„ზუგდიდის მუნიციპალიტეტის საკრებულოს დებულების (რეგლამენტი) დამტკიცების შესახებ“ ზუგდიდის მუნიციპალიტეტის საკრებულოს 2017 წლის 14 ნოემბრის №1 დადგენილებაში ცვლილების შეტანის შესახებ

ა) ამოღებულ იქნეს მე-3 მუხლის მე-7 პუნქტის „კ“ ქვეპუნქტი;

ბ) მე-13 მუხლის მე-5 პუნქტი ჩამოყალიბდეს შემდეგი რედაქციით:

„5.  საკრებულო,  საკრებულოს  წევრის  უფლებამოსილების  ვადამდე  შეწყვეტის  საკითხზე  გადაწყვეტილებას იღებს საკრებულოს იურიდიულ, სამანდატო და ადამიანის უფლებათა დაცვის საკითხთა კომისიის წარდგინების (დასკვნის) საფუძველზე.“;

გ) მე-13 მუხლის მე-7 პუნქტი ჩამოყალიბდეს შემდეგი რედაქციით:

„7. ამ  მუხლის  მე-4  პუნქტის  ,,ე“ ქვეპუნქტით  გათვალისწინებულ  შემთხვევაში  საკრებულოს  იურიდიულ, სამანდატო და ადამიანის უფლებათა დაცვის საკითხთა კომისია არკვევს საკრებულოს წევრის გაცდენის მიზეზებს და თუ დადასტურდა, რომ გაცდენები   არასაპატიოა,   საკრებულოს   წარუდგენს    შესაბამის   დასკვნას.   გადაწყვეტილებას   საკრებულოს წევრის უფლეაბამოსილების ვადამდე შეწყვეტის შესახებ საკრებულო იღებს ღია კენჭისყრით.“;

დ) მე-14 მუხლის პირველი პუნქტის „გ“ ქვეპუნქტი ჩამოყალიბდეს შემდეგი რედაქციით:

„გ) ამ რეგლამენტის 126-ე მუხლით დადგენილი წესით შეხვდეს მოქალაქეებს;“;

ე) მე-17 მუხლის მე-3 პუნქტი ჩამოყალიბდეს შემდეგი რედაქციით:

„3.   საკრებულოს   თავმჯდომარე   ანგარიშვალდებულია   საკრებულოს   წინაშე.   საკრებულოს   თავმჯდომარე მოვალეა ამ რეგლამენტის 128–ე მუხლით დადგენილი წესით წელიწადში ერთხელ მაინც საკრებულოს წარუდგინოს  ანგარიში  მის მიერ გაწეული  მუშაობის  შესახებ  დაგამოაქვეყნოს;“;

ვ) მე-17 მუხლის მე-5 პუნქტი ჩამოყალიბდეს შემდეგი რედაქციით:

„5.   საკრებულოს   თავმჯდომარეს   უფლებამოსილება   ვადამდე   უწყდება   ამ   რეგლამენტის   96-ე   მუხლით დადგენილი წესით გადარჩევის, თანამდებობიდან გადადგომის, მისი, როგორც საკრებულოს წევრის უფლებამოსილების  შეწყვეტის, აგრეთვე „საჯარო სამსახურში ინტერესთა შეუთავსებლობისა და კორუფციის შესახებ“  საქართველოს   კანონით  გათვალისწინებული   თანამდებობის  პირისთვის  შეუთავსებელი თანამდებობის დაკავების ან შეუთავსებელი საქმიანობის შემთხვევაში.“;

ზ) მე-18  მუხლის პირველი პუნქტი ჩამოყალიბდეს შემდეგი რედაქციით:

„1.  საკრებულოს  თავმჯდომარის   მოადგილეს/მოადგილეებს  თავის  შემადგენლობიდან,   საკრებულოს  უფლებამოსილების ვადით საკრებულოს წევრთა სიითი შემადგენლობის ნახევარზე მეტით  „ადგილობრივი თვითმმართველობის კოდექსი“ 36-ე მუხლის და ამ დებულების მე-97 მუხლით დადგენილი წესით ირჩევს საკრებულო.“;

