ტყიბულის მუნიციპალიტეტის სასარგებლო წიაღისეულის მოპოვების ლიცენზიისაგან გათავისუფლების თაობაზე

საქართველოს მთავრობის

განკარგულება №1821

2017 წლის 29 აგვისტო

ქ. თბილისი

ტყიბულის მუნიციპალიტეტის სასარგებლო წიაღისეულის მოპოვების ლიცენზიისაგან გათავისუფლების თაობაზე

1. „სასარგებლო წიაღისეულის მოპოვების ლიცენზიის გაცემის წესისა და პირობების შესახებ დებულების დამტკიცების თაობაზე“ საქართველოს მთავრობის 2005 წლის 11 აგვისტოს №136 დადგენილებით დამტკიცებული დებულების (შემდგომში – დებულება) 7⁴ მუხლის პირველი პუნქტის „ა“ ქვეპუნქტისა და 1¹ პუნქტის საფუძველზე, სახელმწიფოებრივი და საზოგადოებრივი ინტერესების გათვალისწინებით, ადგილობრივი მნიშვნელობის გზების სარეაბილიტაციო სამუშაოების განხორციელების მიზნით, ტყიბულის მუნიციპალიტეტი სამი თვის ვადით გათავისუფლდეს სასარგებლო წიაღისეულის მოპოვების ლიცენზიისაგან და მიეცეს უფლება, მოიპოვოს 13 643 მ³ ინერტული მასალა ტყიბულის მუნიციპალიტეტის ტერიტორიაზე, შემდეგი X და Y კოორდინატების საზღვრებში:

       ა) სოფ. გურნას მიმდებარე ტერიტორია – 1200 კბ.მ ტუფოქვიშაქვა (ღორღი):

       ბ) სოფ. სოჩხეთის მიმდებარე ტერიტორია – 3000 კბ.მ ტუფოქვიშაქვა (ღორღი):

       გ) სოფ. მუხურას მიმდებარე ტერიტორია – 1650 კბ.მ კირქვა (ღორღი):

       დ) სოფ. ხრესილის მიმდებარე ტერიტორია – 1200 კბ.მ ტუფოქვიშაქვა (ღორღი):

       ე) სოფ. ოჯოლას მიმდებარე ტერიტორია – 1993 კბ.მ ტუფოქვიშაქვა (ღორღი):

       ვ) სოფ. საწირეს მიმდებარე ტერიტორია – 2400 კბ.მ კირქვა (ღორღი):

       ზ) სოფ. საწირეს მიმდებარე ტერიტორია – 2200 კბ.მ კირქვა (ღორღი):

2. ლიცენზიისაგან გათავისუფლებული პირი – ტყიბულის მუნიციპალიტეტი ვალდებულია:

ა) უზრუნველყოს საქართველოს გარემოსა და ბუნებრივი რესურსების დაცვის სამინისტროს სსიპ – გარემოს ეროვნული სააგენტოს შესაბამისი დასკვნებით (გეოსაინფორმაციო პაკეტები) განსაზ­ღვრული პირობების შესრულება;

ბ) მოპოვებული სასარგებლო წიაღისეული გამოიყენოს მხოლოდ ამ განკარგულების პირველი პუნქტით განსაზღვრული მიზნისათვის;

გ) შესაბამის წიაღითსარგებლობის ობიექტებზე წიაღისეულის მოპოვება განახორციელოს სსდ – საქართველოს საავტომობილო გზების დეპარტამენტისა და სს „სილქნეტის“ მიერ განსაზღვრული პირობების გათვალისწინებით;

დ) დებულების 7⁴ მუხლის 2¹ პუნქტის შესაბამისად, სასარგებლო წიაღისეულის მოპოვების ლიცენზიისაგან გათავისუფლებისათვის, ამ განკარგულების ძალაში შესვლიდან ერთი თვის ვადაში უზრუნველყოს საქართველოს სახელმწიფო ბიუჯეტში 1898 (ერთი ათას რვაას ოთხმოცდათვრამეტი) ლარის გადახდა.

3. ტყიბულის მუნიციპალიტეტის მიერ ლიცენზიისაგან გათავისუფლების საფუძველზე მოპოვებული სასარგებლო წიაღისეულის მიზნობრივად გამოყენების ზედამხედველობა განახორციელოს საქართველოს გარემოსა და ბუნებრივი რესურსების დაცვის სამინისტროს სახელმწიფო საქვეუწყებო დაწესებულებამ – გარემოსდაცვითი ზედამხედველობის დეპარტამენტმა (შემდგომში – გარემოსდაცვითი ზედამხედველობის დეპარტამენტი).

4. ტყიბულის მუნიციპალიტეტმა სასარგებლო წიაღისეულის მოპოვების ვადის გასვლიდან ორი კვირის ვადაში გარემოსდაცვითი ზედამხედველობის დეპარტამენტში წარადგინოს ინფორმაცია მოპოვებული ბუნებრივი რესურსის ოდენობის შესახებ.

პრემიერ-მინისტრი გიორგი კვირიკაშვილი