი, გვარი და საკონტაქტო ინფორმაცია (ტელეფონის ნომერი);

გ) სხდომის დანიშვნისა და მესამე პირების ჩაბმის შესახებ სასამართლოს განჩინების არამატერიალური ფორმით მიღებისთვის განკუთვნილი ელექტრონული ფოსტის მისამართი.

2. 18:00 საათის შემდეგ საქართველოს ცენტრალურ საარჩევნო კომისიაში მატერიალური ფორმით შემოსული სასამართლოს განჩინება სხდომის დანიშვნისა და მესამე პირების ჩაბმის შესახებ, შემოსვლისთანავე გადაეცემა იურიდიულ დეპარტამენტს ცესკოს ვებგვერდზე დაუყოვნებლივ განსათავსებლად. აღნიშნული განჩინება ცესკოს სარეგისტრაციო და ადმინისტრაციული დეპარტამენტის საქმისწარმოების განყოფილების მიერ რეგისტრირდება მომდევნო სამუშაო დღეს.

3. 18:00 საათის შემდეგ საქართველოს ცენტრალურ საარჩევნო კომისიაში არამატერიალური ფორმით შემოსული სხდომის დანიშვნისა და მესამე პირების ჩაბმის შესახებ სასამართლოს განჩინების შემოსვლის შემოწმებას, განთავსებას და ცესკოს სარეგისტრაციო და ადმინისტრაციული დეპარტამენტის საქმისწარმოების განყოფილებისათვის გადაცემას ახორციელებს ცესკოს იურიდიული დეპარტამენტი. საქმისწარმოების განყოფილება აღნიშნული განჩინების რეგისტრაციას ცესკოს კანცელარიაში ახორციელებს მომდევნო სამუშაო დღეს (რაც არ წარმოადგენს შესაბამისი განჩინების ცესკოში შემოსვლის თარიღს და დროს).

2. ცესკოს იურიდიული დეპარტამენტის თანამშრომლის/თანამშრომლების ვინაობას, რომელიც ახორციელებს სხდომის დანიშვნისა და მესამე პირების ჩაბმის შესახებ სასამართლოს განჩინების არამატერიალური ფორმით შემოსვლის შემოწმებას და ცესკოს  ვებგვერდზე განთავსებას, განსაზღვრავს ცესკოს იურიდიული დეპარტამენტის უფროსი.

3. ცესკოს იურიდიული დეპარტამენტის უფროსის მიერ განსაზღვრული თანამშრომელი (თანამშრომლები) მუდმივ რეჟიმში ახორციელებს სხდომის დანიშვნისა და მესამე პირების ჩაბმის შესახებ სასამართლოს განჩინების არამატერიალური ფორმით შემოსვლის შემოწმებას ელექტრონული ფოსტის მისამართზე: ganchineba@cec.gov.ge.

4. ცესკოს იურიდიული დეპარტამენტის უფროსის მიერ განსაზღვრული თანამშრომელი/თანამშრომლები სხდომის დანიშვნისა და მესამე პირების ჩაბმის შესახებ სასამართლოს განჩინებას მიღებისთანავე, დაუყოვნებლივ განათავსებს ცესკოს ვებგვერდზე.