თ) მე-18  მუხლის მე-5 პუნქტი ჩამოყალიბდეს შემდეგი რედაქციით:

„5.  საკრებულოს  თავმჯდომარის   მოადგილეს /მოადგილეებს უფლებამოსილება   ვადამდე  უწყდება  ამ  რეგლამენტის  98-ე მუხლით დადგენილი წესით გადარჩევის, თანამდებობიდან გადადგომის, მისი, როგორც საკრებულოს წევრის უფლებამოსილების  შეწყვეტის, აგრეთვე „საჯარო სამსახურში ინტერესთა შეუთავსებლობისა და კორუფციის შესახებ“  საქართველოს   კანონით  გათვალისწინებული   თანამდებობის  პირისთვის  შეუთავსებელი თანამდებობის დაკავების ან შეუთავსებელი საქმიანობის შემთხვევაში.“;

ი) 25-ე  მუხლის მე-3 პუნქტი ჩამოყალიბდეს შემდეგი რედაქციით:

„3. საკრებულოს  ბიუროს  სხდომის  ოქმს  აფორმებს  და ამ  რეგლამენტის  131-ე მუხლით  დადგენილი  წესით აქვეყნებს საკრებულოს აპარატი.“;

კ) 26-ე  მუხლის პირველი პუნქტი ჩამოყალიბდეს შემდეგი რედაქციით:

„1.  კომისიის   თავმჯდომარეს   თანამდებობაზე   ირჩევს   საკრებულო  თავისი   შემადგენლობიდან.   კომისიის თავმჯდომარის არჩევა და გადარჩევა ხდება ამ რეგლამენტის 99–ე და 100–ე მუხლებით დადგენილი წესით.“;

ლ) 26-ე  მუხლის მე-6 პუნქტი ჩამოყალიბდეს შემდეგი რედაქციით:

:6.   კომისიის    თავმჯდომარეს    უფლებამოსილება    ვადამდე   უწყდება   ამ   რეგლამენტის    100-ე   მუხლით დადგენილი წესით გადარჩევის, თანამდებობიდან გადადგომის, მისი, როგორც საკრებულოს წევრის უფლებამოსილების  შეწყვეტის, აგრეთვე „საჯარო სამსახურში ინტერესთა შეუთავსებლობისა და კორუფციის შესახებ“  საქართველოს   კანონით  გათვალისწინებული   თანამდებობის  პირისთვის  შეუთავსებელი თანამდებობის დაკავების ან შეუთავსებელი საქმიანობის შემთხვევაში.“;

მ) 45-ე  მუხლის პირველი პუნქტი ჩამოყალიბდეს შემდეგი რედაქციით:

„1. ახლადარჩეული  საკრებულოს  ხმისდამთვლელი  დროებით კომისიის  და  დროებითი სამანდატო კომისიის არჩევის შემდეგ, საარჩევნო კომისიის თავმჯდომარე დროებით სამანდატო კომისიას გადასცემს საკრებულოს წევრთა უფლებამოსილების  ცნობისათვის  საჭირო დოკუმენტაციას  (საარჩევნო ოქმები, მასალები არჩევნების შედეგების,    მათი    ჩატარების    სისწორის,    შემოსული    საჩივრების    თაობაზე,    განცხადებები    საარჩევნო კანონმდებლობის   დარღვევის   გამოვლენილი   ფაქტების   შესახებ   და   სხვა),   რის   შემდეგადაც   ცხადდება შესვენება.  შესვენების  დროს, ცალკე ოთახში, იკრიბება სამანდატო დროებითი კომისია, რომელიც საარჩევნო კომისიის   მიერ   წარმოდგენილ   მასალებზე   დაყრდნობით   ამზადებს   და  შესაბამის   დასკვნას   მოახსენებს საკრებულოს.“;

ნ) 47-ე  მუხლის მე-2 პუნქტი ჩამოყალიბდეს შემდეგი რედაქციით:

