ყაზბეგის მუნიციპალიტეტის მერიის განათლების, კულტურის, სპორტის, ახალგაზრდობის, ჯანმრთელობის, ბავშვის უფლებებისა და სოციალური დაცვის სამსახურის დებულების დამტკიცების შესახებ

1. მერიის განათლების, კულტურის, სპორტის, ახალგაზრდობის, ჯანმრთელობისა და სოციალური დაცვის სამსახური (ტექსტში შემდგომ – სამსახური) არის მერიის სტრუქტურული ერთეული, რომელიც უზრუნველყოფს სკოლამდელი აღზრდისა და სკოლისგარეშე დაწესებულებების განვითარების, განათლების, კულტურის, სპორტისა და ახალგაზრდობის, ჯანმრთელობის,  სოციალური დაცვისა და დასაქმების  მუნიციპალური პროგრამების შემუშავებასა და განხორციელებას.

2. სამსახური თავის საქმიანობას წარმართავს საქართველოს კანონმდებლობის, მერიის დებულების, ამ დებულებისა და მუნიციპალიტეტის სხვა სამართლებრივი აქტების შესაბამისად.

3. სამსახურის ადგილსამყოფელია დაბა სტეფანწმინდა, ალ.ყაზბეგის ქუჩა №1.

მუხლი 2. სამსახურის სტრუქტურა

1. სამსახური შედგება  პირველადი სტრუქტურული ერთეულის ხელმძღვანელის – სამსახურის უფროსისა და საჯარო მოხელეებისაგან.

2.    სამსახურის    საქმიანობას     წარმართავს    პირველადი სტრუქტურული ერთეულის ხელმძღვანელი – სამსახურის    უფროსი,    რომლის     უფლებამოსილებები     და  სამსახურებრივი  ფუნქციები განისაზღვრება მერიის   დებულების მე-8  მუხლით და სამსახურის უფროსის  სამუშაოთა  აღწერილობით. პირველადი სტრუქტურული ერთეულის ხელმძღვანელის – სამსახურის  უფროსის  არყოფნის  შემთხვევაში, მერის ბრძანებით  სამსახურის უფროსის  უფლება-მოვალეობებს ახორციელებს   სამსახურის მეორე კატეგორიის უფროსი  სპეციალისტი.

3. სამსახურის საჯარო მოხელეების უფლება-მოვალეობები განისაზღვრება  მერიის დებულების მე-14 მუხლით. სამსახურის საჯარო მოხელეების ფუნქციები განისაზღვრება შესაბამისი სამუშაოთა აღწერილობებით.

4. სამსახურის  საჯარო  მოხელეთა   თანამდებობაზე   დანიშვნა-გათავისუფლებისა   და   პროფესიული განვითარების   წესები განისაზღვრება მერიის  დებულებით, „საჯარო სამსახურის შესახებ“ საქართველოს კანონის შესაბამისად.

მუხლი 3. სამსახურის ფუნქციები

სამსახური დადგენილი წესით უზრუნველყოფს:

ა) სკოლამდელი აღზრდისა და სკოლისგარეშე დაწესებულებების, განათლების, კულტურის, სპორტისა და ახალგაზრდობის მუნიციპალურ პროგრამების შემუშავებასა და განხორციელებას;

ბ) თვითმმართველი ერთეულის ბიუჯეტის დაფინანსებაზე მყოფი სკოლამდელი აღზრდისა და სკოლისგარეშე დაწესებულებების, კულტურისა და სასპორტო ინფრასტრუქტურის ობიექტების მართვას, მათი რეაბილიტაციისა და განვითარების პროგრამების პროექტების მომზადებას;

გ) ადგილობრივი თვითმყოფადობის, შემოქმედებითი საქმიანობისა და კულტურული მემკვიდრეობის დაცვის და განვითარების ხელშეწყობას;

დ) ადგილობრივი მნიშვნელობის კულტურის ძეგლთა მოვლა-შენახვას, რეკონსტრუქციასა და რეაბილიტაციის ღონისძიებების დაგეგმვისა და განხორციელების ხელშეწყობას;

ე) მუნიციპალიტეტის მართვაში არსებული ბიბლიოთეკების, საკლუბო დაწესებულებების, კინოთეატრების, მუზეუმების, თეატრების, საგამოფენო დარბაზებისა და სპორტულ-გამაჯანსაღებელი ობიექტების ფუნქციონირების უზრუნველყოფას, ახალი ობიექტების მშენებლობის შესახებ წინადადებების მომზადებასა და შესაბამისი პროგრამების განხორციელების ხელშეწყობას;

ვ) სკოლამდელი სააღმზრდელო და სკოლისგარეშე დაწესებულებების მართვას;

ზ) მუნიციპალიტეტის ტერიტორიაზე მდებარე ადრეული და სკოლამდელი აღზრდისა და განათლების დაწესებულებების ავტორიზაციას;

თ) მუნიციპალური სპორტული ღონისძიებების დაგეგმვას და განხორციელებას;

ი) ადგილობრივ დონეზე ახალგაზრდული პოლიტიკის განვითარების მიზნით მუნიციპალურ პროგრამათა მომზადებას;

კ) წინადადებების შემუშავებას ახალგაზრდობის და გენდერული თანასწორობის საკითხებზე;

ლ) ჯანმრთელობის, სოციალური დაცვისა და დასაქმების მუნიციპალური პროგრამების   შემუშავებასა და განხორციელებას;

მ)  მუნიციპალიტეტისათვის დელეგირებული საზოგადოებრივი ჯანდაცვის უფლებამოსილებათა განხორციელების კოორდინაციას;

ნ)  ჯანდაცვის მუნიციპალური ობიექტების მართვის კოორდინაციას;

ო) უმუშევართა რეგისტრაციას, მათი პროფესიული გადამზადებისა და სოციალური რეაბილიტაციის ხელშეწყობას;

პ) წინადადებების შემუშავებას ჯანმრთელობისა და სოციალური დაცვის დაწესებულებათა შექმნისა და რეორგანიზაციის საკითხებზე;

ჟ) უსახლკაროთა რეგისტრაციას და მათ თავშესაფრით უზრუნველყოფას;

რ) სამზრუნველო დაწესებულებათა ქსელის განვითარებასა და მოსახლეობის სოციალური ადაპტაციისათვის საჭირო ღოსიძიებების გატარების კოორდინაციას;

ს) შესაბამისი სფეროების განვითარების ხელშეწყობას, შესაბამის ორგანიზაციებთან და ჯგუფებთან თანამშრომლობას, ურთიერთობას და მათი საქმიანობის ხელშეწყობას;

ტ) მოქმედი კანონმდებლობით და მუნიციპალიტეტის სამართლებრივი აქტებით განსაზღვრული სხვა ფუნქციების განხორციელებას.