„2. ცნობა საკრებულოს  მორიგი სხდომს ჩატარების  ადგილის, მორიგი სხდომის დაწყებისა და  დამთავრების სავარაუდო  თარიღის,  სხდომების  განრიგის,  დღის  დღის  წესრიგის  თაობაზე  და განსახილვევ  საკითხებზე დაინტერესებულ  პირთა მიერ მოსაზრებების  წარდგენის  ვადის შესახებ ქვეყნდება  ამ რეგლამენტის 131-ე მუხლით დადგენილი წესით.“;

ო) 57-ე  მუხლის მე-2 პუნქტი ჩამოყალიბდეს შემდეგი რედაქციით:

„2. საკრებულოს   სხდომაზე   საკითხის   განხილვის   საჯაროობის   დაცვის   მიზნით   საკრებულოს   აპარატი უზრუნველყოფს  საკრებულოს   სხდომს ჩატარების  ადგილის, მორიგი სხდომის  დაწყებისა და დამთავრების სავარაუდო    თარიღის,   სხდომების   განრიგის,   დღის   წესრიგის   თაობაზე   და   განსახილვევ   საკითხებზე დაინტერესებულ   პირთა   მიერ  მოსაზრებების   წარდგენის   ვადის  შესახებ  ცნობის  გამოქვეყნებას   მორიგი სხდომის გახსნამდე 2–3 დღით ადრე მაინც, ამ რეგლამენტის 131-ე მუხლით დადგენილი წესით.“;

პ) 81-ე  მუხლი ჩამოყალიბდეს შემდეგი რედაქციით:

„1. საკრებულოს მიერ ნორმატიული ადმინისტრაციულ-სამართლებრივი აქტის (დადგენილების) მისაღებად ადმინისტრაციული წარმოება დაიწყება საკრებულოს გადაწყვეტილებით.

2. გადაწყვეტილება ნორმატიული ადმინისტრაციულ-სამართლებრივი აქტის (დადგენილების) მისაღებად ადმინისტრაციული წარმოების დაწყების თაობაზე წერილობითია და წარმოადგენს ინდივიდუალურ ადმინისტრაციულ-სამართლებრივ აქტს საკრებულოს განკარგულებას.

3. ადმინისტრაციული წარმოება ნორმატიული ადმინისტრაციულ-სამართლებრივი აქტის (დადგენილების) მისაღებად შეიძლება დაიწყოს ფიზიკური ან იურიდიული პირის, ადმინისტრაციული ორგანოს განცხადების საფუძველზე მხოლოდ კანონით გათვალისწინებულ შემთხვევებში.

4. ადმინისტრაციული წარმოების დაწყების თაობაზე გადაწყვეტილების გასაჩივრების მიმართ გამოიყენება საქართველოს ზოგადი ადმინისტრაციული კოდექსის 177-ე მუხლის მე-4 ნაწილი.

5. საკრებულოს ნორმატიული ადმინისტრაციულ-სამართლებრივი აქტის (დადგენილების) პროექტი გამოქვეყნდეს საკრებულოს ვებგვერდზე.

6. ნორმატიული ადმინისტრაციულ-სამართლებრივი აქტის პროექტთან ერთად უნდა გამოქვეყნდეს ცნობა ადმინისტრაციული წარმოების შესახებ.

7. ადმინისტრაციული წარმოების შესახებ ცნობაში აღინიშნება:

ა) ზუგდიდის მუნიციპალიტეტის საკრებულოში ნორმატიული ადმინისტრაციულ-სამართლებრივი აქტის (დადგენილების) მისაღებად ადმინისტრაციული წარმოების მიმდინარეობის შესახებ;

ბ) ნორმატიული ადმინისტრაციულ-სამართლებრივი აქტის (დადგენილების) მიღების ვადა;

გ) ზუგდიდის მუნიციპალიტეტის საკრებულოს მისამართი, რომელშიც შესაძლებელია მოსაზრებების წარდგენა;

დ) მოსაზრებების წარდგენის ვადა.

8. საკრებულოს ნორმატიული ადმინისტრაციულ-სამართლებრივი აქტის პროექტი უნდა გაეგზავნოს მერიას, საკრებულოს კომისიებსა და ფრაქციებს.

9. საკრებულოს შესაბამისი კომისიისა და მერიის დასკვნის მომზადებისა და საკრებულოში წარდგენის ვადას შესაბამის კომისიასთან, მერთან და პროექტის ავტორთან შეთანხმებით განსაზღვრავს საკრებულოს ბიურო. ნორმატიული აქტის პროექტზე უარყოფითი დასკვნა ან დადგენილი ვადის გასვლის შემდეგ დასკვნის არარსებობა არ შეიძლება იყოს დაბრკოლება საკრებულოს სხდომაზე პროექტის განხილვის დაწყებისათვის.

10. დებატების დამთავრების შემდეგ, კენჭისყრამდე საკრებულოს წევრს, საკრებულოს კომისიას ან საკრებულოს ფრაქციას შეუძლია დააყენოს საკითხი ნორმატიული აქტის პროექტის კომისიაში ხელახალი დაბრუნების ან სხვა კომისიაში გადაცემის შესახებ, შემთანხმებელი ჯგუფის შექმნის შესახებ ან საკონსულტაციო შეხვედრის გამართვის შესახებ.

11. შემთანხმებელი ჯგუფი შეიძლება შეიქმნას კენჭისყრის დაწყებამდე ან პროექტზე მუხლობრივი კენჭისყრის დამთავრების შემდეგ საბოლოო კენჭისყრამდე. გადაწყვეტილება შემათანხმებელი ჯგუფის შექმნის შესახებ მიიღება საკრებულოს მიერ ღია კენჭისყრით ან საკრებულოს თავმჯდომარის წინადადებით, თუ საკრებულოს არც ერთი წევრი არ არის ამის წინააღმდეგი. შემთანხმებლური ჯგუფის შექმნის შემთხვევაში წარმოდგენილ პროექტზე კენჭისყრა გადაიდება საკრებულოს მიერ დადგენილი ვადით. შემათანხმებელ ჯგუფს, როგორც წესი ხელმძღვანელობს საკრებულოს თავმჯდომარე, ან საკრებულოს თავმჯდომარის მოადგილე.

12. შემთანხმებელი ჯგუფი საკრებულოს მიერ განსაზღვრულ ვადაში ამზადებს კომპრომისულ წინადადებებს, რომელსაც საკრებულო იხილავს შეზღუდული დებატების წესით. შეთანხმების მიუღწევლობის შემთხვევაში, პროექტს კენჭი ეყრება იმ სახით, როგორიც იყო ინიციირებული, ხელეხალი დებატების გამართვის გარეშე.

13. საკრებულოს მიერ პროექტის უარყოფის შემთხვევაში, მისი შემდგომი განხილვა შეიძლება დაიწყოს მხოლოდ სამი თვის ვადის გასვლის შემდეგ.

14. უარყოფილი პროექტი სამ თვეზე ადრე შეიძლება განმეორებით იქნეს გატანილი ამ რეგლამენტის 93-ე მუხლით გათვალისწინებულ შემთხვევაში, ან თუ იგი არსებითად გადამუშავდა, რაზედაც გადაწყვეტილებას იღებს საკრებულოს ბიურო.

15. ნორმატიული აქტის პროექტის განხილვის შემდეგ, თუ მასში ცვლილებები არ იქნა შეტანილი, დაუყოვნებლივ ეწყობა კენჭისყრა. თუ ცვლილებები შეტანილ იქნა, წინასწარი კენჭისყრა ტარდება შეტანილ ცვლილებათა ერთ ტექსტამდე დაყვანის მიზნით.

16. კენჭისყრა ტარდება ამ რეგლამენტის X თავით დადგენილი წესით.

17. გადაწყვეტილება ნორმატიული აქტის პროექტის მიღების შესახებ მიიღება, თუ სხდომას ესწრება საკრებულოს წევრთა სრული შემადგენლობის უმრავლესობა. გადაწყვეტილება მიიღება სხდომაზე დამსწრე საკრებულოს წევრთა ნახევარზე მეტით, მაგრამ არანაკლებ საკრებულოს წევრთა სიითი შემადგენლობის ერთი მესამედისა, თუ კანონით სხვა წესი არ არის დადგენილი.“;

ჟ) 82-ე  მუხლის მე-9 პუნქტი ჩამოყალიბდეს შემდეგი რედაქციით:

„9. კენჭისყრა ტარდება ამ რეგლამენტის X თავით დადგენილი წესით.“;

რ) 84-ე  მუხლის მე-6 პუნქტი  ჩამოყალიბდეს შემდეგი რედაქციით:

„6.  ბიუჯეტის  პროექტზე  გამოთქმულ  შენიშვნებზე  მერის  დასკვნას  და ბიუჯეტის  შესწორებულ ვარიანტს   (შესწორების   შემთხვევაში)    ამ   რეგლამენტის    131-ე   მუხლით   დადგენილი   წესით   აქვეყნებს საკრებულოს აპარატი მერის მიერ მისი შემოტანიდან 2 დღის ვადაში.“;

ს) 90-ე  მუხლის მე-4 პუნქტი ჩამოყალიბდეს შემდეგი რედაქციით:

„4. საკრებულო განიხილავს შეთანხმების, ხელშეკრულების, გარიგების პროექტს და თავის გადაწყვეტილებით შეაქვს მასში შესაბამისი ცვლილებები  და დამატებები.  საკრებულო,  ასევე უფლებამოსილია  მერს შეთანხმების,  ხელშეკრულების  თუ  გარიგების  დადებაზე  თანხმობა  მისცეს გარკვეული  პირობების დაწესებით. პირობების  შეცვლის შემთხვევაში მერი   ვალდებულია ხელახლა ითხოვოს თანხმობა ამ შეთანხმების, ხელშეკრულების თუ გარიგების დადებაზე.“;

ტ) 105-ე  მუხლის მე-2 პუნქტი  ჩამოყალიბდეს შემდეგი რედაქციით:

„2. ნორმატიული  აქტის პროექტის გამოქვეყნებასთან  ერთად საკრებულოს ვებგვერდზე, ასევე სავალდებულოა   გამოქვეყნდეს რეგლამენტის 81-ე მუხლით  დადგენილი ცნობა ადმინისტრაციული წარმოების შესახებ.“;

უ) 116-ე  მუხლის მე-15 პუნქტი  ჩამოყალიბდეს შემდეგი რედაქციით:

„15. ამ მუხლის მე-4 პუნქტის „ბ“ ან „გ“ ქვეპუნქტით გათვალისწინებული პეტიცია მუნიციპალიტეტის საკრებულოს  ბიუროს  გადაწყვეტილებით,  მისი  რეგისტრაციიდან  7 დღის ვადაში, შესასწავლად  გადაეცემა მუნიციპალიტეტის  საკრებულოს შესაბამის კომისიას ან მუნიციპალიტეტის  საკრებულოს მუნიციპალიტეტის საკრებულოს  სამუშაო  ჯგუფის  შექმნის  წინადადებით,  ან აღნიშნული  პეტიცია უფლებამოსილების შესაბამისად,   განსახილველად   ეგზავნება   მუნიციპალიტეტის   მერს.   მუნიციპალიტეტის საკრებულო  მუნიციპალიტეტის  საკრებულოს ბიუროს მიერ პეტიციის გადაგზავნიდან 1 თვის ვადაში იღებს გადაწყვეტილებას პეტიციის შესასწავლად მუნიციპალიტეტის საკრებულოს სამუშაო ჯგუფის შექმნის მიზანშეწონილობის შესახებ ან პეტიციას უგზავნის მუნიციპალიტეტის საკრებულოს შესაბამის კომისიას.“;

ფ) 122-ე  მუხლის მე-3 პუნქტი  ჩამოყალიბდეს შემდეგი რედაქციით:

„3. საზოგადოებრივი  აზრის  შესწავლის  შედეგები  ქვეყნდება  და სავალდებულოა  იქნეს მოსმენილი საკრებულოს, საკრებულოს ბიუროს, საკრებულოს კომისიის, საკრებულოს დროებითი სამუშაო ჯგუფის, მერიის სტრუქტურული ერთეულისა და წარმომადგენლის მიერ საკითხის განხილვისას.“;

ქ) 123-ე  მუხლის მე-8 პუნქტი  ჩამოყალიბდეს შემდეგი რედაქციით:

„8.  დასახლების   საერთო   კრებას   ვალდებულია   ესწრებოდეს   მერის   წარმომადგენელი   ამ  საარჩევნო ოლქიდან არჩეული საკრებულოს წევრი და საკრებულოს აპარატის წარმომადგენელი, რომელიც ადგენს დასახლების საერთო კრების ოქმს და აცნობს მას კრების მონაწილეებს.“;

ღ) 123-ე  მუხლის მე-10 პუნქტი  ჩამოყალიბდეს შემდეგი რედაქციით:

„10. დასახლების საერთო კრების ოქმი წაკითხული უნდა იქნეს დასახლების საერთო კრებაზე და გამოთქმული შენიშვნების  გათვალისწინებით  ხელს  აწერენ  კრებაზე  დამსწრე  მერის  წარმომადგენელი  ამ დასახლებიდან   არჩეული   საკრებულოს  წევრი,   საკრებულოს  აპარატის  წარმომადგენელი   და  კრების  არა ნაკლებ ხუთი მონაწილე.“;

ყ) 129-ე  მუხლის პირველი პუნქტი  ჩამოყალიბდეს შემდეგი რედაქციით:

„1.  საკრებულო,  საკრებულოს  ბიურო,  საკრებულოს  კომისია,  საკრებულოს  ფრაქცია,  მერიის სტრუქტურული  ერთეულები  და ადგილობრივი  თვითმმართველობის  თანამდებობის  პირები: საკრებულოს ბიუროს წევრები, მერი, მერიის  სამსახურების უფროსები ვალდებულნი არიან ამ რეგლამენტის 131-ე მუხლით   დადგენილი   წესით   წელიწადში   ერთხელ  მაინც  გამოაქვეყნონ  ანგარიში  გაწეული  საქმიანობის შესახებ.“;

შ) 131-ე  მუხლის მე-3 პუნქტის“დ“ ქვეპუნქტი  ჩამოყალიბდეს შემდეგი რედაქციით:

„დ) დასახლების საერთო კრების ოქმები მერიის  მიერ შესაბამისი ოქმის ან მისი ასლის მიღებიდან 10 დღის ვადაში;“;

ჩ) 131-ე  მუხლის მე-3 პუნქტის“კ“ ქვეპუნქტი  ჩამოყალიბდეს შემდეგი რედაქციით:

„კ)  მუნიციპალიტეტის   მერის  და  მუნიციპალიტეტის   საკრებულოს  წევრის  მიერ  გაწეული  მუშაობის შესახებ ამ კანონით გათვალისწინებული ანგარიშები, შესაბამისი ანგარიშის წარდგენიდან 10 დღის ვადაში;“.

დადგენილების ამოქმედებისთანავე ძალადაკარგულად გამოცხადდეს:

ა) „ზუგდიდის მუნიციპალიტეტის საკრებულოს აპარატის დებულების დამტკიცების შესახებ“  ზუგდიდის მუნიციპალიტეტის საკრებულოს 2014 წლის 14 ივლისის №2 დადგენილება:

ბ) „ქალაქ ზუგდიდის მუნიციპალიტეტის საკრებულოს აპარატის დებულების დამტკიცების შესახებ“  ქალაქ ზუგდიდის მუნიციპალიტეტის საკრებულოს 2014 წლის 14 ივლისის  №2 დადგენილება.